Malla [Blonde, 2022]
Rej: Andrew Dominik

#drama #biography

Merilin Monro - amerikalik aktrisa, 50-yillarning seks-bombasi, qo'shiqchi va model. Endryu Dominik rejissyorligidagi Joys Kerol Outsning "Malla" nomli asari asosida suratga olingan mazkur filmda siz pushti ko'zaynakli xonimning rangsiz hayoti bilan tanishasiz. Yetimlik, jinsiy zo'ravonlik va mashhurlik ortidagi erksizlikdan aziyat chekkan Norma Jin Merilin Monro soyasida qanday hayot kechirgan?
Filmda bu hislarni his qilishingiz uchun dramatik janrga ancha urg'u berilgan. [Shuning uchun ba'zi sahnalar faktlar sifatida kelmagan bo'lishi mumkin.]

"Barcha ko'z suzgan va
hech kim ko'zga ilmagan..." Mallasoch haqida film 18 yoshdan kattalarga ko'rish uchun tavsiya etiladi.

Film treylerini ko'rish uchun: Treyler
Tarjimon: Nakibov Batirxan

@scripter_uz

Film haqida qisqacha ma'lumot. Avvalroq tashlash yodimdan ko'tarilgan ekan.

Ertaga premyera!

@KoKinoKanali homiyligidagi film tarjimasi yakunlandi va ertaga namoyish etiladi.

📝@Scripter_uz

Quturgan buqa (Raging Bull, 1980)
Rej: Martin Scorsese

#drama #biography

Jeyk La Motta - 40-yillarning metin tanli buqasi, boks yulduzi. Film mana shu bokschining boks va boks ortidagi hayotiga nazar soladi.

Aslida, rejissyorning ismidan tashqari, tarkib (Ssenariy muallifi - Paul Schrader, bosh rollarda - Robert De Niro, Joe Pesci) ham sifatdan darak beradi. Kartina boshqa boks kartinalaridan farqli ravishda oq-qora ranglarda suratga olingan, kinemotografik va vizual jihatdan Skoresezining o'zining ancha muncha filmlaridan ham o'tib ketadi.

Skorsezining hayotini tom ma'noda saqlab qolgan film tarjimasi bugun 19:19da namoyish etiladi.

P.s: Filmda senzura butunlay yo'q. So'kinishlar boricha, yulduzchalarsiz ishlatilgan.

Film treylerini ko'rish uchun bosing

Tarjimon: Behruz Umidjonov

📝@Scripter_uz (Homiy kanal: @KoKinoKanali)

​​Quturgan buqa (Raging Bull, 1980)

Audio: En
Sub: Uz, En, Ru

📝@Scripter_uz (Homiy: @KoKinoKanali)

Filmning ham emotsional, ham tarixiy tomonlari haqida yaxshi revyu yozilibdi. O'qib ko'ringlar.

https://telegra.ph/Skorsezening-Songi-Sozi-06-29

@KoKinoKanali kanali homiyligidagi ikkinchi film tarjimasi nihoyasiga yetdi.

Premyera ertaga!

📝@Scripter_uz

​​Noma'lum (The thing, 1982)

Audio: En
Sub: Uz, En, Ru

📝@Scripter_uz (Homiy: @KoKinoKanali)

Film haqida*

Noma'lum (The Thing, 1982)
Rej: John Carpenter

#sci_fi #horror

O'zga sayyoralik so'zining o'zi ishlatilaverib siyqasi chiqib ketgan so'z, ayniqsa horror janrida. Arzon va sifatsiz filmlar janrning qiymatini anchagina pastlatib yuborishgan. Lekin o'tgan asrning 80-yillari uchun bu film kabi grafika oson ish emasdi.

Kino janubiy qutbda tadqiqot olib boruvchi guruhga uchoqlarda hujum qilinishi bilan boshlanadi. Keyinroq guruhga tusini har qanday yashovchi jonzotga o'zgartirishga qodir mavjudot kirib olgani oshkor bo'ladi.

