🚀 شرارة الشغف ليست كافية.. كيف تحوّل حلمك إلى خطة عمل؟
كلنا عندنا أحلام وأفكار متحمسين ليها، وفي لحظات بنحس إننا قادرين نعمل أي حاجة، لكن الحقيقة إنو الشغف براهو ما بكفي، لأنو الحماس ممكن يقل مع الوقت، أما الخطة فهي البتخليك تكمل حتى في الأيام الما عندك فيها أي رغبة.
⚡الفرق بسيط:
الشغف بخليك تبدأ.
لكن الخطة هي البتخليك تستمر.
📌 أي حلم كبير محتاج تجاوب على أسئلة بسيطة:
شنو الهدف العايز أوصل ليه؟
شنو أول خطوة أقدر أبدأ بيها؟
وشنو العادات اليومية البتقربني من هدفي؟
🎯 المشكلة إنو كتير من الناس بيفضلوا يحلموا، لكن ما بحددوا خطوات واضحة، وكل يوم يقولوا: "بكرة ببدأ" لحدي ما يمر الزمن والحلم يفضل في مكانه.
💡 بدل ما تقول: "عايز أنجح" حدد نجاحك،
اكتب هدفك، قسمه لخطوات صغيرة، وحدد وقت تراجع فيه تقدمك؛ لأنو الخطوات الصغيرة البتتكرر كل يوم، هي البتصنع الإنجازات الكبيرة.
🌱 وتذكر دائماً...
الحلم بدون خطة مجرد أمنية.
والخطة بدون تنفيذ مجرد ورق.
لكن لما يجتمع الشغف مع التخطيط والعمل المستمر...
ساعتها الحلم ببدأ يتحول لحقيقة خطوة بخطوة✨
#حول_حلمك_إلى_خطة
#خطوة_كل_يوم
#التطوير_الذاتي
#تجمع_طلاب_صناع_المستقبل
#FMSG
كلنا عندنا أحلام وأفكار متحمسين ليها، وفي لحظات بنحس إننا قادرين نعمل أي حاجة، لكن الحقيقة إنو الشغف براهو ما بكفي، لأنو الحماس ممكن يقل مع الوقت، أما الخطة فهي البتخليك تكمل حتى في الأيام الما عندك فيها أي رغبة.
⚡الفرق بسيط:
الشغف بخليك تبدأ.
لكن الخطة هي البتخليك تستمر.
📌 أي حلم كبير محتاج تجاوب على أسئلة بسيطة:
شنو الهدف العايز أوصل ليه؟
شنو أول خطوة أقدر أبدأ بيها؟
وشنو العادات اليومية البتقربني من هدفي؟
🎯 المشكلة إنو كتير من الناس بيفضلوا يحلموا، لكن ما بحددوا خطوات واضحة، وكل يوم يقولوا: "بكرة ببدأ" لحدي ما يمر الزمن والحلم يفضل في مكانه.
💡 بدل ما تقول: "عايز أنجح" حدد نجاحك،
اكتب هدفك، قسمه لخطوات صغيرة، وحدد وقت تراجع فيه تقدمك؛ لأنو الخطوات الصغيرة البتتكرر كل يوم، هي البتصنع الإنجازات الكبيرة.
🌱 وتذكر دائماً...
الحلم بدون خطة مجرد أمنية.
والخطة بدون تنفيذ مجرد ورق.
لكن لما يجتمع الشغف مع التخطيط والعمل المستمر...
ساعتها الحلم ببدأ يتحول لحقيقة خطوة بخطوة✨
#حول_حلمك_إلى_خطة
#خطوة_كل_يوم
#التطوير_الذاتي
#تجمع_طلاب_صناع_المستقبل
#FMSG
❤5🔥2🤩1
*عقلية التطوير: كيف تتحول لإنسان منتج؟*🥀
الساعة بقت 11 بالليل...
فتحت قائمة المهام الكتبتها الصباح بكل حماس.
وكنت متخيل إنك في نهاية اليوم حتكون خلصت كل حاجة، وقربت خطوة من أحلامك وأهدافك.
لكن أول ما شفت القائمة، لقيت إنك شطبت مهمة واحدة،أو يمكن اتنين بس...☹️
اها بديت تسأل نفسك:
"أنا ليه ما قادر أكون منتج؟
وليه كل مرة أبدأ بحماس وانتهي بالإحباط؟ يمكن الموضوع أصعب مما كنت متخيل..."😕
لو حسيت بالموقف ده، فأنت ما براك.
الحقيقة إنه الإنتاجية ما بتبدأ بقائمة مهام طويلة، ولا بالحماس المؤقت...
الإنتاجية بتبدأ بعقلية، وعقلية التطور هي أول خطوة تخليك تتحول من شخص بيحلم بالإنجاز، لشخص بينجز فعلًا.
طيب كيف؟ 🤔
📍 خلي المثالية:
ما لازم كل يوم تكمل كل مهامك، وما لازم تعملها كلها بأعلى جودة.
في أيام حتكون مليان طاقة، وفي أيام بالكاد حتقدر تبدأ، وده الطبيعي.
📍 قسم أهدافك الكبيرة:
لمن يكون هدفك كبير ومبهم، عقلك بيحس إنه صعب، فبيأجل البداية.
📍 ابدأ بالأصعب:
أول ما تنجز أهم مهمة في يومك، بتحس براحة، وثقة، ودافع يخليك تكمل باقي المهام بسهولة.
📍 نظم وقتك:
حدد زمن لكل مهمة، وأقفل تلفونك وابعد أي حاجة ممكن تشتتك.
ركز لحدي ما تخلص، وبعدها خد بريك قصير وارجع كمل.
ولو قدرت تبدأ يومك بدري، خاصة وقت الفجر، غالبًا حتحس إن يومك أطول وإنجازك أكتر.
وفي النهاية اتذكر المعادلة دي👈:
لو عايز تزيد إنتاجك = لازم تقلل استهلاكك.
قلل السوشال ميديا، قلل الوقت البضيع في حاجات ما بتضيف ليك، وركز طاقتك في الأشياء البتقربك من أهدافك.
لأن التطور و النجاح ما بيجي من إنجاز كبير في يوم واحد، النجاح بيجي من خطوات صغيرة بتتكرر كل يوم.🥀
# عقلية_التطوير
# زيادة_الإنتاجية
#FMSG
#تجمع_طلاب_صناع_المستقبل
الساعة بقت 11 بالليل...
فتحت قائمة المهام الكتبتها الصباح بكل حماس.
وكنت متخيل إنك في نهاية اليوم حتكون خلصت كل حاجة، وقربت خطوة من أحلامك وأهدافك.
لكن أول ما شفت القائمة، لقيت إنك شطبت مهمة واحدة،أو يمكن اتنين بس...☹️
اها بديت تسأل نفسك:
"أنا ليه ما قادر أكون منتج؟
وليه كل مرة أبدأ بحماس وانتهي بالإحباط؟ يمكن الموضوع أصعب مما كنت متخيل..."😕
لو حسيت بالموقف ده، فأنت ما براك.
الحقيقة إنه الإنتاجية ما بتبدأ بقائمة مهام طويلة، ولا بالحماس المؤقت...
الإنتاجية بتبدأ بعقلية، وعقلية التطور هي أول خطوة تخليك تتحول من شخص بيحلم بالإنجاز، لشخص بينجز فعلًا.
طيب كيف؟ 🤔
📍 خلي المثالية:
ما لازم كل يوم تكمل كل مهامك، وما لازم تعملها كلها بأعلى جودة.
في أيام حتكون مليان طاقة، وفي أيام بالكاد حتقدر تبدأ، وده الطبيعي.
📍 قسم أهدافك الكبيرة:
لمن يكون هدفك كبير ومبهم، عقلك بيحس إنه صعب، فبيأجل البداية.
📍 ابدأ بالأصعب:
أول ما تنجز أهم مهمة في يومك، بتحس براحة، وثقة، ودافع يخليك تكمل باقي المهام بسهولة.
📍 نظم وقتك:
حدد زمن لكل مهمة، وأقفل تلفونك وابعد أي حاجة ممكن تشتتك.
ركز لحدي ما تخلص، وبعدها خد بريك قصير وارجع كمل.
ولو قدرت تبدأ يومك بدري، خاصة وقت الفجر، غالبًا حتحس إن يومك أطول وإنجازك أكتر.
وفي النهاية اتذكر المعادلة دي👈:
لو عايز تزيد إنتاجك = لازم تقلل استهلاكك.
قلل السوشال ميديا، قلل الوقت البضيع في حاجات ما بتضيف ليك، وركز طاقتك في الأشياء البتقربك من أهدافك.
لأن التطور و النجاح ما بيجي من إنجاز كبير في يوم واحد، النجاح بيجي من خطوات صغيرة بتتكرر كل يوم.🥀
# عقلية_التطوير
# زيادة_الإنتاجية
#FMSG
#تجمع_طلاب_صناع_المستقبل
❤7🔥5🥰1
قاعدة ال 1% : كيف تصبح أفضل نسخة من نفسك؟!💪🏻
تقوم على فكرة بسيطة لكنها قوية:
> إذا تحسّنت بنسبة 1% فقط كل يوم، فلن تلاحظ فرقًا كبيرًا اليوم أو غدًا، لكن بعد عام ستكون قد تطورت بشكل هائل.
الفكرة ليست أن تغيّر حياتك في يوم واحد، بل أن تبني عادات صغيرة تستمر عليها.
كيف تطبق قاعدة 1%؟
*اقرأ صفحتين من كتاب يوميًا.
*تعلّم 5 كلمات إنجليزية كل يوم.
*مارس الرياضة لمدة 10 دقائق.
*ادخر مبلغًا بسيطًا باستمرار.
*اكتب فكرة أو ملاحظة واحدة كل يوم.
قد تبدو هذه الخطوات بسيطة، لكنها مع التكرار تصنع نتائج كبيرة.
🤔لماذا تنجح؟
لأن العادات الصغيرة أسهل في الالتزام من القرارات الكبيرة معظم الناس يفشلون بسبب أنهم يحاولون تغيير كل شيء دفعة واحدة، بينما النجاح الحقيقي يأتي من الاستمرار.
📍تذكّر دائمًا:
1% أفضل كل يوم = نسخة أقوى منك في المستقبل.
لا تقارن نفسك بالآخرين، بل قارن نفسك بما كنت عليه بالأمس.
ركّز على الاستمرارية أكثر من الكمال.
📍الخلاصة:
لا تبحث عن قفزة ضخمة تغيّر حياتك، بل ابحث عن تحسّن صغير تلتزم به يوميًا مع مرور الوقت، ستندهش من مقدار التغيير الذي صنعته تلك الـ 1%.
#تطوير_الذات
#تجمع_طلاب_صناع_المستقبل
#FMSG
تقوم على فكرة بسيطة لكنها قوية:
> إذا تحسّنت بنسبة 1% فقط كل يوم، فلن تلاحظ فرقًا كبيرًا اليوم أو غدًا، لكن بعد عام ستكون قد تطورت بشكل هائل.
الفكرة ليست أن تغيّر حياتك في يوم واحد، بل أن تبني عادات صغيرة تستمر عليها.
كيف تطبق قاعدة 1%؟
*اقرأ صفحتين من كتاب يوميًا.
*تعلّم 5 كلمات إنجليزية كل يوم.
*مارس الرياضة لمدة 10 دقائق.
*ادخر مبلغًا بسيطًا باستمرار.
*اكتب فكرة أو ملاحظة واحدة كل يوم.
قد تبدو هذه الخطوات بسيطة، لكنها مع التكرار تصنع نتائج كبيرة.
🤔لماذا تنجح؟
لأن العادات الصغيرة أسهل في الالتزام من القرارات الكبيرة معظم الناس يفشلون بسبب أنهم يحاولون تغيير كل شيء دفعة واحدة، بينما النجاح الحقيقي يأتي من الاستمرار.
📍تذكّر دائمًا:
1% أفضل كل يوم = نسخة أقوى منك في المستقبل.
لا تقارن نفسك بالآخرين، بل قارن نفسك بما كنت عليه بالأمس.
ركّز على الاستمرارية أكثر من الكمال.
📍الخلاصة:
لا تبحث عن قفزة ضخمة تغيّر حياتك، بل ابحث عن تحسّن صغير تلتزم به يوميًا مع مرور الوقت، ستندهش من مقدار التغيير الذي صنعته تلك الـ 1%.
