مساحة للأسئلة والتفاعل :

عدنا يا كرام

نسبة لظروف خارجة عن إرادتنا وإرادة الأستاذ، تم تأجيل اللقاء ليوم غد إن شاء الله الساعة العاشرة مساء.
أحرصوا على الحضور فاجابات الأستاذ تهمكم جداً وعلى أسئلة تعنيكم بشدة.

ممتحن شهادة سودانية ومحتار من وين تبدأ؟
تعال أوريك تبدأ كيف!

الموضوع سهل!

انت محتاج حاجتين لا ثالث لهما!

الإنضباط والتركيز!
وكل شيء ثاني ح يدخل تحتهم!

1/الإنضباط يعني: أنك تلتزم وتضبط نفسك!

ودا بتحقق بأنك:

1/لازم تكون عندك خُطة واضحة تمشي عليها، ولازم تكون مناسبة ليك تعالج مشاكلك وتحقق أهدافك.

أبعد من أنك تلفح ليك أي جدول أو تقلد زول!

2/مقدار القراية يحدد بالزمن ما بالكمية:

•يعني قول ح أقرأ رياضيات لمدة ساعة ما تقول ح أخلص باب
•إذا جاء وقت نومك وانت ما خلصت أرقد نوم، لأنه لخبطة نومك ح تأذيك أكثر!


3/أقرأ في مكان واحد وما تعمل فيه أي حاجة غير القراية.

4/خليك حازم مع نفسك، وبطل تسويف،حيلة صغيرة: ما تفكر كتير لم تجي تبدأ، عِد لحدي خمسة وأبدأ أتحرك بعديها طوالي.

5/ ما تحاول تعمل فوق طاقتك، وتكلف نفسك ما لا تطيق.

إعتدل!
وتذكر!
"قليل دائم خير من كثير منقطع".

ملحوظة مهمة شديد: أيّ نعم الخطة مهمة، بس الأداء أهم، إيّاك تركز في التخطيط أكثر من الإنجاز، الخطة ما هي إلا وصف للطريق، المطلوب منك تمشي!

ما تركز مع الأيام والتواريخ أكثر من تركيزك مع الكتاب والامتحانات.

التركيز يعني: أنك تكون موجه عقلك بشكل كامل للمهة البتعمل فيها.

ودي شوية نصائح تساعدك:

1/ أُكل كويس وأشرب حمضيات ليمون وبرتقال، وأشرب موية كتير.

2/ أكيد سامع عن البومدورو أنك تقرأ 25 دقيقة و ترتاح 5 دقائق، دا وقت أنك تطبقها!

3/ استخدم الفلاش كارد: إذا عندك حاجة غلبك تحفظها، تعريف، أية، معنى كلمة، أكتبها في ورقة على شكل سؤال بقدام وجواب بورا وطبقها.

ختها في مكان معين، جمّع كل الأوراق بداية أو نهاية كل يوم وراجعها يومياً بعد فترة ح تكون ثبتت.

4/المراجعة: لازم يكون في وقت تراجع فيه المعلومات الحفظتها، سواء أكان عن طريق حل امتحانات أو تمارين.

5/أبعد عن أيّ حاجة تشتتك:

• حدد مصادرك البتقرأ منها بوضوح وما أيّ زول يقول ليك حاجة، تكون تمسك دي وتفك دي

• أوعى تفكر أنك تمسك التلفون في البريك بتاعك! عندك مخ واحد استخدمه حالياً للمذاكرة بس.

• الونسات والجبنات والقعدة مع الصحاب والأهل بعد الإمتحانات بالله!

وأخيراً
ألتزم، انضبط، وركز!
ركز!
ركز!
ركز!
ما تنسى تدعيّ وتطلب العوّن والمدد من الله.
وربنا يوفقك🩷

#تجمع_طلاب_صناع_المستقبل

#FMSG

تذكير 📌📌📌


اللقاء بإذن الله اليوم الساعة العاشرة مساء بتوقيت السودان.

نجهز أسئلتنا وما ننسى زملاننا!

صندوق جديد للأسئلة الموجهة للأستاذ حمدنا الله عبد الله ✨

الشغف ما هو إلا مجرد كذبة!

كم مرة سمعنا الناس بيقولوا لينا: "دوروا على شغفكم" أو "امشوا ورا شغفكم"؟ بالنسبة لينا كطلاب، النصيحة دي ممكن تكون جذابة وتخلينا ننتظر شعور معين عشان نبدأ نتحرك. لكن الحقيقة؟ الشغف ده ممكن يكون مجرد وهم بيخلينا واقفين منتظرين وما بنتحرك لقدام.

الشغف، زي ما الناس بتصوره، بيخلي الواحد يحس إنه النجاح مربوط بشي واحد لازم نحبه حب شديد ونكرس ليه حياتنا كلها. لكن يا جماعة، الشغف ما شرط يكون موجود من البداية! هو شي ممكن نصنعه مع الزمن، بعد ما نبدأ نشتغل ونتعب على حاجاتنا.

طيب، نعمل شنو؟

بدل ما نقعد منتظرين الشغف يجي لينا، خلونا نبدأ بـالالتزام، ما الشغف! الالتزام معناه نواصل حتى لو ما في مزاج أو إحساس بالرغبة. زي أي عادة أو مهارة، الشغف بيجي مع التكرار ومع الوقت.

ابدأوا بخطوات صغيرة: ما ضروري نحقق قفزات كبيرة من الأول. مرات الشغف بيجي مع التفاصيل الصغيرة ومع الإحساس البسيط بالإنجاز.

واجهوا التحديات: لو شعرنا بالملل أو الإحباط، ده ما معناه إنه لازم نقيف. بالعكس، دي إشارة إنه نحن في الطريق الصح! التحديات بتقوينا، وكل مرة بنتجاوز تحدي بنحس بقوة أكتر.

كونوا صبورين: الشغف ما بيجي في يوم وليلة. لازم نكون مرنين ونتقبل إنه في أيام بتكون أقل إلهام. الأهم إننا نواصل، حتى لو الخطوات كانت بطيئة.


الإصرار أهم من الشغف

الشغف ما حاجة بننتظرها تجي، بل هو نتيجة للشغل والاجتهاد المستمر. فما نضيع وقتنا في البحث عن "الشغف المثالي". الأهم نبدأ نشتغل على تطوير نفسنا، ومع مرور الزمن حنحس بالشغف كناتج طبيعي للإنجازات اللي بنحققها.


في النهاية، حياتنا الدراسيه ما مربوطة بشي اسمه شغف، بل مربوطة بالمثابرة والعمل المستمر. النجاح بيجي مع الإصرار، والشغف الحقيقي هو الشي اللي بنصنعه بأنفسنا، ما الشي اللي بننتظره.

"النجاح ما في انتظار الشغف، النجاح في صناعته بالعمل والاجتهاد."

#تجمع_طلاب_صناع_المستقبل
#FMSG