#قصص_ملهمة
بسم الله نبدأ بأول قصة 🔥 🔥
اسمك ثلاثي
اسم المدرسة
النسبة
سنة الامتحان
الولاية
_نبدأ من النص، من النقطة الأكثر سواداً،كلمنا عن أسوأ اللحظات في تالت وعن شعورك في اللحظة ديك.
_هل قدرت تتخلص من المشكلة أو المشاكل دي بالساهل؟ وهل البيئة كانت مهيئة عشان تقدر تتخلص منها؟
_كيف قدرت تتخلص من لحظات اليأس؟ هل كان عندك شي أو شخص يدعمك عشان تواصل؟
_هل عندك قدوة اقتديت بيها في تالت ؟
_كلمنا عن بداية السنة والحماس الفيها وهل واصلت بنفس النهج؟
_مساقك شنو؟ وهل واجهتك انتقادات ؟ كيف عديت منها وهل تركت أثر نفسي عليك وعلى درجاتك؟
_رغبتك كانت شنو وهل حققتها؟
_كان عندك مشاكل في بعض المواد؟ وكيف قدرت تتخلص منها
_أهلك كانو داعمنك؟
_مستوى الفصل كان كيف وهل كان مشجع للمنافسة؟
_هل للمدرسة دور في النسبة دي؟ وضح لينا
_هل كان في استاذ مؤمن بيك وبي قدراتك؟ وكيف دعمك وورينا لحظات أو كلام قالو ليك وماناسيه
_مستواك من زمان عالي؟
_ترتيب الزمن واختيار الوقت المناسب للمذاكرة هل ليهم أثر في النجاح الباهر دا؟ وضح لينا
_الأكل الصحي ليه دور في النجاح؟وضح لينا
_هل كان عندك أصحاب داعمنك وماشين معاك في مشوار النجاح؟وكيف كنتو بتستغلو صحبتكم ؟
_هل كان عندك هوايات جانبية كنت بتمارسها؟
_بعيدا عن الجانب الأكاديمي اتعلمت شنو من ثالث
_اختم لينا بي جملة حابي تهديها للطلاب
#تجمع_طلاب_صناع_المستقبل
#FMSG
بسم الله نبدأ بأول قصة 🔥 🔥
اسمك ثلاثي
اسم المدرسة
النسبة
سنة الامتحان
الولاية
_نبدأ من النص، من النقطة الأكثر سواداً،كلمنا عن أسوأ اللحظات في تالت وعن شعورك في اللحظة ديك.
_هل قدرت تتخلص من المشكلة أو المشاكل دي بالساهل؟ وهل البيئة كانت مهيئة عشان تقدر تتخلص منها؟
_كيف قدرت تتخلص من لحظات اليأس؟ هل كان عندك شي أو شخص يدعمك عشان تواصل؟
_هل عندك قدوة اقتديت بيها في تالت ؟
_كلمنا عن بداية السنة والحماس الفيها وهل واصلت بنفس النهج؟
_مساقك شنو؟ وهل واجهتك انتقادات ؟ كيف عديت منها وهل تركت أثر نفسي عليك وعلى درجاتك؟
_رغبتك كانت شنو وهل حققتها؟
_كان عندك مشاكل في بعض المواد؟ وكيف قدرت تتخلص منها
_أهلك كانو داعمنك؟
_مستوى الفصل كان كيف وهل كان مشجع للمنافسة؟
_هل للمدرسة دور في النسبة دي؟ وضح لينا
_هل كان في استاذ مؤمن بيك وبي قدراتك؟ وكيف دعمك وورينا لحظات أو كلام قالو ليك وماناسيه
_مستواك من زمان عالي؟
_ترتيب الزمن واختيار الوقت المناسب للمذاكرة هل ليهم أثر في النجاح الباهر دا؟ وضح لينا
_الأكل الصحي ليه دور في النجاح؟وضح لينا
_هل كان عندك أصحاب داعمنك وماشين معاك في مشوار النجاح؟وكيف كنتو بتستغلو صحبتكم ؟
_هل كان عندك هوايات جانبية كنت بتمارسها؟
_بعيدا عن الجانب الأكاديمي اتعلمت شنو من ثالث
_اختم لينا بي جملة حابي تهديها للطلاب
#تجمع_طلاب_صناع_المستقبل
#FMSG
مريم عاطف عبد الجليل عبد الجبار
المعالي الثانوية الخاصة بنات
النسبة
95.7%
سنة الامتحان
2022_2023
الولاية
الخرطوم
لعب،نوم، لامبالاةوعدم قراية.
لاحظوا معاي دا كله من بداية السنة!! شي غريب صح؟يعني حتى الحماس الكان بجي لبرالمة الثانوي انا لا.
جات امتحانات الفترة الأولى و جبت نسبة ما حصل جبتها في حياتي و هي 89.4 %، ماغريبة لأنو كله ناتج عن الوضع الكان حاصل..
طيب حتقولو ليه متفاجئة؟ لأنو في احساس جواي بقول لا، دا ما مستواك.
طبعاً دا مابنفي التساؤلات المظلمة الاتولدت جواي:الحصل شنو يا ربي ؟ هل انا فشلت ؟ هل دي حتكون نسبتي في امتحان الشهادة ؟ هل في طريقة أصحح الأنا عملتو و أصلح موقفي ؟ و إذا قررت أبدا حأبدا من وين ؟ و لو بديت هل حألحق ؟ تساؤلات كتيرة بتجمعها صفة محاسبة الذات ،الندم و الإحساس بالعجز التام؛ خصوصاً إنه لقيت الكتير من التعليقات و الآراء السلبية على الدرجة دي وطّنت إحساس الفشل عندي من ضمنها إني مستهترة و إني ما حأنجح و إنو خلاص (it's done) ما تحاولي أساساً حتظلي كدة بالمستوى دة ،ما حتجيبي كويس في امتحان الشهادة ما حتدخلي طب الخرطوم و إلى آخره.
ثقتي في نفسي إهتزت وحسيت اني بلا قيمة وما يُستصحب من أحاسيس تانية والعزز الأحاسيس دي أكثر اني كنت بواجه خطر اكاديمي بما تحمل الكلمة من معنى لأني ماقارية شي ولا عارفة طريقة الامتحان كيف !
٨٩ ممكن تكون درجة كويسة نوعاً ما للعامة بس بالنسبة لي شيء كارثي! يعني بالنسبة لي توقعاتك شيء صادم جداً.
الكثير من المتراكم و صفر من الأشياء المنجزة عزيمة ماف و توقع مؤكد بفشل أي محاولة اقوم بيها.
بس...
(لكل جواد كبوة)
ربنا سبحانه وتعالى مابختك في طريق وإلا هو مناسب مع مقدراتك، ربنا رحيم مابكلف الزول فوق طاقته أبداً وأياً كانت الطريقة الإتخصلت بيها من اليأس انا بشوف إنها سبب من رب العالمين.كان من الممكن يتخذ أي هيئة تانية و السبب ده ما كان ربنا حيحرمني منه أبدا لأنو لا يخلف وعده و هو قال:( لئن شكرتم لأزيدنكم) . و أنا كنت كل ما انصدم بدرجة كعبة على قدر ما ثقتي في نفسي بتهتز على قدر ما ثقتي في ربنا بتقوى اكتر؛ كنت بسجد و ببكي و بحمد ربنا كثيراً و على قدر ما كانت بتكون كعبة على قدر ما بزيد من الحمد بنفس راضية جداً و يصاحبه دعاء مُلِح و موقن بالإستجابة فلا يأس مع الله عشان كنت واثقة اني لمن اعمل كدة خاتمة المطاف بتبقى اكثر من مرضية، و غير كدة ربنا بيرضى عني دنيا و اخرة و يرضيني في درجتي كمان .
و من هنا تنشأ القوة من الضعف؛بالصحبة الإلهية. فخليكم قراب من ربنا جداً و ربنا طريقه سهل يعني و إياكم من اليأس و القنوط عشان أسيادنا إبراهيم و يعقوب قالوا إنه ما بيقنط من رحمة ربه إلاّ الضالين و انه ما بييأسوا هم من روح الله و هم كانوا بمروا بلحظات أسوأ من حقتنا؛ سيدنا إبراهيم فاقد الذرية و هو على كبر، سيدنا يعقوب فقد اتنين من اولادو الحبيبين و ربنا أبهرهم بالمعجزات و رغم إنهم أنبياء إلا أنهم أنكروها بداهةً في الأول من شدة الصدمة و شافوها م منطقية و تعجبوا لكن لمن استدركوا مين الواهب عرفوا منطقية الهبة.
صدقوني الطريق دة عاقبته سعيدة لأبعد حد خليكم واثقين من كدة و أحرصوا على تزكية الصفة دي فيكم دة اول شي.
يلا الاعتقادات البفتكر ربنا سخرها لي هي اني اول شي قعدت مع نفسي بكل واقعية و قلت بعيداً عن اي كلام خارجي انا أذا بديت اقرا و اجتهد و معاي ربنا بكل تأكيد حأصل ! ليه ما اشتغلت بكلام زول ؟ عشان لمن المصدر الأعظم للقوة و هو رب العالمين يأمر أمره هو حينفرض على المتكلمين ديل أولهم و حينفرض على الكون كله و حيمدني بالقوة منه.يلا بعد كدا بدأ الحماس والشغف يرجع بالتدريج وبديت أطلع من دوامة اليأس.
ماعارفين كيف تلحقو نفسكم؟
عايزين تعرفو الخطوات المناسبة عشان تطلعو من الأزمات الزي دي شنو؟
#يتبع...
🛑 ننزل القصة كاملة؟
لأنها طويلة.
المعالي الثانوية الخاصة بنات
النسبة
95.7%
سنة الامتحان
2022_2023
الولاية
الخرطوم
لعب،نوم، لامبالاةوعدم قراية.
لاحظوا معاي دا كله من بداية السنة!! شي غريب صح؟يعني حتى الحماس الكان بجي لبرالمة الثانوي انا لا.
جات امتحانات الفترة الأولى و جبت نسبة ما حصل جبتها في حياتي و هي 89.4 %، ماغريبة لأنو كله ناتج عن الوضع الكان حاصل..
طيب حتقولو ليه متفاجئة؟ لأنو في احساس جواي بقول لا، دا ما مستواك.
طبعاً دا مابنفي التساؤلات المظلمة الاتولدت جواي:الحصل شنو يا ربي ؟ هل انا فشلت ؟ هل دي حتكون نسبتي في امتحان الشهادة ؟ هل في طريقة أصحح الأنا عملتو و أصلح موقفي ؟ و إذا قررت أبدا حأبدا من وين ؟ و لو بديت هل حألحق ؟ تساؤلات كتيرة بتجمعها صفة محاسبة الذات ،الندم و الإحساس بالعجز التام؛ خصوصاً إنه لقيت الكتير من التعليقات و الآراء السلبية على الدرجة دي وطّنت إحساس الفشل عندي من ضمنها إني مستهترة و إني ما حأنجح و إنو خلاص (it's done) ما تحاولي أساساً حتظلي كدة بالمستوى دة ،ما حتجيبي كويس في امتحان الشهادة ما حتدخلي طب الخرطوم و إلى آخره.
ثقتي في نفسي إهتزت وحسيت اني بلا قيمة وما يُستصحب من أحاسيس تانية والعزز الأحاسيس دي أكثر اني كنت بواجه خطر اكاديمي بما تحمل الكلمة من معنى لأني ماقارية شي ولا عارفة طريقة الامتحان كيف !
٨٩ ممكن تكون درجة كويسة نوعاً ما للعامة بس بالنسبة لي شيء كارثي! يعني بالنسبة لي توقعاتك شيء صادم جداً.
الكثير من المتراكم و صفر من الأشياء المنجزة عزيمة ماف و توقع مؤكد بفشل أي محاولة اقوم بيها.
بس...
(لكل جواد كبوة)
ربنا سبحانه وتعالى مابختك في طريق وإلا هو مناسب مع مقدراتك، ربنا رحيم مابكلف الزول فوق طاقته أبداً وأياً كانت الطريقة الإتخصلت بيها من اليأس انا بشوف إنها سبب من رب العالمين.كان من الممكن يتخذ أي هيئة تانية و السبب ده ما كان ربنا حيحرمني منه أبدا لأنو لا يخلف وعده و هو قال:( لئن شكرتم لأزيدنكم) . و أنا كنت كل ما انصدم بدرجة كعبة على قدر ما ثقتي في نفسي بتهتز على قدر ما ثقتي في ربنا بتقوى اكتر؛ كنت بسجد و ببكي و بحمد ربنا كثيراً و على قدر ما كانت بتكون كعبة على قدر ما بزيد من الحمد بنفس راضية جداً و يصاحبه دعاء مُلِح و موقن بالإستجابة فلا يأس مع الله عشان كنت واثقة اني لمن اعمل كدة خاتمة المطاف بتبقى اكثر من مرضية، و غير كدة ربنا بيرضى عني دنيا و اخرة و يرضيني في درجتي كمان .
و من هنا تنشأ القوة من الضعف؛بالصحبة الإلهية. فخليكم قراب من ربنا جداً و ربنا طريقه سهل يعني و إياكم من اليأس و القنوط عشان أسيادنا إبراهيم و يعقوب قالوا إنه ما بيقنط من رحمة ربه إلاّ الضالين و انه ما بييأسوا هم من روح الله و هم كانوا بمروا بلحظات أسوأ من حقتنا؛ سيدنا إبراهيم فاقد الذرية و هو على كبر، سيدنا يعقوب فقد اتنين من اولادو الحبيبين و ربنا أبهرهم بالمعجزات و رغم إنهم أنبياء إلا أنهم أنكروها بداهةً في الأول من شدة الصدمة و شافوها م منطقية و تعجبوا لكن لمن استدركوا مين الواهب عرفوا منطقية الهبة.
صدقوني الطريق دة عاقبته سعيدة لأبعد حد خليكم واثقين من كدة و أحرصوا على تزكية الصفة دي فيكم دة اول شي.
يلا الاعتقادات البفتكر ربنا سخرها لي هي اني اول شي قعدت مع نفسي بكل واقعية و قلت بعيداً عن اي كلام خارجي انا أذا بديت اقرا و اجتهد و معاي ربنا بكل تأكيد حأصل ! ليه ما اشتغلت بكلام زول ؟ عشان لمن المصدر الأعظم للقوة و هو رب العالمين يأمر أمره هو حينفرض على المتكلمين ديل أولهم و حينفرض على الكون كله و حيمدني بالقوة منه.يلا بعد كدا بدأ الحماس والشغف يرجع بالتدريج وبديت أطلع من دوامة اليأس.
ماعارفين كيف تلحقو نفسكم؟
عايزين تعرفو الخطوات المناسبة عشان تطلعو من الأزمات الزي دي شنو؟
#يتبع...
🛑 ننزل القصة كاملة؟
لأنها طويلة.
❤36🔥4
#تكملة_القصة
يلا تابعو معاي وحلل وكلامي كويس واستفيدو من تجربتي عسى ولعل تلقو حلول لمشاكلكم
يلا بسم الله توكلنا على الله
بديت أقيم مستواي الأكاديمي أول شي (نقطة مهمة شديد ياشباب لأنو لمن تعرفو مستواكم كويس حتقدرو تضعو المناسب معاكم )،طلعت ورقتين وحدة كتبت فيها الدروس المتراكمة بترتيب على حسب المواد و الثانية كتبت فيها أبواب المواد برضو حسب المواد نفسها.وهنا ظهر السؤال الاكثر تعقيداً من النظرية النسبية نفسها ياربي أواكب مع المدرسة في الدروس الحالية ولا اخلص المتراكمة اول ؟ السؤال الذي حيّر جميع العلماء، فلقيت إني ابدا حالاً مواكبة مع ناس المدرسة أفضل لأسباب كتيرة و لمن يتوفر وقت فراغ ابدا طوالي اطلع ورقتنا السمحة ديك و اشوف اقرا شنو من الدروس المتراكمة ( ترتيب قراية الدروس المتراكمة نفسها بعتمد على الموازنة بين المواد و درجة أهمية الدروس ).
عملت إضافة جديدة الا و هي إني أحل مذكرات و أشوف محتوى الكتاب كله و ما أتجاهل أي شي و بالذات التمارين؛ عشان بجيبوا منها بالحرف و أعمل على أي شي القاه غريب هايلايتر عشان الليلة و بكرة الامتحان الفحو عالسريع . حل المذكرات عشان بياخد زمن اخترت ليه واحد من الجمعة و السبت ( طبعا لغاية هسي بس واحد منهم عشان عندي دروس متراكمة فقسمت اجازة الاسبوع بينهم الاتنين الحل و المتراكم .. المذكرة دي بتطلع ليها ورقتنا دييك بتاعت الابواب و تحدد اكثر الابواب العندك فيها مشاكل .. تبدا بيهم اول و بعدين تواصل عادي .. الباب اول بتديه مراجعة و تثبيت بعدين تحلو ( مراجعة يعني تكون قاريه قبل كدة درس يوم بيوم يعني ما معلومة جديدة تماما فاهم ؟ لو معلومة جديدة دة حيكون تبع الدروس المتراكمة ي فهم تقراها اول و بعدين لمن تعمل باب تحلهم ).. و المذكرة عشان م تروح ف الهوا لازم تطلعوا زييتها يعني م تحلوا و تفكوها ساي تقلب محلل سياسي عديل و تفحص انا غلطت و وين و بسبب شنو و المشكلة دي علاجها عند انهي دكتور يعني لو انت دكتور نفسك لو الاستاذ دكتورك لو المهم اي شي .. المهم تعالج السيدة المشكلة دي .. و ثم ثانيا اي شي غريب او معلومة برة الكتاب او اي شي انصدمت و قلت ف نفسك وااااو هو كدة بجد تقوم دة تعمل عليه هايلايتر ،كمان ملخصات المدرسة تستفيد منها تعمل هايلايتر عالمعلومة البرة الكتاب .باختصار تشوف المصادر المتاحة ليك و تستخلص ما هو خارج الكتاب و تعمل عليه بالهايلايتر و تقراه.
تاني شي النسيان ؛المشكلة البعاني منها كل سمك المدارس. يلا ي سمكة، النسيان فطرة لكن أثرو مضر. هدفنا نقضي على أثر النسيان من تسقيط احجارنا في الامتحان و غيرو و ليس النسيان ذات نفسو .
طريقة القراية نفسها و عدد مراتها ؟ كل زول و طريقتو ممكن ورقة و قلم ،ممكن تقسم لنقاط اساسية و تربطها بجملة وحدة و تجي تاني تقسم الاساسي لفرعي و تتلاعب و تتفنن و كدة ، ممكن تكرر كتير و تجي تسمع شفوي و تحريري بورقة و قلم مرة او مرتين.
نقطة تالتة، القراية على فترات متباعدة مفيدة جداً يلا ممكن كإقتراح _ تنفيذو على حسب الفايض الزمني بتاعك _ لمن تجي تقرا درس اليوم تدي شرح او تسميعة خفيفة لحق امبارح كامراجعة و كدة .و اصلا لمن تجي تحل المذكرة لازم لازم تقرا الباب الانت اصلا قاريه قبل كدة؛ كدة حتكون قريته مرتين .ممكن برضو يكون عندك فترة صغيرونة كدة في الاسبوع بتراجع فيها القريتو في الاسبوع كلو ؛ زايد قراية الامتحان . كدة لو عملت دة كلو بتكون قريتو ٤ مرات تمام ؟
بعدين حتة الزمن مهمة جداً ؛الناس بعد تخلص مقررات تشوف امتحانات كاملة عشان المشكلة الحقيقية زمن الحل. تتدرب كتير لمن زيتك يطلع 😭 و تعرف زمن الحل بتاعك كم ؟ و تقلله بقدر الامكان.
زمن النوم كان مشكلة،عن نفسي كنت بنوم ١٠ ساعات دة اقل شي في اليوم دة نظامي كدة و لو قللتو بمرض عديل يعني ما رفاهية ولا كدة .ما بعرف اساهر ما بعرف اصحى بدري دة كلو م بينفع معاي انت شوف البخليك مرتاح و إعداداتك مظبوطة كم ساعة من النوم ؟ و هل ينفع تساهر او ينفع تصحى بدري ؟ عشان ما تقرا و انت نعسان او مجهد ،و مع ذلك لكل قاعدة شواذ
ممكن اقول إنو الامتحان دا بالنسبة لي. كان مقياس وظهر لي نقاط ضعفي عِلماً بإنو كنا قطعنا نص المقرر ..
بعد كدة جا تاني امتحان و جبت ٩٧ الحمد لله. غريبة إنو ربنا سريع الجزاء كدة رغم اننا ما بنعبده حق عبادته اصلا صح ؟ فزي ما قلت ليكم الحمد و الرضا و صحبة رب العالمين في كل تفصيلة من حياتك هم المخارج لأسوأ اللحظات البتمر بيكم . بعد الهباب حقي داك الناس انصدمت من الفرق الشاسع و انا كمان انصدمت و كنت بدعي ربنا يارب اجبرني جبر يتعجب له اهل السموات و الأرض و قد حدث الناس كانت منصدمة جداً،الحمدلله قدرت اتخلص من السلبية الجواي على الرغم من المقارنات والسلبيات البتواجهك في بيئتك بطبيعة الحال ماف وضع او حالة مثالية لازم نلاقي بعض العقبات و لو انتظرنا المثالية معناها ما حنتقدم أبدا في
يلا تابعو معاي وحلل وكلامي كويس واستفيدو من تجربتي عسى ولعل تلقو حلول لمشاكلكم
يلا بسم الله توكلنا على الله
بديت أقيم مستواي الأكاديمي أول شي (نقطة مهمة شديد ياشباب لأنو لمن تعرفو مستواكم كويس حتقدرو تضعو المناسب معاكم )،طلعت ورقتين وحدة كتبت فيها الدروس المتراكمة بترتيب على حسب المواد و الثانية كتبت فيها أبواب المواد برضو حسب المواد نفسها.وهنا ظهر السؤال الاكثر تعقيداً من النظرية النسبية نفسها ياربي أواكب مع المدرسة في الدروس الحالية ولا اخلص المتراكمة اول ؟ السؤال الذي حيّر جميع العلماء، فلقيت إني ابدا حالاً مواكبة مع ناس المدرسة أفضل لأسباب كتيرة و لمن يتوفر وقت فراغ ابدا طوالي اطلع ورقتنا السمحة ديك و اشوف اقرا شنو من الدروس المتراكمة ( ترتيب قراية الدروس المتراكمة نفسها بعتمد على الموازنة بين المواد و درجة أهمية الدروس ).
عملت إضافة جديدة الا و هي إني أحل مذكرات و أشوف محتوى الكتاب كله و ما أتجاهل أي شي و بالذات التمارين؛ عشان بجيبوا منها بالحرف و أعمل على أي شي القاه غريب هايلايتر عشان الليلة و بكرة الامتحان الفحو عالسريع . حل المذكرات عشان بياخد زمن اخترت ليه واحد من الجمعة و السبت ( طبعا لغاية هسي بس واحد منهم عشان عندي دروس متراكمة فقسمت اجازة الاسبوع بينهم الاتنين الحل و المتراكم .. المذكرة دي بتطلع ليها ورقتنا دييك بتاعت الابواب و تحدد اكثر الابواب العندك فيها مشاكل .. تبدا بيهم اول و بعدين تواصل عادي .. الباب اول بتديه مراجعة و تثبيت بعدين تحلو ( مراجعة يعني تكون قاريه قبل كدة درس يوم بيوم يعني ما معلومة جديدة تماما فاهم ؟ لو معلومة جديدة دة حيكون تبع الدروس المتراكمة ي فهم تقراها اول و بعدين لمن تعمل باب تحلهم ).. و المذكرة عشان م تروح ف الهوا لازم تطلعوا زييتها يعني م تحلوا و تفكوها ساي تقلب محلل سياسي عديل و تفحص انا غلطت و وين و بسبب شنو و المشكلة دي علاجها عند انهي دكتور يعني لو انت دكتور نفسك لو الاستاذ دكتورك لو المهم اي شي .. المهم تعالج السيدة المشكلة دي .. و ثم ثانيا اي شي غريب او معلومة برة الكتاب او اي شي انصدمت و قلت ف نفسك وااااو هو كدة بجد تقوم دة تعمل عليه هايلايتر ،كمان ملخصات المدرسة تستفيد منها تعمل هايلايتر عالمعلومة البرة الكتاب .باختصار تشوف المصادر المتاحة ليك و تستخلص ما هو خارج الكتاب و تعمل عليه بالهايلايتر و تقراه.
تاني شي النسيان ؛المشكلة البعاني منها كل سمك المدارس. يلا ي سمكة، النسيان فطرة لكن أثرو مضر. هدفنا نقضي على أثر النسيان من تسقيط احجارنا في الامتحان و غيرو و ليس النسيان ذات نفسو .
طريقة القراية نفسها و عدد مراتها ؟ كل زول و طريقتو ممكن ورقة و قلم ،ممكن تقسم لنقاط اساسية و تربطها بجملة وحدة و تجي تاني تقسم الاساسي لفرعي و تتلاعب و تتفنن و كدة ، ممكن تكرر كتير و تجي تسمع شفوي و تحريري بورقة و قلم مرة او مرتين.
نقطة تالتة، القراية على فترات متباعدة مفيدة جداً يلا ممكن كإقتراح _ تنفيذو على حسب الفايض الزمني بتاعك _ لمن تجي تقرا درس اليوم تدي شرح او تسميعة خفيفة لحق امبارح كامراجعة و كدة .و اصلا لمن تجي تحل المذكرة لازم لازم تقرا الباب الانت اصلا قاريه قبل كدة؛ كدة حتكون قريته مرتين .ممكن برضو يكون عندك فترة صغيرونة كدة في الاسبوع بتراجع فيها القريتو في الاسبوع كلو ؛ زايد قراية الامتحان . كدة لو عملت دة كلو بتكون قريتو ٤ مرات تمام ؟
بعدين حتة الزمن مهمة جداً ؛الناس بعد تخلص مقررات تشوف امتحانات كاملة عشان المشكلة الحقيقية زمن الحل. تتدرب كتير لمن زيتك يطلع 😭 و تعرف زمن الحل بتاعك كم ؟ و تقلله بقدر الامكان.
زمن النوم كان مشكلة،عن نفسي كنت بنوم ١٠ ساعات دة اقل شي في اليوم دة نظامي كدة و لو قللتو بمرض عديل يعني ما رفاهية ولا كدة .ما بعرف اساهر ما بعرف اصحى بدري دة كلو م بينفع معاي انت شوف البخليك مرتاح و إعداداتك مظبوطة كم ساعة من النوم ؟ و هل ينفع تساهر او ينفع تصحى بدري ؟ عشان ما تقرا و انت نعسان او مجهد ،و مع ذلك لكل قاعدة شواذ
ممكن اقول إنو الامتحان دا بالنسبة لي. كان مقياس وظهر لي نقاط ضعفي عِلماً بإنو كنا قطعنا نص المقرر ..
بعد كدة جا تاني امتحان و جبت ٩٧ الحمد لله. غريبة إنو ربنا سريع الجزاء كدة رغم اننا ما بنعبده حق عبادته اصلا صح ؟ فزي ما قلت ليكم الحمد و الرضا و صحبة رب العالمين في كل تفصيلة من حياتك هم المخارج لأسوأ اللحظات البتمر بيكم . بعد الهباب حقي داك الناس انصدمت من الفرق الشاسع و انا كمان انصدمت و كنت بدعي ربنا يارب اجبرني جبر يتعجب له اهل السموات و الأرض و قد حدث الناس كانت منصدمة جداً،الحمدلله قدرت اتخلص من السلبية الجواي على الرغم من المقارنات والسلبيات البتواجهك في بيئتك بطبيعة الحال ماف وضع او حالة مثالية لازم نلاقي بعض العقبات و لو انتظرنا المثالية معناها ما حنتقدم أبدا في
❤12🔥1
حياتنا و بدل كدة ننفق الوقت في انتظار المستحيل _و لكن البيئة المنزلية على وجه الخصوص أكثر من مهيأة وكانت من الأسباب في التقدم.
ماكان عندي قدوة بعينها.. لكن تذكرت من ضمن الحاجات الحمستني أكثر لمن اول الشهادة جانا ف المدرسة حسيت بكمية المجد الهو لما الناس ابتدت تصفق ليه بحرارة 😂 قلت ياسلام وضع جميل خلاس .. زاتو بكون " مَكرِي " و عازنو قروش و بتاع فبرقت عيناي بالجد 😭 و كان نفسي ابقى زيو بالجد ومن هنا بدأت الخطوات الثابتة نحو الطريق إلى الإذاعة.
مستوانا في الفصل كان عادي جداً أقرب لي إنو مايكون مشجع للمنافسة فا شوفة الأوائل أشعلت الحماس في نفسي.
مدرستي طبعاً ليها فضل في التفوق دا؛إنها اجتهدت معانا كلنا وخلصنا المقرر بدري مما ادانا فرصة أكبر للمراجعة أي مشكلة او شي غريب بمشي للاساتذة وحقيقي ماقصروا معانا وكانو داعمني كلهم يعني عملوا معانا الواجب وزيادة جزاهم الله ألف خير.
نجي لي نقطة مهمة جداً جداً ألا وهي الوقت وتقسيمه
ايوة طبعا ليع دور كبير ،الأولوية هي أساس كل شي عشان الزمن ما ممتد و لحظة ما يقفل كدة هوب احنا نكون مخلصين الحاجات المهمة و الصعبة و العليها درجات او أذيال مفهومية او درسيّة تانية .. عشان كدة كل الأثر .. الأولوية كانت كالآتي الكتاب اولا و ثانيا و ثالثا .. رابعا و خامسا حل المذكرات اللي هي اصلا تطبيق لمعلومات الكتاب .. خامسا و نص مراجعة الكتاب و المذكرة ( الحاجات المعمول عليها هايلايتر بسس) سادسا حل الامتحانات حقت الشهادة الكاملة (بعد تكملة المقررات) لانها القايد بتاعك و م بتخليك مقلع عيونك كدة😳 لحظة تلقى السؤال داااااك ااا
طبعا الأكل الصحي والتغذية مهمين جدا،ما أغش عليكم ماكان عندي نظام غذائي معينباكل اي شي سكر جلكوز + اكسجين > طاقة + ماء + ث.أ.ك😭😭.. لكن أبعدوا من الأندومي بقولوا بتبلد الواحد 😭😭اشربو موية كتير تقريبا ٦ اكواب عشان بتزح الإجهاد و تزيد التركيز بالتالي و فوائد كتير اشبكوها H2O غايتو🫱🏽🫲🏽دا البعرفو و كلام قوقل فتشوا زيادة.
الصُحبة وما أدراك ما الصحبة كان عندي صحبة أكثر من رائعةربنا يحفظها كانت أكتر من داعمة كنا بنشجع بعض بنخفف شعور عدم الثقة بالنفس بنهون على بعض كل شي .. المدرسة مكان واحد من أمكنة عديدة دعمنا فيها بعض عشان كدا اختارو اصحابكم صح لأنهم هم الماشين معاك في طريقك دا ومن الطبيعي تتأثر بيهم.
إتعلمت من تالت ما تعمل ضغوطات على نفسك الحياة سهلة ما مستاهلة كل شي يتاخد ببساطة و إيجابية و شوية شوية تعبر و انتصر_ اصلا النورمال it takes time يعني و طويل كمان_ .. إنك يكون عندك نظرتك الخاصة لنفسك و تقييمك الخاص .. إنك ما تظلمها و تكون سبب في عذابها .. إنك تجتهد معاها و تصبر و تتوكل لغاية ما تنال مرادك .. إن ربنا هو الأحن عليك و إنك مفترض ما تخالفه أبدا و مفترض إرادتك من إرادته وحدة و ما بتنفصل عنها .. إنك تكون ذكي و تستغل الخسائر الطفيفة لخلق المكاسب العظيمة و أبلغ مثال التضحية بالفناء مقابل الديمومة يعني الدنيا بكل سوآتها بتخليها معبر بحمدك و شكرك و حسن عبادتك لمرضاة الله و لحب الله و دخول الجنة و هم الأشياء الأبدية الدائمة .. بتلقى تلقائيا ان دنياك الكنت عاوز تضحي بيها تصلحت فجأة ( و لو إن دة ما هو الهدف و لكن ربك واسع العطاء بديك من دي و من دي) .. إنك تجد القوة في وحدتك عشان معاك ربنا و لا تبالي .. إنك تعبد ربنا عشان ذاتو و عشان بتحبو و ليس لتحقيق مصالحك .. فالطريقة الآلية الإحنا بنصلي بيها و نعبد بيها عشان بس ننجو من النار ممكن نغيرها شوية ؟ يعني دي مصلحة اخروية لازمة التحقيق لكن ممكن من البداية حب ربنا يكون ف قلوبنا و نعبده عشان نعبر عن الحب دة بأفعالنا ؟ كلامي بسيط لكن هو المفتاح لكل شي كويس حرفياً فتعمقوا في التفكر في صفات الله و تعلموا تحبوا ربنا الما بياخد عادة من حيز تفكيرنا برهة زمن للأسف.
رغبتي كان اني اتذاع وأدخل طب الخرطوم وتم المراد بحمد الله
وفي الختام:العيش في المستقبل و الماضي هو موت في الحاضر فماف داعي للتشاؤم و استباق الأحداث و كمان ماف داعي لاستحضار الذكريات السيئة خليك في حاضرك و خلي التينس ياخد تصريف البريزنت و اصنع مجدك الخاص و اهم شي تتوكل قبل اي خطوة تخطوها ف" إن الله يحب المتوكلين " يعني كسبان كسبان و أي مفازة أعظم من حب الله ؟.
#تجمع_طلاب_صناع_المستقبل
#FMSG
#قصص_نابغين
شاركوا رابط القناة
https://t.me/sdfmsg
ورابط صفحتنا كمان ما تنسوا تتابعونا هناك
https://www.facebook.com/FMSGsd?mibextid=ZbWKwL
ماكان عندي قدوة بعينها.. لكن تذكرت من ضمن الحاجات الحمستني أكثر لمن اول الشهادة جانا ف المدرسة حسيت بكمية المجد الهو لما الناس ابتدت تصفق ليه بحرارة 😂 قلت ياسلام وضع جميل خلاس .. زاتو بكون " مَكرِي " و عازنو قروش و بتاع فبرقت عيناي بالجد 😭 و كان نفسي ابقى زيو بالجد ومن هنا بدأت الخطوات الثابتة نحو الطريق إلى الإذاعة.
مستوانا في الفصل كان عادي جداً أقرب لي إنو مايكون مشجع للمنافسة فا شوفة الأوائل أشعلت الحماس في نفسي.
مدرستي طبعاً ليها فضل في التفوق دا؛إنها اجتهدت معانا كلنا وخلصنا المقرر بدري مما ادانا فرصة أكبر للمراجعة أي مشكلة او شي غريب بمشي للاساتذة وحقيقي ماقصروا معانا وكانو داعمني كلهم يعني عملوا معانا الواجب وزيادة جزاهم الله ألف خير.
نجي لي نقطة مهمة جداً جداً ألا وهي الوقت وتقسيمه
ايوة طبعا ليع دور كبير ،الأولوية هي أساس كل شي عشان الزمن ما ممتد و لحظة ما يقفل كدة هوب احنا نكون مخلصين الحاجات المهمة و الصعبة و العليها درجات او أذيال مفهومية او درسيّة تانية .. عشان كدة كل الأثر .. الأولوية كانت كالآتي الكتاب اولا و ثانيا و ثالثا .. رابعا و خامسا حل المذكرات اللي هي اصلا تطبيق لمعلومات الكتاب .. خامسا و نص مراجعة الكتاب و المذكرة ( الحاجات المعمول عليها هايلايتر بسس) سادسا حل الامتحانات حقت الشهادة الكاملة (بعد تكملة المقررات) لانها القايد بتاعك و م بتخليك مقلع عيونك كدة😳 لحظة تلقى السؤال داااااك ااا
طبعا الأكل الصحي والتغذية مهمين جدا،ما أغش عليكم ماكان عندي نظام غذائي معينباكل اي شي سكر جلكوز + اكسجين > طاقة + ماء + ث.أ.ك😭😭.. لكن أبعدوا من الأندومي بقولوا بتبلد الواحد 😭😭اشربو موية كتير تقريبا ٦ اكواب عشان بتزح الإجهاد و تزيد التركيز بالتالي و فوائد كتير اشبكوها H2O غايتو🫱🏽🫲🏽دا البعرفو و كلام قوقل فتشوا زيادة.
الصُحبة وما أدراك ما الصحبة كان عندي صحبة أكثر من رائعةربنا يحفظها كانت أكتر من داعمة كنا بنشجع بعض بنخفف شعور عدم الثقة بالنفس بنهون على بعض كل شي .. المدرسة مكان واحد من أمكنة عديدة دعمنا فيها بعض عشان كدا اختارو اصحابكم صح لأنهم هم الماشين معاك في طريقك دا ومن الطبيعي تتأثر بيهم.
إتعلمت من تالت ما تعمل ضغوطات على نفسك الحياة سهلة ما مستاهلة كل شي يتاخد ببساطة و إيجابية و شوية شوية تعبر و انتصر_ اصلا النورمال it takes time يعني و طويل كمان_ .. إنك يكون عندك نظرتك الخاصة لنفسك و تقييمك الخاص .. إنك ما تظلمها و تكون سبب في عذابها .. إنك تجتهد معاها و تصبر و تتوكل لغاية ما تنال مرادك .. إن ربنا هو الأحن عليك و إنك مفترض ما تخالفه أبدا و مفترض إرادتك من إرادته وحدة و ما بتنفصل عنها .. إنك تكون ذكي و تستغل الخسائر الطفيفة لخلق المكاسب العظيمة و أبلغ مثال التضحية بالفناء مقابل الديمومة يعني الدنيا بكل سوآتها بتخليها معبر بحمدك و شكرك و حسن عبادتك لمرضاة الله و لحب الله و دخول الجنة و هم الأشياء الأبدية الدائمة .. بتلقى تلقائيا ان دنياك الكنت عاوز تضحي بيها تصلحت فجأة ( و لو إن دة ما هو الهدف و لكن ربك واسع العطاء بديك من دي و من دي) .. إنك تجد القوة في وحدتك عشان معاك ربنا و لا تبالي .. إنك تعبد ربنا عشان ذاتو و عشان بتحبو و ليس لتحقيق مصالحك .. فالطريقة الآلية الإحنا بنصلي بيها و نعبد بيها عشان بس ننجو من النار ممكن نغيرها شوية ؟ يعني دي مصلحة اخروية لازمة التحقيق لكن ممكن من البداية حب ربنا يكون ف قلوبنا و نعبده عشان نعبر عن الحب دة بأفعالنا ؟ كلامي بسيط لكن هو المفتاح لكل شي كويس حرفياً فتعمقوا في التفكر في صفات الله و تعلموا تحبوا ربنا الما بياخد عادة من حيز تفكيرنا برهة زمن للأسف.
رغبتي كان اني اتذاع وأدخل طب الخرطوم وتم المراد بحمد الله
وفي الختام:العيش في المستقبل و الماضي هو موت في الحاضر فماف داعي للتشاؤم و استباق الأحداث و كمان ماف داعي لاستحضار الذكريات السيئة خليك في حاضرك و خلي التينس ياخد تصريف البريزنت و اصنع مجدك الخاص و اهم شي تتوكل قبل اي خطوة تخطوها ف" إن الله يحب المتوكلين " يعني كسبان كسبان و أي مفازة أعظم من حب الله ؟.
