دموع أبلون إلجروح ،، وغريبه بكربله تنوح
اجيت وظلعي مكسور ،، لگيتك يبني مذبوح
ابچي ليا مصيبه ،، الك لو للغريبه
*****
هذا الضعن ،، محنه امتحن
وبابي بداية قصته
ماينتهي واكثر بعد ،،يزود المصاب الشفته
جروحي هذن ،، واتحولن
لبني وتعدن لخته
وبكربله حان الوعد ،، وانه الحصل حاضرته
يطف هنا ،، صحت ويلا
دخلت الكربله بنوحي
جروحي تعود ،، وراح تزود
جروح ابني على جروحي
عذاب ومحنت الدار ،، عصرتي ولهبت النار
ظليمه يبني يحسين ،، زماني الكم اندار
وادموعي السچيبه ،،، الك لو للغريبه
*****
جبت الدرب ،، دمعات اصب
اهجس ونين احسيني
مسابگ دليلي وي الجدم ،،وآخ الظلع ياذيني
هيمه ورعب ،، ساحة حرب
بضعني منو يدليني
نار وعجاج وملحمه ،،بلله شتميز عيني
ييمه حسين ،، اشوفك وين
جاوب خاطر اندلك
على الصيوان ،، شفت دخان
ونيران بخيام اهلك
رماد الخيمه بالعين ،، ماشوفك تون وين
غريب وادري عطشان ،، يمه ويلي يحسين
ماي افرض اجيبه ،، الك لو للغريبه
*****
وين الحرم ،، وين العلم
وين الضعن راعيه
شفت وعساني لا شفت ،، چف عالترب مرميه
بجمر الخيم ،، طابع جدمم
واضح اثر علويه
فرن بناتي وكربله ،، خيل وشمس ظهريه
وين اندار ،، ألگه النار ،،بمخيم علاوينه
شفت ثايه ،، بلا رايه ،، والكافل غمض عينه
كفيل العايله طاح ،، امان البلضعن راح
عدوكم للسلب جاي ،، احرگوا بالخيم صاح
اصير ألمن مجيبه ،،، الك لو للغريبه
*****
خاطر كسر ،، جارح نظر
وادي وعساكر سوره
ظهريه والطلعت غصب ،، عنها گلت معذوره
منين الحذر ،، من ياخطر
والطف منايه ادوره
وانا ويعمة هالضعن ،، اركض صرت مجبوره
طاح السور ،، والناطور ،،ضعن ماواحد ايجيره
هالوليان ،، عالتربان ،، ومصيبة زينب اچبيره
ظهريه وظعن تاه ،، بين الغربه ويلاه
شخلت بيهن النار ،، غير مناوب الاه
هالونه العجيبه ،، الك لو للغريبه
*****
من الجره ،، لون الثره
دم ولدي صابغ لونه
عمدآ يمرون بجسد ،،أعلجروحه ويصوبونه
عبرة مره ،، متكسره
تناشد غدة ميمونه
ابن امي طاح ولا أله ،،يامهره لينصرونه
زينب هاي ،، تحشم جاي ،،وهلبت هالمهر يفزع
للعطشان ،، بالميدان ،، ويدفع ساعة المصرع
دمك والترب لون ،،، و بجروحك يسحگون
اصيح شمالها الگوم ،،يبني و ما يسمعون
هالصوت بنحيبه ،، الك لو للغريبه
*****
اجيت وظلعي مكسور ،، لگيتك يبني مذبوح
ابچي ليا مصيبه ،، الك لو للغريبه
*****
هذا الضعن ،، محنه امتحن
وبابي بداية قصته
ماينتهي واكثر بعد ،،يزود المصاب الشفته
جروحي هذن ،، واتحولن
لبني وتعدن لخته
وبكربله حان الوعد ،، وانه الحصل حاضرته
يطف هنا ،، صحت ويلا
دخلت الكربله بنوحي
جروحي تعود ،، وراح تزود
جروح ابني على جروحي
عذاب ومحنت الدار ،، عصرتي ولهبت النار
ظليمه يبني يحسين ،، زماني الكم اندار
وادموعي السچيبه ،،، الك لو للغريبه
*****
جبت الدرب ،، دمعات اصب
اهجس ونين احسيني
مسابگ دليلي وي الجدم ،،وآخ الظلع ياذيني
هيمه ورعب ،، ساحة حرب
بضعني منو يدليني
نار وعجاج وملحمه ،،بلله شتميز عيني
ييمه حسين ،، اشوفك وين
جاوب خاطر اندلك
على الصيوان ،، شفت دخان
ونيران بخيام اهلك
رماد الخيمه بالعين ،، ماشوفك تون وين
غريب وادري عطشان ،، يمه ويلي يحسين
ماي افرض اجيبه ،، الك لو للغريبه
*****
وين الحرم ،، وين العلم
وين الضعن راعيه
شفت وعساني لا شفت ،، چف عالترب مرميه
بجمر الخيم ،، طابع جدمم
واضح اثر علويه
فرن بناتي وكربله ،، خيل وشمس ظهريه
وين اندار ،، ألگه النار ،،بمخيم علاوينه
شفت ثايه ،، بلا رايه ،، والكافل غمض عينه
كفيل العايله طاح ،، امان البلضعن راح
عدوكم للسلب جاي ،، احرگوا بالخيم صاح
اصير ألمن مجيبه ،،، الك لو للغريبه
*****
خاطر كسر ،، جارح نظر
وادي وعساكر سوره
ظهريه والطلعت غصب ،، عنها گلت معذوره
منين الحذر ،، من ياخطر
والطف منايه ادوره
وانا ويعمة هالضعن ،، اركض صرت مجبوره
طاح السور ،، والناطور ،،ضعن ماواحد ايجيره
هالوليان ،، عالتربان ،، ومصيبة زينب اچبيره
ظهريه وظعن تاه ،، بين الغربه ويلاه
شخلت بيهن النار ،، غير مناوب الاه
هالونه العجيبه ،، الك لو للغريبه
*****
من الجره ،، لون الثره
دم ولدي صابغ لونه
عمدآ يمرون بجسد ،،أعلجروحه ويصوبونه
عبرة مره ،، متكسره
تناشد غدة ميمونه
ابن امي طاح ولا أله ،،يامهره لينصرونه
زينب هاي ،، تحشم جاي ،،وهلبت هالمهر يفزع
للعطشان ،، بالميدان ،، ويدفع ساعة المصرع
دمك والترب لون ،،، و بجروحك يسحگون
اصيح شمالها الگوم ،،يبني و ما يسمعون
هالصوت بنحيبه ،، الك لو للغريبه
*****
هاي انه زينب ،، وخيامي تلهب
حرمه وبخوتي ،، گلبي تصوب
اخر سنيني هايه ،، متكفله بضمايه
اشگف عن اليتامه ،، والطف ارض منايه
انه بتالي العمر اخسر كفيلي
اطيح وانخه يارب گوي حيلي
يتيم الينجرح جرحه بدليلي
*****
هونچ عليه ،، يالغاضريه
مني شخذتي ،، واشظل أليه
ضاع بظهر دلالي ،، دمعه وركض صفالي
ياكربله شخذيتي ،، حتى انرسم خيالي
مصايب والعطش چان البدايه
وتالي أبلا خيم لا يمي رايه
غريبه واخوتي كلهم ضحايه
*****
ضعني يجيره ،، شيخ العشيره
من ودعاني ،، حيرني حيره
حرمه شكبر بلوتي ،، طايح چبير اخوتي
انخامن ابمصابي ،، وأتشيمه نخوتي
ألي ماخله كل خيمه زماني
اخو ماظل بعد يفزع اتاني
صرت خيمه ويتامانه بأماني
*****
مجبوره اكابر ،، واجبر خواطر
واحرس يتامه ،، من الحوافر
صبرآ صحت ضعنه ،، هالديره مو وطنه
ما بيها ظل محامي ،، خلصت ذبح زلمنه
بعد غير الصبر بلله شبديه
ورضت بيها امتحن هالغاضريه
وألاگي وحدي المابي حميه
*****
اخر زلمنه ،، يذبحني ونه
علته ودمعته ،، لتكفلنه
هذا العليل اشوفه ،، خيل العده تطوفه
اركض وارد يويلي ،، متوصيه ما اعوفه
عليل او مانخيته لهلمصيبه
يظل ابخيمته وصية حبيبه
تجرحه ونتي ونة غريبه
*****
حرمه وبخوتي ،، گلبي تصوب
اخر سنيني هايه ،، متكفله بضمايه
اشگف عن اليتامه ،، والطف ارض منايه
انه بتالي العمر اخسر كفيلي
اطيح وانخه يارب گوي حيلي
يتيم الينجرح جرحه بدليلي
*****
هونچ عليه ،، يالغاضريه
مني شخذتي ،، واشظل أليه
ضاع بظهر دلالي ،، دمعه وركض صفالي
ياكربله شخذيتي ،، حتى انرسم خيالي
مصايب والعطش چان البدايه
وتالي أبلا خيم لا يمي رايه
غريبه واخوتي كلهم ضحايه
*****
ضعني يجيره ،، شيخ العشيره
من ودعاني ،، حيرني حيره
حرمه شكبر بلوتي ،، طايح چبير اخوتي
انخامن ابمصابي ،، وأتشيمه نخوتي
ألي ماخله كل خيمه زماني
اخو ماظل بعد يفزع اتاني
صرت خيمه ويتامانه بأماني
*****
مجبوره اكابر ،، واجبر خواطر
واحرس يتامه ،، من الحوافر
صبرآ صحت ضعنه ،، هالديره مو وطنه
ما بيها ظل محامي ،، خلصت ذبح زلمنه
بعد غير الصبر بلله شبديه
ورضت بيها امتحن هالغاضريه
وألاگي وحدي المابي حميه
*****
اخر زلمنه ،، يذبحني ونه
علته ودمعته ،، لتكفلنه
هذا العليل اشوفه ،، خيل العده تطوفه
اركض وارد يويلي ،، متوصيه ما اعوفه
عليل او مانخيته لهلمصيبه
يظل ابخيمته وصية حبيبه
