https://t.me/kemyafmsg?livestream=070be4c553212ca012

بدأ 🔥 🔥 🔥 🔥

من اهم الحاجات البنحتاجها نحنا كمجتمع طلاب دعم معنوي و تحفيز دائم ، وفي ظل الظروف و الاوضاع البنمر بيها من افضل الحاجات انو التحفيز دا يجي من شخص عارف بي بالمجال ، و بذات دا لو كان المجال دا من احد رغباتنا ، يلا يا اخوان اجمعوا هنا سريع 🏃🏻و ما تفوتوا اللقاء التحفيزي مع :
الطيب محمد الطيب
•طلاب في السنة الرابعة كلية طب و جراحة كلية نبته
•رئيس رابطة طلاب الطب و الجراحة بكلية نبته(NCMSA)
•نائب المدير التنفيذي لمنظمة قوم الخيرية
•مدرب مصمم جرافيك
•مسؤول الاعلام للعديد من المنظمات
•مقدم للعديد من الورش في المجالات(الطب، تطوير الذات و التحفيز ، الاعلام و التسويق الالكتروني و غيرها من المجالات الاخري)
يلا كلكم ما تفوت عليكم الفرصة و اللقاء التحفيزي ما لطلاب طب بس كل المجالات ممكن تجوا و تسفيدوا 💜

جاهزون لحلقة اليوم؟ 🔥 🔥

بنحب نقول ليكم بعد طول انتظار ح نفتح استمارة التقديم لكل مكتب وقسم موجود في التجمع، إنت العليك شنو؟
تقدم بس.
- طيب وين؟
في أي مكان شايف نفسك فيهو.
- طيب حلو
بس اتأكد ح تكون المعاينات نار 🔥 عشان كدة جهز نفسك ورتب حالك كويس لأن الجاي دا عظيم جداََ اتفقنا؟
- اتفقنا.

اقل من ساعه تفصلنا عن اظبط لقاء مع دكتور الطيب محمد 🤩🤩🤩..

https://docs.google.com/forms/d/e/1FAIpQLSeHuAODYjQ_6OsCiGgGghiuDoq5Jzyurohf8ZRemF3l1-l1Sw/viewform?usp=sf_link


استمارة التقديم لمعلمي الأدبي.
بتمنى الناس تشارك الاستمارة دي عشان في حوجة ملحة لمدرسين أدبي.

بسم الله الرحمن الرحيم

مهم 📍

بعد أجراء المعاينات على المتقدمين لمناصب مكتب البحث والتخطيط تم إختيار الاتية أسماءهم للمناصب الاتي:

١- علا محمد
مديرا لمكتب البحث والتخطيط للتجمع.

٢-مزن طارق
نائبا لمكتب البحث والتخطيط بالتجمع .

على أن يكون : عمر عادل مستشارا للمكتب .

وسيتم الاعلان عن بقية المكاتب بالتتابع .

نسأل الله لهم التوفيق والسداد .
المكتب التنفيذي ٢٠٢٢م -٢٠٢٣ م

كما نذكركم ان التقديم لا يزال متاح الان للمتطوعين بالتدريس للقسم الادبي في المواد :
الرياضيات الاساسية .
التأريخ .
الجغرافيا.
الدراسات الإسلامية .
الادب الانجليزي.

والله في عون العبد ما كان العبد في عون أخيه .

قدم الان :
https://docs.google.com/forms/d/e/1FAIpQLSeHuAODYjQ_6OsCiGgGghiuDoq5Jzyurohf8ZRemF3l1-l1Sw/viewform?usp=sf_link

مصادر تؤكد أن إذاعة نتيجة الشهادة السودانية لهذا العام يوم الخميس بإذن الله.

نتمنى لكم نجاحاََ مبهراََ إن شاء الله.

كمان ببنوه إلى أن التجمع سيفتح مكتباََ لتقديمات الدراسة خارج البلاد على أن تكون الدول الأكثر ولوجاََ من الطلاب ك: تركيا، مصر، روسيا، قبرص، ماليزيا والهند إن شاء الله نقدر نخدمكم فيها.

#تجمع_طلاب_صناع_المستقبل

"ما أصابك لم يكن ليُخطئك وما أخطأك لم يكن ليصيبك"

من منطلق المقولة دي بنقول ليكم، قبل ما تتم ولادتكم كتب الله مقاديركم وأرزاقكم، فمنكم من هو سعيد برزقه ومنكم من يظن أنه ظُلم.

اعلم أن كله بيد الله، مقدرين خوفكم من النتائج غير المرادة بس دا قدركم وإنتو سعيتوا بكل قدرتكم، تاني عليكم شنو؟ ترضوا بيها سواء كانت كويسة أو لا ببساطة لأن دي قسمتكم.

‏قال أحد الصالحين : "إني إذا دعوت االله فاستجاب لي فرحت مرة وإذا لم يستجب فرحت عشر مرات، قالوا له: لماذ؟ قال إذا استجاب لي فيكون هذا اختياري وإذا لم يستجب فيكون أمر قد اختاره الله لي"

فثِقوا بالله الذي لا يضيع أحد من عباده.

