https://t.me/FMSGmedx

تابعو السلسلة على Medx

تعرفو شنو عن تمريض الصحة النفسية؟
https://t.me/FMSGmedx

التمريض مِهنة اللُّطف والرِعاية، اليد الداعِمة للمرضى في أحلك الظروف وأظلمها، ملاك الرحمة في ظل غشم المَرض.
ختام رحلتنا في سلسلة التعريف بتخصص التمريض بلقاء رائع مع الدكتور المتميز: موسى الزين احمد علي.
استاذ جامعي في كلية النهرين الخاصة.
رئيس رابطة طلاب تمريض جامعة بحري وممثل الكلية بجامعة بحري سابقا.
عضو وممثل كلية تمريض بحري في ملتقى السودان الأول بالأبيض.
عضو في منظمة تمريض السودان سابقا.
عضو في مبادرة الممرضين السودانين سابقا.
عضو في جمعية أطفال السكري السودانية سابقا
ممارس طبي في العديد من المستشفيات السودانية.
عمل كمتطوع في وزارة الصحة فترة الجائحة.
أخصائي ثاني مرخص من المجلس القومي للتخصصات الصحية السودانية.
أخصائي مرخص من الهئية السعودية للتخصصات الطبية والصحية.
يعمل بالمملكة العربية السعودية حاليا.
يدرس اللغة الألمانية حاليا.
كاتب وروائي.

بربك يا لابسا ثوبا من أبيض ** وما يدريك ما أكثر الألوانا
كتبت لك الأيـــــــــام أن تبقى ** ملاكا يطير شامخا بجنحانا

#ملائكة_الرحمة
#FMSGmedx

🔹إنتقال الطالب من المرحلة الثانوية إلى الجامعية يصاحبه العديد من التخبطات وعدم وضوح الأهداف.
🔹حتراودك عديد من التساؤلات الخاصة بالحياة الجامعية وكيفية التعامل معها.
🔹حتتسائل هل تركز على الجانب الأكاديمي فقط عشان تبقى إنسان ناجح في المستقبل؟
🔹شنو الخطوات اللازمة أمشي عليها عشان أنافس بعد التخرج؟

✔️أكيد راودتك كل هذه التساؤلات وأكثر كمان.
ماعليكم إلا تتابعونا في بث مباشر مع الدكتورة أبرار كمال عن الحياة الجامعية وما بعدها، غداً الخميس الساعة 8 مساء للإجابة على كل تساؤلاتكم.

🔹جهزوا اسئلتكم واستنونا.

https://t.me/FMSGmedx
أنشرو الرابط عشان زملائكم يستفيدو
المناقشة الساعة 8 مساء

السلام عليكم طلابنا و متابعينا و اسرة تجمع صناع المستقبل
كل عام و انتو بخير و امانيكم و محققة ان شاء الله
،و نحنا معاكم و بنكبر بيكم و بدعمك
طبعا للاسف الفترة الاخيرة كنا مختفين شوية لكن دا ما اختفاء عادي، انما الهدوء الذي يسبق العاصفة 🤭
ولكنننن 🤷🏽‍♀️
باذن الله محضرين ليكم حاجات رهييييبة جدا زي ما عودناكم
فخليكم قريبين لانو مجهزين ليكم مواضيع حلوة و ورش باذن الله و و الكثير من المفأجات حتي من ناحية تحفيز نحنا معاكم و ما نسيناكم😁

فما تمشو بعدين و خليكم قراب لانو الجاي عظمة👌🏼

#FMSG
#تجمع_طلاب_صناع_المستقبل

نعي أليم..

بسم الله الرحمن الرحيم

يقول تعالى: "وَبَشِّرِ الصَّابِرِينَ ۝ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ".. صدق الله العظيم.


انّ لله ما اعطى و لله ما اخذ، و كل شيء عنده بمقدار،،

بعيون دامعة و قلوب خاشعة راضية بقضاء الله و قدره نُنعي احد مُعلمي شُعْبة اللُّغة الانجليزية بمدارس دَار الصفوة الثَّانوية الخاصّة الاُسْتاذ الحِبر صَالح والذي كان ذا أثر هنا في تجمع طلاب صناع المستقبل إثر حادث حركة بالمملكة العربية السعودية.

