جزى الله أ. عزت خير الجزاء و جعله الله في ميزان حسناته، و أدام الله سبقه للخير في الدنيا و جزاه به الفردوس في الآخرة.💙
ما تنسوه تدعوا ليه بالشفاء العاجل و الصحة و العافية.💙

و دي كانت حصتنا الختامية لمادة التاريخ من تقديم ضيفنا الجليل..

انتظرونا في حصصنا الجاية في برنامج الحصص الختامية بإذن الله!💙

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

يا رفيق السهر، وصاحب الكوباية الما بتفضى، والعيون الغالبها النعاس بس ماسكة في الحلم قوي...💙

بكرة القلم يرتاح، والكتب المليانة شخبطات وملاحظات تبقى مجرد ذكرى لقصة كفاح عظيمة، والباب الكنت قافلو على نفسك بالساعات حيتفتح على أوسع أبواب الدنيا...

تعال نسافر بخيالنا ليوم النتيجة..
الصباح المختلف داك، قلبك البدق بسرعة وإنت بتعاين لشاشة التلفون، صمت الثواني البيشبه سنين، وفجأة..
تصرخ بأعلى صوتك وتملأ البيت بهجة!

تتخيل جَريت أُمك عليك، وهي بتمسح دموع فرحها بتوبها وما عارفة تعبر كيف غير بضمة قوية، وحضن أبوك البيطبطب على كتفك وهو بيقول ليك بصوت مليان عزة وراسو مرفوع للسما: "أنا كنت عارف إنك قدرها، ما خيبت ظني فيك".💙

الجيران يباركوا، والتلفونات ما تقيف، والبيت يقلب مهرجان من النور والفرحة، وإنت في النص حاسس إنك خفيـــف، خفيف لدرجة إنك قادر تطير...💙

كل سطر قريتو وإنت حيلك مهدود، كل لحظة يأس قاومت فيها رغبتك في الاستسلام، كل دعوة في سجدة طويلة... كلها حتتجسد في اللحظة دي، لحظة بتوزن عمر بحاله وبتمسح كل أثر للتعب.

اللحظة الحتقيف فيها وسط كل الحب ده، وتطوي صفحة الإرهاق، وتقول بابتسامة نصر وروح مليانة يقين:
"ظننتُها عسيرة، فسهّلها الله، وحسبتها بعيدة، فطويتها بالصبر والسعي، وها أنا اليوم أُعانق حُلمي واقعاً يمشي على قدمين"
خليك واثق إنو العوض الجاي أكبر وأجمل من تخيلك... استمر يا بطل، مساحات الفرح بتناديك.. وينك أنت؟🎓💙

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

كيف الفيزياء و التاريخ؟👀🔥

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

📢 الحصص الختامية | FMSG'S SPOTTINGS

المراجعة الختامية لمادة الرياضيات المتخصصة من
تقديم: أ. يوسف التاكا

- بكالوريوس تربية - جامعة ام درمان الاسلامية (رياضيات - فيزياء )
- مدرس رياضيات بعدة مدارس من عام 2015 حتى الآن منها مدرسة الشيخ يوسف الخليفة و مدارس التاكا الخاصة
- مؤلف مذكرة أساسيات الجبر لطلاب الرحلة المتوسطة و الثانوي
- تأليف مذكرات في الرياضيات المتخصصة و الأساسية
- إعداد ملخصات خارطة طريق التفوق
- المدير الأكاديمي لمدارس التاكا الخاصة

🗓 اليوم: الأثنين 20/4
⏰ الوقت: الثامنة و النصف مساءً بتوقيت السودان
المنصة: قناة التليجرام

🔗 رابط القناة: [ https://t.me/sdfmsg]

«ملحوظة: الحصة مسجلة مسبقاً»

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

الحصص الختامية 2026- الرياضيات المتخصصة

السلام عليكم ورحمه الله وبركاته
شبابنا الهُمام🔥
عساكم طيبين و بصحة و عافية؟

نعتذر عن إقامة حصة الرياضيات الأساسية آسفين جداً نتيجة عدم تمكن الأستاذ من تدريسها.

مقدرين اهتمامكم و حماسكم و بهمنا وقتكم أكتر، و بنشكركم على صبركم.💙

انتظرونا في ختام برنامج الحصص الختامية بكرة بإذن الله.💙

#تجمع_طلاب_صناع_المستقبل

عزيزي الممتحن،
طمننا عملتَ شنو!🔥

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل

خلاص..
بقينا على بُعد خُطوة واحدة بس من خط النهاية،
واليوم ده بالذات هو الجسر البتعبر بيها لحلمك الكبير...💙

حاسين بيك، وحاسين بيدك البدأت ترخي من التعب، وبالإرهاق العاوز يغلبك في الأمتار الأخيرة..🫂

بس الليلة بالذات، دايرنك تشد القبضة أكتر من أي وقت فات، وما تخلي السهر الغلبك شهور يغلبك في آخر ليلة.🔥

أنت عدّيت الجبال ⛰️
وفضلت ليك الهضبة الصغيرة دي!
شدّ حيلك، وجدد نيتك، وأمرق بكرة بكل قوتك!

و اِتحدى الظروف الوقفت ضدك، واِتحدى اليأس الممكن يوسوس ليك، واِتحدى حتى تعب جسمك..❤️‍🩹

عشان إنت بطل،
والبطل ما بيقيف إلا وهو واضع بصمته الأخيرة في القمة.🏆

هانت هانت، وما بقى إلا القليل،
وبُشراكم بالنجاح الباهر البيسعد القلوب..💙


7/6🎯✅
وبإذن الله ختامها مِسك وقوة.🔥

#الشهادة_السودانية
#الحصص_الختامية_FMSG
#لعناية_الطالب_الممتحن
#تجمع_طلاب_صناع_المستقبل

📢 الحصص الختامية | FMSG'S SPOTTINGS

في ختامنا لبرنامج الحصص الختامية نلتقيكم في حصة لمادة اللغة الإنجليزية من
تقديم: أ. إبراهيم المأمون إبراهيم

- بكالوريوس الشرف في الهندسة الكهربائية تخصص Power
- معلم لغة إنجليزية و له عدة مطبوعات و عضو شعبة اللغة الإنجليزية
- معلم لغة إنجليزية متعاون في مدارس الشيخ حمد لمدة 5 سنوات
- مدرسة الجديدة بنين البروف
- مدارس السلام و الظواهر
- معاهد ابن سيناء و النهرين و اليونسكو
- مدارس نور الإيمان الخاصة بنين و بنات

🗓 اليوم: الأربعاء
⏰ الوقت: الثامنة و النصف بتوقيت السودان
المنصة: قناة التليجرام

🔗 رابط القناة: [ https://t.me/sdfmsg]



#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل