اليوم 27 من "تحدي 30 يوم متعلم أفضل_FMSG"

🎯عنوان المهمة: "شاهد مُحاضرة أو فيديو عن الـSMART STUDY"

تحدينا لليوم حلو ومختلف وعوائده علينا جميلة لدرجة ممكن يخلي نتيجتنا كلهاA+. 🤭

🎯المُهمة: الدراسة الفعّالة أو Smart Study قد سبق واتكلمنا عنها، لكن الليلة عايزنك أنت تبحث وتتوسع أكتر وتعرف طُرق جديدة فعّالة ممكن تناسبك.

أنا كيف أبحث؟
ووين؟
وحأستفيد شنو أساساً؟👀

أكيد جا السؤال دا في بالك صح؟
طيب تعال نجاوب عليه مع بعض، الطُرق للبحث عن الدراسة الفعّالة كتيرة فإذا أنت كنت محدد تكنيك مُعين مثلاً زي تقنية البومودور أو التكرار المُتباعد تقدر تبحث عنها مباشرة، ولكن الأفضل إنك تبحث بشكل عام وتتعلم طُرق جديدة عشان تعرف كيف تطبقها وتستفيد منها بقدر الإمكان.✨✅

وين تبحث؟
إذا كنت من النوع الما بحب الفيديوهات الطويلة وبتمل بسرعة ابحث في الريلز بتظهر ليك فيديوهات كافية جداً، وانتبه عند البحث كتابة (من غير موسيقى) نحنا عايزين نستفيد كمان دنيا وآخرة ما عايزين ذنوب...👀🔥

والطريقة التانية ألا وهي اليوتيوب في محاضرات كتيرة جداً عن الـSmart Study تقدر تختار بينهم وتشوف البناسبك.

اقترح عليك ملخص كتاب ادرس بذكاء وليس بجهد.✨

أها حضرت الفيديو أعمل شنو؟
دوِّن أفضل فائدة أنت طلعت بيها وطبقها في دراستك وما تنسى تشارك التحدي مع أصحابك وتشجعوا بعض.🔥

💡تنويرة:
حاول وجرب وافشل وتاني حاول وجرب وتاني افشل عادي
عااادي بالزبااادي
نحن نسعى وإنما النجاح بيد منو؟
بيد الله الواحد الأحد.🔥💙

#اليوم_27
#تحدي
#تطوير_الذات
#30_DAYS_BETTER_LEARNER_CHALLENGE
#تجمع_طلاب_صناع_المستقبل
#FMSG

"عليكَ بالجِدِّ إنِّي لم أجدْ أحداً
حَوى نصيبَ العُلا من غيرِ ما نَصَبِ"

اليوم 27 من التحدي✨

المهمة قد تبدو
صعبة لكن هي في الحقيقة ساهلة وظريفة شديد✨🔥

موضوع الدراسة الفعّالة دا موضوع يلزمنا كلنا من غير اِستثناء
عشان كدا لو ما بحثت امشي ابحث حتخفف على نفسك تعب وزمن🔥🔥

ونحن محتاجين لشنو؟
محتاجين لطاقتنا وزمنا ديل✨

#اليوم_27
#تحدي
#تطوير_الذات
#30_days_better_learner_challenge
#تجمع_طلاب_صُنَّاع_المستقبل
#FMSG

اليوم 28 من "تحدي 30 يوم متعلّم أفضل–FMSG"

🎯عنوان المهمة: "أُدرس لمدة ساعة بعد صلاة الفجر"

يا عزيزي، كونك تقوم لصلاة الفجر دا في حد ذاته تحدي وإنجاز صح؟
يعني الشيطان يقول ليك لالا ياخ لسه عندك زمن قبل شروق الشمس كدي نوم ليك نص ساعة وقوم صلي وايىييشك شالتك نومة لما الساعة بقت 7 صباحاً، تقوم تلعن شيطانك ألف مرة.