سائلين المولى عز وجل أنْ يتغمده بواسع رحمته ويسكنه فسيح جناته ويُنزل على قبره السكينة والرحمة و لأُسرته و طُلابهِ الصبرَ والسلوان، وإنّا لله وانّا اليهِ رَاجعون.

#FMSG
#تجمع_طلاب_صناع_المستقبل

اهلا بيكم طلابنا الأعزاء
اكيد اغلبكم حاسي بلحظات يأس
و انو الناس كلها حياتها ماشية
الا انت
لكن الحاجة دي طبيعة و لأننا
حاسين بيكم و مقدرين
لكل المارين بيهو😔

فعشان كده رجعنا ليكم تاني
و بقوووة...... 🏃🏻
حيكون في مواضيع
شيقة و ورش و برامج كتيرة
نضمن انو حتتطلعوا منها
بأكبر استفادة ممكنة😁

فتناكم عافية لحدى ما
نتلاقي تاني
.........👋🏼

#FMSG
#تجمع_طلاب_صناع_المستقبل

أيا أخي .. لا تَكُفّ عن الاحتفاظ بالهمّة في عمق الحزن ، وعن رؤية الجمال في عُمق الألم ، وعن استشعار النعمة في لحظةِ البلاء ، وعن رؤية النور في عتمة الظلام ، وشعرر الانتصار في عمق الهزيمة … بإختصار لا تَكُفّ عن الأمَل .

عزيزززي و عزيزززتي
الطالب و الطالبة😊
.
يلا يلا انفضوا عنكم غبار اليأس
و شدوا الهمة 💪
حاليا كلنا الظروف قاسية علينا
سواء داخل او خارج البلاد
فحالياً عندك خيارين ...
إما انو تحاول تطور نفسك
على قدر الامكان و تبحث
عن حلول .
.
او تقعد تندب في حظك😶
.
.
فحاليا الخيار ليك✨
مساء الخير جدًا يا بطل

#FMSG
#تجمع_طلاب_صناع_المتسقبل

اعزائنا الطلاب .!🫡

لقد وقفتم بثبات وشجاعة أمام أحداث أليمة وظروف قاسية، وها أنتم اليوم تتطلعون إلى العودة إلى مقاعد الدراسة واستئناف رحلتكم.🩵

أتعلمون إنكم الأمل الذي ينبعث من بين ركام الحرب؟
وانكم المستقبل المشرق لهذا الوطن.؟!🫡🔥



أنتم لا تتعلمون من أجل أنفسكم فقط، بل من أجل أجيال قادمة تنتظر أن تكونوا لها قدوة ومثالًا لها.🧡🔥

أنتم تحملون في أعناقكم مسؤولية عظيمة، مسؤولية النهوض بوطنكم وإعادة إعماره.
لا تدعوا الصعاب تفت في عضدكم، بل اجعلوا منها حافزًا لمزيد من الجهد والعطاء.🩵
تذكروا دائمًا أن الأمل يولد من رحم الألم، وأن النور يسطع بعد كل عتمة. 🩵

وفقكم الله وسدد خطاكم، وجعل النجاح و التفوق حليفكم.! 🩵🔥

#FMSG
#تجمع_طلاب_صناع_المستقبل

عندما تنظر إلى السماء اللامعة في الليل، ماذا ترى؟
هل ترى مجرات بعيدة ونجوم تتلألأ بألوان مختلفة؟
أم ترى أحلامك تتلألأ مثل تلك النجوم، في انتظارك لتحقيقها؟😓🧡
كل نجم في الفضاء اللامتناهي يحمل سرًا وقصة، تمامًا مثل أحلامك التي تسكنك.🧡

هناك نجوم تتراقص في الفضاء، تمامًا كما تتراقص أفكارك وخيالاتك في ذهنك، تتلألأ ببريقها الخاص وتدعوك لتلاحقها. 🧡
لعل تلك النجوم البعيدة هي إشارات من الكون، تذكيرًا بأن طموحاتك مهما كانت بعيدة هي ليست مستحيلة. 🧡
مثلما يحتاج النجم إلى الليل ليشع بريقه، تحتاج أحلامك إلى الإصرار والعمل لتتحقق.
لذا، كلما نظرت إلى السماء، تذكر أن هناك عالمًا كاملاً من الفرصِ في انتظارك. 🧡
وانك أنت النجم الذي يمكنه أن يضيء هذا العالم بأحلامه وأهدافه.🫡🧡
مساء الخير جدًا 🧡

