#နိုင်ငံတကာသတင်း
◾️USAID ဝန်ထမ်းများအား ခွင့်ယူခိုင်းမည့် ထရန့်အစီအစဉ် ဖက်ဒရယ်တရားသူကြီး တားဆီး
နိုင်ငံတကာဖွံ့ဖြိုးတိုးတက်ရေးအမေရိကန်‌အေဂျင်စီ ( USAID ) ဝန်ထမ်း ၂၂၀၀ ဦး အား ခွင့်ယူခိုင်းမည့် အစီအစဉ်ကို ရပ်ဆိုင်းထားမည်ဖြစ်ကြောင်း အမေရိ ကန် တရားသူကြီးတစ်ဦးက ပြော ကြားလိုက်ပြီးနောက် ယင်းမှာ အဆိုပါအေဂျင်စီအား ဖျက်သိမ်းရန် ထရန့်အစိုးရ၏လုပ်ရပ်အချို့အား တားဆီးရေးအတွက် အကန့်အသတ်နှင့် ယာယီထုတ်ပြန်သည့် အမိန့်တစ်စိတ်တစ်ပိုင်းဖြစ်ကြောင်း ရိုက်တာသတင်းက ဖော်ပြသည်။
အေဂျင်စီအား ပိတ်ပစ်ရန် ထရန့်အစိုးရ၏ကြိုးပမ်းမှုကိုရပ်တန့်ရန် အမေရိကန်အစိုးရဝန်ထမ်းများသမဂ္ဂ နှင့် နိုင်ငံရပ်ခြားဝန်ထမ်းများအစည်းအရုံးတို့က တရားစွဲဆိုခဲ့သော အမှုကြားနာပွဲတွင် သမ္မတ ဒေါ်နယ်ထရန့် ပထမသက်တမ်းတွင် အမည်စာရင်းတင်သွင်းမှုရခဲ့သည့် ခရိုင်တရားသူကြီး ကားလ်နီကိုလ်ဆင် က အထက်ပါအတိုင်း ဆုံးဖြတ်ခဲ့ခြင်းဖြစ်သည်။
ဆုံးဖြတ်ချက်စာလွှာ နှင့် အသေးစိတ် အချက်အလက်များကို နောက်ပိုင်းတွင် ထုတ်ပြန်သွားမည်ဟု တရားသူကြီး က ပြောကြားသည်။
သို့ရာတွင် USAIDရုံးများပြန်ဖွင့်ရေး နှင့် ထောက်ပံ့ငွေများ ၊ ကန်ထရိုက်စာချုပ်များ ပြန်လည်ထားရှိရေး လျှောက်ထားချက်များအား တောင်းဆိုမှုကို တရားသူကြီး က ခွင့်ပြုပေးမည့် အလားအလာမရှိကြောင်း ရိုက်တာသတင်းက ဆက်လက်ဖော်ပြသည်။
စုစု‌ပေါင်း တစ်သောင်းအထိရှိသော ကမ္ဘာတစ်ဝန်းလုပ်သားအင်အား မှ ၆၁၁ ဦးကိုသာ ဆက်လက်ခန့်ထားမည်ဖြစ်ကြောင်း နိုင်ငံရပ်ခြားအကူအညီပေးရေးအေဂျင်စီ ဝန်ထမ်းများအား ထရန့် အစိုးရ က ပြီးခဲ့သည့်ကြာသပတေးနေ့က အသိပေးခဲ့ပြီးနောက် ယမန်နေ့မှာပင် တရားစွဲဆိုမှုနှင့် တရားသူကြီး ဆုံးဖြတ်ချက် ထွက်ပေါ်လာခြင်းဖြစ်သည်။
လုပ်သားအင်အားအမြောက်အမြားလျှော့ချခြင်း ၊ ရုံးများကိုပိတ်သိမ်းခြင်းနှင့် ဝန်ထမ်းများအား အတင်းအကျပ် ရွှေ့ပြောင်းနေရာချထားခြင်းများမှာ သမ္မတ၏ လုပ်ပိုင်ခွင့်ကို ကျော်လွန်ပြီး အာဏာပါဝါခွဲခြားထားမှုကို ချိုးဖောက်သော လုပ်ဆောင်မှုဖြစ်ကြောင်း တရားလိုရှေ့နေ ကာလာဂီးလ်ဘရိုက်ဒ် က ပြောကြားသည်။
USAID တွင် အကျင့်ပျက်ခြစားမှုများနှင့် မသမာမှုများရှိနေသည်ဟု သမ္မတက ဆုံးဖြတ်ခဲ့ကြောင်း အစိုးရရှေ့နေ ဘရက်ရူးမိတ် က ပြောကြားသည်။
ယင်းအေဂျင်စီတွင် အကျင့်ပျက်ခြစားမှုများဖြစ်ပေါ်နေကြောင်း နှင့် မသမာသောနည်းလမ်းများဖြင့် ငွေကြေးသုံးစွဲမှုများရှိနေကြောင်း ဒေါ်နယ်ထရန့်ကလည်း ၎င်း၏ Truthလူမှု ကွန်ရက်ပေါ်တွင် အထောက် အထားမဖော်ပြဘဲ ပြောကြားသည်။
‌ငွေကြေးမက်လုံးများဖြင့် ဖက်ဒရယ်အစိုးရဝန်ထမ်းများအားနုတ်ထွက်ခိုင်းသော အစီအစဉ်နှင့် အမေရိကန်နိုင်ငံ၌မွေးဖွားသူများအား မွေးရာပါနိုင်ငံသားဖြစ်ခွင့်ရပ်တန့်မည့် အစီအစဉ်များကိုလည်း တရားရုံးများက တားဆီးထားကြောင်း အေပီသတင်းက ဖော်ပြသည်။
သတင်း-ရဲမင်း
ကိုးကား-Reuters/AP

#ပြည်တွင်းသတင်း
◾️လားရှိုးမြို့သို့ ကုန်စည်များ ဝင်ရောက်လာသော်လည်း ကုန်စျေးနှုန်းအနည်းငယ်သာကျဆင်းဟုဆို
ရှမ်းပြည်နယ်(မြောက်ပိုင်း) လားရှိုးမြို့အတွင်း ကုန်စည်းများပြန်လည် ဝင်ရောက်လာသော်လည်းကုန်စျေးနှုန်းအနည်ငယ်သာကျဆင်းခဲ့ကြောင်း လာရှိူးမြို့ ဒေသခံများထံမှသိရသည်။
