هل نحن بي كدة خلصنا كل سيشناتنا؟


لا بالتأكيد لا زلنا مستمرين في استضافة عدد من الشخصيات المتميزة والمتفوقين في الشهادة السودانية للأعوام السابقة.

هذا الأسبوع سيضيف ضيف لامع جديد ونابغة متميزة من العام السابق لمكتبتنا الصوتية، بلقاء ممتع ومشوق وجميل في حملتنا التحفيزية لطلاب الشهادة السودانية


الجمعة الســـــ7:30مـ اعة خليكم قراب 💛🔥

لو قروبات الواتس ما دخلت معاك ادخل في قروبات التلجرام دي
https://t.me/+vg-3i5xwbMNmZjZk
انجليزي

https://t.me/+13YoO3fr1v8xMmY0

أحياء

https://t.me/+T6cA2H0awZpjY2Fk

إسلامية

https://t.me/+Eoof8wRGptNhMTk8
كيمياء

https://t.me/+S7RIQMIHIU-ZCI10

تحفيز

https://t.me/+APadw3lMwt5iYmNk

فيزياء

https://t.me/+OZKTjGLfkfU0OWQ0
عربي

https://t.me/+U0rVmNgiOjs3Y2Jk
رياضيات

قروباتنا على التلجرام. فيها ان شاء الله معالجات ومراجعات ختامية هذه السنة بإذن الله.

بشرو

تقنية الطماطم (البندورة) أو طريقة البومودورو (بالإيطالية: Pomodoro Technique)‏ هي طريقة لإدارة الوقت طوّرها الإيطالي فرانشيسكو سيريلو أواخر الثمانينات، وذلك عن طريق استخدام مؤقت لتقسيم وقت العمل إلى فترات زمنية مدة الواحدة منها 25 دقيقة، ويفصل فيما بينها فترات راحة قصيرة. وتسمى الفترة الواحدة "بوموداري" وهي مأخوذة من الكلمة الإيطالية (pomodoro) التي تعني (طماطم). يستند هذا الأسلوب على فكرة التوقف المتكرر من أجل الراحة التي يمكن أن تحسن سرعة البديهة والتركيز.

يستخدم مبتكر التقنية ومشجعيها من أتباع التقنية المنخفضة مؤقتاً ميكانيكياً، وورقةً وقلم رصاص. بمجرد قيام المستخدم بضبط المؤقت فهذا يعني عزمه على تنفيذ المهمة، كما أن دَقّة المؤقت مع كل ثانية تحفزه على إنجاز المهمة، والرنين يعني أخذ استراحة. بذلك يكون تدفق المعلومات والتركيز مرتبطاً بهذه المحفزات الماديّة.
هل قمت بتجربة تقنية البومودورو في دراستك؟

القصة كالعادة تحت.

بعدين كل يوم بتنزل قصة العصر كدة في الفيس بوك لو ما متابع الصفحة تابعها.
القناة مرات ما بتنزل فيها، هسي القصة دي نزلت ليها قريب ٥ يوم.

