-----------------------------
طيب بعد بسم الله و الحمد لله و صلوات ربي وسلامي عليك يا رسول الله وبعد .

لقاء مع احد طلاب ٢٠٢٣ ككشف توقعات واحد من اوائل ٢٠٢٣ بإذن الله تعالى ❤️🔥.

شباب سلام عليكم ورحمة الله وبركاته.
الليلة جاي اتكلم عن موضوع حساس جداً اللهو الامتحانات الشهرية و الامتحانات التجريبية و آخر نوع هو امتحان الشهادة السودانية طيب نقطة نقطة طيب الباقي بالحسابات كده 84 يوم فقط في أسئلة في النقطة دي بتجيني يا عمر الزمن ده ممكن يكفي انو أحرز 90؟ ح اقول ليك لا المشكلة اجابتي لا الزمن ده بكفيك تدخل دائرة المئة الأوائل قبل ما ارشدك عايز انصحك شيل من بالك انو في حاجات صعبة ماف اي شي صعب كل شي ساهل ولو ما ساهل غيرك ما كان اتزاع في السنين الفاتت طيب يا عمر كيف ح ننظم وقتنا؟ ببساطة شديده ما تحسب الايام اول شي قوم بعد الجرعة التحفيزية دي شوف موقفك كيف مع المواد طلع ليك ورقة واكتب اسامي الابواب بتاعت اي مادة شوف انت فاهم؟ ولا نص نص؟ ولا ما فاهم حدد مشاكلك من هسي تمام بعد حددت مشاكلي ح اعمل شنو؟ ح نخلي عندنا فترة صباحية و مسائية يعني شنو يا عمر؟ يعني ببساطة شديده ح اسوي ليك انا جدول تمام؟ انت علي حسب مشاكلك و موقفك مع المواد الجدول ده عدل فيهو تمام ؟ طيب بسم الله نبدأ 🖐🏻❤️.

عايزك يا حضرة سعادتك تقوم لي الساعة ٤ بالظبط تقوم اول شي تصلي تدعي لانو الدعاء مفيد جداً المهم ح نبدأ من ٤.٣٠ تمام؟ ح نقرأ ب طريقة برمودو تقريبا المهم ح نبدأ من ٤.٣٠ لحدي ٤.٥٥ ح تقوم ناخد راحه ٥ دقائق ونبدأ تاني من ٥.٠٠ لحدي ٥.٢٥ ناخد راحه ٥ وهكذا الي الساعة ٧ حتكون قريت بيها اكتر من ٤ وانا ما بتوقع انا علي يقين انك ح تنجز ليك شي في الوقت ده ❤️.
اخذ راحتك ما بعرف ف ناس بتجي البيت متأخره في ناس بتجي بدري علي كل الاحوال بتكونو الساعة ٤ بالبيت من الفترة دي عايزك تاخد راحه ساعة ونص بالظبط الناس جات بدري حظكم 😂😂😂❤️.
ح نقوم ناكل شي يدينا طاقة ونقضي حاجاتنا في نص ساعة دي ومنها وح نبدأ الساعة ٦ مذاكرة
------تنبيه- - - - - -
ابعد من كل شي ممكن يشغلك ولا يشتتك ح نبدأ حلو
🥳❤️؟ خطوة لي قدام ح نبدأ من الساعة 6 بنفس الطريقة الفوق وعايزك تقرأ بيها اكتر من 4 مرات يلا ما متأكد الساعة بتكون عملت 8 ولا 8.30 بس من هنا المهم لحدي الساعة 9.20 دقيقه عايزك تشتغل حل امتحانات + مريح في الجزئية الكنت بتقرا منها دي ونفس حكاية طبقها علي الفترة الصباحية خليت ليكم توزيع المواد في الجدول وبس هنا تاني في رمضان ح نضع جدول كويس ل حل المشاكل الواققة ليكم.
❤️🔥-

النقطة التانية اللهي الامتحانات الشهريه و التجريبية يشباب والله العظيم الامتحانات دي ابداً ما مقياس انا قابلت ناس جابو 60 في التجريبي و الشهري انتو عارفين الناس ديل شغالين ياتو مبدأ؟ انهم بجهزو نفسهم لامتحان الشهادة وم شغالين ب الدرجات عايزين يعرفو بس الغلط كان وين انا ما فاهم شنو عشان ترجع تركز بس كضرب أمثلة رنا آدم جابت 97 ما شاء الله تبارك الله في الرياضيات كانت بتجيب 80 نقصت نقصت نقصت ف التجريبي ياخي دي ماشة تنقص عديل في امل منها! المهم التجريبي نجحت بالحيل وجابت ٦١ ولا ٦٢ في شهادة جابت كم في الرياضيات؟ جابت 100٪ شايف الواحد الجنبو صفرين ؟ في بت بتسقط فيزياء ما فاهمه اي شي حكاية الشهرين شهر قفلت الفيزياء ما تخلو الطاقة سلبية بتاعت امتحانات شهريه تحبطكم يشباب هي لو ما جات صعبة وم غلطو منها مشكلة افضل تغلط هي ولا بعدين! لازم انت مع نفسك تقتنع انك قادر تجيبها فاهم علي ؟ وبس ربنا يوفقنا كلنا 🔥❤️.
نسأل الله سبحانه وتعالى أن ينفعنا بما نهل من علم واقترفنا من معرفة ختاماً نحن الأوطان دوماً قلعة الحصن الحصين نطلب العلم ونرجو من المعالي كل حين ❤️

وبعد خلاص عديت ثالثة ثانوي بنجاح الحمدلله وجبت النتيجة الزابطة🔥🔥
الناس باركت ليك وبقت تقول ليك محل ماتشوفك اووو الدكتور !!👌🤍
واللقب لاق عليك وقدمت كلية الطب وشالوك بحمد الله واتحقق الحلم🤍🤍🤍
بديت أول سمستر ولقيت الموضوع عميق شديد ومن هنا بدأت رحلة الصياح المستمر😐
أكيد في أسئلة كثييررة في رأسك وكمية من العقبات واقفة قدامك وماعارف تتجاوزها كيف!
بس جيت المكان الصح 😎🔥🔥
في لقاءنا مع الدكتور عمر عادل ماتتشيل هم حنوضح ليك أي شي ماعارف ليه إجابة🔥🔥
استنونا يوم الخميس الجاي ان شاءالله وجهزوا أسئلتكم وشيرو الرابط لزملائكم👑🔥🔥

صندوق الأسئلة

https://t.me/sdfmsg?livestream=44ad1fd3c2b957ed85
شير للرابط

للاسئلة:

لا شيء يثير الخوف والقلق في أذهان الطلاب مثل دخول امتحان هام امتلاك الرغبة في المذاكرة بداية رائعة، لكنها قد تظل مهمة صعبة وعسيرة التنفيذ بدون إرشاد مناسب. من المهم أن تبني مهارات الدراسة الجيدة في وقت مبكر من مشوارك الدراسي، وهي المهارات التي تساعدك على اجتياز هذه المرحلة. لحسن الحظ، فإن الدراسة للاختبارات مشكلة يواجهها جميع الطلاب في كل المستويات الدراسية، لذا يوجد في المقابل العديد من النصائح المجربة للتغلب على الأمر اقرأ أدناه للبدء❤
1/اهدأ. تذكر أنك تعرف الكثير بالفعل إذا كانت نسبة حضورك جيدة وكان مستوى أدائك لفروضك مقبولًا. ستساعدك هذه المعرفة البسيطة في امتحانك❤
2/حدد المواضيع التي تحتاج لتغطيتها. تغطي معظم الامتحانات مواضيع معينة ومن المهم أن تعرف أي مواضيع أو أجزاء من المنهج تحتاج لدراستها، عدا عن ذلك فقد تستخدم الوقت الثمين المتبقي لدراستك بطريقة خاطئة. اسأل معلمك عن الموضوعات التي ستختبر فيها والفصول التي عليك تغطيتها. مثلًا: أي فترة من التاريخ الأفريقي؟ هل الرسوم البيانية مهمة؟ اسأل معلمك إذا لم تفهم شيًا فهو يريد لك أن تنجح❤
3/ضع خطة للدراسة. قد يبدو الأمر كمهمة بسيطة وأساسية لكن من يضعون خطة دراسية مفصلة تسهل عليهم الدراسة ويجدون أن لديهم وقتًا أطول للاسترخاء والاستجمام. احسب الوقت المتبقي قبل موعد الامتحان عند وضع خطة للدراسة. هل الامتحان في غضون شهر؟ هل فاجئكم المعلم بالاختبار؟ هل هو اختبار لأعمال السنة المتراكمة منذ بدء العام؟ ضع خطة دراسة طويلة أو قصيرة على حسب إطارك الزمني❤

تجاوز خوفك واثبت ذاتك ❤️👌.
#تجمع_طلاب_صناع_المستقبل
#FMSG

سلامات سلامات 👏🏻🤩
لسه مواصلين معاكم في لقاءاتنا مع المتوفقين في امتحانات الشهادة الثانوية..
والمره دي حيكون معانا المتفوق
أحمد صهيب إبراهيم بله
النسبه ٩٧.٧ ٪
جامعة الخرطوم كلية الطب