تجرحه ونتي ونة غريبه
*****
جود وخيام ورايه ،، بذمتك يحامي الثايه
صاغولي من زودك اسم ،، واحلى اسم وفايه
توجني صيتك ياگمر ،، صرت الاميره للوفه
جازيته تعبي والسهر ،، تربيتي بيك موصفه
وسامك جودك ،، يراية صيتي
يرفعة راسي ،، هله بتربيتي
*****
يحلف عليك الشافك ،، مالك شبه بوصافك
حتى بنطق اسم الحسين،، يمه اختلف بشفافك
اشهد صرت واحد احد ،، لا گبلك وبعدك اخو
ياهي التضاهيني بولد ،، بت حيدره تگله كفو
الك بس لايگ ،، عضيد وكافل
ييمه اچفوفك ،، تعدل المايل
*****
عده وعدد عدوانك ،، وانته ملك ميدانك
فارس يهيم كل حرب ،، موت الزلم عنوانك
چفينك حزام الظهر ،، والرايه خيمه للضعن
عطشانه موجات النهر،، من لامستهن أرتون
ملك بالحومه ،، فوارس صيدك
وكت لملاگه ،، مناك وعيدك
*****
بحب سيدك ربيتك ،، بحسين ذايع صيتك
يبني نذرتك من زغر ،، ساقي الخيم ناويتك
جودك ذخرته لكربله ،، تتروه من مايه الحرم
ياساقي كل العايله ،، وصفتك بسور الخيم
يسور العيله ،، يفي اخيامك
خدمة حسينك ،، حلم ايامك
*****
والدنيه لا مابيها ،، مثلك يالمحليها
تميز جمالك عالخلگ ،، چبد السمه امضويها
يا أصل كل غيره وبخت ،،چفوفك مناهل للوفه
عيونك على الدنيه ضوت،، كون الله لولاها طفه
نهر لضعونك ،، يراعي الغيره
الوجود بأيدك ،، الك تدبيره
*****
صاغولي من زودك اسم ،، واحلى اسم وفايه
توجني صيتك ياگمر ،، صرت الاميره للوفه
جازيته تعبي والسهر ،، تربيتي بيك موصفه
وسامك جودك ،، يراية صيتي
يرفعة راسي ،، هله بتربيتي
*****
يحلف عليك الشافك ،، مالك شبه بوصافك
حتى بنطق اسم الحسين،، يمه اختلف بشفافك
اشهد صرت واحد احد ،، لا گبلك وبعدك اخو
ياهي التضاهيني بولد ،، بت حيدره تگله كفو
الك بس لايگ ،، عضيد وكافل
ييمه اچفوفك ،، تعدل المايل
*****
عده وعدد عدوانك ،، وانته ملك ميدانك
فارس يهيم كل حرب ،، موت الزلم عنوانك
چفينك حزام الظهر ،، والرايه خيمه للضعن
عطشانه موجات النهر،، من لامستهن أرتون
ملك بالحومه ،، فوارس صيدك
وكت لملاگه ،، مناك وعيدك
*****
بحب سيدك ربيتك ،، بحسين ذايع صيتك
يبني نذرتك من زغر ،، ساقي الخيم ناويتك
جودك ذخرته لكربله ،، تتروه من مايه الحرم
ياساقي كل العايله ،، وصفتك بسور الخيم
يسور العيله ،، يفي اخيامك
خدمة حسينك ،، حلم ايامك
*****
والدنيه لا مابيها ،، مثلك يالمحليها
تميز جمالك عالخلگ ،، چبد السمه امضويها
يا أصل كل غيره وبخت ،،چفوفك مناهل للوفه
عيونك على الدنيه ضوت،، كون الله لولاها طفه
نهر لضعونك ،، يراعي الغيره
الوجود بأيدك ،، الك تدبيره
*****
سور الخيم چفين ،، طول العضيد افياي
صاح بوداعه حسين ،، مايسوه عگبه الماي
طايح ،، هيبة.كل زلمنه
طايح ،، نوحن ياخيمنه
*****
فاگد گمر رد الغريب العيلته
يمشي وكسر ظهره ترسمه خطوته
متمحن وطاح اليسنده بمحنته
ومخيمه يسولف ملامح غربته
متمحن او مالوم ،، وادموعه غربه اطيح
من مشيته مفهوم ،، محني وتعثره الريح
راجع ،، ومفارگ محنه
طايح ،، نوحن ياخيمنه
*****
چانت خيامه بظل رموشه مدلله
وچانت عيونه تضوي گمره بكربله
راح وبعد هذا الضعن ياهو أله
بيمن بعد تغمض جفون العايله
مابعده عين اتنام ،، فاگد امانه الليل
واستاحشت لخيام ،، وعياله شافت ويل
ويلي ،، عالودع ضعنه
طايح ،، نوحن ياخيمنه
*****
ماسولف حسين بدمع عينه الخبر
لمن وصل صافن لگه گباله النهر
من چلمه سولفها على ضفافه الگمر
مااشرب وعندي اخو ظامي انتظر
طب للنهر عطشان ،، بس الگمر وفاي
خله العطش نيشان ،، متفطره هاي وهاي
ظامي ،، ما شارب گبلنه
طايح ،، نوحن ياخيمنه
*****
حگه ويرد مهظوم لمفارگ شهم
ابو فاضل عسكر لوحده الاسم
ذاك ابو النظره بحرب تخلس زلم
بگطعة چفوفه الكفاله تنفطم
فاگد كفيل اضعون ،، راجع وحيد حسين
كل عيلته يشوفون ،، مجراها دم العين
فاگد ،،، چفين الكفلنه
طايح ،،، نوحن يا خيمنه
*****
صاح بوداعه حسين ،، مايسوه عگبه الماي
طايح ،، هيبة.كل زلمنه
طايح ،، نوحن ياخيمنه
*****
فاگد گمر رد الغريب العيلته
يمشي وكسر ظهره ترسمه خطوته
متمحن وطاح اليسنده بمحنته
ومخيمه يسولف ملامح غربته
متمحن او مالوم ،، وادموعه غربه اطيح
من مشيته مفهوم ،، محني وتعثره الريح
راجع ،، ومفارگ محنه
طايح ،، نوحن ياخيمنه
*****
چانت خيامه بظل رموشه مدلله
وچانت عيونه تضوي گمره بكربله
راح وبعد هذا الضعن ياهو أله
بيمن بعد تغمض جفون العايله
مابعده عين اتنام ،، فاگد امانه الليل
واستاحشت لخيام ،، وعياله شافت ويل
ويلي ،، عالودع ضعنه
طايح ،، نوحن ياخيمنه
*****
ماسولف حسين بدمع عينه الخبر
لمن وصل صافن لگه گباله النهر
من چلمه سولفها على ضفافه الگمر
مااشرب وعندي اخو ظامي انتظر
طب للنهر عطشان ،، بس الگمر وفاي
خله العطش نيشان ،، متفطره هاي وهاي
ظامي ،، ما شارب گبلنه
طايح ،، نوحن ياخيمنه
*****
حگه ويرد مهظوم لمفارگ شهم
ابو فاضل عسكر لوحده الاسم
ذاك ابو النظره بحرب تخلس زلم
بگطعة چفوفه الكفاله تنفطم
فاگد كفيل اضعون ،، راجع وحيد حسين
كل عيلته يشوفون ،، مجراها دم العين
فاگد ،،، چفين الكفلنه
طايح ،،، نوحن يا خيمنه
*****
علي ،، من بعدك ضعت
علي ،، ريتك لارحت
يالماخذ فرحتي ،، روحي وكل مهجتي
*****
رحت يالاكبر وروحي ،، املها يالولد ترجع
اتاني وينعصر گلبي،،شما صوت السيوف اسمع
اشوف الخيل تتزاحم ،، شي بشي غدت تدفع
علي وشما صحت گلبي ،، احس أبتوتته تتگطع
تعال ،، رد جوا الظلع
تعال ،، ياشمسي التشع
مخنوگه عبرتي ،، روحي وكل مهجتي
*****
علي وبحيل ابوك اعلم،،وثباته بالشدد ادره
لكن بأنتظارك لا ،، تصدع كل جبل صبره
اشد ياحيل بفراگك ،، احبس يبني چم عبره
ضاگت والنفس مخنوگ ،، هواك الريه تنتظره
هواك ،، دونه ماأشم
هواك ،، عايش بي حلم
شلون احبس حسرتي ،، روحي وكل مهجتي
*****
يالكبر بيك انه مدلل ،،يواهس كل وجودي انته
على جناح الفرح جدمي،،انگله ودربي وردته
هسه انگل جدم حيران،،جمالك يبني فارگته
عطشان لعذب ملگاك،، شكابر جفني فطرته
عذاب ،، عايش فرگتك
عذاب ،، روحي العطشتك
تجرحني صفنتي ،، روحي وكل مهجتي
*****
گبل ماتدخل الحومه،، ردت حسنك يشوفونه
گلت هلبت يبويه وبيك ،، رسول الله يذكرونه
رحت وبكل وسيلة موت ،،درب مهرك يگطعونه
لا للشاطي لا لحسين ،، يرجع لا تخلونه
رماح ،، دربك ينمنع
رماح ،، بيهن منفجع
بغيابك غربتي ،، روحي وكل مهجتي
*****
حضرتك من طحت بويه،لحگت اخر نفس منك
اجيتك وانه المضيع ،، روحي التطلع بونك
شميتك لحد الموت ،، ابد مو نيتي اودعنك
تعنيتك واريد وياك ،، اطبگ جفني وي جفنك
اموت ،، غاية جيتي
اموت ،، شلي بدنيتي
يااعظم محنتي ،، روحي وكل مهجتي
*****
علي ،، ريتك لارحت
يالماخذ فرحتي ،، روحي وكل مهجتي
*****
رحت يالاكبر وروحي ،، املها يالولد ترجع
اتاني وينعصر گلبي،،شما صوت السيوف اسمع
اشوف الخيل تتزاحم ،، شي بشي غدت تدفع
علي وشما صحت گلبي ،، احس أبتوتته تتگطع
