طلاب اليوم في درس جهزولي حالكون الدرس هوي صفحتين ها يعني طويل ❤️❤️
اللي مو درس يدرس ❤️❤️
جاااهزين ياأبطال ...💕

كم كلمة لطلاب التكميلي 2022 وطلاب 2023 من الانسة ريان حمداش🔥❤️
نحن بشر منواجه ظروف ومنوقف عند ظروف ومنستسلم لظروف 💛🔥
لكن بعض الظروف ما منستسلم إلها 😎💚
لكن بعض الظروف منواجها 😀🧡
ولكننن بعض الظروف بتحتاج لمواجها وإكمال 💛🧡
بعض الظروف لازم نواجهها ونكفي فيها للآخر 😍🤓
ظرف النجاح كل ما واجهته أكتر كل ما بيعطيك أكتر نجاح🧑‍🎓👩‍🎓
🔥🔥كلنا تعبنا والكل خسر أشخاص والكل رجع خطوة لورا والكل مرق بظروف صحية صعبة الكل الكل الكل الكل ...الخ
لكن مو الكل استستلم 👍
ليك شوف لقلك طلاب 2022 👌❤️ تعبو واجتهدو وفي منون بنصف الطريق كان بدّون ينسحبو وليكهم كفو للأخير 🔥😎 باقيلون خطوة وحدة وبخلصو هاد الطريق ❤️❤️
حياااااتنا عبارة عن طرق 🛤🛤 منخلص من طريق بيطلعلنا طريق تاني نكفي فيه تميّز ونجاح🏆

👩‍⚕: تعبنا 12 سنة لحتى وصلنا للبكالوريا وهالتعب ما حدا اعترف فيه غير انت الوحيد اللي بتعترف اديش تعبت واديش تحملت .. العالم والاشخاص والناس ما اعترفو بالتعب اللي تعبناه لشو لنعترف بكلامهم المحبط والسلبي اذا هني مااعترفو بالشي الايجابي اللي عملناه ؟؟!!🌈🔥
🧔:ماعملنا شي ايجابي انسة ريان بحياتنا!!🥀🥀
👩‍⚕ وجودك معي هون ووصولك لمرحلة البكالوريا اااخر مرحلة بتفصلك عن حلمك يعني وصلت لنهاية الطريق💪👋 و لبداية طريق جديد ✊ هاد مانو شي ايجابي ؟
بحياتك لا تخلي كلام الناس تأثر عليك الناس ماعندا شغلة وعملة غير تتسلى بمشاعر العالم صراحة ❤️ نحن بهيك وقت مو فاضيين نتسلى بهيك مواضيع 👍🤠 خليون يلعبو لحالون لا تلعب معون 🤗🤗
البكالوريا ع فكرة هيي تسلاية وحل تمارين لكن هالتسلاية بدك تاخدها بجدية 👌💛

مرقت بظرف صعب عادي وين المشكلة هاي سنة الحياة الله سبحانه وتعالى بيختبر كل شخص 🤩🥳
ليش لتوقف عند هالاختبار خلص اعمل الاختبار وجهز حالك لاختبار تاني 😎✌️
لا تقول خلص ماعاد بدي كفي 😕😕
كفي كفي هاد تعب 12 سنة اكتر من 6000 يوم تعبت فيه على مدار حياتك بالدراسة وقففت على هال 10 أيام لتخلص التكميلي وأقل من 300 يوم لطلاب 2023❤️
👨‍💻: ما تعبت طول حياتي انا ما بدرس انسة ريان بس هيك بنجح عالبركة! 😇😇😅
👩‍⚕: اذا ما بتدرس ووصلت لهيك مرحلة عظيمة 😉 ف كيف لو تدرس ❤️ والله لا يخفى انك تطلع من الاوائل ❤️❤️
👨‍💻:انسة انا اخترت قرار صعب اني بدي أدخل تكميلي ؟
👩‍⚕ليش قرار صعب ليش ؟
اكبر قرار واكتر قرار صعب اخترته انك دخلت بكالوريا فاجتزت هالقرار او لاء ؟
نجحت فيه او لاء ؟😎🎓
باقي بس نكفي هالنجاح ومنخلص هالطريق ومنقلع عيون بعض العالم اللي واجهتنا👌🧡🎓
بدنا ننجح مو بس لنقلع عيون العالم لاااء أكيد بدنا ننجح لأنو البابا والماما بيستاهلو هيك نجاح ... لأنو أنا بستاهل هيك نجاح وفرحة النجاح وفرحة إني خلصت مرحلة عمرية ... لأني ببساطة بستاهل كلشي حلوو بحياتي أنا وأهلي ..❤️❤️

#الآنسة_ريان_حمداش🍃💚

لما تكون انسة علوم او طالب و دارس علوم 😂😂😂
بعلمك تكون قاعد بعلمك تبلش تشريح😂😂😂😂
دماغ
تلافيف دماغية
نصف كرة مخية
😂😂😂😂😂

♨️♨️سؤال/

⁉️مصاب ينزف بشكل كبير في الطريق و يقول لك أنا عطشان فيجب أن لاتعطيه الماء لكن لماذا؟؟؟⁉️
كتبولنا بالتعليقات 💞💞

#الآنسة_ريان_حمداش

الجواب✅
لعدة أسباب منها...
من الطبيعي أن يعطش المريض عند النزيف لأنه فقد سوائل كثيرة لكن إذا أعطيته ماء قد يؤدي ذلك لتوقف قلبه.

