من بعدك هذا الحال
يوميه أعيش آآمال
راجعلي أشوف
لكن ألگاها خيال
چم شوغه وآه أوحسبه
بالماي الانوي أشربه
ماشربته ألا شبني بنار
چا غير الدمعه شبيدي
وأنطر ترجع يوليدي
خله بيه الانتظار آثار
ياحيلي الراح مني
ياظعني الراح مني
شوغاتي حسباتي كل ليل ونهار
*****
منتظره عزيز الروح
وأعيوني دمعها جروح
أنفاسي عذاب
أم أو للفرگه أنوح
أبتدت بالفرگه وفاتي
إرجع او ترجعلي حياتي
هذا حالي من رحت يحسين
ميته شوگ وتالي أسمعه
عن مصابك بشر الينعى
ميته مره لا متت مرتين
گالولي غريب يبني
ياويلي غريب يبني
أمالي يالغالي متحوله أنين
*****
گصرت أيامي يريت
ولا أسمع انته هويت
يايمه وحيد
ضامي وعالغبره بقيت
من طحت چا ياهو يعينك
بالحجر مصيوبه جبينك
ضامي ويلي مابگالك حيل
غاضريه الديره غريبه
أستوحدوك وهايه مصيبه
فزعوها ومن يرد الخيل
عالغبره يسيل دمك
ظهريه يسيل دمك
ماعندك ليسندك ياويلي اويل
*****
لعيونك أضحي أرباي
ترجعلي أريد أبهاي
أولادي نذور
چانو بالدنيه ضواي
اغله مابالدنيه وهبته
أبوفاضل أبني نذرته
ما ولدته ألا يحمي ظعون
أمنياتي عيوني تشوفك
وبحرارة شوگي أطوفك
حسره ظلت أُمنية العيون
أمنيتي جروح بيه
ما تشفى جروح بيه
محنيه لابيه أنساك شلون
*****
رويت الهيمه دموع
يايمه حنيت أظلوع
مهظومه اصيح
حروفك ألفظها وألوع
ياحسين الونه لونها
بيه تنشر جمره حزنها
يعني دمعي من يصب نيران
بالبوادي ارتله عذابك
والظلام اشكيله غيابك
من مصابك گلبي ظل حيران
مذبوحه عليك روحي
تنشدني عليك روحي
أنعاها أقرآها آ ياعطشان
*****
يوميه أعيش آآمال
راجعلي أشوف
لكن ألگاها خيال
چم شوغه وآه أوحسبه
بالماي الانوي أشربه
ماشربته ألا شبني بنار
چا غير الدمعه شبيدي
وأنطر ترجع يوليدي
خله بيه الانتظار آثار
ياحيلي الراح مني
ياظعني الراح مني
شوغاتي حسباتي كل ليل ونهار
*****
منتظره عزيز الروح
وأعيوني دمعها جروح
أنفاسي عذاب
أم أو للفرگه أنوح
أبتدت بالفرگه وفاتي
إرجع او ترجعلي حياتي
هذا حالي من رحت يحسين
ميته شوگ وتالي أسمعه
عن مصابك بشر الينعى
ميته مره لا متت مرتين
گالولي غريب يبني
ياويلي غريب يبني
أمالي يالغالي متحوله أنين
*****
گصرت أيامي يريت
ولا أسمع انته هويت
يايمه وحيد
ضامي وعالغبره بقيت
من طحت چا ياهو يعينك
بالحجر مصيوبه جبينك
ضامي ويلي مابگالك حيل
غاضريه الديره غريبه
أستوحدوك وهايه مصيبه
فزعوها ومن يرد الخيل
عالغبره يسيل دمك
ظهريه يسيل دمك
ماعندك ليسندك ياويلي اويل
*****
لعيونك أضحي أرباي
ترجعلي أريد أبهاي
أولادي نذور
چانو بالدنيه ضواي
اغله مابالدنيه وهبته
