🎄🎄🎄ገና ለኔ🎄🎄🎄
ሁለተኛ እድል! ሌላ አይደለም እንደገና የመኖር፣ እንደገና ተስፋ የማድረጊያ፣ የተበላሸውን የማስተካከያ፣ የጠለሸውን የማጽጃ፣ የተሰበረውን መጠገኛ፣ ተስፋው፣ ህይወቱ በቀጭን ገመድ ላይ ለተንጠለጠለው የረዳት እጅ መዘርጊያ፣ ያበቃለትን እንደ ገና ማስቀጠያ፣ ተስፋ በመቁረጥ በጨለማ ለተቀመጡ አዲስ ተስፋ፣ አዲስ የብርሀን ወጋገን። በተስፋ እጦት፣ በሀጥያት እስራት፣ ለመውጣት አዳጋች በሆነ እስር ቤት፣ ለተከረቸሙ እንደገና መፈታት፣ እንደገና ነጻ መውጣት ለእኔ ገና ይህ ነው።
ሀለተኛ እድል!
እንደገና!
እንደ አዲስ!


🙏ክብር ለእርሱ ከዘላለም እስከ ዘላለም ይሁን አሜን! 🙏

መልካም የገና በአል ይሁንላችሁ

🎄🎄🎄መልካም በአል🎄🎄🎄
🎄🎄🎄ሳሙኤል ከበደ🎄🎄🎄

@youthfocus✨✨
@youthfocus✨✨
@youthfocus✨✨

🎤🎤🎤Lauren daigle 🎤🎤🎤

🎄🎄Merry Christmas 🎄🎄

Youthfocus music

@youthfocus
@youthfocus
@youthfocus

ከትላንት ምን ተማርክ?

ህይወት በክፍል ውስጥ ተቀምጦ እንደ መማር ነው። በየእለቱ የምናልፍበት አዲስ የሆነ ልምምድ ብዙ ያስተምረናል በዚህ ልምድ ውስጥ ስናልፍ ስህተት ልንሰራ፣ ጥፋት ልናጠፍ እንችላለን ነገር ግን ከዛ በሓላ ያን ስህተት መድገም ተምሮ እንዳልተማረ አውቆ እንዳላወቀ መሆን ነው።

ከትላንት አለመማር፣ ከባለፈው ውድቀቴ ቀለምን አለመቅሰም፣ ለነገ የሚሆን እውቀትን አለመጨበጥ ደግሞ ደጋግሞ ያንኑ ስህተት መስራት ላለመለወጥ መፈለግን ያሳያል ለዚህም ይመስላል "ታሪክ ራሱን ይደግማል" የሚባለው።

ከትላንት መማር ጥበብ ነው ከስህተታችን፣ ከታሪክ መማር ተመሳሳይ ስህተት እየሰሩ ከመኖር ያስመልጠናል።
ትላንት የያደረግካቸውን ስህተቶች ያመጡብህን መዘዝ አስተውለህ ከትላንት ስህተት ለዛሬ የሚሆን ስንቅ ያዝ።

መልካም ቀን
ሳሙኤል ከበደ

@youthfocus
@youthfocus
@youthfocus

ለነገ ቀጠሮ አትስጥ

ትላንት ታሪክ ነው፣ ነገ ሚስጥር፣ ዛሬ ደግሞ ስጦታ ነው። ባደጉት ሀገራት፣ ባላደጉት ሀገራት፣ ውጤታማ በሆኑት ሰዎችና በስንፍና ሙቀት ተደላድለው በአልጋ ላይ ባሉት የደረጃ ተማሪ በሆኑትና ኩረጃን ብቸኛ ተስፋ ባደረጉት መካከል ያለው ልዩነት የትጋት ጉዳይ ነው ታታሪ ተግቶ ሀገሩን፣ ህዝቡን፣ ትውልዱን፣ ሲቀይር ሰነፍ ደግሞ በምቾት ሙቀት ምኞትን ሲያልም ያድራል ።

የሰነፍ ትልቁ ተግባሩ ስራንና ሀላፊነትን ለነገ ማስቀመጥ ነው። የዛሬን ለዛሬ ካልሰራን ነገ ደግሞ የራሱ የራሱ የሆነ ስራ ይዞ ይመጣል በአንዱ ላይ አንዱ ሲደራረብ የቱንም ሳንሰራ ዘመናችን ያልፋል። ለነገ ቀጠሮ አትስጥ ዛሬ ስጦታ ነውና የምትችለውን ሀሉ አድርግ

መልካም ቀን
ሳሙኤል ከበደ

@youthfocus
@youthfocus
@youthfocus

ታሪክ እንደ ወንዝ
ጠቢብ በህይወት ዘመኑ ሊሰራ ያሰበው፣ ለትውልድ ጥሎ ለመሄድ ያቀደው ነገር፣ ከእለታቱ በአንዱ ቀን እንደሚሆን አይጠብቅም፤ ነገር ግን ሰው ታሪክ በተባለ ወንዝ ውስጥ በአንዱ ወቅት ገብቶ የሚዋኝ ከዛም ደግሞ መዳረሻው ሲደርስ እንደሚወርድ የሚገነዘብ ነው።

ይህንንም ተገንዝቦ በውሀ ውስጥ የሚኖረው ቆይታ ሳያበቃ ስራውን ቶሎ ቶሎ የሚሰራ ነው።

መልካም ቀን
ሳሙኤል ከበደ
@youthfocus
@youthfocus
@youthfocus

ከመከራ ዝርግፍ ወደ ወርቅ ዝርግፍ

“ፈርዖን ቀለበቱን ከእጁ አወለቀ በዮሴፍ እጅም አደረገው፥ ነጭ የተልባ እግር ልብስንም አለበሰው፥ በአንገቱም የወርቅ ዝርግፍን አደረገለት፤”
— ዘፍጥረት 41፥42

የዮሴፍ ህይወት ከአንድ ከባድ መከራ ወደ ሌላ መከራ ከአንድ የጭንቅ ዝርግፍ ወደ ሌላ የህመም ዝርግፍ የመሸጋገር ህይወት ነበር እጅግ የሚያዝል ተስፋ አስቆራጭ የህይወት ጉዞ አምላክ የራሳህ እስኪመስልህ ድረስ ችግሮች ይደራረቡብህ ይሆን ይሆናል ነገር ግን አይዞህ እርሱ የገባልህን የተስፋ ቃል አይረሳም አይተውህም አይጥልህም ስለዚህ አይዞህ ወደፊት ተጓዝ ትላንት የደረሰብህን መገፋት መቀማት ትተህ ወደ ፊት ከፊት የመከራ ሳይሆን የ ወርቅ ዝርግፍ ይጠብቅሀል

መልካም ቀን
ሳሙኤል ከበደ

@youthfocus
@youthfocus
@youthfocus

እግዚአብሄር ትልቅ ነው!

ሰው መሆን በብዙ ውጣ ውረድ ማለፍ ነው። በብዙ ህመም፣ ግራ መጋባት ውስጥም ማለፍ። ችግሮቻችን ሲበዙ፣ የህይወት ትግል እለት እለት ሲሆን ተስፋ እንቆርጣለን እረፍትን ስንሻ ችግር ሲጨመርብን የህይወትን መራራ እውነት ስንመለከት ወዲያው ችግሮቻችን የማንወጣቸው ተራሮች እንደሆኑ እናምናለን፤ መፍትሄ ላጣው ችግራችን ወደላይ መመልከት ፍቱን መድኃኒት ነው።

ትላንት እርሱ በህይወታችንን ያሸጋገረን የችግርና የመሰናክል ብዛት ማሰብ፣ ትልቅ መሆኑን ማሰላሰል በምንም አይነት ነገር ውስጥ ብንሆን ትላንት የረዳን ጌታ ዛሬም ከገጠመን ከየትኛውም ተራራም ይሁን ሸለቆ ሊያወጣን እንደሚችል የሚያሳዩ ህያው ምስክሮች ናቸው።

ስለዚህም ዛሬ በገጠመህ ችግር ግራ ከመጋባት ቆም ብለህ ትላንት ያደረገልህን ጌታ አስብ ተአምራቱንም አሰላስል ከዛም በምስጋና በፊቱ ሁን።
በምስጋናህ ውስጥ ድል አለና።

መዝሙር 77
¯¯¯¯¯¯¯¯¯¯
³ እግዚአብሔርን አሰብሁት ደስ አለኝም፤ ተናገርሁ፥ ነፍሴም ፈዘዘች።
⁵ የዱሮውን ዘመን አሰብሁ፤ የዘላለሙን ዓመታት አሰብሁ፤ አጠናጠንሁም፤
⁶ በሌሊት ከልቤ ጋር ተጫወትሁ፥ ነፍሴንም አነቃቃኋት።