လားရှိူးမြို့တွင် ယခင်က တိုက်ပွဲများဖြစ်ပွားခဲ့သည့်အတွက် လမ်းများပိတ်ထားမှုများကြောင့် ကုန်စည်းများဝင်ရောက်လာခြင်းမရှိခဲ့ခြင်းကြောင့် ကုန်စျေးနှုန်းများ သုံးဆခန့်မြင့်တက်ခဲ့သည့်အပြင် ကုန်စည် ပြတ်လပ်မှုများပါရှိခဲ့ကြောင်း သိရသည်။
"အခုတော့တရုတ်ဘက်ကနယ်စပ်ဂိတ်တွေပြန်ဖွင့်ပေးပြီးကုန်ကားတွေလည်းအရင်လိုသွားလာလို့ရပါတယ်။ ဒါ့အပြင်မန္တလေးဘက်က ကုန်တွေလည်းကွင်းရှောင်လမ်းတွေကနေတစ်ဆင့်ဝင်ရောက်နေပါပြီ။ အဓိကလမ်းကတော့သွားလာလို့မရသေးပါဘူး။ အရင်ကထက်တော့ကုန်စည်
စီးဆင်းမှုတော့ရှိလာပါပြီ။ ဒါပေမဲ့ကုန်စျေးကတော့ ထင်သလောက်တော့မကျသေးပါဘူး။ ကုန်ပစွည်းတွေကတော့ဝယ်ယူမှုတွေကတော့လိုသလောက်ရနေပါပြီ"ဟုလာရှိူးမြို့မှ ဒေသခံတစ်ဦးကပြောသည်။
လားရှိူးမြို့အတွင်းတိုက်ပွဲဖြစ်ပွားနေသည့်ကာလအတွင်း ကုန်စျေးနှုန်းများမှာ ပေါ်ဆန်မွှေးဆန် ၂၄ ပြည်ပါ တစ်အိတ် ကျပ်လေးသိန်းကျော်၊ ခရမ်းချဉ်သီးတစ်ပိသာ ကျပ် ၈၀၀၀၊စက်သုံးဆီ 92 တစ်လီတာကျပ်တစ်သောင်းကျော်ထိပေးခဲ့ရပြီး ယခုအခါပေါ်ဆန်မွှေးဆန် ၂၄ပြည်ပါတစ်အိတ်
ကျပ်သုံးသိန်းခန့်၊ ခရမ်းချဉ်သီးတစ်ပိသာကျပ်၃၀၀၀၊ စက်သုံးဆီ 92 တစ်လီတာကျပ် ၆၀၀၀ခန့်ထိကျဆင်ခဲ့ကြောင်းသိရသည်။
သတင်း - ပိုင်လေး
ဓာတ်ပုံ - လားရှိူးမြို့

#ပြည်တွင်းသတင်း
◾️ရှမ်းပြည်နယ်(မြောက်ပိုင်း)၊ မိုင်းရယ်မြို့နယ်၌ ကျားဖြန့်လုပ်ငန်းလုပ်ကိုင်သူ ၈၁ ဦး ဖမ်းဆီးရမိဟု နစက ထုတ်ပြန်
ရှမ်းပြည်နယ်(မြောက်ပိုင်း)၊ မိုင်းရယ်မြို့နယ်တွင် ကျားဖြန့်လုပ်ငန်းလုပ်ကိုင်သူ ၈၁ ဦးအား ဖမ်းဆီးရမိခဲ့ကြောင်း နစက က နိုင်ငံပိုင်သတင်းစာ၌ ယနေ့(ဖေဖော်ဝါရီ ၈ ရက်)တွင် ထုတ်ပြန်ခဲ့သည်။
တရားမဝင်အွန်လိုင်းလောင်းကစား နှင့် ငွေကြေးလိမ်လည်မှု(ကျားဖြန့်)လုပ်ငန်းလုပ်ကိုင်မှုများကို နိုင်ငံတကာနှင့်ပူးပေါင်း၍ ၎င်းဒုစရိုက်မှုနှိမ်နင်းရေးကို ဖော်ထုတ်အရေးယူဆောင်ရွက်နေသလို တိုင်းဒေသကြီးနှင့် ပြည်နယ်များအလိုက် အဆိုပါတရားမဝင်အွန်လိုင်းလောင်းကစားနှင့် ငွေကြေးလိမ်လည်မှု(ကျားဖြန့်)လုပ်ငန်းများ အပါအဝင် အခြားဒုစရိုက်လုပ်ငန်းများမရှိစေရေးအတွက် အရေးယူဆောင်ရွက်ခြင်းများကိုလည်း ပြုလုပ်လျက်ရှိကြောင်းထုတ်ပြန်ချက်အရ သိရသည်။
ရှမ်းပြည်နယ်(မြောက်ပိုင်း)၊ မိုင်းရယ်မြို့နယ်အတွင်း အဆိုပါလုပ်ငန်းများ ဆောင်ရွက်လျက်ရှိကြောင်း သတင်းအရ လုံခြုံရေးတပ်ဖွဲ့ဝင်များက ဝင်ရောက်ရှင်းလင်းခဲ့ရာ ဖေဖော်ဝါရီ ၅ ရက်တွင် မိုင်းရယ်မြို့၏ အရှေ့တောင်ဘက်ဝန်းကျင်တွင် ကျားဖြန့်လုံခြုံရေးအဖွဲ့များနှင့် အပြန်အလှန်ထိတွေ့တိုက်ပွဲ ဖြစ်ပွားခဲ့ကြောင်း၊ ကျားဖြန့်လုံခြုံရေးအဖွဲ့မှ အလောင်း နှစ်လောင်းနှင့်အတူ ကျားဖြန့်လုံခြုံရေး ငါးဦး၊ လက်နက်မျိုးစုံ ခြောက်လက်၊ တရုတ်နိုင်ငံသား အမျိုးသား ခုနစ်ဦး၊ အမျိုးသမီး တစ်ဦး၊ မြန်မာနိုင်ငံသား အမျိုးသား သုံးဦး၊ အမျိုးသမီး လေးဦးတို့အား ဖမ်းဆီးရမိခဲ့ကြောင်းထုတ်ပြန်ချက်တွင်ဖော်ပြထားသည်။
နောင်ဟန်ကျေးရွာအနီး၌ အဆောက်အဦ ခုနစ်လုံးနှင့် ကျားဖြန့်လုပ်ငန်းများ ဆောင်ရွက်ရာတွင် အသုံးပြုသည့် ဖုန်းမျိုးစုံ ၁၈၁ လုံး၊ Laptop မျိုးစုံ ၂၅ လုံး၊ Destop မျိုးစုံ ၂၁ လုံး၊ Keyboard မျိုးစုံ ၂၈ ခု၊ Wifi စက် နှစ်လုံး၊ StarLink နှစ်စုံ၊လုပ်ငန်းသုံးလျှပ်စစ် ဆက်စပ်ပစ္စည်းများ၊ သေနတ် တစ်လက်နှင့် ကျည် ၅ တောင့်တို့အား ထပ်မံဖမ်းဆီး ရရှိခဲ့ကြောင်း သိရသည်။