تعال ،، رد جوا الظلع
تعال ،، ياشمسي التشع
مخنوگه عبرتي ،، روحي وكل مهجتي
*****
علي وبحيل ابوك اعلم،،وثباته بالشدد ادره
لكن بأنتظارك لا ،، تصدع كل جبل صبره
اشد ياحيل بفراگك ،، احبس يبني چم عبره
ضاگت والنفس مخنوگ ،، هواك الريه تنتظره
هواك ،، دونه ماأشم
هواك ،، عايش بي حلم
شلون احبس حسرتي ،، روحي وكل مهجتي
*****
يالكبر بيك انه مدلل ،،يواهس كل وجودي انته
على جناح الفرح جدمي،،انگله ودربي وردته
هسه انگل جدم حيران،،جمالك يبني فارگته
عطشان لعذب ملگاك،، شكابر جفني فطرته
عذاب ،، عايش فرگتك
عذاب ،، روحي العطشتك
تجرحني صفنتي ،، روحي وكل مهجتي
*****
گبل ماتدخل الحومه،، ردت حسنك يشوفونه
گلت هلبت يبويه وبيك ،، رسول الله يذكرونه
رحت وبكل وسيلة موت ،،درب مهرك يگطعونه
لا للشاطي لا لحسين ،، يرجع لا تخلونه
رماح ،، دربك ينمنع
رماح ،، بيهن منفجع
بغيابك غربتي ،، روحي وكل مهجتي
*****
حضرتك من طحت بويه،لحگت اخر نفس منك
اجيتك وانه المضيع ،، روحي التطلع بونك
شميتك لحد الموت ،، ابد مو نيتي اودعنك
تعنيتك واريد وياك ،، اطبگ جفني وي جفنك
اموت ،، غاية جيتي
اموت ،، شلي بدنيتي
يااعظم محنتي ،، روحي وكل مهجتي
*****
آه ،،يبني ومهجة گلبي وردة حياتي
آه ،، بعدك كون اتوذر هاي امنياتي
مغرم انه بجمالك
ضايع بلا وصالك
*****
علي اترف حلم متكحله بي عيني
يازينة كبرتي و كشخت اسنيني
عطش لا تحچي هاي الكلمه تچويني
خذت كل حيلي يوم الگتلي رويني
آه ،، واهس شوفي الاكبر عطر الاشمه
آه ،، تذبل وانه بجرحك جرحي الچمه
عني شلت رحالك
ضايع بلا وصالك
*****
ياخد الورد يابزغة اهلالي
يا محلى شبابك طرز امالي
ورد حسنك اشوفه اتگطع اگبالي
عليك شما اصد ينصاب دلالي
آه ،، مثلك وين وياهو اليوصل شبابك
آه ،، لبش گبالي الجيش تقصد عذابك
بان الضمه بدلالك
ضايع بلا وصالك
*****
فده اسنيني ثمن يوليدي اضحيها
إعله گطرة ماي وشفافك ارويها
عساني لا سمعت اضماك حاچيها
ولا شفتك يالاكبر عاينت بيها
آه ،، مثل اشفافك گلبي تفطر يروحي
آه ،، من جروحك اكبر وكثر جروحي
نبض الگلب حچالك
ضايع بلا وصالك
*****
خذت حيلي ورحت يافتشت عيوني
عليك الويل فوگ الويل شوفوني
اموت بدونك العادوك يدروني
گوم الگابلتك بيك ذبحوني
آه ،، شلون اوصلك يبني وينگلني حيلي
آه ،، وانظر بدرك ينزف نورك يا دليلي
ينزف ضوه كمالك
ضايع بلا وصالك
*****
بين اسيوف بين ارماح عسكرها
الي صورة جمال اهناك ادورها
شلگه وصوبك الخياله معبرها
سنين اثمنطعش عالگاع ناشرها
آه ،، بين الخيل وليدي فوگ الوطيه
آه ،، كل الصاير بيك اتمنيته بيه
يالمامثل خصالك
ضايع بلا وصالك
*****
انگطع سباح گلبه ياعلي حسينك
اصيح وماترد الصوت چا وينك
بكبر همي المسافه بيني ما بينك
گبل لا اوصلك خوفي تسد عينك
آه ،، صحت بعالي الصوت وماكو جوابك
آه ،، تيه جدمي دروب الحومه بمصابك
وحسينك اعتنالك
ضايع بلا وصالك
*****
آه ،، بعدك كون اتوذر هاي امنياتي
مغرم انه بجمالك
ضايع بلا وصالك
*****
علي اترف حلم متكحله بي عيني
يازينة كبرتي و كشخت اسنيني
عطش لا تحچي هاي الكلمه تچويني
خذت كل حيلي يوم الگتلي رويني
آه ،، واهس شوفي الاكبر عطر الاشمه
آه ،، تذبل وانه بجرحك جرحي الچمه
عني شلت رحالك
ضايع بلا وصالك
*****
ياخد الورد يابزغة اهلالي
يا محلى شبابك طرز امالي
ورد حسنك اشوفه اتگطع اگبالي
عليك شما اصد ينصاب دلالي
آه ،، مثلك وين وياهو اليوصل شبابك
آه ،، لبش گبالي الجيش تقصد عذابك
بان الضمه بدلالك
ضايع بلا وصالك
*****
فده اسنيني ثمن يوليدي اضحيها
إعله گطرة ماي وشفافك ارويها
عساني لا سمعت اضماك حاچيها
ولا شفتك يالاكبر عاينت بيها
آه ،، مثل اشفافك گلبي تفطر يروحي
آه ،، من جروحك اكبر وكثر جروحي
نبض الگلب حچالك
ضايع بلا وصالك
*****
خذت حيلي ورحت يافتشت عيوني
عليك الويل فوگ الويل شوفوني
اموت بدونك العادوك يدروني
گوم الگابلتك بيك ذبحوني
آه ،، شلون اوصلك يبني وينگلني حيلي
آه ،، وانظر بدرك ينزف نورك يا دليلي
ينزف ضوه كمالك
ضايع بلا وصالك
*****
بين اسيوف بين ارماح عسكرها
الي صورة جمال اهناك ادورها
شلگه وصوبك الخياله معبرها
سنين اثمنطعش عالگاع ناشرها
آه ،، بين الخيل وليدي فوگ الوطيه
آه ،، كل الصاير بيك اتمنيته بيه
يالمامثل خصالك
ضايع بلا وصالك
*****
انگطع سباح گلبه ياعلي حسينك
اصيح وماترد الصوت چا وينك
بكبر همي المسافه بيني ما بينك
گبل لا اوصلك خوفي تسد عينك
آه ،، صحت بعالي الصوت وماكو جوابك
آه ،، تيه جدمي دروب الحومه بمصابك
وحسينك اعتنالك
ضايع بلا وصالك
*****
صوت الدللو يالولد ،، من گلب الخيام
هاي الرباب وياجفن ،، بي دمعه وينام
من يا دلال ليا عطش ،، جابتها الايام
وعبدالله ابنها بكربله ،، رضعته آلام
*****
عطشانه وتهز المهد ،، وتناغي بهداي
نام اعله وني واستچن ،، يالبت احشاي
عبدالله باچر ترتوي ،، يوليدي رجواي
هلبت كبل طرة الفجر ،، يتحصل الماي
*****
كل ام تلولي للضنه ،، ترسم حلمها
باچر بعد باچر يشب ،، يكبر ابنها
بس الرباب ابلا حلم ،، سهرة جفنها
ينبض گلبها بيا أمل ،، من جف لبنها
*****
ليلة وداع وتنگضي ،، الليله گصيره
يستعجل بطرتة الفجر ،، عالبيها حيره
حضنت ابنها وماروت ،، من شم عبيره
تناغي وتحس بنظرته ،، هاي الاخيره
*****
من تعله بالطف الشمس ،، والحر يصب نار
گلب الرباب اعله الطفل ،، شتسوي تحتار
من هسه وتشوف العطش ،، بشفافه اثار
وشافت ذبل خده الترف ،، واچفوفه الزغار
*****
هاي الرباب وياجفن ،، بي دمعه وينام
من يا دلال ليا عطش ،، جابتها الايام
وعبدالله ابنها بكربله ،، رضعته آلام
*****
عطشانه وتهز المهد ،، وتناغي بهداي
نام اعله وني واستچن ،، يالبت احشاي
عبدالله باچر ترتوي ،، يوليدي رجواي
هلبت كبل طرة الفجر ،، يتحصل الماي
*****
كل ام تلولي للضنه ،، ترسم حلمها
باچر بعد باچر يشب ،، يكبر ابنها
بس الرباب ابلا حلم ،، سهرة جفنها
ينبض گلبها بيا أمل ،، من جف لبنها
*****
ليلة وداع وتنگضي ،، الليله گصيره
يستعجل بطرتة الفجر ،، عالبيها حيره
حضنت ابنها وماروت ،، من شم عبيره
تناغي وتحس بنظرته ،، هاي الاخيره
*****
من تعله بالطف الشمس ،، والحر يصب نار
گلب الرباب اعله الطفل ،، شتسوي تحتار
من هسه وتشوف العطش ،، بشفافه اثار
وشافت ذبل خده الترف ،، واچفوفه الزغار
*****
اليتامه جروحي ،، عطاشى بهيمه
شطفي بروحي ،، لهب ياخيمه
*
هاي انه زينب والضعن
جرحي التغرب عالوطن
متوزع ابكل كربله
جروحي اليتامه والخيم
يعني شكثر بيه ألم
گد ما بچت هالعايله
كل خايف وساحگ جمر
گلبي اعله حاله ينكسر
گدامي يركض بالفله
بيه مصايب عيلتي
هاي انه بالطف حالتي
ابچي اعله حال مدلله
اريدن غالي ،، يطفي اخيامه
دلالي اطفالي ،، وجمر بجدامه
*
واحد من اجروحي الضمه
وچان اليستره امخيمه
مايبره لكن بي ألم
هسه المخيم محترگ
والمنه يبعد ينسحگ
كل حافر بلايه رحم
دمعي يتيمه عالثره
