تجمع طلاب صناع المستقبل - FMSG

1.27K views08:39

التعليم في البلاد مشكلة تعاظمت كيف يمكن حلها؟

طبعاً كلنا شفنا أسعار المدارس الخُرافية دي، هو إذا كانت جودة التعليم عالية وكفاءات محترمة مهنة التدريس ومسؤولين ذوي همة تجاه وظائفهم، القروش ما كتيرة، يعني أنا أو إنت أو نحن لما ندفع وبنكون على يقين إنو قروشنا دي دفعناها عن رضى تام وقناعة تامة، كمان بنكون على راحة كاملة إنو مهما دفعنا أو ح ندفع مقابل التعليم أو العلم يستحق.

ولكن لما تكون الشهادة ما بتساوي شيء ولما البلد تكون مغزيّة بالجُهلاء الشغالين أهم المناصب والوظائف في البلد والخريجين أصحاب الشهادات والخبرات يخدموهم ويشتغلوا على ظلالهم؛ يبقى نحن هنا نخت خطوط عريضة للمسألة دي.

نحن هنا ما جايين نحل مشكلة، ولا جايين نقول أي جديد، العايزين نقولو هو إنو عندنا رؤية وأهداف لو اتحدينا نفسنا واتحدنا مع بعض؛ ح نبلغ غايتنا، بعدين التعليم ما إلا جامعة، ولا التعليم ضروري مدرسة، نحن ممكن نضع حلول بديلة عادي، ندعم التعليم الإلكتروني مع صعوبة الوصول للشبكة وغلاء أسعار الإنترنت بس أهون بكتير.

ليخ يا شباب ما ندعم بعض ونوصل نفسنا للحتة العايزنها؟
ليه ما ندعم الأفكار البتخدم أجيال وأجيال؟
ليه ما نكون سبب في تغيير؟
ليه ما نكون محور التغيير؟

التغير تغيير أفكار، تغيير سلوكيات، تغيير أنماط خاطئة.

نحن تجمع طلاب صناع المستقبل هنا عشان نقدم واحدة من طفرات التعليم في البلاد ح تقول لينا كيف؟ ح نقول ليك لأننا ح نقدم خدمة لبعض، يعني نحن الطلاب نساعد أخوانا الطلاب سواء الجايين أو المشوا.

أكيد أي واحد فينا عندو رسالة، فكرة، موهبة، خدمة، كلمة، معلومة معينة بقدر بساهم بيها في مساعدة آخر متعطش ليها.

مشروع الإسناد الأكاديمي اللي شغال ليهو تلاتة سنوات متتالية نحن عاوزين نطورو أكتر عشان يغطي كل بقعة من بقاع الوطن الحبيب، ح نغطوها كيف وإنتو قاعدين في الخرطوم؟ والله دا سؤال جميل لو زول سألو، إنت ح تساعد معانا في التغطية دي لو قلت كيف؟ ح نقول ليك:
- إذا عندك خبرة في مجال كم المجالات البتساعدنا قدم لمن نفتح فرص التقديم.
- إذا بتعرف زول عندو خبرات ممكن يقدم لينا مساعدة أو للطلاب اعمل ليهو تاق.
- بتعرف شركة، منظمة، مبادرة، رجل أعمال أو أي إنسان ليهو علاقة وروح بالأعمال التطوعية وبدعمها اتواصل معانا عبر رقم الواتس على الصفحة أو رقم المكالمات أو بريد الصفحة.
- إذا إنت بتقدر تقدم أي مساهمة مادية بتعيننا ككان اتواصل معانا.
- دا كلو ما بتقدر ليهو لما نرفع منشورات اعمل ليها مشاركة في المجموعات والصفحات.
- إذا عندك صفحة كبيرة انشر اعمل لمنشوراتنا مشاركة.
- إذا عندك معرفة بشخصيات مشهورة كلمها عننا وأدينا أرقامها عشان نقدر نوسع من دائرة معرفتنا لأن والله نحن عاوزين نقدم خدمات تغطي كل الحوجات.

أخيراً إذا عندك فكرة أو مشورع بساهم في تنمية الحياة التعليمية في البلد ونحن بنقدر ننفذو طوالي رسل لينا واطرح علينا الفكرة وإن شاء الله على العين والراس.

#تجمع_طلاب_صناع_المستقبل
#FMSG

❤13🔥2

1.46K views08:39