ما يغشوكم و يقولو ليكم القرو عملو شنو، عشان القرو ابدعو و انجزو و انتو لسه بتسمعو في كلام المحطمين🤭

تعالو اوريكم الطالب ده قرا و عمل شنو😏 :

- طالب الطب العمومي والجراحه العامة
- رائد أعمال إجتماعي
- قائد تطوعي
- مستشار منظمة غياث الخيرية
- رئيس منظمة غياث الخيرية سابقا.
- أمين عام ملتقي طلاب الطب السودان سابقا.
- رئيس لجنة إعداد الدستور واللوائح باتحاد طلاب الطب السودان.
- أمين عام مبادرة وريدك سابقا.
- السكرتير الإداري لبنك الدواء سابقا.
- عضو جمعية علم وظائف الأعضاء السودانية سابقا.
- مدير أنشطة وفعاليات بمنظمة قوم الخيرية سابقا.
- أمين مكتب اللغات بجمعية الطلاب السودانيين سابقا.
- المجلس الاستشاري للمبادرة السودانية لعلاج الإدمان سابقا.
- عضو إتحاد الشباب العربي سابقا.
- البورد العربي للقيادات التطوعية.
- مهتم بالأعمال الخيرية والبرامج التوعوية.
- مهتم بالأعمال النقابية والطلابية.
- ناشط في مجال التعليم والصحة والتوعية المجتمعية.
- منظمة الوقاية من الأمراض المنقولة بالدم
- الجمعية السودانية لأصدقاء مرضي السرطان تداعي
- جمعية اصدقاء مرضي السكري
- مدير مؤسسة الأمل الاستشارية
- متحدث تحفيزي
- مهارات التخطيط الشخصي وإدارة الوقت
- تنظيم مشاريع الحقائب الرمضانيه وكسوة شتاء وإطعام أبطال الشوارع
- مؤسس منصة المستشار للارشادات والاستشارات الجامعية
- متحدث في المؤتمر الدولي لباحثي المجتمع المدني ال١١ جامعة موسكو للعلوم السياسية.
- متحدث ورئيس المؤتمر الافريقي للقيادات التطوعية.
- عضو لجنة العلاقات العامة والدولية الاتحاد العربي للشباب والتنمية.
- عضو مجموعة اصول الطب في الاسلام البحثية

ايوا ياهو أحمد الحافظ المهدي خليفة

ح يكون ضيفنا الليلة في لقاء رهيب جدا مليء بالإنجازات يلا خليكم متابعين🤍


#تجمع_طلاب_صناع_المستقبل
#FMSG

في نص الجوطة الحاصلة دِي ما تنسى نفسك،  نفسك حِبها وإعتني بيها خليك اهم شخص في حياتك وخليك دايما قوي ومُتحمس ما تنسى! أنت بتستحق كل شي 💙.
"فما عليك من سواد أمس صباح الخير بقلبٍ رحبٍ جداً💙. "




#تجمع_طلاب_صناع_المستقبل
#FMSG

عارفين أيام الامتحانات بيحصل شنو ؟؟!
مبدئياً كدا الناس بتكون متوترة وخايفة إنو الإمتحانات تكون صعبة وغيرو ، طبعاً قلت الناس ما يجيني زول يقول لي ما قاعد اتوتر ركز انا قلت الناس انت ما منهم 😂 لأنك أنت كدا أسطورة 😌

المهم عموماً الجو بيكون توتر وخوف وقلق ، واحتمال يأثر علي درجاتك في الامتحانات ، عشان كدا حنديك نصائح في البوست ده عشان تتجنب الحاجة دي ، حتجي تقول لي وينها الامتحانات هي ، حأقول ليك خلي عندك ثقة في ربنا إنو هي حتجي حتجي لا محالة وأحسن تلاقيك جاهز من تكون غير مستعد 🙂‍↔️

المهم يلا نبدأ كلهم كم نصيحة كدا وأوعدك حتطلع من البوست ده وتاني حتواجه كل امتحان وانت مرتاااااح 🧡

1- استعد نفسياً :
خلي إيمانياتك ورحانياتك عالية بالأخص في فترة الإمتحانات ، ويعني لو كنت زول علاقة بربك ما علي قدر كدا صلحها وحافظ عليها حتى بعد الامتحانات عشان ده واجبك تجاه ربنا ماف زول بيوصيك عليك ..
وخليك دائماً متفائل وأحسن الظن بالله إنو الإمتحانات دي انت قدرها مهما كانت ، وأبعد عن القلق والتوتر .. 🧡

2- استعد جسدياً وصحياً :
في الفترة دي بالأخص تبعد من السهر أيام العطلات ، وحاول إنك تآكل أكل كويس وتشرب سوائل وعصائر كتير لأنو القلق والتوتر بيستنزفك ، وخلي جسمك صحيح وما تتعب نفسك في الفترة دي .. 🧡

3ـ استعد عقلياً :
التفكير الزائد يا عزيزي من أكبر مسببات القلق والتوتر وبالتالي الفشل ، عشان انت تبعد من الحاجة دي ترجع للكلام القلناهو قبيل بي إنو تكون ثقتك في ربنا كبيرة وتكون إنسان متفائ بالخير وزي ما بيقولو " تفائلوا بالخير تجدوه " ، وتبعد من المشتتات والناس المحبطين لأنهم حيجروك معاهم .. 🧡

وكمان لو حابي تعرف كيف تستعد من الناحية الأكاديمية خش الصفحة هنا حتلقى بوستات عن تنظيم الوقت وطرق مذاكرة فعالة واستخدام التكنولوجيا في المذاكرة وعناوين تانية مشوقة شدييييييد 🧡



#تجمع_طلاب_صناع_المستقبل
#FMSG

ياهَمام ما تخلي يوم يـمر من غير ما تَحلم الحياة مَليانة مُفاجآت مافيها شي مُستحيل بس أنت لازم تخت أحلامك قدامك وتمشِ وراها، أنت مُستحيل تعرف قدراتك لو ما حاولت أنت قادر بس لازم تكون مصمم ومتآكد إنك ح تصل.
ما تقارن نفسك بغيرك كل واحد فينا مُختلف وعندو طريقتو وهدفو ركز ع نفسك وأسعى عشان تحقق أحلامك وخليك عارف انو النجاح ما بيجي بالساهل فلازم تكون مُستعد عشان تواجه تحدياتك وكل عترة بداية لخطوة أكبر 💙
حبة حبة … خطوة اولى … خطوة تانية … عترة … عتبة … سكة صعبة حِلم أكبر بس ح نوصل 💙.


#تجمع_طلاب_صناع_المستقبل
#FMSG.

السلام عليكم يا مريم كيف حالك؟ ممكن اسألك سؤال؟

_ و عليكم السلام اتفضلي؟

دايما مشهورة بملخصاتك في الدفعة ممكن تورينا كيف نتقن المهارة دي!

_ حاضر إن شاء الله
طيب التلخيص بالمختصر كده هو الاختصار و الايجاز للمعلومات المهمة و الأساسية.

و تكمن أهميته في انه بيزود الملَخِص بالأفكار الأساسية والقدرة على الاستيعاب والتركيز والبحث عن العناصر الهامة للموضوع.
ده غير انه بيبسط المعلومات، يوفر الوقت، يحسن التركيز و يسهل الدراسة و التحليل و التقييم.
طيب عشان نحنا نتقن التلخيص لازم نعرف خطواته😁

عشان نلخص نص بفعالية، نتبع الخطوات التالية:

1. *قراءة النص بالكامل*: لازم اول حاجة نقرا النص بالكامل عشان نفهم الفكرة العامة

2. *تحديد الفكرة الرئيسية:* تحديد الفكرة الرئيسية أو الهدف الأساسي للنص. دي هي النقطة المحورية التي يدور حولها النص.

3. *تحديد النقاط الرئيسية:* نبحث عن الأفكار أو النقاط الرئيسية التي يدعمها النص. يمكن نبحث عن الجمل أو الفقرات التي تلخص هذه الأفكار.

4. *إزالة التفاصيل غير الضرورية:* اللي هي إزالة التفاصيل الفرعية والمعلومات التي لا تساهم في الفهم الأساسي للنص. التركيز فقط على المعلومات الأساسية.

5. *إعادة صياغة المعلومات:* هنا نستخدم كلماتنا الخاصة لإعادة صياغة الأفكار الرئيسية والنقاط الهامة. نحاول أنها تكون مختصرة وواضحة.

6. *مراجعة التلخيص:* بعد التلخيص نرجع نقرأ الملخص للتأكد من أنه يعكس الفكرة الرئيسية للنص بوضوح ودقة، وأنه لا يحتوي على معلومات مضللة أو مفقودة.