ထို့ပြင် ဖေဖော်ဝါရီ ၆ ရက်တွင်မိုင်းဟဒေသ၊ နောင်ဟန်ကျေးရွာတစ်ဝိုက်တွင် တရုတ်နိုင်ငံသား အမျိုးသား ရှစ်ဦး၊ အမျိုးသမီး တစ်ဦး၊ ဗီယမ်နမ်နိုင်ငံသား အမျိုးသမီး ၁၈ ဦး၊ မြန်မာနိုင်ငံသား အမျိုးသား နှစ်ဦး၊ အမျိုးသမီး ၂၅ ဦးတို့အား တရားမဝင်အွန်လိုင်း လိမ်လည်မှုလုပ်ငန်းများ လုပ်ကိုင်ရာတွင် အသုံး ပြုသည့် ကွန်ပျူတာ ၇၂ လုံး၊ StarLink ၅ စုံ၊ ဖုန်းမျိုးစုံ ၇၉ လုံး၊ ငါးဂိမ်းစက် ၅ လုံး၊ မော်တော်ယာဉ် နှစ်စီးတို့အားလည်းကောင်း ဖမ်းဆီးရမိခဲ့ကြောင်း၊ဆက်လက်ပြီး ဖေဖော်ဝါရီ ၇ ရက်တွင်လည်း နောင်ဟန်ကျေးရွာအနီးတစ်ဝိုက်တွင် တရုတ်နိုင်ငံသား အမျိုးသား ၁၂ ဦး၊ Alphard မော်တော်ယာဉ် တစ်စီး၊ မီးစက် တစ်လုံးထပ်မံ ဖမ်းဆီးရရှိခဲ့ကြောင်း နစက၏ ထုတ်ပြန်ချက်အရသိရသည်။
ဖေဖော်ဝါရီ ၅ ရက်မှ ၇ ရက်အထိ ဖမ်းဆီးရမိမှုအနေဖြင့် မိုင်းရယ်မြို့နယ်၊ မိုင်းဟဒေသအတွင်း တရုတ်နိုင်ငံသား အမျိုးသား ၂၇ ဦး၊ အမျိုးသမီး နှစ်ဦး၊ ဗီယမ်နမ်နိုင်ငံသား အမျိုးသမီး ၁၈ ဦး၊ မြန်မာနိုင်ငံသား အမျိုးသား ၅ ဦး၊ အမျိုးသမီး ၂၉ ဦး၊ စုစုပေါင်း ၈၁ ဦး ဖမ်းဆီးရမိခဲ့ကြောင်း ထုတ်ပြန်ချက်တွင်ဖော်ပြထားသည်။
ဖမ်းဆီးရမိသူများအား ဥပဒေနှင့်အညီ တရားစွဲဆို အရေးယူဆောင်ရွက်နိုင်ရန် နှင့် ပြည်ပနိုင်ငံသားများအား လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကို ရှေးရှု၍ သက်ဆိုင်ရာနိုင်ငံများသို့ ပြန်လည်လွှဲပြောင်းပေးအပ်နိုင်ရေး ဆောင်ရွက်သွားမည်ဖြစ်ကြောင်း ထုတ်ပြန်ချက်အရသိရသည်။
သတင်း-အင်ကြင်း

#နိုင်ငံတကာသတင်း
◾️ရုရှား ဓာတ်အားပေးစနစ်နှင့်ဘောလ်တစ်နိုင်ငံများ အဆက်ဖြတ်
‌
ဥရောပသမဂ္ဂနှင့်ပိုမို၍အနီးကပ်ပေါင်းစည်းကာ လုံခြုံ‌ရေးတိုးမြှင့်မည့်အစီအစဉ် တစ်စိတ် တစ်ပိုင်းအဖြစ် အက်စတိုးနီးယား၊ လတ်ဗီးယား နှင့် လစ်သူယေးနီးယားနိုင်ငံ တို့က ယနေ့ တွင် ရုရှား၏ လျှပ်စစ် ဓာတ်အားကွန်ရက်နှင့် အဆက်ဖြတ်လိုက်ကြကြောင်း ရိုက်တာသတင်းအရ သိရသည်။
ဘောလ်တစ်သုံးနိုင်ငံက ရုရှားတို့၏ IPS/UPS ပူးတွဲကွန်ရက် နှင့် အဆက်ဖြတ်ကာ နောက် ဆုံး မိနစ် စမ်းသပ်မှုများ လုပ်‌ဆောင်ပြီးနောက် မနက်ဖြန်တွင် ဥရောပသမဂ္ဂ၏ ဓာတ်အားပေးကွန်ရက် နှင့် ချိတ်ဆက်သွားမည်ဖြစ်သည်။
လောလောဆယ်တွင်မူ ၎င်းတို့ဘာသာ လည်ပတ်ထား ကြမည်ဖြစ်သည်‌။
“ ကျွန်တော်တို့ အချိန်အကြာကြီး ကြိုးစားအားထုတ်ခဲ့တဲ့ ရည်မှန်းချက်ကို ရောက်ရှိခဲ့ပါပြီ။ ကျွန် တော် တို့က ထိန်းချုပ်သွားနိုင်ပါပြီ” ဟု လစ်သူယေးနီးယား စွမ်းအင်ဝန်ကြီး ဇီဂျီမန်တက်စ် ဗိုင်စီယူနက်စ် က သတင်းစာရှင်းလင်းပွဲတွင် ပြောကြားသည်။
ဆိုဗီယက်ပဒေသရာဇ်အရှင်သခင်ဟောင်း၏ ဓာတ်အားပေးကွန်ရက်မှ အဆက်ဖြတ်ရေး ဘောလ် တစ် နိုင်ငံများ၏ စီမံကိန်းကို ဆယ်စုနှစ်နှင့်ချီ၍ ငြင်းခုံဆွေးနွေးခဲ့ကြပြီးနောက် ၂၀၁၄ ခုနှစ်တွင် ခရိုင်းမီး ယားကို မော်စကိုက ၎င်းတို့ပိုင်နက်ထဲ သွတ်သွင်းခဲ့ပြီးနောက်၌ အရှိန်ရလာခဲ့သည်။
အဆိုပါဓာတ်အားပေးကွန်ရက်ချိတ်ဆက်မှုမှာ ၁၉၉၀ ပြည့်လွန်နှစ်များက ဆိုဗီယက်ယူနီယံ ပြိုကွဲခဲ့ချိန် လွတ်လပ်သောနိုင်ငံများဖြစ်လာခဲ့ကာ ၂၀၀၄ ခုနှစ်တွင် ‌ဥ‌ရောပသမဂ္ဂအဖွဲ့ဝင်များဖြစ်လာခဲ့သော နိုင်ငံ များအတွက် နောက်ဆုံးကျန်ရှိသည့် ရုရှားနှင့် ဆက်စပ်ပတ်သက်မှုဖြစ်သည်။
