*" الانجازات دي حاجه نسبيه انت بس البتحددها .."*
مرات بيكون الانجاز انك تصحى الصباح وتقاوم الشعور بالالم او عدم الرغبه في انك تصحى .. ومرات بيكون الانجاز انك تكون جاري ومتمسك وساعي في حاجات ماف زول غيرك مؤمن بيها .. ومرات بيكون الانجاز انك تستمر في المحاولة في الوقت الكل الظروف الحولك بتقول ليك وقف .. ومرات بيكون الانجاز انك تكون قادر ترسم ابتسامه علي وجهك في الوقت القلبك فيهو بيتألم .. او انك تقول كلمه وتطيب بيها خاطر زول او تجبر خاطر وانت اكتر زول محتاج اليطيب خاطرك ..
*" ما كل الانجازات الناس بشوفوها ويقدروها بس ده ما بيقلل ابد من كونها انجازات عظيمة .."*♥️🔕
#FMSG
#تجمع_طلاب_صناع_المستقبل
مرات بيكون الانجاز انك تصحى الصباح وتقاوم الشعور بالالم او عدم الرغبه في انك تصحى .. ومرات بيكون الانجاز انك تكون جاري ومتمسك وساعي في حاجات ماف زول غيرك مؤمن بيها .. ومرات بيكون الانجاز انك تستمر في المحاولة في الوقت الكل الظروف الحولك بتقول ليك وقف .. ومرات بيكون الانجاز انك تكون قادر ترسم ابتسامه علي وجهك في الوقت القلبك فيهو بيتألم .. او انك تقول كلمه وتطيب بيها خاطر زول او تجبر خاطر وانت اكتر زول محتاج اليطيب خاطرك ..
*" ما كل الانجازات الناس بشوفوها ويقدروها بس ده ما بيقلل ابد من كونها انجازات عظيمة .."*♥️🔕
#FMSG
#تجمع_طلاب_صناع_المستقبل
❤28
"ياخ الهندسية هيبة 😎
لكن برضوا كلمة دكتور قدام إسمك دي الهيبة زاتها تمشي على رجلين "
منو فينا ما سمع بمصطلح كليات القمة؟ وإنه أحسن الزول يقرأ هندسة أو طب؟
المصطلحات دي شائعة وبتعكس صورة غلط عن الواقع لأنه جميع التخصصات بنفس الأهمية لأنه مثلاً مهما المهندس بقى مبدع بتجي ملاريا ساي تجهجهو و هنا بيحتاج للدكتور والدكتور براه ما بشتغل بدون وجود تقني المختبرات و الصيدلي وفي بعض الحالات بيحتاج لتواجد الممرض..
فالحكاية وما فيها إن الدنيا مليانة تخصصات وكل تخصص عنده ميزة بتميزه عن التخصص التاني وكل التخصصات بنفس القدر والأهمية بس يبقى السؤال كيف إنت تبدع في تخصصك
منتظرين أسئلتكم وتعليقاتكم الظابطة عن تخصصاتكم وجمالها..
ودمتم بخير وصحة 💚✨
#تجمع_طلاب_صناع_المستقبل
#FMSG
لكن برضوا كلمة دكتور قدام إسمك دي الهيبة زاتها تمشي على رجلين "
منو فينا ما سمع بمصطلح كليات القمة؟ وإنه أحسن الزول يقرأ هندسة أو طب؟
المصطلحات دي شائعة وبتعكس صورة غلط عن الواقع لأنه جميع التخصصات بنفس الأهمية لأنه مثلاً مهما المهندس بقى مبدع بتجي ملاريا ساي تجهجهو و هنا بيحتاج للدكتور والدكتور براه ما بشتغل بدون وجود تقني المختبرات و الصيدلي وفي بعض الحالات بيحتاج لتواجد الممرض..
فالحكاية وما فيها إن الدنيا مليانة تخصصات وكل تخصص عنده ميزة بتميزه عن التخصص التاني وكل التخصصات بنفس القدر والأهمية بس يبقى السؤال كيف إنت تبدع في تخصصك
منتظرين أسئلتكم وتعليقاتكم الظابطة عن تخصصاتكم وجمالها..
ودمتم بخير وصحة 💚✨
#تجمع_طلاب_صناع_المستقبل
#FMSG
❤35🔥5🤩1
#قصة كفاح للبطلة أمل الوليد عثمان.
»طالبة متفوقة في المساق الأدبي وأحرزت 92.7.
»جلست لامتحان الشهادة الثانوية بتاريخ٢٠٢٠_٢٠٢١.
»طالبة في كلية القانون جامعة الخرطوم.
انتظرونا بعد لحظات باذن الله.
»طالبة متفوقة في المساق الأدبي وأحرزت 92.7.
»جلست لامتحان الشهادة الثانوية بتاريخ٢٠٢٠_٢٠٢١.
»طالبة في كلية القانون جامعة الخرطوم.
انتظرونا بعد لحظات باذن الله.
❤5🔥5
بسم الله الرحمن الرحيم
اسمي: امل الوليد عثمان فرج
النسبة :92.7 % والحمد لله كثيرا مباركا
المساق: الأدبي
انا حكون معاكم بسيطة في قصتي دي لانو انا مابعتبر نفسي فعليا عملت انجاز
طيب الموضوع كلو يا شباب تحديد خطة انت عايز تكون شنو!! ...دي أهم حاجة ماتقول بدخل الحاجة البتدخلني ليها نسبتي انت بتحدد تدخل ياتو جامعه وياتو تخصص وماتخاف لو عندك تخبط حالي بين التخصصات أو المجالات حاجة عادية لانو انت لسه في مرحلة شباب وبتكون عندك أفكار كتيرة عن المستقبل على الاقل لازم يكون عندك خطه قصيره المدى عشان تبني عليها خطتك بعيدة المدى وتوصل لأنك تكون من الناس العظماء البدخلو التاريخ حا اديكم مثال بسيط من نفسي طبعا انا اتدرجت في الثانوي بين مدرستين.. السنتين الأوائل قريتهم في مدرسة اسماء عبد الرحيم الحكومية سابقا (حاليا البقعه) والفترة دي بدأ فيها تكون شخصيتي وفكري الحالي .. اول ما دخلت لقيت نفسي مايلة شديد للمواد الأدبية هنا القصه الغريبه انو انا من كنت في الروضه كنت بقول لي اهلي اني عايزة اكون بعدين دكتورة إسنان حسب الصورة النمطيه العندنا كلنا كسودانيين وخلعه الدكتور لحد ما دخلت الثانوي واصطدمت بالواقع المرير 🤣والصراحه يعني كنت بكره الكيمياء شديد.. بدري من سنة اولى عرفت انو العلمي ما مجالي لكن اتخبطت التخبط القلتو ليكم ده يعني فكرت في الحاسوب وفي مجالات كتيرة قبل ما اثبت على الأدبي ..المهم المكان الأنا مرتاحه فيه وحا اقرا وانا حابة القراية ما مجبورة عليها وطبعا كنت حاجة غريبة في مدرستي
بعدها نسبة لظروف كتييرة انتقلت لمدرسة ابو ذر الكودة وطبعا دي الحاجة الكانت احسن لي بكتير واقرب لي سكني وغير ظروف مدرسة اسماء من تغييرات كبيرة في الإدارة والأستاذة.... المهم اني قريت مع ابو ذر كورس تالت أدبي.. هنا يا شباب كانت نقطه التحول يعني زول في عمره كله ماحصل جاب تسعين زاتو أعلى درجة كنت بجيبها ٨٧% دا لمن اكون كاااربه المواد اتخيلو نتيجة الكورس تقريبا كانت ٩١% هنا عرفت اني اخترت صاح وفعليا كنت في خلال السنة خالص مابنزل من ال ٩٢% لانو الموضوع كان حلو جددا والقراية كانت ممتعه بالرغم من ضغطه قراية مدرسه الكودة والامتحانات الكتيرة والمعسكرات والورق والاحباط والحصص الصباحيه كنا ناس حرفيا منفصلين من العالم ودي ما الحاجة الأنا بنصح بيها لكن حسب سياسه المدرسه.. (بنصح بي انو الزول يفرق عن نفسو شوية كل فترة ان شاء الله بي قعدات الاهل) المهم انو فعليا انضغطنا والمدرسة ما حوجتنا لي انو نطلع حصص بره (الحصص البره دي بتجوط الراس لان كل استاذ عندو طريقته ) لكن مهما المدرسه عملت ليك قرار انك تجيب درجه عالية دا بجي منك انت لازم الزول يجتهد ويقرا ويعيد وما يركز على مادة واحدة لانها صعبة مثلا ..يدي كل ماده حقها ويحل امتحانات كتييرة أهم شي عشان الطريقة بعد كل امتحان يشوف نقاط ضعفه يراجعها والحتات الما مركزها في المقرر يركزها الحاجة دي صععبه لكن فرحة النجاح فعليا بتستاهل
طبعا انحنا كنا اول دفعه تمتحن الأدب الإنجليزي وكان حاجة متخوفين منها شديد لكن الحمد لله جبت فيه الدرجة الكاملة برضو ما كنت مرتاحة مع الدرسات وقررت ادخل ادب انجليزي مادة جميلة وسهلة
لمن جات النتيجه انا زولة صراحة متوقعه اتذاع بعد تعبي دا كلو لكن للأسف خذلني الإنجليزي العام جبت فيه بطريقه غير متوقعه ٨٣ لكن برضو فرحت بنتيجتي لانو كنت خاتة لي نفسي اني مستحيل انزل من التسعين.. والان انا بقرا في كليه القانون جامعه الخرطوم وبرضو لأنها المكان المرتاحه فيه وقررت ادخلها بعد تفكير وبحث ومشيت عرفت عن المجالات كلها حتوديني وين ومجال شغلي حيكون شنو ولقيتها بتتفق مع أفكاري ومعتقداتي وانو انا عايزة اعمل شنو لي قدام
طولت عليكم لكن الحاجة الدايرة اقولها انو ابدا الأدبي ما مجال ساهل وخياراته وقرايته للزول الراغب حاجة صعبة ..في الثانوي أو الجامعه وابدا الزول ما يخت لي نفسو الحاجة البسيطة... ولا زول يحبطك يقول ليك دي ما قراية ليكم ولا حاجة ولا هو مجال حفظ فعليا زي ما الناس مفتكره محتاج كل الجوانب تفهم، تحلل ،تربط، تحفظ ،تحل وتعيد ومحتاج معلومات خارجية لأنها دايما بتجي في امتحانات الجغرافيا بالذات
وبالمناسبة مستقبل السودان كله في يد الناس الادبيه يعني الدكتور أو المهندس ببقا لي روحو لكن انت ياسيدي حتبقى وزير ،سفير، وكيل نيابة، قاضي،محامي، محلل سياسي،محلل اقتصادي ، محاسب،بنكي، مدير، مسوق ... وغيرها كتير أعمال بتمشي الدولة
انت المستقبل!!!
والسودان فعليا محتاج لينا ❤️
ختاما ربنا يوفقكم وما تشوفو الا الخير في نتايجكم وتحصدو الزرعتوه وإن شاء الله نشوفكم في أعلى المراكز🙏🏽
اسمي: امل الوليد عثمان فرج
النسبة :92.7 % والحمد لله كثيرا مباركا
المساق: الأدبي
انا حكون معاكم بسيطة في قصتي دي لانو انا مابعتبر نفسي فعليا عملت انجاز
طيب الموضوع كلو يا شباب تحديد خطة انت عايز تكون شنو!! ...دي أهم حاجة ماتقول بدخل الحاجة البتدخلني ليها نسبتي انت بتحدد تدخل ياتو جامعه وياتو تخصص وماتخاف لو عندك تخبط حالي بين التخصصات أو المجالات حاجة عادية لانو انت لسه في مرحلة شباب وبتكون عندك أفكار كتيرة عن المستقبل على الاقل لازم يكون عندك خطه قصيره المدى عشان تبني عليها خطتك بعيدة المدى وتوصل لأنك تكون من الناس العظماء البدخلو التاريخ حا اديكم مثال بسيط من نفسي طبعا انا اتدرجت في الثانوي بين مدرستين.. السنتين الأوائل قريتهم في مدرسة اسماء عبد الرحيم الحكومية سابقا (حاليا البقعه) والفترة دي بدأ فيها تكون شخصيتي وفكري الحالي .. اول ما دخلت لقيت نفسي مايلة شديد للمواد الأدبية هنا القصه الغريبه انو انا من كنت في الروضه كنت بقول لي اهلي اني عايزة اكون بعدين دكتورة إسنان حسب الصورة النمطيه العندنا كلنا كسودانيين وخلعه الدكتور لحد ما دخلت الثانوي واصطدمت بالواقع المرير 🤣والصراحه يعني كنت بكره الكيمياء شديد.. بدري من سنة اولى عرفت انو العلمي ما مجالي لكن اتخبطت التخبط القلتو ليكم ده يعني فكرت في الحاسوب وفي مجالات كتيرة قبل ما اثبت على الأدبي ..المهم المكان الأنا مرتاحه فيه وحا اقرا وانا حابة القراية ما مجبورة عليها وطبعا كنت حاجة غريبة في مدرستي