الشرح...
عند حدوث نزيف... تلقائياً القلب سوف يحاول تعويض نقص الدم فيزداد معدل ضربات القلب بشكل يكون أسرع من المعدل الطبيعي وسيكون هناك إجهاد قوي على القلب... بالتالي مع شرب الماء سيزداد الإجهاد أضعاف مضاعفة على القلب و سيتوقف عن ضخ الدم تماماً.

#الآنسة_ريان_حمداش 🍃💚

هدول الطلاب اللي كاتبين لاء 😒
حابي شوفون وشرّح قدامون خروف كامل وانا مربطة ايدهم واجريهم جنبي لحتى يقوى قلبهم😒
ليكو هون ماعندي طلاب ضعيفة قلب هون الكل بدو يصير قلبو قوي لدرجة يقتل شخص ويشرحو😂😂😂

الله يقدرني على فعل الخير ❤️😂

مقطع عرضي في النخاع الشوكي

حطيت المادة الرمادية والمادة البيضاء والقرون ❤️

خلصنا كلشي موجود داخل الدائرة او المقطع العرضي 😂😂
هلق منطلع لبرا شوي شوي 😎☺️
في المقطع العرضي للنخاع الشوكي كانت
القرون الخلفية ⬆️ (حسية)
والقرون الأمامية ⬇️ (محركة)


القرن الخلفي الحسي ⬆️ بيتصل مع جذر هاد الجذر متلو نفس الوظيفة( رفيقه الانتيم البيست فريند للقرن) ف اسمه لهاد الجذر 💢 الجذر الخلفي الحسي💢

أيضاً القرن الأمامي المحرك ⬇️ نفس الشي بيتصل مع جذر هاد الجذى متلو نفس الوظيفة (رفيقه الانتيم والبيست فريند للقرن) ف بما انه متصل مع القرن *الامامي المحرك* صار اسم الجذر 💢الجذر الأمامي المحرك💢


لما بيتصل الجذر مع القرن بشكلو عصب شوكي ليكو بالآخر💖

#الأستاذة_ريان_حمداش

بالنسبة للمادة الرمادية ❌
راسمة دائرة باللون الزهري 💓 بالقرن الأمامي 👍
ودائرة باللون الزهري 💖 بالقرن الخلفي👍

💖الدائرة اللي باللون الزهري الموجودة بالقرن الخلفي ( اللي من فوق ) هاي الدائرة يعني عصبون حسي 👍
💞الادائرة اللي باللون الزهري الموجود بالقرن الأمامي (اللي من تحت) هاي الدائرة يعني عصبون محرك 👍 ((ونحن آخدين العصبونات المحركة اللي بتكون متعددة القطبية وشكلها نجمي بتكون بالقرون الأمامية للنخاع الشوكي ف معناها حكينا صح ❤️❤️))

وانا قايلتلكون بين كل عصبون حسي وعصبون محرك لازم يكون في وصلة بيناتون هاي الوصلة هوي العصبون الموصل 💜 اللي موجود باللون البنفسجي 👍👍

👩‍⚕:نحن أخدنا انو العصبونات الأحادية القطب والعصبونات الحسية توجد بالعقدة الشوكية صح ؟
🧑‍🎓: انسة ممكن سؤال ...هلق بما انها عقدة شوكية ف ما لازم تكون بالمقطع العرضي للنخاع الشوكي اللي بضم كلشي ؟
👩‍⚕: ياعيني عليك برابو عليك لازم تكون العقدة الشوكية معناتا مرسومة وموجودة بهاي الرسمة 👍 شوف وينها وشلون منعرف موقعها 😎
نحن قلنا أنو العصبونات *الحسسسييييية* موجودة بالعقدة الشوكية طيب نحن بهاي الرسمة شوفي شي كان حسي وشي كان محرك؟
🧑‍🎓: اااانسة القرون ...القرون الخلفية حسية والقرون الامامية محركة
👩‍⚕: ياعيني عليك شو شاطر براابو عليك👍 طيب بما انو هاي عصبونات حسية ف أكيد بدها تكون من فوق صح؟ لأن انا قلتلكون كلشي خلفي حسي ⬆️ وكلشي أمامي محرك⬇️
🧑‍🎓: تمام انسة صح
👩‍⚕: تمام معناتا عرفنا انو العقدة الشوكية موجودة من فوق هلق بدنا نحدد موقعها بدقة أكتر 😎
من فوق شوفي عنا شي حسي ؟
🧑‍🎓: انسة عنا القرن الخلفي الحسي وفي عنا الجذر الخلفي الحسي
👩‍⚕: لك ياعيني عالشطارة برابو عليك... معناتا العقدة يا عالقرن يا عالجذر
القرن فيه عصبونات حسية قللي ماعاد فيني اسا أحمل عقدة رحنا عالجذر لقيناه مو حامل شي قلتلو تعا تفضل بدي حط عليك هالقعدة قلي تكرم عينك ياانسة ❤️ وخطيت عليه هالقعدة 😎
معناتا العقدة الشوكية وين صار موقعها؟
🧑‍🎓: العقدة الشوكية موجودة على الجذر الخلفي الحسي انسة يعني؟
👩‍⚕: يعني حكيك 100% صح برابو عليك❤️
✅موقعها للعقدة الشوكية على الجذر الخلفي الحسي للنخاع الشوكي✅

#الأستاذة_ريان_حمداش

مقطع عرضي للنخاع الشوكي ❤️

👩‍⚕: نحن آخدين إنو شكل العصبون بالعقدة الشوكية هوي ؟
🧑‍🎓: عصبون أحادية القطب انسة
👩‍⚕: ياعيني عليك برابو
العصبون أحادي القطب متل حرف T
شوفوه

#الأستاذة_ريان_حمداش

اول واحد❤️ شكله متل حرف T بالمقلوب ❤️❤️