خليكم حضور وحمااااس يوم الخميس ان شاء الله الساعه ٨ مساء في قناتنا على التليجرام

https://t.me/sdfmsg

- مواصلة لما انقطع من الحديث 😇:

4/اكتشف الطرق التي تساعدك على الدراسة الجيدة.تشمل طرق الدراسة على استخدام الألوان والصور والعصف الذهني وصفحات الخرائط الذهنية. يتعلم البعض الأمور ويتذكرونها بشكل أفضل إذا كانت ملونة بألوان معينة بينما قد يتذكر الآخرون الأشكال التوضيحية والصور بسهولة أكبر. استخدم الطريقة التي تناسبك ما دامت فعالة أيًا كانت. ما من جدوى لقراءة نصوص كبيرة إذا كانت المخططات التوضيحية هي طريقتك في الدراسة. تذكر أن طرق الدراسة تختلف باختلاف الأشخاص وأن ما يناسب صديقك المقرب قد لا يناسبك❤
5/وفر لنفسك مصادر الدراسة. يمكنك الاستفادة من كتابك الدراسي ودفتر ملاحظاتك والمصادر الموجودة على الإنترنت وزملائك ومعلميك وربما أفراد عائلتك. الفروض القديمة جيدة على نحو خاص إذ أن بعض أسئلة الامتحانات تأتي منها مباشرة❤
6/احفظ أكبر قدر ممكن. مفتاح الأداء الجيد هو القدرة على حفظ جميع المواضيع المهمة عن ظهر قلب. توجد حيل لمساعدتك على الحفظ تسمى "أساليب الاستذكار". يمكن أن تشمل هذه الأساليب مثلًا أساليب الاستذكار الشعري أو الإيقاعي بالنسبة للمتعلم السماعي، أو الصور البصرية والخيالات للمتعلم البصري، أو الرقص أو الحركات بالنسبة للمتعلم الحركي (لأن للعضلات ذاكرة) أو خليطٌ بين كل ما سبق. التكرار طريقة أخرى من طرق الحفظ الشائعة وهي تمكنك من استدعاء المعلومات بقوة إذا تدربت عليها على فترات منتظمة. تدرب عليها حتى بعد بلوغك نقطة الاستدعاء الفوري للذاكرة لأن هذا يعمل كصورة من صور التقوية❤️.

#تجمع_طلاب_صناع_المستقبل
#FMSG

للأسئلة:

شهر رمضان من أعظم الشهور اللي بينتظروه أفراد المجتمع الاسلامي بشوق طويل قدره أحدعشر شهراً وبقت مرتبطة به عادات وتقاليد عظيمة وجميلة.
وبرامج ومواضيع مختلفة في العالم العربي والاسلامي وخاصة وطننا الحبيب السودان.
اللي بتبدأ فيه تجهيزات رمضان من شهر رجب بكل حب وشوق ونسبة لتدهور السنة الدراسية بسبب العوامل الخارجية والظروف بقى رمضان فترة فاصلة بين الدارسة والامتحان ودي من اكبر التحديات اللي بتواجه الطالب وتخلي متأزم جداً نسبة لعدم إستمتاعه بالشهر الفضيل ودا بسبب فترة بتاعت إكتئاب الطالب فيها م بينجز ولا في جانب من الجانبين ويفضل منتظر معجزة تنتشله من الهو فيه.
ولا بيستمتع برمضان ولا يدرس في حين إنو هو قادر يضرب عصفورين بحجر واحد.
↩️ ويجي السؤال المهم كيف أدرس في رمضان؟
١. نضع قائمة بي مهامنا ونبدأ نرتبها حسب الأهمية الاكبر ونحاول نعمل توازن بين الدارسة والاستمتاع بالاجواء الرمضانية.
٢. استغلال الأوقات ما بين السحور والشروق للدراسة وأوقات ما بعد التراويح كذالك ويستثمر بقيت الوقت لقضاء جو رمضاني متكامل.
ورمضان عمرو ما كان مانع للدراسة ومافي عائق واقف قدام دراستك إلا أفكارك الخاطئة أبدا صح لتكمل صح.
وكل عام وأنتم بخير.
رمضان كريم.

