USMLE.. DR.HOZAIFA

How to start Preparation for step 1 exam for preclinical or clinical student, recent or old graduate.

🔗 https://youtu.be/Z18WeQnr2R8



For more content:

YouTube channel

Telegram channel

Telegram Group

Whatsapp

Facebook

X

♠️ Posts Navigator:


♦️ My Humble Story

♦️ USMLE Pathway from start to
match & my detailed step 1 exam
experience

♦️ My Experience ( written )

♦️ USMLE Material 1

♦️ USMLE Material 2CK

♦️ Registration for ECFMG

♦️ NotaryCam interview

♦️ Registration for FSMB


🔺 #ExamTips

🔺 #ExamExperience

Frequently Asked Questions (FAQs)

🔹 كيف أبدا التحضير لإمتحان ال STEP 1

🔹الطريقة الصحيحة لمذاكرة ال UWorld بكفاءة



🔷🔹🔹🔷🔹🔹🔷

🕸 YouTube channel

🕸 Telegram channel

🕸 Telegram Group

🕸 Whatsapp

🕸 Facebook

🕸 X

إلى طُلّاب الجامعات والشهادة الثانوية: أنتم الأبطال! 🌟

وسط زحمة الحياة وضغط المسؤوليات، يمكن أحيانًا تحسّوا إنّ الأحلام الكبيرة بعيدة، وإنّ الطريق طويل وصعب. لكن خلّوني أقول ليكم حاجة: كلّ بطل كانت بدايته خطوة صغيرة.

أنتم الآن في مرحلة فارقة، وكلّ لحظة بتقضوها في السعي والعِلم هي استثمار حقيقي في مستقبلكم. يمكن اليوم يكون شاقّ، والامتحانات تقيلة، والظروف ما بتساعد، لكن تذكّروا: التعب عمره ما يضيع، والإصرار دائمًا يصنع الفرق.

خطوة بخطوة، حتوصلوا لأهدافكم مهما كانت كبيرة.

ما تستسلموا مهما واجهتكم التحديات، لأنّ أقوى الناس هم البواجهوا الحياة بابتسامة وثبات.

آمِنوا بأنفسكم، لأنكم الوحيدين القادرين تفهموا أحلامكم وتسعوا لتحقيقها. نجاحكم مش بس هدية ليكم، لكنه مصدر فخر لكل الناس البتحبوهم.


كل صفحة بتقروها، كل محاضرة بتحضروها، كل دقيقة بتسهروا فيها عشان تمشوا لقدّام، دي لحظات حتفتخروا بيها يومًا ما.

آمن إنك تقدر تغيّر الواقع وتصنع مستقبل جديد. إنك تكون شعلة الأمل ونقطة التحوّل.

> "السماء ما النهاية، لأنها البداية!"
فكّر في نفسك كنجمة مضيئة، نورها مستمر مهما واجهت من صعوبات.



خلّوا طموحكم عالي زي السحاب، ومهما كان الحلم صعب، استمرّوا، لأنه حلمكم وإنتم الوحيدين القادرين تحققوه.

نحن نراهن عليكم ونثق فيكم. أنتم نجوم المستقبل الساطعة. استمروا في السعي، الطريق ممكن يطول، لكن الوصول أكيد. 🌟

#تجمّع_طُلّاب_صُنّاع_المستقبل
#FMSG

نصائح اخر شهر لطلاب الشهاده السودانيه 🤍🔥

ها قد بدأ ديسمبر مع بداية فصل الشتاء الكثير والكثير من النوم دع الانجاز و الدراسة لبداية العام الجديد و اذهب إلى النوم😴❄️❄️

لا دقيقة دقيقة انت صدقت انك تمش نوم؟! لا والله ماف نوم ولا في راحة في سعي و اجتهاد.

