فشلت😢❗️

وين المشكلة انك تفشل دي حاجة طبيعية جداً
كُلّنا فشلنا قبل كدا في أجزاء كتيرة من حياتنا
بس السؤال بيكون هل وقفت بعد الفشل دا
ولا مواصل؟

لأنك اذا وقفت واستسلمت 💔هنا دا الفشل الحقيقي، لكن طالما انت بتحاول دي حاجة عظيمة شديد وحتصل بإذن الله 😇

وخلي الكلام دا في راسك "إذا كنت تكره الفشل فلا
تحاول ولا تعلم فالناجحون وحدهم من يحبون الفشل لانه اكبر مدرسة لهم".

#تجمع_طلاب_صناع_المستقبل
#FMSG

التعليم الذاتي
"تعلم اليوم؛ قُد غداً "

_ في فترة الحرب والإجازات الطويلة دي وتذبذب الرحلة التعليمية فأكتر حاجة ممكن نستفيد منها ونقدمها لنفسنا عشان نطورها هي إنو نتعلم! والأهم من إنو نتعلم هو إنو نتعلم كيف نتعلم، و دا بجي بالتعليم الذاتي!
والتعليم الذاتي يعني اعتمادك كا فرد على نفسك عشان تطور مهاراتك وتزيد معرفتك من غير الاعتماد على مؤسسة تعليمية رسمية ،و مقدرتك على إنك تحدد أهدافك
التعليمية و تبحث عن المصادر المناسبة بشكل مستقل تماماً و دا بنمسيه باختصار علم نفسك بنفسك!

📍التعليم الذاتي عندو أنواع كتيرة اللي هي:
١/ التعليم الذاتي المنظم: و دا معناه انك تحدد هدفك وتعمل خطتك عشان تحققه بصورة فردية .
٢/التعليم بالاستكشاف: و دا بجي بدافع الفضول و بالبحث والتجارب الجديدة .
٣/التعليم بالممارسة: و دا بجي بالتطبيق العملي والتدريب المستمر لحد ما نتقن المهارة العاوزنها.
٤/التعليم من الأقران: و دا بكون مع مجموعة من الزملاء أو اي أفراد ليهم نفس الاهتمامات و بتبادلو المعارف و الخبرات.

📍 طييب أهمية التعليم الذاتي دا شنو وبنستفيد منو في شنو؟ مش الأسهل إنو أدخل كورس مع زول مختص وأتعلم ويتابع معاي بدل ما أقعد اتعب وأبحث براي ؟!
بس لا يا عزيزي المتعلم تعال اقوليك لما تتعلم ذاتياً بتستفيد شنو 😎
١/تطوير المهارات: بأنك ح تعرف الطريقة البتتناسب مع أحتيجاتك و أهدافك الشخصية.
٢/ الاستقلالية: لأن التعليم الذاتي بعزز فيك الثقة بالنفس و روح الاعتمادية و بخليك تتحمل مسؤولية تعلمك .
٣/ المرونة: بأنك بتكون قادر تجدول وقتك بالطريقة المريحة معاك و كمان تجدول معلوماتك بالطريقة اللي بتحبها ودا بيسهل عليك وبسرع وصولك للمعلومات دي .
٤/ تنمية المهارات الإبداعية: بأنو بشجعك على التفكير والابتكار والتفكير خارج الصندوق عشان تواكب وتتكيف وكمان بنمي روح التفكير النقدي والابداع.

_أخيراً استثمر في نفسك لأنك أغلى ما تملك و خت في بالك إنو التعليم الذاتي هو مفتاح أبواب الفرص فا تعلم اليوم لتقود غداً 😉.


#تجمع_طلاب_صناع_المستقبل
#FMSG

ايوة انت دا بتكلم معاك ! اليوم كلو راقد في السرير وعامل فيها نايم🛌 !! ما عايز تتحرك كدا وتنجز في حياتك ؟ ما عايز تخش دورات وتعمل إنجازات وتجيب شهادات 🤷🏽؟! تعال اقول ليك 5 مهارات لازم تكتسبها عشان تتعلم ذاتياً وتجيب بها شهادات وانت قاعد في سريرك :


1. مهارة التخطيط 🎯 :
أولاً يا حبيبنا عشان تتحقق أهداف التعليم الذاتي لازم يكون عندك خطة تسير عليها بشكل مدروس، لازم تضعها قبل البدء في التعلم لانها بتضمن الهدف العايز تحققه .

2. مهارة التسجيل 📝 :
ويعني انك تقوم بتدوين كل الملاحظات عشان تقدر ترجع ليها بكل سهولة متى ما احتجت ليها، بالإضافة لذلك المهارة بتشمل تسجيل الأفكار والمعلومات الضرورية عن تجربتك.

