الطالب العزيز..🎓
في حالة عدم وضوح صوت/صورة البث، و وجود شبكة إنترنت جيدة،
نرجو منك تطبيق الحلول الآتية على الترتيب:

- أغلق البث و أفتحه مجدداً.
- غيَّر موقعك.
- أخرج من تطبيق التليجرام و امسحه من الواجهة و أعد فتحه.
- فعّل وضع الطيران ✈️ لمدة 15 ثانية، ثم ألغِ تفعيله.
- أعد تشغيل الهاتف (restart).
- أفتح VPN.
- أعد تحميل التليجرام.
- استخدم هاتفاً آخر.

صندوق التعليقات والاستفسارات:

شرح الـ Summary - أ.قيس

شرح الـ Summary/2 - أ.قيس

شرح التعبير - أ.قيس

جزى الله أ. إبراهيم و أ. قيس خير الجزاء و جعله الله في ميزان حسناتهم، و أدام الله سبقهم للخير في الدنيا و جزاهم به الفردوس في الآخرة.💙
ما تنسوهم من صالح الدعاء.

و بكدا طلابنا الأبطال🎓🔥
نكون وصلنا لختام برنامج الحصص الختامية..
كانت أيام جميلة على الإرهاق الفيها، عشنا معاكم و عايشنا قلقكم و همومكم.

و سعينا بكل ما آتانا الله من قوة نكون ليكم عون و سند.

ندعو الله نكون قدرنا نصنع فرق و حصصنا أدت غرضها و هدفها.💙

العفو منكم على أي تقصير بدر مننا، و نتمنى نسمع آراءكم عشان أخوانكم القدامكم..
و دعواتنا دائماً دائماً دائماً وراكم.💙
موفقيــــن يا أبطال..🔥

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

صباح الخير يا آخر صباح في المشوار..☀️

صباح الخير يا آخر جلسة
صباح ما بعده امتحان..🎓

صباح آخر ورقة، آخر سؤال، آخر مسحة درج و دخلة قاعة ، آخر صباح لـ:"ضع القلم في موضعه الصحيح يا طالب"
و لـ " مضى نصف الزمن"
صباح ختام شهور من السهر و لحظات القلق، دموع التعب والسعي.❤️‍🩹

يا رفيق الرحلة، ما ترهق قلبك بالتفكير في الفات، وما تراجع الـوجع. الورق اِتلمّ، والرزق مكتوب عند ربٍ رحيم ما بضيع أجر المجاهدة. 🏆

ما تجلد نفسك،
احمد ربنا الوفّقك وقدَّرك تمتحن،
وادعُ له، فالدعاء يغيّر المقادير،
وأحسن الظن بالله واستبشر خيرًا،
فاللي زرع تعبك ما بينسى ثمرتك أبدًا.💙


كانت مرحلة فيها الكثير،
ودعواتنا كانت دائماً دائماً معاكم،
وفقكم الله وبُشّرتم بنتائج تسركم.🙌🏻💙
7/7 ⏳

يا نهاية الجلسة ما تسرعي!🔥

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

شعورك يا خريـــــج؟🎓🔥🔥🔥🔥🔥

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

خلاص، القلم رِكَن، والورقة اِتسلّمت، والحِمل اللي كان تقيل على كتافك شهور طويلة، فجأة بقى خفيف كأنه ما كان!
حتمرق من البوابة دي و حتتنفس الصعداء، حتعاين للسما و حتقول: "الحمد لله الذي بنعمته تتم الصالحات".💙

أمرق وأنت بتودع حيطان القاعة الـشهدت على قلقك، وتوترك، ودعواتك الصامتة..
الحيطان الـحفظت تفاصيل تركيزك وهزّة رجلك تحت التربيزة. الليلة، إنت طالع منها بطل، ومنتصر على تعبك.💙

الطريق لبيتك المرة دي حيكون شكله مختلف، الهوا حيكون أبرد، والشوارع حتكون أوسع. و فرحة الدخلة بالباب، لمّا تلاقي عيون أُمك بتسألك:
"عملت شنو؟"
قبل ما لسانها ينطق، وتشوف في وشها راحة لا بتتوصف ولا بتتقدر بتمن.💙

الليلة، ما تشيل هم النتيجة، ولا تراجع الـفات، الـفات مات والـورقة اِتصدرت لرب كريم. فرحان من نفسك و فخور أو شايل في خاطرك غصه و عتاب لنفسك، الليلة بس اِستمتع بطعم الراحة، اِقعد مع أهلك ببال رايق، وأضحك من قلبك لأنك "حاولت"، والمحاولة دي هي الفخر الحقيقي.

خليك متذكر أنه المجهود اللي بذلتو، والسهر الكنت فيهو براك، والضغط النفسي العشتو، ده كلو "نجاح".
و درجتك في الورقة ما هي نهاية قصتك، وعوض ربنا دايماً بيجي من أبواب نحن ما بنكون شايفنها، وبكرة حتعرف إنو "الخيرة فيما اختاره الله" بكل يقين.💙

و تعبك ومجاهدتك لنفسك ما راح و لا حيروح سُدى، وبكرة لمّا تظهر النتيجة، حتعرف إنو كُسرة الخاطر أصلو ما بتشبهك.💙

مبروك الختام، ومبروك الفرحة الـمستحقة، وعُقبال ما نبارك ليك النجاح الباهر يا بطل.🎓💙

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل