الهاشتاق : #مجموعة_دعم
لربط وتأسيس مجموعات الأحياء لتلبية الحوجة من مياه غذاء و فوط صحية بالنسبة للنساء.
الهاشتاق : #بوست_الموية
لتوفير معلومات عن أقرب نقطة تتوفر فيها المياه الصالحة للشرب.
الهاشتاق : #أقرب_صيدلية
للتفتيش عن الأدوية المتوفرة.
الهاشتاق : #كادر_طبي
دا ل الكوادر البتقدر تتحرك و تساعد في الحدود الآمنة.
الهاشتاق : #وسيلة_حركة
دا للناس البتقدر تتحرك بعربات و تنقل ناس لحتة آمنة أكتر.
الهاشتاق : #أقرب_داية
للدايات الممكن يكونن قُراب و يساعدن حالات الولادة.

الهاشتاق فيس بوك

⭕ طيب السلام عليكم ، دي الطرق القدرت اتحصل علي معلومات عنها للسفر من الخرطوم لي الولايات

🟡 موقف شندي (الجزيرة مدني عطبرة سنار الشمالية)

🟣 السلمه البقاله ( الدمازين الجزيرة مدني القضارف سنار)

🟠 سوق سته ( الجزيرة مدني)

🟡حلة كوكو (الجزيرة مدني)

⚪ استوب الستين (الجزيرة مدني ، الحصاحيصا)

🟡استوب جامعة افريقيا (مدني)

🟠 سوبا غرب مع الكبري ( مدني ، سنار ، الحصاحيصا)

🟤 شعبي امدرمان ( مدني ، سنار ، م اقدرت اتوصل لي باقي الولايات شغاله او لا)

⚫ الميناء البري ( الجزيرة مدني ، كوستي ، سنار , الدمازين )

ناس العربات الصغيرة والخاصة ،
🔴 لو طالع الجزيرة بالشرق كبري الحلفايا فاتح من بعدو الشارع بمخطط نبته ومن نبته شمال لحدي الحاج يوسف شارع واحد الشارع
🟠 شارع مدني سوبا
🟢 الخرطوم الابيض بي طريق بارا
🔵 الجبل فاتح
⚪ شندي بالطريق الدائري
🟠 الخرطوم عطبارة شارع التحدي

#ساري_احمد_ابراهيم
📌 دا القدرت اجمعوا ، انســخو ، او شيــرو ، وفيد غيــرك
كل اسـ،ـعار التذاكـ،ـر في حدود 15لي 20 الـ،ـف

ربنا يحفظكم ويغطي عليكم 🤲❤️

بسم الله الرحمن الرحيم

استنجاد رقم (1)
تجمع طلاب صناع المستقبل - FMSG

السلام عليكم ورحمة الله وبركاته

إننا في تجمع طلاب صناع المستقبل ننعي وبأشد عبارات الحزن الغاصة أُسر المغفور لهم بإذن الله، ونحسبهم جميعاََ بإذن الله شُهداء من الذين قُتلوا جوراََ وظلماََ، ونسأل الله العظيم أن يُخمد نار الفتنة ويُهلك الظالمون الفاسدون الذين يغوصون في الأرض فساداََ، وينجي الله العباد والبلاد من هذه المحن الظاهرة والباطنة.

لمن لا يعلم أن تجمع طلاب صناع المستقبل وُلد نتاج فترات عصيبة كهذه، وهي تلك السنة التي ظننها حينها بالأسوأ على مَر تاريخ الشهادة السودانية والتعليم السوداني، مطلع العام 2020، وهو ذات التاريخ الذي جِيئت فيه فكرة إنشاء هذا الصرح.

إيماناً منا واستناداََ إلى ما لدينا من تجربة حنظلية، سنقف مع إخواننا بالشهادة السودانية والجامعة وقفة مؤازرة وتبيان، فنعلم أن الوضع أليم وغير مهيأ للدراسة بكل المقاييس، نعلم أيضاََ أن الحياة لا تقف على وتيرة واحدة، وستستمر بحلوها ومرها، ولو قلنا إننا لن نتواكب ونتوائم مع هذه الظروف؛ نكون قد ظلمنا أنفسنا وأخرّنا خطانا.

لهذا فإننا نناشد آباءنا المعلمين وأمهاتنا المعلمات بالوقف معنا والاستفادة من الوقت حتى نتدارك وإخواننا هذه المرحلة العصية، إننا في هذا التجمع ومنذ ثلاثة أعوام ماضية مضينا في تغطية مقررات الشهادة السودانية كل عام بما نستطيع وهذا ما كنا نفعله هذا العام، ولدينا تجمع كبير من الطلاب والطالبات في قنواتنا الدراسية للتجمع عبر التلجرام، نطلب من كل المعلمين والمعلمات بما عندهم من استطاعة التعاون معنا وإخواننا الطلاب والطالبات حتى لا يضيع عليهم العام، وهم في هذا الوقت في أمس الحاجة إلينا.

ما نحتاجه هو مدرسين ومدرسات لجميع مواد الشهادة الثانوية، وما يحتاجه الأستاذ حتى ينضم إلينا فقط هو إنترنت وهاتف، وتطبيق تلجرام حتى يستطع تقديم الخدمة والفائدة لآلاف الطلاب والطالبات من أبناء وبنات هذا الوطن، ولو لزم الأمر علينا سنتكفل بإذن الله بتزويد كل معلم ومعلمة برصيد الخدمة وهذا لما تعانه البلاد من شح في الرصيد.

هذا لا ينسينا بأن التقديم والانضمام ليس مقصوراََ على المعلمين والمعلمات، بل حتى طلاب الجامعات الذين يأنسون في نفسهم القدرة على تقديم المساعدة، يستطيعوا الانضمام إلينا.

#ملحوظة

كل من ينضم إلينا عليه أن يعلم بأن تجمعنا هذا تطوعياََ، وما نعطِه إياه ليس بأجرٍ بل شكرٍ وجزيلٍ لما قدمه فقط، هذا إن كان بمقدورنا، وإن لم يكن فالله خير من أجزل وأعطى.


للذي يريد تقديم الخدمة والنفع الاتصال أو الإرسال للرقم والمعرف التاليين:

رقم الواتساب أو المكالمة: 00249923985556

معرّف التلجرام:
@zoolsakit

ظننا وأملنا فيكم كبير، فإن لم تكن ممن يعنيه الأمر؛ شارك المنشور رجاءََ!


#تجمع_طلاب_صناع_المستقبل
#FMSG

_سلسلة لقاءات تجمع طلاب صناع المستقبل FMSG:

_النابغة لينا عصمت 96.1 سنة ٢٠٢١
-النابغة يسرى أسامة 96.4 سنة ٢٠٢١
-النابغة أحمد أبوبكر 95.6 سنة ٢٠٢١
-النابغة محمد المجذوب 98 سنة ٢٠٢٠
-أول الشهادة السودانية لسنة ٢٠٢١ أسامة أحمد المصباح 97.1
-النابغة منتهى مصطفى 95.9 سنة ٢٠٢١
-التقديم للمنحة التركية وأهم التفاصيل مع قاسم الزمزمي
-إستشارات جامعية مع الدكتور محمد هشام
-النابغة لين عبدالعزيز 97.6 سنة ٢٠٢٠
-النابغة أحمد إبراهيم 98 سنة ٢٠٢٠
-النابغة شيماء هشام 96.4
-النابغة سابي علاء الدين 95.6 سنة ٢٠٢١
-الأول مشترك لسنة ٢٠٢١ ريل أبوبكر
-النابغة رغد عاصم 95.4 سنة ٢٠٢١
-النابغة أحلام محمد 95.6 سنة ٢٠٢١
-النابغة رغد مجدي 95.7 سنة ٢٠٢١
-النابغة مصعب الصادق 95.6
-لقاء عن كلية الطب مع الدكتور عمار الضو
-النابغة معتز منير 96.7 سنة ٢٠٢١
-النابغة محمد المصطفى 90.7
-النابغة أبوبكر سيف الدين 94.9 سنة ٢٠٢١
-الأولى على مستوى الشهادة السودانية لسنة ٢٠٢٠ ريان هشام
-المراجعة النهائية لمادة الأحياء
-حول مادة الكيمياء
-التعريف بمادة الفيزياء مع الدكتورة يسرا عبدالرازق
-التعريف بمادة الكيمياء مع النابغة معتز منير
-التعريف بمادة الرياضيات الأساسية مع النابغة غيداء الطيب
-التعريف بمادة الدراسات الإسلامية مع النابغة علا ياسر
-لقاء تحفيزي مع النابغة الطيب محمد الطيب
-قائمة الشرف لمتفوقي التجمع
-التعريف بالمجالات الهندسية مع النابغة حسام سيد الطالب
-النابغة ريان محمد 96.6 سنة ٢٠٢٢
-رحلة التحول من طالب ثانوي إلى طالب جامعي
-البحث العلمي
-النابغة سماح طارق 96.6
-النابغة عزة عبدالباقي 97.4 سنة ٢٠٢٢
-النابغة تبيان أحمد 96.3
-النابغة محمد عصام الدين 95.9
-النابغة محمد البشرى 93.4
-رحلة كلية الطب مع دكتور عمر عادل
-النابغة أحمد صهيب 97.7 سنة ٢٠٢٢
-النابغة مزدلفة السعودي 96 سنة ٢٠٢٢
-الهندسة الطبية مع مصعب ماهر
-

أتنشن أتنشن ياصُنّاع المستقبل🖐
فاكرين نحن ناسنكم؟؟
أكيد لا🔥🔥🔥
وعشان إنتو مهمين جداً بالنسبة لينا وبتهمنا مصلحتكم ونجاحكم عندنا فوق كل شي؛رتبنا ليكم قائمة فيها كل القصص التحفيزية الكتبوها النوابغ عشانكم😇🤍
قصص فيها مافيها من التجارب والنصائح القيّمة البتمهد ليكم طريق التفوق🔥
يلا يلا مانطول عليكم ...كل العليك تضغط على الرابط وبتجيك القصة ومتابعة طيبة نتمناها لكم🔥🔥🔥


https://t.me/sdfmsg/1898 الدراسة🤍
https://t.me/sdfmsg/1897 اليأس🤍
https://t.me/sdfmsg/1896 الأصدقاء🤍
https://t.me/sdfmsg/1895 نصائح 🤍
https://t.me/sdfmsg/1556 نصائح 🤍
https://t.me/sdfmsg/1543 نصائح 🤍
https://t.me/sdfmsg/1532 1نصائح 🤍
https://t.me/sdfmsg/1533 2نصائح 🤍
https://t.me/sdfmsg/1531 نصائح 🤍
https://t.me/sdfmsg/1522 نصائح 🤍https://t.me/sdfmsg/1520 نصائح 🤍
https://t.me/sdfmsg/1883 نصائح🤍
https://t.me/sdfmsg/1285 نصائح🤍
https://t.me/sdfmsg/1654 نصائح 🤍
https://t.me/sdfmsg/1885 نصائح🤍
https://t.me/sdfmsg/1864 اليأس🤍
https://t.me/sdfmsg/1863 اليأس🤍
https://t.me/sdfmsg/1801 الإنجاز🤍
https://t.me/sdfmsg/1794 إيجابيات🤍
https://t.me/sdfmsg/1649 إيجابيات 🤍
https://t.me/sdfmsg/1717 إيجابيات 🤍
https://t.me/sdfmsg/1774 إيجابيات🤍
https://t.me/sdfmsg/1719 إيجابيات🤍
https://t.me/sdfmsg/1767 إيجابيات🤍
https://t.me/sdfmsg/1765 إيجابيات 🤍
https://t.me/sdfmsg/1794 إيجابيات 🤍
https://t.me/sdfmsg/1558 إيجابيات 🤍
https://t.me/sdfmsg/1863 إيجابيات 🤍
https://t.me/sdfmsg/1779 إيجابيات🤍
https://t.me/sdfmsg/1635 حقائق🤍
https://t.me/sdfmsg/1805 قصة امل 🤍
https://t.me/sdfmsg/1843 1قصة مريم 🤍
https://t.me/sdfmsg/1844 2قصة مريم 🤍 https://t.me/sdfmsg/1845 قصة 3مريم 🤍
https://t.me/sdfmsg/1848 1قصة صهيب🤍
https://t.me/sdfmsg/1849 2قصة صهيب 🤍
https://t.me/sdfmsg/1852 1قصة آمنة 🤍
https://t.me/sdfmsg/1853 2قصة آمنة 🤍
https://t.me/sdfmsg/1873 نصائح التوقعات
https://t.me/sdfmsg/1893 1قصة كفاح 🤍
https://t.me/sdfmsg/1894 2قصة كفاح 🤍 https://t.me/sdfmsg/1805 قصة امل🤍
https://t.me/sdfmsg/1632 فصة فرح 🤍
https://t.me/sdfmsg/1622 قصة كفاح 🤍
https://t.me/sdfmsg/1516 قصة توعوية 🤍
https://t.me/sdfmsg/1513 1قصة أسامة 🤍
https://t.me/sdfmsg/1514 1قصة أسامة 🤍
https://t.me/sdfmsg/1498 1قصة صالح 🤍
https://t.me/sdfmsg/1499 2قصة صالح 🤍
https://t.me/sdfmsg/1500 3قصة صالح 🤍
https://t.me/sdfmsg/1464 قصة محمد🤍
https://t.me/sdfmsg/1848 1قصة احمد 🤍
https://t.me/sdfmsg/1849 2قصة احمد 🤍
https://t.me/sdfmsg/1352 قصة ياسر 🤍
https://t.me/sdfmsg/1333 قصة نجاح 🤍
https://t.me/sdfmsg/1315 قصة وعد 🤍
https://t.me/sdfmsg/1297 قصة قربان🤍
https://t.me/sdfmsg/1265 1قصة عمرو🤍
https://t.me/sdfmsg/1266 2قصة عمرو🤍
https://t.me/sdfmsg/1237 قصة محمد 🤍
https://t.me/sdfmsg/1226 قصة نجاح 🤍

بسم الله الرحمن الرحيم

قنوات تجمع طلاب صناع المستقبل الرسمية لتدريس مقرر الشهادة السودانية المجانية..

قناة التربية الإسلامية
https://t.me/islamiafmsg

قناة اللغة العربية
https://t.me/arabifmsg

قناة اللغة الإنجليزية
https://t.me/englishfmsg

قناة الرياضيات
https://t.me/mathfmsg

قناة الرياضيات الأساسية
https://t.me/mathasaciafmsg

قناة الفيزياء
https://t.me/fizyafmsg

قناة الكيمياء
https://t.me/kemyafmsg

قناة الأحياء
https://t.me/ahyaafmsg

قناة الحاسوب
https://t.me/coputerfmsg

قناة الهندسية
https://t.me/engineeringfmsg

قناة الجغرافيا
https://t.me/gojrafiafmsg

قناة التاريخ
https://t.me/historyfmsg

قناة الدراسات
https://t.me/derasatfmsg

قناة الأدب الإنجليزي
https://t.me/englishadabfmsg

قناة التحفيز
https://t.me/stimulationfmsg

قناة التجمع الأم
https://t.me/sdfmsg

شير معاك عشان يستفيد غيرك.

🤝تحية طيبة : أبنائي وبناتي
- عليكم بالتجهيز للامتحان ما أمكن ذلك وعدم الإهتمام بمواعيده علما بأنه حتي الآن لم يتم تغيير موعده
🔹 توجد سوابق بقيام الامتحانات أيام الحرب :
١. أيام حرب الجنوب وكان يتم تجميع الطلاب في مراكز آمنة
٢. في غرب السودان المناطق التي بها سيوله أمنية يتم تجميع الطلاب في مراكز معينة ( حتي العام الماضي ٢٠٢٢م) تم امتحان طلاب جبل مرة بأقرب مواقع وقامت بترحيلهم الحكومة وكذلك التجميع في جنوب دارفور في العاصمة نيالا وهكذا ....
عليه أرجو من الطلاب والطالبات بذل جهدهم والاستفادة من فترة تواجدهم في المنازل بالإجتهاد .
😍 بإذن الله تنجلي الأزمة ويظهر واقع جديد يفرحنا
أ. توفيق إسماعيل توفيق TiT
الجمعة ١٢-٥-٢٠٢٣م
أم درمان

#منقول

‏
سهرك ، تعبك ، عُزلتك ، إرهاق جسدك و كثرة تفكيرك ، جـِدك و اجتهادك، كل هذا لن يذهب سُدى ، سترى ثمرة أفعالك أمامك ، فقط توكل على الله وافعل ما يلزمك و أكمل مسيرتك.. 💙!
#في_حلم_بيستناك

ملخص 13 سنه شغل في 10 نقط

1- الكورسات الي مش هتاخدها وقت الدراسه مش هتعرف تاخدها بعد كده او تكون اصعب بكتير
2- اللغه والاوفيس والسوشيال ميديا بقت اساسيات مش اوبشن انك متعرفهوش
3- لازم يبقي عندك من سنه لسنتين خبره وانت لسه طالب (هعمل لها بوست مخصوص)
4-التطوع بيغير شخصيتك ويطورها اهم مليون مره من كورسات التنميه البشريه
5-خد كورسات اون لاين واوف لاين واليوتيوب عليه كنوز
6- اشتغل اشتغل اشتغل اشتغل اشتغل حتي لو الراتب مش كويس مع الوقت هتكبر وتزيد
7- العلاقات في الشغل اهم مليون مره من حاجات كتير العلاقات بتجيب شغل والعلاقات بتيجي من شطارتك واخلاقك في شغلك وحياتك
8- لو سيت مكان سيبه باحترام الايام بتلف وتدور علي الكل
9-ساعد غيرك واتمني لهم الخير ربنا هيكرمك وهيفتح لك كل ابواب النجاح
10- واخيرا تذكر دائما كما تدين تدان في حياتك وفي شغلك

#منقول

في البداية نترحم على أرواح شهدائنا من ضحايا هذه الحرب، وإن شاء الله ربنا يحقن الدماء ويخرج البلاد من هذه الأزمة.

لا خفاء علينا الاوضاع الصعبة التي تمر بها البلاد والبتأثر على المؤسسة التعليمية في السودان كافة وحرصاً منا على مستقبل طلابنا، حا نفتح باب التقديم للجامعات المصرية الحتوفر لطلابنا الكثير من الاستثناءات والمميزات كطلاب من وادي النيل

مميزات الدراسة في الجامعات المصرية:-

١- الجامعات المصرية معتمدة عالمياً ، وكتير من الجامعات دي مصنفة ضمن اقوى الجامعات في العالم

٢- لغتهم نفس لغتنا وعاداتهم وثقافتهم قريبة لينا شديد

٣- تكاليف الدراسة والمعيشة رخيصة جداً وممكن ارخص من السودان نفسو!

٤- حتستكشف ثقافات جديدة وناس جديدة من بلدان كتيرة حول العالم كلهم بجو يقروا في مصر

" حنوافيكم قريباً بالتفاصيل وارقام التواصل للتقديم "

السودانيين في مصر عندهم تخفيض 90% من الرسوم الدراسية! 🇸🇩🇪🇬

مثالاً:- الطب والاسنان من 6000$ حتدفع 600$ بس يعني 350 الف جنيه سوداني في السنة!!

ودي بعض نسب القبول لبعض التخصصات 🙏:-

🛑 الطب البشري 75%

🛑 الاسنان والصيدلة 70%

🛑 الهندسات 65%

🛑 العلاج الطبيعي 65%

🛑 العلوم ( مختبرات واشعة ) 55%

🛑 التمريض 50%

🛑 التجارة والحقوق 50%

المطلوب منك بس الاتي:-

1- الشهادة الثانوية تكون موثقة من وزارة خارجية البلد مصدر الشهادة

2- جواز سفر ساري الصلاحية

3- صورة من شهادة الميلاد ان توفرت

4- صورة شخصية رسمية للطالب بخلفية بيضاء

5- بعض البيانات الرسمية عن الاب والام مثل الاسم الرباعي وتاريخ الميلاد وتكون تلك المعلومات حسب جواز السفر ان توفر

الرسوم الدراسية لبعض التخصصات للبكالوريوس 🙏:-

🌟 الطب والاسنان 600$ سنوياً ما يعادل 350 الف جنيه سوداني سنوياً

🌟 الصيدلة والهندسة والعلاج الطبيعي 500 دولار سنوياً ما يعادل 290 الف جنيه سوداني سنوياً

🌟 الطب البيطري والزراعة والعلوم والتمريض 400 دولار سنوياً ما يعادل 235 الف جنيه سوداني سنوياً

🌟 بالنسبة للكليات الادبية الرسوم متراوحة بين 300$ الى 400$

❇️ حتتوفر طرق التواصل للتقديم عبرنا فور فتح وزارة التعليم المصرية للتقديمات ان شاء الله ❇️

"أمر المؤمن كله خير"
كل حاجة بتحصل ليك (عجبتك أو ما عجبتك) فهي لخير وخير كبير بس انت ما بتعرف وين الخير ووين الأفضل بالنسبة ليك إلا بعد زمن ....
البوست ده يمكن يكون قريب للسنير والتوب سنير أكتر من البرالمة ..
(عن تالت أتحدث🌚❤️)
شوف ي جميل انت لمن بقيت أمام الأمر الواقع ولقيت نفسك في تالت مرة تانية أو تالتة! أو رابعة أو عاشرة! .. كنت عارف حيحصل ليك شنو خلال السنة؟ .. جوابك لا صح؟! ، طيب انت دخلت السنة وانت بتجهل كل حاجة ممكن تحصل ليك في السنة سواء إيجابية أو سلبية! .. دقيقة انت لمن صليت استخارة صح أوكلت كل أمرك لله وفي دعاء الاستخارة قلت : "...واقدر لي الخير حيث كان ثم أرضني به"❤️ ، صح كنت جاهز لأي صعوبات ممكن تواجهك في السنة وقلت أنا قدرها إن شاء الله ودخلت السنة وانت على رضا وقناعة تامة بالبيحصل ليك ومتفائل خير انو السنة دي حتكون سنة حصاد كبيرة ليك وحتطلع منها وانت شايل معاك كل احلامك وبتمشي بفخر وانت بتقول "قد جعلها ربي حقا" ... ؟!!!
لكن ي جميل :
ليس كل ما يتمنى المرء يدركه
تجري الرياح بما لا تشتهي السفن
كنا قبل رمضان خايفين من حكاية أننا في رمضان ما نذاكر كويس لأنو حيأثر علينا وبعد رمضان شهر واحد بس والامتحانات _ وأخيراً نتخارج💃_ "بصوت البرالمة🤭" .. جاء رمضان ونحنا لسة بنعافر وشادين حلينا أكتر وقلنا الحمد لله السنة اللي قلنا عليها فترة وبتعدي"عدت😔" وحان وقت الحصاد ولكن!!
"وما تدري نفسٌ ماذا تكسب غدا"
لخير يشباب كلو لخير❤️❤️
ربنا رحيم ، أرحم بنا من أنفسنا !
تأجيل الامتحانات حاجة صعبة وخصوصاً أنها _لأجل غير مسمى_ لكن لا يخفى عليكم ما تمر به البلاد .. ما تحبط نفسك وتقول أنا نحس ويا ريت لو دخلت الجامعة _حيث لا ينفع الندم!!_ .. في ناس بيكونو قبلوهم في الجامعة لحاجة ما رغبتهم بس قدَّموا استقالتهم وعادوا بشغف لأنو وراهم هدف❤️!بس خلاص أول ما بدت الحرب وبعد تأجلت الامتحانات بدأ الشغف يتلاشى شوية شوية ودي حاجة بتأثر عليك شديد وحتأثر على نتيجتك بعدين.. ف يلا قوم! ،اركض، وإن صعب عليك فهرول، وإن تعبت فامشِ، وإن لم تستطع كل هذا فَسر ولو حبواً، ولكن إياك والرجوع أو الوقوف! ..عموماً يشباب الاحباط ما كويس والندم والحسرة ده ما وقتهم .. خلاص! الحصل حصل! هل ممكن تغير حاجة؟! ..
اسع، عافر،دافر،.. فتش عن الايجابيات لكل حاجة بتحصل ليك وقول لنفسك أنا في المكان ده لأنو أحسن مكان ممكن أكون فيهو في الوقت الحالي وعايزة أقول ليك انو "ما حدث لي ولك في الماضي هو أفضل ما كتبه الله لنا" ركِّز مع جملة "أفضل ما كتبه الله لنا" البحصل معاك ده احسن حاجة ممكن تحصل مهما كانت التداعيات والمواقف..تتصور؟ مافي احسن من كده واتذكر دائماً قول الله تعالى:"لا تَدْرِي لَعَلَّ الله يُحْدِثُ بَعْدَ ذَلِكَ أَمْرا" فإنت "لا تدري" ماذا تخبئ لك الأقدار وماذا ينتظرك في الغد ولكن تذكر أن كل ما يدور من حولك بين يدي من بيده ملكوت السماوات والأرض "ربٌ رحيم" يبسط الرزق لمن يشاء وهو على كل شيء قدير❤️
"فما ظنكم برب العالمين"
لخير يجماعة لخييير❤️❤️
#النّـصرة🤍🦋.

في إطار معاودة الإسناد الأكاديمي لطلاب بلادنا

سنعمل على إطلاق قناة FMSG Medx .

لكي تصبح معنية بالإسناد الأكاديمي لطلاب الطب البشري و طب الأسنان و الصيدلة و التمريض و العلوم الصحية..
بإذن الله و توفيقه ..

نتمنى أن تشاركونا أرآئكم و دعمكم في إنجاح هذه المبادرة

و كل من يرى في نفسه الكفأءة و القدرة على تقديم يد العون و المساعدة ألا يتردد في التواصل معنا ..

نسأل الله التوفيق و السداد .


#FMSG

https://t.me/FMSGmedx

FMSG Medx 💙🔥
إنضمام + شير ..

قريباً حننشر فورم لكل اللي عايز يشارك ب محتوى طبي في قناة FMSG Medx 💙

السلام عليكم ي شباب ,ربنا يعم الخير والسلام بكل البلاد وان شاء الله حتعود الحياه زي م كانت وح تنتهي الحرب(وما ضاقت الا لتفرج😭🫶).
انا احمد موسى حابي اشاركم تجربتي ل تالت كلها،مع العلم تانيه نصها كنت مقضيها هزل ولعب،حتى كنت م بركز ف الحصص ومستواي اتدنى بصوره خياليه🤦‍♂️،بس ف النهايه اجتهدت وعديت تانيه بي نسبه كويسه نوعا ما.

اها بدت رحله تالت كانت عباره عن:
اجتهاد، نوم، لعب، لامبالاه، ملل، زهج،....الخ
طبعا اغلب الناس ف بدايه تالت بتكون مجتهده بس انا لا ،بديت بنفس الmood بتاع تانيه لعب،هزل، عدم الجديه حتى كنت فاكر نفسي ما ممتح تالت،براجع مرات بس والحاجه الاكبر المشتته انتباهي اللي هي التلفون🫠.زمني كلو فيس ،واتس، انستا،تلي حرفيا ناسي شي اسمو قرايه.
جا الامتحان الشهري الاول بس نتيجتي كانت كعبه وكويسه😆،كعبه لانو درجتي م بتأهلني اخش طب لو استمرين بالكيفيه د، وكويسه لانو قرايتي كانت خفيفه بس تسبتي 79.9، الغريبه كنت عامل ف الاحياء 93والقران 99 مادتين بس ف ال90 ،اما باقي المواد حدِث ولا حرج💔🤣.
المهم قعدت مع نفسي وبديت جادي بعد م ا طلعت نتيجه الشهاده وجو اوائل المدرسه حفزونا واتكلمو لينا كتير.ف قفلت تلفوني وقلت م ح افتحو لامن اخلص. كان بيني خيارين اما اضغط روحي والحق الناس او ارجع واكون متماطل ، ف كثفت من قرايتي ،وخلال فتره وجيزه اتغيرت 180° من الmood الزمان حتى كنت لو م قريت م بنوم مرتاح😆.
جا التجريببي التاني اللي هو كان بعد م نصفّنا معظم المقررات كان امتحان صعب شديد نسبتي كانت 83 عملت الاحياء 95 الحاجه المحفزاني انو كل مره بعمل ف الاحياء درجه كبير مع انو الكيمياء 78 والفيزياء75 سبب درجات الاحياء الكبيره الكنت بجيبها ،انو الدفعه الامتحنت 2021 كانت اصعب ليهم ماده الاحياء والناس دي كلها كانت متجرسه منها ف انا قلت لازم اتخطى الحاجز دا وفعلا اتخطيته❤️.

طيب قرايه الاحياء بتكون كيف؟

-المواضيع: اول شي تكون فاهم الموضوع تمام من حصه الاستاذ وتحاول بقدر الامكان انو الدروس م تتراكم عليك وقسم المواضيع لي نقاط واشرح النقاط لنفسك يعني بالمختصر حاو اتونس مع روحك ف الماده🌏.
-الرسومات : اي رسمه لازم تكون عارفها بكل تفاضيلها يعني تكون عارف اي جزء او عضو ف الرسمه و وظيفته ،حتى في رسمات بتجي ما موضحه ف الكتاب ،فأسال منها الاستاذ شوف مذكرات،احضر حصص او اي مجله تعليميه.
اخيرا حاول تكون ملم بي كل معلومه ف الكتاب يعني م تقرا سطر والا تكون عارف السطر القبله بتكلم عن شنو، وركز على الكتاب اكتر شي بعدها لو عاوز تشوف معلومات جانبيه .
طريقه التعامل مع امتحان الاحياء لازم تبدا ب كل راحه واي سؤال لقيته تجاوب full answer
لو عملت بالمفهوم دا صدقني ح تنجز وح تتصدم بي نتيجه حلوه❤️.
بعد امتحان الشهاده كنت بخت حسابات للمواد فالاحياء قلت ابسط شي ح اعمل 95 لقيتها ف التفاصيل 98😆❤️.
نسبتي كانت 93.3
الاسلاميه والاحياء98، اللغه العربيه 96،الرياضيات93، الانجليزي92، الكيمياء والفيزياء88 .الحمد لله❤️🫶.
ف انهايه حابي اقول
لازم علاقتك مع ربك تكون قويه يعني صلاتك وعباداتك كلها❤️❤️❤️.


