بالنسبة لي جدول المذاكرة ف انا ما كنت خاته جدول محدد امشي عليهو لكن كنت مرتبة زمني وخاته مهام يومية مفروض انجزها

ال English و ما ادراك ما ال English
كيف كنتِ بتقريه ؟

كنت بقرا القطعه وبطلع الكلمات الجديدة واعرف المعنى وال spelling وبحل أسئلة الكتاب لأنها مهمة شديد وبعداك الgrammar وبجي احل المريح خاصة القطع كنت بحلها في المريح كتير

جمعه و سبت كنت بتعمل فشنو بالنسبة للدراسة

غالبا الجمعه والسبت كنت بقرا فيهم المواد التقيلة والفيها صعوبة شوية او الحاجات الطولت ما قريتها وبرضة كنت بحدد زمن معين فيهم لحل الامتحانات

من المعروف جدا انو النوم حبيبنا كلنا في الفترة دي😂، والنوم ببقا ليناا رهيب جدا جدا😂😂أول ماتصحي وتحسي نفسك ماقادرة تقومي وعايزة تنومي بخاطبي نفسك بشنو!

وهل لو زول سقط في مادة او جاب فيها درجة ضعيفة حاجة عادية ولا لأ و كيف يتعامل مع الموضوع؟.

اول حاجه كنت بعمل منبهات كتيرة ورا بعض عشان لو ما صحيت في المنبه الأول اصحى في الباقين😂 وبخت المنبه بعيد مني شوية بحيث انو اقوم عشان اقفلو وتلقائيا لمن اقوم النوم حيطير والطريقة دي ناجحة شديد😂 وبرضو كنت بقول لي نفسي حتنومي بعد ترجعي من المدرسة اسي قومي وانجزي😂

ظريف شديد😂💛💛💛

دي حاجه عادية وممكن تحصل عادي مفروض اول حاجه الزول ما يتأثر بصورة سلبية ويقول المادة دي صعبة وكدا مفروض يبعد تماما من الأفكار السلبية دي ويبدأ يفكر بصورة عملية عشان يحل المشكلة سواء يغير طريقة قرايتو للمادة او يمشي للأستاذ يشرح ليهو او يحل امتحانات كتيرة

طيب طريقة قرايتك كانت كيف! اعتمدي ع شنو اكتر حاجه!

هل عندك قدوة اقتديتي بيها في المرحلة دي!

انا كنت بقرا بالورقة والقلم ودي نفعت معاي شديد وحاجات الحفظ كنت بفهمها اول بعدين احفظ ولو في حاجة صعبة كنت بعملها في شكل غنية
لكن عايزة اقول ليكم انو طريقة القراية دي بتختلف من زول للتاني انتو بس شوفو الطريقة البتنفع معاكم واستمرو عليها

كنت بشوف كل الأوائل الفي السنين الفاتت قدوة لي ولمن اشوف فيديوهاتهم وهم بتكلمو بتحمس شديد وبجتهد عشان ابقى زيهم في يوم

من المُسلّم به ان القرآن مصدر الطمأنينة، هل كان في سورة معينة كل ماتقريها بتحسي بالراحة؟

سورة طه ومريم❤️

هل زول فاقد الثقه فى نفسي و عندو مشكله فى الانجليزي ح يجيب كم و 90

طبعا اكيد بيقدر يجيب كم و90
وليه ما واثق في نفسو؟ طالما انت بتعمل العليك وبتجتهد ربنا حيعوضك اكيد وخت في بالك انو لكل مجتهد نصيب ومافي زول احسن من زول والناس الجابو كم و٩٠ ديل ما احسن منك في حاجه وادعي ربنا كتييير وخليك واثق انو حيستجيب ليك
بالنسبة للانجليزي ابدا شوف مشكلتك شنو وبإذن الله حتقدر تحلها

أسأل لينا دي قول ليها لو طالب بدأ القرايه الليله دا وعندو مشكله في اللغه الانجليزيه بقدر يجي اول السودان أو في الميه الأوائل ولو داير يجي في الميه الأوائل يقرأ كم ساعه في اليوم ويقرأ اي ماده كيف؟

اعرف مشكلتك شنو تحديدا في الانجليزي سواء summary او grammar او غيرو وابدا حلها..ونصيحة ليك حل امتحانات كتيييرة وخلي الاستاذ يصححها ليك لانو الامتحانات بتساعد شديد
مافي عدد ساعات محدد مفروض تقراهو لانو ممكن تقرأ ١٠ ساعات لكن تكون سرحان وزهجان ف بالتالي ما حتستفيد وممكن تقرأ ٤ ساعات بتركيز شديد وبالتالي حتستفيد ف عدد الساعات ما مهم المهم انك تقرأ بتركيز شديد وتكون حقيقي مستفيد من قرايتك