#تجمع_طلاب_صناع_المستقبل
#FMSG
#قصص_نابغين
شاركوا رابط القناة
https://t.me/sdfmsg
ورابط صفحتنا كمان ما تنسوا تتابعونا هناك
https://www.facebook.com/FMSGsd?mibextid=ZbWKwL
Telegram
تجمع طلاب صناع المستقبل - FMSG
تأسس التجمع التطوعي في مارس من العام ٢٠٢٠م معنياً بهموم الطلاب وهادفاً إلى تقديم كل العون الممكن لهم إضافة الى سعيه للمساهمة في بناء وحشد قدرات الطلاب لتحقيق التنمية لهذا البلد، برؤيته أن يكون صوتاً للطلاب ومن الطلاب إلى الطلاب.
❤11🔥1🤩1
عبقري!
موهوب!
عندك سرعة تحليل ومنطقية في ربط المفاهيم؟
دفعتك وأصحابك بقولو ليك اينشتاين الشلة؟
أكيد أكيد إنت من مبدعي مادة الرياضيات😎🔥 اساساً البزبط الرياضيات معناها باقي المواد زاابببطةةة👏🏻👏🏻🔥🔥
ماشيي وينن استنى!!
عندنا اخوانا الممتحنين الشهادة السودانية محتاجين لي شخص عندو الصفات دي كلها عشان يساعدهم في مادة الرياضيات؛طبعاً إنت بمواهبك حتخلي ليهم المادة ساهلة نحن واثقين فيك👌🏻
ماعليك إلا تقدم في الرابط الجاي وتصلح ليهم صورة الرياضيات في رأسهم يا اينشتاين😎👋🏻
(رياضيات متخصصة القسم العلمي)
https://docs.google.com/forms/d/e/1FAIpQLSc7g5z_DCAGt9WbCpQ0lL2YenMoMz316efrZXI1JKXo9pA_Xg/viewform?usp=pp_url
موهوب!
عندك سرعة تحليل ومنطقية في ربط المفاهيم؟
دفعتك وأصحابك بقولو ليك اينشتاين الشلة؟
أكيد أكيد إنت من مبدعي مادة الرياضيات😎🔥 اساساً البزبط الرياضيات معناها باقي المواد زاابببطةةة👏🏻👏🏻🔥🔥
ماشيي وينن استنى!!
عندنا اخوانا الممتحنين الشهادة السودانية محتاجين لي شخص عندو الصفات دي كلها عشان يساعدهم في مادة الرياضيات؛طبعاً إنت بمواهبك حتخلي ليهم المادة ساهلة نحن واثقين فيك👌🏻
ماعليك إلا تقدم في الرابط الجاي وتصلح ليهم صورة الرياضيات في رأسهم يا اينشتاين😎👋🏻
(رياضيات متخصصة القسم العلمي)
https://docs.google.com/forms/d/e/1FAIpQLSc7g5z_DCAGt9WbCpQ0lL2YenMoMz316efrZXI1JKXo9pA_Xg/viewform?usp=pp_url
Google Docs
فورم الرياضيات
استمارة لمتطوعي مادة الرياضيات
🔥8❤3
⚠️⚠️🔥القصة الثانية🔥⚠️⚠️
#قصص_ملهمة
الاسم أحمد صهيب إبراهيم
من مدارس د.ابوذر الكودة الخاصة بنين-1
النسبة 97,7
عام الجلوس للامتحان 2021-2022
الولاية الخرطوم
طيب اذا بديت باكتر نقطة سواداً في تالت (مع انه تالت اغلبها استمتعت بيها 😂🤍) بس كان في لحظات ، اللي هي كانت في نص السنة تقريباً ، كان أصلاً عدت فترة من بداية العام الدراسي و يعني كان مستواي شبه عالي و كنت من الأوائل اي لكن م نسب بتجيب ليها زول أول شهادة و لا كدا ، ف انا أصلاً كنت عديت نصها لعب و هزل و م كنت جادي شديد في موضوع تالت و كدا ، ففي يوم من الأيام إتذكر يوم خميس، و انا ماشي المدرسة بديت افكر في سنة تالت بجدية لقيت انه انا شغلي دي م قدر آمال الناس المعلقاها فيني، و انه انا احتمال السنة دي م اعملها و انه وقت انا بلعب في ناس تانية كانت بتقرا و حتى فكرت اني اجمد السنة أو اكسر حنك اني اجي من الاوائل ، حتى كسرت حنك اني اركز في الحصص اليوم داك و خلاااص ، لكن !!! في يوم داك تحديداً كان جونا اوائل الشهادة بتاعين السنة الفاتت (😂 ناس اسامة و جماعة الطيبين ديل) ف فهمونا انه حتى لو م كنت جادي بتحصل و سنة تالت م صعبة و أدونا مجموعة من النصائح (و صراحة مجرد شوفتهم و اني اقدر اشوف قدر شنو الموضوع دا بستاهل و هيبة الحولهم دا كان كافي اني اقوم احاول على الاقل لانه اذا حاولت بكون عندي نسبة 50% اني اجي من الاوائل ... أما اذا م حاولت 0%)
ف دي كانت بنسبة لي أكتر لحظة سوداء في تالت
(عارف انها م حزينة بس بالنسبة لي كانت لحظة يأس😄)
و طبعا المواقف كتيرة بس عادي الزول ممكن يحبط من تالت ممكن يزهج ممكن حاجات كتيرة بس الزول دائما يتذكر الناس الوراهو الناس المنتظرين نجاحو ... حتى لو ماف زول متوقع منك حاجة انت كون أحسن منهم و خلي إيمانك بذاتك قوي ، اخلعهم بنتيجتك وريهم انك م زول هين ، و انا عن نفسي اكبر داعم لي كان ابوي🤍 الله يحفظه ( صراحة كان بتكلم معاي كتيييير شديد بس عارف انه داير مصلحتي)
قدوتي في سنة تالت كانت ولا تزال اوائل الشهادة كلهم ... (صراحة م كنت بعرف قصص اغلبهم بس كنت بحاول اتخيل هم عملو شنو مختلف عن الناس) و طبعا قدوة كل مسلم هو الرسول صلى الله عليه و سلم و كيف انه جاهد عشان هذا الدين و هنا برجع اقول انه السبب الاساسي في نجاحي كان الدعاء ... كل ناس البيت كانو بدعو لي بالتوفيق كل من لاقيتهم .. حتى مرة لاقاني شيخ كبير كدا في جامع و كنت شائل كتبي قال لي ممتحن قلت ليهو أي و مرقت و من جامع و رجعت لاني كنت ناسي كتب جوا لقيته بدعي لي بحرقة🤍 و صراحة كانت من احلى اللحظات لي شخصيا
و طبعاً ماننسى بداية السنة و الحماس البجيك في البدايات داك 😂🤍 و الزول تلقاهو بطلع تصريحات رجالة منه ساي (انا تاني م ح العب و م ح أهظر و ح أفضل زول جادي و كلها كم شهر) و حاجات ديك و بعد شوية كله ينتهي بس أهم حاجة انا عرفتها انه الزول يحاول يحافظ على العزيمة و الاصرار دا للنهاية... و للنهاية انا قصدي الى ان يلاقي الشهادة لحد لحظة الإمتحان ... عشان كدا م تصرف الشغف دا كله من البداية بانك تضغط نفسك شديييد من بداية السنة و تساهر و تتعب نفسك و بعد شوية تفقد العزيمة... في نهاية جسمك دا عنده حدود و بتعب ..
انا مساقي علمي احياء و صراحة الشعب السوداني كله مفتكر الاذكاء بمشو احياء و كلام الكتير دا 😂 و كلام دا م صح لانه الطبيب دا في النهاية بقعد في عيادته و خلاص.. لكن عن نفسي بشوف انه ناس الادبي أحسن و لو عادتت بي الظروف ح امتحن ادبي صراحة و هسي بعد خشيت الجامعة اتأكدت انه *لا يوجد مجال كعب نهائي* .. المجالات كلها سمحة انت بس عليك أنك تكون مبدع و مخلص فيها سوا كان رغبتك من البداية و لا اجبروك عليها المهم انك تقرأ باخلاص و صراحة الزول م بعرف الخير وين يعني ربنا يمكن كاتب ليك التفوق و حاجة السمحة في حاجة انت م بتحبها ..