ကိဗ်ကို အခိုင်အမာထောက်ခံကြသော အဆိုပါသုံးနိုင်ငံသည် ၂၀၂၂ ခုနှစ်တွင် ရုရှားက ယူကရိန်းကို ကျူး ကျော်ခဲ့ချိန်ကစ၍ ရုရှားထံမှလျှပ်စစ်ဓာတ်အား ဝယ်ယူခြင်း မရှိတော့သော်လည်း ကြိမ်နှု န်းများထိန်း ချုပ်ရန် နှင့် ဓာတ်အားပြတ်တောက်မှုမရှိစေရေး နှင့်ကွန်ရက်တည်ငြိမ်မှု အတွက် ရုရှားကွန်ရက်ကို အားကိုးခဲ့ကြရသည်။
ဘောလ်တစ်နိုင်ငံများ၏ ရုရှားအပေါ်စွမ်းအင်မှီခိုမှုကို အဆုံးသတ်နိုင်ခြင်းကြောင့် ရုရှားက မိမိတို့ အပေါ် စွမ်းအင်ကို လက်နက်အဖြစ်အသုံးချနိုင်မည် မဟုတ်တော့ကြောင်း အက်စ် တိုးနီး ယားနိုင်ငံ ခြား ရေးဝန်ကြီး မားဂတ်စ်ရှက်ခနာက လည်း ပြောကြားသည်။ံံ
ဘောလ်တစ်နိုင်ငံများ ဥရောပသမဂ္ဂဓာတ်အားပေးကွန်ရက် နှင့် ချိတ်ဆက်မည့် အခမ်းအနားတွင် ဥ‌ ရောပကော်မရှင်ဥက္ကဌ မစ္စက်အာဆူလာဗွန်ဒါလီယန်း က စကားပြောကြားမည်ဖြစ်ကြောင်း ၎င်း၏ရုံးက ထုတ်ပြန်ပြောကြားသည်။
သတင်း-ရဲမင်း
ကိုးကား-
Reuters

#နိုင်ငံတကာသတင်း
◾️သမ္မတဟောင်းဘိုင်ဒန်၏ လုံခြုံရေးကင်းလွတ်ခွင့် ဒေါ်နယ်ထရန့် ရုပ်သိမ်း
သမ္မတဟောင်း ဂျိုးဘိုင်ဒန် က လွန်ခဲ့သောလေးနှစ်က လုပ်ဆောင်ခဲ့သကဲ့သို့ ၎င်း၏ လုံခြုံ ရေးကင်း လွတ်ခွင့်နှင့် နေ့စဉ်ထောက်လှမ်း‌ရေးသတင်းများရရှိနေမှုကို ရုပ်သိမ်းလိုက်ကြောင်း အ မေရိကန် သမ္မတဒေါ်နယ်ထရန့်က ပြောကြား သည်။
စနေ ၊ တနင်္ဂ‌နွေအားလပ်ရက် အနားယူရန် ၎င်း၏ မာအာလာဂို စံအိမ်သို့ ရောက်ရှိခဲ့ပြီးနောက် ထရန့်က ဘိုင်ဒန်နှင့်ပတ်သက်သော ဆုံးဖြတ်ချက်အား လူမှုကွန်ရက်တွင်ကြေညာခဲ့ခြင်းဖြစ်သည်။
“ ထိပ်တန်းလျှို့ဝှက် သတင်းတွေကို ဂျိုးဘိုင်ဒန် ဆက်လက်ရရှိနေဖို့ မလိုအပ်တော့ပါဘူး။ ဒါ့ကြောင့် ကျွန်တော်တို့က ဂျိုးဘိုင်ဒန်ရဲ့ လုံခြုံ‌ရေးကင်းလွတ်ခွင့် နဲ့ နေ့စဉ်ထောက်လှမ်း‌ရေးသတင်းများရရှိနေမှုကို ချက်ချင်းပဲ ရုပ်သိမ်းလိုက်ပါတယ်။” ဟု ဒေါ်နယ်ထရန့်က ရေးသားခဲ့သည်။
ယင်းကို ၂၀၂၁ ခုနှစ်တွင် ဂျိုးဘိုင်ဒန် ကိုယ်တိုင်က ဦးဆောင်လမ်းပြသွားခဲ့ခြင်း ဖြစ်ကြောင်း လည်း ၎င်းက ဆက်လက်ဖော်ပြသည်။
ယင်းလုပ်ရပ်မှာ မဲဆွယ်ပွဲအတွင်း ဒေါ်နယ်ထရန့်က ကတိပြုခဲ့သော လက်စားချေဝါရှင်တန်ခရီး၌ နောက်ဆုံးထွက်ပေါ်လာသော လုပ်ရပ်ဖြစ်ကြောင်း အေပီသတင်းက ဖော်ပြသည်။
ဟန်တာဘိုင်ဒန်၏ လက်ပ်တော့အမှုတွင် ရုရှား၏ သတင်းအချက်အလက်စစ်ဆင်ရေး အ ထောက် အ ထားများ တွေ့ရှိရကြောင်း ၂၀၂၀ ပြည့်နှစ်က စာတစ်စောင်တွင် လက်မှတ်ရေးထိုးခဲ့ကြသည့် ထောက် လှမ်းရေးအရာရှိဟောင်း ငါးဆယ်ခန့်၏ လုံခြုံ‌ရေးကင်းလွတ်ခွင့်ကိုလည်း ဒေါ်နယ်ထရန့်က ရုပ်သိမ်းထားပြီးဖြစ်သည်။
ထို့ပြင် အီရန်ထံမှ ခြိမ်းခြောက်မှုများရင်ဆိုင်နေရသော ၎င်း၏ နိုင်ငံခြားရေးဝန်ကြီးဟောင်း မိုက်ပွန်ပီယို နှင့် ကူးစက်‌ရောဂါကျွမ်းကျင်ပါရဂူဟောင်း ဒေါက်တာ အန်သိုနီဖော်စီ အပါအဝင် ၎င်းအားဝေဖန်သည့် အစိုးရအရာရှိဟောင်းများအတွက် လုံခြုံ‌ရေးအစောင့်အရှောက်များ ကိုလည်း ထရန့် က ဖယ်ရှားခဲ့သည်။
၂၀၂၀ သမ္မတ‌ရွေးကောက်ပွဲရလဒ်များကို ပြောင်းပြန်လှန်ပစ်ရန်ကြိုးပမ်းမှုများကို ထရန့်က အား ပေးအား မြှောက်လုပ်ခဲ့ကာ ၂၀၂၁ ခုနှစ်၊ ဇန်နဝါရီ ၆ ရက် လွှတ်တော်တိုက်ခိုက်မှုများကိုလည်း ထရန့် က သွေးထိုး လှုံ့ဆော်ခဲ့ပြီးနောက် ဂျိုးဘိုင်ဒန် က ထရန့်၏ ထောက်လှမ်းရေးသတင်းရရှိမှုကို အဆုံးသတ်ခဲ့သည်။