#تجمع_طلاب_صناع_المستقبل

http://result.sd/

الرابط الرسمي لاستعلام نتيجة الشهادة السودانية ٢٠٢٢م
قد يكون بالموقع ضغط في الدقائق الاولى من النتيجة
يارب توفيقك يالله 🤍
دعواتنا معاكم ربنا يكتبلكم الخير دائما

#تجمع_طلاب_صناع_المستقبل 💛💛

السلام عليكم يا شباب
إزيكم وكيف حالكم وأحوالكم ؟! 😂
عارفين الوضع صعب شديد والتوتر وغيرو وحاجات كدة ما بتتوصف 😂
لكن عاوزين نطمئنكم بحاجة صغنونة كدة
هي إنو النتيجة ما بتحدد إنت منو ولا بتحدد فشلك ونجاحك ولا بتحدد أي حاجة في مستقبلك
وأي حاجة ح تحصل وأي نسبة ح تجي فهي لخير لينا وزي ما نحن عارفين إنو (أمْر المؤمِن كله خير )
ف إنتو سعيتو وتعبتو واجتهدتو وعملتو العليكم والباقي حسن تدبير من ربنا ❤️
وربنا عارف البشبهنا والما بشبهنا ❤️
وهو عارف نحن ح ننفع وين وما حننفع وين عارف ميزاتنا ممكن تصلُح وين وممكن ما تصلُح وين وكلنا البشر ربنا خلقنا بمميِّزات مختلفة عن بعض وبميولات ورغبات مختلفة عن بعض وكل واحد فينا مميَّز في حاجة معينه ❤️

فشنو النَّاس ما تتوتر وما تتجرَّس وما تخاف وافرحوا بأيِّ نتيجة جاتكم وزغرتو واملوا البيت والحي والشارع فرح وفرِّحو ناس بيتكم وفرِّحونا معاكم ❤️
وتذَّكروا أنَّ الله أعلَم بما يُشبهنا ❤️

وإنو عارف نحن ممكن نكون رهيبين ف ياتو مجال ❤️

والخيرة فيما اختاره الله لنا
ما تزعلوا ما تزعلوا ما تزعلوا مائة مرة 😂 شفتوا مائة دي ما تزعلوا بس 🤣

واتذكروا برضو النجاح ما طب وهندسة ❤️
في رعاية الله ومستنيِّن نسمع زغاريتكم 😉🤍

#تجمع_طلاب_صناع_المستقبل

#نحن_هنا_من_أجلكم

https://youtu.be/ufYUB7baUl4

رابط المؤتمر الصحفي للناس الكهربتها قاطعة نحضر مع بعض😂🔥

متوترين زيكم إن شاء الله نتيجة سمحة تفرحنا.

مدرسة تجمع طلاب صناع المستقبل من العشرة الأوائل بس الوزير قال ماف داعي نذكر التجمع لأن مجاني😅، فالسادس مشترك من داخل فصول التجمع.🔥❤️

سمعونا مبارك يلا 🔥 🔥 🔥 🔥

قلنا ليكم إن شاء الله السنة ح نشارك في العشرة الأوائل وها هي البشارة.


علا محمد نصرالدين بنسبة بلغت ٩٧.٤

أها جاهزون؟ 🔥 🔥


جاهزون يا ناس؟ 🔥 🔥 🔥 🔥

هل أنتم جاهزون؟ 🔥 🔥 🔥 🔥 🔥 🔥

عايزين نشوف حماسكم قدر شنو 😂

عندك مشكلة في مادة معينة؟
ما قادر على رسوم المدرسة العالية وخايف تجيب درجة ضعيفة؟
منطقتك ما فيها أساتذة كويسين؟

عندنا ليك الحل للعام الرابع على التوالي قنوات تجمع طلاب صناع المستقبل، السنة الأولى غطت ما يقارب ال ٢٠ ألف طالب كانت تحت مسمى "#مجموعات_الإسناد_الأكاديمي" أما السنة التانية فكان أكتر من ٣٠ ألف طالب من بينهم اتنين اتذاعوا ولله الحمد.
والسنة إن شاء الله مأملين في إذاعة أكتر من اتنين..
والسنة ما شاء الله نتائج تشرف والله.
السنة الجاية إن شاء الله نتائج بعد ننشر الكتاب اللي طال انتظارو ونكثف الجهود ح نبلغ نجاح باهر بإذن الله.

ثم السنة (العام البادئ يداب) ح نشتغل شغل أفضل عشان عايزين نشوفنا في العشرة الأوائل 🌚

إنت كل العليك خش لو ممتحن ولو لا اعمل شير وكا تحرم أخوانك..

قنوات تجمع طلاب صناع المستقبل الرسمية لتدريس مقرر الشهادة السودانية المجانية..

التدريس سيكون شرح بأبسط طريقة بحيث يستفيد كل الطلاب، معنا بإذن الله أفاضل الأساتذة والطلاب اللي ح يشرحوا.

قناة التربية الإسلامية
https://t.me/islamiafmsg

قناة اللغة العربية
https://t.me/arabifmsg

قناة اللغة الإنجليزية
https://t.me/englishfmsg

قناة الرياضيات
https://t.me/mathfmsg

قناة الرياضيات الأساسية
https://t.me/mathasaciafmsg

قناة الفيزياء
https://t.me/fizyafmsg

قناة الكيمياء
https://t.me/kemyafmsg

قناة الأحياء
https://t.me/ahyaafmsg

قناة الحاسوب
https://t.me/coputerfmsg

قناة الهندسية
https://t.me/engineeringfmsg

قناة الجغرافيا
https://t.me/gojrafiafmsg

قناة التاريخ
https://t.me/historyfmsg

قناة الدراسات
https://t.me/derasatfmsg

قناة الأدب الإنجليزي
https://t.me/englishadabfmsg

قناة التحفيز
https://t.me/stimulationfmsg

قناة التجمع الأم
https://t.me/sdfmsg

بكرة عندنا لايف تتوقعوا يكون عن شنو؟ 🤔🤔