كيف تتعامل مع مواد الحفظ ذي التربية الإسلامية والاحياء بالاخص

تنصحينا كيف نقرا الفيزياء و الاحياء عشان نجيب فيها درجات فوق ٩٠

مواد الحفظ اقروها الصباح بدري شديد والتكرار مهم وسمعوا بالورقة والقلم عشان المعلومة تثبت

انا ادبي ف للأسف ما حاقدر أفيدكم في النقطة دي

هل في باقي الزمن دا يمكن الزول يتزاع في الميه الأوائل

رايك شنو في انو الاساسيات هى الفيصل بين الطالب البجيب كم وستين والبجيب اسعين؟؟

طبعا ممكن.. قسمو زمنكم كويس وحتلقو انو الفترة دي كااافية جدا

وهل كانت بتجيك افكرا انك مثلا لمن متقري الأحياء بتفكر تحولي وتجيك افكر تانيه

الأحياء بتعتمد اكتر علي الفهم ولا الحفظ

لمن تحسي نفسك مبتقري بتعملي شنو

كيف يعني
معليش ما فهمت السؤال

طيب ب النسبة ل امتحانات الشهادة! في أسئلة كتيرة بتجي من خارج المقرر؟

المفروض انك بتقرا رغبتك سواء كانت أحياء او غيرها ف طالما الحاجه دي رغبتك وبتحبها ما حتفكر انك تغيرها
لمن احس اني ما قادرة اقرا بحاول افصل من جو القراية واغير جو حبة وبرجع اقرا تاني

لا ابدا الامتحان كلو من المقرر بس احتمال في حاجات محتاجة تفكير واستنتاج لكن دي ما تعتبر انها خارج المقرر

هل كنتي متوقعه تجيبي 96.1 والا أقل منها

هل المدرسه القويه عندها تأثير على مستوى الطالب والا اجتهاد الطالب ف انتي مثلا لو كان امتحنتي من مدرسه المنار الجديد هل كان نسبتك حتكون أكبر من نسبتك دي والا أقل منها ولو امتحنتي في مدرسه عاديه جغرافيه هل ممكن تتحصلي على نسبتك دي؟

كنت متوقعة 94
لكن مرات كدا بحس انو ممكن اجيب اكتر من كدا

طبعا المدرسة عندها اثر لكن ما بقدر اقول انها الحاجه الوحيدة البتحدد النسبة لانو في حاجات تانية برضو عندها دور ف مثلا المدرسة القوية حيكون طلابها ناس شاطرين ومجتهدين وحيكون في روح منافسة ودي حاجه مهمة شديد وبتحمس الزول عشان يقرأ
لكن زي ما المدرسة القوية عندها دور برضو الاجتهاد الشخصي عندو دور كبير شديد

هل كنت بتمشي مجموعات اثناء العام الدراسي وله اعتمدتي بس علي المدرسة وهل قريتي كورس في الاجازة؟ والامتحانات البتحليها كان بصححها ليك استاذ المدرسة ؟

كنت بتنومي الساعة كم وتصحي الساعة كم؟

يا لينا انا حاليا بقرا في المعالي ويعني متأثرة شديد بالامتحانات الشهرية لانو يعني في مواد زي العربي أو القران أو الانجليزي امتحانهم بجيبوهو ليك من السنوات الفاتت أولى وتانية ثانوي وانا ما كنت عارفة بالنظام دا ويعني دي مشكلة عايزة اعالجها سو بتنصحيني بي شنو فالموقف دا؟

في نص السنة كدا انتبهت انو عندي مشكلة في الجغرافيا ف دخلت معهد
لا ما قريت كورس في الاجازة
ايوة كنت بديها لاساتذة المدرسة وبصححوها لي

غالبا بنوم الساعه ١١ او ١٠ وبصحى الساعة ٤
لكن بعد ما ارجع من المدرسة كنت بنوم ساعتين لو ما نمتهم ما بقدر اعمل اي حاجه😂