آخر شهر ابداً ما بيعني انك تستلم و تقول ح أخطط ابدأ بداية جديدة في السنة الجديدة و هسا ارتاح بالطريقة دي التسويف حيسيطر عليك اكتر و صدقني م ح تنجز لانك منتظر الوقت المناسب يجي سواء كان ( بداية اليوم / الاسبوع / الشهر /السنة) دي كلها اعذار ختيناها برانا عشان نرضي نفسنا بس اول م تجي الفكرة في بالك نفذها طوالي و م تقول انتظر الوقت المناسب🤦🏻‍♀️

ح تقول لي برضو انا لسه م عرفت انجز كيف في ديسمبر🙃

طيب تعال اوريك اول حاجة راجع علاقتك بربنا هل انت راضي عنها؟ مواظب ع صلواتك؟ بتصوم؟ بار بوالديك؟ ملتزم بالفرض اياً كان؟ و علاقاتك كيف مع المجتمع الحوليك اعرف منو الصالح من الطالح نقي اصدقائك عشان الصاحب ساحب🙊 و زي ما قال نبينا صلى الله عليه وسلم ( المرء على دين خليله)


اها وهسا ديل ديل انجاز يعني؟
_اكيد طبعا من اهم الإنجازات هو نحنا مخلوقين لي مش عشان نعبد ربنا و نعمر الارض؟! وعلاقتك مع مجتمعك من اهم الحاجات الممكن تساعدك طبعا.

-حدد اولوياتك و اهدافك والناقصك شنو تتعلم لغة جديدة؟ تدخل دروة ف مجالك او ف مجال تاني حتى خلي عندك تكنيك في اعتماد الدورة او الكورس الحابي تدخله وأهميته شنو بالنسبة ليك م اي كورس تدخله وخلاص، ومهارااااتك م تنسى تنميها🌚

و في النهاية كل م تزهج اتذكر انك ح تتسأل عن ( شبابك فيما افنيته)

يلا اطلع من التك توك والفيس وقوم انجز🏃🏽

#تجمع_طلاب_صناع_المستقبل
#FMSG.

ولآخر لحظة...
اصنع معروفًا واغرِس فكرة...
لا تيأس فالخيرُ بنا فطرة...

🌍 العطاء أسلوب حياة...
الخامس من ديسمبر من كلِ عام، اُختير يومًا ليحتفل فيه العالم أجمع بالتطوع، لنُبيِّن للآخرين أن كل عمل صغير نقوم به يُحدث فرقًا كبيرًا، وأن ما نغرسه الآن سيغدو حرثًا جميلًا🌱.

التطوع يُعزِّز الوعي، يُنمِّي المهارات، ويُقوِّي الروابط الإجتماعية ورُوح الفريق. 🖇️

التطوع ليس مُجرد عمل خيري، التطوع إنسانية، إتصال بين القلوب، ورسم إبتسامة في ثغرِ أخيك. ❤‍🩹

شمِّر ساعديك وهيا...
كُن النور في حياة الآخرين، كُن ضوءًا في آخر النفق...🤎

لنُمهد دربًا كي يأتي جيلٌ يستكملُ ما كانَ...🤎

#حُب_الخيرِ_يجمعنا
#اليوم_العالمي_للتطوع 🌍
#تجمع_طلاب_صناع_المستقبل
#FMSG

قال تعالى ( "وَابْتَغِ فِيمَا آتَاكَ اللَّهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا ۖ") صدق الله العظيم. ✨

الدنيا دي يا جماعة مزرعة، بنزرع فيها عشان نحصد في الآخرة. ما في حاجة في الدنيا دي بتدوم، كل شي فاني، لكن أعمالنا هي البتفضل.الزول الشاطر هو البعرف كيف يوازن بين الدنيا والآخرة، يزرع خير هنا عشان يحصد بركة هناك.🩷 الموضوع ما معناه نترك الدنيا ونجري وراء الآخرة بس، ولا ننسى الآخرة ونغرق في الدنيا، لكن المطلوب هو التوازن.🩷
الليلة حنتكلم عن كيف نعيش حياتنا بطريقة تخلي دنيانا عامرة وآخرتنا مضمونة إن شاء الله.🥰
1. اجعل العادة عبادة 💕 :عن طريق النية الصالحة، خلي نيتك في اي عمل دنيا خالص لوجه الله سواء دراسة أو شغل بنية إعمار الأرض وخدمة الناس .

2. تنظيم الوقت والتخطيط 🕗 : لا يليق بمسلم انه يضيع يومه هباء منثورا، استثمر كل دقيقة ،كل وقت فراغ في الذكر والإستغفار إلتزم تصلي الصلوات في وقتها .وخطط لي يومك بالكامل فإنك ستُحاسب على كل لحظة فيما افنيتها.