تلچمني عثرةكل مره
طلعوها گوه من الخيم
واتلاكن بروحي نزف
خيمه وفزع سبعين الف
متحييره وآلامي حرم
دموعي ايتامي ،، وعساكر هايه
اثر بجدامي ،، رماد الثايه
*
كل حسره اسميها بأسم
وألها بنظر عيني رسم
ضاعت وادورها بظهر
الگاها واتگلي بدمع
ياعمه كسرولي ظلع
لبعمري شتعرف الصبر
تنشدني وين اهل الوفه
وعن المخيم ماطفه
لو بعده تل من الجمر
يمها وصحت ياغربتي
هالديره ماهي ديرتي
واديها ماخله خدر
اسامي آلامي ،، بنات حسيني
غرب ايامي ،، جروح بعيني
*
عندي جرح صوب النهر
يركض يحشم ياگمر
عمتنه بينه تمتحن
تجمعنه ونرد نبتعد
بالهيمه من خيل التهد
والذاري جمرات الجفن
يهضمني جرح ام الطفل
مفجوعه وتعاتب نبل
شهور وخذتهن من حضن
هاي انه بين الفاگده
وبين احامي من العده
مابين اصبرها التون
يحشم رايح ،، يراعي الغيره
لگه الچف طايح ،، وتحير حيره
*
شطفي بروحي ،، لهب ياخيمه
*
هاي انه زينب والضعن
جرحي التغرب عالوطن
متوزع ابكل كربله
جروحي اليتامه والخيم
يعني شكثر بيه ألم
گد ما بچت هالعايله
كل خايف وساحگ جمر
گلبي اعله حاله ينكسر
گدامي يركض بالفله
بيه مصايب عيلتي
هاي انه بالطف حالتي
ابچي اعله حال مدلله
اريدن غالي ،، يطفي اخيامه
دلالي اطفالي ،، وجمر بجدامه
*
واحد من اجروحي الضمه
وچان اليستره امخيمه
مايبره لكن بي ألم
هسه المخيم محترگ
والمنه يبعد ينسحگ
كل حافر بلايه رحم
دمعي يتيمه عالثره
تلچمني عثرةكل مره
طلعوها گوه من الخيم
واتلاكن بروحي نزف
خيمه وفزع سبعين الف
متحييره وآلامي حرم
دموعي ايتامي ،، وعساكر هايه
اثر بجدامي ،، رماد الثايه
*
كل حسره اسميها بأسم
وألها بنظر عيني رسم
ضاعت وادورها بظهر
الگاها واتگلي بدمع
ياعمه كسرولي ظلع
لبعمري شتعرف الصبر
تنشدني وين اهل الوفه
وعن المخيم ماطفه
لو بعده تل من الجمر
يمها وصحت ياغربتي
هالديره ماهي ديرتي
واديها ماخله خدر
اسامي آلامي ،، بنات حسيني
غرب ايامي ،، جروح بعيني
*
عندي جرح صوب النهر
يركض يحشم ياگمر
عمتنه بينه تمتحن
تجمعنه ونرد نبتعد
بالهيمه من خيل التهد
والذاري جمرات الجفن
يهضمني جرح ام الطفل
مفجوعه وتعاتب نبل
شهور وخذتهن من حضن
هاي انه بين الفاگده
وبين احامي من العده
مابين اصبرها التون
يحشم رايح ،، يراعي الغيره
لگه الچف طايح ،، وتحير حيره
*
عالتله من حشمت ،، يالوالي
بصبري اليوم اتحزمت ،، لعيالي
زينب انه بغربتي
وحدي بوحشة هيمتي
يبن امي بهذا العمر
كون اتحمل محنتي
صرنه مابين الغرب ،،، وانته عالترب
والدمع شوفه اليصب ،،، هذا دم گلب
وگفت واشتكي يحسين حالتنه
يخويه من طحت حرگوها خيمتنه
ركضنه شگد ركضنه وخيل تبعتنه
*
شبيها الخيم بس حرم ،، وايتامي
والجيش بناره هجم ،، لخيامي
فرينه بذاك الظهر
عالهيمه ماظل ستر
ياويلي جمر الخيم
لطفالي صاير گبر
عالحرم صار الركض ،،، بالظهر فرض
والجمر يملي الارض ،،، بالجدم يكض
بظهر عاشر محرم گلبي والله احتار
الاگي الضيم ملگه منين مااندار
الحرم تصرخ يتامه انه وسط النار
*
النار وكل كربله ،،شبتها
وين اتفر العايله ،، تبعتها
شيقنعها النار وتكف
متعلگه بجدم الترف
نركض خلتنا غصب
گدام السبعين الف
يحترگ كلمن عثر ،،، ما أله مفر
والسلم ظل بي اثر ،،، للرعب صور
ملاذا انه صرت والعايله بسدي
واصد النار عنهم لازم لوحدي
واصيرن خيمه الهم خيمه ماعندي
*
وبحضن المرضع مهد ،، أتحاميله
ظل ذكرى من الولد ،، تناغيله
من الخيمه جابته
چن ابنها شالته
شما تگعد عن الشمس
وعن الترب غطته
بي سهر خضر ورد ،،، بشمه تنسعد ؟
لو تظن بعد الفگد ،،، إلولد يرد
الولد راح الولد بس هذا تذكاره
خذته ومارضت يتفرهد بغاره
اصدلها وعليها ادموعي تجاره
*
وترچيه من الاذن ،، سلبوها
ودم سايل من الجفن ،، ضربوها
كسرة گلبي مدلله
مغمضه وتركض بالفله
تسحگ عالجمره وتصيح
شسويتي ياكربله
طفله من نار الخيم ،،، تبعت الحرم
تركض او من الالم ،،، يعثر الجدم
بثلاث سنينها والعين معصوبه
وتراچيها من اذنها گوه مسلوبه
يتيمه وفرت ابلا شوف مرعوبه
*
بصبري اليوم اتحزمت ،، لعيالي
زينب انه بغربتي
وحدي بوحشة هيمتي
يبن امي بهذا العمر
كون اتحمل محنتي
صرنه مابين الغرب ،،، وانته عالترب
والدمع شوفه اليصب ،،، هذا دم گلب
وگفت واشتكي يحسين حالتنه
يخويه من طحت حرگوها خيمتنه
ركضنه شگد ركضنه وخيل تبعتنه
*
شبيها الخيم بس حرم ،، وايتامي
والجيش بناره هجم ،، لخيامي
فرينه بذاك الظهر
عالهيمه ماظل ستر
ياويلي جمر الخيم
لطفالي صاير گبر
عالحرم صار الركض ،،، بالظهر فرض
والجمر يملي الارض ،،، بالجدم يكض
بظهر عاشر محرم گلبي والله احتار
الاگي الضيم ملگه منين مااندار
الحرم تصرخ يتامه انه وسط النار
*
النار وكل كربله ،،شبتها
وين اتفر العايله ،، تبعتها
شيقنعها النار وتكف
متعلگه بجدم الترف
نركض خلتنا غصب
گدام السبعين الف
يحترگ كلمن عثر ،،، ما أله مفر
والسلم ظل بي اثر ،،، للرعب صور
ملاذا انه صرت والعايله بسدي
واصد النار عنهم لازم لوحدي
واصيرن خيمه الهم خيمه ماعندي
*
وبحضن المرضع مهد ،، أتحاميله
ظل ذكرى من الولد ،، تناغيله
من الخيمه جابته
چن ابنها شالته
شما تگعد عن الشمس
وعن الترب غطته
بي سهر خضر ورد ،،، بشمه تنسعد ؟
لو تظن بعد الفگد ،،، إلولد يرد
الولد راح الولد بس هذا تذكاره
خذته ومارضت يتفرهد بغاره
اصدلها وعليها ادموعي تجاره
*
وترچيه من الاذن ،، سلبوها
ودم سايل من الجفن ،، ضربوها
كسرة گلبي مدلله
مغمضه وتركض بالفله
تسحگ عالجمره وتصيح
شسويتي ياكربله
طفله من نار الخيم ،،، تبعت الحرم
تركض او من الالم ،،، يعثر الجدم
بثلاث سنينها والعين معصوبه
وتراچيها من اذنها گوه مسلوبه
يتيمه وفرت ابلا شوف مرعوبه
*
ابو فاضل ياعم وكفيل
ياخوه ياخل وخليل
يا ساقي يااجمل جميل
ابو فاضل طلبة حيدره
جمال الكون كله ذره بترابك
شوصف عالشجاعه يطحن صوابك
شبابك حيدري والمشيه مثل حسين
خليله وگمره صرت بليل اطنابك
*****
ياعاشگ مثله بالوجود
عين انطه لمحبوبه وزنود
متسيد مملكة الخلود
وفاي وتاج اعله العشگ
رفع راية وفاءه او ضحه چفينه
رسالة حبه وقعها بسهم عينه
مو كلمه العشگ گلها ادعة عشاگ
بس عباس صوور عشگه لحسينه
*****
من دونك ما يثبت غرام
لا غيرك واصل للهيام
ابو فاضل لذة كل كلام
اخو زينب واسجد للاسم
بنات حسين عمهن من يذكرنه
يشيلن راسهن يتشكرن منه
لذتها السوالف بالعلم والجود
ويا محلى الكفاله البيها كفلنه
*****
بيمينك هنياله لواك
وسمته ومارف لسواك
وافيته ونوماسه بوفاك
محلى بيمينك من يرف
يلمعلم الوفه والتضحيه اعلومك
يقين الخوه صارت خوه من يومك
لولاك انطفه كل الضوه عباس
على الدنية ضوة متفضله ارسومك
*****
عباس ويامعنى الكمال
يااجمل من كل الجمال
متوصف بوصاف الجلال
ياهيبة جبار الخلق
ابو فاضل علي طبعه ومعانيه
خلط ماي المفرات ابچفه حنيه
فارس تنثني من خزرته لرماح
والميدان هو ايصير راعيه
*****
ياخوه ياخل وخليل
يا ساقي يااجمل جميل
ابو فاضل طلبة حيدره