7. *تحسين الأسلوب:* لازم نتأكد من أن التلخيص مكتوب بأسلوب منظم وسلس، ويعبر بوضوح عن المعلومات الأساسية.

طيب دي كان الخطوات هل أنت عارف يا عزيزي الطالب أنه التلخيص عنده تقنيات، طيب شنو هي التقنيات دي🤔

تقنيات التلخيص كتيرة منها *الخرائط الذهنية* التقنية الاكثر انتشاراً لفعاليتها و تسهيلها للدراسة. لتمثيل الأفكار الرئيسية والعلاقات بينها بصرياً. التقنية دي تساعد في تنظيم الأفكار بشكل مرئي.

وبرضو عندنا تقنية *التلخيص باستخدام الأسئلة* يعني طرح أسئلة حول النص ( مثلا : ما هي الفكرة الرئيسية؟ ما هي الأدلة؟ ما هي الاستنتاجات؟) واستخدام الإجابات لتكوين التلخيص.
ولسه في تقنيات كتيرة نذكرها في مرة تانية ان شاء الله .

اكتبو لينا في التعليقات طريقتكم البتتبعوها في التلخيص🌚


#تجمع_طلاب_صناع_المستقبل
#FMCG

3 استراتيجيات للتحضير للامتحانات بطريقة صحيحة ✍️

سواء كنت فالجامعة أو المدرسة حا تظل فترة الامتحانات هي الأكثر صعوبة بالنسبة ليك، ودا لأنو في الغالب بنحس بتوتر وضغط وما بننجز حاجة في النهاية ولكن إذا عرفت كيف تتعامل معاها كويس، حا تتمكن من اجتيازها بأمان ونجاح. 😪🤍

طيب تعال أوريك كيف تتعامل معاها عن طريق تطبيق الثلاثة استراتيجيات دي: 💪💫
•أول حاجة من ما تسمع الامتحانات قربت خلاس طوالي حا تبدأ تعمل جدول تقسم فيهو المواد.
• وثانياً حا تبدأ تتدرب على الامتحانات عن طريق حل الاختبارات السابقة سواء كان من المريح أو غيره عشان تعرف طريقة الامتحان.
• وثالثاً تتعلم كيف تدير الأزمات فطبيعي جداً انك تتوتر بسبب الضغط المفاجئ فتحاول تنظم وقتك عشان تخفف التوتر وقلل من السهر واحرص على النوم الكافي.

طيب عرفنا الاستراتيجيات دي، أنا كيف أقرأ المادة بشكل صحيح؟🤔

1/قبل تبدأ بدراسة أي مادة، حدد نوعها🧐 !
• هل بتحتاج لحفظ؟ زي التاريخ والقرآن.
• هل بتحتاج لفهم ؟ زي الرياضيات والفيزياء.
• وفي بعض الأحيان بتحتاجهم الاتنين سوا ! زي الكيمياء مثلا.

2/ استخدم الأدوات المناسبة للمادة 🦾
• إذا كانت مادة فهم (رياضيات): بتحتاج دفتر حلول ومذكرات ومراجع خارجية للتدريب على المسائل.
• إذا كانت مادة حفظ(التاريخ): في الأغلب ما بتحتاج لموارد اضافية غير الكتاب للحفظ ودفتر خارجي للتسميع والتلخيص.

طبق النصائح دي وركز على فهم المادة كويس وأتذكر {إن الله لا يضيع أجر من أحسن عملاً}💪🤍

شاركنا في التعليقات كيف قاعد تتجهز للامتحانات👏


#تجمع_طلاب_صناع_المستقبل
#FMSG

متابعينا الاعزاء
طبعا زي ما انتو عارفين داخلين علي شهر
جديد و فعاليات جديد 🤩🤩🤩
فجيناكم يا اعزائنا بفقرة جديد و رهيبة
زيكم كده 🥳🤩
ففي توقعاتكم حتكون الفقرة شنو ؟!!!