3. طلب العلم الديني والدنيوي 🥰💪: اطلب العلم ليس فقط الدنيوي .طلب العلم الديني والشرعي بخليك فاهم دينك أكتر ،عارف المهم والأهم و بخليك تعبد الله على بصيرة. من حفظ للقرآن و تدبره و غيرها من الأمور الدينية المهمة 🩷

4. الإخلاص في العمل ،
الصدقه والاحسان ؛ فهي تجمع بين الاجر الدنيوي والاخروي .

5. استثمار مواسم الطاعات🤓: الله منّ علينا بأوقات فيها الاجر أضعاف مضاعفة مثال على هذه المواسم ( العشرة من ذي الحجة ،يوم عرفة ، يوم الجمعة شهر رمضان ) والطاعات مثل صلة الرحم ، برالوالدين و حسن الخُلق.
خليك ذكي واستثمر هذه الأوقات وان شاء الله كدا تقدر تحقق التوازن في حياتك فلا تهمل الدنيا ولا تنسى الاخرة.🩷🫡.

#تجمع_طلاب_صناع_المستقبل
#FMSG.

متحمِّسين ؟ 🤩

و نحن كمان منتظرين انضامكم !🧡🔥
خليكم قرييبين و مستعدين.🧡

بقيّة التّفاصيل قريبًا.!🔥

#تجمع_طلاب_صناع_المستقبل
#FMSG.

👨🏻(علي):你好

👨🏽‍🦱: شنو قاعد تقول في شنو !

👨🏻: بتكلم معاك باللغة الصينية.

👨🏽‍🦱: لغة صينية ! والله يا علي انت زول مثقف عديل كدا دي اللغة الكم بقيت تجيدها ؟ كدي وريني اكتر عن اللغة الصينية دي ؟

👨🏻: عيوني ليك، اولاً اللغة الصينية تعتبر اللغة الرسمية في الصين وتايوان، وتُعتبر أيضًا إحدى اللغات الرسمية في سنغافورة والأمم المتحدة.

تعتمد على النظام الرمزي اللي هي تعتبر الحروف، قواعد اللغة الصينية بسيطة جداً مقارنة بباقي اللغات تحتوي بس على تصريفات للأفعال ولا تعتمد على الجمع أو التذكير والتأنيث في الكلمات.

تحتوى على العديد من اللهجات وأشهرها الماندرين (الصينية القياسية) .

👨🏽‍🦱: طيب المميزات والعيوب ؟

👨🏻 : من مميزاتها :
1. إنها ذات إنتشار واسع تصل لـ 1.4 مليار متحدث في العالم.
2. تعلم اللغة الصينية بوفر ليك فرصة اقتصادية كبيرة.
3. تعلم الرموز الصينية وتعقيد النغمات يساعد على تحسين الذاكرة والتركيز.

أما بالنسبة للعيوب فهي :
1. بتحتوي على لهجات مختلفة.
2. بتحتاج وقت طويل وجهد كبير لتعلمها.

👨🏽‍🦱: شكراً ليك يا علي ماشي ابدأ اتعلمها🤩🔥

👨🏻: طيب مع السلامة 🚶🏼.

👨🏽‍🦱: استنى لحظة اتذكرت حاجة ماقلت لي الكلمة القلتها في البداية شنو 😆 !

ها وانتو تحدى اللغات ما بقى ساهل 👀؟

قولوا لينا في الكومنتات عايزين تبدوا تتعلموا اي لغة🤩🔥؟

#تجمع_طلاب_صناع_المستقبل
#FMSG.

أعزائنا المتابعييييين.!🧡

إيمانًا منا بأهمية العطاء ورغبةً في تعزيز روح التعاون والتطور، يفتح تجمع طلاب صناع المستقبل أبوابه لاستقبال أعضاء جدد في مكاتبه الآتية:

• المكتب الإعلامي.
• مكتب العلاقات العامة.
• مكتب الموارد البشرية.
• مكتب شؤون الطلاب.
• مكتب الانتاج الفكري.

📍ـ يفضل خبرة سابقة.
📍ـ يرجى كتابة المعلومات الشخصية بشكـل صحيح.
📍ـ التفاصيل التوضيحية للمكاتب مُرفقة داخل الاستمـارة.


