اليوم يوم عرفة،
اوريك عنه وتعمل فيه شنو!
قال النبي صلى الله عليه وسلم :(الحج عرفة) ؛فالوقوف بعرفة ركن من اركان الحج ،تقبل الله من الحجاج ورزقنا وإياكم 🤎.
طبعًا لا يخفى عليكم وزي ما اتكلمنا عن فضل الأيام العشر وبعض من الأعمال الصالحة الممكن نعملها فيها
ويوم عرفة هو التاسع يعني من ضمنها خدت بالك؟
من أفضاله :
🫧كثرة عتق الله لعباده من النار فيه
🫧عشية عرفة يباهي الله ملائكته بأهل عرفة
🫧 يقول النبيُّ صلى الله عليه وسلم: *(خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الحمد وهو على كل شيء قدير)*
🫧أن الله يكفر بصيام يوم عرفة السنة التي قبله والتي بعده.
=*ما تفوت الصيام والدعاء في هذا اليوم الفضيل،جعلنا الله و إياكم ممن فاز بالجنة وتقبل الله منا ومنكم*
ما تنسوا في الدعاء ما يكون قلبكم لاهي ، و لا نقول ما استجاب الله سبحانه!
فالله هو الحكيم ولا يُسأل عما يفعل
قال النبي صلى الله عليه وسلم :
"ما مِن عبدٍ يدعو اللهَ بدعوةٍ ليس فيها إثمٌ ولا قطيعةُ رحِمٍ إلا أعطاه اللهُ بها إحدَى ثلاثٍ : إما أن تُعجَّلَ له دعوتُه في الدنيا، وإما أن تُدخرَ له في الآخرةِ، وإما أن يُصرفَ عنه من الشرِّ مثلُ ذلك قالوا : يا رسولَ اللهِ إذا نكثرُ؟ قال : اللهُ أكثرُ"
ودمتم بخير
اوريك عنه وتعمل فيه شنو!
قال النبي صلى الله عليه وسلم :(الحج عرفة) ؛فالوقوف بعرفة ركن من اركان الحج ،تقبل الله من الحجاج ورزقنا وإياكم 🤎.
طبعًا لا يخفى عليكم وزي ما اتكلمنا عن فضل الأيام العشر وبعض من الأعمال الصالحة الممكن نعملها فيها
ويوم عرفة هو التاسع يعني من ضمنها خدت بالك؟
من أفضاله :
🫧كثرة عتق الله لعباده من النار فيه
🫧عشية عرفة يباهي الله ملائكته بأهل عرفة
🫧 يقول النبيُّ صلى الله عليه وسلم: *(خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الحمد وهو على كل شيء قدير)*
🫧أن الله يكفر بصيام يوم عرفة السنة التي قبله والتي بعده.
=*ما تفوت الصيام والدعاء في هذا اليوم الفضيل،جعلنا الله و إياكم ممن فاز بالجنة وتقبل الله منا ومنكم*
ما تنسوا في الدعاء ما يكون قلبكم لاهي ، و لا نقول ما استجاب الله سبحانه!
فالله هو الحكيم ولا يُسأل عما يفعل
قال النبي صلى الله عليه وسلم :
"ما مِن عبدٍ يدعو اللهَ بدعوةٍ ليس فيها إثمٌ ولا قطيعةُ رحِمٍ إلا أعطاه اللهُ بها إحدَى ثلاثٍ : إما أن تُعجَّلَ له دعوتُه في الدنيا، وإما أن تُدخرَ له في الآخرةِ، وإما أن يُصرفَ عنه من الشرِّ مثلُ ذلك قالوا : يا رسولَ اللهِ إذا نكثرُ؟ قال : اللهُ أكثرُ"
ودمتم بخير
❤14
تتقدم أسرة تجمع صناع المستقبل بأحر التهانيّ والتبريكات بمناسبة حلول عيد الأضحى المُبارك سألين الله -عز وجل- أن يتقبل منّا ومنكم صالح الأعمال.❤️
#تجمع_طلاب_صناع_المستقبل
#FMSG
#تجمع_طلاب_صناع_المستقبل
#FMSG
❤14
إزيك يا الما في زيك🫣💙
حصل فكرت إنه الدبلوم بالنسبة ليك قد يكون خيار ممتاز بل وذكي ورائج جداً؟
أكيد لا، عشان كدا أرح معاي حوريك لي الدبلوم ممكن يكون خيارك الذكي...😌✅
يُعتبر الدبلوم خيار ذكي لمستقبل كتير من الشباب ودا بيرجع لأسباب عملية مهمة شديد شديد...✅
خصوصًا في ظل التغيرات الحاصلة في سوق العمل ومتطلبات الوظائف في الآونة الأخيرة...
بعض من الأسباب الممكن ترجح الدبلوم كخيار جيد إنه الدبلوم مدة دراسته قصيرة مُقارنة بالبكالريوس، إضافةً لإنه تكاليفه أقل بكتير فيعتبر خيار إقتصادي جداً...✅
التخصصات المتاحة بشهادة الدبلوم تخصصات مرتبطة اِرتباط مُباشر بسوق العمل وتضم المجالات العملية مثل: التمريض والكهرباء والتبريد وغيرها.
غير إنه الفرص الوظيفية متوفرة إلى حدٍ ما
من شهادة الدبلوم ممكن تواصل دراستك وتقدم لبرامج ماجستير"Bridge programs "عشان توصل لدرجة البكالريوس وبكدا تحصل على مرونة أكبر.
فباختصار ممكن تحاول طرح وتقبل فكرة انضمامك لبرامج الدبلوم✅
لكن، وزي ما كل حاجة عندها مميزاتها ومساوئها فالدبلوم ليه بعض المساوئ خلونا نضعها في عين الاِعتبار🙊
فمثلاً: فُرص الترقية بشهادة الدبلوم تُعتبر محدودة في بعض الوظائف، دا غير إنه في مجتمعاتنا الدبلوم يُعتبر أقل، والناس بتشوف طالب الدبلوم ما قرا زي الناس، بس نحن ناس علينا براحتنا وما شغلتنا بزول😉
الراتب الإبتدائي يُعتبر أقل من حامل البكالريوس وخيارات التخصص أقل بكتير...
أخيراً...
ابحث واسأل عن الخِيارات الموجودة أمامك ما تُحبط ولا تستسلم الله ما كتر إلا الخيارات وخِيار ربنا هو الأفضل دائمًا. 🚶💙
#تجمع_طلاب_صناع_المستقبل
#FMSG
حصل فكرت إنه الدبلوم بالنسبة ليك قد يكون خيار ممتاز بل وذكي ورائج جداً؟
أكيد لا، عشان كدا أرح معاي حوريك لي الدبلوم ممكن يكون خيارك الذكي...😌✅
يُعتبر الدبلوم خيار ذكي لمستقبل كتير من الشباب ودا بيرجع لأسباب عملية مهمة شديد شديد...✅
خصوصًا في ظل التغيرات الحاصلة في سوق العمل ومتطلبات الوظائف في الآونة الأخيرة...