መልካም ቀን
ሳሙኤል ከበደ

@youthfocus
@youthfocus
@youthfocus

ሰው መሆን

መወለድ፣ ማደግ፤ ምቾት፣ ችግር፤ መታመም፣ መዳን፤ ማልቀስ፣ መሳቅ፤ ተስፋ፣ መቁረጥ፤ ተስፋ፣ ማግኘት፤ መወዛገብ፣ መረጋጋት፤ ፍቅርን ማግኘት፣ ፍቅርን ማጣት፤ የልብ ቁስል፣ የልብ ፈውስ፤ መፍለቅለቅ፣ መንሰቅሰቅ፤ አንገት ሰበር፣ አንገት ቀና፤ እንደሰከረ ሰው አዙሪት መሽከርከር ደግሞም እንደገና ከአዙሪቱ ለመውጣት መሞከር። ግና ደግሞ እዛው አሁንም መሽከርከር፣ መሽከርከር፣ መሽከርከር ከዚህ ሁሉ በሗላ አድማስን ተሻግሮ ወደማይመለሱበት መሰናበት።

አቤት ሰው የመሆን ጣጣው አንዱ ሲባል ሌላው፣ ሌላው ሲባል ደግሞ ሌላው አንዱ ባንዱ ላይ ሲደረብ፣ ሲደራረብ ሆምጣጤ የጠጣ ያህል መንገፍገፍ ፣ መመረር እውነታው፣ ሀቁም፣ ገሀድ የሚታየው እውነት ይህ ነው፤ ህይወት ማለት መራር ህይወት ማለት ህመም ህይወት ማለት ሲቃ ህይወት ማለት ጥረት ህይወት ማለት ጭንቀት ህይወት ማለት ደስታ ህይወት ማለት እረፍት ህይወት ማለት እርካታ ህይወት ማለት ለሌላው መቆረስ ለሌላው መኖር የራስን ትቶ የሌላውን መሸከም.........
መልካም ቀን
ሳሙኤል ከበደ

@youthfocus
@youthfocus
@youthfocus

ተመለስ

የሯጭ ህይወት እጅግ በብዙ ጥንቃቄ፣ ራስን መግዛት፣ ትጋት፣ ጥረት፣ አላማ ተኮርነት፣ የተሞላ ህይወት ነው። ብዙ አድካሚ የሆነ የልምምድ ጊዜያቶችንም ያሳልፋል በልምምድ ቦታም በውድድር ስፍራም ግን ፍጹም ሊዘነጋ የማይገባው ህግ አለ፤ እርሱም ከመሮጫ መስመር አለመውጣቱ ነው።

የክርስትናም ህይወት ይህው ነው ከተሰመረው መስመር ያለ መውጣት፤ ነገር ግን ሰው ነንና ከፈቃዱ መውጣር ፣ ወደ ሗላ መመለስ፣ መድከምና መዛል በህይወታችንን የምናየው ድካሞቻችን ናቸው።

ነገር ግን በዛ የድካም ህይወት ውስጥ ሆነን የምንቀጥል ከሆነ መጨረሻው የህይወት ራስ ከሆነው ጌታ መኮብለል ነውና ጊዜው ሳያልፍ ወደ ቤትህ ወደ አባትህ ጉያ ቶሎ ተመለስ።

መልካም ቀን
ሳሙኤል ከበደ
@youthfocus
@youthfocus
@youthfocus

🖋🖋 ቴክኖሎጂ ና ትኩረት🖋🖋
በሳሙኤል ከበደ

ሰላም ሰላም እንደምን አላችሁ ይች ጽሁፍ ከተለቀቀች ትንሽ ቆይታለች ነገር ግን ጠቃሚ ሆኖ ስላገኘነው ይህው ዳግመኛ አንብባችሁ አስተያየታችሁን

@youthfocus
@youthfocus
@youthfocus

በኑሮህ ውስጥ ሁሉንም ነገር ያጣህ ከመሰለህ አንድ ነገር አስተውል የአንዳንድ ችገሮች መጨረሻ የሌሎች አዲስ ነገሮች መጀመሪያ ሊሆን ይችላል በህይወትህ ውስጥ የሚገጥምህ እያንዳንዱ ነገር ለበጎ ነው። አንድ ቀን ሁሉም ነገር ይስተካከላል ከአንተ የሚጠበቀው ነገሮችን በትግስት መጠበቅ ነው።

