شايفاك يا العندك مُهمة وعامل رايح وشغال بعدين، بُكرة، هسي ما فاضي...🌚

حصل سمعت بمُصطلح التسويف؟🤔

التسويف يا عزيزي، هو تأجيل المهام أو تأخير البدء فيها، رُغم معرفتك بأهميتها، وغالباً بيكون بسبب الكسل، التردُد، أو الخوف من الفشل.🚶‍♀️

نحل المُشكلة دي كيف؟!

في بعض الناس بتستخدم حاجه اِسمها "مُؤقِت" في تقليل أو قتل التسويف، أرح قدام عشان نفهم أكتر.👌🏻

📍أولاً: علاقة المُؤقِت بالتسويف شنو؟

التسويف بجي من الإحساس بإنه المُهمة كبيرة، أو مُملة، أو ما ليها وقت مُحدد.

والمُؤقت دا بيدي إحساس بوضوح البداية والنهاية، فالعقل كدا بيقبل يشتغل.🧠✅

📍ثانياً: كيف المُؤقِت بساعد في تقليل التسويف؟

المُؤقِت بقلل رهبة البداية:
لما تقول مثلاً: (بس 15 دقيقة) العقل بتجاوب أكتر بدل ما يشوف المُهمة صعبة.

بيركز الاِنتباه:
لما يكون عندك زمن مُحدد، بخليك تنجز بدون تشتُت أو مُماطلة.

بيخلق ليك اِلتزام نفسي:
تشغيل المُؤقِت بشبه لينا "إتفاق داخلي" يعني تبدأ وتخلص.

المُؤقِت بربُط الإنجاز بالإحساس بالإنجاز السريع:
كُلّ خطوه بتخلصها عشان تنجز مهامك بتشعرك بالتقدُم، ودا بقلل التسويف مع الوقت.

طيب أنا استخدم المُؤقِت دا كيف؟🤔

📍أولاً: عندنا تقنية بومودورو(Pomodoro):
مثلاً: 25 دقيقة شُغل+5 دقائق راحة، تتكرر 4 مرات، بعدها راحة أطول.

📍ثانياً: تقسيم المُهمة لأجزاء صغيرة بوقت مُحدد:
مثلاً: 10 دقائق بحث، 10 دقائق كتابة، 5 دقائق مُراجعة.

📍ثالثاً: تحدي الزمن:
تحدي الزمن بمعنى إنك تخلص الجُزء المُحدد قبل ما المُؤقِت يرن.

النتائج المُتوقعة:
-تقليل التردد.
-تنظيم الوقت.
_زيادة الإنجاز اليومي.
-تقليل التوتر المُصاحب للتراكُم.

خِتاماً:
حاول تبطل كسل وتأجيل، وحاول تنجز مهامك وشغلك في وقته المُحدد؛ عشان تكون مُرتاح نفسياً وعقلياً من التفكير، وعشان تكون نشيط دائماً ومُتميز.👌🤍

#تجمع_طلاب_صناع_المستقبل
#FMSG

🔴 عاجل | إعلان حالة الطوارئ القصوى 🔴

تحذير رسميّ من السلطات العليا لتجمع طلاب صناع المستقبل:

تم إعلان حالة الطوارئ في التجمع ابتداءً من الساعة 12:00 منتصف الليل وحتى إشعار آخر.

جميع المؤشرات تؤكد أن الساعات القادمة حاسمة.

الكتائب المعنيّة ترفع استعدادتها للتدخل السريع لتكون معكم في ميدان امتحانات الشهادة السودانية الدفعة 2024:


📌مراجعات نهائية مكثفة.
📌دعم أكاديمي ونفسيّ.
📌 نصائح ذكية للمذاكرة.
📌جلسات مباشرة وأسئلة متوقعة.

تم تعليق الأنشطة الغير مرتبطة بالامتحانات.

تمت تعبئة طواقم الدعم النفسيّ والأكاديميّ.