#FMSG
#تجمع_طلاب_صناع_المستقبل

أعزاؤنا! 🤓🧡🧡🧡

ـ نعتذر لكم عن فترة الركود السّابقة، ويسعدنا أن نعلن بكلِّ فخر عن عودة تجمع طلاب صناع المستقبل FMSG بروح جديدة.! 🧡🔥


ـ الفترة الفاتت كانت فرصة لينا لإعادة تقييم مسارنا و العمل بجد خلف الكواليس، لنرتقي بمستوى التفاعل والمحتوى المقدّم لكم، و تحويـل التّحديات إلى فرص و الإلهام إلى إبداع.! 😉🧡

ـ نعدكم بـ أننا لم نعد فقط بمّا كنّا عليه، بل تجاوزنا ذلك.!🔥
لأنكم كنتم ولا زلتم الدافع الأكبر لنا للعودة بشكل أقوى وأفضل.!🫂🧡

و ندرك تمامًا أن تحدياتكم هي تحدياتنا أيضًا، فـ نحن الآن نواجه نقص من المتطوعين نتيجة المحنة التي تمر بها البلاد.💔
ولهذا نرجو منكم تأهيب أنفسكم إلى الانضمام إلينا؛ لتكونوا جزءًا من الحل وتسهموا في دعم زملائكم.! 🫂🧡

فكونوا على أوج الانتظار لكل ما هو مميز و ملهم!🥁🔥
و في آمان الله إلى حين الملتقى.!🫡🧡🧡

#تجمع_طلاب_صناع_المستقبل
#FMSG

ما رأيك أن تقوم الآن وتوقظ همتك التي طال ثباتها وتبدأ في تحقيق حلمك؟
أنت تستطيع تحقيق كل مافي بالك فلا تكسر مجاديفك بيدك ..
ولطالما خطر ذلك الحلم ببالك فيمكنه أن يصبح حقيقة ..
ف الله ألطف من أن يضع ببالك شيئا لا يمكن ان تصل اليه..
ثق بنفسك وانهض الآن 💙🌸..

#نقطة_ضوء
#تجمع_طلاب_صناع_المستقبل
#FMSG

86٫400 ...ثانية ... 1440 ... دقيقة ... 24 ...ساعة


أها عرفت حنتكلم عن شنو ولا لسه ؟!؟ 🤔
نحنا يا عزيزي ما حنتكلم عن يومك ، كلامنا عن الوقت ⏰واللي هو فيهو يومك وسنينك وأي حاجة ، والوقت نعمة كبيرة من الله عز وجل والرسول صلى الله عليه وسلم قال : " نعمتان مغبونٌ فيهما كثير من الناس ، الصحة والفراغ " يعني اتخيل في ناس بتحسدك عشان انتي بس فاضي وعندك زمن متاح ليك .. 😔

طيب يا صاحبي في ناس شكلها لسه ما عرفت أهمية الوقت بالنسبة ليها ، هل تعلم إنو الله سبحانه وتعالى أقسم بالوقت عشان هو مهم شديد ، فسبحانه وتعالى بيقول :" والضحى " وهو وقت الضحى وكذلك :" والليل " وهو وقت الليل ، فالشاهد إنو ربنا سبحانه وتعالى بيورينا أهمية الوقت .. 🤍

وبكدا بتكون عرفت قدر شنو الوقت مهم بالنسبة لينا كلنا كبشر وكمسلمين خااااصة ، ويا سلام علي الوقت لو كان مرتب ومنظم عشان تقدر تحقق منو أقصى استفادة ، تخيل معاي عزيزي القارئ الوقت لو اترتب حيحصل شنو ⁉️

1- انتاجية زيادة ، يعني تقدر تعمل حاجات كتيرة في يومك لأنو هو مرتب ما جايط ساي .
2- تنظيم حياتك ، وتكون عارف أنت بتعمل في شنو وليه !! .
3- ضبط النفس ، بتقدر اصلك نفسك يعني لا لعب زيادة ولا شغل زيادة كلو في السليم 😉 .
4- تعزيز قدراتك ، بتقدر تطور من نفسك ومهاراتك عشان أنت انسان مرتب ومنظم .
5- الإلتزام الدائم ، حتكون زول ملتزم جداً ودائماً على الوقت .

