جاهزين لقصة اليوم؟

السلام عليكم ورحمة الله وبركاته، السلام عليكم بدراً بدراً وشمساً شمسا، السلام عليكم أنتم سماوات المستقبل وأراضين الإمتنان🌸✨✨
#قربان_كمال_بخيت_عثمان
من #مدرسة_النجاح الخاصة بنات ،النسبة %٩٦.٣ لعام ٢٠٢٠، من ولاية شمال كردفان ، الأبيض ، كلية الطب جامعة كردفان...
ياقادماً وافي بكلّ نجاح..ابشر بما تلقاهُ من أفراح✨✨
طبيعي جداً نرهب من تالت صراحة في البداية لاغبار على ذلك لأنها بالضبط كدة زي ماكان بقول أستاذنا الفاضل أسامة" له مني الوفاء" هي عتبة المستقبل ✨✨✨
قصة النجاح أولاً بدت بوضع فكرة الهدف ووضع الخطوات الممكن تكون وسيلة لتحقيقو ان شاء الله 🌸 وإذا قريتوا كتاب نظرية الفستق ليد الكاتب الأنيق فهد عامر الأحمدي ✨عندو نظرية بتقول إن لم تعرف إلى أين تذهب فجميع الطرق تنتهي للاشئ 💔، يعني باختصار الهدف هو مفتاح النجاح ✨ طبعاً مقدار النجاح البنحققوا بتناسب طردياً مع مستوى الهدف، ختوا أحلام كبيرة واسعوا ليها صدقوني حتصلوا وكونوا على يقين أنو حتى لو ماوصلتوا حتجلوا ب( ٣-٢% بالكتير) و دا حيكون لظروف حصلت ليكم او ظروف موجودة في البيئة بس دا كلو ماحيمنعك من أنك تتفوق وتنجح✨ وكلو كلو لخير بس انتوا اسعوا✨ واتذكروا(وأن ليس للإنسانِ إلاّ ماسعى)✨(وما كان عطاءُ ربك محظورا) ✨استعينوا بالله وبآياته الكريمة بتكتسبوا الراحة والسكينة✨
استحضارك للدروس اول بأول والمراجعات مع الأصحاب ولو حتى لوحدك وحل الامتحان دا سعي لتحقيق هدفك 🌸 ونّس نفسك فترة لفترة شوف عملت شنو، ماشي في الطريق؟✨في عقبات موجودة لازم تزيلها؟✨ملتزم بالوعود؟✨ لما نكون صادقين مع نفسنا بنشوف انو أي شي صاح وكلو تمام وماف شي غلط بالمرة واتذكر دايماً لكل مجتهد نصيب🌸
الكورونا :فترة الكورونا وتأجيل الإمتحانات كانت من أصعب الفترات صراحة كانت محبطة شديد لي لكن بكل طاقتها السلبية الاحتوتني عدت واتحولت لايجابيات منحوني ليها الأساتذة والأهل والمعارف فمهما حصلت ليكم من ظروف محبطة ومهما دثرتكم بالظلام كونوا نجوم بضوي وماتفقدوا هالتكم لأنها ليكم وللحواليكم 🌸✨
الإمتحانات :جات أيام الامتحانات المُنْتظَرَة بفارق الصبر وبحسب أقدار الله المكتوبة مرضت ، هل دا كان بعني خلاص؟؟ هل بعني أنوأي شي انتهى؟؟ أكيد لأ 🔥كانت تطلعات الغد وطاقات المحبين أقوى من أي شي وكانت كنز لا يقدر بثمن✨ كانت الثقة بالله هي العافية✨ مرت الامتحانات وخلصت بحمده تعالى كما يحب ويرضى 🌸
النتايج: النتيجة كانت يوم ١٨ شهر ١ بعد اشاعات واشاعات كنا بنسمعها كل يوم قبل تحديد موعدها طبعاً😂 وزي ماقلت ليكم حتى لو ما وصلتوا بتجلوا بشي بسيط🌸 واحمده تعالى حمداً على الإكرام وأشكره شكراَ على الإنعام🤍✨ . كانت الفرحة و الإبتسامات الأهديتها للحوالي في اليوم داك أجمل من أي شي ❤️ بعد كدا اتوالت التكاريم واللقاءات😂 والحاجات الحلوة كللها ....🌸
وختاماً ..ربنا يوفقكم بقدر سعيكم و لتظلوا أبداً شموعاً تضئ ... كونوا على الطريق...🌸🌸✨

https://www.facebook.com/FMSGsd/
دا رابط الصفحة فيها قصص كتيرة وكل يوم بتنزل قصة جديد مع العصر بالضبط كل الأيام عدا الجمعة بتنزل الصباح.

ولو عايز نحكي قصتك رسل لينا في بريد الصفحة.

#قصة_مع_ممتحن
#شيرك_ما_تبخل_بيهو

Architecture 💙
كما أُحب أن أسميه الصعب الممتع💙


في معمار اول حاجه بتحصل معاك ب مجرد م تدخل المجال ده نظرتك بتتغير ...م نظرتك للمباني و الحاجات الحولك بس ...لأ ..نظرتك لأي شي في الحياه لأنو هو فعلا مجال شامل كل الحياه ...
تلقائياً بتلقى نفسك عندك ثقه كده بإنك فعلا فعلا قادر تعمل اي حاجه..و ده حقيقه والله "م شغل تنميه بشرية"..الا اذا انت اصلا بتحب تقلل من نفسك .
كل الصعوبات ممكن تواجهك في المجال ده 🙂و كل الجمال ممكن برضو تلقاهو في المجال ده 🔥💙
*الصعوبات البتتمثل في بل الرسم و السهر و التركيز و المقاسات الصغيره والشغل المحتاج دقه و تركيز و زحمة التساليم و ضيق الوقت زنقات الكلاب التي لا مفر منها و.....الخ
بنفس الطريقه بتحس بالمتعة ال م طبيعيه لمن تنجز حاجه..حتى لو حاجه بسيطه ...
في حاجات كتيره تقريبا عامله طشاش ل معمار ...ف مثلا
حكايه الرسم ..م تتوتر من حته انك م بتعرف ترسم و بتاع ...معمار بعتمد على الرسم الهندسي اكتر من الرسم الحر ...والرسم الهندسي خطوات بتتعلمها💙
...غير كده ..حتلقى البساعدك في أي أي وقت في أي حاجه ..و ده بيرجع ل جمال المجتمع المعماري وجمال الناس الفيهو و جمال التعامل بينهم ...في تجاذب كده بين المعماريين م ليهو تفسير ..والحاجة دي واقع لمسناهو احنا المعمارين ..دايما بتكون مستعد تفيد و تساعد غيرك بأي حاجه 💙و في المجتمع ده بتلقى ملايين الاختلافات والآراء ..يعني مستحيل تلقى زول في نفس نمط تفكيرك وده البميز هذا المجتمع💙
بالنسبه لعلاقتنا ب باقي الهندسات ..كليه العماره كليه قائمة بزاتها و مف تشابه واضح بينها وبين باقي الكليات ...يمكن أقرب هندسه للمعمار الهندسه المدنيه .."الهندسه المدنيه هي الأقرب للعمارة وليست العماره هي الأقرب للمدنيه ولكل ميزاته💙"
بالنسبه للجانب الاكاديمي معندنا شغل حفظ كتير 😂ف إذا أنت م مكنه و م حفار " قرايه بس في الريدنغ ويك" ف مرحباً بك😂

....ف انا يادوب داخله في المجال ده ...لكن جد جد اي زول رغبتو معمار م يتردد دقيقه 😂💙...لو م عندك صبر حتتعلم الصبر والله ...لو انسان م عندك ولا ذره ثقه في نفسك حتتفاجأ بالأسد الطالع منك... "هنا تنميه بشرية م تصدق😂"... وأحيانا ممكن ثقتك في نفسك دي تصل الصفر بسبب تعاليق الدكاتره على شغلك بالرغم من انك شايفو شغل درعه ..ف حتزعل جدا و ممكن تفكر انك تخلى معمار و تخلي القرابه كلو كلو زاتو ....لكن حتتفاجأ ب إنو كل الحيحصل "حتبكي و ترجع تشتغل في رسمك زي ال م حصل شي😂😂💔 "
وكذلك لو عندك قروش م عارف توديها وين حتصرفها هنا رجاله✅"هلااك مادي بمعنى الكلمه 🙂

حقاً معمار أسلوب حياة ودي م حتفهمها الا فعلا تعيش جو العماره 💙
Finally
يولد المرءُ فيختار إما أن يكون إنساناً عادياً أو يكون معمارياً💙

سارة الفاتح محد
كلية العمارة والتخطيط جامعة السودان للعلوم والتكنولوجيا.
#المعمار
#شير

"ما تعيد ما بتزيد"
وتظلّ سنة الله في الأرض ماضية أبد الدهر ومفادها أن معاناتك لا يعلمها إلا هو، وشدّة أيامك لا يعلم بها إلاهو جل وعلا،  إن ضيق صدرك وصعوبة أيامك لا يراها الناس، لا يرون إِلّا النهايات الضاحكة المنتصرة والمظهر الجميل، فلا تستمع اليهم ما دمنا نعاني في كل الأحوال فلنجعل لمعاناتنا معنى، لا تجعل كلام بعض الناس صخرة تَجْثُم على صدرك وتمنعك من الحراك بل اجلعه دافعاً يدفع بك إلى الانجاز، أوقِد شمعة بدلاً من أنْ تلعن الظلام “

'هذا الاقتباس من "كتاب الدرب" مرشد طلاب الشهادة السودانية للتفوق الذي سيصدر قريباً 🍀❤️

لماذا لا نجعل لقاءنا القادم مُختلفاً، لامعاً، براقاً، ووردياً 🌸✨ ؟

نلتقيكم على موعد مع شيماء هشام - بنسبة 96.4٪ إحدى بطلات وقادة التغيير - التي أبت نفسها إلا أن تحقق ما تريد ✨
لمعة الضوء القادمة مهداة لطلاب الاعادة، كونوا على الموعِد جميعاً 🔥
طابت أوقاتكم 🥀

في عصر تدفق المعلومات، وسهولة الوصول للخبرات، يجب علينا جميعاً ان نجاري هذه السرعة الكبيرة في التطور و إستغلال وقتنا فيما يفيد، التعليم الإلكتروني أصبح واقعاً يسيطر على عالمنا ونحن يجب أن نكون جزءاً منه من أجل نهضة وتنمية بلادنا.


سنجعل فقرة إسبوعية لإمدادكم بأهم الدورات التدريبية المميزة و المهمة والمتوفرة بصورة مجانية في مجالات عدة مع الاشارة لمصادرها وشرح لمحتوياتها وزمنها والفائدة المرجوة منها مع قصص لطلاب خاضوها تحت وسم
#حنبنيهو_بالعلم_والمعرفة

قائمة بأهم مواقع التعليم والتدريب الإلكتروني الذاتي في العالم والتي ستكون مصادرنا في هذه الفقرة :
‏1- www.edx.org
‏2- www.coursera.org
‏3- www.udacity.com
‏4- www.edraak.org
‏5- www.class.stanford.edu
‏6- www.venture-lab.org
‏7- www.education.10gen.com
‏8- www.openhpi.de
‏9- www.ocw.mit.edu
‏10- www.khanacademy.org
‏11- www.oli.cmu.edu
‏12- www.oyc.yale.edu
‏13- www.webcast.berkeley.edu
‏14- www.openclassroom.stanford.edu/MainFolder/HomePage.php
‏15- www.see.stanford.edu
‏16- www.ck12.org
‏17- www.udemy.com
‏18- www.skillshare.com
‏19- www.codecademy.com
‏20- www.p2pu.org
‏21- www.ed.ted.com
‏22- www.myopencourses.com
‏23- www.myopencampus.in
‏24- www.nptel.iitm.ac.in
‏25- www.saylor.org
‏26- www.nalandau.com
‏27- www.academicearth.org
‏28- www.youtube.com/education
‏29- www.phodphad.com
‏30- www.learntobe.org
‏31- www.floqq.com
‏32- www.learnerstv.com
‏33- http://www.coursetalk.org
‏34- http://www.skillacademy.com
‏35- http://www.mruniversity.com
‏36- www.alison.com

تذكير بلقاء الغد..