https://www.facebook.com/FMSGsd/
دا رابط الصفحة

جاهزين لقصة اليوم؟

طيب السلام عليكم ورحمة الله وبركاته، كيفكم عساكم طيبين؟!
حبدا ان شاء الله بالتعريف عن نفسي، معاكم #عمرو_ياسر_حمد_أحمد، طالب بالمستوى الأول في كلية الطب جامعة الخرطوم ((حتى الآن))، امتحنت الشهادة الثانوية من مدرسة الشيخ مصطفى الأمين الوقفية عام ٢٠٢٠م، السنة الفائزة بجائزة أطول سنة وانتهت غايتو بمجازفات كتيرة وبحمدالله وفضله اتوفقت وأحرزت نسبة ٩٦.٤٪؜
سنتنا كانت مليئة بالدرامات والأحداث الكتيرة، امتحانا دا تقريبا اتأجل تلاتة مرات😂 ولكن الحمدلله كلو لخير، سنة اتعلمنا منا وفيها حاجات كتيرة، سنة بقدر ما شالت مننا زمن، لكن ادتنا فرصة نطور من نفسنا في شتى المجالات، ادتنا خبرة وفكرة عن كيفية التصرف بحكمة مع الاوضاع الزي دي، خصوصا انو بلدنا غير مستقرة، ونسأل الله بأن يحفظنا ويحفظ بلادنا وسائر بلاد المسلمين….آمين.
طبعا قصتي ما هي قصة خرافية ولا فيها الدرامات الكتيرة حقت كنت بنوم تلاتة دقايق في اليوم، او حلمت بسؤال فقمت ركبت المواصلات عشان اسأل الاستاذ، وما شابههم من القصص، كنت ولا زلت انسان عادي جدا، بعيش يومي بيومي، بصحا وقت الصلاة بمشي المدرسة اذا امكن😂 (طبعا انا اكتر زول غاب في الدينا ايامي المشيتا للمدرسة بتتعدا بأصابع اليد🤣) ودي حاجه ما احبذا خالص، خاصة اذا ما دخلتو كورس في الاجازة، تقريبا كنت شبه مخلص المقررات من الاجازة -ما كلها اكيد في حاجات ما شفتها- فوضعي ما كان زي الباقين ولا كنت بغيب عشان انوم، بالعكس الغياب افادني كتير في المذاكرة والحل، لكن اعيد واكرر انو ما تعملو زيي😁
برجع بيتنا بعد الدوام، برتاح على الاقل ساعة، بصحا بشوف قرايتي، طبعا ما كان عندي جدول مذاكرة، ولا عدد ساعات قراية ثابتة، كل الكنت بعملو اني بعد اخلص اليوم الدراسي بعمل خطة ذهنية سريعة اشوف نفسي داير انجز شنو خلال اليوم، وبمشي على كدا، وما كنت بساهر ولا حاجه بالعكس بنوم من ١١ كدا، وببدا اليوم التاني زي القبلو، وهكذا….
طبعا الأحياء كانت رغبتي من سنة اولى، وبالأخص الطب، كان مرة قريت مقولة للإمام الشافعي رحمه الله وقد قال فيها:"أشرف علوم الدين الفقه، وأشرف علوم الدنيا الطب" ومما نقل عن الذهبي أنه قال: "لا أعلم علمًا بعد الحلال والحرام، أنبل من الطب، إلا أن أهل الكتاب قد غلبونا عليه". وهذا كان من شأنه أن يثبتني في اختياري ويزيدني تعلقاً به، وبتذكر انو ماف زول جبرني على إني أقرا او أختار شنو في تالت، أهلي أدوني كافة الحرية في اختيار مساقي العلمي، ودي حاجة أشكرهم عليها جداً، وبدعو كافة الآباء والأمهات للانصياع لرغبات أبنائهم، لأنو في النهاية هو أو هي الحيمتحن ما انتو!
بالنسبة لطريقة قرايتي، اهم شي طبعا كتاب الوزارة، لازم الزول امر عليه قبل يشوف اي مذكرة، وانا من النوع البقرا مذكرات، فكنت بقرا الدرس من الكتاب وبشوف المذكرة فيها شنو، وسنتنا الظريفة دي ادتني فرصة اشوف مذكرات كتيرة، و اي نعم في اساتذة كتار ما بحبو المذكرات ولكن بالجد افادتني كتير، خصوصاً انو الكتب كان فيها حاجات ما مرتبة او ما واضحة، فهي بتمتم ليك الشغلة، والمهم انو الزول ما يشتت نفسو في مذكرات كتيرة، بل احصر نفسو في مذكرة وكان بالغ اتنين، لأنو حتلقو اي أستاذ عندو مذكراات مش مذكرة وحدة، وكدا ما حتلحقو تشوفوا باقي الدروس!
حاجة حابي انبه عليها، انو لازم الزول يشوف امتحانات الشهادة السابقة، واحاول امر عليهم، لو قدر من ٢٠١٠م بكون ما قصر، لأنو في أسئلة كتيييييرة بتتكرر، كوبي بيست عديل كدا، بالاضافة للامتحانات التجريبية، والهدف من الامتحانات ما انو تشوف منو الاول ومنو السابع وبتاع، بل الهدف انو لمن تغلط تعرف الصاح، فكونو إنك تغلط في امتحانات المدرسة أحسن بلا شك من انك تغلط في الشهادة، والعترة بتصلح المشية، وبكون عندك خلفية عن طريقة الأسئلة، لدرجة انك ممكن تتوقع حيجيب ليك ياتو سؤال ولا رسمة ولا خريطة لناس الأدبي😂 وفي النهاية امتحان الشهادة هو مجرد امتحان عادي بس (عندو اسم) وماف شي بخوف، وكلها فترة وحتعدي، فاستحملو!!
الداير اقولو انو القراية مسؤولية عليك كطالب/ة، وكيفيتها دي حاجة بتقررها انت او انتِ، وماف زول حيجي يديك طريقة معينة تقرا بيها، وحتى لو اداك فاحتمالية انو تنجح معاك ضئيلة جداً، فلازم الزول يعرف يستفيد من زمنو قدر الامكان، وتعرف كيف ترتب أولوياتك، وكيف تنظم نفسك وشغلك، وماف حاجة اسمها الوقت ما كفّاني، لأنو التقويم لمن اتعمل كان معمول وفق دراسة وتجارب سابقة، و اهو كل الناس امتحنت وعدت، البمنع شنو انك تعدي معاهم!
اهم شي اهم شي في قرايتك *التركيز* فكونو انك تقرا ساعتين بتركيز عالي افضل من تقرا عشرة ساعات وانت بتهبش دا وبتعاين في دا، التركيز حيوفر عليك زمن كتير لقدام، وبخليك مستمتع من القراية، لأنو عارفين القعدة حقت القراية حارة وما اي زول بقدر عليها، فحاول استمتع بالمذاكرة بقدر الامكان وكلو ما تقل الهمة اتخيل يوم نتيجتك، واتخيل الكلية النفسك فيها، ودا من شأنه أن يرفع سقف