كنت ح اكتب نص طويل بس الارت بلوك م مديني فرصه🤣.
#شكرا.

#تجمع_طلاب_صناع_المستقبل
#FMSG

بسم الله الرحمن الرحيم
عاوزه اقوال كلام لممتحنين عسي تعيد ليكم الحماس شويه 😂❤️
يلا حبيبنا لممتحنين
انتو عارفين انو الاجازه دي فرصه الله ادنا ليها علشان نحسن مستونا نحنا لزم نستغلها صاح حتي ولوا بلقليل يعني عندي مقوله كنت دايما بقولها وكنت كاتبها في كل مكان 👈(قليل دايم خير من كثر متقطع) يعني نقراء ولو بقليل لكن ما نخليها نهاي لانوا كده القريتو بتنساهو بالزات الاسلاميه و الاحياء دي ما تفرط فيهم نهاي لانوا بتنسو صدقتي
يلا نحنا ممكن نبدا من اسي لانوا الامتحانات ما معرفه وبالنسبه لي الناس المحبطين البيقولوا الحرب ما بتنتهي ...ما تركزوا معاهم لانوا هي اصلا الحرب دي مصيرها في يوم تتصلح
يعني ممكن اسي يقولوا الحرب وقفت ويعلنوا الامتحانات فما بلاك لمن تكون انت استغليتها صاح حتكون طاير من الفرح اما وبالنسبه لي الناس الغضوها لعب ومهزله وتلفون وغيروا حيكونوا ما مبسطين وما حيقدوا اكملوا المقرر لكن انت الكملتوا مبكون عندك حاجه بأذان الله
وحولوا اختروا الصحاب البعينكوم علي القرايه مش الببعدوكم عنها 😊إنما الرفاق للرفاق أوطان يقيلون العثرات و يغفرون الزلات يوسعونهم ضمًا ويغدقون عليهم الحنان يحلون محلهم إذا تغيبوا ويحسنون بهم الظنون والبر لا يبلى والنفوس تحب الإحسان والله من قبل يُحب المحسنين❤️فختروا الاصحاب بعنايه 👀❤️
كل ما تزهج من القرايه اتذكر يوم النتيجه وكيف حتكون فرحه الاهل تمهَّل قليلًا.. ليس من السَّيِّئ أن تكونَ قد تعبت؛ شخصٌ مثلك، في مكانِك هذا، في طريقٍ كهذا من الطَّبيعيِّ أن يتعب.. ولكن ليس من الطَّبيعيِّ أن يستسلم!
لا بأس عليك، خُذِ استراحةَ مُحاربٍ وانهضْ فهذا الطَّريقُ بحاجةٍ لخطواتك ليكتمل، من سيدري جمالَ خطِّ النِّهايةِ إن لم تنهض أنت!
ألست أنت من عاهدت نفسك أنَّك لن تضعفَ لأجلِ كُلِّ أحلامك التي رسمتها؟ ألست في شوقٍ وتَوْقٍ كبيرٍ لتصل إليها؟
أتدري؟ حتَّىٰ لو ضعفت، ما السيئ في ذلك؟ المهم ألا تسمح لشيء أن يكسرك.
ستقول لي: ماذا لو انكسرت؟ سأجيبك بــ لا بأس أعلم أنه بإمكانك ترميم نفسك. 💙
واصل أرجوك، لأنك تُريد، تُريد ذلك بشدة.. لا تدع للتعبِ مجالًا ليُوهِمك بأنَّك لا تُحبُّ هذا الحلم.. كيف لا وقد أخذَ حيِّزًا كبيرًا من قلبك وبات رفيق أيامك؟
لا تسمح لأيِّ شيءٍ أن يسلب منك بريق عينيك، تجاه ذلك الحلم، وتجاه نفسك الجميلة، وحياتك التي لها الكثير من الجمال بوجودك.
في نهاي البيت دا حابه أقول ليكم ما تستسلموا أبداً ، مهما كانت الظروف دي صعبة أتأكد إنو ربنا ختاك في السنة دي والظروف دي لخير ، وأكيد هو عالم إنك قدرها_ ومن هنا دي رسالة للناس ال عادوا إنو ما تندموا على الحاجة دي ولا تأنبوا نفسكم وتفكروا كتير .. دي حاجة مكتوبة من بدري والبقى أصلاً بقى ما تدمر نفسك بالعكس عاين قدام و إجتهد شديد ...
الشي الوحيد البيثبّتك والبقويك لمن تتعب وتزهج هو هدفك ال عايز تصل ليه ؛ ونحن أهدافنا بتختلف ؛ في منكم العايز جامعة معينة وفي العايز مجال معين وفي أكيد ال عايز يتذاع.. ونصيحة مني ليكم ..دائما خلوا طموحكم عالي وأهدافكم كبييرة ؛ أبدا ما تقلل من قيمة نفسك ولا تخت هدف بسيط وساهل ، ياهو نحن في البلد دي ماف شي بدينا دافع غير طموحنا وأهدافنا العايزين نصلها دي ..وصدقوني أنا جاية من هناك وبقول ليكم احساس إنك وصلت للهدف دا ما بتعوض بأااي حاجة والله ، يوم النتيجة وفرحة أهلك وفخر أصحابك وكل اللحظات دي تستاهل أي تعب وأي صبر 🤍 دي أول طوبة إنت بتختها في مستقبلك ، دا روتين حياتك الجاية كلها هيتحدد باجتهادك الفترة دي ، و دا ما شي يخليك تتوتر أو تحس بضغط لاا أبدا ... خليك واااعيي واستغل الحاجة دي في إنو تبقى ليك دافع ..وزي ما بقولوو اعقلها وتوكل..إنت عليك بالإجتهاد وربنا ما بضيع تعب زول أبداً 🤍 .
و أصلا ما تقول الدنيا حرب وأقرا لشنو ..إنت أي زمن محتاج ليه وكل فرصة محتاج تستغلها صح.. ف لو جاتك أي فرصة واتهيأ ليك الوضع طوالي تحاول وتعمل العليك ..حتى لو إنت نفسيا ما قادر تقرأ ممكن تراجع القاريه أو تحل إمتحانات.
أخيراً أدعوا كتير إنو ربنا يعدي الفترة دي على خير ونطلعو منها سالمين من كل النواحي عشان نقدروا نجتهدوا ونشد حيلنا ونحققوا العايزينو إن شاءالله
موفقين يااارب ❤️



فراشه يوليو🖤

#تجمع_طلاب_صناع_المستقبل
#FMSG

كُتاب المحتوى الرهيبين🔥🔥🔥

تم فتح العضوية لكتاب المحتوى في المكتب الإعلامي.

°رابط التقديم:
https://docs.google.com/forms/d/1ZQGwS5E8fOZzvAN13s_qqYAGR8_ZMKrPfKZ2_fxRdOc/edit?usp=drivesdk

منتظرنكم تنورونا يامبدعين🫡🔥🔥
#FMSG

طلابنا الأعزاء 😉
كيف حااالكم ان شاء الله تكونوا بخير وصحه 😎..

محتوى جديد وظريف وخفيف كدة 😌😌..
حنتكلم في كم بوست منفصل عن مهارات الدراسة او بمعنى أدق : تقنيات ومهارات المذاكرة الفعّالة..

حنتكلم عن العديد من الطرق اللي ممكن تفيدكم للدراسة..

من اهم الطرق دي وجميلة جدََا بالذات للناس اللي بتحب الرسم وكذلك للحاجات اللي فيها تفرعات كتيرررة طريقة الدراسة بالخرائط الذهنية 🤓..

طريقة الخرائط الذهنية واحدة من الطرق الممتعه للدراسة.. لانو من اهم فوائدها :
١. بتجمع ليك الدرس كلو في صفحة او اتنين بالكتير..
٢. بتزيد القدرة على التفكير الإبداعي
٣. بتخليك تربط بين المعلومات بطريقة سهلة جدََا نسبة لانو اي شي قدامك
٤. عملها ذاتو بيساعد في تخفيف التوتر 🫣لانو بتستعمل فيهو الوان وحركات وكدة😎


🤔🙍🏻‍♂️طيب بنعلمها كيف؟!
عايزه زول رسام وانا والله م رسام بس بحب الرسم

🙍🏻‍♀️😌: حافهمك كل شي..
اول حاجة انت حتكتب اسم العنوان الكبير للدرس او حتكتب الحاجة اللي انت قاصد منها التفرعات دي.. ك مثال انت عندك درس اسمو أجهزة الجسم.. دة العنوان الاساسي.. بعدو حيكون في تعريف الجهاز شنو؟ بيتكون من شنو وهم شنو وعددهم كم.. وهكذا أسئلة..
حتقوم تعمل الشكل اللي انت عايزو دايرة او مستطيل او اي شكل هندسي بتحبو.. من المربع الاساسي دة بتقوم تطلع اسهم في كل واحد حتكتب التفرع التاني.. من كل تفرع تاني حتكتب الكلام اللي انت عايزو..

🙍‍♂️: طيب. هل انا محكوم بعدد محدد يعني من الحاجات دي؟

🤦🏻‍♀️: لا اكيد دي مساحتك الخاصة انت تعمل العدد والشكل اللي انت عايزو وكمان ي ريت لو عندك الوان تزيد الورق بهجة وجمال وكدة يعني 😍

🙍‍♂️: لو كدة معناها الحاجة دي سمحة.. كدي وريني ليها صور عشان اعمل تجربة..

🙍‍♀️: اكيد اكيد حاوريك صور..
وانتوا كمان م تنسوا تعلقوا لينا ع انكم قبل كدة استخدمتوها ولا لاء؟

في انتظاركم بتعليقاتكم المبهجة😍


#FMSG
#تجمع_طلاب_صناع_المستقبل