6⃣M🖤😔
#Be_ready.
#سلسلة_أبطال_الشهادة_السودانية

صندوق الأسئلة:
إذا في أي استفسار...

جزيل الشكر لدكتورة شيماء هشام على ما قدمته وعلى نفَسَها الطويل وروحها المرحة ونصائحها الغنية بالتحفيز، إننا نشكر لها هذا اللقاء الرائع 💐 🍀❤️

ونعلن عن مواصلة لقاءتنا بمفآجات ضخمة قادمة.
كذلك العديد من المفآجات التي ستساعد الطلاب وتجعلهم قاب قوس أو ادنى من مُبتغاهم.

كما يجب أن نُذكر أننا نقدم خدمات مجانية من المراجعات والشروحات المُباشرة والمتميزة مع نخبة من خيرة الطلاب المميزين الذين يحرصون على الاجابة على كآفة أسئلتكم في كل المواد الاتية :

https://t.me/+vg-3i5xwbMNmZjZk

انجليزي

https://t.me/+13YoO3fr1v8xMmY0

أحياء

https://t.me/+T6cA2H0awZpjY2Fk

إسلامية

https://t.me/+Eoof8wRGptNhMTk8

كيمياء

https://t.me/+S7RIQMIHIU-ZCI10

تحفيز

https://t.me/+APadw3lMwt5iYmNk

فيزياء

https://t.me/+OZKTjGLfkfU0OWQ0

عربي

https://t.me/+U0rVmNgiOjs3Y2Jk

رياضيات

https://t.me/+VnWNFavEaWQ3NWQ8

رابط قروب الهندسية والحاسوب

#مكتب_شؤون_الطلاب
#FMSG
📎 لمساعدتنا على الاستمرار :
نتمنى منكم مشاركة روابط منصاتنا مع آصدقائكم :
فيس بوك |
https://www.facebook.com/FMSGsd/

تلقرام |
https://t.me/sdfmsg

كما يسعدنا دوماً تواصلكم وإبداء كآفة أرائكم ومقترحاتكم على قروبنا على تلقرم :

https://t.me/+UubBAMIkM613DvuX

#حنبنيهو_بالعلم_والمعرفة (1)

-صباح الخير يا عمك

= صباح النور يا حبيبنا اها كيف الاجازة معاك؟

-والله زابطة الا الزهج

=زهج شنو ياخ 💔 انت ما قريت الرسالة الرسلتها ليك أمبارح ولا شنو؟

-قريتها لكن ما فهمتا دا شنو لقيت كلام فيه سواقة حاسوب ولا شنو 😂

= يا صاحبي دا كورص تحضير للرخصة الدولية لقيادة الحاسوب ICDL 💻

-بس ياهو زاتو ويقودلوا شنو ودا شنو انا ما فاهم 😆

= الامتحان دا اثبات انك بتجيد استخدام الحاسوب ⌨ والتعامل مع كل التطبيقات المكتبية الأساسية البنتحتاجها فالشغل ولا الابحاث ولا أي شغل تاني وهي مهمة جداً للطلاب والموظفين وما حِكراً على مجال معين أبداً لانه الحواسيب مهمة لكل مجال ، وانت لما تمتحنها بتكون حصلتا على ورقة خبرة جيدة جداً ليك سواء عايز تقدم لوظيفة او فرصة دراسية او حتى منحة او تضيفها للcv

- كلام جميل والله.