#تطوير_الذات
#تجمع_طلاب_صناع_المستقبل
#FMSG
❤6
🔺 مثلث النجاح: كيف توازن بين الدراسة، التطوير الذاتي، والحياة الاجتماعية؟
كتير من الناس بفتكروا إنو النَّجاح يعني تكون شاطر في الدِّراسة وبس، أو إنك تتعلم مهارات كتيرة وخلاص، لكن الحقيقة إنو النَّجاح الحقيقي محتاج تَوازُن بين تلات حاجات مهمات: الدِّراسة، التَّطوير الذَّاتي، والحياة الاجتماعية.
📚 الدِّراسة هي الأساس البتساعدك تحقق أهدافك وتبني مستقبلك، عشان كدا لازم تديها حقها من الوقت والتركيز، وتجتهد فيها قدر استطاعتك.
🌱 التَّطوير الذَّاتي هو إنك كل يوم تحاول تكون أحسن من أمس؛ تتعلم مهارة جديدة، تقرأ حاجة مفيدة، أو تطور طريقة تفكيرك وإدارتك لوقتك. لأنو الإنسان البتوقف عن التعلُّم بتوقف معاه فرص كتيرة للنمو.
🤝 الحياة الاجتماعية برضو مهمة شديد، لأنو الإنسان ما بعيش براهو. قعدتك مع أهلك، مشاوير او ونسة مع أصحابك، ومشاركتك للناس في الخير كلها حاجات بتديك راحة نفسية وطاقة تكمل بيها مشوارك.
لكن السؤال المهم: كيف يكون التَّوازُن؟
⚖️ التَّوازُن ما معناه إنك تقسم يومك بالتساوي بين الدِّراسة والتَّطوير الذَّاتي والحياة الاجتماعية، لكن معناه إنك تدي كل جانب حقُّه في الوقت المناسب.
فلو عندك امتحانات أو التزامات مهمة، طبيعي تدي الدِّراسة وقتًا أكبر، لكن من غير ما تهمل نفسك أو تنقطع تمامًا عن الناس. وبرضو خصِّص جزءًا من وقتك للتَّطوير الذَّاتي؛ اقرأ كتابًا، تعلم مهارة جديدة، أو حسِّن عادة من عاداتك، حتى لو كان الزمن بسيط. وفي نفس الوقت حافظ على تواصلك مع أهلك وأصحابك، لأن العلاقات الطيبة هي السند البخفف الضغوط وبيساعدك تواصل الطريق.
✨ المُهِم إنك ما تدي جانب كل اهتمامك وتنسى الجوانب التانية. رتِّب أولوياتك، ونظِّم وقتك، وحاول تدي كل جانب حقه من غير إفراط ولا تفريط.
#تجمع _ طلاب _ صناع_ المستقبل
#FMSG
كتير من الناس بفتكروا إنو النَّجاح يعني تكون شاطر في الدِّراسة وبس، أو إنك تتعلم مهارات كتيرة وخلاص، لكن الحقيقة إنو النَّجاح الحقيقي محتاج تَوازُن بين تلات حاجات مهمات: الدِّراسة، التَّطوير الذَّاتي، والحياة الاجتماعية.
📚 الدِّراسة هي الأساس البتساعدك تحقق أهدافك وتبني مستقبلك، عشان كدا لازم تديها حقها من الوقت والتركيز، وتجتهد فيها قدر استطاعتك.
🌱 التَّطوير الذَّاتي هو إنك كل يوم تحاول تكون أحسن من أمس؛ تتعلم مهارة جديدة، تقرأ حاجة مفيدة، أو تطور طريقة تفكيرك وإدارتك لوقتك. لأنو الإنسان البتوقف عن التعلُّم بتوقف معاه فرص كتيرة للنمو.
🤝 الحياة الاجتماعية برضو مهمة شديد، لأنو الإنسان ما بعيش براهو. قعدتك مع أهلك، مشاوير او ونسة مع أصحابك، ومشاركتك للناس في الخير كلها حاجات بتديك راحة نفسية وطاقة تكمل بيها مشوارك.
لكن السؤال المهم: كيف يكون التَّوازُن؟
⚖️ التَّوازُن ما معناه إنك تقسم يومك بالتساوي بين الدِّراسة والتَّطوير الذَّاتي والحياة الاجتماعية، لكن معناه إنك تدي كل جانب حقُّه في الوقت المناسب.
فلو عندك امتحانات أو التزامات مهمة، طبيعي تدي الدِّراسة وقتًا أكبر، لكن من غير ما تهمل نفسك أو تنقطع تمامًا عن الناس. وبرضو خصِّص جزءًا من وقتك للتَّطوير الذَّاتي؛ اقرأ كتابًا، تعلم مهارة جديدة، أو حسِّن عادة من عاداتك، حتى لو كان الزمن بسيط. وفي نفس الوقت حافظ على تواصلك مع أهلك وأصحابك، لأن العلاقات الطيبة هي السند البخفف الضغوط وبيساعدك تواصل الطريق.
✨ المُهِم إنك ما تدي جانب كل اهتمامك وتنسى الجوانب التانية. رتِّب أولوياتك، ونظِّم وقتك، وحاول تدي كل جانب حقه من غير إفراط ولا تفريط.
#تجمع _ طلاب _ صناع_ المستقبل
#FMSG
❤8
🎓 قواعد غير مكتوبة: كيف تتعامل مع البيئة الجامعية في سنتك الأولى؟
أول خطوة داخل الجامعة ما مجرد انتقال من مرحلة دراسية لمرحلة جديدة، بل هي بداية رحلة مختلفة تمامًا؛ رحلة فيها تجارب، مسؤوليات، واكتشاف لنفسك قبل أي شيء آخر. حتلقى عالم جديد مليان أشخاص مختلفين، أفكار متنوعة، وفرص كثيرة... والفرق الحقيقي يكون في طريقة تعاملك مع كل دا .
أول قاعدة: ما تخجل من السؤال.
في الجامعة ما في زول بعرف كل شيء من البداية. اسأل، استفسر، وحاول تفهم المكان البقيت جزء منه. السؤال ما دليل ضعف، بل دليل رغبة في التعلم، والفرص أحيانًا بتضيع بسبب التردد.
ثاني قاعدة: الناس حولك جزء من رحلتك.
كوّن علاقات طيبة، واحرص انك تكون شخص يترك أثر جميل أينما كان. الجامعة ما بس كتب ومحاضرات، بل ذكريات، مواقف، وأشخاص ممكن يرافقوك في طريق طويل.
فعشان كدا عامل كل الناس باحترام، لأن الأخلاق بتفتح أبواب قد لا تفتحها المعرفة وحدها.