📡 تابعونا على قنواتنا الرسمية:

📍تليجرام:
https://t.me/sdfmsg

📍فيسبوك:
https://www.facebook.com/FMSGsd?mibextid=ZbWKwL

📍واتساب:
https://whatsapp.com/channel/0029Vb6CnKQFnSz2HPnrSe0h


#الشهادة_السودانية_2024
#المراجعات_النهائية
#تجمع_طلاب_صناع_المستقبل
#FMSG

🎓🔥 لكل طلاب الشهادة السودانية–دفعة 24-جاهزين للفاينل راوند؟😎

📣 مكتب الإنتاج الفكري جاييكم بأقوى اِنطلاقة لسنة 2025. 🔥

🎯 مشروع الحصص الختامية لدُفعة 24...

🚀 آخر مُراجعة وأقوى اِنطلاقة نحو خط النهاية!

شنو بتلقى في الحصص؟
📌توقعات ذكية ومبنية على تحليل الإمتحانات السابقة.
📌أهم النقاط الراجحة في الورقة، مش أي مُراجعة والسلام.
📌شرح بسيط وعميق من أساتذة تقيلين بالحيل.
📌مُراجعة سريعة، مركزة، تسهل ليك لمّ المنهج قبل الإمتحان.

دي ما مُراجعة…دي خطوة إستراتيجية قبل السباق الآخير.👌🏻

📌 بتراجع بسُرعة.
📌 بتلم أهم النقاط.
📌 وبتدخل الإمتحان بثقة.

الحصص دي معمولة ليك، بأسلُوب مباشر، محتوى بدون حشو...💯🔥
وهدفنا: تضمن أكبر اِستفادة في أقل وقت مُمكن...

📆 تابعنا عشان تعرف الجدول، وتكون أول الحاضرين؛ لأن النجاح في اللحظة دي بيبدأ من قرار بسيط: تلحق الحصة أو تفوِّتها! ✅🔥


#الحصص_الختامية
#دفعة24
#نهاية_صح_لبداية_كبرى
#تجمع_طلاب_صناع_المستقبل.
#مكتب_الإنتاج_الفكري

العِبرة بالخواتيم والمِسك دائمًا مِسك الخِتام، وعشان النهاية تكون سعيدة، يتوجب عليك السعي، بيتوجب عليك شديد إنك تبذل كُلّ طاقتك في السعي، ما عشان حاجة ولا عشان زول عشانك أنت في المقام الأول...

السعي مُتعب، والطريق طويل ومرات بيبقى مُمل، بس حيبقى الجواب دائمًا:
إن السعي بيتعب لفترة مُعينة وبعدها حتجي سعادة عجيبة، بس عدم السعي بريّح لفترة مُعينة وبعدها حيجي تعب طويييل شديد...

هي كلها أيام معدودات وأهي خلاص هانت وأوشكت على الإنتهاء؛ عشان كدا خلي السعي هو عنوان الطريق، حصل مرة دام علينا حال مُعين لفترة طويلة شديد؟
أكيد لا، ومصير الأيام دي تعدي وتنتهي وتبقى ذِكرى نتذكرها ونمووت من الضحك عليها وعلى حكاويها...

خليك دائمًا مُتذكر إنو ربنا وعدنا وقال لينا:
{وَأَن لَيْسَ لِلْإِنسَانِ إِلّا مَا سَعَى*وَأَنَّ سَعْيَهُ سَوْفَ يُرَى}

#لعناية_الطالب_المُمتحن
#رشفة_من_الأمل
#تجمع_طلاب_صناع_المستقبل
#FMSG

صباح الخير، والخير أنت اللسة مُكمل رُغم وعورة الطريق، ورُغمًا عن اليأس، ورُغمًا عن رِحلة تالتة المُتعبة...💗

مع الصباح دا عايزة أقول ليك إنو تالتة ثانوي ما لازم تطلِّع منك طالب مُتميز، على قدر ما إنو لازم تطلِّع منك طالب عارف يعني شنو الزول يسعى ويمشي الطريق دا شِبر شِبر...
يعني شنو الزول يقع ويقوم...
يفشل ويجيب درجات كعبة ويواصل لسة...
وأهم حاجة تطلِّع منك إنسان قادر يحارب كُلّ حاجة وكُلّ شعور عشان يصل لهدفو ومُرادو...
وتطلِّع منك إنسان بحاول
ويحاول
وما بستسلم...

أنت المُمتحن دا عبارة عن حِكاية وصفحات كتّاب شيّقة تستاهل تتحكي لناس بعدك، وعشان يحصل كدا أنت لازم تكون مُحارب سانيّ سيفو وداخل بكُلّ طاقتو عشان يحارب في المعركة دي
ما يحارب بس
يحارب وينتصر...