طيب جربت شعور إنك تقاوم نزعة الرجوع لسريرك بعد تصلي الفجر، عشان بس تقعد لمدة ساعة تقرأ؟
تمام، دا تحدي جديد، هيا بنا🔥

🎯المهمة: مرحباً بك أيها الساموراي، جهز عتادك فلديك مهمة صعبة اليوم، ستحارب اليوم نزعتك الداخلية للعودة إلى النوم بعد آداء فريضة الفجر ولمدة ساعة كاملة دون تشتيت أو انقطاع؛ لتقرأ فيها شيئاً من اختيارك "أي حاجة مفيدة حتى لو مقال في جريدة المهم تستفيد منو"✅

وقفة معاك يا جميل، هل تعلم أيها الساموراي أن دماغك يكون في أفضل حالاته ليستقبل المعلومات عند الإستيقاظ من نوم عميق وراحة كافية وخاصة بعد الفجر، مما يساهم في رسوخها؟

ما تعلم صح؟
كويس هسي علمت، يلا ورينا شطارتك واستقبل أكبر قدر من المعلومات.

و ود البدري مالو...؟
"سميييين" يا سلام عليك👏🏽👏🏽*

💡تنويرة:
حصل جربت تخصص ورد قرآني معين تقراه بعد الفجر؟

وإذا عملت كدا، شفت تغيير في يومك ولا لا؟
ورينا في التعليقات عشان كل الناس تستفيد معاك.🩵🔥

#اليوم_28
#تحدي
#تطوير_الذات
#30_days_better_learner_challenge
#تجمع_طلاب_صُناع_المستقبل
#FMSG

وما الناسُ إلا اثنانِ: ذلكَ عاملٌ
ينالُ الذي يرجو وذلكَ خاملُ

اليوم 28 من التحدي✨

كونك قمت صليت الصبح وبعدها بديت تقرا فأنت كدا نلت البركة، في يومك وفي حاجتك العايز تقراها.✨

دي عادة جميلة
صحية
وما أي زول بيعملها
فلو أنت عملتها فإنت كدا سوبر
وما في حاجة حتغلبك🔥

حتصحى كل يوم وما حتكسل صح كدا؟
أكيد أكيد حتصحى🔥

#اليوم_28
#تحدي
#تطوير_الذات
#30_days_better_learner_challenge
#تجمع_طلاب_صُنَّاع_المستقبل_FMGS

اليوم 29 من "تحدي 30 يوم متعلّم أفضل–FMSG"

🎯عنوان المهمة: "اصنع تحديًا خاصًا لنفسك ليوم الغد"

🎯المهمة: اليوم دورك إنك تعمل تحدي لبكرة، تحدي تختاره براك، وبالطريقة البتناسبك!

في عادة عايز تبنيها، زي إنك تصحى قبل صلاة الفجر مثلًا، ابدأها بكرة، يمكن تكون دي الخطوة الأولى في طريق التزامك!

عندك مهارة عايز تتعلمها زي الرسم، وبالضبط رسم الأشجار مثلًا، جهز خُطتك، وخلي بكرة يكون أول خطوة في مشوارك.

ما تنسى تحدد هدف بسيط، وواقعي، تقدر تنجزه في يوم واحد.

واختار المصادر العايز تتعلم منها، والجزء العايز تتعلمه.

وفي نهاية اليوم، بعد ما تخلص التحدي، كافئ نفسك على الأنجزته، حتى لو بحاجة بسيطة.

💡تنويرة:
شاركنا شنو التحدي العايز تنجزه بكرة؟
يمكن تلقي زول مهتم بنفس الحاجة.✨🔥

حماسك كم من عشرة لليوم الختامي.🤩

#اليوم_29
#تحدي
#تطوير الذات
#30_days_better_learner_challenge
#تجمع_طلاب_صناع_المستقبل
#FMSG

اليوم 29 من التحدي✨

الناس الفوق الناجحين ديل ما ساي فتحوا يوم لقوا نفسهم فوق
سعوا
وعملوا
وهدموا عادات سلبية وبنوا بدلها عادات إيجابية

عشان كدا دائمًا خليك في حالة تقدم
واصنع لنفسك تحديات وافشل فيها واصنع تاني لحدي ما تنجح✨🔥

#اليوم_29
#تحدي
#تطوير_الذات
#30_days_better_learner_challenge
#تجمع_طلاب_صُناع_المستقبل
#FMSG

اليوم 30 من "تحدي 30 يوم متعلّم أفضل–FMSG"

