بداية السنة كنت متحمسة شدييييد وقدرت استفيد من الحماس دا لكن للأسف لحدي نص السنة كدا اكيد الزول بزهج
ايواا دي النقطة العايزين نصل ليها، كيف قدرتي تتغلبي على الزهجة دي؟
والله انا زهجتي دي استمرت كتيير شديد وكنت يائسة شديد😂 لدرجة فكرت اجمد السنة عديل لكن بقيت بشجع نفسي وبقويها وبعاين لي ناس بيتنا وقدر شنو هم واثقين فيني وبقيت بدعي ربنا يقويني ويصبرني وبديت حبة حبة اقرا وانا خاته في بالي انو ربنا معاي وحيجبر خاطري
واجهتي ضغوطات المدرسة كيف؟ من المعروف انو المدارس في السنة الثالثة بتكون مركزة على طلبتها جداً على أساس يجيبو درجات مشرفة لكن الشيء دا مُنهك للغاية كنتي بتعملي شنو عشان تزيلي الاستريس؟
بالجد دي كانت اكتر حاجه مسببة لي ضغط نفسي وكنت خايفة شديد اخذلهم لكن بقيت بقول انا طالما عملت العلي ف اكيد حاجيب نسبة كبيرة وحتى لو لا قدر الله ما جبتها ف انا حاكون راضية عن نفسي وعارفة قدر شنو انا تعبت
بحب ارسم واقرا روايات في سنة تالت كنت مرات برسم لكن الروايات دي لو بديت اقراها ما حاقدر أوقف عشان كدا ما قريت روايات نهائي في خلال السنة😂
هل كان في حواليك ناس مُحبِطة وبتقلل من قيمة مجهودِك؟ وصديتيهم كيف؟
Forwarded from Ii ..
طريقة تنظيم جدوله للمذاكره والكتب اللي استفادت منها
انا شخصيا ما كان حواليني ناس محبطين بالعكس كانو بشجعوني لكن عموما لو زول بتعرض لي إحباط من الناس مفروض يخلي كلامهم دافع عشان ينجز ويثبت لي نفسو وليهم انو بقدر يعمل إنجازات كبيرة
بالنسبة لي جدول المذاكرة ف انا ما كنت خاته جدول محدد امشي عليهو لكن كنت مرتبة زمني وخاته مهام يومية مفروض انجزها
Forwarded from Deleted Account
ال English و ما ادراك ما ال English
كيف كنتِ بتقريه ؟
كيف كنتِ بتقريه ؟
Deleted Account
ال English و ما ادراك ما ال English كيف كنتِ بتقريه ؟
كنت بقرا القطعه وبطلع الكلمات الجديدة واعرف المعنى وال spelling وبحل أسئلة الكتاب لأنها مهمة شديد وبعداك الgrammar وبجي احل المريح خاصة القطع كنت بحلها في المريح كتير
Forwarded from Fakhreldin
جمعه و سبت كنت بتعمل فشنو بالنسبة للدراسة
Fakhreldin
جمعه و سبت كنت بتعمل فشنو بالنسبة للدراسة
غالبا الجمعه والسبت كنت بقرا فيهم المواد التقيلة والفيها صعوبة شوية او الحاجات الطولت ما قريتها وبرضة كنت بحدد زمن معين فيهم لحل الامتحانات
من المعروف جدا انو النوم حبيبنا كلنا في الفترة دي😂، والنوم ببقا ليناا رهيب جدا جدا😂😂أول ماتصحي وتحسي نفسك ماقادرة تقومي وعايزة تنومي بخاطبي نفسك بشنو!