#تجمع_طلاب_صناع_المستقبل
#FMSG

قد تضيع الفرص المضمونة بالنسبة لك، لا تنجح المقابلة التي ذهبت لها، وتسقط تلك المنحة، ويتعثر ذلك الجواز عن زمنه
ولكن!!
يقفل الله لك هذا الباب ليفتح لك ألف باب🚪!!
وكل شئ بحكمته يمضي وكل شئ برحمته يحدث 🤍!
قد لا تقبل في العمل لأنه حكمته في ان تقبل في القادم فالقادم أفضل قد تسقط تلك المنحة التي أرهقت نومك لأن تلك البلد لا تنفعك او قد يصيبك مكروه إذا ذهبت وتبقى الاحتمالات كثر، قد يتعثر الحصول على هذا الجواز لأن لا يجدي نفعا لانك لن تقُبل فيتأخر قليلاً لكي تفرح كثيراً
كل شئ يسير برحمته وكل دعوة تقبل بكرمه 🤍!
فارفع يديك وقل يا إلهي أجبر بخاطري فإني أدرك حكمتك وأشعر برحمتك أعلم أنك معي وأنك ستعوضني فيارب قل كُن ليكون قل كُن ليحدث ما اريد قل كن ليتحقق ما أتمنى قل كل لتمضي أحلامي وتسير أماني ويهدأ بالي ياربي ربي السموات والأرض.
وتظن أنك هلكت ولكنك نجوت 🤍!
فالحمدلله أني عبدك وانت ربي فنعم الرب ربي (أنت) 🤍!


#تجمع_طلاب_صناع_المستقبل
#FMSG

في الحياة اليومية، يواجه الإنسان العديد من التحديات والضغوط التي قد تؤثر على صحته النفسية. ومع ذلك، يعتبر الاستقرار النفسي أحد أهم العوامل التي تساعد الفرد على مواجهة هذه التحديات بفعالية. فما هو الاستقرار النفسي؟ وما هي أهميته في حياتنا؟

الاستقرار النفسي هو حالة من التوازن الداخلي والهدوء التي يحققها الفرد عندما يتمكن من إدارة مشاعره وأفكاره بشكل صحيح. يتسم الشخص المستقر نفسياً بالقدرة على مواجهة الضغوط الحياتية والتعامل مع التحديات دون أن يؤثر ذلك على صحته النفسية. كما يتمتع بمرونة عاطفية تمكنه من التكيف مع المتغيرات والتعافي بسرعة من الأزمات.

اي بالعندنا كده ممكن نقول الاستقرار النفسي معناه إنك تكون مرتاح نفسياً وبتقدر تتعامل مع ظروف الحياة بدون ما تتأثر سلبي. الشخص المستقر نفسياً دايماً بيكون عنده قدرة على التكيف مع المواقف المختلفة وما بيخلي المشاكل تأثر في نفسيته كتير

ختاماً، إن تحقيق الاستقرار النفسي ليس مجرد حلم صعب المنال، بل هو نتيجة لالتزامك بالعناية بنفسك على المستوى الجسدي والعقلي. بتبني هذه الاستراتيجيات الموصى بها من قبل الأطباء، يمكنك بناء أساس قوي من الهدوء الداخلي والقدرة على التعامل مع ضغوط الحياة اليومية. تذكر أن هذه الرحلة تتطلب الصبر والمثابرة، ولكن ثمارها تستحق كل الجهد المبذول. وكما قال أحدهم، "العقل الهادئ يجلب السعادة، حتى في أصعب الأوقات". لذا، اجعل الاستقرار النفسي هدفاً دائماً تسعى لتحقيقه، واستمتع بحياة أكثر سلاماً وتوازناً.

#تجمع_طلاب_صناع_المستقبل
#FMSG

تخيل للحظة أنك قاعد تحت شجرة ضخمة، ظليلة، في يوم صيفي حار. النسيم يلفح وجهك بلطف، وصوت العصافير حولك يعزف سيمفونية هادئة. في اللحظة دي، تشعر بأن الدنيا كلها توقفت، وملأك إحساس عجيب بالراحة والسكينة. الشعور ده ما بيجي من فراغ، بل هو نتيجة لاستقرار نفسي عميق. السؤال المهم هنا: كيف بنقدر نصل لهذا النوع من الاستقرار النفسي في وسط دوامة الحياة وضغوطاتها اليومية؟



الاستقرار النفسي هو حجر الأساس لحياة مليئة بالسلام والرضا، ولكن الوصول ليهو ما ساهل زي ما الناس بتتخيل. كتير من الناس بيفتكروا إنه الاستقرار النفسي بيجي لما الحياة تكون خالية من المشاكل، لكن الحقيقة إنه الاستقرار النفسي هو القدرة على المحافظة على هدوئك الداخلي حتى في أصعب الظروف.