Syujet bir tarafdan 'Among us' o'yini va Kventin Tarantinoning debyut 'Reservoir dogs' va 'The hateful eight' kartinalarini eslatib yuborishi tabiiy. Shuningdek kinoda 'suspense' boy sahnalar talaygina. Voqealar nafaqat qishda, shunda ham qutbdek sovuqda sodir bo'lishi va qahramonlarning oq bilan burkangan maskanda yordam qidirishlari kinoga yanada atmosfera qo'shadi. Balki aynan shu tomonlari bilan film janrning haqiqiy klassikasiga aylangan bo'lsa ajab emas.

Film treylerini ko'rish uchun bosing.

📝@Scripter_uz (Homiy va hamkor @KoKinoKanali)

Кеча 19:19 да "Номаълум" фильмини каналга юклаши керак бўлган "ScripterUz" канали админи.

Keyingi tarjima uchun 'hint'.

📝@Scripter_uz

To'liq metalli jiket (Full Metal Jacket, 1987)
Rej: Stanley Kubrick

#war #drama

Filmda 1955-yilning 1-noyabrida boshlangan Viyetnam urushi paytida endigina voyaga yetgan yigitlarni olib, urush daxshatlariga otib yuborishlarining guvohi bo'lamiz. Kino Amerikada Respublikachilar partiyasi va bir qancha militaristlar tarafidan urushni yoqlaydigan film deb atalsada, unga ozgina chuqurroq nazar solgan tomoshabin kartinada urushni yoqlaydigan hech narsa yo'qligini tushunib oladi. Stenli Kubrikning ushbu filmida urushga bog'liq voqealarga havolalar, ironiya va achchiq kesatiqlar to'lib yotibdi. Masalan, film bosh qahramoni, Joker'ning dubulg'asida 'O'ldirish uchun dunyoga kelgan' jumlasi va tinchlik ramzi yonma-yon turadi.

Kino 2ta qismga bo'lingan. Birinchi qism, ko'plab urush haqidagi filmlardan farqli ravishda, askarlik uchun tayyorgalik jarayonlarini, bo'lajak askarlarni qanday qilib miyalarini butunlay yuvib yuborishlari, jang maydoni uchun vaxshiylarga travmalar bilan o'ldirish uchun mo'ljallangan mashina tayyorlashlarini, askarlarning nafaqat ularning instruktorlari balki sheriklari tomonidan ham xo'rlanishlarini yoritadi. ikkinchi qism esa urush voqealarini tasvirlaydi. Uning naqadar absurdligi, qotil mashinalar va bu mashinaga aylana olmaganlarning urushdagi qiyinchiliklarini ochib beradi. Shuningdek perfetktsionist Stenli Kubrikning vizuali kinoga yanada reallik, haqiqiylik va o'zgacha ruh bag'shlaydi.

Izoh: To'liq Metalli Jiket - O'q nomi. Tayyorgalik davomida asosan zararsiz, soxta o'qlar ishlatiladi. To'liq metalli jiket deb esa haqiqiy, jarohat yetkazadigan, katta o'qlar ataladi. Kino davomida yanada aniqlashtiriladi.

Film treylerini ko'rish uchun bosing

Tarjimon: Azizbek Yusupboyev

📝@Scripter_uz

​​To'liq Metalli Jiket (Full Metal Jacket, 1987)

Audio: En
Sub: Uz, En, Ru

Tarjimon: Azizbek Yusupboyev

📝@Scripter_uz

Keyingi tarjima uchun hint.

📝@Scripter_uz

Bugun eng katta kinoman va eng original filmlar rejissyori Kventin Tarantinoning tug'ilgan kuni ekan :]

Rejissyorning 'Bir zamonlar... Golivudda' filmi kanalimiz tomonidan o'zbek tiliga tarjima qilingan. Filmni ko'rish uchun bosing.

📝@Scripter_uz

Тан олинмаган, параноидальный шедевр. 🎛

Фрэнсис Форд Копполанинг мутлақ муаллифлик фильми бўлиб, у ушбу фильмни суратга олиш учун 6 йилдан кўпрок кутган. "Чўқинтирган Ота" муваффақиятли чиққандан сўнг эса, унда ваниҳоят фильмни суратга олиш учун имконият туғилган.

"Суҳбат" 1974 г.

Фильм Гарри Коул исмли кузатувчилик билан шуғулланадиган шахс ҳақида ҳикоя қилади. Буюртмачининг ишига бурун суқмаслик қоидаси бўйича иш кўрувчи қахрамон, кунлардан бир кун ўз қоидасини бузади ва қўлидаги материаллар кимнингдир ҳаётига хавф солиши мумкин деган хаёлга боради.