وحدة من المحفزات لي في تالت هي رغبتي اني اجي الأول عديل بس 😂 لكن دا م معناهو انه انا م راضي أو كدا ... و خليك عارف انه اذا كان نجاحك يعني فشل الاخرين فصدقني م ح تنجح و لو مطرت حصو... لازم تكون عارف انه الناس كلها تهدف للنجاح. و كلها ربنا بيديها على حسب عدله و كرمه. (لاحظ *عدل* م مساواة 😂)
نجي لي مشاكلنا في تالت كان واجهتني مشكلة في العربي و كانت بخصوص في القواعد و بصورة عامة من بلاغة و كدا و طبعا م ممكن توقف قرايتك المواد التانية عشان العربي و فجأة كدا تلقى المواضيع اتراكمت عليك و امورك "تجوط" . .. ف حليت المشكلة باني رجعت شفت و لاحظ شفت الدروس من سنة سابع و تامن لانهم اساس القواعد و لخصت م يهمني منهم عشان تاني م اضطر افتش المعلومات من أول .. لانه من الغباء انك تلقى معلومة و تخليها سائبة و تاني تمشي تلقطها و كدا و في بيت شعر برضو
#قصص_ملهمة
الاسم أحمد صهيب إبراهيم
من مدارس د.ابوذر الكودة الخاصة بنين-1
النسبة 97,7
عام الجلوس للامتحان 2021-2022
الولاية الخرطوم
طيب اذا بديت باكتر نقطة سواداً في تالت (مع انه تالت اغلبها استمتعت بيها 😂🤍) بس كان في لحظات ، اللي هي كانت في نص السنة تقريباً ، كان أصلاً عدت فترة من بداية العام الدراسي و يعني كان مستواي شبه عالي و كنت من الأوائل اي لكن م نسب بتجيب ليها زول أول شهادة و لا كدا ، ف انا أصلاً كنت عديت نصها لعب و هزل و م كنت جادي شديد في موضوع تالت و كدا ، ففي يوم من الأيام إتذكر يوم خميس، و انا ماشي المدرسة بديت افكر في سنة تالت بجدية لقيت انه انا شغلي دي م قدر آمال الناس المعلقاها فيني، و انه انا احتمال السنة دي م اعملها و انه وقت انا بلعب في ناس تانية كانت بتقرا و حتى فكرت اني اجمد السنة أو اكسر حنك اني اجي من الاوائل ، حتى كسرت حنك اني اركز في الحصص اليوم داك و خلاااص ، لكن !!! في يوم داك تحديداً كان جونا اوائل الشهادة بتاعين السنة الفاتت (😂 ناس اسامة و جماعة الطيبين ديل) ف فهمونا انه حتى لو م كنت جادي بتحصل و سنة تالت م صعبة و أدونا مجموعة من النصائح (و صراحة مجرد شوفتهم و اني اقدر اشوف قدر شنو الموضوع دا بستاهل و هيبة الحولهم دا كان كافي اني اقوم احاول على الاقل لانه اذا حاولت بكون عندي نسبة 50% اني اجي من الاوائل ... أما اذا م حاولت 0%)
ف دي كانت بنسبة لي أكتر لحظة سوداء في تالت
(عارف انها م حزينة بس بالنسبة لي كانت لحظة يأس😄)
و طبعا المواقف كتيرة بس عادي الزول ممكن يحبط من تالت ممكن يزهج ممكن حاجات كتيرة بس الزول دائما يتذكر الناس الوراهو الناس المنتظرين نجاحو ... حتى لو ماف زول متوقع منك حاجة انت كون أحسن منهم و خلي إيمانك بذاتك قوي ، اخلعهم بنتيجتك وريهم انك م زول هين ، و انا عن نفسي اكبر داعم لي كان ابوي🤍 الله يحفظه ( صراحة كان بتكلم معاي كتيييير شديد بس عارف انه داير مصلحتي)
قدوتي في سنة تالت كانت ولا تزال اوائل الشهادة كلهم ... (صراحة م كنت بعرف قصص اغلبهم بس كنت بحاول اتخيل هم عملو شنو مختلف عن الناس) و طبعا قدوة كل مسلم هو الرسول صلى الله عليه و سلم و كيف انه جاهد عشان هذا الدين و هنا برجع اقول انه السبب الاساسي في نجاحي كان الدعاء ... كل ناس البيت كانو بدعو لي بالتوفيق كل من لاقيتهم .. حتى مرة لاقاني شيخ كبير كدا في جامع و كنت شائل كتبي قال لي ممتحن قلت ليهو أي و مرقت و من جامع و رجعت لاني كنت ناسي كتب جوا لقيته بدعي لي بحرقة🤍 و صراحة كانت من احلى اللحظات لي شخصيا
و طبعاً ماننسى بداية السنة و الحماس البجيك في البدايات داك 😂🤍 و الزول تلقاهو بطلع تصريحات رجالة منه ساي (انا تاني م ح العب و م ح أهظر و ح أفضل زول جادي و كلها كم شهر) و حاجات ديك و بعد شوية كله ينتهي بس أهم حاجة انا عرفتها انه الزول يحاول يحافظ على العزيمة و الاصرار دا للنهاية... و للنهاية انا قصدي الى ان يلاقي الشهادة لحد لحظة الإمتحان ... عشان كدا م تصرف الشغف دا كله من البداية بانك تضغط نفسك شديييد من بداية السنة و تساهر و تتعب نفسك و بعد شوية تفقد العزيمة... في نهاية جسمك دا عنده حدود و بتعب ..
انا مساقي علمي احياء و صراحة الشعب السوداني كله مفتكر الاذكاء بمشو احياء و كلام الكتير دا 😂 و كلام دا م صح لانه الطبيب دا في النهاية بقعد في عيادته و خلاص.. لكن عن نفسي بشوف انه ناس الادبي أحسن و لو عادتت بي الظروف ح امتحن ادبي صراحة و هسي بعد خشيت الجامعة اتأكدت انه *لا يوجد مجال كعب نهائي* .. المجالات كلها سمحة انت بس عليك أنك تكون مبدع و مخلص فيها سوا كان رغبتك من البداية و لا اجبروك عليها المهم انك تقرأ باخلاص و صراحة الزول م بعرف الخير وين يعني ربنا يمكن كاتب ليك التفوق و حاجة السمحة في حاجة انت م بتحبها ..
وحدة من المحفزات لي في تالت هي رغبتي اني اجي الأول عديل بس 😂 لكن دا م معناهو انه انا م راضي أو كدا ... و خليك عارف انه اذا كان نجاحك يعني فشل الاخرين فصدقني م ح تنجح و لو مطرت حصو... لازم تكون عارف انه الناس كلها تهدف للنجاح. و كلها ربنا بيديها على حسب عدله و كرمه. (لاحظ *عدل* م مساواة 😂)
نجي لي مشاكلنا في تالت كان واجهتني مشكلة في العربي و كانت بخصوص في القواعد و بصورة عامة من بلاغة و كدا و طبعا م ممكن توقف قرايتك المواد التانية عشان العربي و فجأة كدا تلقى المواضيع اتراكمت عليك و امورك "تجوط" . .. ف حليت المشكلة باني رجعت شفت و لاحظ شفت الدروس من سنة سابع و تامن لانهم اساس القواعد و لخصت م يهمني منهم عشان تاني م اضطر افتش المعلومات من أول .. لانه من الغباء انك تلقى معلومة و تخليها سائبة و تاني تمشي تلقطها و كدا و في بيت شعر برضو
❤29
*العلم صيد و الكتابة قيده*
*فقيد صيودك بالحبال الواثقة*
*فمن الحماقة ان تصيد غزالة*
*و تركتها بين البرية سائبة*
اما اذا تكلمنا عن الفصل .. فحدث و لا حرج 🔥 مستوى فصلنا كان مشجع شديد و أحلى حاجة انه الاول م معروف ... دائما كان في حماس عشان نعرف الاول منه و صراحة سنة تالت دي كانت متعة بالنسبة لي ... و كنا بنساعد بعض و م نبخل بالمعلومات على بعض نهائي و كنا كتلة واحدة صراحة واهلي كانو من اكبر الداعمين لي و صراحة كانوا واقفين وراي ..
المدرسة عندها دور في نسبة دي طبعا. .. وفرت لي البيئة المناسبة لتلقي المعلومات و لو احتجت لشيء كانت بتوفره و م قصروا نهائي- م ح اكضب و اقول انه مستواي كضب بصورة عامة ... لكن بنسبة لي كان موضوع الاذاعة دا مهم شديد ... يعني لو نزلت من 95 يبقى مشكلة نسبة لي ... ف كنت بحاول احافظ على على مستوى مع الزيادة
من الموجهات العامة البوجهها للطلاب هي مسألة ترتيب ترتيب الزمن؛ الزمن بالنسبة لي مهم شديد. ... و ليهو أثر قوي ... ف كل زول محتاج يعرف الزمن البنفع معاهو ... عن نفسي الصباح بدري و وقت العصر بعد الراحة ... ديل كنت بنجز فيهم سريع ... و القراية فيها ب10 اضعاف أحسن ...
واكيد أكيد الاكل الصحي مهم ... الزول م ممكن يقرأ و يركز و هو جعان شديد أو حتى شبعان شديد ... لازم تكون غذاءك كويس و م يكون عندك هم في انت اكلك كعب أو قليل .... المهم انه يكون كافي بالنسبة ليك.
من الحاجات البتأثر شديد عليك في ثالث الأصحاب. اصحابي و م ادراك م أصحابي 🥹🤍 انا بعزي نجاحي لاصحابي صراحة ... كمية الثقة الكانت عند اصحابي كانت اكتر مني ... حتى عندي صحبي اسمه عثمان محمد علي ... جاي من الجزيرة و سكن جمبنا .. زولي دا من بداية السنة واثق انه انا بجي أول الشهادة . و كل يوم كان يقولها لي و نحن راجعين ... و صراحة صاحب واحد مرة في عمر 🤍 ... و غيره... و أحمد الفاضل و كتار .... عشان كدا فلينظر احدكم من *يخالل* ..
برفه عن نفسي كيف !! صراحة مافيش هواية بس كنت بحب الرسم 😂 لكن حب ساي مافيش موهبة في الرسم لكن لازم ترفهو عن نفسكم شوية من الضغط.
بعيدا عن الاكاديميات فهمت انه الحياة أخذ و عطاء ... بقدر م تدي بقدر م تاخد ... و الزول م بعيش براهو و لا لو فرحت براك م ليهو طعم ... لازم تحب لاخوانك ذي نفسك و انه الزمن هو أهم شيء في الحياة ... صدقوني... يعني لو مثلا صرفت 3 ساعات في حضور فيلم قبل م تمتحن الشهادة م ذي تصرف 3 ساعات في الفيلم بعد الشهادة ... حضوره بعد الشهادة بكون مريح و انت منجز ... ف التوقيت في اختيار أولوياتك هو الشيء البفرق بالجد ...
*التوقيت هو كل شيء 🤍*
وأخيراً جملة البقولها للطلبة :" فرحة النجاح بتستحق كل لحظة تعب و ماف داعي انت تضيع نفسك عشان حاجة بتتلحق ... كله ملحوق ... و اخير شيء في عبارتين غيره حياتي
1. لقد خسر من ضيع فرحة حياته من اجل لحظة متعة
2. في طالب في واحدة من مدارس قال لي :
*"المواضيع دي كلها جايطة عندكم انتو بس، عند ربنا كلها مدبرة و مرتبة بقدر🤍."*
#تجمع_طلاب_صناع_المستقبل
#FMSG
#قصص_نابغين
*فقيد صيودك بالحبال الواثقة*
*فمن الحماقة ان تصيد غزالة*
*و تركتها بين البرية سائبة*
اما اذا تكلمنا عن الفصل .. فحدث و لا حرج 🔥 مستوى فصلنا كان مشجع شديد و أحلى حاجة انه الاول م معروف ... دائما كان في حماس عشان نعرف الاول منه و صراحة سنة تالت دي كانت متعة بالنسبة لي ... و كنا بنساعد بعض و م نبخل بالمعلومات على بعض نهائي و كنا كتلة واحدة صراحة واهلي كانو من اكبر الداعمين لي و صراحة كانوا واقفين وراي ..