= اي والاجمل كل المواد التحضيرية موجودة مجانياً على موقع ادراك الرسلته ليك

- ادراك دا شنو؟

= إدراك دي منصة تعليمية حكومية بتقدم كورصات في مختلف المجالات أتأسست بشراكة مع عدد كبير من الجامعات والمؤسسات التعليمية منها الجهة المنظمة لاختبار ال ICDL دا

- طيب في رأيك أسي أنا بحتاج للكورص دا، قصدي أنا ما كعب فاستخدام الحاسوب؟

= لا لا يا صاحبي ما كدا، الكورص دا اكتر تخصيصاً من التعامل البسيط، بتلقى في تعامل مع الانترنت من عدة نواحي وكمان تتعلم تستخدم تطبيق ال Word, Excel, Google sheet, وكلها تطبيقات مهمة واساسية للطلاب والموظفين. وبتأهلك للامتحان متين ما أحتجت تمتحن ممكن تمتحن في أقرب مركز إمتحان وكمان بتحصل على شهادة إتمام الدورة الكاملة من الموقع وهي شهادة محترمة وحتساعدك جداً لقدام

- لا كان كدي، رسل الرابط أمشي أسجل أسي وأبدأ.

= إستلم

https://www.edraak.org/programs/specialization/icdlsp-vv1/

(انتو كمان يا حبايبنا مستنين شنو حتى لو ما عندك حاسوب ممكن تحضر الدورة حتساعدك كتير زي ما قلنا)


📎 لمساعدتنا على الاستمرار :
نتمنى منكم مشاركة روابط منصاتنا مع آصدقائكم :
فيس بوك |
https://www.facebook.com/FMSGsd/

تلقرام |
https://t.me/sdfmsg

كما يسعدنا دوماً تواصلكم وإبداء كآفة أرائكم ومقترحاتكم على قروبنا على تلقرم :