الرحلة دي بتبدأ من الداخل، بمعرفة ذاتك، وفهم أعماقك، وتعلم كيفية التعامل مع تحديات الحياة بطريقة حكيمة وهادئة. في ناس مروا بتجارب قاسية لكن قدروا يصلوا للاستقرار النفسي بطرق مختلفة، والقصص دي بتوضح لينا إنه المسألة مسألة إرادة وتصميم.

خليني أحكي ليك عن "خالد"، شاب سوداني مر بتجربة ما كانت سهلة. خالد كان شاب طموح، لكن الحياة كانت داير تجرّده من كل طموحاته. كان بشتغل في وظيفة مرهقة ما بترضي طموحاته، وكانت المسؤوليات العائلية بتضغط عليه من كل جهة. في يوم من الأيام، خالد لقى نفسه في مفترق طرق؛ إما يستسلم للوضع ويعيش حياة مليانة إحباط، أو يقاوم ويبحث عن استقراره النفسي.

خالد قرر إنه ما يستسلم. بدأ يقرأ عن طرق الاسترخاء، ولقى إنه الرياضة ممكن تكون مخرج ليهو. كل صباح كان بيمشي في كورنيش النيل، يراقب الموجات الصغيرة وهي تتلاعب بسطح الماء. المشي ده ما كان مجرد رياضة، كان وقت خالد مع نفسه، وقت يراجع فيه أفكاره ومشاعره. مع الأيام، بدأ يحس بتغير في نفسه، بدأ يشعر بهدوء داخلي، وبدأت مشاكله تبدو أقل تعقيداً.

لكن الرياضة وحدها ما كانت كافية. خالد قرر يعمل تغيير شامل في حياته، بدأ يخصص وقت يومي للتأمل. كان يقعد في غرفته بعد العشاء، يطفئ الأنوار، ويجلس في صمت تام. كان يحاول يمسح كل الأفكار من راسه ويركز على التنفس بس. التأمل ساعده يسيطر على توتره وقلقه، وفتح ليهو باب جديد لفهم نفسه بشكل أعمق.

وبالرغم من إنه الطريق كان طويل وصعب، إلا إنه خالد بدأ يحس بتغيرات حقيقية في حياته. قدر يحقق توازن بين شغله ومسؤولياته العائلية، وبدأ يتعامل مع تحديات الحياة بواقعية وهدوء. الأصدقاء لاحظوا التغير عليه، حتى إنه بقى مصدر إلهام ليهم في كيف ممكن الإنسان يصل للاستقرار النفسي رغم صعوبات الحياة.

نفس الشيء حصل مع "سعاد"، امرأة سودانية كانت بتواجه تحديات كبيرة في حياتها الزوجية. الزواج كان مليان مشاكل وصراعات يومية، والضغط النفسي كان كبير عليها. لكن سعاد، بدل ما تستسلم لليأس، قررت تبحث عن حلول. بدأت تتعلم عن أهمية الحديث الصريح بين الأزواج، وبدأت تطبق اللي تعلمته في حياتها. مع الوقت، قدرت تخفف من حدة المشاكل في بيتها، وبدأت تشعر بطمأنينة داخلية.

سعاد كمان اتجهت لهواية الرسم، كانت تقعد لساعات طويلة قدام اللوحة وتفرغ مشاعرها على الورق. الرسم بقى ملاذ ليها، وسيلة تعبر بيها عن كل اللي بتشعر بيه بدون ما تحتاج تتكلم. بمرور الوقت، الرسم ما بس ساعدها تتغلب على توترها، لكن كمان بقى مصدر لسعادتها واستقرارها النفسي.



الاستقرار النفسي رحلة طويلة، مليانة تحديات وصعوبات، لكن النتيجة تستاهل كل تعب. تذكر دايماً إنه الطريق للاستقرار يبدأ من داخلك، من معرفتك لنفسك، ومن تعاملك مع مشاعرك وأفكارك. اهتم بصحتك الجسدية، وخصص وقت لنفسك يومياً، حتى لو كان الوقت ده قصير. زي ما عمل خالد وسعاد، ابحث عن الأنشطة اللي بتريحك وبتساعدك تفرغ ضغوطك. وأهم حاجة، ما تستعجل النتائج. الاستقرار النفسي زي بناء بيت، كل طوبة صغيرة بتضيف ليه قيمة، وكل خطوة صغيرة بتقربك من هدفك.

#تجمع_طلاب_صناع_المستقبل
#FMSG