جمال الكون كله ذره بترابك
شوصف عالشجاعه يطحن صوابك
شبابك حيدري والمشيه مثل حسين
خليله وگمره صرت بليل اطنابك
*****
ياعاشگ مثله بالوجود
عين انطه لمحبوبه وزنود
متسيد مملكة الخلود
وفاي وتاج اعله العشگ
رفع راية وفاءه او ضحه چفينه
رسالة حبه وقعها بسهم عينه
مو كلمه العشگ گلها ادعة عشاگ
بس عباس صوور عشگه لحسينه
*****
من دونك ما يثبت غرام
لا غيرك واصل للهيام
ابو فاضل لذة كل كلام
اخو زينب واسجد للاسم
بنات حسين عمهن من يذكرنه
يشيلن راسهن يتشكرن منه
لذتها السوالف بالعلم والجود
ويا محلى الكفاله البيها كفلنه
*****
بيمينك هنياله لواك
وسمته ومارف لسواك
وافيته ونوماسه بوفاك
محلى بيمينك من يرف
يلمعلم الوفه والتضحيه اعلومك
يقين الخوه صارت خوه من يومك
لولاك انطفه كل الضوه عباس
على الدنية ضوة متفضله ارسومك
*****
عباس ويامعنى الكمال
يااجمل من كل الجمال
متوصف بوصاف الجلال
ياهيبة جبار الخلق
ابو فاضل علي طبعه ومعانيه
خلط ماي المفرات ابچفه حنيه
فارس تنثني من خزرته لرماح
والميدان هو ايصير راعيه
*****
سنين الخلصت وياك ،، بيها معوده اأنخاك
خويه انسى وصحت عباس،،
مامنك جواب أسمع
وأتذكر يعباس ،، أنته إعله الرمح رآس
خطوه بخطوه تمشي اوياي
،، ماتقبل وحيده أطلع
معذوره بسمك لو صحت
حرمه وادور نخوتك
اسكت واظل اجري الدمع
كلما اصد الحالتك
انسى واحترگ لوم ،، خافن سمعت الگوم
والچملك جروحك
أخفي دمعتي خاف ،،هضمي بعيني ينشاف
راح ابسكته انوحك
*****
چانت يمنتك هاي ،، تلزم بيها يمناي
أصعد متنك وتالي ،،
أصعد هودج ألناگه
هسه أتلفت أحتار ،، صار الماگبل صار
وحدي أگبل على الهزله ،،
وانه ما ألي طاگه
أصفن يخويه ألحالتي
وأشراح أشوف أبهالسفر
كل مره بيها أصعد هزل
راح أنعى فگدك ياگمر
أنه اخلافك أجروح ،، انعى وصوتي مبحوح
وأتذكر دلالي
حرمه بغربة أدروب ،، من صبحي للغروب
بعدك هذا حالي
*****
دربي لكربله چان ،، يمنه ويسرى وليان
ويا محلى رفيف ألواك ،،
بدروبي يناغمني
يا محلى الفجر بيك ،، افتح جفني اناديك
تصابحني ومثل كل يوم ،،
يا هيبه تلازمني
هسه الجفن ما ينطبگ
لا انته يمي ولا خيم
وي الفجر ينطر گلب
من صوتك الدافي انحرم
وين الچانوا السور ،، ألنه وانته ناطور
ظلوا عالترابه
گلبي بكل صبح ذاب ،، شاهد راية اجناب
يم باب الخرابه
*****
خويه اندارت وياي ،، ماهي الأولى دنياي
ما ريد اجرح اجروحك ،،
ما گلك عن البيه
ما ريد أشتكي الحال ،، عنك اخفي الحبال
اوصل للخرابه انوب ،،
اضمد جرحي ليليه
بيا حاله انته واشتكي
وما عندي غيرك يستمع
اختك بالمكابر مشت
والليل اسهره للدمع
ابچي بهدوة الليل ،، ومخليه الدمع سيل
وأنهاري اكابر
تدري اختك يعباس ،، بيكم ترفع الراس
رغم البيه صاير
*****
ادعي للهزل كون ،، بيهن ما يسرعون
شما عثرن عليك اندار ،،
مو شكوى يبو الغيره
تدري وهذا تعويد ،، مابطلته ياحيد
حگي وأنه من أسنين ،،
بيدك أمري تدبيره
وياك العمر مثل الحلم
مر وغبشة اعله الهزل
متگبعه بشورك چنت
هسه أتمر بأمر الحبل
خويه وأذكر ايام ،، چانت مثل الاحلام
گبل الغاضريه
ما محسوبه بحساب ،، نار اتصير الاطناب
وانته اعله الوطيه
*****
خويه انسى وصحت عباس،،
مامنك جواب أسمع
وأتذكر يعباس ،، أنته إعله الرمح رآس
خطوه بخطوه تمشي اوياي
،، ماتقبل وحيده أطلع
معذوره بسمك لو صحت
حرمه وادور نخوتك
اسكت واظل اجري الدمع
كلما اصد الحالتك
انسى واحترگ لوم ،، خافن سمعت الگوم
والچملك جروحك
أخفي دمعتي خاف ،،هضمي بعيني ينشاف
راح ابسكته انوحك
*****
چانت يمنتك هاي ،، تلزم بيها يمناي
أصعد متنك وتالي ،،
أصعد هودج ألناگه
هسه أتلفت أحتار ،، صار الماگبل صار
وحدي أگبل على الهزله ،،
وانه ما ألي طاگه
أصفن يخويه ألحالتي
وأشراح أشوف أبهالسفر
كل مره بيها أصعد هزل
راح أنعى فگدك ياگمر
أنه اخلافك أجروح ،، انعى وصوتي مبحوح
وأتذكر دلالي
حرمه بغربة أدروب ،، من صبحي للغروب
بعدك هذا حالي
*****
دربي لكربله چان ،، يمنه ويسرى وليان
ويا محلى رفيف ألواك ،،
بدروبي يناغمني
يا محلى الفجر بيك ،، افتح جفني اناديك
تصابحني ومثل كل يوم ،،
يا هيبه تلازمني
هسه الجفن ما ينطبگ
لا انته يمي ولا خيم
وي الفجر ينطر گلب
من صوتك الدافي انحرم
وين الچانوا السور ،، ألنه وانته ناطور
ظلوا عالترابه
گلبي بكل صبح ذاب ،، شاهد راية اجناب
يم باب الخرابه
*****
خويه اندارت وياي ،، ماهي الأولى دنياي
ما ريد اجرح اجروحك ،،
ما گلك عن البيه
ما ريد أشتكي الحال ،، عنك اخفي الحبال
اوصل للخرابه انوب ،،
اضمد جرحي ليليه
بيا حاله انته واشتكي
وما عندي غيرك يستمع
اختك بالمكابر مشت
والليل اسهره للدمع
ابچي بهدوة الليل ،، ومخليه الدمع سيل
وأنهاري اكابر
تدري اختك يعباس ،، بيكم ترفع الراس
رغم البيه صاير
*****
ادعي للهزل كون ،، بيهن ما يسرعون
شما عثرن عليك اندار ،،
مو شكوى يبو الغيره
تدري وهذا تعويد ،، مابطلته ياحيد
حگي وأنه من أسنين ،،
بيدك أمري تدبيره
وياك العمر مثل الحلم
مر وغبشة اعله الهزل
متگبعه بشورك چنت
هسه أتمر بأمر الحبل
خويه وأذكر ايام ،، چانت مثل الاحلام
گبل الغاضريه
ما محسوبه بحساب ،، نار اتصير الاطناب
وانته اعله الوطيه
*****
نظره اخيره ،، لكل العشيره
من والدي للرضيع
مجروحه عيني ،، ونبرة انيني
معناها رايح اضيع
راح ،، كل حچي مني
راح ،، يصفه بس وني
راح ،، هالضعن عني ،،، شكبرها علتي
اومي برجفت ايدي ،، واتگوه اعله حالي
يارب وادعي اسمع ،، كلمة اي تعالي
من ايس دليلي ،، گلت اجبر خيالي
واملي عيوني منهم ،، ذخرٱ لل ليالي
وداعٱ وداع ،، وداعآ وداع
*
بالعله عذري ،، سلمته امري
ماعندي غير اختيار
وزعوا محامل ،، كل حرمه كافل
وحصت العليله انتظار
هاي ،، حصتي وسهمي
هاي ،، كل سبب هضمي
هاي ،، وضحت برسمي ،، ملامح غربتي
انا اول غريبه ،، غربني ضعنه
ياحسره اعله داري ،، خالي من اهلنه
لا نه ولا خواتي ،، نتفارگ حسبنه
دمعاتي ودمعهم ،، راح ايصب محنه
وداعآ وداع ،، وداعآ وداع
*
مال اعله مهره ،، عمري اعله عمره
لكبر معاني الجمال
سملله اعله حسنك ،، يذبحني حزنك
يالرمشك خيمة دلال
آه ،، يا حسن واكمل
آه ،، هيبه ومدلل
آه ،، لا الي تزعل ،، رضيت ابحالتي
گلبي لا تكسره ،، بعد اختك يالكبر
لا تظهر دمعتك ،، تجرح جرحي اكثر
روح وداعت الله ،، امضي ودربك اخضر
بس احچايه اگلك ،، رد لو خويه تگدر
وداعآ وداع ،،، وداعآ وداع
*
تمشي وعليه ،، تعاين رقيه
ولا عنها اگدر ادير
صرت اضحكلها ،، والدمعه اهلها
بسمه ودمع ما يصير
كون ،، دمعتي اخفيها
كون ،، بسمه اراويها
كون ،، ما أخليها ،، تحس ابمحنتي
آه اشگد لعبنه ،، نضحك چنه يامه
وحده احنا لل اخره ،، مثل جنح الحمامه
دارت والله دنيه ،، صب دمعي ندامه
من غصبن گلتها ،، روحي بالسلامه
وداعٱ وداع ،، وداعٱ وداع
*
شمس المحنه ،، ودع وطنه
غاب وي گمرة سماي
بعدوا عليه ،، واول مسيه
مرتني واشدت بچاي
لا ،، ياضوه عيني