المدرسة عندها دور في نسبة دي طبعا. .. وفرت لي البيئة المناسبة لتلقي المعلومات و لو احتجت لشيء كانت بتوفره و م قصروا نهائي- م ح اكضب و اقول انه مستواي كضب بصورة عامة ... لكن بنسبة لي كان موضوع الاذاعة دا مهم شديد ... يعني لو نزلت من 95 يبقى مشكلة نسبة لي ... ف كنت بحاول احافظ على على مستوى مع الزيادة
من الموجهات العامة البوجهها للطلاب هي مسألة ترتيب ترتيب الزمن؛ الزمن بالنسبة لي مهم شديد. ... و ليهو أثر قوي ... ف كل زول محتاج يعرف الزمن البنفع معاهو ... عن نفسي الصباح بدري و وقت العصر بعد الراحة ... ديل كنت بنجز فيهم سريع ... و القراية فيها ب10 اضعاف أحسن ...
واكيد أكيد الاكل الصحي مهم ... الزول م ممكن يقرأ و يركز و هو جعان شديد أو حتى شبعان شديد ... لازم تكون غذاءك كويس و م يكون عندك هم في انت اكلك كعب أو قليل .... المهم انه يكون كافي بالنسبة ليك.
من الحاجات البتأثر شديد عليك في ثالث الأصحاب. اصحابي و م ادراك م أصحابي 🥹🤍 انا بعزي نجاحي لاصحابي صراحة ... كمية الثقة الكانت عند اصحابي كانت اكتر مني ... حتى عندي صحبي اسمه عثمان محمد علي ... جاي من الجزيرة و سكن جمبنا .. زولي دا من بداية السنة واثق انه انا بجي أول الشهادة . و كل يوم كان يقولها لي و نحن راجعين ... و صراحة صاحب واحد مرة في عمر 🤍 ... و غيره... و أحمد الفاضل و كتار .... عشان كدا فلينظر احدكم من *يخالل* ..
برفه عن نفسي كيف !! صراحة مافيش هواية بس كنت بحب الرسم 😂 لكن حب ساي مافيش موهبة في الرسم لكن لازم ترفهو عن نفسكم شوية من الضغط.
بعيدا عن الاكاديميات فهمت انه الحياة أخذ و عطاء ... بقدر م تدي بقدر م تاخد ... و الزول م بعيش براهو و لا لو فرحت براك م ليهو طعم ... لازم تحب لاخوانك ذي نفسك و انه الزمن هو أهم شيء في الحياة ... صدقوني... يعني لو مثلا صرفت 3 ساعات في حضور فيلم قبل م تمتحن الشهادة م ذي تصرف 3 ساعات في الفيلم بعد الشهادة ... حضوره بعد الشهادة بكون مريح و انت منجز ... ف التوقيت في اختيار أولوياتك هو الشيء البفرق بالجد ...
*التوقيت هو كل شيء 🤍*
وأخيراً جملة البقولها للطلبة :" فرحة النجاح بتستحق كل لحظة تعب و ماف داعي انت تضيع نفسك عشان حاجة بتتلحق ... كله ملحوق ... و اخير شيء في عبارتين غيره حياتي
1. لقد خسر من ضيع فرحة حياته من اجل لحظة متعة
2. في طالب في واحدة من مدارس قال لي :
*"المواضيع دي كلها جايطة عندكم انتو بس، عند ربنا كلها مدبرة و مرتبة بقدر🤍."*
#تجمع_طلاب_صناع_المستقبل
#FMSG
#قصص_نابغين
❤46
تجمع طلاب صناع المستقبل - FMSG
عبقري! موهوب! عندك سرعة تحليل ومنطقية في ربط المفاهيم؟ دفعتك وأصحابك بقولو ليك اينشتاين الشلة؟ أكيد أكيد إنت من مبدعي مادة الرياضيات😎🔥 اساساً البزبط الرياضيات معناها باقي المواد زاابببطةةة👏🏻👏🏻🔥🔥 ماشيي وينن استنى!! عندنا اخوانا الممتحنين الشهادة السودانية محتاجين…
ماتنسو ياشباب شيرو الرابط على أوسع نطاق 🔥🔥
حنقفل الفورم بكرة الساعة ١٠ مساء
حنقفل الفورم بكرة الساعة ١٠ مساء
🔥 🔥 🔥 🔥 🔥 🔥 القصة الثالثة 🔥 🔥 🔥 🔥 🔥
طيب أول شيء السلام عليكم وعلى قلوبكم، أنا آمنة أحمد امتحنت سنة ٢٠٢٢م وأحرزت نسبة ٩٥.٤٪ ✨.
عاوزة احكي ليكم عن تجربتي اللطيفة جدًا مع تالت ..
بدايةً ما قبل تالت، في تانية ثانوي انا ما كنت الزولة الحفّارة ديك، ولا كانت تالتة ذات أهمية بالنسبة لي .. كنت بحس انها زيها زي أي سنة ..
فـ اختي الكبيرة وقدوتي لاحظت لامُبالاتي بالموضوع وقعدت تتكلم معاي بخصوص تالتة وبيّنت لي قدر شنو هي سنة مهمة .. وعرفت انو فعلاً انا لازم اجتهد فيها واجيب نسبة عالية .
نسبتي ف تانية ثانوي كانت أقل من المتوقع لكن الحاجة دي أبد ما احبطتني لا كمان شجعتني وحمستني اكتر .. حسيت انو لا لا يا آمنة دا ما مستواك، انتِ بتقدري تجيبي أعلى من كدا ..
حددت هدفي قبل ننزل تالتة انو لازم اجيب نسبة عالية لأسباب كتيرة، وأهمّها : افرّح اهلي التعبانين عشاني عمرهم كلو .. ما كتير عليهم انو اتعب عشانهم سنة واحدة بس .
بدت الدراسة ونزلت بكل شغف وحماس وانو انا لازم اجيب نسبة عالية ..
اي زول يسألني عايزة تتخصصي شنو ف الجامعة؟ بقول ليه ما عارفة بس عاوزة اجيب نسبة تخليني اخت رجل على رجل واقدّم .. عاوزة نسبة تخليني ادخل أي كلية فـ أي جامعة انا عاوزاها .. عاوزة نسبة تخليني اختار الجامعة مش نسبة تخلي الجامعة تختارني !
بداية السنة ما كان في ضغط شديد والحياة كانت وردية لكن معظم المواد خصوصًا المواد العلمية كانوا بيتشافوا لي صعبات .. لحد الشهر التاني حتى قدرت احل مشكلتي معاهم وكان عن طريق الحل الكتير بس .. تصدّقوا ؟ الناس ال ما مقتنعة بحكاية الحل الكتير .. الكهربية والمولارية ف الكيم، المغناطيسية والتوافقية والكهربية ف الفيز ..
الدائرة والتفاضل والتكامل ف الرياضيات ..
حلّيت مشكلتهم عن طريق حل امتحانات كتيرة بس!
ما تستهينوا بالنقطة دي أبدًا وحلّوا كتير شديد، حلّوووووووووا كتير شديد ..
درجاتي ف الامتحانات الشهرية كانت كويسة لكن انا زولة طمّاعة ما كانت مالية عيني، دايم بقول لنفسي :
لا لا انا بقدر اجيب اعلى من كدا ..
كنت بهتم بالامتحانات الشهرية والتجريبية وبحرص انو ما اغيب ابدًا ايام الامتحانات ودي نقطة مهمة عاوزاكم تركزوا فيها "خصوصًا اللي بيغيبوا ايام الامتحانات بحجة انهم عاوزين يقروا ف البيت" ..
انتوا محتاجين تمتحنوا وتغلطوا وتغلطوا وتغلطوا .. ما مهم تجيبوا كم ف الامتحان، المهم تحلوا وتغلطوا وتعرفوا غلطكم عشان تصححوه وتتفادوه بعدين، رجاءًا كونوا حريصين انو تمتحنوا اي امتحان .. الشيء دا بيفيدكم انتوا .
و ف نفس الوقت ما كنت بدي درجتي ف الامتحانات اهمية كبيرة .. اهم شي عندي كان اني امتحن واغلط، يعني بالمختصر الامتحانات كلها كنت بعتبرها تمرين بس احدد بيهو مستواي واعرف نقاط ضعفي وين عشان اقويها ونقاط قوتي وين عشان احافظ عليها ، ما كنت بخلي درجتي تحبطني لو ما كانت حلوة .. ولا كنت بتطمن واقول خلاص انا تمام لما تكون حلوة.
اسعوا واستمروا وما تفقدوا الامل مهما كانت درجاتكم ..
امتحانات الشهادة قربت ..
في الفترة دي كنت بحرص انو اقرا الفات قراية خفيفة ما تاخد زمن كتير " لانو انا already قارية من زمان وهسه دي تُعتبر مراجعة بس " .. ف اغلب اوقاتي كانت حل امتحانات ومراجعة الفات .
ولكن نفرض في حاجات كتيرة ما كنت قارياها من زمان واتزنقت ..
اول شي ما تتوتروا .. لو باقي للامتحانات اسبوعين الزمن لسه بيكفي ..
قولوا بسم الله وابدوا حبة حبة، شوفوا الحاجات ال ما مزبطنها شديد .. لو حاجة فهم ابحثوا عن شروحات ليها، اسألوا الاساتذة، شوفوا زمايلكم ال فاهمنها يشرحوها ليكم .
ولو حاجة حفظ زي سورة النور والقصايد ابدوا احفظوها ..
جهدكم مفروض يتضاعف اكتر .. لو بتقرا ساعة اقرا ساعتين ، لو بتقرا ساعتين اقرا ٤ ساعات ..
المهم اول شي حاولوا تنقذوا الحاجات ال ما واقعة ليكم وال ما زبطت معاكم من زمان ..
انقذتوا اموركم؟ يلا نبدا نقرا الفات قراية مراجعة خفيفة ..
