Сўзсиз майинлик 😘

Агарда уни нима биландир қиёслашнинг имкони бўлса, бу албатта, шеърият бўларди. Гўзал, ёқимли, қалбни жунбушга келтирадиган ва ўта нозик атмосферага эга фильм.

"Любовное настроение" 2000 г.

Гонконг 1960-йиллар. Су ва Чоу, иккита ёш оила шаҳарга кўчиб келишгач тасодифан қўшни хонадонлардан ижарага уй сотиб олишади. Жаноб Чоу газетада таҳрирчи бўлиб ишлайди, Су хоним эса катта компанияда котиба. Уларнинг иш графиги бир-бириникидан фарқ қилгани учун бир-бири билан кам кўришади. Янги уйга кўчиб келишгандан сўнг эса оилавий муносабатлар рангсиз тусга кира бошлайди.

Фильм томошасида энг биринчи кўзга ташланадиган нарса бу - унинг визуали. Бу нарса асосан режиссёр қўллаган усуллар фильмга янада кўпроқ ва чуқурроқ маъно қўшганидадир. Мисол учун, фильмда фойдаланилган ранг ва мусиқалар орқали қаҳрамонлар қандай ҳисни бошдан кечираётганини тушуниш мумкин. Кадрдаги ҳаракат мусиқа билан бирга бир хил ритмда давом этиши учун эса Вонг Карвай секинлаштирилган кадрлардан фойдаланади. Бундай кадрларга қараб қаҳрамонларнинг меланхолик кайфиятини сезмаслик қийин. Шунинг учун ҳам фильмга мос равишда бир-бири билан ҳамоҳанг ҳаракатланаётган кино элементларини инобатга олиш керак. Бу ҳолни ҳисобга олиб, фильмни ҳақиқий қофияли шеърга ўхшатиш мумкин.

Агар Лев Толстой бизнинг замонада яшаганида ўзининг Letterboxd саҳифасида фильмга 5/5 қўйган бўларди. Чунки фильмнинг ёзувчи асарларида ифодалаган мавзуларга тегиб ўтган жойи бор. Бир қарашда севги, муҳаббат ҳисси ва хиёнат ҳақидаги фильм, бошқа томондан ахлоқий меъёрлар ва ижтимоий жамиятнинг мавзуларини ҳам кўрсатиб ўтган. Лекин бу мавзуларни танқид қилганини билдирмайди, ниманидир яхши, бошқасини эса ёмон кўрсатмоқчи эмас. Фильм бизга шунчаки маълумотларни беради, хулоса чиқаришни эса ўзимизга қолдиради.

Никто не сделает первый шаг, потому что каждый думает, что это не взаимно.

Фёдор Михайлович Достоевский

Фильмнинг иккала бош қаҳрамонини кузатадиган бўлсак, улар таъсирчан, юмшоқ феъл-атворли ва ижодкор шахс эканини сезишимиз мумкин. Қарама-қарши, танганинг иккинчи томони сифатида эса уларнинг ҳамкасблари кўрсатилган. Булар Су хонимнинг раҳбари ва Жаноб Чоунинг дўсти. Бу иккала персонаж ўз қилган ва қилаётган ишларидан ҳечам уялмайди ва оддий ҳолдек қарайди. Бизнинг қаҳрамонларимиз эса бундай ҳаракатлардан мутлақ йироқ. Уларнинг ахлоқий меъёрлари турмуш ўртоқлари хиёнат қилганида ҳам уларга бўлган ишончини бузишига йўл қўймайди. Ҳатто бошқа одамга нисбатан ҳақиқий илиқ туйғуларни ҳис қилишса ҳам.

Биз кўпроқ эътиборни бош қаҳрамонларга қаратишимиз ва диққатни уларда жамлашимиз учун Карвай атайлаб уларнинг турмуш ўртоқларининг юзини кўрсатмай кетган. Персонажлар ёлғиз қолганида ҳам уларни кимдир пойлагандек ҳис қилишларини етказиб бериш учун камера дераза ёки эшиклар орасидан суратга олган. Бу ҳис, афсуски, уларнинг бирга бўлишига йўл қўймайди. Лекин уларнинг бир-бирига бўлган севгиси абадий қолган дейишимиз мумкин. Чунки Оскар Уайльд айтганидек, "Агар инсон ҳеч қачон сизники бўлмаслигини билсангиз, уни чексиз кўп вақт севиш мумкин."

#Маствотч 10/10

Агар фильмни ўзбек тилида томоша қилишни хоҳласангиз, "ScripterUz" каналида ушбу ҳавола орқали кўришингиз мумкин.

Эътиборингиз учун раҳмат!
Телеграм канал Катта Оға 🎬

Санъатнинг шафқатсиз ўйини 🤐

2018-йил Канн кинофестивалида фильм қўйилганда залнинг ярми ундаги зўравонликларни кўриб, чидай олмасдан чиқиб кетган, қолган ярми эса фильм тугагандан кейин 7 дақиқа қарсак чалиб турган экан.

"Дом, который построил Джек" (+21)

#тавсия #артхаус #психологическиетриллер

Бош қаҳрамонимиз ҳамроҳи Вёрдж (Вергилий)нинг айтишича, жаҳаннамгача бўлган йўлда ҳали ҳеч ким жимлик сақлаб юра олмаган экан. Шунинг учун cериали қотил бўлган бизнинг қаҳрамонимиз ҳам йўл давомида ўз ҳаётидан 5 та ҳодиса (қотиллик билан боғлиқ) ва уларга бўлган ўз муносабатини айтиб беради.

Одатий фильмлардан фарқли равишда бунда бизни қаҳрамоннинг дунёқараши қўрқитади. Ҳа, фильмдаги воқеалар бешафқат бўлса-да, қаҳрамоннинг уларга бўлган муносабати ундан-да қўрқинчли. Чунки у ўз қилган ишларини асослаб беради. У ўзини ижодкор деб ҳисоблайди, қилган қотилликларини эса санъат асари. Нима сабабдан бундай тўхтамга келганини, нимага қотилликларини ижод намунаси деб ҳисоблашини фильмни томоша қилиб билиб олишингиз мумкин.

Деярли ҳар бир фильми инсон ва инсоний қадриятларга чақириқ бўлган, уларни сўроқ остига қўйган Ларс Фон Триернинг ушбу картинаси ижодидаги энг шоҳона асарлардан бири деб айтиш мумкин. У қайсидир маънода автобиографик, чунки қаҳрамон билан биргаликда режиссёрнинг ўзини ҳам санъатга бўлган муносабати ёритиб берилган. Тўғри фильм оғир. Бекорга жанрлари орасида психологические триллер деб ёзилмаган. Яьни картина нафақат асабларингизни қитиқлайди, балки сизнинг танангизга игна санчиб кўради. Аммо бундай услубда фильм суратга олиш, томошабинга шапалоқ тушириш орқали унинг миясидаги фойдаланилмаган тўқималарни ишга тушириб юбориш катта маҳорат деб ҳисоблайман.

Эътиборингиз учун раҳмат!
Телеграм канал Катта Оға 🎬