🎯عنوان المهمة: "حتمًا النهاية ستصنعُ بدايةً جديدة دومًا"

🎯المهمة: خُذ وقتك الليلة وجاوب على الأسئلة دي في ورقة أو بصوت عالي أو حتى في بوست لو داير تشارك:

📍شنو أكتر عادة خلتك فخور بنفسك؟

📍شنو أصعب يوم مرّ عليك في التحدي؟ وليه؟

📍لو حترجع لأول يوم حتنصح نفسك بشنو؟

📍هل ح تواصل؟
ولو حتواصل، حتبدأ بشنو؟

نصيحة اليوم:
ما تحكم على التحدي من كم مرة قصّرت، لكن من كم مرة رجعت.

الاِنتصار الحقيقي ما في الكمال، الانتصار في التِكرار، في المُحاولة، في إنك ما سلّمت.

🎯الرسالة الآخيرة:
لو وصلت اليوم الـ30 أنت ما بس خلّيت ورقة فيها✅
أنت بنيت عادة.
أنت اِنتصرت على نفسك القديمة.
وأنت بديت تعرّف منو أنت فعليًا مش بس منو المفروض تكون.

الرحلة دي ما انتهت…
هي لسه بتبدأ، بس المرة دي بنُسخة أقوى، أوعى، وأصدق منك.🔥

💡تنويرة:
شنو خلاك تستمر لحد اليوم 30؟
وشنو حيكون أول تحدي شخصي تعملو بعد دا؟

#اليوم_30
#تحدي
#تطوير_الذات
#30_days_better_learner_challenge
#تجمع_طلاب_صُناع_المستقبل
‏#FMSG

اليوم 30 من التحدي✨

🎯ثلاثون يومًا من التطور والانضباط.
🎯ثلاثون يومًا من فهم الذات والارتقاء.
🎯ثلاثون يومًا من الإصرار والعزيمة.

والليلة وصلتَ لخط النهاية، وأنت نُسخة أقوى وأفضل من نفسك.🔥

قد تكون الأيام مضت بسرعة، لكن أثرها حيبقى طويلًا في حياتك.

شاركنا تجربتك:
شنو الشيء الغيّرك أكثر شي؟

أفضل عادة اكتسبتها شنو؟

وأصعب يوم مرّ عليك شنو؟


مهما كانت النتيجة خليك فخور بنفسك لأنك حاولت، اجتهدت، وسعيت نحو الأفضل.💙

واتذكر حتى أصغر العادات البنيتها اليوم حتصنع فارق كبير في مستقبلك، وحتشكر نفسك عليها لاحقًا.💙

#اليوم_30
#تحدي
#تطوير_الذات
#30_days_better_learner_challenge
#تجمع_طلاب_صناع_المستقبل
#FMSG

يتم الآن المؤتمر الصحفي لإعلان نتيجة الشهادة السودانية للدفعة 2024م المؤجلة.


مع خالص امنياتنا لطلاب بالتفوق والتميز والدرجات العالية.❤️

#تجمع_طلاب_صناع_المستقبل

لمعرفة نتيجة الشهادة الثانوية المؤجلة للعام 2024، أرسل رقم الجلوس إلى 5556 أو ادخل على الرابط https://result.sudani.sd بـ 5,000 جنيه.
ويمكنك التعرف على التفاصيل على الموقع بـ 7,000 جنيه.
* الأسعار شاملة الضريبة
* ستتوفر النتيجة عقب المؤتمر الصحفي.

#الشهادة_الثانوية_2024
#نتيجةـالثانويةـالمؤجلة
#خليك_سوداني

لو دفعة 2023 هي دفعة الأبطال!
فدفعة 2024 هي دفعة الصمود.

اليوم نحتفل بكم وبإنجازكم، فأنتم الدليل إن الإصرار دايمًا بيصنع الفرق.💪

عزيزي الطالب أنت الفزت في المعركة دي، فارفع رأسك فوق!✋

اتذكر..
معركة..

هنيئًا لك الفوز.🎊
وآلاف التهاني التبريكات.

لكن الحرب لسه مستمرة.
ونحن معاك في كل الجولات وساندنك.💙

#تجمع_طلاب_صناع_المستقبل
#FMSG

أحدُهم في الأرجاء...