ثالث قاعدة: ما تقارن نفسك بالناس.
حتلقى من يبدو متقدم عليك، ومن يحفظ أكثر منك، ومن يتأقلم أسرع منك. لكن اتذكر انو لكل شخص توقيته الخاص؛ فما تقارن بدايتك بفصل متقدم من قصة زول تاني. ركّز على تطورك أنت، ولو بخطوات صغيرة.
رابع قاعدة: الحرية في الجامعة معها مسؤولية.
ما في زول حيوقف معاك كل يوم ويقول ليك ذاكر أو راجع، وما في زول ح يتحمل نتيجة قراراتك بدلًا عنك. أنت اللي مسؤول عن كل قرارتك والنجاح بيبدأ من قدرتك على إدارة وقتك والالتزام عشان تصل لهدفك.
وفي النهاية ما تخلي هدفك انك تكون أكثر شخص لفتًا للانتباه، بل خلي هدفك انك تكون من أكثر الناس احترامًا، اجتهادًا، وأثرًا طيبًا . لأن الجامعة ما سباق لمن يصل أولًا، بل رحلة بتبني فيها شخصيتك قبل مستقبلك.
# تجمع_طلاب_صناع_المستقبل.
#FMSG
أول خطوة داخل الجامعة ما مجرد انتقال من مرحلة دراسية لمرحلة جديدة، بل هي بداية رحلة مختلفة تمامًا؛ رحلة فيها تجارب، مسؤوليات، واكتشاف لنفسك قبل أي شيء آخر. حتلقى عالم جديد مليان أشخاص مختلفين، أفكار متنوعة، وفرص كثيرة... والفرق الحقيقي يكون في طريقة تعاملك مع كل دا .
أول قاعدة: ما تخجل من السؤال.
في الجامعة ما في زول بعرف كل شيء من البداية. اسأل، استفسر، وحاول تفهم المكان البقيت جزء منه. السؤال ما دليل ضعف، بل دليل رغبة في التعلم، والفرص أحيانًا بتضيع بسبب التردد.
ثاني قاعدة: الناس حولك جزء من رحلتك.
كوّن علاقات طيبة، واحرص انك تكون شخص يترك أثر جميل أينما كان. الجامعة ما بس كتب ومحاضرات، بل ذكريات، مواقف، وأشخاص ممكن يرافقوك في طريق طويل.
فعشان كدا عامل كل الناس باحترام، لأن الأخلاق بتفتح أبواب قد لا تفتحها المعرفة وحدها.
ثالث قاعدة: ما تقارن نفسك بالناس.
حتلقى من يبدو متقدم عليك، ومن يحفظ أكثر منك، ومن يتأقلم أسرع منك. لكن اتذكر انو لكل شخص توقيته الخاص؛ فما تقارن بدايتك بفصل متقدم من قصة زول تاني. ركّز على تطورك أنت، ولو بخطوات صغيرة.
رابع قاعدة: الحرية في الجامعة معها مسؤولية.
ما في زول حيوقف معاك كل يوم ويقول ليك ذاكر أو راجع، وما في زول ح يتحمل نتيجة قراراتك بدلًا عنك. أنت اللي مسؤول عن كل قرارتك والنجاح بيبدأ من قدرتك على إدارة وقتك والالتزام عشان تصل لهدفك.
وفي النهاية ما تخلي هدفك انك تكون أكثر شخص لفتًا للانتباه، بل خلي هدفك انك تكون من أكثر الناس احترامًا، اجتهادًا، وأثرًا طيبًا . لأن الجامعة ما سباق لمن يصل أولًا، بل رحلة بتبني فيها شخصيتك قبل مستقبلك.
# تجمع_طلاب_صناع_المستقبل.
#FMSG
❤3🔥2
واستعن بالله ولا تعجز… كيف تجدد شغفك لما ينطفى؟ 🤍✨
كلنا بتمر علينا أيام نصحى فيها وما عندنا نفس نذاكر، أو نشتغل، أو حتى نكمل الحاجة الكنا متحمسين ليها زمان.😔
وده شيء طبيعي… لكن الخطأ الحقيقي إنك تستسلم للإحساس ده وتفتكر إنك فقدت شغفك للأبد.🤍
النبي ﷺ قال:
“احرص على ما ينفعك، واستعن بالله ولا تعجز.” 🌿
الكلام ده بيلخص طريقة التعامل مع أي مرحلة فتور أو ضعف بتمر بيها.
أول حاجة، استعن بالله.🤲
ادعُ ربك، وأكثر من الاستغفار، وحافظ على صلاتك، لأن القلب لما يقرب من الله، بيرجع يلقى الطمأنينة والقوة من جديد.
بعدها، لا تنتظر الشغف عشان تبدأ، لكن ابدأ عشان يرجع
الشغف. 🚀
كتير من الناس فاكرين إنهم لازم يحسوا بالحماس أول، لكن الحقيقة إن الحماس غالبًا بيجي بعد أول خطوة، ما قبلها.
ولو حسيت إن الحمل كبير عليك، قسم أهدافك لخطوات صغيرة.✅
بدل ما تقول: “اليوم لازم أخلص كل الشغل.”
قول: “حأبدأ بعشرين دقيقة بس.” ⏳
غالبًا أول عشرين دقيقة حتفتح ليك باب تكمل الباقي.
وافتكر ليه بدأت من الأساس.✨
راجع أهدافك، وأحلامك، والنسخة البتتمنى تكونها بعد سنة أو خمس سنوات. لما تتذكر السبب، بتلقى الدافع بدأ يرجع ليك.
📌 استعن بالله قبل أي خطوة.
📌 ابدأ حتى لو ما عندك شغف.
📌 قسم أهدافك لخطوات صغيرة.
📌 ابتعد شوية عن المقارنات بالآخرين.
📌 احتفل بأي تقدم، حتى لو كان بسيط.