መልካም ቀን
ራሄል ካሳሁን
@youthfocus
@youthfocus

ራስን መምራት
በህይወትህ ዘመን ሁሉ ሌሎችን ለመምራት፣ መንገድ ለማሳየት፣ አቅጣጫ ለማሳየት ከመነሳትህ በፊት በመጀመሪያ ደረጃ ፈጽመህ ልትጎብዝበት የሚገባህ ነገር ራስህን መምራት ላይ ነው።

ራስህን በብቃት መምራት ስትችል፣ ራስህን እንደሚገባ ስታስተዳድር ያኔ ለሌላ ሀላፉነትም ትታጫለህ። በእያንዳንዱ የህይወት መስክ በቤተሰብ፣ በትምህርትህ፣ በመንፈሳዊው ህይወትህ፣..... ራስህን እንደሚገባ ስትመራ ያኔ አለምን ከሚያስተዳድር ሰው በላይ ጥበበኛ ና ብርቱ እንደሆንክ መገንዘብ አለብህ።

መልካም ቀን
ሳሙኤል ከበደ
@youthfocus
@youthfocus
@youthfocus

ለውሳኔና ፍርድ አትቸኩል
በየእለቱ በምንኖረው ህይወት ካሰብነው ውጭ የሚገጥሙን ብዙ ያልተጠበቁ ገጠመኞች አሉ። ነገሮችን ተመልክተን ያን ኛውን ወገን ሳንጠይቅ ወዲያው ወደ ውሳኔና ፍርድ የምንገባ አይነት መሆን የለበትም አንድ ነገር ሊከሰት የሚችልበትን ብዙ አማራጮች ሳንመለከት ወዲያው ነገሩ እንዲህ ነው ማለት ስህተት ነው እኛንም ከእውነታው በራቀ ድምዳሜ ምክንያት የራሴ የምንለውን ሰው ልናጣ እንችላለን። ስለዚህም በቀን ውሎህ የሚገጥምህን የትኛውንም ገጠመኝ በመጀመሪያ ነገሩ እንዲህ ሄኖ ቢሆንስ ብለህ ሳትመረምር ወደ ፍርድ አትፍጠን።
መልካም ቀን
ሳሙኤል ከበደ
@youthfocus
@youthfocus
@youthfocus

ሌላ አለ
የተመኘህው፣ የፈለከውን ነገር አጣሕው፣ ተወሰደብህ፣ አልተሳካልህም አይዞህ ለአንተ ሌላ አለ። ያልተሳካው ያንተ ባይሆን ነው ለአንተ ግን አምላክ ያዘጋጀልህ የትላንቱን የሚያስረሳ ሌላ አለ፤ ሌላ እድል ሌላ መንገድ ሌላ በር።

ትላንት ባለፈው፣ ትላንት ባልተሳካው ልብህ አይሰበር ለአንተ ሌላ አለህ የአንቺ ሌላ አለ።
አላስተዋልን ይሆን እንጂ ህይወትህን የሚመራው መንገድህንም ሚቀይሰው የሰማይ አምላክ ነው። ስለዚህም ነገርህን ሁሉ ትተህ ወደፊት ተራመድ።

መልካም ቀን
ሳሙኤል ከበደ

@youthfocus
@youthfocus
@youthfocus

እምነትና በጎ ህሊና ይኑርህ
በህይወትህ ዘመን ሁሉ ከእግዚአብሔር የተሰጠህን መልካም ጦርነት ትዋጋ ዘንድ እነዚህ ሁለቱ ያስፈልጉሀል እምነትና በጎ ህሊና ጳውሎስ ለእምነት ልጁ የመከረው ምክርም ይህ ነው።

ለእኛም የሚያሻን ይህው ነው በክርስትና ህይወት ውስጥ ድል ማድረግ ካስፈለገ እምነትና በጎ ህሊና መያዝ ያስፈልጋል
እግዚአብሄርን ማመን ደግሞም ህሊናችንን ከክፋት ማንጻት፣ በንጽህናም መኖር ያስፈልጋል።