حزر فزر
ما هي المُفاجأةُ اليوم يا تُرى!

صبرًا صبرًا
دعني أخبرُك يا صاحبي...👀

اليوم وبعد انتظارٍ طويل
وشوقٍ كثير
آخيرًا، ها نحنُ نُعلن عودتنا، لكنها ليست مجرد استئناف، بل ولادة جديدة تحمل معها عزمًا لا يعرف الانكسار وروحًا متجددة لمواصلة المسيرة نحو القمة.🔥

في كل زاوية من هذا التجمّع، تتجدد الأفكار، وتزدهر المُبادرات، وتستعيد الأحلام مكانها الطبيعي.

فلتستعدوا جميعًا
ولتُشمِّروا السواعد
فها هو التجمّع يعود أقوى، أكثر صلابة، وأكثر حيوية، ليكون مصنع الأحلام، وليُنير الطريق لكل طالب يسعى نحو التفوق والنجاح.🔥

هذه العودة ليست مجرد حدث؛ بل إعلان لعصرٍ جديد مليء بالإنجازات، وبحُبِّكم؛ لأننا معكم نحنُ نُصنَع.💙

#تجمع_طلاب_صناع_المستقبل
#FMSG

إحنا رجعنا!
إحنا رجعنا، ورجعتنا أقوى...🔥

رجعنا بعد غياب آلمنا، أحزنا
رجعنا..
وإحنا أقوى، أقوى بكتير من ما عرفتونا
وقفتنا وغيابنا زادتنا كتير،
زادتنا حنين وشوق ولهفة ليكم.💙

إحنا منكم وليكم رجعنا..
عشانكم، وعشان ديمة كنا معاكم وما وقّفنا يوم نفكر فيكم،
في همومكم واحتياجاتكم.

شايلين ليكم في ايديننا مُفاجآة، ومجهزين ليكم الكتير..🔥

ولأننا ما بنرجع ساي
دي ما مفاجأة بس!
دي رسالة دعم، بنقول ليكم فيها: "إحنا وراكم، وعشانكم بنكمِل"

دي بداية مرحلة جديدة..
أكتر وضوح وثقة وتأثير.
ما تفوتوا اللحظة؛ الفرص ما بتنتظر كتير
ومفاجأتنا دي؟
فرصتكم لتقديم أفضل ما لديكم، عشانكم وعشان مستقبلكم.

ونحن؟
نحن معاكم، في كــــــل خطوة.💙🔥

#الشهادة_السودانية
#لعناية_الطالب_الممتحن
#تجمع_طلاب_صناع_المستقبل
#FMSG

مُمتحن الشهادة
قرِب قرِب!
تعال قريييب...🔥

نحن جينا وجبنا ليك معانا مُفاجأة، مُفاجأة حتُسر بالك
وحتنال استحسانك
أنت بس قول خير، وأرح قدِّم لقدام أمشي معانا خطوتين تلاتة كدا...

حنجيهك جيهة تمام
ونظبطك
وشياكة شديدة دي.🔥

نحن حاسين بيك، ومعاك، ومعلقين فيك أصلنا ما بنخليك في الدرب دا براك.😆
زي ما عودناك، يدّ باليدّ الهم بتشال
رجعنا مبسوطين،
مُتحمسين حماس مليون لـ

• برنامج الحِصص الخِتامية •

مرة تانية، جبنا ليك كوكبة أساتذة
عشان يجاوبوا على أسئلتك ويردوا على استفساراتك
وبأوراق مراجعة شاملة وبتفاني بتفاني شديد،
متمنين إنهم يكونوا ليك خير مُراجعة قبل الإمتحان.🔥

أنت عديت الأصعب، والمُتعب وفضل ليك آخر تكة، وينتهي المشوار بفرحة كبيــــرة، أوعك تستسلم!
واتذكر إنها فرحة تستاهل.💙

وخليك قريب شديد، نحن حنجيـــهك حنجيـــهك.🔥

#الشهادة_السودانية
#لعناية_الطالب_الممتحن
#الحصص_الختامية_FMSG
#تجمع_طلاب_صناع_المستقبل