يا عزيزي، النجاح ما معناه إنك تكون متحمس كل يوم، لكن إنك تستمر حتى في الأيام البتحس فيها بالفتور. لأن الانضباط هو البوصلك، أما الشغف فهو ضيف بيجي ويمشي.✨
﴿واستعن بالله ولا تعجز﴾… خليها شعارك في كل مرحلة من حياتك. 🌸
#استعن_بالله_ولا_تعجز
#تطوير_الذات
#التحفيز
#الانضباط
#النجاح
#التعلم_المستمر
#تجمع_طلاب_صناع_المستقبل
#FMSG
كلنا بتمر علينا أيام نصحى فيها وما عندنا نفس نذاكر، أو نشتغل، أو حتى نكمل الحاجة الكنا متحمسين ليها زمان.😔
وده شيء طبيعي… لكن الخطأ الحقيقي إنك تستسلم للإحساس ده وتفتكر إنك فقدت شغفك للأبد.🤍
النبي ﷺ قال:
“احرص على ما ينفعك، واستعن بالله ولا تعجز.” 🌿
الكلام ده بيلخص طريقة التعامل مع أي مرحلة فتور أو ضعف بتمر بيها.
أول حاجة، استعن بالله.🤲
ادعُ ربك، وأكثر من الاستغفار، وحافظ على صلاتك، لأن القلب لما يقرب من الله، بيرجع يلقى الطمأنينة والقوة من جديد.
بعدها، لا تنتظر الشغف عشان تبدأ، لكن ابدأ عشان يرجع
الشغف. 🚀
كتير من الناس فاكرين إنهم لازم يحسوا بالحماس أول، لكن الحقيقة إن الحماس غالبًا بيجي بعد أول خطوة، ما قبلها.
ولو حسيت إن الحمل كبير عليك، قسم أهدافك لخطوات صغيرة.✅
بدل ما تقول: “اليوم لازم أخلص كل الشغل.”
قول: “حأبدأ بعشرين دقيقة بس.” ⏳
غالبًا أول عشرين دقيقة حتفتح ليك باب تكمل الباقي.
وافتكر ليه بدأت من الأساس.✨
راجع أهدافك، وأحلامك، والنسخة البتتمنى تكونها بعد سنة أو خمس سنوات. لما تتذكر السبب، بتلقى الدافع بدأ يرجع ليك.
📌 استعن بالله قبل أي خطوة.
📌 ابدأ حتى لو ما عندك شغف.
📌 قسم أهدافك لخطوات صغيرة.
📌 ابتعد شوية عن المقارنات بالآخرين.
📌 احتفل بأي تقدم، حتى لو كان بسيط.
يا عزيزي، النجاح ما معناه إنك تكون متحمس كل يوم، لكن إنك تستمر حتى في الأيام البتحس فيها بالفتور. لأن الانضباط هو البوصلك، أما الشغف فهو ضيف بيجي ويمشي.✨
﴿واستعن بالله ولا تعجز﴾… خليها شعارك في كل مرحلة من حياتك. 🌸
#استعن_بالله_ولا_تعجز
#تطوير_الذات
#التحفيز
#الانضباط
#النجاح
#التعلم_المستمر
#تجمع_طلاب_صناع_المستقبل
#FMSG
❤3
*قاعدة ال 20 دقيقة: الحل السحري للتخلص من التسويف والمماطلة!*
كتير بتأجل شغلك وبتقول ح أبدأ بعد شويه، لحدي ما اليوم يضيع، صح ⁉️
المشكلة ما في الكسل، المشكلة في أنه أنت بتخاف من المهام الكبيرة وبتحسها تقيلة، عشان كدا بتأجلها.
طيب نديك حل...
هنا بتجي قاعدة ال *20 دقيقة...*
*فكرتها كالآتي:*
ما تشتغل المهمة كلها، بس التزم إنك تشتغل ال20 دقيقة، بعدها من حقك توقف.
*طيب ليه القاعدة دي* ❓
1️⃣ *بتكسر حاجز البداية والخوف:* أصعب حاجة هي أنك تبدأ!
ف لمن تقول لنفسك بس 20 دقيقة، مخك ما بخاف وبهون عليهو يبدأ.
2️⃣ *بتدخل في حالة التركيز:* غالباً بعد تبدأ ال20 دقيقة حتلقى نفسك دخلت الجو وما عايز توقف.
3️⃣*بتنتصر على المماطلة:* بدل ما تأجل أسبوع حتلقى نفسك انجزت 20 دقيقة يومياً، ويمكن أكتر وخلال الاسبوع ح تكون أنجزت الكتير.
*أخيراً:*
كيف تطبق الطريقة دي عملياً؟
1️⃣ اختار مهمة واحدة دائمًا بتأجلها.
2️⃣ ظبط مؤقت 20 دقيقة في التلفون.
3️⃣ ابعد عن كل المشتتات: التلفون، السوشيال ميديا...
4️⃣ اشتغل بتركيز كامل من غير استعجال، لحدي ما المنبه يضرب.
5️⃣ كافئ نفسك "مثلاً بعد تخلص قوم اتمشى 5 دقايق، أو أشرب قهوتك".
*ختاماً:*
م مطلوب منك تضغط نفسك وتكمل، ولا الإنجاز الخارق.
مطلوب بس 20 دقيقة، وغالباً حتلقى نفسك كملت ساعة كاملة بدون ما تحس.
شغل المؤقت... وابدأ هسي.🤍
#FMSG
#تجمع_طلاب_صناع_المستقبل
كتير بتأجل شغلك وبتقول ح أبدأ بعد شويه، لحدي ما اليوم يضيع، صح ⁉️
المشكلة ما في الكسل، المشكلة في أنه أنت بتخاف من المهام الكبيرة وبتحسها تقيلة، عشان كدا بتأجلها.
طيب نديك حل...
هنا بتجي قاعدة ال *20 دقيقة...*
*فكرتها كالآتي:*
ما تشتغل المهمة كلها، بس التزم إنك تشتغل ال20 دقيقة، بعدها من حقك توقف.
*طيب ليه القاعدة دي* ❓
1️⃣ *بتكسر حاجز البداية والخوف:* أصعب حاجة هي أنك تبدأ!
ف لمن تقول لنفسك بس 20 دقيقة، مخك ما بخاف وبهون عليهو يبدأ.
2️⃣ *بتدخل في حالة التركيز:* غالباً بعد تبدأ ال20 دقيقة حتلقى نفسك دخلت الجو وما عايز توقف.
3️⃣*بتنتصر على المماطلة:* بدل ما تأجل أسبوع حتلقى نفسك انجزت 20 دقيقة يومياً، ويمكن أكتر وخلال الاسبوع ح تكون أنجزت الكتير.
*أخيراً:*
كيف تطبق الطريقة دي عملياً؟
1️⃣ اختار مهمة واحدة دائمًا بتأجلها.
2️⃣ ظبط مؤقت 20 دقيقة في التلفون.