ولو أنت مهتم بي إنك تكون زول مرتب ومنظم تابع البوستات الجاية عشان تقدر تعرف كيف تنظم وقتك ..😎

#تنظيم_الوقت
#تجمع_طلاب_صناع_المستقبل
#FMSG

مُستحيل احقق الحاجة دي😢

ياخ دي صعبة شديد اخير اكسر الحنك
انا حاولت كتييير وما نجحت😭💔
كُلّنا ممكن نمر بأوقات زي دي يا عزيزي
بس ما ح اقول ليك الحاجة دي ساهلة وكدا
او تخيل انك اسد وستصبح اسد😂

بقول ليك انه التحدي صعب وانت قدر التحدي
يعني حنستسلم كُلّ مرة! معقول🤷🏻‍♂️
لازم نجتهد ونصبر حتى اذا فشلنا واتعثرنا
لانه الفشل دا اساس كتييير من النجاحات
انت عارف عُمر بن عبدالعزيز قال شنو في
الموضوع دا ولا ما عارف ؟

اذا عارف تعال ورينا في التعليقات
واذا ما عارف شرّفنا كمان يا عزيزي في
التعليقات عشان تعرف🤍🤍🤍


#تجمع_طلاب_صناع_المستقبل
#FMSG

هل أنت انسان بتضيع وقتك في حاجات فارغة ؟!


طيب خليني اجاوب نيابةً عنك لأني كنت زيك كدا بضيع زمني كلو في حاجات كدا " لا بتودي ولا بتجيب " والحاجات البتضيع ليك وقتك كتيرة شديد وملهيات ومشغلات لا تحصى ولا تعد ، وخليني أقول ليك منها على سبيل المثال لا الحصر :

كلنا كدا متفقين إنو أول حاجة وأكتر حاجة بتضيع ليك زمنك الشيء المساكو بين يدينك طول اليوم ده🤳 وأكيد هو سبب أغلب مشاكلك مع ناس البيت 😂 وليهم حق والله ، ما أنت اليوم كلو قاعد كدا من الفايسبوك للتيك توك للإنستغرام ، وما عارف ليك ده عامل لايف وداك عامل شنو وشنو .. 😀

وبرضو من الحاجات البتضيع ليك زمنك المراسلة الكتيرة ، تلفونك مليان قروبات وبالذات البنات الواحدة تلقى عندها 500 قروب وبتكون عايزة ترد علي ألف رسالة في الدقيقة ،😂 القروبات الكتيرة ما عيب لكن العيب إنك سايبة شغل البيت وقاعدة في القروبات ، اي خلي عندك صاحبات كتار وأي حاجة بس وازني بينهم وبين البيت .. 🤍

وكمان من الحاجات البتضيع ليك زمنك أنت يا أب جيقة ، الحوامة مع الشلة ياخ ما ممكن 24 ساعة من محل قهوة للتاني ، الاجتماعيات كويسة والعلاقات سمحة بس ما قدر ده كل حاجة بي زمنها الخاص .. ⏰

والعجب ناس الكورة ، الواحد يلعب من العصر للمغرب تقول تمرين كأس عالم ياخ ما كفاك ساعة ونص ولا ساعتين ، ما قلنا ما تتريض اي الرياضة مفيدة وأي حاجة بس كل شيء عندو وقت محدد ..


