لينك التقديم للمنحة:

طريقة التقديم:
(1) التقديم عبر منصة المنح على موقع وزارة التعليم العالي والبحث العلمي mohe.gov.sd
(2) بعد إكمال التقديم، تُرسل جميع المستندات في ملف PDF واحد إلى البريد الإلكتروني:
external@mohe.gov.sd ويكون عنوان الرسالة: الاسم الرباعي – رقم الهاتف – المرحلة الدراسية – التخصص
آخر موعد للتقديم: الاثنين 27 يوليو 2026

​يا جميل !! ✨
عايز تتقن مهارة معينة وما عارف تبدأ كيف؟ 🤔
ركز معاي في الخطة دي (5 خطوات وبس):

1. فكك المهارة: 🛠️
ما تحاول تبلع المهارة دفعة واحدة!
قسمها لـ 4 أو 5 مهارات فرعية صغيرة، وابدأ بالجزء الأهم.

2. فتش عن "زيت المادة": 📚
ما تضيع وقتك في الكورسات والكتب الكتير ، اختار مصدر واحد أو اثنين كحد أقصى في البداية انجزهم وامش للبعدهم.

3. اقتل المشتتات: 📵
ابعد التلفون وأي حاجة بتشتتك اول ماتبدأ ، وجهز مكانك.

4. ثبّت روتينك (ولو نص ساعة): ⏳
العبرة مش بالكمية، العبرة بالاستمرار.
خصص وقت ثابت يومياً حتى لو كان 30 دقيقة بس وشوف بعد شهر حتصل وين 🔥✅.

5. تقبل الأخطاء وعلم غيرك: 🤝
الغلط في البداية طبيعي ودليل إنك بتتقدم.
وعشان المهارة تثبت في رأسك؟ اشرحها لزول تاني.

📌شارك معانا مهارة نفسك تتعلمها وماعارف تبداها كيف 🤔✅



#تجمع_طلاب_صناع_المستقبل
#FMSG

قفــ🛑stop
فكر لحظة، هل قدرت تحقق سقف إنجازات كويس ومرضي خلال الأسبوع دا؟
هل حصل جربت عادة في محاولة منك لتغيير نمط حياتك؟🤔

في حياتنا لابد من تجربة حاجة جديدة للتغيير، فا تعالوا نجرب عادات مختلفة مع بعض:

🔖العادة الأولى يا عزيزي هي:
"الصدق مع النفس"

يعني ممكن تكذب على نفسك عشان تخلق تبرير يرضيك، كيف؟

مثلاً إذا كنت عندك "كرش🫃🏽"-لا لا ما حامل بل عندك كرش فعلاً- وبتقول لنفسك ياخ الكرش دي كلها بي سبب المصران والغازات،
لكن فجأة قررت تكون صادق مع نفسك وبديت حمية غذائية ونزلت تتمرن و كرشك اختفت، هااا دا مش تبرير وكذب على النفس؟!

🔖العادة التانية هي:
" تحمل المسؤولية"

دقيقة دقيقة ما وقعت ليك صح؟
طيب بنقصد بي تحمل المسؤولية إنك ما تلقي اللوم على أشخاص تانيين في حال وقعت مشكلة وإنت كنت جزء منهم،
أو زي ما بقول المثل: "لا تترك الحبل على القارب".

🔖العادة الثالثة يا جميل السريرة هي:
"اختر النمو بدل الراحة"

يحكى إنو في موظف اتعين في شركة عمه ولصلة القرابة خلاه يكون رئيس قسم المحاسبة و عندو راتب ثابت ومجزي، في نفس الوقت في موظف تاني اتوظف بشهادته كمحاسب بسيط في شركة تانية بي راتب ضعيف وبقى يجتهد بكل طاقته عشان يترقى وقد كان، تمت ترقيته لأكتر من منصب لغاية ما شغل كرسي مدير إداري على واحد من فروع الشركة وراتبه تلاتة أضعاف صاحبنا التاني، بينما صاحبنا داك شاف إنو الراتب ممتاز والمنصب مضمون فقرر إنو كفاية هنا خلاص ما حأجتهد.

🔖العادة الرابعة:
"لا للتسويف"
ناخد عبرة من قصة الصرصور والنملة، عارفينها صح؟
اللي متذكرها يحكيها لينا.

🔖العادة الخامسة وما قبل الأخيرة:
"سرك، انضباطك الذاتي!"

جربت تحافظ على إيقاع منتظم في حياتك، مثلاً إنك توصل قبل الدوام بي 5 دقايق بالضبط؟
تحسب للعشرة قبل تقول أي كلام في نقاش؟
لو جربت تعمل كدا حتلقى نفسك منضبط و دقيق في حاجات كتيرة.