3️⃣ ابعد عن كل المشتتات: التلفون، السوشيال ميديا...
4️⃣ اشتغل بتركيز كامل من غير استعجال، لحدي ما المنبه يضرب.
5️⃣ كافئ نفسك "مثلاً بعد تخلص قوم اتمشى 5 دقايق، أو أشرب قهوتك".
*ختاماً:*
م مطلوب منك تضغط نفسك وتكمل، ولا الإنجاز الخارق.
مطلوب بس 20 دقيقة، وغالباً حتلقى نفسك كملت ساعة كاملة بدون ما تحس.
شغل المؤقت... وابدأ هسي.🤍
#FMSG
#تجمع_طلاب_صناع_المستقبل
❤5
*محركات بحث علمية بديلة لجوجل ستختصر عليك وقت البحوث والتقارير.* 📚🖥️
زهجت من نتائج جوجل العادية، وبتضيع زمنك في مواقع غير موثوقة؟🤦♀️
طيب دي 5 محركات بحث علمية متخصصة حتوفر عليك 80% من وقت البحث:
*1-Google Scholar-الباحث العلمي*
يُعتبر أقوى بديل لأنه بجيب ليك أبحاث أكاديمية، رسائل ماجستير ودكتوراه، بالإضافة لكتب من جامعات معتمدة.
وبرضو فيهو خاصية "الاستشهاد" عشان توثق بحثك صح.📝
*2-Semantic Scholar" الباحث الدلالي"*
مدعوم بالذكاء الاصطناعي يعني م بس بجيب البحث، كمان بلخص ليك النقاط المهمة وبوريك الأبحاث المرتبطة بيهو. ممتاز جداً لو عايز تفهم موضوع جديد و بسرعة.
*3- CORE*
ودا يا عزيزي أكبر مستودع للأبحاث مفتوحة المصدر في العالم، فيهو أكتر من 200 مليون بحث تقدر تنزلهم PDF مجاناً من غير رسوم.
*4- PubMed*
هنا بفيدك أكتر لو مجالك طبي أو صحي أو أحياء.
رقم 1 ، فيهو كل الأبحاث الطبية المعتمدة من المكتبة الوطنية الأمريكية للطب. 👩⚕️
*5- BASE-Bielefeld Academic Search Engine" محرك البحث* *الأكاديمي بيلفيلد* "
*
بفتش في قواعد بيانات أكتر من 7000 جامعة ومكتبة حول العالم.
والنتائج دقيقة ومفيدة جداً للتقارير الجامعية.
*ختاماً:*
ما تضيع وقتك في جوجل العادي أو أي موقع م بفيدك.
أستخدم محركات البحث دي عشان تلقى مصادر موثوقة، تقدر تحملها مجاناً وتختصر شهور من البحث في أيام.🤍👌
#تجمع_طلاب_صناع_المستقبل
#FMSG
زهجت من نتائج جوجل العادية، وبتضيع زمنك في مواقع غير موثوقة؟🤦♀️
طيب دي 5 محركات بحث علمية متخصصة حتوفر عليك 80% من وقت البحث:
*1-Google Scholar-الباحث العلمي*
يُعتبر أقوى بديل لأنه بجيب ليك أبحاث أكاديمية، رسائل ماجستير ودكتوراه، بالإضافة لكتب من جامعات معتمدة.
وبرضو فيهو خاصية "الاستشهاد" عشان توثق بحثك صح.📝
*2-Semantic Scholar" الباحث الدلالي"*
مدعوم بالذكاء الاصطناعي يعني م بس بجيب البحث، كمان بلخص ليك النقاط المهمة وبوريك الأبحاث المرتبطة بيهو. ممتاز جداً لو عايز تفهم موضوع جديد و بسرعة.
*3- CORE*
ودا يا عزيزي أكبر مستودع للأبحاث مفتوحة المصدر في العالم، فيهو أكتر من 200 مليون بحث تقدر تنزلهم PDF مجاناً من غير رسوم.
*4- PubMed*
هنا بفيدك أكتر لو مجالك طبي أو صحي أو أحياء.
رقم 1 ، فيهو كل الأبحاث الطبية المعتمدة من المكتبة الوطنية الأمريكية للطب. 👩⚕️
*5- BASE-Bielefeld Academic Search Engine" محرك البحث* *الأكاديمي بيلفيلد* "
*
بفتش في قواعد بيانات أكتر من 7000 جامعة ومكتبة حول العالم.
والنتائج دقيقة ومفيدة جداً للتقارير الجامعية.
*ختاماً:*
ما تضيع وقتك في جوجل العادي أو أي موقع م بفيدك.
أستخدم محركات البحث دي عشان تلقى مصادر موثوقة، تقدر تحملها مجاناً وتختصر شهور من البحث في أيام.🤍👌
#تجمع_طلاب_صناع_المستقبل
#FMSG
🔥3
كلنا عارفين إنو جودة النوم ممكن تأثر فيك سلبياً أو إيجابياً حسب إختيارك أنت👀.
فيٌ إنسان بنوم نوم عميق ستة أو سبعة ساعات متواصلة يومو مُـرتب، وقتو مُـرتب بتزكر كويس ماف إرهاق عقلي ولا جسدي.
في الجهة التانية إنسان ما بنوم نوم متواصل بساهر بليل وبنوم أقل من ستة ساعات النتيجة: يوم ما مُرتب وقت ما مُرتب، إرهاق جسدي وبدني، بينسى سريع حتى أبسط الأشياء، وتركيزو مع مرور الوقت بيقل!
شفت الفرق بين الشخصين ديل!
يلا أنت اختار عايز تكون أى واحد فيهم؟🫡❤️
ونحن هنا معاك عشان نظبط ساعتك البيولوجية لجودة نوم أفضل.🔥
أولاً الإشارة:
اصحى الصباح اقيف في الشمس عشرة دقائق ادي مخك إشارة، المساء أقفل الأنوار وابعد عـن التلفون بقدر الإمكان عشان برضو تدي مُخك إشارة.🌚❤
ثانياً الثبات:
اثبت على إنك عايز تصحى الساعة كذا، وتنوم الساعة كذا حتى لـو في يوم ساهرت ما تقول أنوم زيادة عشان اعوض؛ لأنو كدا بتدي إشارة خاطئة للمخ.🧠
ثالثاً روتين ما قبل النوم:
خلي عندك عادة صغيرة بعد سورة المُلك، بس تكون ثابتة زي تقرأ وجه من سورة، تتصفح جريدة أو تشرب شاي يانسون.☕
ارح نعمل تحدي الأسبوع نلتزم بـالإرشادات الفوق دي🔥💃🏽.