መልካም ቀን
ሳሙኤል ከበደ

@youthfocus
@youthfocus
@youthfocus

በህይወትህ ውስጥ እያሳለፍካቸው ያለኸው አስቸጋሪ ሁኔታዎች ሚታለፉ የማይመስሉ ፈተናዎች በመብዛታቸው አንተላይ የተለየ ነገር እየሆነ እንደሆነ እያሰብክ አትጨነቅ ምክንያቱም የችግሩ ትልቅነት ትልቅ መፍትሔ እንድታስብ ያደርግሃል። የተወሳሰበ እና አስቸጋሪ ሁኔታዎችን አትፋራ የተወሳሰበ መሆኑ ብዙነገር ያስተምራል በብዙ አቅጣጫ እንድታስተውል እና መፍትሔዎችን እንድታስብ ያደርግሃል። በሚያጋጥሙህ ችግሮች ውሰጥ ተምረህ ማለፍ ያለብህ ብዙ አዳዲስ ነገሮች ይኖራሉ። እናም በሚያጋጥምህ ነገር አትደናገጥ።

መልካም ቀን
ራሄል ካሳሁን

@youthfocus
@youthfocus
@youthfocus

አንተ ሌሎች (የተናገሩልህን) የተናገሩህን አይደለህም አንተ ለራስህ የነገርከውን ግን ነህ! ሌሎች እሱ በጣም ጎበዝ ነው ማድረግ ይችላል እያሉ ቢያወሩም አንተ ማድረግ እንደምትችል በራስህ ካልተማመንክ የእነሱ ምስክርነት ካለህበት ፈቀቅም አያደርግህም ። ግን እንደምትችል አቅም እንዳለህ እራስህን ማሳመን ከቻልክ እናም በሚያስፈልግህ ነገር እራስህን ማዳበር ከቻልክ ሌሎች ስላንተ ሳይናገሩልህ አንተ ራስህን ማሳየት ትችላለህ ።

መልካም ቀን
ራሄል ካሳሁን
@youthfocus
@youthfocus
@youthfocus

መጨረሻ መጀመሪያ
ህይወት የአንድ እስፍንጥር ጉዞ፣ ሳትሆን ልክ እንደ ማራቶን ረዥም ጉዞ ናት። ይህ ጉዞ ታዲያ በውስጡ አድካሚ፣ ጉልበት የሚያዝል፣ አሰልቺ፣ ድልም፤ ሽንፈትም ይዞ ያለ ነው። የእያንዳንዳችን የምንሮጥበት መስክ የተለያየ ቢሆንም ግን ሩጫው የማያቋርጥ የተለያዩ ደረጃዎች ያሉት ነው።
የአንዱ መጨረሻ የሌላው ጅማሬ ነው የኬጂ ትምህርት ሲያበቃ የአንደኛ ደረጃ ይከተላል፣ እሱ ሲያበቃ ሁለተኛ ደረጃ እጅግ በመማረር መች ነው ይህ ትምህርት የሚያበቃው እንደው ማትሪክን ጨርሼ እፎይ...., ብለን ሳንጨርስ የግቢ ወይም ኮሌጅ እጣ ፈንታ ይከተለናል እያለ እያለ ህይወት አንዱን ስንጨርስ ሌላውን እያቀበለች ወደ ምንመለስበት ትመራናለች።

ሞትም ያው ነው ማብቅያ ሳይሆን የሌላ አዲስ ህይወት መጀመሪያም ጭምር።
ይህንን አስተውል አንዱን በድል ስትጨርስ ሌላው እንደሚከተል ከዚያ ውጪ ምንም እንደማይገጥምህ በማሰብ እንዳትኖር ነገ ሌላ አዲስ እድል እንዳለም አርቀህ ተመልከት።

መልካም ቀን
ሳሙኤል ከበደ
@youthfocus
@youthfocus
@youthfocus

አጥብቀህ ቅድስናህን ጠብቅ
በወደቀ አለም በወደቀ ስርአት ውስጥ እየኖርን፣ እየተመላለስንም ቢሆንም ግና የጠራን አምላክ እንድንቀደስ፣ ለቅድስናም ጠርቶናል።

መቀደስ ማለት ለአንድ ነገር ራስን መለየት ማለት ነው። ቅድስናን እንደ ሜኝነት በምትቆጥር አለም እየኖርን ራሳችንን መለየት ቀላል አይሆንም በስውር፣ በጨለማ በስውር የሚደረገው ጉዳይ ገሀድ በወጣበት በዚህ ወቅት ሀጢያትን እንደ ቆሻሻ መጽየፍ አቅቶናል።

