السلام عليكم بما أنه بزاف منكم طلبوا مني نزيد نهدر لكم على الكتب المتبقية من سلسلة Score+ أنا سبق و هدرت على semio et immuno و تبقى كتابين cardio 3modules et Anapath غادي نهدر لكم عليهم بما أنهم راهم عندي نحاول نعطيكم فكرة عن المحتوى هاكا لي راهم مهتمين يعرفوا شا فيهم

أولا غادي نهدروا على كتاب cardio 3 modules

1. هذا الكتاب يشمل لموديل الثلاثة Biochimie _Physiopath_Radiologie و فيه 175 صفحة.
2. غادي تلقوا فيه ملخصات لجميع دروس البرنامج بالنسبة لكل موديل و الدروس حسب كلية وهران.
3. طريقة التلخيص ذكية تعتمد على أهم النقاط المهمة فالدرس و لي تتعاود فالكسيام.
4. فكل ملخص أولا غادي تلاقو شرح مختصر لجميع عناصر الدرس Explication و من بعد جزء خاص بأهم النقاط لي يطيحوا فالإكزاما Thémes les plus fréquents.
5. و أيضا جزء فيه أهم النقاط لي لازم تحفظها من الدرس Points essentiels à retenir و جزء فيه أهم الأخطاء لي لازم تتجنبوها Pieges d’examen et les erreurs.
6. و أهم حاجة تلقوا أيضا جزء فيه QCM هذاك الدرس و فالأخير عندكم مخطط لكل الدرس Shemas mental.
7. بالنسبة للكتابة واضحة و بالألوان و التنظيم أيضا يوجد مخططات جداول رموز من أجل الذاكرة البصرية تلعب دور.
8. إذا الكتاب يوفر ملخصات شاملة للدروس و بطريقة مدروسة و ذكية و ملمة بأهم المعلومات و يركز على كسيام ينفع خصوصا فالمراجعة النهائية.

ثانيا كتاب Anapath

1. الكتاب يشمل جميع دروس البرنامج فيه 23 درس حسب كلية وهران و فيه 92 صفحة.
2. نفس الشيء بالنسبة للكتب السابقة فيه ملخصات لجميع الدروس.
3. الملخص يشمل الشرح أولا ce qu’il faut savoir و من بعد جزء لنقاط المهمة à retenir و جزء les pièges و في الأخير عندكم shéma mental لكن فليموديل مكانش QCM بصح ملخصات تركز على الكسيام.
4. الأمر المفيد في هذا الكتاب بالذات هو كيما تعرفوا دروس أناباث طوال و فيها بزاف هدرة هاذ الكتاب يلخّصها بطريقة مختصرة و في نفس الوقت يشمل النقاط المهمة فالدرس و أيضا من أجل الإمتحان.

صراحة أنا كي نهدر على كتاب نهدر شافيه يعني المحتوى و كل واحد يشوف يلا يناسبه أولا لا
لكن بما أنه هاذ الكتب أنا راني نستعملهم نقدر نمد رأيي الشخصي
أنا بعد مانفهم الكور بالتفصيل بعض المرات نبغي نلخص و باه منضيعش بزاف الوقت وليت نحط الكور تاع بروف قدامي و كتاب تاع scoreقدامي و نخدم ملخصاتي إنطلاقا من الإثنين يعني عيني ميزاني بصح للأمانة عجبوني و سهلوا عليا العملية
معناه بإختصار أنا نستخدمهم أكثر فيما يخص الملخصات و أيضا كي نبغي نشوف شايركزوا فالكسيام أصلا النقاط لي يركز عليهم تلقوهم من بعد فكسيام
و نشوف يلي يعاونوا بزاف فالمراجعة النهائية خاصة لي يكونوا متأخرين