3. مهارة ادارة الوقت ⏱️ :
من المهارات المهمة جداً في حياتنا فما بالك في عملية التعليم الذاتي ! عشان كدا لازم تضع جدول زمني يتضمن عدد الجلسات والمواضيع المقرر دراستها على مدار اليوم وأمام كل موضوع فترة زمنية معينة اضافة إلي ذلك فترات الراحة 😉.
المهارة دي حتساعدك تتعلم بشكل أفضل وحتقلل القلق والتوتر وبتالي حتحقق هدفك.

4. مهارة تحمل المسؤولية 🏋🏽‍♂️ :
من أهم الداوفع البتخلق الرغبة في التعليم الذاتي، لأن شعور المسؤولية تجاه شئ بخلينا نسعى نحو تحقيقه، ودي المهارة البتخلي المتعلم يلتزم بالجدول الزمني الذي تم تحديده.

5. مهارة التفكير النقدي 💡 :
أي عدم تصديق كل مايقرأ بشكل مطلق بل يجب التأكد من صحة المعلومات المقروة قبل التسليم بها، المهارة دي هي الحد الفاصل بين التعليم التقليدي البكون فيه دراسة وحفظ المعلومات فقط والتعليم الذاتي المتمثل في البحث عن المعلومات بشكل اوسع وطرح الاسئلة وتحليل الاجوبة.

✓ وخد في بالك دائماً :
• ما تتابع دورات كتيرة عشان ما تتشتت يكفي دورتين ثلاثة 🙍🏽.
• طبق اي شيء تعلمته عشان تستفيد أكثر 👌.
• وثق الدورات بالشهادات عشان تقوي سيرتك الذاتية🤭.


📌وفي النهاية استذكر المقولة دي دائماً : "كل شيء يرخص إذا كثر إلا العلم، فإنه إذا كثر غلا وارتفع ثمنه"

#تجمع_طلاب_صناع_المستقبل
#FMSG

أعزّاءنا طلاب الصف الثالث الثانوي،

مع اقتراب موعد امتحانات الشهادة السودانية حسب الأخبار المتداولة – والتي تشير إلى إمكانية إجرائها في شهر نوفمبر – عايزين نطمئنكم بأننا هنا عشان ندعمكم، سواء تم تحديد الموعد رسميًا أم لا، احنّا بنهتم بيكم و ما عايزينكم تكونوا في حالة من الشك أو التوتر، بل عايزينكم دائمًا على أتم الاستعداد والجاهزية.🫡🔥🔥🔥

لذلك، يسعدنا أن نعلن عن عودة قروبات الإسناد الأكاديمي في مادتي الرياضيات و اللغة الإنجليزية، مع شروحات قيمة و حصص مكثفة إن شاء الله.🤩🔥

ابقوا قريبين، و م تفوتوا الفرصة دي.!🤓🧡

نتمنى لكم كل التوفيق والنجاح! 🧡🔥
روابط الشروحات في قنوات التليغرام :

لمادة اللغة الانجليزية:
https://t.me/englishadabfmsg

لمادة الرياضيات:
https://t.me/mathfmsg


#تجمع_طلاب_صناع_المستقبل
#FMSG

اعزاءنا..
سيّداتي وسادتي الأفاضل 🌚

قبل فترة ليست بطويلة انتشر مفهوم كبير وهو مفهوم "الذكاء الاصطناعي "واصبح العالم معتمد بشكل شبه كامل في كل على الذكاء الاصطناعي وتسهيله لحياتنا ..

كذلك تطور العالم واصبحت فكرة الذكاء الاصطناعي من اهم النشاطات اللي ساعدت العالم لتنفيذ مئات الافكار والمشاريع وغيره..وطبعًا برضو من النقطة دي جات فكرة الروبوتات 🤖والحاجات الظريفة دي ووصلت لانو تساعد في العمليات الجراحية المعقدة في زمن قليل نسبيًا 🦿🦾

ولاهمية الذكاء الاصطناعي ودوره في حياتنا🌚
قررنا انو يكون في لقاء ظريف لطيف ( ذي كل لقاءاتنا 😌) عن :
📌الذكاء الاصطناعي
حنتناول فيهو محاور عديدة اهمها :
•ما هو الذكاء الاصطناعي
•دور الذكاء الاصطناعي في المستقبل
•تأثير الذكاء الصناعي في مختلف القطاعات
•التقنيات المستخدمة لتطوير الذكاء الاصطناعي
•هل سيحل الذكاء الاصطناعي محل الانسان

دة كلو وحيكون مع السيد / محمد محجوب حسين

• اختصاصي تدريب الروبوتكس
• معلم بمدارس الإيمان
• مؤلف كتاب أسرار لينكدان
• حكم دولى البطولة الدولية للروبوت

الموافق يوم 🗓️ الخميس 12/9/2024
الساعة 9 مساءً

#تجمع_طلاب_صناع_المستقبل
#FMSG

📍نود تذكيركم بأن اللقاء مع محمد محجوب سيكون اليوم عند تمام السّـــاعة التّاسعــة مساءًا. 🧡🧡🧡🔥




فـ اضبطوا منبهاتكم و كونوا على استعداد. 😉🔥🔥🔥🔥

#تجمع_طلاب_صناع_المستقبل
#FMSG.