بعدها نسبة لظروف كتييرة انتقلت لمدرسة ابو ذر الكودة وطبعا دي الحاجة الكانت احسن لي بكتير واقرب لي سكني وغير ظروف مدرسة اسماء من تغييرات كبيرة في الإدارة والأستاذة.... المهم اني قريت مع ابو ذر كورس تالت أدبي.. هنا يا شباب كانت نقطه التحول يعني زول في عمره كله ماحصل جاب تسعين زاتو أعلى درجة كنت بجيبها ٨٧% دا لمن اكون كاااربه المواد اتخيلو نتيجة الكورس تقريبا كانت ٩١% هنا عرفت اني اخترت صاح وفعليا كنت في خلال السنة خالص مابنزل من ال ٩٢% لانو الموضوع كان حلو جددا والقراية كانت ممتعه بالرغم من ضغطه قراية مدرسه الكودة والامتحانات الكتيرة والمعسكرات والورق والاحباط والحصص الصباحيه كنا ناس حرفيا منفصلين من العالم ودي ما الحاجة الأنا بنصح بيها لكن حسب سياسه المدرسه.. (بنصح بي انو الزول يفرق عن نفسو شوية كل فترة ان شاء الله بي قعدات الاهل) المهم انو فعليا انضغطنا والمدرسة ما حوجتنا لي انو نطلع حصص بره (الحصص البره دي بتجوط الراس لان كل استاذ عندو طريقته ) لكن مهما المدرسه عملت ليك قرار انك تجيب درجه عالية دا بجي منك انت لازم الزول يجتهد ويقرا ويعيد وما يركز على مادة واحدة لانها صعبة مثلا ..يدي كل ماده حقها ويحل امتحانات كتييرة أهم شي عشان الطريقة بعد كل امتحان يشوف نقاط ضعفه يراجعها والحتات الما مركزها في المقرر يركزها الحاجة دي صععبه لكن فرحة النجاح فعليا بتستاهل
طبعا انحنا كنا اول دفعه تمتحن الأدب الإنجليزي وكان حاجة متخوفين منها شديد لكن الحمد لله جبت فيه الدرجة الكاملة برضو ما كنت مرتاحة مع الدرسات وقررت ادخل ادب انجليزي مادة جميلة وسهلة
لمن جات النتيجه انا زولة صراحة متوقعه اتذاع بعد تعبي دا كلو لكن للأسف خذلني الإنجليزي العام جبت فيه بطريقه غير متوقعه ٨٣ لكن برضو فرحت بنتيجتي لانو كنت خاتة لي نفسي اني مستحيل انزل من التسعين.. والان انا بقرا في كليه القانون جامعه الخرطوم وبرضو لأنها المكان المرتاحه فيه وقررت ادخلها بعد تفكير وبحث ومشيت عرفت عن المجالات كلها حتوديني وين ومجال شغلي حيكون شنو ولقيتها بتتفق مع أفكاري ومعتقداتي وانو انا عايزة اعمل شنو لي قدام
طولت عليكم لكن الحاجة الدايرة اقولها انو ابدا الأدبي ما مجال ساهل وخياراته وقرايته للزول الراغب حاجة صعبة ..في الثانوي أو الجامعه وابدا الزول ما يخت لي نفسو الحاجة البسيطة... ولا زول يحبطك يقول ليك دي ما قراية ليكم ولا حاجة ولا هو مجال حفظ فعليا زي ما الناس مفتكره محتاج كل الجوانب تفهم، تحلل ،تربط، تحفظ ،تحل وتعيد ومحتاج معلومات خارجية لأنها دايما بتجي في امتحانات الجغرافيا بالذات
وبالمناسبة مستقبل السودان كله في يد الناس الادبيه يعني الدكتور أو المهندس ببقا لي روحو لكن انت ياسيدي حتبقى وزير ،سفير، وكيل نيابة، قاضي،محامي، محلل سياسي،محلل اقتصادي ، محاسب،بنكي، مدير، مسوق ... وغيرها كتير أعمال بتمشي الدولة
انت المستقبل!!!
والسودان فعليا محتاج لينا ❤️
ختاما ربنا يوفقكم وما تشوفو الا الخير في نتايجكم وتحصدو الزرعتوه وإن شاء الله نشوفكم في أعلى المراكز🙏🏽
❤38
جيناكم الليلة مع ضيف جديد ومميز جدا🔥🔥🔥🔥
جهزوا أسئلتكم من بدري ❤️
جهزوا أسئلتكم من بدري ❤️
❤5
https://forms.gle/9JEjgi76JpxHVt9ZA
الاستمارة تدعو إلى حوجة في #إدارة_شؤون_الطلاب إلى متطوعين في قسم #تنظيم_أوراق_العمل_لطلاب_الشهادة.
نرجو الانضمام لمن يأنس في نفسه الروح، ومشاركة الاستمارة لمن لم يستطع.
#تجمع_طلاب_صناع_المستقبل
#fmsg
الاستمارة تدعو إلى حوجة في #إدارة_شؤون_الطلاب إلى متطوعين في قسم #تنظيم_أوراق_العمل_لطلاب_الشهادة.
نرجو الانضمام لمن يأنس في نفسه الروح، ومشاركة الاستمارة لمن لم يستطع.
#تجمع_طلاب_صناع_المستقبل
#fmsg
🔥4