اوعى ثم اوعى تقروا حاجة انتوا اصلاً قارينها كأنكم تقروها من اول مرة، ما تبدوا من الصفر ابدًا ! ..
حاجة بتعرفوها راجعوها مراجعة خفيفة .. زمنكم وجهدكم محسوبين عليكم ما تضيعوهم ف حاجات انتوا عارفنها !
وعاوزة احذركم كمان من الجري ورا الحصص والكورسات والمعسكرات وغيرهم .. سواءًا ايام المدرسة او قبل الامتحانات ، حاجة انتوا ما بتستفيدوا منها شديد ما تنضموا ليها .. زمنكم محسوب عليكم يخوانا، اعتمدوا على اساتذة مدرستكم وما تدخلوا معاهد وكورسات الا لو كنتوا جد جد محتاجين.
بدت امتحانات الشهادة .. ليه نتوتر وليه نخاف ؟
قرينا وساهرنا واجتهدنا وما قصرنا، ربنا حيضيّع تعبنا ؟ حاشاه كلا ..
طيب أول شيء السلام عليكم وعلى قلوبكم، أنا آمنة أحمد امتحنت سنة ٢٠٢٢م وأحرزت نسبة ٩٥.٤٪ ✨.
عاوزة احكي ليكم عن تجربتي اللطيفة جدًا مع تالت ..
بدايةً ما قبل تالت، في تانية ثانوي انا ما كنت الزولة الحفّارة ديك، ولا كانت تالتة ذات أهمية بالنسبة لي .. كنت بحس انها زيها زي أي سنة ..
فـ اختي الكبيرة وقدوتي لاحظت لامُبالاتي بالموضوع وقعدت تتكلم معاي بخصوص تالتة وبيّنت لي قدر شنو هي سنة مهمة .. وعرفت انو فعلاً انا لازم اجتهد فيها واجيب نسبة عالية .
نسبتي ف تانية ثانوي كانت أقل من المتوقع لكن الحاجة دي أبد ما احبطتني لا كمان شجعتني وحمستني اكتر .. حسيت انو لا لا يا آمنة دا ما مستواك، انتِ بتقدري تجيبي أعلى من كدا ..
حددت هدفي قبل ننزل تالتة انو لازم اجيب نسبة عالية لأسباب كتيرة، وأهمّها : افرّح اهلي التعبانين عشاني عمرهم كلو .. ما كتير عليهم انو اتعب عشانهم سنة واحدة بس .
بدت الدراسة ونزلت بكل شغف وحماس وانو انا لازم اجيب نسبة عالية ..
اي زول يسألني عايزة تتخصصي شنو ف الجامعة؟ بقول ليه ما عارفة بس عاوزة اجيب نسبة تخليني اخت رجل على رجل واقدّم .. عاوزة نسبة تخليني ادخل أي كلية فـ أي جامعة انا عاوزاها .. عاوزة نسبة تخليني اختار الجامعة مش نسبة تخلي الجامعة تختارني !
بداية السنة ما كان في ضغط شديد والحياة كانت وردية لكن معظم المواد خصوصًا المواد العلمية كانوا بيتشافوا لي صعبات .. لحد الشهر التاني حتى قدرت احل مشكلتي معاهم وكان عن طريق الحل الكتير بس .. تصدّقوا ؟ الناس ال ما مقتنعة بحكاية الحل الكتير .. الكهربية والمولارية ف الكيم، المغناطيسية والتوافقية والكهربية ف الفيز ..
الدائرة والتفاضل والتكامل ف الرياضيات ..
حلّيت مشكلتهم عن طريق حل امتحانات كتيرة بس!
ما تستهينوا بالنقطة دي أبدًا وحلّوا كتير شديد، حلّوووووووووا كتير شديد ..
درجاتي ف الامتحانات الشهرية كانت كويسة لكن انا زولة طمّاعة ما كانت مالية عيني، دايم بقول لنفسي :
لا لا انا بقدر اجيب اعلى من كدا ..
كنت بهتم بالامتحانات الشهرية والتجريبية وبحرص انو ما اغيب ابدًا ايام الامتحانات ودي نقطة مهمة عاوزاكم تركزوا فيها "خصوصًا اللي بيغيبوا ايام الامتحانات بحجة انهم عاوزين يقروا ف البيت" ..
انتوا محتاجين تمتحنوا وتغلطوا وتغلطوا وتغلطوا .. ما مهم تجيبوا كم ف الامتحان، المهم تحلوا وتغلطوا وتعرفوا غلطكم عشان تصححوه وتتفادوه بعدين، رجاءًا كونوا حريصين انو تمتحنوا اي امتحان .. الشيء دا بيفيدكم انتوا .
و ف نفس الوقت ما كنت بدي درجتي ف الامتحانات اهمية كبيرة .. اهم شي عندي كان اني امتحن واغلط، يعني بالمختصر الامتحانات كلها كنت بعتبرها تمرين بس احدد بيهو مستواي واعرف نقاط ضعفي وين عشان اقويها ونقاط قوتي وين عشان احافظ عليها ، ما كنت بخلي درجتي تحبطني لو ما كانت حلوة .. ولا كنت بتطمن واقول خلاص انا تمام لما تكون حلوة.
اسعوا واستمروا وما تفقدوا الامل مهما كانت درجاتكم ..
امتحانات الشهادة قربت ..
في الفترة دي كنت بحرص انو اقرا الفات قراية خفيفة ما تاخد زمن كتير " لانو انا already قارية من زمان وهسه دي تُعتبر مراجعة بس " .. ف اغلب اوقاتي كانت حل امتحانات ومراجعة الفات .
ولكن نفرض في حاجات كتيرة ما كنت قارياها من زمان واتزنقت ..
اول شي ما تتوتروا .. لو باقي للامتحانات اسبوعين الزمن لسه بيكفي ..
قولوا بسم الله وابدوا حبة حبة، شوفوا الحاجات ال ما مزبطنها شديد .. لو حاجة فهم ابحثوا عن شروحات ليها، اسألوا الاساتذة، شوفوا زمايلكم ال فاهمنها يشرحوها ليكم .
ولو حاجة حفظ زي سورة النور والقصايد ابدوا احفظوها ..
جهدكم مفروض يتضاعف اكتر .. لو بتقرا ساعة اقرا ساعتين ، لو بتقرا ساعتين اقرا ٤ ساعات ..
المهم اول شي حاولوا تنقذوا الحاجات ال ما واقعة ليكم وال ما زبطت معاكم من زمان ..
انقذتوا اموركم؟ يلا نبدا نقرا الفات قراية مراجعة خفيفة ..
اوعى ثم اوعى تقروا حاجة انتوا اصلاً قارينها كأنكم تقروها من اول مرة، ما تبدوا من الصفر ابدًا ! ..
حاجة بتعرفوها راجعوها مراجعة خفيفة .. زمنكم وجهدكم محسوبين عليكم ما تضيعوهم ف حاجات انتوا عارفنها !
وعاوزة احذركم كمان من الجري ورا الحصص والكورسات والمعسكرات وغيرهم .. سواءًا ايام المدرسة او قبل الامتحانات ، حاجة انتوا ما بتستفيدوا منها شديد ما تنضموا ليها .. زمنكم محسوب عليكم يخوانا، اعتمدوا على اساتذة مدرستكم وما تدخلوا معاهد وكورسات الا لو كنتوا جد جد محتاجين.
بدت امتحانات الشهادة .. ليه نتوتر وليه نخاف ؟
قرينا وساهرنا واجتهدنا وما قصرنا، ربنا حيضيّع تعبنا ؟ حاشاه كلا ..
❤24🔥2🤩1
نوموا بدري عشان تمشوا للامتحان مصحصحين،
احرصوا تكونوا ماكلين كويس .. ما تمشوا وبطنكم فاضية، خلوا معنوياتكم فُل وما تعملوا للامتحان قومة وقعدة ..
فعلاً الحاجات البسيطة دي بتفرق، والعامل النفسي بيأثر شديد ف شغلك بعدين ف الامتحان .
واهم شيء ما تفتحوا اي كتاب قبل الامتحان بـ ساعة على الاقل، ال ما قريتوا طول السنة ما حيتقري ليك قبل الامتحان بـ ساعة .. غير انو الحاجة دي ما بتعمل شيء الا تزيد توترك وتطير ليك المعلومات الفاتت ، سو اتفقنا ؟ قبل الامتحان ما نراجع المادة.
وف الختام عاوزة اقول ليكم انو عيشوا تالتة دي بـ كُل حماس وشغف وسعادة، ما تخلوها سنة كلها نكد وزهج وسلبية .. صدقوني دي سنة من احلى سنين حياتكم، اجتهدوا واتعبوا وعافروا وبرضو كونوا إيجابيين وسعيدين فيها .. موّفقين يا اوائل الشهادة💘💘.
#تجمع_طلاب_صناع_المستقبل
#FMSG
#قصص_نابغين
احرصوا تكونوا ماكلين كويس .. ما تمشوا وبطنكم فاضية، خلوا معنوياتكم فُل وما تعملوا للامتحان قومة وقعدة ..
فعلاً الحاجات البسيطة دي بتفرق، والعامل النفسي بيأثر شديد ف شغلك بعدين ف الامتحان .
واهم شيء ما تفتحوا اي كتاب قبل الامتحان بـ ساعة على الاقل، ال ما قريتوا طول السنة ما حيتقري ليك قبل الامتحان بـ ساعة .. غير انو الحاجة دي ما بتعمل شيء الا تزيد توترك وتطير ليك المعلومات الفاتت ، سو اتفقنا ؟ قبل الامتحان ما نراجع المادة.
وف الختام عاوزة اقول ليكم انو عيشوا تالتة دي بـ كُل حماس وشغف وسعادة، ما تخلوها سنة كلها نكد وزهج وسلبية .. صدقوني دي سنة من احلى سنين حياتكم، اجتهدوا واتعبوا وعافروا وبرضو كونوا إيجابيين وسعيدين فيها .. موّفقين يا اوائل الشهادة💘💘.
#تجمع_طلاب_صناع_المستقبل
#FMSG
#قصص_نابغين
❤20🔥3