ولو انتو زمنكم بيضيع في واحد من الحاجات دي وما عارفين ترتبوه خليكم متابعين عشان تعرفو كيف ترتبوه 😉

#تجمع_طلاب_صناع_المستقبل
#FMSG

مهما تعثرت في سبيل الوصول لهدفك، مهما واجهت من الصعوبات في طريقك مهما تأخرت عن تحقيق حلمك 💙..
أو كنت في وضع لم تختاره لحياتك، إياك أن تقلل من نفسك💙..
ربك قد وضع فيك ما يميزك عن غيرك توازن وتأمل تفاصيلك💙..
إحذر أن تظن بعدم قدرتك على تجاوز تحدياتك💙..
أنظر ببصيرة لأعماقك ستجد النور داخلك💙..


#تجمع_طلاب_صناع_المستقبل
#FMSG

زي ما عارفين انه إدارة الوقت بفعالية حاجة مهمة لكل طالب، خصوصًا انه م بنلحق نعمل كل الحاجات اللي عايزينها 🥲
عشان كده، عايزين نتعلم كيف نستغل وقتنا صح وننظم يومنا بطريقة تخلي حياتنا أكتر سهولة وإنتاجية ⚙️
ها، خلونا نتكلم عن أساليب بسيطة لكن فعّالة جدًا 🔥 :

1| تحديد الاهداف:🎯

أول حاجة، لازم تكون عارف إنت عايز شنو.؟ يعني، حدد أهدافك بشكل واضح، سواء كانت أهداف دراسية أو شخصية.
أكتب الأهداف دي وخليها قدامك عشان تذكرك دائمًا بالحاجات اللي عايز تحققها.

2| الجدول اليومي:🗓️
أعمل لك جدول يومي، مِش ايّ جدول، لا، أعمل جدول يناسبك إنت، قسّم يومك لفترات زمنية وخصص كل فترة لحاجة معينة. خلي عندك وقت للدراسة، ووقت للراحة، ووقت للهوايات.

3| تحديد الاولويات:📌
ما كل الحاجات مستعجلة أو مهمة بنفس القدر. عشان كده، لازم تعرف الأولويات بتاعتك، إبدأ بالحاجات المهمة والمستعجلة، وبعدها أشتغل على الحاجات الأقل أهمية.

4| تجنب التّسويف:
التّسويف ده عدو النّجاح زي ما عارفين كلنا، حاول ما تأجل شغلك لحد ما يجيك الضيق، لو حسيت نفسك بتسوف، أعمل ليك قائمة بالحاجات اللي لازم تعملها وابدأ في تنفيذها حبة حبة.

5| اخد فترات راحة:💆
ما تنسى الرّاحة، لانه الرّاحة مهمة عشان تجدد نشاطك وتخليك تشتغل بكفاءة أكبر، أعمل ليك فترات راحة قصيرة أثناء المذاكرة.

6| تنظيم البيئة:
نظّم مكان دراستك، خلي المكان مُرتّب ونظيف، لأن الفوضى بتأثر على تركيزك وإنتاجيتك و المكان المرتب بيساعدك تشتغل براحة أكبر.

7| الاستفادة من التكنولوجيا:🖥️
استغل التطبيقات والبرامج اللي بتساعد في تنظيم الوقت مثلاً، استخدم تطبيقات لتسجيل المهام وتذكيرك بالمواعيد زي To do list.

8| التخطيط المسبق:📊
خصص بعض الوقت في نهاية كل يوم او بداية كل اسبوع للتخطيط، ده بيساعدك تكون منظم و بيقلل من الوقت الضائع.

9| النوم الكافي:💤
النوم مهم جداً. حاول تنوم كويس وتخلي ليك ساعات نوم كافية. لأن قلة النوم بتأثر سلباً على تركيزك وإنتاجيتك.

10| المرونة: 💪
خليك مستعد للتكيف مع التغيرات غير المتوقعة لانه احتمال تحدث امور طارئه خليك تعدّل خططك، عشان كده م تكون صارم شديد في خططك لدرجة انك م تعرف تتعامل مع التغيرات.

11| التفويض: 🤝
يعني لو كان عندك مهام ممكن غيرك عادي ينجزها، ما تتردد انه تفوضها ليهو، لانه ده بيساعدك على انه تركز على مهامك البتطلب اهتمامك الشخصي.

لذا خليكم على وعي بأهمية الوقت، و استثمروهوا فيما يعود عليكم بالنفع والفائدة 🧡

#تجمع_طلاب_صناع_المستقبل
#FMSG