لا ،، لا تخليني
لا ،، بويه حاچيني ،، شسوي بوحشتي
لا عم باقي اليه ،، يمسح راسي بيده
ولا عمه بقتلي ،، عليلتكم وحيده
لمگصدكم مشيتوا ،، وانا هنا جعيده
الوحشه اقرب يبويه ،، ديرتكم بعيده
وداعآ وداع ،، وداعآ وداع
*
من والدي للرضيع
مجروحه عيني ،، ونبرة انيني
معناها رايح اضيع
راح ،، كل حچي مني
راح ،، يصفه بس وني
راح ،، هالضعن عني ،،، شكبرها علتي
اومي برجفت ايدي ،، واتگوه اعله حالي
يارب وادعي اسمع ،، كلمة اي تعالي
من ايس دليلي ،، گلت اجبر خيالي
واملي عيوني منهم ،، ذخرٱ لل ليالي
وداعٱ وداع ،، وداعآ وداع
*
بالعله عذري ،، سلمته امري
ماعندي غير اختيار
وزعوا محامل ،، كل حرمه كافل
وحصت العليله انتظار
هاي ،، حصتي وسهمي
هاي ،، كل سبب هضمي
هاي ،، وضحت برسمي ،، ملامح غربتي
انا اول غريبه ،، غربني ضعنه
ياحسره اعله داري ،، خالي من اهلنه
لا نه ولا خواتي ،، نتفارگ حسبنه
دمعاتي ودمعهم ،، راح ايصب محنه
وداعآ وداع ،، وداعآ وداع
*
مال اعله مهره ،، عمري اعله عمره
لكبر معاني الجمال
سملله اعله حسنك ،، يذبحني حزنك
يالرمشك خيمة دلال
آه ،، يا حسن واكمل
آه ،، هيبه ومدلل
آه ،، لا الي تزعل ،، رضيت ابحالتي
گلبي لا تكسره ،، بعد اختك يالكبر
لا تظهر دمعتك ،، تجرح جرحي اكثر
روح وداعت الله ،، امضي ودربك اخضر
بس احچايه اگلك ،، رد لو خويه تگدر
وداعآ وداع ،،، وداعآ وداع
*
تمشي وعليه ،، تعاين رقيه
ولا عنها اگدر ادير
صرت اضحكلها ،، والدمعه اهلها
بسمه ودمع ما يصير
كون ،، دمعتي اخفيها
كون ،، بسمه اراويها
كون ،، ما أخليها ،، تحس ابمحنتي
آه اشگد لعبنه ،، نضحك چنه يامه
وحده احنا لل اخره ،، مثل جنح الحمامه
دارت والله دنيه ،، صب دمعي ندامه
من غصبن گلتها ،، روحي بالسلامه
وداعٱ وداع ،، وداعٱ وداع
*
شمس المحنه ،، ودع وطنه
غاب وي گمرة سماي
بعدوا عليه ،، واول مسيه
مرتني واشدت بچاي
لا ،، ياضوه عيني
لا ،، لا تخليني
لا ،، بويه حاچيني ،، شسوي بوحشتي
لا عم باقي اليه ،، يمسح راسي بيده
ولا عمه بقتلي ،، عليلتكم وحيده
لمگصدكم مشيتوا ،، وانا هنا جعيده
الوحشه اقرب يبويه ،، ديرتكم بعيده
وداعآ وداع ،، وداعآ وداع
*
خلص وكت الشمس سلمنه لليل
وبعدنه اعله الهزل للشام ماشين
دگ روحه الرمح ماشالته چفوف
صاح احا يزينب راس الحسين
ياعمة.بناتي شوفي الايتام
الي طفله بضعنكم گطعت ونين
دليل عيون زينب كون الحبال
تلزمها وتعد چفين چفين
يتامها تعرفهم.من الجروح
بيهم ما لگيت مجروحة العين
صاحت يارقيه ورگضت بليل
مثل رگضتها ذيچ من الصواوين
اذا حنيتي عمه لذيچ الخيام
خيم ماألنه بالطف لا تردين
سمعت صوت زينب صفن الليل
نبرة صوت رجعت زينب سنين
ظلمه وهاي حرمه تلولي بهداي
يبعد امچ رقيه ماتنامين
دنت يمها ولگتها فاطمه تنوح
صاحت ها ييمه يالتلولين
كسرتي گلبي يمه بگعدتچ هاي
چنچ يمه للمحسن تناغين
يمكسورة ظلع درب السبي طويل
عثرات الهزل كثره شتلمين
اجيت اخذ رقيه وارجع بساع
بناتچ عالهزل يايمه تدرين
اذا يمچ عفتها او ودع الليل
تبين اجروحها وخافن تشوغين
مشتاگه لرقيه هواي ادريچ
الچ من الخرابه يجيبها البين
وبعدنه اعله الهزل للشام ماشين
دگ روحه الرمح ماشالته چفوف
صاح احا يزينب راس الحسين
ياعمة.بناتي شوفي الايتام
الي طفله بضعنكم گطعت ونين
دليل عيون زينب كون الحبال
تلزمها وتعد چفين چفين
يتامها تعرفهم.من الجروح
بيهم ما لگيت مجروحة العين
صاحت يارقيه ورگضت بليل
مثل رگضتها ذيچ من الصواوين
اذا حنيتي عمه لذيچ الخيام
خيم ماألنه بالطف لا تردين
سمعت صوت زينب صفن الليل
نبرة صوت رجعت زينب سنين
ظلمه وهاي حرمه تلولي بهداي
يبعد امچ رقيه ماتنامين
دنت يمها ولگتها فاطمه تنوح
صاحت ها ييمه يالتلولين
كسرتي گلبي يمه بگعدتچ هاي
چنچ يمه للمحسن تناغين
يمكسورة ظلع درب السبي طويل
عثرات الهزل كثره شتلمين
اجيت اخذ رقيه وارجع بساع
بناتچ عالهزل يايمه تدرين
اذا يمچ عفتها او ودع الليل
تبين اجروحها وخافن تشوغين
مشتاگه لرقيه هواي ادريچ
الچ من الخرابه يجيبها البين
غربتنه واضمانه
من طيحت الوانه
شتنسه يتامانه ،،،يامحنه يا آه
مرعوبه الايتام ،،، من حرگ الاخيام
،،،،،،،،،
زينب بالهظم ردت ،، لگاع الذبحت اخوتهه
للطف وإلي من عدهه،، چم امصيبه جرعتهه
ردت بالبقه وياهه ،، من كل ذيچه سفرتهه
ومنهم عافته بالشام ،، مدفون بخرابتهه
للطف ترد بيهم
والهزله تحديهم
زينب تناديهم ،،، الطف وصلنا
تتذكر الالام ،، من حرگ الاخيام
،،،،،،،،
فزت باليتامه اجروح ،، ركضو ركضت العاشر
لاذو بالعقيله بخوف ،، ناحوا والدمع ماطر
دخيلج عمه نادوهه ، بصوت اليكسر الخاطر
مانحمل نفر بالبر ،، لانحمل سحگ حافر
صاح بدمع عينه
ياعمه ردينه
ماتحمل ايدينه،،، ونشاگف اسياط
وجروح الاجدام ،، من حرگ الاخيام
،،،،،،
عمه كربله تعرف ،، تسلب بس المدلل
وشباقي دلال النه ،، حتى تسلبه ماظل
بيهه ذكرى مانگدر ،، لو عادتهه نتحمل
خاف انطبه ياعمه ،، واترد وگفتچ عالتل
ماننسه هالوگفه
تراودنه من نغفه
يازينب وكلفه ،،، اردود تنعاد
وايدچ على الهام ،، من حرگ الاخيام
،،،،،،،
مابينه نشوف اخيام ،، بيهه تشتعل نيران
ويعاود ظهر عاشور،،، وترد ركضت النسوان
شخلت كربله بينه ،، وهيه الفرگت خلان
ذبحت عالنهر جربه،، حرمتنه احن ذرعان
حرمتنه من عمنه
وذرعانه لتلمنه
من بعده مانمنه ،، سهرننه الونين
ماتگدر اتنام ،، من حرگ الاخيام
،،،،،،،،
چانت للرضيع اشفاف ،،تتفتح ورد النه
بحضن امه ويناغينه ،، يمه ننجمع كلنه
شطالب هيه گطرة ماي ،، ليش وذبلوا غصنه
وبعده هزة الكاروك ،، منها ينسمع ونه
صوت الطفل بعده
من نوحه مايهده
شفنه حرگ مهده،،، واحترگت اگلوب
مذبوحه الاحلام ،، من حرگ الاخيام
،،،،
يعني من نطب للطف،، هم بينه يرد الفات
ونسمع بالمعاره الصوت،، واليكم يزينب مات
وتمر ليلة الوحشه ،، بيهه ابلا كفيل انبات
وينعاد اليسر بينه ،، وانطر ديرة الشمات
صاحوا فرد كلمه
مابينه ياعمه
وردود نتسمه ،، ضعن السبايه
كل سفرة الشام ،، من حرگ الخيام
،،،،،،
من طيحت الوانه
شتنسه يتامانه ،،،يامحنه يا آه
مرعوبه الايتام ،،، من حرگ الاخيام
،،،،،،،،،
زينب بالهظم ردت ،، لگاع الذبحت اخوتهه
للطف وإلي من عدهه،، چم امصيبه جرعتهه
ردت بالبقه وياهه ،، من كل ذيچه سفرتهه
ومنهم عافته بالشام ،، مدفون بخرابتهه
للطف ترد بيهم
والهزله تحديهم
زينب تناديهم ،،، الطف وصلنا
تتذكر الالام ،، من حرگ الاخيام
،،،،،،،،
فزت باليتامه اجروح ،، ركضو ركضت العاشر
لاذو بالعقيله بخوف ،، ناحوا والدمع ماطر
دخيلج عمه نادوهه ، بصوت اليكسر الخاطر
مانحمل نفر بالبر ،، لانحمل سحگ حافر
صاح بدمع عينه
ياعمه ردينه
ماتحمل ايدينه،،، ونشاگف اسياط
وجروح الاجدام ،، من حرگ الاخيام
،،،،،،
عمه كربله تعرف ،، تسلب بس المدلل
وشباقي دلال النه ،، حتى تسلبه ماظل
بيهه ذكرى مانگدر ،، لو عادتهه نتحمل
خاف انطبه ياعمه ،، واترد وگفتچ عالتل