يلا منو معانا👀🔥؟!
#تجمع_طلاب_صناع_المستقبل
#FMSG
فيٌ إنسان بنوم نوم عميق ستة أو سبعة ساعات متواصلة يومو مُـرتب، وقتو مُـرتب بتزكر كويس ماف إرهاق عقلي ولا جسدي.
في الجهة التانية إنسان ما بنوم نوم متواصل بساهر بليل وبنوم أقل من ستة ساعات النتيجة: يوم ما مُرتب وقت ما مُرتب، إرهاق جسدي وبدني، بينسى سريع حتى أبسط الأشياء، وتركيزو مع مرور الوقت بيقل!
شفت الفرق بين الشخصين ديل!
يلا أنت اختار عايز تكون أى واحد فيهم؟🫡❤️
ونحن هنا معاك عشان نظبط ساعتك البيولوجية لجودة نوم أفضل.🔥
أولاً الإشارة:
اصحى الصباح اقيف في الشمس عشرة دقائق ادي مخك إشارة، المساء أقفل الأنوار وابعد عـن التلفون بقدر الإمكان عشان برضو تدي مُخك إشارة.🌚❤
ثانياً الثبات:
اثبت على إنك عايز تصحى الساعة كذا، وتنوم الساعة كذا حتى لـو في يوم ساهرت ما تقول أنوم زيادة عشان اعوض؛ لأنو كدا بتدي إشارة خاطئة للمخ.🧠
ثالثاً روتين ما قبل النوم:
خلي عندك عادة صغيرة بعد سورة المُلك، بس تكون ثابتة زي تقرأ وجه من سورة، تتصفح جريدة أو تشرب شاي يانسون.☕
ارح نعمل تحدي الأسبوع نلتزم بـالإرشادات الفوق دي🔥💃🏽.
يلا منو معانا👀🔥؟!
#تجمع_طلاب_صناع_المستقبل
#FMSG
❤7
مساء الخير عليكم.💙
أنا جاية أحكي ليكم عن 3 منصات عالمية ومجانية، لو كنت عرفتها من زمان كان وفرت على نفسي سنين لف....
1️⃣ *إدراك:*
هى منصة عربية 100%، أسسوها في الأردن عشان يقولو للعالم العربي:
"نحنا كمان من حقنا نتعلم من أحسن الناس."👏🏻
أنا شخصياً بديت بيها لأنه كنت خايفة من الانجليزي.
الكورسات قصيرة، عملية، وما فيها حشو خالص.
تخلصوا الكورس، تحلوا الاختبار، طوالي الشهادة تنزل ليكم PDF ومجانية، بدون ما تدفعوا ولا دولار.🎯
أكتر حاجة حبيتها في إدراك؟ إنها بتتكلم لغتنا، والأمثلة بتكون قريبة مننا، وبتناقش مشاكل سوقنا.
لو أنت بتبدأ من الصفر وخايف، ابدأ بإدراك. حتديك ثقة.📈
بعد اتشجعت، قلت عايزة حاجة أتقل.
حاجة لما أكتبها في الـCV الزول يقول واو، هنا دخلت على:
2️⃣*edX:*
أسسوها ناس
Edx Harvard, MIT.
يعني نفس المحاضرة البسمعوها طلاب هارفارد في أمريكا، أنت ح تسمعها هنا في تلفونك.
المحتوى تقيل وعلمي، الدكاترة كبار، المشاريع حقيقية.
الكورس نفسه مجاني. تقدروا تحضروا كل الفيديوهات وتنزلوا الملفات.
لكن لو عايزة الشهادة "الموثقة" بتدفع تقريباً 50 دولار.
صعب؟ أيوا صعب بس حسيت إني فعلاً بتعلم حاجة تقيلة وقوية.💙
👨🏻🎓وآخر منصة وهي البتحبها شركات التوظيف...
3️⃣*Coursera:*
دي مختلفة، عبارة عن شركات كبيرة.
قوقل، IBM، مايكروسوفت... كلهم عاملين شهادات مهنية كاملة هنا.
يعني في شهادة اسمها "Google Digital Marketing Certificate"
تخلصها ح تبقي مؤهل تشتغل في التسويق في قوقل نفسها.
📌أحلى حاجة في Coursera؟ حاجة اسمها "Financial Aid" الدعم المالي.
ح تخش تقول والله ما بقدر ادفع، وتشرح ليهم ظروفك،
خلال أسبوعين بردوا ليك ويقولو ليك "مبروك الشهادة بقت مجاناً."🥳
أنا شايفة Coursera دي للزول الجادي العايز شغل.
الـHR هسي بقى يفتش في الـCV عن "Coursera Certificate"، لأنهم عارفين الزول ده تعب واتعلم براهو.💪🏻
التعليم متوفر وما بقى صعب ولا غالي.
الخطوة الجاية عليكم أنتو، شاركونا في الكومنتات بعد شهر اخدت كم شهادة؟ 🎤
#تجمع_طلاب_صناع_المستقبل
#FMSG
أنا جاية أحكي ليكم عن 3 منصات عالمية ومجانية، لو كنت عرفتها من زمان كان وفرت على نفسي سنين لف....
1️⃣ *إدراك:*
هى منصة عربية 100%، أسسوها في الأردن عشان يقولو للعالم العربي:
"نحنا كمان من حقنا نتعلم من أحسن الناس."👏🏻
أنا شخصياً بديت بيها لأنه كنت خايفة من الانجليزي.
الكورسات قصيرة، عملية، وما فيها حشو خالص.
تخلصوا الكورس، تحلوا الاختبار، طوالي الشهادة تنزل ليكم PDF ومجانية، بدون ما تدفعوا ولا دولار.🎯
أكتر حاجة حبيتها في إدراك؟ إنها بتتكلم لغتنا، والأمثلة بتكون قريبة مننا، وبتناقش مشاكل سوقنا.
لو أنت بتبدأ من الصفر وخايف، ابدأ بإدراك. حتديك ثقة.📈
بعد اتشجعت، قلت عايزة حاجة أتقل.
حاجة لما أكتبها في الـCV الزول يقول واو، هنا دخلت على:
2️⃣*edX:*
أسسوها ناس
Edx Harvard, MIT.