🔖عادتنا الأخيرة يا أحبة هي:
"تمسكك بقوة العادات"

في أم كانت بتعاني جداً من تدهور ابنها في الدراسة، فقررت إنها تتبع معاهو نظام معين، بقت تقعد معاهو أثناء ما بحل الواجب وتقرأ ليهو بي صوت واضح وتكرر السؤال أكتر من مرة، بعدها يرجع للدرس يشوف الحل المناسب مع السؤال، بعد كذا محاولة الولد اتعلم كيف يفهم السؤال ويطلع الإجابات المناسبة، و دا مثال على قوة العادة.

أبدأ بي عادة واحدة والتزم بيها، وورينا التغيير.💪🏻


#FMSG
#تجمع_طلاب_صناع_المستقبل
#عادات_تغير_حياتك

🚀 لا تكن عادياً.. تعلّم كيف تصنع الأثر.

في ناس بعيشوا سنين طويلة، لكن ما بتركوا وراهم أي حاجة تذكر.

وفي ناس وجودهم بسيط، لكن أثرهم بيبقى حاضر في القلوب والعقول حتى بعد ما يغادروا المكان.

⚡ الفرق بسيط:
الإنسان العادي بيفكر في كيف يعدّي يومه.

أما الإنسان المؤثر بيفكر في الأثر البسيبه في يومه.

📌 صاحب الأثر بسأل نفسه:
"شنو الحاجة الممكن أعملها اليوم وتفيد غيري؟"

أما الشخص العادي فغالباً بينشغل بنفسه وبس، وبيمر يومه من غير ما يضيف حاجة حقيقية.

🎯 الحقيقة إنو الأثر ما مرتبط بالمال ولا المنصب ولا الشهرة.
ممكن كلمة طيبة تغيّر نفسية زول، وممكن فكرة تشاركها تلهم شخص يبدأ خطوة جديدة في حياته، وممكن مساعدة بسيطة تكون سبب في فرحة كبيرة.

💡 كل يوم عندك فرصة تترك بصمة:
اتعلم حاجة جديدة،
شارك علمك،
ساعد غيرك،
شجع شخص محبط،
أو حتى كُنّ قدوة بأخلاقك وتصرفاتك.

لأنو في النهاية...
الناس ما بتتذكر كل الكلام القلته 📖
ولا كل الحاجات العملتها لنفسك 🌿

لكن بتتذكر الأثر الجميل الخلّيته في حياتهم ✨



#تجمع_طلاب_صناع_المستقبل
#FMSG

هل تساءلت يوماً لماذا ينتهي يومك دون أن تُنجز نصف مهامك؟🤔

السر ليس في قلة الوقت، بل في العادات الصغيرة التي تفعلها بحسن نية،
لكنها في الحقيقة تدمر طاقتك وتسرق إنجازك دون أن تشعر!

📌إليك أبرز هذه الأخطاء وكيف تحولها إلى قوة تدفعك للأمام:

- فخ "المهام المتعددة":🪫
قد تظن أنك خارق عندما تجيب على بريد إلكتروني أثناء كتابة تقريرك وتصفح الهاتف، لكن عقلك في الواقع يتشتت ويفقد تركيزه ركّز على مهمة واحدة فقط، وأعطها كامل إبداعك، وسترى كيف ستنجزها بوقت قياسي وبجودة مبهرة.🙂‍↕️

- انتظار "اللحظة المثالية":💡
تأجيل البدء حتى تكتمل كل الظروف هو الوهم الأكبر الذي يقع فيه الكثيرون اللحظة المثالية تصنعها أنت!

- إهمال وقودك الأساسي :⏱️
العمل المتواصل دون فترات راحة قصيرة لا يجعلك بطلاً، بل يستهلك طاقتك بسرعة،
امنح نفسك دقائق قليلة للتنفس وتجديد النشاط كل ساعة، لتستعيد حماسك وتعود بذهن صافٍ وأكثر إنتاجية.✅

> أنت تستحق أن تصفق لنفسك في نهاية كل يوم فخوراً بما أنجزت تخلص من هذه العادات الخفية اليوم، وافتح الباب لنسختك الأكثر نجاحاً وتميزاً!


#تجمع_طلاب_صناع_المستقبل
#FMSG

مهارات توفر عليك سنوات من التجربة.💪🏻

لو رجع بي الزمن 5 سنوات... دي المهارة الوحيدة اللي كنت حأتعلمها أولاً....