https://t.me/+UubBAMIkM613DvuX

كل يوم بتنزل قصة في الصفحة تابعها
https://www.facebook.com/FMSGsd/

مستعدين لقصة اليوم؟

السلام عليكم جميعاً ثم السلام على بلادي❤
-#وعد_عادل_عبدالمجيد_علي_سليم
-#مدرسة_المتفوقات_الثانوية
-#الولاية_الشمالية-محلية دنقلا-
-ال30على مستوى السودان للعام2020 بنسبة97.1%
-كلية الطب جامعة الخرطوم❤
(ربما سيكون الامر صعباً ولكن صعباً لا تعني مستحيلاً)
*كما تعلمون وأعلم تالتة ماهي سنة دراسية بس ، لا هي سنة مفصلية مصيرية دون أي نقاشٍ او حوار
بدايتي مع تالتة كانت عادية جداً بديتها زيها و زي باقي السنين الاخرى(اولى وتانية) مع اختلاف واحد انو دخلتها بأفكار وحماس كبير جداً ودافع ورغبة أكبر في انو أصل لمؤتمر المئة الاوائل وأصل لجامعة الخرطوم دة كان الهدف بتاعي فا المطلوب مني كان انو أسخر كل العندي في سبيل أصل للمحصلة دي وكان ذلك💙، الولايات كما يعلم جميعكم ما زي العاصمة في مستوى التعليم او البيئة التعليمية او كدة ، برغم كدة من بداية السنة الدراسية كل اسرة المدرسة كانت واقفة معانا وداعمانا جدا جدا ، اي استاذ/ة تمشي ليه مابقصر معاك نهائي كل العلم الفي رأسه بديهو ليك والباقي ببقى عليك انت كطالب ومعاك كتابك وبقية المعينات من مريحات وامتحانات ومذكرات
بتذكر اول امتحان لي في سنة تالتة كنت تانية الفصل بنسبة97 وكذا من عشرة ، النتيجة كانت مرضية بالنسبة لي ، لكن مع كل امتحان وزن المواد كان بزيد فا النسبة بتاعتي كانت بتكون متذبذبة في كل الامتحانات من رينج97-95، ومن هنا حابة اوجه رسالة انو نتائجك خلال سنتك الدراسية دي ما مقياس نهائي لنتيجتك حقة الشهادة ح تكون كيف ، الامتحان الوحيد الممكن اقول انو طلع من الرينج دة هو الامتحان التجريبي كانت نسبتي فيه92.9 % دي كانت اسوأ لحظة مريت بها في تالت لانو كنت متوقعه96 و بقول على اسوأ الفروض ما بجلي من 94 اجي القاها92!!! اليوم داك بكيت بحرقة جدا جدا وللان بتذكر شكلي وانا ببكي وبعد رجعت البيت تاني قعدت ابكي برضو والوالد والوالدة وجميع افراد الاسرة اي زول فيهم بجي داخل علي بكون مجهز عبارات مواساة وانو كلو لخير ، يومين كاملات انا كنت منفسنة وما قريت فيهم ابدا بسبب نتيجة التجريبي الى ان الورق اتوزع والتصحيح اتراجع وكانت في اخطاء في جمع درجات المواد واخطاء تصحيحة هي الخلت النتيجة تظهر بالصورة دي ، فا بعد مروا اليومين ديل لملمت شتات نفسي وانو النفسنة والبعمل فيهو دة ما ح يغير أي شئ ابدا، بديت اقرا بنفس حماسي الزمان ونفس طريقتي دون اي تغيير واستعديت للشهادة وخلاص ي سلام اسبوع ونمتحن " ومن هنا حابة اوجه رسالة لأي طالب ممتحن نجاحك وتفوقك في تالتة بعتمد ع مقدار تحكمك في مودك ونفسياتك وكيف تنهض بنفسك ورسالة لكل الاساتذة البتصحح انو غلطة صغيرة او اي خطأ في نتيجة طالب قد يؤدي لفشل الطالب " .لكن اه وين كوفيد19 قال لينا انتو بتهظروا ول شنو ، فا فترة كوفيد دي سخرتها في حاجتين 1- الراحة النفسية والجسدية2- القراية وحل الامتحانات
بعدها الامتحانات اتحددت وخلاص كلو تمام وح ننزل
وبدينا أول امتحانات والامور ماشه فلة وكل الدعم من الاسرة والمدرسة الى ان جاء امتحان اللغة العربية وقبل الامتحان بيوم الوالد والوالدة" حفظهم الله ❤"عملو حادث الحاجة دي اثرت شديد خاصة انو خلاص يوم وانزل امتحان بقرا سطرين كنت وبسرح ساعتين ح امشي المدرسة كيف الحيوصلني المدرسة منو ي ربي هل امي وابوي كويسين جد ول هم بظهروا كدة ساي علشان ما اتأثر وامتحن كويس ؟ممكن اقول هنا انو خميت قرايتي ساي ورقدت نمت هرباً من التفكير الكتير وخليتها على ربنا ودخلت امتحنت والحمدلله الامتحان كان جميل❤ مريت بحاجات كتيرة جدا في تالتة وكذلك انتو ح تمروا ح تزعلو وتفرحو تضحكو وحتحصل حاجات كتيرة وشخصيتك ممكن تتغير وممكن يحصل كتير لكن المهم انك تقدر تقيف كل مرة وتواصل
- شكراً لحسن القراءة والاهتمام💙

تجري الرياح كما تجري سفينتنا نحن الرياح ونحن البحر والسفن إن الذي يرتجي شيئا بهمته يلقاه ولو حاربته الأنس والجن فأقصد الى قمم الأشياء تدركها تجري الرياح كما رادت لها السفن ❤
-والله عند حسن ظن العبد به❤

#قصة_مع_ممتحن

#شيراتك_ما_تبخل_بيها

صباح الخير 💛

يوم جديد يطل علينا ونحن كمان قلنا نطل عليهو بأمسية الغد الزابطة جداََ..

فاكرين ما عندنا حاجة؟

لسع الجاي أكتر وأكتر.

نحن في منتصف عام دراسي أو نقول على مشارف نهاية عام دراسي، فالناس قد يصيبها الملل والركود، ولكن نحن هنا منبه ومنشط ليكم لمن توصلوا إن شاء الله.
اضبطوا منبهاتكم وجهزوا أسئلتكم وتعالوا معانا.

حتى لا ننسى

اسأل سابي!!!