لو أنت عايز تكون البطل الحقيقي للحِكاية دي لازم تشِّد همتك وتفعل وضع الطاقة القصوى، هنا ما في مجال للتعب ولا في طريقة للإستسلام
يا تنجح، يا تنجح
يا تفوز، يا تفوز...

ويا ورقة الإمتحان جاييك الطالب الما بتهز منو شعرة ريح...

#لعناية_الطالب_المُمتحن
#رشفة_من_الأمل
#تجمع_طلاب_صناع_المستقبل
#FMSG

الحصص الختامية S'FMSG SPOTTINGS

مادة التربية الإسلامية.

أ.علاء الدين يوسف.
خريج جامعة أمدرمان الإسلامية كلية التربية قسم اللغة العربية والدراسات الإسلامية.

• يوم الجمعة 27/6
• الساعة 8 صباحًا.
• على قناة التليجرام.

رابط القناة: https://t.me/sdfmsg

#لعناية_الطالب_الممتحن
#تجمع_طلاب_صناع_المستقبل
#FMSG

ممتحن وما عارف تعمل شنو؟

بتتساءل أراجع ولا أحل ولا أبكي؟👀
لقاءنا ليكم!🫵🏾❤️‍🔥

حيكون معاكم وضاح إبراهيم ال92 على مستوى السودان دفعة 2023.

عشان يوريكم:

📍كيف تتعاملوا مع التوتر والمشاعر البتكون في الفترة دي .
📍وعشان نعرف نعمل شنو! ،نراجع شنو وكيف؟
📍 ⁠توجيهات يوم القاب والامتحان.
📍صحتك : أكلك وشربك ونومك.
📍التوكل على الله والدعاء.

ما تفوّت الفرصة والأهم ما حنضيّع وقتك

⏱ أقل من ساعة حتفيدك كتير بإذن الله

خليك حضور يوم الجمعة 27/6
⏰ الساعة 9 مساءً بتوقيت السودان.

وإلى ذلك الحين بطل جرسة وانتظرنا❤️‍🔥🫡

#تجمع_طلاب_صناع_المستقبل
#FMSG

صندوق تعليقات الحصص الختامية مادة التربية الإسلامية.

لا شيء يُضاهي حُلوَ الشعورِ عند أول ليلةٍ ينامها طالب العلم، بعد تحقيقِ أُمنيةٍ كان الوصولُ إليها طويلًا، مُتعبًا، شاقًا، مليئًا بالسعي، مُزدحِمًا بتوفيقِ الله وجبرِهِ...
ولا شيء يُضاهي سعادة المرءِ بعد أن يُنولهُ اللهُ ما يود...

فقط تذكر أننا دائمًا ننالُ نتيجة سعينا كاملةً مُكملة، وأن المُجتهد المُجد هو من يحصد وردًا فواحًا نتيجة جُهدهِ وبُكاءهِ ولحظات شِدّتهِ، وتذكر أن الله يعدل وحاشاهُ أن يظلم عبدًا عاش طويلًا في الظلام يبحثُ عن النور حتى تورمت عيناهُ من طول السهر ومن مشقة الطريق، وحاشاهُ سُبحانهُ القريب مُجيب الدُعاء أن يرد عبدًا دعاه ليلًا ونهارًا سِرًا وعلانية...

وتذكر أن الله لا ينسانا أبدًا، وأنهُ لا ينسى عبدًا تذكرهُ في رخاءِهِ ولم ينسهُ في أيام شدّتهِ.💗

جُمعة مُباركة، عزيزي يا إنسان الشهادة السودانية.💗

#لعناية_الطالب_الممتحن
#رشفة_من_الأمل
#تجمع_طلاب_صناع_المستقبل
#FMSG

📌تذكير للطالب الممتحن.

جينا نذكرك بلايف الليلة الحيخليك تجهز نفسيًّا وعمليًّا للإمتحان.👌🏻

عشانك يا غالي، أضبط الريماندر من هسي عشان ما تفوتك ولا دقيقة من اللقاء.🔥

ولو أنت ما طالب شهادة أعمل شير ووصلو لبطل من الأبطال.❤️

#تجمع_طلاب_صناع_المستقبل
#FMSG