ليس التسويق ولا التصميم ولا حتى اللغة الإنجليزية
*كنت حأتعلم كيف أتعلم.*

لأن أي مهارة بعدها بتبقى أسهل، وأي خطأ بتتعلم منه أسرع، وأي فرصة بتقدر تلحقها قبل غيرك.
الفرق بين الناس الناجحين وغيرهم غالبًا ما بتكون في كمية المعلومات البعرفونها، بل في سرعة اكتسابهم لمعلومات ومهارات جديدة.

💡 استثمر في عقلك أولاً... والباقي بلحقك

#تطوير_الذات
#مهارات_المستقبل #التعلم_المستمر
#تجمع_طلاب_صناع_المستقبل
#FMSG

كيف تتغلب على متلازمة المحتال؟ 🧠✨

هناك معركةٌ صامتة لا يراها أحد، يخوضها كثيرٌ من الناجحين كل يوم.
معركةٌ لا يكون فيها العدو ضُعف الإمكانيات، بل ضُعف التصديق بها.

تُنجز، وتتعب، وتنجح، ثم يهمس لك صوتٌ داخلي:
"لقد كنت محظوظًا فقط.. أنت لا تستحق هذا المكان."

🔵 هذه هي متلازمة المحتال.

لكن الحقيقة مختلفة تمامًا، فالنجاح لا يأتي مصادفةً كل مرة، والإنجازات لا تُبنى بالحظ وحده.

ما أوصلك إلى ما أنت عليه هو ساعاتٌ من التعلم، ومحاولاتٌ لم يرها أحد، وإصرارٌ تجاوز لحظات الشك. 💪
لا تجعل صوت الشك أعلى من صوت الواقع.

انظر إلى ما أنجزته، لا إلى ما تظن أنك تفتقده.
اسمح لنفسك بأن تتعلم، وأن تخطئ، وأن تنمو. 🌱

فالكفاءة ليست أن تعرف كل شيء، بل أن تكون مستعدًا للتطور كل يوم.

ولعلَّ أفضل وسيلةٍ لمواجهة هذا الشعور هي أن تُغيِّر طريقة حديثك مع نفسك. 🗣️

فبدلًا من أن تقول:
"أنا لا أستحق هذا النجاح" ❌

اسأل نفسك:
"ما الذي فعلته حتى وصلت إلى هنا؟" ✅

ستكتشف أن خلف كل إنجاز ساعاتٍ من الاجتهاد، وأن ما تسميه حظًا كان في الحقيقة استعدادًا سبق الفرصة.

وأن قيمتك لا تُقاس بغياب الأخطاء، بل بقدرتك على التعلم منها والمضي قدمًا.

📌وتذكّر دائمًا:
ليس كل من يشك في نفسه غير كفء، بل كثيرًا ما يكون أكثر الناس كفاءة هم أكثرهم تواضعًا مع أنفسهم.
فلا تدع الشك يحرمك من فرصةٍ تستحقها، ولا تجعل خوفك يسرق منك نجاحًا صنعته بيديك.✨


#تجمع_طلاب_صناع_المستقبل
#FMSG

🚀 شرارة الشغف ليست كافية.. كيف تحوّل حلمك إلى خطة عمل؟

كلنا عندنا أحلام وأفكار متحمسين ليها، وفي لحظات بنحس إننا قادرين نعمل أي حاجة، لكن الحقيقة إنو الشغف براهو ما بكفي، لأنو الحماس ممكن يقل مع الوقت، أما الخطة فهي البتخليك تكمل حتى في الأيام الما عندك فيها أي رغبة.

⚡الفرق بسيط:
الشغف بخليك تبدأ.
لكن الخطة هي البتخليك تستمر.

📌 أي حلم كبير محتاج تجاوب على أسئلة بسيطة:
شنو الهدف العايز أوصل ليه؟
شنو أول خطوة أقدر أبدأ بيها؟
وشنو العادات اليومية البتقربني من هدفي؟

🎯 المشكلة إنو كتير من الناس بيفضلوا يحلموا، لكن ما بحددوا خطوات واضحة، وكل يوم يقولوا: "بكرة ببدأ" لحدي ما يمر الزمن والحلم يفضل في مكانه.

💡 بدل ما تقول: "عايز أنجح" حدد نجاحك،
اكتب هدفك، قسمه لخطوات صغيرة، وحدد وقت تراجع فيه تقدمك؛ لأنو الخطوات الصغيرة البتتكرر كل يوم، هي البتصنع الإنجازات الكبيرة.

🌱 وتذكر دائماً...
الحلم بدون خطة مجرد أمنية.
والخطة بدون تنفيذ مجرد ورق.