ဒေါ်နယ်ထရန့်၏ ခုတစ်မျိုး ၊ တော်ကြာတစ်မျိုးအပြုအမူများက လုံခြုံ‌ရေးသတင်းရရှိနေမှုကို တားဆီး ခဲ့ကြောင်း ဘိုင်ဒန် က ထိုစဉ်က ပြောကြားခဲ့သည်။
၂၀၂၂ ခုနှစ်တွင် ဖက်ဒရယ်ထောက်လှမ်းရေးအဖွဲ့ က ထရန့် ၏ ဖလော်ရီဒါနေအိမ်ကို ရှာ‌ဖွေခဲ့ကြပြီး လျှို့ ဝှက်မှတ်တမ်းစာရွက်စာတမ်း စက္ကူပုံး အမြောက်အမြားကို သိမ်းဆည်းသွားခဲ့သည်။
ယင်းနှင့်ပတ်သက်၍ ထရန့်အပေါ် တရားစွဲဆိုမှုများ ဖြစ်ပေါ်ခဲ့ကာ နိုဝင်ဘာလ‌‌ သမ္မတရွေးကောက်ပွဲတွင် ၎င်းအနိုင်ရခဲ့ပြီးနောက်မှသာ တရားစွဲမှုများ အဆုံးသတ်သွားခဲ့ကြောင်း သိရသည်။
သတင်း-ရဲမင်း
ကိုးကား- AP

#ပြည်တွင်းသတင်း
◾️ဆောင်းရာသီအအေးဓာတ် ဆက်လက်ရှိနေမည်ဖြစ်ပြီး နေ့နှင့်ည အပူချိန်ကွာခြားမှုများရှိနိုင်
ယခုနှစ်ဆောင်းရာသီ အအေးဓာတ် ဆက်လက်ရှိနေမည်ဖြစ်ပြီး နေ့နှင့်ည အပူချိန်ကွာခြားမှုများရှိနိုင်ကြောင်း မိုးလေဝသစောင့်ကြည့်လေ့လာသူ ဦးဝင်းနိုင်ကဆိုသည်။
ဖေဖော်ဝါရီလအတွင်း ဆက်လက်ဖြစ်ပေါ်နေဆဲဖြစ်သည့် အားပျော့သည့် လာနီညာ နှင့် အားအနည်းငယ်ရှိသည့် Indian Ocean Dipole(IOD) Positive ရာသီဥတုဖြစ်စဉ်များကြောင့် အီကွေတာတစ်လျှောက်ရှိ အပူပိုင်းဇုန်အတွင်း အရှေ့လေစီးကြောင်းကို အားကောင်းစေကြောင်း၊ဆက်လက်ပြီး (IOD) Positive အခြေအနေကြောင့် ဘင်္ဂလားပင်လယ်အော်(တောင်ပိုင်း)တွင် အရှေ့လေစီးကြောင်းအားကောင်းနေပြီး အာရေဗျပင်လယ်မှတဆင့် ပါကစ္စတန် နှင့် အိန္ဒိယ (မြောက်ပိုင်း)တွေပေါ်မှ အနောက်ဘက်ကို ကွေ့ပတ်တိုက်ခတ်လာသည့် လေအေးစီးကြောင်းသည်လည်း အားကောင်းစွာဖြင့် မြန်မာနိုင်ငံ(အလယ်ပိုင်း နှင့် အထက်ပိုင်း)ဒေသများကို တိုက်ခတ်နေဆဲဖြစ်သည်ကိုတွေ့ရကြောင်း ၎င်းကဖော်ပြထားသည်။
အဆိုပါ ရာသီဥတုဖြစ်စဉ်များကြောင့်ဆောင်းရာသီ၏အအေးဓာတ် ဆက်လက်ရှိနေဦးမည်ဖြစ်ပြီး ညဘက် နှင့် နံနက်အစောပိုင်းအချိန်များတွင် အပူချိန်များဆက်လက်ကျဆင်းကာ နေ့အပူချိန်များမှာမူ တဖြည်းဖြည်းမြင့်တက်လာနိုင်ကြောင်း ဦးဝင်းနိုင်ကခန့်မှန်းထားသည်။
“နေ့နဲ့ည အပူချိန်ကွာခြားမှုလည်း များနေပါဦးမယ်။ နေ့ဘက်မှာ အပူပြင်းလာပြီး ညဘက်မှာ အအေးဓာတ်က ဆက်လက်ရှိနေဦးမှာဖြစ်တာကြောင့် နံနက်အစောပိုင်းအချိန်များမှာ မြူခိုးတွေဝေပြီး မြူထုပါးပါးမှ ထူထူအထိ ဖြစ်ပေါ်စေတဲ့ ရာသီဥတုအခြေအနေဖြစ်နိုင်ပြီး အမြင်တာကျဆင်းခြင်း(Poor Visibility Condition)လည်း ဖြစ်နိုင်ပါတယ်”ဟု၎င်းကအသိပေးပြောဆိုထားသည်။
နံနက်အစောပိုင်းအချိန်များတွင် လေထုညစ်ညမ်းခြင်းကြောင့် ကျန်းမာရေးကိုထိခိုက်စေနိုင်သည့်အပြင် မြင်ကွင်းမရှင်းမလင်းဖြစ်နေခြင်းကြောင့် ကုန်းကြောင်း၊ရေကြောင်း နှင့် လေကြောင်းခရီးသွားလာရေးတွင် မတော်တဆဖြစ်စေနိုင်သည့် အန္တရာယ်များကိုသတိပြုရန်လည်းကြိုတင်အသိပေးထားသည်။
သတင်း-အင်ကြင်း

#မနက်ဖြန်ထွက်မယ့်သတင်းစာမှာ_ဒါတွေပါမယ်
မနက်ဖြန်ထွက်မယ့် စံတော်ချိန်သတင်းစာမှာ နောက်ဆုံးရ နိုင်ငံတကာသတင်း၊ ပြည်တွင်းသတင်းနဲ့ အားကစားသတင်းတွေအပြင် ဒီဆရာတွေရဲ့ ဒီဆောင်းပါးတွေ ဒီကဏ္ဍတွေ ပါပါမယ်။

#ယနေ့ထုတ်သတင်းစာ_သတင်း
◾️မြန်မာ့ အရေးအတွက် ဖြစ်နိုင်ခြေရှိသည့် အဖြေတစ်ရပ်မှာ မလေးရှားဖက်ဒရယ်ပုံစံဖြစ်နိုင်ကြောင်း မလေးရှားနိုင်ငံခြားရေးဝန်ကြီးပြောကြား