بعض من الأسباب الممكن ترجح الدبلوم كخيار جيد إنه الدبلوم مدة دراسته قصيرة مُقارنة بالبكالريوس، إضافةً لإنه تكاليفه أقل بكتير فيعتبر خيار إقتصادي جداً...✅
التخصصات المتاحة بشهادة الدبلوم تخصصات مرتبطة اِرتباط مُباشر بسوق العمل وتضم المجالات العملية مثل: التمريض والكهرباء والتبريد وغيرها.
غير إنه الفرص الوظيفية متوفرة إلى حدٍ ما
من شهادة الدبلوم ممكن تواصل دراستك وتقدم لبرامج ماجستير"Bridge programs "عشان توصل لدرجة البكالريوس وبكدا تحصل على مرونة أكبر.
فباختصار ممكن تحاول طرح وتقبل فكرة انضمامك لبرامج الدبلوم✅
لكن، وزي ما كل حاجة عندها مميزاتها ومساوئها فالدبلوم ليه بعض المساوئ خلونا نضعها في عين الاِعتبار🙊
فمثلاً: فُرص الترقية بشهادة الدبلوم تُعتبر محدودة في بعض الوظائف، دا غير إنه في مجتمعاتنا الدبلوم يُعتبر أقل، والناس بتشوف طالب الدبلوم ما قرا زي الناس، بس نحن ناس علينا براحتنا وما شغلتنا بزول😉
الراتب الإبتدائي يُعتبر أقل من حامل البكالريوس وخيارات التخصص أقل بكتير...
أخيراً...
ابحث واسأل عن الخِيارات الموجودة أمامك ما تُحبط ولا تستسلم الله ما كتر إلا الخيارات وخِيار ربنا هو الأفضل دائمًا. 🚶💙
#تجمع_طلاب_صناع_المستقبل
#FMSG
❤14
صِراع العمالقة💪🏻🔥
لو أنت رأسك شاطب وجايط وكابس🧠
بين الجامعة، الإعادة، سفر، منحة، شغل، تخصص عاوزه في جامعة ما عاوزها، أو تخصص ما عاوزه في جامعة عاوزها، دبلوم في تخصص عاوزه ولا بكالريوس في تخصص ما عاوزه🚶♀️
عندنا الليلة مُصارعة💪🏻
الرجاء من المتسابقين الدخول إلى الحلللبببة🔥🔥
طيب ما وريتينا السابقة بين منو ومنو؟
ياااا زووول، المسابقة بين الدبلوم البكالريوس🔥🔥
طيب خلينا نشوف الدبلوم أول شي🔥💪🏻
الدبلوم دا هو عبارة عن شهادة أكاديمية بدوها للطلاب بعد يخلصو برنامج دراسي مدته قصيرة سنة، سنتين وفي لحدي ٤ سنوات في مجال مُعيَّن، الدبلوم بركز على تكوين المهارات العملية والفنية في المجال المُعَيَّن دا.👌🏻
=طيب كلمة دبلوم يعني شنو وأصلها شنو؟؟
كلمة دبلوم هي كلمة لاتينية الأصل، جاية من الكلمة اللاتينية *diploma* والبتعني *وثيقة* أو *شهادة* وقديمًا كانت الوثائق الرسمية بكتبوها على أوراق مُطبَّقة *مطوية مزدوجة* وتختم بختم رسمي ومن هنا جات التسمية.
=طَيِّب هسي الدبلوم دا بدوه لمنو؟!
حاليًا، الدبلوم بقى يستخدم لوصف البرامج الدارسية القصيرة البِدوا فيها شهادات أكاديمية بعد ما تخلصي متطلبات مُعيَّنة.
بكااااالريوس اتفضل اتفضل🤝🔥
البكالريوس برضو هو شهادة أكاديمية بدوها للطلاب بعد ما يكملو برنامج دراسي جامعي في مجال مُعَيَّن، في فترة ما بين ٤_٦ سنوات (ما بتوقيت السودان لكن😆) وبركز على تطوير المعرفة النظرية والعملية في المجال المحدد دا.👌🏻
بكالريوس كلمة لاتينية الأصل من الكلمة اللاتينية *baccalureus* وبتعني *الشاب الفارس* أو *الطالب المتعلم*
في العصور الوسطى، كانت شهادة البكالريوس بدوها للطلاب الخلصوا المرحلة الأولى من التعليم الجامعي.✅
أما الآن، فالبكالريوس أصبح يستخدم لوصف الشهادة الجامعية البدوها للطلاب بعد يخلصوا برنامج دراسي جامعي في مجال مُعَيَّن.
البكالريوس ممكن يتقري في كل المجالات✅
وفي الجزء التاني حنشوف شنو المجالات الممكن تتقري دبلوم وشنو المجالات الما ممكن تتقري دبلوم👌🏻
خلوكم معانا بحمااااس فللل🔥🔥🔥
#تجمع_طلاب_صناع_المستقبل
#FMSG
لو أنت رأسك شاطب وجايط وكابس🧠
بين الجامعة، الإعادة، سفر، منحة، شغل، تخصص عاوزه في جامعة ما عاوزها، أو تخصص ما عاوزه في جامعة عاوزها، دبلوم في تخصص عاوزه ولا بكالريوس في تخصص ما عاوزه🚶♀️
عندنا الليلة مُصارعة💪🏻
الرجاء من المتسابقين الدخول إلى الحلللبببة🔥🔥
طيب ما وريتينا السابقة بين منو ومنو؟
ياااا زووول، المسابقة بين الدبلوم البكالريوس🔥🔥
طيب خلينا نشوف الدبلوم أول شي🔥💪🏻
الدبلوم دا هو عبارة عن شهادة أكاديمية بدوها للطلاب بعد يخلصو برنامج دراسي مدته قصيرة سنة، سنتين وفي لحدي ٤ سنوات في مجال مُعيَّن، الدبلوم بركز على تكوين المهارات العملية والفنية في المجال المُعَيَّن دا.👌🏻
=طيب كلمة دبلوم يعني شنو وأصلها شنو؟؟
كلمة دبلوم هي كلمة لاتينية الأصل، جاية من الكلمة اللاتينية *diploma* والبتعني *وثيقة* أو *شهادة* وقديمًا كانت الوثائق الرسمية بكتبوها على أوراق مُطبَّقة *مطوية مزدوجة* وتختم بختم رسمي ومن هنا جات التسمية.
=طَيِّب هسي الدبلوم دا بدوه لمنو؟!
حاليًا، الدبلوم بقى يستخدم لوصف البرامج الدارسية القصيرة البِدوا فيها شهادات أكاديمية بعد ما تخلصي متطلبات مُعيَّنة.