1975 йил 47-"Оскар" маросимида "Суҳбат" энг яхши фильм сифатида "Оскар"га номзоди қўйилган. Аммо, Коппола, худди шу йили чиққан ўзининг бошқа, "Чўқинтирган Ота 2" фильмига ғалабани "қўлдан бой берган". Бунга қарамай фильм, Канн кинофестивалида "Олтин Палма Япроғи"ни қўлга киритган.

Гарчи фильм сценарийси олдинроқ ёзилган бўлса-да, у айнан АҚШ тарихидаги энг йирик можаролардан бири, Уотергейт можароси авж олган йил премьера қилинган. Ушбу можаро Ричард Никсон даврида давлат томонидан одамларни кузатилгани тўғрисида бўлиб, АҚШ тарихида илк бор президент ўз хоҳиши орқали истеъфога чиқиши билан якунланган.

Фильма биринчи навбатда, маҳоратли режиссура ва сценарий билан олдинги поғоналарни банд қилувчи фильм ўта қизиқарли ва мазмунли қилиб суратга олинган. Гарчи фильм темпи бироз секин бўлса-да, ундаги саспенс ва таранглик томошабиндан узоқлашмайди. Бу айниқса бош қаҳрамонга ўхшаган перфексионистларга жуда ёқиши турган гап.

2024-йил апрель ойида ушбу фильм премьерасига 50 йил бўлади. Бундан ташқари, бу йил Фрэнсис Форд Коппола ўзининг "Мегалополис" филми билан шунча йиллик танаффусдан сўнг кино саноатига қайтиши хам синефиллар қалбига ғулғула солгани йўқ гап эмас. Шундай бир пайтда, унинг кинодурдоналаридан бирини эслаш айни муддао.

Фильмни премьераси бугун ва уни "Enigma Uz" ва "Катта Оға" каналларида томоша қилишингиз мумкин.

​​SUHBAT (1974)

Audio: En
Subtitr: Uz, En

@Enigma_Uz ✦ Katta Ogʻa

​​BECHORALAR
Poor Things, 2023 R

#premyera #comedy #drama #romance

Gʻalati bir olim tomonidan hayotga qaytarilgan yosh ayol kasbi huquqshunos boʻlgan odam bilan dunyo boʻylab aqlni shoshirib qoʻyuvchi sayohatga otlanadi, toʻgʻrirogʻi, qochib ketadi. O'z borligʻining andishasidan yiroq boʻlgan qahramonimiz, tenglik va ozodlik tarafdori bo'lish niyatida rivojlanib borishining ajoyib sayohatiga guvoh boʻlamiz.

Tarmoqlarda treyleri paydo boʻlgandan tortib to Oskarda Oppenhaymerdan eng oliy nominatsiyadagi sovrinni tortib olishiga sal qolguncha odamlar ogʻzidan tushmagan 2023-yil xitidan endi oʻzbek tilida bahramand boʻlishingiz mumkin. Boshqa haypli filmlardan farq qilib, tushunish judayam oson boʻlmagan gʻalati filmning bu darajada mashxur boʻlishi koʻngilni quvontiradi aslida. Bu insonlar haqiqiy sanʼat asarini qadrlashni boshlaganliklaridan dalolat.

Xullas, koʻp gapirmaymiz film haqida. Oyda-yilda bir film koʻradigan odamlarni ham "qani, bir koʻraylikchi nima ekan bu" deya oʻziga jalb qila olgan film tarjimasi shu kunlarda boshlanadi.

Tarjima murakkabligi sabab sizlardan tarjimonni qoʻllab quvvatlashingizni iltimos qilamiz. Donat summasini 200 ming soʻm qilib belgiladik. Bundoq olib qaralganda, 2000+ obunachilar uchun hech boʻlmasa 5ming soʻmdan tashlaganda ham yigʻib qoʻyiladigan mablagʻ oʻylashimcha sizlar uchun qiyinlik qilmaydi.

Donat uchun:

9860040102482839 J/T

Filmning oʻzbekcha treyleri quyida keltirildi.

@Enigma_Uz ✦ Deshifrlaymiz!