မြန်မာ့နိုင်ငံရေးအကျပ်အတည်းအတွက် ဖြစ်နိုင်ခြေရှိသော အဖြေတစ်ရပ်မှာမလေးရှားနိုင်ငံ၌ အောင်မြင်စွာ ကျင့်သုံးနေသော ဖက်ဒရယ်အစိုးရစနစ်ပုံစံမျိုးဖြစ်နိုင်ကြောင်း မလေးရှားနိုင်ငံခြားရေးဝန်ကြီး မိုဟာမက်ဟာဆန်(ယာပုံ)က မလေးရှားမီဒီယာများနှင့် ပြုလုပ်ခဲ့သော တွေ့ဆုံမေးမြန်းခန်းတစ်ခုတွင် သုံးသပ်ပြောကြားထားသည်။
မြန်မာနိုင်ငံကဲ့သို့ပင် မလေးရှားနိုင်ငံသည်လည်း လူမျိုးစုံလင်သော နိုင်ငံတစ်နိုင်ငံဖြစ်ကြောင်း၊ မလေးရှားနိုင်ငံတွင်းရှိ တိုင်းရင်းသားလူမျိုးစုအမျိုးမျိုးတို့၏ တောင်းဆိုချက် ၇၀ ရာခိုင်နှုန်းမှာလည်း အတူတူပင်ဖြစ်ကြကြောင်မလေးရှားနိုင်ငံခြားရေးဝန်ကြီးက ဖရီးမလေးရှားတူဒေးသတင်းစာနှင့် ပြုလုပ်ခဲ့သော တွေ့ဆုံမေးမြန်းခန်း၌ ထုတ်ဖော်ပြောကြားခဲ့သည်။
မလေးရှားနိုင်ငံခြားရေးဝန်ကြီး၏ အထက်ပါသုံးသပ်ချက်ကို မလေးယားတက္ကသိုလ်မှ နိုင်ငံရေးသိပ္ပံပညာရှင် ဂျိုဟန်ဆာရာဘာနာမူတူကလည်း သဘောတူထားသည်။
မြန်မာ့နိုင်ငံရေးအကျပ်အတည်းအတွက် ရေရှည်တည်တံ့ မည့် အဖြေကိုရယူမည်ဆိုလျှင် ဖက်ဒရယ်စနစ်သည် သင့်လျော်သည့် ပထမဆုံးခြေလှမ်းဖြစ်လာလိမ့်မည်ဖြစ်ကြောင်း ဂျိုဟန်ဆာရာဘာနာမူတူက ပြောကြားခဲ့သည်။
မြန်မာပြည်တွင်းရှိ အင်အားစုများအနေဖြင့် သဘောထားကွဲလွဲမှုများရှိနေသည့်တိုင် ဖက်ဒရယ်စနစ် တည်ဆောက်ရေးကိုမူ သဘောတူထားကြကြောင်းမလေးရှားနိုင်ငံခြားရေးဝန်ကြီးက သုံးသပ်ထားသည်။
ယင်းအပြင် မြန်မာ့နိုင်ငံရေး အကျပ်အတည်းကို အဆုံးသတ်ရေးအတွက်အာဆီယံအနေဖြင့် ပိုမိုရဲဝံ့ခိုင်မာသောရပ်တည်ချက်မျိုး ရှိထားရလိမ့်မည်ဖြစ်ကြောင်း မလေးရှားနိုင်ငံခြားရေးဝန်ကြီးက ဖရီးမလေးရှား တူဒေးသတင်းစာသို့ထုတ်ဖော်ပြောကြားထားသည်။
ဖရီးမလေးရှားတူဒေးသတင်းစာနှင့် မလေးရှားနိုင်ငံခြားရေးဝန်ကြီးတို့၏ တွေ့ဆုံမေးမြန်းခန်းကို ပြီးခဲ့သည့်လက ကျင်းပခဲ့သော လန်ကာဝီကျွန်းအာဆီယံနိုင်ငံခြားရေးဝန်ကြီးများ အစည်းအဝေးကာလအတွင်း ပြုလုပ်ခဲ့ခြင်းဖြစ်ပြီး ဖေဖော်ဝါရီ ၇ ရက်မှသာ သတင်းအဖြစ် ထုတ်ပြန်ခဲ့ခြင်းဖြစ်သည်။
ရေးသူ - ဗျည်းနွဲ့မြန်မာ့ အရေးအတွက် ဖြစ်နိုင်ခြေရှိသည့် အဖြေတစ်ရပ်မှာ မလေးရှားဖက်ဒရယ်ပုံစံဖြစ်နိုင်ကြောင်း မလေးရှားနိုင်ငံခြားရေးဝန်ကြီးပြောကြား
မြန်မာ့နိုင်ငံရေးအကျပ်အတည်းအတွက် ဖြစ်နိုင်ခြေရှိသော အဖြေတစ်ရပ်မှာမလေးရှားနိုင်ငံ၌ အောင်မြင်စွာ ကျင့်သုံးနေသော ဖက်ဒရယ်အစိုးရစနစ်ပုံစံမျိုးဖြစ်နိုင်ကြောင်း မလေးရှားနိုင်ငံခြားရေးဝန်ကြီး မိုဟာမက်ဟာဆန်(ယာပုံ)က မလေးရှားမီဒီယာများနှင့် ပြုလုပ်ခဲ့သော တွေ့ဆုံမေးမြန်းခန်းတစ်ခုတွင် သုံးသပ်ပြောကြားထားသည်။
မြန်မာနိုင်ငံကဲ့သို့ပင် မလေးရှားနိုင်ငံသည်လည်း လူမျိုးစုံလင်သော နိုင်ငံတစ်နိုင်ငံဖြစ်ကြောင်း၊ မလေးရှားနိုင်ငံတွင်းရှိ တိုင်းရင်းသားလူမျိုးစုအမျိုးမျိုးတို့၏ တောင်းဆိုချက် ၇၀ ရာခိုင်နှုန်းမှာလည်း အတူတူပင်ဖြစ်ကြကြောင်မလေးရှားနိုင်ငံခြားရေးဝန်ကြီးက ဖရီးမလေးရှားတူဒေးသတင်းစာနှင့် ပြုလုပ်ခဲ့သော တွေ့ဆုံမေးမြန်းခန်း၌ ထုတ်ဖော်ပြောကြားခဲ့သည်။
မလေးရှားနိုင်ငံခြားရေးဝန်ကြီး၏ အထက်ပါသုံးသပ်ချက်ကို မလေးယားတက္ကသိုလ်မှ နိုင်ငံရေးသိပ္ပံပညာရှင် ဂျိုဟန်ဆာရာဘာနာမူတူကလည်း သဘောတူထားသည်။