#تجمع_طلاب_صناع_المستقبل
#FMSG

لعله يفيد.. 🌸

...
كلنا أو يكاد يكون الأغلبية بينسى نفسه ايام الدراسة والضغوطات لدرجة ممكن م تقوم أو تتحرك من مكانك غير للصلاة فقط أو الاكل وهذا ياصديقي مشكلة كبيرة
..
نحن بننسى أهم مكون ايام الدراسة وهو نحن بننسى راحتنا بننسى نفسنا ف عشان كدا بعد تخلص الفترة اللي كنت بتمر بيها دي بتلقى فجأة جاتك أمراض كتيرة ومتراكمة والتعب داك كلو بيبدأ يظهر وانت اكيد م نفسك ايام الاجازة تتقلب مرض ف تعالو معاي نشوف حلول كويسة نقدر نوفر بيها طرق سهلة للدراسة وفي نفس الوقت نراعي صحتنا وراحة جسمنا :
أولاً : نبعد من زنقة الكلاب وانا كشخص حااقول ليك الحاجة دي نوعاً ما صعبة خصوصاً لو كانت عادة بس م مستحيلة يعني بتقدر تحققها انت لو بعدت عن زنقة الكلاب دي حتتجنب التراكم بتاع المواد وحتوفر لنفسك زمن إضافي تمارس فيه حياتك واكيد حتكون مرتاح
ثانياً : النوم الكافي ياصديقي لازم لازم حتى لو خلاص م قريت اي شي لازم توفر لنفسك قدر كافي من النوم لأنه إذا م وفرته تعبك كلو حيروح وحتدخل ف دوامة نعسان وقراية من غير نفس ويوم الامتحان الصباح هالات ونعسان وبتاع ف اتجنب الشغل د كلو ووفر لنفسك قدر كافي نسبياً زي ٥ ساعات كدا من النوم
ثالثاً : اتجنب التوتر والضغط النفسي وحاول تطمن نفسك وتحفزها اشبكها أنتي مكنة وهدا قربنا نخلص و كدا كسر تلج، كسير التلج د عندو دور نفسي كبير شديد ف تحصيلك واكيد حيطمنك بس طبعا انت لازم. تكون بتنجز حتى تكسر تلج
رابعاََ: التغذية السليمة التغذية السليمة عشرة مرات وحاولو شوية ابعدو من المنبهات أثرها كعب مستقبلاً
...
الخلاصة ي أصدقائي كلو ف يدكم وكلو بيعتمد على تنظيمكم لساعاتكم وطريقة حياتكم ويومكم وعادي جدآ تحقق الراحة المناسبة وتوفر جو جميل للدراسة وربنا يوفقنا ويوفقكم🌸🖤