ماننسه هالوگفه
تراودنه من نغفه
يازينب وكلفه ،،، اردود تنعاد
وايدچ على الهام ،، من حرگ الاخيام
،،،،،،،
مابينه نشوف اخيام ،، بيهه تشتعل نيران
ويعاود ظهر عاشور،،، وترد ركضت النسوان
شخلت كربله بينه ،، وهيه الفرگت خلان
ذبحت عالنهر جربه،، حرمتنه احن ذرعان
حرمتنه من عمنه
وذرعانه لتلمنه
من بعده مانمنه ،، سهرننه الونين
ماتگدر اتنام ،، من حرگ الاخيام
،،،،،،،،
چانت للرضيع اشفاف ،،تتفتح ورد النه
بحضن امه ويناغينه ،، يمه ننجمع كلنه
شطالب هيه گطرة ماي ،، ليش وذبلوا غصنه
وبعده هزة الكاروك ،، منها ينسمع ونه
صوت الطفل بعده
من نوحه مايهده
شفنه حرگ مهده،،، واحترگت اگلوب
مذبوحه الاحلام ،، من حرگ الاخيام
،،،،
يعني من نطب للطف،، هم بينه يرد الفات
ونسمع بالمعاره الصوت،، واليكم يزينب مات
وتمر ليلة الوحشه ،، بيهه ابلا كفيل انبات
وينعاد اليسر بينه ،، وانطر ديرة الشمات
صاحوا فرد كلمه
مابينه ياعمه
وردود نتسمه ،، ضعن السبايه
كل سفرة الشام ،، من حرگ الخيام
،،،،،،
زينب توصي الحرم ،، نصبن عزيه ،،، بالغاضريه
،،،،،،،،،،،
الليله زينب گامت توصي الضعن
هايه گاع البيهه ابن امي اندفن
يم اخوتي عالسبي لاتشتكن
عالهواشم ننعى يلله اتحزمن
النه مانشكي الم ،، ننعى الرزيه،، بالغاضريه
،،،،،،،،،،
بگبر ابو اليمه اذا لمنه الشمل
عيونچن لحسين خلنهه تهل
يمه لاطاري تجيبن للحبل
لاتذكرن ضيم عثرات الهزل
يلچم ابگلبه سهم ، شكوى السبيه ،، بالغاضريه
،،،،،،،،،،،
يالرباب ويمه لاتنعي الولد
شلون لو عبدالله من ونچ گعد
صدر ابو تدرين صايرله مهد
يعني راح ايهز ظلع بي ماضمد
بصدره غافي لنفطم ،، بنبلة منيه ،، بالغاضريه
،،،،،،،،،
لا تذكرن لاخرايب لايسر
وبينه كل ديوان حادينه يمر
لاتگولن غير ارسومي الظهر
مشتكانه يعيد بظلوعه الكسر
ظلعه لسه يجري دم،،من خيل اميه،، بالغاضريه
،،،،،،،،،،،،
من ابو اليمه نروح لكافلي
راح اگله خويه ياهيبة علي
خويه مشتاگه تگلي ادللي
حاشه ماگله تفرهد محملي
خويه ياراعي العلم ،،ساترنه فيه،، بالغاضريه
،،،،،،،،،
انعى اريد اچفوف منه تگطعت
بالگبر اشهگ محنته الفوحت
بالضمه ماگله سكنه فرفحت
لا رقيه عنه مچتوفه مشت
مااگله من الخيم ،، ركضت رقيه ،، بالغاضريه
،،،،،،،،،
،،،،،،،،،،،
الليله زينب گامت توصي الضعن
هايه گاع البيهه ابن امي اندفن
يم اخوتي عالسبي لاتشتكن
عالهواشم ننعى يلله اتحزمن
النه مانشكي الم ،، ننعى الرزيه،، بالغاضريه
،،،،،،،،،،
بگبر ابو اليمه اذا لمنه الشمل
عيونچن لحسين خلنهه تهل
يمه لاطاري تجيبن للحبل
لاتذكرن ضيم عثرات الهزل
يلچم ابگلبه سهم ، شكوى السبيه ،، بالغاضريه
،،،،،،،،،،،
يالرباب ويمه لاتنعي الولد
شلون لو عبدالله من ونچ گعد
صدر ابو تدرين صايرله مهد
يعني راح ايهز ظلع بي ماضمد
بصدره غافي لنفطم ،، بنبلة منيه ،، بالغاضريه
،،،،،،،،،
لا تذكرن لاخرايب لايسر
وبينه كل ديوان حادينه يمر
لاتگولن غير ارسومي الظهر
مشتكانه يعيد بظلوعه الكسر
ظلعه لسه يجري دم،،من خيل اميه،، بالغاضريه
،،،،،،،،،،،،
من ابو اليمه نروح لكافلي
راح اگله خويه ياهيبة علي
خويه مشتاگه تگلي ادللي
حاشه ماگله تفرهد محملي
خويه ياراعي العلم ،،ساترنه فيه،، بالغاضريه
،،،،،،،،،
انعى اريد اچفوف منه تگطعت
بالگبر اشهگ محنته الفوحت
بالضمه ماگله سكنه فرفحت
لا رقيه عنه مچتوفه مشت
مااگله من الخيم ،، ركضت رقيه ،، بالغاضريه
،،،،،،،،،
نادم على تقصيري ،، يافاطمه عذريني
لتبدليني ابغيري ،، ويهل الدمع خليني
*****
ابدي اعترافي ومستحي
عما جنت روحي اعتذر
عن كل نفس متنفسه
من محنتچ خالي الذكر
عن صفنه ماچانت الچ
منها اصحه بس مامنعصر
عن ليلة مسامر گضت
نستني ظلعچ منكسر
دمعة ندم بعتابچ ،، عن كل جرم أجرمته
شغليني بس بمصابچ ،، من غفلتي صحيني
*****
شگد واگف ابابچ لجل
تگضيلي حاجات وگضت
بس مو على بالي من اجي
دارچ بعدها ماطفت
هالمره جيتچ منكسر
وبمحنتچ روحي حضت
يم بابچ شما اقترب
من ناره عيني غمضت
شلون بمحنتچ هايه ،،اطلب قضاء الحاجه
هالمره جاي بغايه،، لمصيبتچ جرحيني
*****
بجروحچ شگد سولفت
من بابچ لسبي الحرم
ألچم واصور بالجرح
ندمه وگلت طاح العلم
لو خايف اكسرلچ گلب
ما اذكر اشسوه السهم
تالي فهمت صب الدمع
مو شرطه الا احرگ خيم
هواي الچمت بجروحچ،، واستسهلت ذكراها
لو مره احس ابنوحچ ،، چان الدمع عاميني
*****
مرضيه الله ملقبچ
وانه بوجاهت هالاسم
طالب سماح ومغفره
جاي اعتذر من كل اثم
عذراً اردد بالدمع
يالزهره مااريد انحرم
ثبتي مكاني بمجلسچ
بسنيني هذا اكبر حلم
تايب والوم افعالي،، مدنگ خجل مولاتي
باقي تظل امالي ،، بتعزيتچ اتثبتيني
*****
بجاهچ صرت بين الخلگ
صاحب مكانه ومنزله
وبخدمتچ من ارتبط
شاني البسيط شگد عله
وي الحسبتيهم دمع
حسبيني باچي لكربله
هذبيني علميني الادب
للمجلس من استقبله
انعمتي من خليتي ،، ثوب المعالي ثوبي
يافاطمه امنيتي ،، خدامچ اتحسبيني
*****
لتبدليني ابغيري ،، ويهل الدمع خليني
*****
ابدي اعترافي ومستحي
عما جنت روحي اعتذر
عن كل نفس متنفسه
من محنتچ خالي الذكر
عن صفنه ماچانت الچ
منها اصحه بس مامنعصر
عن ليلة مسامر گضت
نستني ظلعچ منكسر
دمعة ندم بعتابچ ،، عن كل جرم أجرمته
شغليني بس بمصابچ ،، من غفلتي صحيني
*****
شگد واگف ابابچ لجل
تگضيلي حاجات وگضت
بس مو على بالي من اجي
دارچ بعدها ماطفت
هالمره جيتچ منكسر
وبمحنتچ روحي حضت
يم بابچ شما اقترب
من ناره عيني غمضت
شلون بمحنتچ هايه ،،اطلب قضاء الحاجه
هالمره جاي بغايه،، لمصيبتچ جرحيني
*****
بجروحچ شگد سولفت
من بابچ لسبي الحرم
ألچم واصور بالجرح
ندمه وگلت طاح العلم
لو خايف اكسرلچ گلب
ما اذكر اشسوه السهم
تالي فهمت صب الدمع
مو شرطه الا احرگ خيم
هواي الچمت بجروحچ،، واستسهلت ذكراها
لو مره احس ابنوحچ ،، چان الدمع عاميني
*****
مرضيه الله ملقبچ
وانه بوجاهت هالاسم
طالب سماح ومغفره
جاي اعتذر من كل اثم
عذراً اردد بالدمع
يالزهره مااريد انحرم
ثبتي مكاني بمجلسچ
بسنيني هذا اكبر حلم
تايب والوم افعالي،، مدنگ خجل مولاتي
باقي تظل امالي ،، بتعزيتچ اتثبتيني
*****
بجاهچ صرت بين الخلگ
صاحب مكانه ومنزله
وبخدمتچ من ارتبط
شاني البسيط شگد عله
وي الحسبتيهم دمع
حسبيني باچي لكربله
هذبيني علميني الادب
للمجلس من استقبله
انعمتي من خليتي ،، ثوب المعالي ثوبي
يافاطمه امنيتي ،، خدامچ اتحسبيني
*****
حنيت انه لشوفتك ولبسمتك حنيت
حنيت اشم ريحتك ولمصرعك هلجيت
بيدي شمع زفتك يالبدمه تحنيت
ام انه گلبي احترگ ولحومتك فزيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جسام ياضنوتي من ايست منك
خفت الشمع ينطفي فزيت ادورنك
بالحومه ادري طحت وسهام صوبنك
وي بينك اتعاندت كون وازفنك
وينك يجاسم وين عيوني عماهه البين
دلالي يمه انفطر بمصابك اعتليت
بيدي شمع زفتك يالبدمه اتحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گلب امك بلا نظر يوليدي يندلك