بكااااالريوس اتفضل اتفضل🤝🔥
البكالريوس برضو هو شهادة أكاديمية بدوها للطلاب بعد ما يكملو برنامج دراسي جامعي في مجال مُعَيَّن، في فترة ما بين ٤_٦ سنوات (ما بتوقيت السودان لكن😆) وبركز على تطوير المعرفة النظرية والعملية في المجال المحدد دا.👌🏻
بكالريوس كلمة لاتينية الأصل من الكلمة اللاتينية *baccalureus* وبتعني *الشاب الفارس* أو *الطالب المتعلم*
في العصور الوسطى، كانت شهادة البكالريوس بدوها للطلاب الخلصوا المرحلة الأولى من التعليم الجامعي.✅
أما الآن، فالبكالريوس أصبح يستخدم لوصف الشهادة الجامعية البدوها للطلاب بعد يخلصوا برنامج دراسي جامعي في مجال مُعَيَّن.
البكالريوس ممكن يتقري في كل المجالات✅
وفي الجزء التاني حنشوف شنو المجالات الممكن تتقري دبلوم وشنو المجالات الما ممكن تتقري دبلوم👌🏻
خلوكم معانا بحمااااس فللل🔥🔥🔥
#تجمع_طلاب_صناع_المستقبل
#FMSG
❤17
الدبلوم حول العالم
خلونا نغوص أكتر في بحر الدبلوم لحدي ما نصل الأعماق ونكتشف ونعرف أكتر شنو الدبلوم؟ ولي الدبلوم؟🔥✨
خليني أديك كم معلومة كدا صغنونة👌🏻
▫️في الدبلوم بتتوفر ليك فرصة الدخول السريع لسوق العمل في مجالات زي التكنولوجيا والصحة والتصميم.
▫️الدبلوم بتطلب تكلفة منخفضة ودا يعتبر خيار ممتاز للناس العاوزة تعليم مهني دون ما يتحملوا تكلفة عالية.✅
▫️التركيز على بعض التخصصات العملية زي البرمجة والتصميم الجرافيكي والتمريض، ودا بسمح ليك تطور مهاراتك العملية في مجال مُعَيَّن.
ومن مساوئ الدبلوم على مستوى العالم:🌎
▫️محدودية الفرص الوظيفية في بعض المجالات خاصةً إذا كان الدبلوم ما معترف بيه من قِبِل الجهات الحكومية أو القطاع الخاص.
▫️المستوى الأكاديمي للدبلوم ما بنفس المستوى الأكاديمي للبكالريوس، والحاجة دي بتأثر على فرص التطوير الوظيفي.
في الدبلوم في مجالات ينفع تقرأ فيها دبلوم وفي مجالات ما بتتقري دبلوم✨
أكيد ما حديك نص معلومة وأخليك محتار تعال تعال حوريك شنو المجالات الممكن تقراها دبلوم:👌🏻✅
▫️أول شي عندك في مجالات التكنولوجيا مثلًا: الدبلوم في البرمجة وتطوير الويب أو علوم البيانات.🧑🏻💻
▫️تاني حاجة عندنا في مجالات الصحة: ممكن تقرأ دبلوم في التمريض أو الصحة العامة ودي حاجة حلوة جدًا.🔥
▫️تالت حاجة معانا الهي مجالات التصميم الفيه مجالات كتيرة وجميلة جدًا، فممكن تأخد ليك دبلوم في التصميم الجرافيكي أو التصميم الداخلي وح تكون خطييييير وتولع حرااايق.🔥
وبرضو حوريك شنو المجالات الما حينفع تأخد فيها دبلوم زي الطب والهندسة والقانون والمجالات الكبيرة دي.🙂↕✨
أخيرًا
وكما المُعتاد:
"اِسأل قلبك عما يُريد، ودع عقلك يُفكر في ما يُريد، في النهاية سيقودك الله للخيار الأفضل"🤎
#تجمع_طلاب_صناع_المستقبل
#FMSG
خلونا نغوص أكتر في بحر الدبلوم لحدي ما نصل الأعماق ونكتشف ونعرف أكتر شنو الدبلوم؟ ولي الدبلوم؟🔥✨
خليني أديك كم معلومة كدا صغنونة👌🏻
▫️في الدبلوم بتتوفر ليك فرصة الدخول السريع لسوق العمل في مجالات زي التكنولوجيا والصحة والتصميم.
▫️الدبلوم بتطلب تكلفة منخفضة ودا يعتبر خيار ممتاز للناس العاوزة تعليم مهني دون ما يتحملوا تكلفة عالية.✅
▫️التركيز على بعض التخصصات العملية زي البرمجة والتصميم الجرافيكي والتمريض، ودا بسمح ليك تطور مهاراتك العملية في مجال مُعَيَّن.
ومن مساوئ الدبلوم على مستوى العالم:🌎
▫️محدودية الفرص الوظيفية في بعض المجالات خاصةً إذا كان الدبلوم ما معترف بيه من قِبِل الجهات الحكومية أو القطاع الخاص.
▫️المستوى الأكاديمي للدبلوم ما بنفس المستوى الأكاديمي للبكالريوس، والحاجة دي بتأثر على فرص التطوير الوظيفي.
في الدبلوم في مجالات ينفع تقرأ فيها دبلوم وفي مجالات ما بتتقري دبلوم✨
أكيد ما حديك نص معلومة وأخليك محتار تعال تعال حوريك شنو المجالات الممكن تقراها دبلوم:👌🏻✅
▫️أول شي عندك في مجالات التكنولوجيا مثلًا: الدبلوم في البرمجة وتطوير الويب أو علوم البيانات.🧑🏻💻
▫️تاني حاجة عندنا في مجالات الصحة: ممكن تقرأ دبلوم في التمريض أو الصحة العامة ودي حاجة حلوة جدًا.🔥
▫️تالت حاجة معانا الهي مجالات التصميم الفيه مجالات كتيرة وجميلة جدًا، فممكن تأخد ليك دبلوم في التصميم الجرافيكي أو التصميم الداخلي وح تكون خطييييير وتولع حرااايق.🔥
وبرضو حوريك شنو المجالات الما حينفع تأخد فيها دبلوم زي الطب والهندسة والقانون والمجالات الكبيرة دي.🙂↕✨
أخيرًا
وكما المُعتاد:
"اِسأل قلبك عما يُريد، ودع عقلك يُفكر في ما يُريد، في النهاية سيقودك الله للخيار الأفضل"🤎
#تجمع_طلاب_صناع_المستقبل
#FMSG
❤9
"الكوليرا خطر يمكن الوقاية منه¹"
ما هي الكوليرا؟🤒
الكوليرا هي عدوى بكتيرية حادة تصيب الأمعاء، تسببها بكتيريا Vibrio cholerae.
تنتقل الكوليرا غالبًا عبر الماء أو الطعام الملوث، وقد تؤدي إلى الوفاة.