زي ما عرفنا أنه التعلم الذاتي من أهم الطرق البتمكن الواحد من إكتساب المهارات و المعرفة بشكل مرن و مستقل إلا أنه العديد من الأشخاص بتواجههم تحديات مختلفة ، شنو هي التحديات دي و كيف نتغلب عليها ؟!🤔 تابع القراءة
١. نقص الإنضباط الذاتي : يحتاج التعلم الذاتي للإنضباط الذاتي ؛ لضمان الإستمرارية إذن لازم تتعلم كيف تدير وقتك و تنظمه .لو حابين نعمل بوست كامل عن الانضباط الذاتي اكتبوا لينا في التعليقات😉❤️
٢. قلة التوجيه والإرشاد: بما أن التعلم الذاتي بعتمد عليك انت في المقام الأول ممكن تواجهك صعوبة في العثور على المصادر الموثوقة 😓.
٣. التشتت و الإلهاءات : فقط بالانضباط الذاتي تقدر تنجز رغم وجود المشتتات🤍.
٤. عدم وجود خطة واضحة🗓️: احرص انو يكون عندك خطة واضحة عشان ما تحس بالضياع أو الفشل .
٥. صعوبة تقييم التقدم 📈: بعد عملت الخطة لازم تاخد إختبارات أو اي تقييمات خارجية .
٦. الشعور بالوحدة أو العزلة 😢 : عشان ما تفقد الحماس و الدافع حفز نفسك دائماً أو يكون في ناس حوالينك يدعموك و يشجعوك💪 🥳.

كل التحديات و العوائق دي يمكن التغلب عليها عموماً بتطوير مهاراتك الشخصية زي تنظيم الوقت و إدارته و البحث عن التحفيز بإنتظام، و بالتغلب عليها إن شاء الله حتكون رحلة تعلمك الذاتي مثمرة و مفيدة ليك جداً 🥰.

#تجمع_طلاب_صناع_المستقبل
#FMSG.

متذكرين سلسلة اللقاءات الجديدة ولا نسيتوها؟🤩🔥

طيب عارفين انه لازم نستفيد من الخبرات ونسمع تجارب وقصص نجاح ملهمة و نستفيد من النصائح العملية لحياتنا الجامعية صح؟😉


فـ يسعدنا و يشرّفنا إنو يكون معانا في اوّل لقاء لينا في السلسلة دكتور محمد خالد إبراهيم آدم "ابو خالد".
- خريج كلية الطب من جامعة القاهرة (قصر العيني).
- وعضو سابق في منظمة الصحة العالمية واليونيسف.

ابو خالد ح يشاركنا تجربتو الأكاديمية والعملية وكيف واجه التحديات الهناك.!🔥🔥🔥



📍الزمان:
الثلاثاء 17 سبتمبر، التاسعــة مساءًا.
📍المكان:
على قناتنا هنا في التلجرام.



فـ اضبطوا منتباتهم على الزمن، لانه منتظرينكم عشان تخلوا تجربتكم الجامعية في مصر مليانة فائدة. 😉🔥

الى حين المتلقى، سلاام. 🧡

#Medx
#تجمع_طلاب_صناع_المستقبل
#FMSG.

عارف أكتر حاجة بتطمئن الناس في الأوضاع الحاصلة دي شنو ؟! 🤔


إنو ربنا معانا ، مهما كانت الظروف قاسية والحياة صعبة ، وقدر ما تحاول تقوم تقع تاني .. خليك متأكد من حاجة واحدة إنو ربنا معاك .. 🧡

في كل مرة بتحصل ليك حاجة بتخليك ما تواصل وتكسر الحنك وتعجزك ، انت بي جاي اتذكر الآية " لا تحزن إن الله معنا " .. ربنا معاك يعني حتصل لا محالة ..

قوم واتنفض وما تخلي اليأس يسطير عليك ، وخليك واثق إنو ربنا ما حيخيبك 🧡


#تجمع_طلاب_صناع_المستقبل
#FMSG

اليوم إن شاء الله 9 مساء لايف د.محمد خالد

كونوا على الموعد 🔥🔥🔥


#FMSG_MedX
#FMSG