طموحاتك، لأنو الدنيا ما حتديك شي بالساهل، لو ما انت براك تعبت وفتشت ما تنتظر شي!

ومن منبري المتواضع، احب اشكر والديّ على الدعم والمجهود البذلوهو معاي، وانا لا اسوى شيئاً بدونهم، وكانو داعمين لي في اي شي، والسطور ما حتكفي ولا حتوفي، وما حقدر ارد ليهم جميلهم طول حياتي، فأسأل الله العظيم ان يحفظهما ويبارك لهما في أعمارهما، وان يرزقنا ارضاءهم، وان يلبسهما ثوب الصحة والعافية. وبالتأكيد لا انسى دور الاخوة اللي قدرو يخلقو لي جو جميل جدا ملئ بالسعادة، ولا ننسى باقي الاهل والاحباب اللي وقفو معاي. ومما لا شك فيه اساتذتي المحترمين الذين كان لهم كبير فضل عليّ سواء كانو في البيت او المدرسة او الكورس، وانا شاكر ليهم جدا وربنا يفتح عليهم ويبارك فيهم اجمعين.

معليش طولت عليكم، لكن اهم شي عايز اقولو "يَٰٓأَيُّهَا ٱلَّذِينَ ءَامَنُواْ ٱسْتَعِينُواْ بِٱلصَّبْرِ وَٱلصَّلَوٰةِ ۚ إِنَّ ٱللَّهَ مَعَ ٱلصَّٰبِرِينَ" الآية دي لو اخدناها كمنهاج لحياتنا حتسهل علينا الكتير والله، علاقة العبد بربه اكبر واهم من اي امتحان لاقاك او حيلاقيك، وفي النهاية كلنا الى فناء، فينبغي علينا إرضاء رب العالمين، وأن يكون هذا هدفنا الأسمى والأبدي، لنفوز بالامتحان الحقيقي✨
تمسكوا بالدعاء، فالدعاء سلاح المؤمن، ولا تحملوا هم الاجابة ولكن هم الدعاء، وكما يقول الامام الشافعي:
أَتَهزَأُ بِالدُعاءِ وَتَزدَريهِ * وَما تَدري بِما صَنَعَ الدُّعاءُ

ونختم بقوله تعالى:"وَإِذَا سَأَلَكَ عِبَادِى عَنِّى فَإِنِّى قَرِيبٌ ۖ أُجِيبُ دَعْوَةَ ٱلدَّاعِ إِذَا دَعَانِ ۖ فَلْيَسْتَجِيبُواْ لِى وَلْيُؤْمِنُواْ بِى لَعَلَّهُمْ يَرْشُدُونَ"

شاكرين لحسن “استماعكم” ومعليش على الاطالة😂ونلقاكم في ساعات خير ان شاء الله، وموفقين يا رب.


#قصة_مع_ممتحن

#شيراتك_ما_تبخل_بيها

هل نحن بي كدة خلصنا كل سيشناتنا؟


لا بالتأكيد لا زلنا مستمرين في استضافة عدد من الشخصيات المتميزة والمتفوقين في الشهادة السودانية للأعوام السابقة.

هذا الأسبوع سيضيف ضيف لامع جديد ونابغة متميزة من العام السابق لمكتبتنا الصوتية، بلقاء ممتع ومشوق وجميل في حملتنا التحفيزية لطلاب الشهادة السودانية


الجمعة الســـــ7:30مـ اعة خليكم قراب 💛🔥

صندوق الأسئلة 👇 👇 👇

...

لا زلنا في سعينا المتواصل لجمع أكبر مكتبة صوتية لتجارب وقصص الطلاب والطالبات السابقين في إمتحانات الشهادة السودانية لتكون خير معين للطلاب في وقت شعورهم بالاحباط أو الحيرة في ظل الأوضاع الأليمة التي تمر بها البلاد
ولا زلنا فالبداية كونوا على إنتظار 🍀

#FMSG