🔍 الأعراض الأكثر شيوعًا:
📌 إسهال مائي:
الإسهال بيجي فجأة وبيكون كتير شديد، لونو فاتح وريحته خفيفة بيشبه ماء الأرز.
ممكن يفقد الجسم لتر أو أكتر من الموية في ساعة وحدة!
📌تقيؤ متكرر:
بيظهر مع الإسهال أو بعده بشويه.
بيزيد الجفاف والجسم بيتعب أكتر.
📌جفاف حاد في الجسم:
اللسان والشفايف بنشفوا، العين تغور لجوه، الجلد لو مسكتو ما بيرجع سريع، قلة البول أو انعدامه، إحساس بالعطش الشديد والدوخة.
📌تشنجات عضلية:
خصوصاً في الرجلين واليدين بسبب فقدان الأملاح، والألم بيكون زي شد عضلي قوي.
📌هبوط في ضغط الدم وتسارع ضربات القلب:
ممكن يؤدي لفقدان الوعي أو الدخول في غيبوبة.
لو ما اتلحق سريع ممكن يكون خطر على الحياة.
🎯 معرفة الأعراض هي بداية محاربة المرض.
#تجمع_طلاب_صناع_المستقبل
#FMSG
ما هي الكوليرا؟🤒
الكوليرا هي عدوى بكتيرية حادة تصيب الأمعاء، تسببها بكتيريا Vibrio cholerae.
تنتقل الكوليرا غالبًا عبر الماء أو الطعام الملوث، وقد تؤدي إلى الوفاة.
🔍 الأعراض الأكثر شيوعًا:
📌 إسهال مائي:
الإسهال بيجي فجأة وبيكون كتير شديد، لونو فاتح وريحته خفيفة بيشبه ماء الأرز.
ممكن يفقد الجسم لتر أو أكتر من الموية في ساعة وحدة!
📌تقيؤ متكرر:
بيظهر مع الإسهال أو بعده بشويه.
بيزيد الجفاف والجسم بيتعب أكتر.
📌جفاف حاد في الجسم:
اللسان والشفايف بنشفوا، العين تغور لجوه، الجلد لو مسكتو ما بيرجع سريع، قلة البول أو انعدامه، إحساس بالعطش الشديد والدوخة.
📌تشنجات عضلية:
خصوصاً في الرجلين واليدين بسبب فقدان الأملاح، والألم بيكون زي شد عضلي قوي.
📌هبوط في ضغط الدم وتسارع ضربات القلب:
ممكن يؤدي لفقدان الوعي أو الدخول في غيبوبة.
لو ما اتلحق سريع ممكن يكون خطر على الحياة.
🎯 معرفة الأعراض هي بداية محاربة المرض.
#تجمع_طلاب_صناع_المستقبل
#FMSG
❤7
"الكوليرا خطر يمكن الوقاية منه²"
شرحنا في البوست الفات شنو الكوليرا بالظبط، والأعراض البتصاحب المرض.🙌🏻
بس السؤال المرة دي: من وين بتجي الكوليرا؟🤔
الكوليرا ما بتجي ساي، هي مرض بينتقل من مكان لمكان.
🧐دي أهم أسباب الإصابة:
📌شُرب موية ملوّثة:
ده السبب الأول والرئيسي!
الموية الملوثة بالبكتيريا (زي موية الآبار المكشوفة أو الموية الجارية وسط الأوساخ) بتنقل العدوى سريع، ومرات حتى موية المواسير في مناطق ما فيها رقابة صحية ممكن تكون ملوثة.
📌أكل ملوّث أو ما نضج كويس:
زي الخضار المغسول بمويه ملوثة، أو المأكولات البحرية النيئة، أو أي أكل معمول في ظروف غير صحية.
📌عدم غسل اليدين بعد الحمام أو قبل الأكل:
يدينك لو كان فيها بكتيريا، بتنقل المرض بسهولة لمن تأكل أو تلمس فمك، وده سبب كبير في تفشي المرض في الأماكن الفيها زحمة.
📌الاختلاط بشخص مصاب أو لمس أدواته الشخصية:
لو زرت مريض بالكوليرا ولمست سريره، هدومه أو أي حاجة بتاعته من غير ما تغسل يدك كويس، ممكن تتعادى عشان كده لازم:
عزل المصاب في مكان نظيف ومعزول.
تطهير الحمام والأواني والمكان البتقعد فيهو.
غسل اليدين بالصابون بعد التعامل مع المصاب.
عدم مشاركة الأكل أو الشُرب مع المريض.
📌سوء الصرف الصحي:
ماف مجاري منظمة، أو الحمامات مكشوفة، أو الموية بتمشي في نفس المكان مع المجاري، وده بيخلي بكتيريا الكوليرا تنتشر في كل الحي.
📌الفيضانات والكوارث:
لما تحصل فيضانات، ممكن تختلط المجاري مع الموية النظيفة، وده بيخلي الكوليرا تنتشر بسرعة.
📌الأماكن المزدحمة والمعسكرات:
زي معسكرات النزوح في الفترة الحالية أو المناطق المضغوطة بالناس، بيكون فيها اهتمام ضعيف بالنظافة والمويه، فبسهل انتشار المرض.
🎯 الكوليرا بتنتقل بسهولة، بس لو اتبعت طرق الوقاية الصاح ما بتجيك حاجة بإذن الله.👌🏻
✅تابع البوست الجاي عشان تعرف كيفية الوقاية من المرض، ولو قدر الله واصبت بالمرض كيف ممكن تتصرف؟
#تجمع_طلاب_صناع_المستقبل
#FMSG
شرحنا في البوست الفات شنو الكوليرا بالظبط، والأعراض البتصاحب المرض.🙌🏻
بس السؤال المرة دي: من وين بتجي الكوليرا؟🤔
الكوليرا ما بتجي ساي، هي مرض بينتقل من مكان لمكان.
🧐دي أهم أسباب الإصابة:
📌شُرب موية ملوّثة:
ده السبب الأول والرئيسي!
الموية الملوثة بالبكتيريا (زي موية الآبار المكشوفة أو الموية الجارية وسط الأوساخ) بتنقل العدوى سريع، ومرات حتى موية المواسير في مناطق ما فيها رقابة صحية ممكن تكون ملوثة.
📌أكل ملوّث أو ما نضج كويس:
زي الخضار المغسول بمويه ملوثة، أو المأكولات البحرية النيئة، أو أي أكل معمول في ظروف غير صحية.
📌عدم غسل اليدين بعد الحمام أو قبل الأكل:
يدينك لو كان فيها بكتيريا، بتنقل المرض بسهولة لمن تأكل أو تلمس فمك، وده سبب كبير في تفشي المرض في الأماكن الفيها زحمة.
