بالنسبة لموضوع حل المسائل والتدريب عليهم ضروري جدا تشيكوا وتشوفوا أسئلة الوزارة السابقة وتتدربوا عليهم خاصة على مواضيع التيار الكهربائي والمجال المغناطيسي وفيزياء الكم.
ما فيه داعي لموضوع فرد العضلات بالأسئلة وكثرة العجقة والتشتت مطلوب منك فقط حل أسئلة وزارة ووأسئلة الكتاب ويخلف عليك ..

برنامج الوزارة لعام 1989 😆

أخوكم بالله كل يوم بيخلص من طابق وحاجه في البيت والعرس بيطلعله طابق جديد 😆
دعواتكم يا حلوين 😢

بدي احكي إلكم عن حلم حلمت فيه امبارح وهسا تذكرته هو حاجه عجيبه غريبه..😜
حلمت إنو فيه طالب هون من المجموعة بس طلعت النتائج طلع ناجح توجيهي فراح بعثلي دعوة إنو آجي احضر حفلته وبعثلي لوكيشن البيت ..
المهم وأنا بالطريق بس قربت أصل المنطقة إلي فيها الحفلة تلفوني طفى شحن وأنا أصلا مش عارف وين المكان فمشيت كثير لحد ما سمعت صوت أغاني وحفلة شباب وفتت وسلمت وهيك وما بعرف لمين الحفلة فبسأل واحد جنبي لمين الحفلة حكالي لواحد اسمه حسان ناجح توجيهي أدبي وبعد هيك صحيت من الحلم 😂
حرق دمي الحلم 😂

بتحبوا نفتح حصة Google Meet نجاوب على أسئلتكم واستفساراتكم حول المادة؟ معاااي؟ 🏆

بإذن الله 5 دقائق وببعث إلكم رابط الحصة 🏆😁
وبكرا كمان راح نفتح حصة بإذن الله 🌸

رابط حصة Goolgle Meet تفضلواااا 🌸
https://meet.google.com/moq-zstv-jze

فرصة سعيدة في الحصص القادمة وإن شاء الله نكون جاوبنا على أكبر قدر من أسئلتكم واستفساراتكم حول المادة 🌸

مساء الخير 💚
اليوم بتقدروا تحكوا إنو أعلنت عن بداية رحلة جديدة لتدريس مادة الفيزياء لطلاب الثانوية العامة جيل 2006 مع مدارس أبن القاسم الإسلامية والبداية لسا قوية بإذن الله. 😁
بدنا منكم طلب بسيط جدا بحكم إنكم طلابي جيل 2005 وعارفين شرحي وأسلوبي وتدريسي 🙈
كل حدا فيكم يدخل للمنشور ويعطي رأيه بشرحنا بكل صدق وأمانة حتى يعرفوا جيل 2006 إنهم في أيدي أمينة إن شاء الله 🏆
ودعواتكم إنو يتمم إلنا الأمور على خير ..

** رابط المنشور:

https://www.facebook.com/AQISchool/posts/pfbid02dcsgVnp25F8rzDC85tyPFbCnaxw6VnuB5FLdUx5AtKNPcKYWY36H37mr9YbTi5qCl

بنمون عليكم لا تجيبوا سيرة خوازيق أوراق العمل والامتحانات إلي جايه 😂

كل عام وأنتم بخير وتقبل الله طاعاتكم وغفر ذنوبكم وأعادهُ عليكم باليُمن والبركات 💜

كل عام وأنتم بخير 😆

وزارة التربية والتعليم:
إضافة 10 دقائق على وقت امتحان التوجيهي لكافة أوراق المباحث.

تبدأ غدا أولى امتحانات #الثانوية_العامة في الأردن.🌸
خالص أمنياتي ودعواتي لكم بالتوفيق والنجاح بأعلى العلامات أحبتي الطلبة .. ❤️
جيل 2005 لكم مكانة خاصة في قلبي دون سواهم ..

🔴 ملاحظات هامة وددت طرحها قبل امتحانكم بكرا:
🔹 ما فيه داعي تعجق حالك وتصف مع مجموعات الطلاب إلي واقفين قدام المدرسة وبيحكو وبدردشوا عن الأسئلة المتوقعة وغيره لأنه راج تعجق حالك.

🔹 حاول تنام بدري لأنه النوم السليم بيعطيك تركيز كامل وكفاءة تفكير ممتازة عند حل المسائل.

🔹 أي شخص بيحكلك الامتحان تسرب ونسخة الامتحان مع الطلاب وغيره من الأمور إلي بتعمل إلك كركبه ووجعة رأس إبعد عنها وغنيلها مش ناقصك حاجه تخربط رأسك قبل الامتحان.
🔹 حاول لا تعكر مزاجك بموقف أو مشكلة في البيت قبل ما تطلع عشان ما تنكد علينا ..

🔹 وصي أهلك وأي شخص بتعرفه إنو يصحيك معو ويشيك عليك ومش غلط لو أعطيت رقم أهلك لصاحبك ورقم أهله معك بحيث إلي بيصحى أو بيصير معه إشي يدق تلفون على اهل الثاني ويحطهم بالصورة سواءًا صارت معه مشكلة أو تأخر بالنوم وهكذا ...
🔹 لا تزنق حالك بالوقت وتطلع عالقد عالمدرسة خاصة الجماعة إلي بتعتمد على التطبيقات ! حاول كون موجود بدري أفضل وأفضل وأقعد بزاوية لحالك راجع ورتب أمورك.

🔹 لا تخبص بالأكل والشرب قبل بالامتحان وبس تنام تدفى منيح عشان ما تصحى صايبك برد أو مغص يعكر عليك جو الامتحان وحاول قبل ما تطلع فترة الصبج تكون شارب وماكل ومخلص أمورك سواءًا كحمام أو لبس أو غيره.

🔹 لا تخبص بالأكل والشرب قبل بالامتحان وبس تنام تدفى منيح عشان ما تصحى صايبك برد أو مغص يعكر عليك جو الامتحان وحاول قبل ما تطلع فترة الصبج تكون شارب وماكل ومخلص أمورك سواءًا كحمام أو لبس أو غيره.

🔹 جيب معك مطرة مي وما فيه داعي يكون معك عدة وعتاد لما تدخل عالقاعة خلص جيب الإشي إلي بتحتاجه فقط عشان بالمُجمل الطلاب بتضيع أغراضها وقت الامتحان من العجقة.

🔹 لا تشرب أو تاكل أي شغله من أي حد ما بتعرفه حتى لو كان محترم وكيوت وكون قريب من الامتحان يعني في ساحة المدرسة وحواليها.

🔹 ممنوع تعلك بالامتحان أو تبزر وحركات الدواوين ومحور الأرض والحداقه سيبك منها خلال الامتحان لأنه ممكن تقع مع مدير قاعة أو مراقب يعتبر أي موقف أو حركة بسيطة منك محاولة غش.
🔹 خلي عندك إيمان وانطباع إنو الامتحان شو ما عملت فيه ما حد راح يطخك ولا الحياة موقفه عليه.

🔹بس تخلص الامتحان لا تناقش إجابتك مع أي حد خلص إطلع وروج عالدار مش ضروري تلتم مع الطلاب عباب المدرسة وتستنى الشله تطلع وتقعد تصحح وتشيك وتشوف كيف قدمت الشباب خلص روح.