لا تفز من نومتك مغمض الجفن خلك
عطرك درب ريتي اشتمه واوصلك
ياسك بديه جبت وشوباش اطشلك
ثوب العرس وياي جبته يلب احشاي
فوگاك دمع النظر شوباش الك طشيت
بيدي شمع زفتك يالبدمه تحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماجني دمك شفت هذا حمار الخد
لن ادري كل الورد من وجنتك ورد
يصفن ييمه الگمر لنه لجبينك صد
جنيت كل الوصف ياحسن مالك حد
لحسنك دليلي اشتاگ جيت بدمع حراگ
الشوگ بيه گصه من امناطرك مليت
بيدي شمع زفتك يالبدمه تحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هرش الگلب يرتوي من بسمتك يمه
وانساهه هم دنيتي لو جيدك اشتمه
محلاهه يمه بشفتك يامحله هالجلمه
يبطيحتك هذا العمر من غيرك ايلمه
من گالو ابنج طاح عمري تبده وراح
عالراس يبني الطمت يابلوتي ناديت
بيدي شمع زفتك يالبدمه تحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماريد جرحك يفز ابهيده من اوصلت
انه ادري من ضربتك اشكثر يمه لجت
وعن لا تشوف الدمع ابشيلتي تشيلت
واعذرني ماسمعك بهداي الك هلهلت
بحسره الهلاهل حيف عرسك يجاسم طيف
بهالحاله ماعاينك شگد يبني اتمنيت
بيدي شمع زفتك يالبدمه تحنيت
حنيت اشم ريحتك ولمصرعك هلجيت
بيدي شمع زفتك يالبدمه تحنيت
ام انه گلبي احترگ ولحومتك فزيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جسام ياضنوتي من ايست منك
خفت الشمع ينطفي فزيت ادورنك
بالحومه ادري طحت وسهام صوبنك
وي بينك اتعاندت كون وازفنك
وينك يجاسم وين عيوني عماهه البين
دلالي يمه انفطر بمصابك اعتليت
بيدي شمع زفتك يالبدمه اتحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گلب امك بلا نظر يوليدي يندلك
لا تفز من نومتك مغمض الجفن خلك
عطرك درب ريتي اشتمه واوصلك
ياسك بديه جبت وشوباش اطشلك
ثوب العرس وياي جبته يلب احشاي
فوگاك دمع النظر شوباش الك طشيت
بيدي شمع زفتك يالبدمه تحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماجني دمك شفت هذا حمار الخد
لن ادري كل الورد من وجنتك ورد
يصفن ييمه الگمر لنه لجبينك صد
جنيت كل الوصف ياحسن مالك حد
لحسنك دليلي اشتاگ جيت بدمع حراگ
الشوگ بيه گصه من امناطرك مليت
بيدي شمع زفتك يالبدمه تحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هرش الگلب يرتوي من بسمتك يمه
وانساهه هم دنيتي لو جيدك اشتمه
محلاهه يمه بشفتك يامحله هالجلمه
يبطيحتك هذا العمر من غيرك ايلمه
من گالو ابنج طاح عمري تبده وراح
عالراس يبني الطمت يابلوتي ناديت
بيدي شمع زفتك يالبدمه تحنيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماريد جرحك يفز ابهيده من اوصلت
انه ادري من ضربتك اشكثر يمه لجت
وعن لا تشوف الدمع ابشيلتي تشيلت
واعذرني ماسمعك بهداي الك هلهلت
بحسره الهلاهل حيف عرسك يجاسم طيف
بهالحاله ماعاينك شگد يبني اتمنيت
بيدي شمع زفتك يالبدمه تحنيت
ما تنسي ايام ،، وگفتنه بالشام
عيني اعله عمتي
گبل السبي تمنيته
گاضي العمر ياريته ،، عيني اعله عمتي
*****
اهل بيت النبي وألنه ،، مثل جدنه القتل عاده
ومن الله كرامتنه ،، الشهاده وخصنه عباده
امر الله وأتمرنه
هذا الذبح فخرنه
بس شذنب خدرنه ،، صيوانه محروگ
كل خيمه سلبوها
عيلتنه ضيعوها
ليش الحرم خذوها ،، مسبيه عالنوگ
مانشرب الماي ،، هانت گلت هاي
نصبر عليها
بس ليش حرگوا خيمه
وتاه الضعن بالهيمه ،، عيني اعله عمتي
*****
اجيت لكربله بعلتي ،، اطلعت منها بگيود اسري
انه معدي الصبر حده ،،لچن شفت الهدم صبري
گيد البدي حملته
بيه شجره قبلته
بس ياهو مثلي عمته ،، طلعت اسيره
شلون اصبر واشوفن
ديار الحرم يطوفن
وأدموعي ما يروفن ،، جرح الاميره
كتال الصواب ،، من عين الاجناب
نظرة شماته
عمدن يمر حادينه
بديار المعادينه ،، عيني اعله عمتي
*****
الخرايب عالدرب صارن،،سكن للفگدن الوالي
عليهن ابچي دم گلبي ،، وحرمنه يبچن الحالي
ليليه بالخرايب
نعد للمشي مصايب
وشگد بعد نوايب ،، يمرن عليه
بس انا باقي ألهن
الماطبگ جفنهن
الله يا صبرهن ،، بنات الزچيه
صبرن على الصار ،، وايضمن اثار
وضحت بديهن
وايگعدن ابكل ليله
يشدن جروح العيله ،، عيني اعله عمتي
*****
للشام ابدمع واجروح ،، وصلنه وهايه حالتنه
والناس اشبلاها الناس ،، بيا ملگه تلگتنه
كل حرمه هاشميه
نادوها ياسبيه
أتستر ضعنه بيه ،، آحا يضعني
شام وغصب لفيته
بعيد وظفر لگيته
عمري گصر يريته ،، بهلي جمعني
ياهبطة الراس ،، من ملكه هالناس
وشسمعونه
الشام فك بيبانه
بينه اشتفه العادانه ،، عيني اعله عمتي
*****
بديوان اللهو گالو ،، الضعن لازم تجيبونه
حرم وامگيده ابگيدي ،، نوگف اسرى خلونه
بنفس الحبل چتفنه
ذله شكثر وگفنه
والماعرف عرفنه ،، بيت النبوه
بطشت الذهب ولينه
عينه تصد علينه
حتى اسمعت انينه ،، من طشته دوه
يابويه يحسين ،، مابطلت العين
من صب دمعها
يابويه من جابوني
بهذا الوضع ذبحوني ،، عيني اعله عمتي
*****
عيني اعله عمتي
گبل السبي تمنيته
گاضي العمر ياريته ،، عيني اعله عمتي
*****
اهل بيت النبي وألنه ،، مثل جدنه القتل عاده
ومن الله كرامتنه ،، الشهاده وخصنه عباده
امر الله وأتمرنه
هذا الذبح فخرنه
بس شذنب خدرنه ،، صيوانه محروگ
كل خيمه سلبوها
عيلتنه ضيعوها
ليش الحرم خذوها ،، مسبيه عالنوگ
مانشرب الماي ،، هانت گلت هاي
نصبر عليها
بس ليش حرگوا خيمه
وتاه الضعن بالهيمه ،، عيني اعله عمتي
*****
اجيت لكربله بعلتي ،، اطلعت منها بگيود اسري
انه معدي الصبر حده ،،لچن شفت الهدم صبري
گيد البدي حملته
بيه شجره قبلته
بس ياهو مثلي عمته ،، طلعت اسيره
شلون اصبر واشوفن
ديار الحرم يطوفن
وأدموعي ما يروفن ،، جرح الاميره
كتال الصواب ،، من عين الاجناب
نظرة شماته
عمدن يمر حادينه
بديار المعادينه ،، عيني اعله عمتي
*****
الخرايب عالدرب صارن،،سكن للفگدن الوالي
عليهن ابچي دم گلبي ،، وحرمنه يبچن الحالي
ليليه بالخرايب
نعد للمشي مصايب
وشگد بعد نوايب ،، يمرن عليه
بس انا باقي ألهن
الماطبگ جفنهن
الله يا صبرهن ،، بنات الزچيه
صبرن على الصار ،، وايضمن اثار
وضحت بديهن
وايگعدن ابكل ليله
يشدن جروح العيله ،، عيني اعله عمتي
*****
للشام ابدمع واجروح ،، وصلنه وهايه حالتنه
والناس اشبلاها الناس ،، بيا ملگه تلگتنه
كل حرمه هاشميه
نادوها ياسبيه
أتستر ضعنه بيه ،، آحا يضعني
شام وغصب لفيته
بعيد وظفر لگيته
عمري گصر يريته ،، بهلي جمعني
ياهبطة الراس ،، من ملكه هالناس
وشسمعونه
الشام فك بيبانه
بينه اشتفه العادانه ،، عيني اعله عمتي
*****
بديوان اللهو گالو ،، الضعن لازم تجيبونه
حرم وامگيده ابگيدي ،، نوگف اسرى خلونه
بنفس الحبل چتفنه
ذله شكثر وگفنه
والماعرف عرفنه ،، بيت النبوه
بطشت الذهب ولينه
عينه تصد علينه
حتى اسمعت انينه ،، من طشته دوه
يابويه يحسين ،، مابطلت العين
من صب دمعها
يابويه من جابوني
بهذا الوضع ذبحوني ،، عيني اعله عمتي
*****