📌الاختلاط بشخص مصاب أو لمس أدواته الشخصية:
لو زرت مريض بالكوليرا ولمست سريره، هدومه أو أي حاجة بتاعته من غير ما تغسل يدك كويس، ممكن تتعادى عشان كده لازم:
عزل المصاب في مكان نظيف ومعزول.
تطهير الحمام والأواني والمكان البتقعد فيهو.
غسل اليدين بالصابون بعد التعامل مع المصاب.
عدم مشاركة الأكل أو الشُرب مع المريض.
📌سوء الصرف الصحي:
ماف مجاري منظمة، أو الحمامات مكشوفة، أو الموية بتمشي في نفس المكان مع المجاري، وده بيخلي بكتيريا الكوليرا تنتشر في كل الحي.
📌الفيضانات والكوارث:
لما تحصل فيضانات، ممكن تختلط المجاري مع الموية النظيفة، وده بيخلي الكوليرا تنتشر بسرعة.
📌الأماكن المزدحمة والمعسكرات:
زي معسكرات النزوح في الفترة الحالية أو المناطق المضغوطة بالناس، بيكون فيها اهتمام ضعيف بالنظافة والمويه، فبسهل انتشار المرض.
🎯 الكوليرا بتنتقل بسهولة، بس لو اتبعت طرق الوقاية الصاح ما بتجيك حاجة بإذن الله.👌🏻
✅تابع البوست الجاي عشان تعرف كيفية الوقاية من المرض، ولو قدر الله واصبت بالمرض كيف ممكن تتصرف؟
#تجمع_طلاب_صناع_المستقبل
#FMSG
❤9
مساء الرمان يا حلو يا نعسان💫
لأنكم ما عرفتو تحزرو التخصص أشفقت عليكم قلت أوريكم.
شفرتنا القادمة هي مجال: *العلوم السياسية والعلاقات الدوليّة* .
في اللقاء حنتكلم عن:
✨ شنو يعني علوم سياسية؟
✨ بتدرسوا فيها شنو؟
✨ وين ممكن تشتغل بعد التخرج؟
✨ ومين الناس المناسبين للمجال دا؟
وحيفكها لينا قامة من قاماتها.
د.محمد خالد:
_ عميد كلية العلوم والاقتصاد جامعة القضارف.
_أستاذ مشارك بقسم العلوم السياسية والعلاقات الدولية
كلية الاقتصاد والعلوم الإدارية جامعة القضارف.
_ حاصل على البكالوريوس والدكتوراه في العلوم السياسية والدراسات الاستراتيجية لدى جامعة الزعيم الازهري.
وحاصل على الدبلوم العالي في العلوم السياسية جامعة النيلين .
حاصل على ماجستير الدراسات الاستراتيجية من جامعة الزعيم الازهري.
فأحرصوا على الحضور عشان ما كل يوم بتتاح ليك فرصة زي دي.
وحيكون في فرصة تسأل أيّ سؤال عندك
منشن أصحابك وزملائك وما تغنج براك..
📌 رابط القناة: https://t.me/sdfmsg
لقاءنا
الساعة تسعة مساء
يوم الأربعاء
في قناة التليجرام.
أقرأ التلاتة سطور الفوق ديل تاني عليك الله ..
تاني ..
بسسس ، عشان تاني تفكر مجرد تفكير تفوّت لقاءات فك الشفرات ..
#تجمع_طلاب_صناع_المستقبل
#FMSG
لأنكم ما عرفتو تحزرو التخصص أشفقت عليكم قلت أوريكم.
شفرتنا القادمة هي مجال: *العلوم السياسية والعلاقات الدوليّة* .
في اللقاء حنتكلم عن:
✨ شنو يعني علوم سياسية؟
✨ بتدرسوا فيها شنو؟
✨ وين ممكن تشتغل بعد التخرج؟
✨ ومين الناس المناسبين للمجال دا؟
وحيفكها لينا قامة من قاماتها.
د.محمد خالد:
_ عميد كلية العلوم والاقتصاد جامعة القضارف.
_أستاذ مشارك بقسم العلوم السياسية والعلاقات الدولية
كلية الاقتصاد والعلوم الإدارية جامعة القضارف.
_ حاصل على البكالوريوس والدكتوراه في العلوم السياسية والدراسات الاستراتيجية لدى جامعة الزعيم الازهري.
وحاصل على الدبلوم العالي في العلوم السياسية جامعة النيلين .
حاصل على ماجستير الدراسات الاستراتيجية من جامعة الزعيم الازهري.
فأحرصوا على الحضور عشان ما كل يوم بتتاح ليك فرصة زي دي.
وحيكون في فرصة تسأل أيّ سؤال عندك
منشن أصحابك وزملائك وما تغنج براك..
📌 رابط القناة: https://t.me/sdfmsg
لقاءنا
الساعة تسعة مساء
يوم الأربعاء
في قناة التليجرام.
أقرأ التلاتة سطور الفوق ديل تاني عليك الله ..
تاني ..
بسسس ، عشان تاني تفكر مجرد تفكير تفوّت لقاءات فك الشفرات ..
#تجمع_طلاب_صناع_المستقبل
#FMSG
Telegram
تجمع طلاب صناع المستقبل - FMSG
تأسس التجمع التطوعي في مارس من العام ٢٠٢٠م معنياً بهموم الطلاب وهادفاً إلى تقديم كل العون الممكن لهم إضافة الى سعيه للمساهمة في بناء وحشد قدرات الطلاب لتحقيق التنمية لهذا البلد، برؤيته أن يكون صوتاً للطلاب ومن الطلاب إلى الطلاب.
🔥4❤1
"الكوليرا خطر يمكن الوقاية منه³"
عرفنا في البوستات السابقة الكوليرا وأعراضها، وأهم أسباب الإصابة بالمرض.🧐
لو ما متابع معانا ارجع اقرأ البوستات الفاتت👆🏻
وكده نكون وصلنا للبوست الثالث والأخير: الوقاية والعلاج 🛡️💊
✅ الخبر الجيد: الكوليرا قابلة للعلاج ويمكن الوقاية منها!
الوقاية:🛡️
الكوليرا مرض خطير، لكن الوقاية منها ساهلة لو التزمنا بعادات صحية بسيطة.
📌شُرب موية آمنة ونظيفة:
دايمًا اشرب موية مغلية، أو مفلترة، أو من مصدر مضمون.
لو عندك شك في الموية، اغليها كويس قبل ما تشربها أو تستخدمها في الأكل.
خزن الموية في أواني نظيفة ومغطية عشان ما تتلوث.
📌غسل اليدين جيدًا:
اغسل يديك بعد استخدام الحمام
قبل الأكل، بعد الأكل، قبل تحضير الطعام، وبعد التعامل مع شخص مصاب.
غسيل اليدين بالصابون أحسن من المويه بس؛ لأنو الصابون يساعد في قتل الجراثيم.