لكن لما يجتمع الشغف مع التخطيط والعمل المستمر...
ساعتها الحلم ببدأ يتحول لحقيقة خطوة بخطوة✨

#حول_حلمك_إلى_خطة
#خطوة_كل_يوم
#التطوير_الذاتي
#تجمع_طلاب_صناع_المستقبل
#FMSG

*عقلية التطوير: كيف تتحول لإنسان منتج؟*🥀

الساعة بقت 11 بالليل...
فتحت قائمة المهام الكتبتها الصباح بكل حماس.
وكنت متخيل إنك في نهاية اليوم حتكون خلصت كل حاجة، وقربت خطوة من أحلامك وأهدافك.
لكن أول ما شفت القائمة، لقيت إنك شطبت مهمة واحدة،أو يمكن اتنين بس...☹️

اها بديت تسأل نفسك:
"أنا ليه ما قادر أكون منتج؟
وليه كل مرة أبدأ بحماس وانتهي بالإحباط؟ يمكن الموضوع أصعب مما كنت متخيل..."😕
لو حسيت بالموقف ده، فأنت ما براك.
الحقيقة إنه الإنتاجية ما بتبدأ بقائمة مهام طويلة، ولا بالحماس المؤقت...
الإنتاجية بتبدأ بعقلية، وعقلية التطور هي أول خطوة تخليك تتحول من شخص بيحلم بالإنجاز، لشخص بينجز فعلًا.

طيب كيف؟ 🤔

📍 خلي المثالية:
ما لازم كل يوم تكمل كل مهامك، وما لازم تعملها كلها بأعلى جودة.
في أيام حتكون مليان طاقة، وفي أيام بالكاد حتقدر تبدأ، وده الطبيعي.

📍 قسم أهدافك الكبيرة:
لمن يكون هدفك كبير ومبهم، عقلك بيحس إنه صعب، فبيأجل البداية.

📍 ابدأ بالأصعب:
أول ما تنجز أهم مهمة في يومك، بتحس براحة، وثقة، ودافع يخليك تكمل باقي المهام بسهولة.

📍 نظم وقتك:
حدد زمن لكل مهمة، وأقفل تلفونك وابعد أي حاجة ممكن تشتتك.
ركز لحدي ما تخلص، وبعدها خد بريك قصير وارجع كمل.
ولو قدرت تبدأ يومك بدري، خاصة وقت الفجر، غالبًا حتحس إن يومك أطول وإنجازك أكتر.

وفي النهاية اتذكر المعادلة دي👈:

لو عايز تزيد إنتاجك = لازم تقلل استهلاكك.

قلل السوشال ميديا، قلل الوقت البضيع في حاجات ما بتضيف ليك، وركز طاقتك في الأشياء البتقربك من أهدافك.

لأن التطور و النجاح ما بيجي من إنجاز كبير في يوم واحد، النجاح بيجي من خطوات صغيرة بتتكرر كل يوم.🥀

# عقلية_التطوير
# زيادة_الإنتاجية
#FMSG
#تجمع_طلاب_صناع_المستقبل

قاعدة ال 1% : كيف تصبح أفضل نسخة من نفسك؟!💪🏻
تقوم على فكرة بسيطة لكنها قوية:

> إذا تحسّنت بنسبة 1% فقط كل يوم، فلن تلاحظ فرقًا كبيرًا اليوم أو غدًا، لكن بعد عام ستكون قد تطورت بشكل هائل.

الفكرة ليست أن تغيّر حياتك في يوم واحد، بل أن تبني عادات صغيرة تستمر عليها.

كيف تطبق قاعدة 1%؟
*اقرأ صفحتين من كتاب يوميًا.

*تعلّم 5 كلمات إنجليزية كل يوم.

*مارس الرياضة لمدة 10 دقائق.

*ادخر مبلغًا بسيطًا باستمرار.

*اكتب فكرة أو ملاحظة واحدة كل يوم.
قد تبدو هذه الخطوات بسيطة، لكنها مع التكرار تصنع نتائج كبيرة.

🤔لماذا تنجح؟
لأن العادات الصغيرة أسهل في الالتزام من القرارات الكبيرة معظم الناس يفشلون بسبب أنهم يحاولون تغيير كل شيء دفعة واحدة، بينما النجاح الحقيقي يأتي من الاستمرار.

📍تذكّر دائمًا:
1% أفضل كل يوم = نسخة أقوى منك في المستقبل.
لا تقارن نفسك بالآخرين، بل قارن نفسك بما كنت عليه بالأمس.
ركّز على الاستمرارية أكثر من الكمال.

📍الخلاصة:
لا تبحث عن قفزة ضخمة تغيّر حياتك، بل ابحث عن تحسّن صغير تلتزم به يوميًا مع مرور الوقت، ستندهش من مقدار التغيير الذي صنعته تلك الـ 1%.


#تطوير_الذات
#تجمع_طلاب_صناع_المستقبل
#FMSG