⭕️فورم التقديم:
https://forms.gle/EMjUm7CcpHNSWG2j8

خالص الأمنيات لكم بالتوفيق 🧡.

#تجمع_طلاب_صناع_المستقبل
#FMSG.

في الفترة الحالية اغلبنا كمجتمع طلاب ، منتظرين
الجامعة او المدرسة عشان تفتح 😔
و اكيد جاكم احساس انو العمر ماشي و أنا ما انجزت حاجة 😔
و في جزو فكر يبحث عن كورسات لكن
الأسعار مبالغ فيها 🤯
او ممكن اونلاين لكن باللغة الإنجليزية 🫨
او أسعار الشهادات ما في متناول اليد 🤯

و لكننننننن لأننا بنحبكم و زي ما عودناكم لقينا ليكم الحل.! 🥳🥳🥳

جبناكم الليلة بي منصتين اونلاين بتقدم كورسات
باللغة العربية و مع شهادات معتمدة
و المفاجأة انو كل ده مجاناااااااا 🤩🤩🤩🔥.

المنصة الأولى و المحببة لي قلبي هي :

⭐️منصة معارف :
منصة معارف أكبر منصة كورسات تعليمية وتدريبية في الوطن العربي.
و اللي بتحتوي علي عدد من الكورسات
من مختلف التخصصات كاللغات، التسويق ،هندسة ، إدارة أعمال ،فنون و غيرها الكثير 😎.
⭕️رابط المنصة:
https://www.m3aarf.com/


و المنصة التانية هي :

⭐️منصة إدارك :
منصة تحتوي علي عدد من التخصصات ايضاً كادارة الأعمال ، الهندسة ، و كورسات التنمية بشرية و غيرها الكثير و مع شهادة برضو .

⭕️رابط المنصة:
https://www.edraak.org/

و بما انكم عرفتوا الكنز دا قاعدين منتظرين شنو تاني 🧐؟
انطلقوا لكورساتكم 🧡😂.

يلا يا جماعة فتنتكم عافية، و نلتقي في مواضيع اخرى قريباً.

سلااااام 👋🏼.

شنو الفرق بين السُبَّات الشتويّ والثبات الشتويّ؟🤔

السُبّات الشتويّ: حالة طبيعية بتقوم بيها حيوانات زي السناجب في الشتاء، عشان تحفظ طاقتها وما تتأثر بالبرد.

وهي زيها زي أعراض الطالب الغالباه قرايته، ويصحى وينوم ينوم ويصحى.🙂

الثبات الشتويّ: دا العنده عزيمة وبواصل العمل لأهدافه في قلب الشتاء وبرده ونومه.💪

ودي نصائح عشان تقدر تكون ثابت شتويّاً:

يلا من الصباح، قاوم الرقاد في السرير، وأوّل ما تصحى إتحرك، وما تنوم بعد الصلاة، أعمل قائمة يومية لمهامك وابدأ بالأسهل.

وبعد الشمس تشرق إتعرض ليها عشان تنشطك وأتحرك أو أتمرن عشان تصحصح كويس.💕

استفيد من النهار القصير لتركيز المهام المحتاجة قدرة ذهنية عالية، وخلي الليل للمهام أقل صعوبة زي المراجعة أو تنظيم المواد.

يلا لم تجي تقرأ ألبس تقيل عشان ما تجر البطانية وتنعس، وجيب ليك ليك حاجة دافية شاي ولا قهوة، وأبعد من السرير والأماكن المريحة.👌

التزم بوقت نوم واستيقاظ ثابت، عشان النوم البدري ما يأثر على ساعتك البيولوجية، وأبعد من المهام الثقيلة البتصعب عليك النوم.

قسّم الليل لتلاتة فترات، وحدد إنجاز في كل واحدة عشان تستفيد منه كويس،وما تساهر شديد عشان ما تنوم الصباح وهو كله ساعات معدودة.

كتر من الليمون والبرتقال عشان، تقوي مناعتك وما تجيك نزلة أو إلتهاب، وأشرب موية كتير حتى لو ما عطشان.

جعلنا الله من الثابتين في كل الظروف، والمناضلين لتحقيق أحلامهم.❤️‍🔥

ورينا في التعليقات أنت عامل سُبّات شتويّ، ولا ثابت رغم الظروف؟


#تجمع_طلاب_صناع_المستقبل
#FMSG