አቅሙን አሰባስቦ፣ ለቅድስና ዋጋ ከፍሎ ራሱን ከዚህ አለም እድፍ የሚጠብቅ አምላክን የሚፈራ፣ ለእርሱም ዋጋ የሚከፍል፣ የቅድስና ትርጉምና ዋጋ የተረዳ ብቻ ነው።

ከጋብቻ በፊት በማይሆን ትስስር ውስጥ ገብተን በጋብቻችን እለት የምንሰጣጠውን ውድና ክቡር ስጦታ ያለጊዜውና ቦታ ፈጽመን አምላክንም አሳዝነን ነፍስና መንፈሳችንንም አሳድፈን ክቡሩን ነገር አቃልለን ከህይወት መንገድ ርቀን ተገኘን።

"ጋብቻ ክቡር መኝታውም ንጹህ ነው።" እንደሚል ቅዱስ ቃሉ በቅድስና መንገድ ብቻ ነው የአምላክን ፍጹም በረከት ልናገኝ ልናጣጥም የምንችለው። ስውር ውሀ ቢጣፍጥም በቀኑ መጨረሻ ዋጋ ማስከፈሉ፣ አፍላ እድሜአችንን ለማይራራው መገበራችን አይቀርም።

ቅድስና ዝም ብሎ ቃል ብቻ ሳይሆን በውስጡ ሀይልና ጉልበት ነው ለብዙዎች ድካም፣ ልፍስፍስነት ቢመስልም፤ የአምላክ ነገር ደካማ ሲሉት ሀያል፣ የተናቀ ሲሉት የማእዘን ድንጋይ ዋና ምሰሶ ነውና አለምን ፈጽመህ አትስማ።

ለአምላክህ ራስህን ለይ! ስጋህንም፣ ህሊናህንም፣ መንፈስህንም፣ ህይወትህንም በቅድስና ውሀ በየእለቱ እያጠብህ ንጽህናዋን ጠብቅ።

በህይወትህ መንገድ ሁሉ ራስህን ከሚያሳድፍ መንፈስህን፣ ስጋህንም ከሚያረክስ ነገር አርቅ

ያለ ቅድስና እርሱን ማየት አትችልምና ስትቀደስ እርሱን ማየት ክብሩን ሀይሉንም መመልከት ትችላለህና። የምግብን ጣእም የሚያውቅ በተመገበ ብቻ እንደሆነ ሁሉ የቅድስናን ዋጋ የሚረዳ የተቀደሰ ብቻ ነው።

መልካም ቀን
ሳሙኤል ከበደ

@youthfocus
@youthfocus
@youthfocus

ህይወትና እንቆቅልሽ
ህይወት ከእንቆቅልሽ ተለይታ አታውቅም በየአንዳንዱ ቀን ከተለያዩ የህይወት እንቆቅልሾች ጋር መጋጠምህ አይቀርም፤ በቀላሉ መፍትሄ የማታገኝለት፣ ነገሩን ዝም ብለህ ስትመለከተው ምንም ትርጉም የሌለው፣ ልትረዳው የማትችለው በየእለቱ የሚያሳስብህ፣ የሚያስጨንቅህ፤ ተጨንቀህም አስበህም መፍትሄ የማታገኝለት የህይወት እንቆቅልሽ፤ በየእያንዳንዱ የመንገድህ ፌርማታ ላይ ሊጠብቅህ ይችል ይሆናል።

ዙሪያህን መመልከት ትተህ ወደ ላይ ብትመለከት የእንቆቅልሾችን ሁሉ መፍትሄ የሆነውን ጌታ በዙፋኑ ትመለከታለህ፣ እርሱ ያንተን የተተበተበ የህይወት ጥያቄና ግራም የሚያጋባህን ነገሮች ሁሉ ሊፈታ መፍትሄንም ሊሰጥህ ከባድ የሚባል ነገርን ለማያውቀው ጌታ፣ ለእርሱ ይህ ቀላል ነው።

አንተ ብቻ ጩህ ነገርህንም ይዘህ በፊቱ ቁም።

መልካም ቀን
ሳሙኤል ከበደ

@youthfocus
@youthfocus
@youthfocus