မြန်မာ့နိုင်ငံရေးအကျပ်အတည်းအတွက် ရေရှည်တည်တံ့ မည့် အဖြေကိုရယူမည်ဆိုလျှင် ဖက်ဒရယ်စနစ်သည် သင့်လျော်သည့် ပထမဆုံးခြေလှမ်းဖြစ်လာလိမ့်မည်ဖြစ်ကြောင်း ဂျိုဟန်ဆာရာဘာနာမူတူက ပြောကြားခဲ့သည်။
မြန်မာပြည်တွင်းရှိ အင်အားစုများအနေဖြင့် သဘောထားကွဲလွဲမှုများရှိနေသည့်တိုင် ဖက်ဒရယ်စနစ် တည်ဆောက်ရေးကိုမူ သဘောတူထားကြကြောင်းမလေးရှားနိုင်ငံခြားရေးဝန်ကြီးက သုံးသပ်ထားသည်။
ယင်းအပြင် မြန်မာ့နိုင်ငံရေး အကျပ်အတည်းကို အဆုံးသတ်ရေးအတွက်အာဆီယံအနေဖြင့် ပိုမိုရဲဝံ့ခိုင်မာသောရပ်တည်ချက်မျိုး ရှိထားရလိမ့်မည်ဖြစ်ကြောင်း မလေးရှားနိုင်ငံခြားရေးဝန်ကြီးက ဖရီးမလေးရှား တူဒေးသတင်းစာသို့ထုတ်ဖော်ပြောကြားထားသည်။
ဖရီးမလေးရှားတူဒေးသတင်းစာနှင့် မလေးရှားနိုင်ငံခြားရေးဝန်ကြီးတို့၏ တွေ့ဆုံမေးမြန်းခန်းကို ပြီးခဲ့သည့်လက ကျင်းပခဲ့သော လန်ကာဝီကျွန်းအာဆီယံနိုင်ငံခြားရေးဝန်ကြီးများ အစည်းအဝေးကာလအတွင်း ပြုလုပ်ခဲ့ခြင်းဖြစ်ပြီး ဖေဖော်ဝါရီ ၇ ရက်မှသာ သတင်းအဖြစ် ထုတ်ပြန်ခဲ့ခြင်းဖြစ်သည်။

#ယနေ့ထုတ်သတင်းစာ_သတင်း
◾️ကိုရီးယားနိုင်ငံက ယခုနှစ်အတွက် မြန်မာအပါအဝင်၁၇ နိုင်ငံမှ EPS လုပ်သားနှစ်သောင်းကျော်ခေါ်ယူမည်
ကိုရီးယားနိုင်ငံက ယခုနှစ်အတွက် မြန်မာအပါအဝင် နိုင်ငံပေါင်း ၁၇ နိုင်ငံမှ EPS လုပ်သား ၂၀၀၀၀ ကျော် ခေါ်ယူသွားမည်ဖြစ်ကြောင်း သိရသည်။
တောင်ကိုရီးယား အစိုးရအနေဖြင့် မြန်မာအပါအဝင် နိုင်ငံ ၁၇နိုင်ငံရှိ အလုပ်သမားများကို ခေါ်ယူသွားမည်ဖြစ်ပြီး အသုတ်လိုက်ငါးကြိမ် ခေါ်ယူမည်ဖြစ်ကာ ပထမအသုတ်တွက် ၂၀၀၀၀ ကျော်ခေါ်ယူမည်ဖြစ်ကြောင်း သိရသည်။
၂၀၂၅ ခုနှစ်အတွက် ပထမဆုံးအလုပ်ခေါ်ယူခြင်းကို မတ်လအတွင်းစတင်မည်ဖြစ်ပြီး ကိုရီးယားအလုပ်ရှင်များအနေဖြင့် ဖေဖော်ဝါရီ ၁၀ရက်မှ ၂၁ ရက်အတွင်း စာရင်းသွင်းလျှောက်ထားရမည်ဖြစ်ကြောင်း သိရသည်။
ထိုသို့ခေါ်ယူရာတွင် သင်္ဘောကျင်းလုပ်ငန်းအတွက် ၆၂၅ ဦး၊ကုန်ထုတ်လုပ်ငန်းအတွက် ၁၆၃၂၈ဦး၊ ရေလုပ်ငန်းအတွက် ၂၀၇၇ ဦး၊စိုက်ပျိုးမွေးမြူရေးလုပ်ငန်းအတွက်၂၃၄၇ဦး၊ ဆောက်လုပ်ရေးလုပ်ငန်းအတွက် ၄၄၅ ဦးဖြစ်ကြောင်း သိရသည်။

#ယနေ့ထုတ်သတင်းစာ_သတင်း
◾️အာဆီယံအထူးသံတမန် မြန်မာနိုင်ငံရောက်နေကြောင်း မလေးရှားနိုင်ငံခြားရေးဝန်ကြီး ပြောကြား
အာဆီယံအလှည့်ကျဥက္ကဋ္ဌ၏ မြန်မာနိုင်ငံဆိုင်ရာအထူးသံတမန် အော့မင်ဟာရှမ် (ဝဲပုံ) သည် မြန်မာ့နိုင်ငံရေးအကျပ်အတည်း၌ ပါဝင်ပတ်သက်နေသော အင်အားစုများနှင့် တွေ့ဆုံဆွေးနွေးရေးအတွက် မြန်မာနိုင်ငံတွင် ရောက်ရှိနေကြောင်း မလေးရှားနိုင်ငံခြားရေးဝန်ကြီး ဒါတွတ်ဆရီမိုဟာမက်ဟာဆန်က မလေးရှားလွှတ်တော်ကြားနာပွဲတစ်ခု၌အတည်ပြုထားကြောင်း သိရသည်။
လက်ရှိအချိန်တွင် အာဆီယံအလှည့်ကျဥက္ကဋ္ဌ၏ မြန်မာနိုင်ငံဆိုင်ရာအထူးသံတမန်အော့မင်ဟာရှမ်သည် ၎င်း၏တာဝန်များကို စတင်ထမ်းဆောင်နေပြီဖြစ်ပြီးလက်ရှိတွင် မြန်မာနိုင်ငံသို့ ရောက်ရှိနေပြီဖြစ်ကြောင်း မလေးရှားနိုင်ငံ ခြားရေး ဝန်ကြီးက လွှတ်တော်ကြားနာပွဲတွင် ထုတ်ဖော်ပြောကြားထားသည်။
နေပြည်တော်တွင် ရောက်ရှိနေပြီဖြစ်သည့် အာဆီယံအထူးသံတမန်အော့မင်ဟာရှမ်ကနိုင်ငံတော် စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံဆွေးနွေးနိုင်ဖွယ်ရှိကြောင်း အင်န်အိတ်ခ်ျကေသတင်း ဌာနကလည်း ဖေဖော်ဝါရီ ၇ ရက်တွင် သတင်းထုတ်ပြန်ထားသည်။
