رابط البث

...

اكتبو لينا أسئلتكم

شباب
وحدوا صندوق الأسئلة
بمعنى واصلوا في دة⬆️⬆️، عشان سؤالك يتعرض.

اكتبو هنا بس يا شباب

اغلب الأسئلة جاوبت عليها البث مسجل ان شاءالله تسمعوه كلو ولو في حاجات تانية هنحاول نجاوب عليها ان شاءالله

موفقين يارب 💃

ابعدوا الخوف ،زيدو الثقة في النفس ،اقرو عشانكم ،عشان تدخلو المجال العاوزنو ،عشان تحققو احلامكم

شاكرين لي ريل جدا على وقتها 💜🌸

هم منو؟
وعايزين يعملوا شنو؟ وعايزين يصلوا لي شنو؟
أهدافهم ورؤيتهم؟ وكيف ممكن المهتمين برؤيتهم ينضموا لركب صناع المستقبل؟!

#قريباً
#فريق_عمل_FMSG

لم يتبق الكثير على امتحانات الشهادة الثانوية ( الملحمة المصيرية التي ستكون بالنسبة لكم متعة إنجازية بإذن الله💙💙)
تجمعكم يا صناع المستقبل بتمنى ليكم تحققوا أهدافكم و تصلوا لغاياتكم 💙💙
لسه مستمرين معاكم في استضافة النوابغ المحبين للعطاء💙
معانا و معاكم في نفس اليوم من كل أسبوع الساعة السابعة والنصف على قناة التجمع بالتلجرام
الرابط في الكومنتات👇🏻
وما تنسوا تكتبوا لينا أرائكم و أسئلتكم🔥
برضو ما محتاجين نقول ليكم لايك و شير عشان الخير😉💙
#FMSG
#لقاء_مع_نابغة
#تجمعنا_يحفزنا
#شيرك_لإفادة_غيرك

السلام عليكم ورحمه الله وبركاته
انا اسمي ياسر محمد الحسن حبيت اشارك معاكم قصتي واوريكم سنه تالته ثانوي كانت معاي كيف
الحمد لله انا جبت ٩١.٧ ودرست في مدرسه الشهيد قصي حمدتو (الشيخ مصطفى الامين سابقا)
من اكبر المشاكل الواجهتني في سنه تالته ثانوي هي بعد المسافه فكنت ساكن في الكدرو في اقصى شمال بحري ومدرستي في الخرطوم .سنه اولى وتانيه ما كنت بعاني شديد كان الترحيل بوصلني جم البيت لانو ساكن جمبنا هناك لكن لمن جيت سنه تالته كان سيد الترحيل خلا المدرسه ومن هنا بدت معاناتي💔💔💔.
كنت يومي بصحى الصبح وبمشي المسجد بصلي وبتحرك منو طوالي لي موقف المواصلات ,صراحه لمن كنت بمشي للمدرسه الصباح ما كنت بتعب لكن التعب كان في الرجعه بالذات بدايه السنه كانو بدونا ٨حصص في اليوم وكنت يومي بجي صلاه العشا😂😂😂 ومره جيت البيت الساعه ٩بالليل😂😂😂😂😂 لكن الحمد لله بعد شهر من بدايه السنه بقت ٦حصص في اليوم
بعد داك كان ادونا اجازه شهر شان الكورونا انتشرت 😷😷😷 وابوي وامي جاتهم كورونا امي الحمد لله بقت كويسه من اول ايام اما ابوي وصل لي مرحله حرجه مم المرض🥺🥺🥺 وجاتني نفسيات 😂 وخليت القرايه وسبحان الله واحمد الله كثيرا ابوي اتعافى من المرض حتى كان عملنا ليو كرامه
وبس يا صحبي ابوي لمن طلع من المستشفى المدرسه كان فضل ليها ٣يوم وما كنت قاري كويس ولمن نزلنا كمان قالو لينا الامتحانات بعد اسبوع ونسبتي ٨٢
لكن زي ما بقولو العتره بتصلح المشيه من بعد النتيجه بديت اقرا كويس ولمن فضل لي امتحان الشهاده شهرين ونص قعدت في البيت بقرا لحد ما جا الامتحان والحمد لله هسي قبلوني في كليه الطب جامعه الزعيم الازهري ♥️♥️♥️
اهم شي داير اقولو ليكم انو الفتره الاخيره دي مهمه شديد اقرو فيها كويس لانو في طلبه بدايه السنه بقرو تمااام لكن لمن تجي نهايه السنه ما بقرو كويس وفي ناس بتخلي القرايه اساسا
اصلا سنه تالته دي كل ما تصبر فيها كل ما تلقا ولكل مجتهد نصيب ♥️

نتمنى منكم مشاركة روابط منصاتنا مع آصدقائكم :
فيس بوك |
https://www.facebook.com/FMSGsd/

تلقرام |
https://t.me/sdfmsg

دون ال ١٠ دقائق
#ورونا_الحماس💙💙💙

صندوق الأسئلة يا قادة يا نوابغ العام الجاي بإذنه تعالى 💙💙💙
_يا ريت تكتبوها بدري عشان تضمنوا الإجابة، ولكم العتبى إذا - لا قدر الله- اتأخرتوا وما جاوبنا، بس المعالجات ح تحصل وتستمر💙💙💙💙

اللقاء الأروع على الإطلاق💙💙💙