يعني نفس المحاضرة البسمعوها طلاب هارفارد في أمريكا، أنت ح تسمعها هنا في تلفونك.
المحتوى تقيل وعلمي، الدكاترة كبار، المشاريع حقيقية.
الكورس نفسه مجاني. تقدروا تحضروا كل الفيديوهات وتنزلوا الملفات.
لكن لو عايزة الشهادة "الموثقة" بتدفع تقريباً 50 دولار.
صعب؟ أيوا صعب بس حسيت إني فعلاً بتعلم حاجة تقيلة وقوية.💙
👨🏻🎓وآخر منصة وهي البتحبها شركات التوظيف...
3️⃣*Coursera:*
دي مختلفة، عبارة عن شركات كبيرة.
قوقل، IBM، مايكروسوفت... كلهم عاملين شهادات مهنية كاملة هنا.
يعني في شهادة اسمها "Google Digital Marketing Certificate"
تخلصها ح تبقي مؤهل تشتغل في التسويق في قوقل نفسها.
📌أحلى حاجة في Coursera؟ حاجة اسمها "Financial Aid" الدعم المالي.
ح تخش تقول والله ما بقدر ادفع، وتشرح ليهم ظروفك،
خلال أسبوعين بردوا ليك ويقولو ليك "مبروك الشهادة بقت مجاناً."🥳
أنا شايفة Coursera دي للزول الجادي العايز شغل.
الـHR هسي بقى يفتش في الـCV عن "Coursera Certificate"، لأنهم عارفين الزول ده تعب واتعلم براهو.💪🏻
التعليم متوفر وما بقى صعب ولا غالي.
الخطوة الجاية عليكم أنتو، شاركونا في الكومنتات بعد شهر اخدت كم شهادة؟ 🎤
#تجمع_طلاب_صناع_المستقبل
#FMSG
❤12👏1
السلام عليكم ياعزيزي الطالب..
بتدرس لساعات طويلة وبتكتشف بعد يومين انك نسيت كل حاجة؟
المشكلة مافي ذاكرتك.. بل في طريقة مذاكرتك
في عالم اسمه ريتشرد فاينمان كان يوصف بالمفسر العظيم عارف السر شنو؟؟!
فاينمان استخدم تقنية من 4 خطوات بتحول اعقد المعادلات والمواد لحكاية يفهمها طفل عمره تسع سنين وسميت التقنية ب اسمه لتميزه بقدرة خارقة على تبسيط أعتى نظريات الكون وشرحها لعامة الناس بأسلوب ممتع ومفيد
خطوات التقنية:
1️⃣ اختر المفهوم والبس قبعة المعلّم:
مطلوب منك تجيب ورقة بيضاء وتلخص فيها عناوين الموضوع المعقد يلي مفترض انت تذاكره وتتخيل انك بتشرح لطفل عمره تسع سنين واكتب الشرح باسلوبك الخاص
ممنوع استخدام الكلام المعقد2️⃣
ممنوع انك تستخدم المصطلحات الاكاديمية والمعقدة التحدي الحقيقي هو انك تستعمل التقنية دي عشان تبسط المعلومة وتبقى سلسة لدرجة انو يفهمها اي انسان خارج مجالك
:سد الفجوات المعرفية 3️⃣
اثناء شرحك يمكن تحس بتعثرات في جزء معين او جزئية ماقدرت انك تبسطها.. ارجع لكتابك او مرجعك ركز عليها حتى تتقنها وبعدها واصل في شرحك
4️⃣ بسّط أكثر واستخدم التشبيهات:
نظم معلوماتك في قصة متماسكة واستخدم تشبيهات من حياتك اليومية استخدم اي حاجة ممكن تخليك تتذكر المعلومة دي عشان ترسخ في ذهنك
...في النهاية📌
بقول ليك انو الحفظ والتلقين بتبخروا بعد الامتحان
اما الفهم الحقيقي القائم على التبسيط هو البصنع المهني والعالم الناجح
شاركونا في الكومنتات
هل حصل وجربتوا طريقة فاينمان للمذاكرة؟
وكيف كانت النتيجة
#تجمع_طلاب_صناع_المستقبل
#FMSG
بتدرس لساعات طويلة وبتكتشف بعد يومين انك نسيت كل حاجة؟
المشكلة مافي ذاكرتك.. بل في طريقة مذاكرتك
في عالم اسمه ريتشرد فاينمان كان يوصف بالمفسر العظيم عارف السر شنو؟؟!
فاينمان استخدم تقنية من 4 خطوات بتحول اعقد المعادلات والمواد لحكاية يفهمها طفل عمره تسع سنين وسميت التقنية ب اسمه لتميزه بقدرة خارقة على تبسيط أعتى نظريات الكون وشرحها لعامة الناس بأسلوب ممتع ومفيد
خطوات التقنية:
1️⃣ اختر المفهوم والبس قبعة المعلّم:
مطلوب منك تجيب ورقة بيضاء وتلخص فيها عناوين الموضوع المعقد يلي مفترض انت تذاكره وتتخيل انك بتشرح لطفل عمره تسع سنين واكتب الشرح باسلوبك الخاص
ممنوع استخدام الكلام المعقد2️⃣
ممنوع انك تستخدم المصطلحات الاكاديمية والمعقدة التحدي الحقيقي هو انك تستعمل التقنية دي عشان تبسط المعلومة وتبقى سلسة لدرجة انو يفهمها اي انسان خارج مجالك
:سد الفجوات المعرفية 3️⃣
اثناء شرحك يمكن تحس بتعثرات في جزء معين او جزئية ماقدرت انك تبسطها.. ارجع لكتابك او مرجعك ركز عليها حتى تتقنها وبعدها واصل في شرحك
4️⃣ بسّط أكثر واستخدم التشبيهات:
نظم معلوماتك في قصة متماسكة واستخدم تشبيهات من حياتك اليومية استخدم اي حاجة ممكن تخليك تتذكر المعلومة دي عشان ترسخ في ذهنك
...في النهاية📌
بقول ليك انو الحفظ والتلقين بتبخروا بعد الامتحان
اما الفهم الحقيقي القائم على التبسيط هو البصنع المهني والعالم الناجح
شاركونا في الكومنتات
هل حصل وجربتوا طريقة فاينمان للمذاكرة؟
وكيف كانت النتيجة
#تجمع_طلاب_صناع_المستقبل
#FMSG
❤4