في صعوبات كتيرة في السنه دي بالزات انو كانت سنه استثنائية ورينا كيف قدرتي ببساطة تجتازي كل شي بعيدا عن الزهج طبيعة يومك اسبوعك شهرك كانت بتكون كيف وكيف كنتي بتتعاملي مع امتحانات المدرسة وبتنظري ليها باي نظرة بالنسبة للامتحانات الشهادة؟

ما عندي عدد ساعات محدد لانو زي ما قلت ليكم عدد الساعات ما مهم المهم انكم تقرو بتركيز شديد عشان تكونو استفدتو

كنت خاته الأولوية للقراية لكن طبعا دا ما بمنع من الحياة الاجتماعية ف مرة مرة لمن الزول يزهج من القراية شديد ممكن يطلع ويغير جو شوية ويزور اهلو وكدا

والله انا شخصيا اكتر حاجه ساعدتني أتجاوز الزهج دا علاقتي بصحباتي وبنات الفصل كنا بنشجع بعض شديد ولمن نزهج بنتونس او نعمل اي حاجه تغير لينا من جو القراية
اما بالنسبة لي امتحانات المدرسة ف كنت مرات بجيب فيها درجات ما حلوة لكن ما بخليها تأثر علي سلبيا بالعكس كدا انا انتبهت انو في تقصير في المادة دي وببدأ اركز فيها واقراها اكتر

كيف تتعامل مع مواد الحفظ ذي التربية الإسلامية والاحياء بالاخص

تنصحينا كيف نقرا الفيزياء و الاحياء عشان نجيب فيها درجات فوق ٩٠

مواد الحفظ اقروها الصباح بدري شديد والتكرار مهم وسمعوا بالورقة والقلم عشان المعلومة تثبت

انا ادبي ف للأسف ما حاقدر أفيدكم في النقطة دي

هل في باقي الزمن دا يمكن الزول يتزاع في الميه الأوائل

رايك شنو في انو الاساسيات هى الفيصل بين الطالب البجيب كم وستين والبجيب اسعين؟؟

طبعا ممكن.. قسمو زمنكم كويس وحتلقو انو الفترة دي كااافية جدا

وهل كانت بتجيك افكرا انك مثلا لمن متقري الأحياء بتفكر تحولي وتجيك افكر تانيه

الأحياء بتعتمد اكتر علي الفهم ولا الحفظ

لمن تحسي نفسك مبتقري بتعملي شنو

كيف يعني
معليش ما فهمت السؤال

طيب ب النسبة ل امتحانات الشهادة! في أسئلة كتيرة بتجي من خارج المقرر؟

المفروض انك بتقرا رغبتك سواء كانت أحياء او غيرها ف طالما الحاجه دي رغبتك وبتحبها ما حتفكر انك تغيرها
لمن احس اني ما قادرة اقرا بحاول افصل من جو القراية واغير جو حبة وبرجع اقرا تاني

لا ابدا الامتحان كلو من المقرر بس احتمال في حاجات محتاجة تفكير واستنتاج لكن دي ما تعتبر انها خارج المقرر

هل كنتي متوقعه تجيبي 96.1 والا أقل منها

هل المدرسه القويه عندها تأثير على مستوى الطالب والا اجتهاد الطالب ف انتي مثلا لو كان امتحنتي من مدرسه المنار الجديد هل كان نسبتك حتكون أكبر من نسبتك دي والا أقل منها ولو امتحنتي في مدرسه عاديه جغرافيه هل ممكن تتحصلي على نسبتك دي؟

كنت متوقعة 94
لكن مرات كدا بحس انو ممكن اجيب اكتر من كدا

طبعا المدرسة عندها اثر لكن ما بقدر اقول انها الحاجه الوحيدة البتحدد النسبة لانو في حاجات تانية برضو عندها دور ف مثلا المدرسة القوية حيكون طلابها ناس شاطرين ومجتهدين وحيكون في روح منافسة ودي حاجه مهمة شديد وبتحمس الزول عشان يقرأ
لكن زي ما المدرسة القوية عندها دور برضو الاجتهاد الشخصي عندو دور كبير شديد

هل كنت بتمشي مجموعات اثناء العام الدراسي وله اعتمدتي بس علي المدرسة وهل قريتي كورس في الاجازة؟ والامتحانات البتحليها كان بصححها ليك استاذ المدرسة ؟