လက်ရှိ မြန်မာခေါင်းဆောင်များနှင့် တွေ့ဆုံချိန်တွင် ၂၀၂၁ ခုနှစ် အတွင်းရယူခဲ့သော အချက်ငါးချက်ပါ အာဆီယံငြိမ်းချမ်းရေးသဘောတူညီချက်ကိုအကောင်အထည်ဖော်ရေးအတွက် အာဆီယံအထူးသံတမန်က တိုက်တွန်းဖွယ်ရှိကြောင်း မလေးရှားမီဒီယာများ၏အဆိုအရ သိရသည်။
ယခုနှစ် အာဆီယံအလှည့်ကျဥက္ကဋ္ဌ မလေးရှားနိုင်ငံသည် မလေးရှားနိုင်ငံခြားရေးဝန်ကြီးဌာန အတွင်းဝန်ဟောင်း အော့မင်ဟာရှမ်ကို အာဆီယံအလှည့်ကျဥက္ကဋ္ဌ၏ မြန်မာနိုင်ငံဆိုင်ရာ အထူးသံတမန်အဖြစ် မလေးရှားဝန်ကြီးချုပ် အန်ဝါအီဘရာဟင်က ပြီးခဲ့သည့်လအတွင်း ရွေးချယ်ခန့်အပ်ခဲ့ခြင်းဖြစ်သည်။
မြန်မာ့နိုင်ငံရေးအကျပ်အတည်းကို ကိုင်တွယ်ရာတွင် အရေးကြီးသောအချက်မှာ အကျပ်အတည်း ပိုဆိုးသွားမည့်အရေးကို တားဆီးရေးအတွက် စေ့စေ့စပ်စပ်ကိုင်တွယ်နိုင်ရေးဖြစ်ကြောင်း မလေးရှားနိုင်ငံခြားရေးဝန်ကြီး မိုဟာမက်ဟာဆန်က လွှတ်တော်ကြားနာပွဲ၌ ပြောကြားထားသည်။

#နိုင်ငံတကာသတင်း
◾️အမေရိကန်-ဂျပန်-တောင်ကိုရီးယားစစ်‌ရေးမဟာမိတ်ကို ကင်ဂျုံအန်ဝေဖန်၊ နျူတပ်ဖွဲ့များဖွံ့ဖြိုးရေးလုပ်ဆောင်သွားမည်ဟု သန္နိဌာန်ပြု
အမေရိကန်-ဂျပန်-တောင်ကိုရီးယား သုံးပွင့်ဆိုင် စစ်‌ရေး ပူးပေါင်းဆောင်ရွက်မှုများကြောင့် ဒေသတွင်း၌ တင်းမာမှုများ မြင့်တက်လာခဲ့ကြောင်း မြောက်ကိုရီးယားခေါင်းဆောင် ကင်ဂျုံအန်က ဝေဖန်ပြောကြာပြီး နျူကလီးယားတပ်ဖွဲ့များ ထပ်မံဖွံ့ဖြိုးတိုးတက်ရေးအပါအဝင် တန်ပြန်အစီအစဉ်များ လုပ်ဆောင်သွားမည်ဟု ကြုံးဝါးပြောဆိုသည်။
အမေရိကန်၏မဟာဗျူဟာမြောက်နျူကလီးယားပိုင်ဆိုင်မှုများအား ဒေသတွင်း၌ချထားခြင်း ၊ စစ်ရေး လေ့ကျင့်မှုများ နှင့် ဂျပန် ၊ တောင်ကိုရီးယားတို့နှင့် စစ်‌ရေးပူးပေါင်းဆောင်ရွက်မှုများက ဒေသတွင်း စစ်ရေးချိန်ခွင်လျှာကို မညီမမျှဖြစ်လာစေခဲ့ကာ လုံခြုံရေးဝန်းကျင်အပေါ် ကြီးမားသောစိန်ခေါ်မှု ဖြစ်စေခဲ့ကြောင်း ကင်ဂျုံအန်၏ပြောကြားမှုအား ကိုးကား၍ မြောက်ကိုရီးယားအစိုးရ KCNA သတင်းဌာနက ဖော်ပြသည်။
မြောက်ကိုရီးယားအနေနှင့် ဒေသတွင်း၌ မလိုအပ်သော တင်းမာမှုများကို အလိုမရှိသော်လည်း ဒေသတွင်း၌ စစ်ရေးမျှခြေ တည်ငြိမ်မှုရှိရန် ရေရှည်ခံသော တန်ပြန်အစီအစဉ်များကို လုပ်ဆောင်သွားမည်ဖြစ်ကြောင်း ကာကွယ်ရေးဝန်ကြီးဌာန၏ တပ်မတော်စတင်တည်ထောင်ခြင်း နှစ်ပတ်လည်အခမ်း အနားသို့ တက်ရောက်စဉ် ကင်ဂျုံအန် က ပြောကြားသည်။
ပြီးခဲ့သည့် သောကြာနေ့တွင်အမေရိကန်သမ္မတ ဒေါ်နယ်ထရန့်က ဂျပန်ဝန် ကြီးချုပ် ရှီဂဲရုအီရှီဘာ နှင့် တွေ့ဆုံချိန်၌ ၎င်းအနေနှင့် မြောက်ကိုရီးယားနှင့်ဆက် ဆံ‌ရေးတစ်ရပ် ထူထောင်သွားမည်ဖြစ်ကြောင်းပြောကြားသည်။
တစ်ဖက်တွင်လည်း မြောက်ကိုရီးယား နျူကလီးယားအစီအစဉ်အပေါ် စိုးရိမ်ကြောင်း ခေါင်းဆောင်နှစ်ဦးက ဖွင့်ဟခဲ့သည်။
ရုရှား၏ ယူကရိန်းစစ်ပွဲနှင့်ပတ်သက်၍ ၎င်းတို့၏ အချုပ်အခြာအာဏာ၊ နယ် မြေပိုင်ဆိုင်မှုနှင့် လုံခြုံ‌ရေးကို ကာကွယ်ရေး ရုရှားစစ်ဘက်၏ တရား‌သောစစ်ပွဲကို နှစ်နိုင်ငံကြားချုပ်ဆိုထားသော ကျယ်ပြန့်သောမဟာဗျူဟာမြောက် ပူးပေါင်းဆောင်ရွက်မှုနှင့်အညီ မြောက်ကိုရီးယားစစ်တပ် နှင့် ပြည်သူများက ထောက်ခံအားပေးသွားမည်ဖြစ်ကြောင်း ကင်ဂျုံအန် က ပြောကြားခဲ့သည်။
သတင်း-ရဲမင်း
ကိုးကား-Reuters