📌طهّي الطعام جيًدا:
اطبخ الأكل لحد ما يستوي تمامًا، خاصة اللحوم والمأكولات البحرية.
اغسل الخضار والفواكه كويس بمويه نظيفة، ويفضل تنقعها في موية وخل شوية.
ما تاكل أكل جاهز من الشارع، خصوصًا في وقت تفشي الكوليرا.
📌استخدام مراحيض نظيفة ومغلقة:
ما تقضي حاجتك في العراء أو الأماكن المكشوفة، لأن دا بيساهم في انتشار المرض.
خلي الحمام دايمًا نظيف، واستخدم المطهرات لو متاحة.
غطِّي بئر السايفون أو حفرة المرحاض كويس، وما تخلي الأطفال يقربوا منها.
📌الصرف الصحي الجيد=حماية قوية:
ما تتبرز قريب من مصادر الموية لأنو ده أكبر سبب لانتقال العدوى.
ساعد في نشر الوعي عن خطورة المويه الطافحة الراكدة.
📌نظافة البيئة المحيطة:
خت الزبالة في أماكنها المخصصة، وما ترميها في الشارع أو الترع.
نظف أواني الطبخ والأكل يوميًا، وخلي المطبخ نظيف دايمًا.
خلي بيتك ومحيطك خالي من الذباب، لأنو بنقل العدوى.
📌التوعية:
وعي أسرتك وجيرانك بالأعراض وطرق العدوى والوقاية.
ساعد الناس الأكبر سنًا والأطفال في غسل إيديهم والاهتمام بالنظافة.
العلاج:💊
لو لاحظت الأعراض الذكرناها سابقًا:
1-امشي المركز الصحي فورًا وما تنتظر الحالة تسوء.⛔
2-ابدأ بتعويض السوائل بمحلول الإماهة الفموي (ORS) وهو عبارة عن (ملح+سكر+مويه).
بالوعي والوقاية نقدر نقلل أعداد الإصابة بالمرض، ونحافظ على أهلنا ومجتمعنا.🎯🤝
#تجمع_طلاب_صناع_المستقبل
#FMSG
عرفنا في البوستات السابقة الكوليرا وأعراضها، وأهم أسباب الإصابة بالمرض.🧐
لو ما متابع معانا ارجع اقرأ البوستات الفاتت👆🏻
وكده نكون وصلنا للبوست الثالث والأخير: الوقاية والعلاج 🛡️💊
✅ الخبر الجيد: الكوليرا قابلة للعلاج ويمكن الوقاية منها!
الوقاية:🛡️
الكوليرا مرض خطير، لكن الوقاية منها ساهلة لو التزمنا بعادات صحية بسيطة.
📌شُرب موية آمنة ونظيفة:
دايمًا اشرب موية مغلية، أو مفلترة، أو من مصدر مضمون.
لو عندك شك في الموية، اغليها كويس قبل ما تشربها أو تستخدمها في الأكل.
خزن الموية في أواني نظيفة ومغطية عشان ما تتلوث.
📌غسل اليدين جيدًا:
اغسل يديك بعد استخدام الحمام
قبل الأكل، بعد الأكل، قبل تحضير الطعام، وبعد التعامل مع شخص مصاب.
غسيل اليدين بالصابون أحسن من المويه بس؛ لأنو الصابون يساعد في قتل الجراثيم.
📌طهّي الطعام جيًدا:
اطبخ الأكل لحد ما يستوي تمامًا، خاصة اللحوم والمأكولات البحرية.
اغسل الخضار والفواكه كويس بمويه نظيفة، ويفضل تنقعها في موية وخل شوية.
ما تاكل أكل جاهز من الشارع، خصوصًا في وقت تفشي الكوليرا.
📌استخدام مراحيض نظيفة ومغلقة:
ما تقضي حاجتك في العراء أو الأماكن المكشوفة، لأن دا بيساهم في انتشار المرض.
خلي الحمام دايمًا نظيف، واستخدم المطهرات لو متاحة.
غطِّي بئر السايفون أو حفرة المرحاض كويس، وما تخلي الأطفال يقربوا منها.
📌الصرف الصحي الجيد=حماية قوية:
ما تتبرز قريب من مصادر الموية لأنو ده أكبر سبب لانتقال العدوى.
ساعد في نشر الوعي عن خطورة المويه الطافحة الراكدة.
📌نظافة البيئة المحيطة:
خت الزبالة في أماكنها المخصصة، وما ترميها في الشارع أو الترع.
نظف أواني الطبخ والأكل يوميًا، وخلي المطبخ نظيف دايمًا.
خلي بيتك ومحيطك خالي من الذباب، لأنو بنقل العدوى.
📌التوعية:
وعي أسرتك وجيرانك بالأعراض وطرق العدوى والوقاية.
ساعد الناس الأكبر سنًا والأطفال في غسل إيديهم والاهتمام بالنظافة.
العلاج:💊
لو لاحظت الأعراض الذكرناها سابقًا:
1-امشي المركز الصحي فورًا وما تنتظر الحالة تسوء.⛔
2-ابدأ بتعويض السوائل بمحلول الإماهة الفموي (ORS) وهو عبارة عن (ملح+سكر+مويه).
بالوعي والوقاية نقدر نقلل أعداد الإصابة بالمرض، ونحافظ على أهلنا ومجتمعنا.🎯🤝
#تجمع_طلاب_صناع_المستقبل
#FMSG
❤5🤩1
ما بنسى اللحظة.
اليوم الظهرت فيهو نتيجة الشهادة، وكانت أقل من كل التوقعات.
صحابي فرحانين في مجموعات واتساب، ناس دخلوا طب، ناس مشوا هندسة…
وأنا؟
واقف، فاتح النتيجة، ساكت…
ساكت ساكت ساكت.
سألت نفسي سؤال مُرّ جدًا:
“هو أنا أقل منهم؟”
الناس بتجري، وأنا لِسّه واقف.
ولأول مرة، حسّيت إنو سقوطي ما دراسي بس… كان معنوي كمان.
قرّرت أعيد السنة. لكن ما قدرت.
الضغط كان كبير، والإحساس بالفشل كان خانق.
قدّمت في تخصص ما كنت فاهمه، وما حتى كنت مقتنع بيه.
إدارة أعمال.
دخلتو زي الزول البمشي لأي اتجاه عشان بس يبعد من مكان واقف فيه.
لكني دخلت… وجلست… وبدأت أسمع.
في أول محاضرة “تسويق”، حسّيت في spark.
الكلام دا أنا فاهمه!
والأكتر: عاجبني.
بديت أقرأ برا، كورسات بسيطة على اليوتيوب.
حسيت بعطش… لكن عطش ما للدراسة،
عطش للفهم.
قدّمت على تدريب مع منظمة صغيرة، وقبلوني.
عملت أول خطة تسويق، وعرضتها… اتنفّذت.
شعرت لأول مرة إنو صوتي “بيتحسب”.