#تجمع_طلاب_صناع_المستقبل
#FMSG

#_قصة_نجاحي_في_الصف_الثالت:
القصة دي لمن افكر فيها طوالي بتجيني ذكرى بعيييييدة شديد ، وأنا طولي شبرين كدا 😅، لسة طفلة وبلعب مع خالي في الهول بتاع بيتنا ، جدي الغالي قاعد في كرسيهو المعتاد وهالة من النور بتحيط بيه ،قال :( شهد دي لمن تكبر حتبقى دكتورة ، والرازي حيعلمها سواقة العربية ) ومعاها ابتسامة ما بنساها ابدا .
اها شوفتوا من اليوم داك وأنا شهد البتحلم تبقى دكتورة وتخلي جدها فخور بيها ..
( فجوة زمنية )
ما بكذب عليكم انا في الاساس ما كنت مجتهدة شديد ، لحد سنة سابع وانا بجيب 252 يعني ممتاز على الحافة كدا ، لحد ما جات سنة تامن وهنا وعيت ( بفضل اساتذتي الاجلاء) إنها سنة مفصليه ولازم احرز مجموع كبير ، وعرفت انو في مدرسة اسمها اسماء عبد الرحيم النموذجية هي مطلب كل المتفوقين والحالمين . فا بدت رحلتي في تامن من الصفر وانا هدفي الاذاعة ودخول اسماء ، المهم اجتهدت شديد وامتحنت الحمدلله وجات النتيجة وانا في اليوم داك متأكدة اني حأتزاع ، بدا المؤتمر وانتهى وانا ما اتزعت صراحة زعلت شديد و عرفت نتيجتي وكانت275 ما رضيت بيها ابدا في وقتها ، لكن بعد دخلت اسماء حمدت ربنا الف مرة عليها وعرفت اني محظوظة شديد .
الكلام دا 2018 خلالها حصلت حاجات كتيرة ماف داعي لذكرها لكن اتعلمت منها وصنعت مني كتير، نجر الشريط ووووويوو لحد 2020 من بداية السنة جدي بدا يتعب ويدخل المستشفى ، جاء وقت احتاج لجهاز تنفس ، ما كان بقدر يتحرك كويس ، يلا انا بطبعي للاسف زولة ضعيفة قدام الناس الانا متعلقة بيهم ما بقدر اتحمل اشوفهم تعبانين او منكسرين ، بهرب لمن احس بالعجز ، منظر يابا وهو في السرير ونفسو متضايق وخالتي بتديهو موية زمزم لا قادر ياكل ولا يشرب ورجلينو مورمات شديد كان بخطم قلبي شديد اول مرة اشوف زول من اهلي تعبان كدا 💔
كان عندي احساس ظائم بالعجز وانوو ياريت لو كنت اتولدت قبل كدا وبقيت دكتورة عشان اقدر اسعادو واخفف آلامو .
وصلت مرحلة بكون قاعدة في الغرفة براي وما بمشي اشوفو . لحدما جا يوم وقالو لي يابا عاوزكم ، مشينا انا وماما ، وهو لسة راقد نفس رقدتوا 😭😭😭😭😭😭😭😭😭😭😭😭💔
، وصانا كتير شديد ودعا لينا كتير شديد شديد ، دعاء يكفينا مية سنة من عمرنا ، في نفس اليوم نقلوهو المستشفى ما مرت 48 ساعة و جاء اليوم الاسود 💔 ما حاتكلم عن اليوم داك لاني ما حاتحمل ، لكن من وقتها وفي حاجة جوانا ماتت لا انا ولا اهلي زي مانحنا ،
المهم نزلت سنة تالت للمرة الاولى 2020-2021 صراحة عديتها اهمال ونوم وتلفزيون ، كنت فاقدة الشغف ، لحد نص السنة وانا قرايتي ما جايبة حقها في النهاية استسلمت ، في يوم جيت لماما قلت ليها انا عاوزة اجمد السنة واني ما بقدر على تالت دي ، طبعا ما وافقت وشاكلتني شديد وقالت لي تمتحني بس ... ما اطول عليكم عديت الامتحانات وانا كل يوم ببكي من الندم وعارفة روحي حاعيد حاعيد ، وبوووم جا يوم النتيجة وكانت 82.1 لحظتها نزلت مني دمعة واحدة بس ، لكن كانت حارة شديد ، اتصلت بامي كلمتها قالت لي اعادة بس ، في نفس اليوم سجلت في المدرسة وحرصت انها تكون قريبة لي فاخترت مدرسة العودة ، نزلت تالت يوم بعد النتيجة هنا انا حابة اشكر اساتذتي الاجلاء في مدرسة العودة والادارة الرشيدة كمان على دعمهم وجهدم الكبير وايمانهم بي 💙
بديت بكتبي حقت السنة الفاتت زاتهم ، ختيت جدول قاسي شديد لنفسي ، الناس كانو فايتني بتلات شهور فكان لازم الحقهم واللي زاد التحدي انو بلغونا انو امتحانات التصفية حتكون بعد اسبوع فكان لازم اكون في الفصل الاول والحمدلله اول ثمرة تعب جات وكنت اولة المدرسة ودا كان دافع اني اتحمل الضغط والتعب واتأكد اني حاحصل على ما اريد 💪 . الحمدلله واصلت قراية على النسق الانا عاوزاه والبناسب طموحاتي ، بس لكل جواد كبوة في نص السنة جاتني فترة ضغط نفسي صعبة شديد ما كنت بقدر اقرا ولا افتح كتاب ودائما خايفة ومتوترة
عدا شهر وانا بالحال دا فا لمن قربت الامتحانات الشهرية التانية قعدت مع نفسي وقلت ليها يا شهد هما خيارين ما عندهم تالت يا اما تستسلمي وتخسري جهدك ومستقبلك يا اما تقاومي وتسعي وتفوزي بي مستقبلك واحلامك 💪 فا قويت نفسي وحفزتها واستعنت بالله كل ما كان تجيني خوفة او كدا والحمدلله رجعت احسن من الاول لاني كنت ولا زلت دائما مؤمنة انو اي الم بنمر بيه هو تجربة وتهيئة ودرس للمستقبل بس ما اكتر فلا اجزع ولا اخاف وفعلا دا الحصل . وفووو مرت الايام والشهور وجا موعد امتحانات الشهادة وطبعا انتو عارفين قطعة الكهرباء والحر والنفسيات لكن كنت بصر لانو المرة دي يا غالب يا مغلوب😤
كل ما اتذكر اني كنت بساهر براي في الحوش والضلام والخوف من الضلام واي شي يتحرك يخلعني 😣 غايتو بس الحمدلله