ما كنت الأول في دفعتي،
وما جبت التميز في الكارنيه…
لكن كنت أول واحد في الدفعة يشتغل شغل مدفوع من سنة تانية.
الحظة الفارقة؟
يوم أمي قالت لي:
“أنا فخورة بيك… مش عشان الدرجة، عشان ما وقفت.”
رسالتي لأي زول حاسس إنو ضايع:
الشهادة ما نهاية، والجامعة ما بداية حقيقية،
البداية الحقيقية بتكون يوم تقول:
“أنا ح أدي نفسي فرصة، حتى لو الكل حكم عليّ.”
الناس بتجري، أيوه… لكن الجري من غير وجهة ما نجاح.
ولو إنت وقفت لحظة… يمكن عشان تختار الطريق الصح.
وصدقني، الطريق البيبدأ متأخر… ما معناهو ما ح يوصل.
أحيانًا، الكسرات الصغيرة دي…
هي البتخلينا نعيد ترتيب شكلنا، ونكون أنفسنا.
#تجمع_طلاب_صناع_المستقبل
#FMSG
اليوم الظهرت فيهو نتيجة الشهادة، وكانت أقل من كل التوقعات.
صحابي فرحانين في مجموعات واتساب، ناس دخلوا طب، ناس مشوا هندسة…
وأنا؟
واقف، فاتح النتيجة، ساكت…
ساكت ساكت ساكت.
سألت نفسي سؤال مُرّ جدًا:
“هو أنا أقل منهم؟”
الناس بتجري، وأنا لِسّه واقف.
ولأول مرة، حسّيت إنو سقوطي ما دراسي بس… كان معنوي كمان.
قرّرت أعيد السنة. لكن ما قدرت.
الضغط كان كبير، والإحساس بالفشل كان خانق.
قدّمت في تخصص ما كنت فاهمه، وما حتى كنت مقتنع بيه.
إدارة أعمال.
دخلتو زي الزول البمشي لأي اتجاه عشان بس يبعد من مكان واقف فيه.
لكني دخلت… وجلست… وبدأت أسمع.
في أول محاضرة “تسويق”، حسّيت في spark.
الكلام دا أنا فاهمه!
والأكتر: عاجبني.
بديت أقرأ برا، كورسات بسيطة على اليوتيوب.
حسيت بعطش… لكن عطش ما للدراسة،
عطش للفهم.
قدّمت على تدريب مع منظمة صغيرة، وقبلوني.
عملت أول خطة تسويق، وعرضتها… اتنفّذت.
شعرت لأول مرة إنو صوتي “بيتحسب”.
ما كنت الأول في دفعتي،
وما جبت التميز في الكارنيه…
لكن كنت أول واحد في الدفعة يشتغل شغل مدفوع من سنة تانية.
الحظة الفارقة؟
يوم أمي قالت لي:
“أنا فخورة بيك… مش عشان الدرجة، عشان ما وقفت.”
رسالتي لأي زول حاسس إنو ضايع:
الشهادة ما نهاية، والجامعة ما بداية حقيقية،
البداية الحقيقية بتكون يوم تقول:
“أنا ح أدي نفسي فرصة، حتى لو الكل حكم عليّ.”
الناس بتجري، أيوه… لكن الجري من غير وجهة ما نجاح.
ولو إنت وقفت لحظة… يمكن عشان تختار الطريق الصح.
وصدقني، الطريق البيبدأ متأخر… ما معناهو ما ح يوصل.
أحيانًا، الكسرات الصغيرة دي…
هي البتخلينا نعيد ترتيب شكلنا، ونكون أنفسنا.
#تجمع_طلاب_صناع_المستقبل
#FMSG
❤28🔥1
"بالله الإمتحانات لما تقرب خُت جلد الذات على الرف
عارف ليه؟
ببساطة لأنه دا ما وقته!"
يا زول…
الأيام القبل الإمتحانات دي ما أيام تحاسب روحك فيها، ولا زمن تقعد تقول: "يا ريتني قريت من بدري!"🚶♀️
في الوقت داك ما بينفع الندم، ولا البكاء على الورق الما اِتقرأ!
الزمن داك مُحتاج تكون حاضر، واعي، وقلبك صاحي، مُحتاج تفتح كراسك ما عشان تثبت لزول حاجة.
بل عشان تثبت لنفسك إنك قدّها…ولو في آخر لحظة.💪🏻
نعم يمكن تكون اِتكاسلت أو يمكن تكون لفيت كتير لكن اسمعني كويس:
ما مهم وين كنت، المهم هسي أنت داير تمشي وين!👌🏻
جلد الذات في الوقت الحساس دا ما حيخليك تلحق...
لكن القرار الجاد إنك تبدأ من الليلة دا اللي ممكن يغيّر النتيجة بعدين بإذن الله...✨
عشان كدا لازم تأجّل حساباتك، تأجِّل جلدك لنفسك، تأجّل كُلَّ حاجة بتضعفك وامسك في الأمل؛ أيوا الأمل البينور في نص العُتمة، الأمل البيُبث في آخر لحظة ويجيب معاه فرحة ما كُنت متوقعها...🤎✨
النجاح ما شرط يكون لناس بدوا بدري، أحيانًا الزول الببدأ في آخر الشوط هو البجيب القون الفي الدقيقة القاتلة.😉
فشنو شد حيلك، واصدُق في نيتك، وتوكل على الله…
وخلي شعارك من الليلة:
"ما دام في زمن… فأنا لسة في السِباق!"💪🏻🤎
💭 وسؤالنا ليك في النهاية:
لو الكراس بتاعك قدر يتكلم، أول حاجة حيقولها ليك شنو؟😂📚
#تجمع_طلاب_صناع_المستقبل
#FMSG
عارف ليه؟
ببساطة لأنه دا ما وقته!"
يا زول…
الأيام القبل الإمتحانات دي ما أيام تحاسب روحك فيها، ولا زمن تقعد تقول: "يا ريتني قريت من بدري!"🚶♀️
في الوقت داك ما بينفع الندم، ولا البكاء على الورق الما اِتقرأ!
الزمن داك مُحتاج تكون حاضر، واعي، وقلبك صاحي، مُحتاج تفتح كراسك ما عشان تثبت لزول حاجة.
بل عشان تثبت لنفسك إنك قدّها…ولو في آخر لحظة.💪🏻
نعم يمكن تكون اِتكاسلت أو يمكن تكون لفيت كتير لكن اسمعني كويس:
ما مهم وين كنت، المهم هسي أنت داير تمشي وين!👌🏻
جلد الذات في الوقت الحساس دا ما حيخليك تلحق...
لكن القرار الجاد إنك تبدأ من الليلة دا اللي ممكن يغيّر النتيجة بعدين بإذن الله...✨
عشان كدا لازم تأجّل حساباتك، تأجِّل جلدك لنفسك، تأجّل كُلَّ حاجة بتضعفك وامسك في الأمل؛ أيوا الأمل البينور في نص العُتمة، الأمل البيُبث في آخر لحظة ويجيب معاه فرحة ما كُنت متوقعها...🤎✨
النجاح ما شرط يكون لناس بدوا بدري، أحيانًا الزول الببدأ في آخر الشوط هو البجيب القون الفي الدقيقة القاتلة.😉
فشنو شد حيلك، واصدُق في نيتك، وتوكل على الله…
وخلي شعارك من الليلة:
"ما دام في زمن… فأنا لسة في السِباق!"💪🏻🤎
💭 وسؤالنا ليك في النهاية:
لو الكراس بتاعك قدر يتكلم، أول حاجة حيقولها ليك شنو؟😂📚
#تجمع_طلاب_صناع_المستقبل
#FMSG
❤15
في زحمة الكلام عن التخصُصات المطلوبة، والوظائف الأعلى راتب والدراسة البتفتح ليك فُرصة في الخليج أو أوروبا، في تخصُصات واقفة هناك في الظل...🚶
ناس كُتار بتسخر من مجالات ساهمت في صناعة التاريخ، وبتستخف بتخصُصات هي القاعدة لأي تطور علمي أو صحي أو سياسي، تخصصات أُهمِلت؛ ما لأنّها ما نافعة لكن لأنها ما بتعمل ضجة...🔇✅
في السلسلة دي، جينا نكسر الصورة الجاهزة، ونرجِّع الاِعتبار لتلاتة تخصُصات دائمًا بنتعامل معاها بسوء فهم.
اخترنا التلاتة تخصُصات دي؛ ما لأنهم الوحيدين المظلومين، لكن لأنهم النموذج الواضح لتخصصات قوية "منسية إعلاميًا" وما مفهومة كما ينبغي.🚶📚
ما حنوريكم شنو التلاتة تخصصات دي عشان تكونوا متحمسين معانا🔥🔥
لكننننن
معانا ومعاكم في بداية الرحلة دي العلوم السياسية🔥📢
"أها، علوم سياسية؟ يعني ناوي تدخل الحكومة؟"
السؤال دا بيجيك أول ما تقول التخصُص، وتعرف وقتها إنك دخلت منطقة كل الناس شايفاها ضبابية، بل ومُريبة.🫠
العلوم السياسية ما معناها تتكلم في المنابر أو تحفظ أسماء الرؤساء.
دي دراسة كيف العالم بيتحرّك…
من غير صُراخ…🔇
من غير شعارات...
بتدرُس كيف القرارات السياسية بتتّخذ
كيف الإعلام بيغيّر رأيك
كيف الدول بتتحالف أو تنهار
وكيف شعب كامل ممكن ينقلب على نظام بسبب خطاب مدروس!😌✅
بتقرأ في القانون، العلاقات الدولية، الإقتصاد، حقوق الإنسان
وكل حاجة بتخلي الدولة تمشي-أو تتعطل-من جوّا.🫠
الجميل والمؤلم في نفس الوقت إنك كُلّ ما تتعمّق أكتر، حتعرف إنو الواقع ما بسيط، وإنه في ألف خيط وراء كل خبر بسيط في النشرة.
حتبقى شايف اللعبة…ومُجبر تسكت أحيانًا؛ لأنك فهمتها.✅
لكن لو ما كان في ناس بيفهموا السياسة، بوعي، بعقل، وبتجرد…
حنسلم رقابنا لمن؟
العلوم السياسية ما للشهرة،
هي للناس البتفكر كيف تغير بلد…من غير ما تتهور.
لو عايز تعرف شنو التخصُصات التانية الحنستضيفها معانا في السلسلة دي، خليك مُتابع معانا أول بأول...🔥🔥🔥
#تجمع_طلاب_صناع_المستقبل
#FMSG
ناس كُتار بتسخر من مجالات ساهمت في صناعة التاريخ، وبتستخف بتخصُصات هي القاعدة لأي تطور علمي أو صحي أو سياسي، تخصصات أُهمِلت؛ ما لأنّها ما نافعة لكن لأنها ما بتعمل ضجة...🔇✅
في السلسلة دي، جينا نكسر الصورة الجاهزة، ونرجِّع الاِعتبار لتلاتة تخصُصات دائمًا بنتعامل معاها بسوء فهم.
اخترنا التلاتة تخصُصات دي؛ ما لأنهم الوحيدين المظلومين، لكن لأنهم النموذج الواضح لتخصصات قوية "منسية إعلاميًا" وما مفهومة كما ينبغي.🚶📚
ما حنوريكم شنو التلاتة تخصصات دي عشان تكونوا متحمسين معانا🔥🔥
لكننننن
معانا ومعاكم في بداية الرحلة دي العلوم السياسية🔥📢
"أها، علوم سياسية؟ يعني ناوي تدخل الحكومة؟"
السؤال دا بيجيك أول ما تقول التخصُص، وتعرف وقتها إنك دخلت منطقة كل الناس شايفاها ضبابية، بل ومُريبة.🫠
العلوم السياسية ما معناها تتكلم في المنابر أو تحفظ أسماء الرؤساء.
دي دراسة كيف العالم بيتحرّك…
من غير صُراخ…🔇
من غير شعارات...
بتدرُس كيف القرارات السياسية بتتّخذ
كيف الإعلام بيغيّر رأيك
كيف الدول بتتحالف أو تنهار
وكيف شعب كامل ممكن ينقلب على نظام بسبب خطاب مدروس!😌✅
بتقرأ في القانون، العلاقات الدولية، الإقتصاد، حقوق الإنسان
وكل حاجة بتخلي الدولة تمشي-أو تتعطل-من جوّا.🫠
الجميل والمؤلم في نفس الوقت إنك كُلّ ما تتعمّق أكتر، حتعرف إنو الواقع ما بسيط، وإنه في ألف خيط وراء كل خبر بسيط في النشرة.
حتبقى شايف اللعبة…ومُجبر تسكت أحيانًا؛ لأنك فهمتها.✅
لكن لو ما كان في ناس بيفهموا السياسة، بوعي، بعقل، وبتجرد…
حنسلم رقابنا لمن؟
العلوم السياسية ما للشهرة،
هي للناس البتفكر كيف تغير بلد…من غير ما تتهور.
لو عايز تعرف شنو التخصُصات التانية الحنستضيفها معانا في السلسلة دي، خليك مُتابع معانا أول بأول...🔥🔥🔥
#تجمع_طلاب_صناع_المستقبل
#FMSG
🔥10
تجمع طلاب صناع المستقبل - FMSG
Photo
بدأ العد التنازليّ للقاء المنتظر.🔥
أمشو جهزو كباية الشاي أو القهوة، وشيرو لأصحابكم.
أمشو جهزو كباية الشاي أو القهوة، وشيرو لأصحابكم.
❤6