أبوفاضل أبني نذرته
ما ولدته ألا يحمي ظعون
أمنياتي عيوني تشوفك
وبحرارة شوگي أطوفك
حسره ظلت أُمنية العيون
أمنيتي جروح بيه
ما تشفى جروح بيه
محنيه لابيه أنساك شلون
*****
رويت الهيمه دموع
يايمه حنيت أظلوع
مهظومه اصيح
حروفك ألفظها وألوع
ياحسين الونه لونها
بيه تنشر جمره حزنها
يعني دمعي من يصب نيران
بالبوادي ارتله عذابك
والظلام اشكيله غيابك
من مصابك گلبي ظل حيران
مذبوحه عليك روحي
تنشدني عليك روحي
أنعاها أقرآها آ ياعطشان
*****
حنه ظهره الگمر
ماراد يشرب ماي
أستحه منه الفرات وصابته الرجفه
تيه والنتيجه
الروج يلطم روج
مسابگ والبخيت الامسه بچفه
لتگلي السعف
هيچ انحنه وبالكيف
ولتگلي اظن وارثها لوصدفه
بس هو النخل
بي غيره بي ناموس
شاف أستاذه دنگ دنگ بسعفه
من يصفگ جنح
موغايه حتى يطير
إذا تحسبها غايه منيلك عرفه
يلطم لو صفگ جنحين ،، بسما
يهيم و يلهج الونات ،، بسما
ياعباس نفزع كون ،، بسما
شلت ايدك انه وكون شايلها چا لا
عن أبرها ايگولون ذاكه رحمنا
حنه ظهره الگمر
شوف السمه شلون
چنها اعله الارض تنشاف ملتفه
من ترعد حزن
تصفگ أديها غيوم
ماصبيت گطره بجربتك وسفه
أظل ما أنعدل
مچفيه للدوم
دلالي شمس وغروبكم نزفه
كلشي ويالگمر
غير بالاطباع
من شافوا سماحة مشيته الترفه
الا الجيش كله
حاسد الجود
يرامونه بسهام أعيونهم صلفه
حسد مصيوب جودك ،، چ ِمليته
ترافه الماي منك ،، چَ مليته
چم كون بغيابك ،، جَ مليته
ظلت أمنيات بغير جيه
**********
ماراد يشرب ماي
أستحه منه الفرات وصابته الرجفه
تيه والنتيجه
الروج يلطم روج
مسابگ والبخيت الامسه بچفه
لتگلي السعف
هيچ انحنه وبالكيف
ولتگلي اظن وارثها لوصدفه
بس هو النخل
بي غيره بي ناموس
شاف أستاذه دنگ دنگ بسعفه
من يصفگ جنح
موغايه حتى يطير
إذا تحسبها غايه منيلك عرفه
يلطم لو صفگ جنحين ،، بسما
يهيم و يلهج الونات ،، بسما
ياعباس نفزع كون ،، بسما
شلت ايدك انه وكون شايلها چا لا
عن أبرها ايگولون ذاكه رحمنا
حنه ظهره الگمر
شوف السمه شلون
چنها اعله الارض تنشاف ملتفه
من ترعد حزن
تصفگ أديها غيوم
ماصبيت گطره بجربتك وسفه
أظل ما أنعدل
مچفيه للدوم
دلالي شمس وغروبكم نزفه
كلشي ويالگمر
غير بالاطباع
من شافوا سماحة مشيته الترفه
الا الجيش كله
حاسد الجود
يرامونه بسهام أعيونهم صلفه
حسد مصيوب جودك ،، چ ِمليته
ترافه الماي منك ،، چَ مليته
چم كون بغيابك ،، جَ مليته
ظلت أمنيات بغير جيه
**********
ألفظ أسمك
وأستلذ حيل بصفنتي
وانشغل بالما توصف
البيك شفته
خرسه عن وصفه لهجتي
وأنته تدري
سوالف عيوني دمعها
أو تبقى ممنونك نغمتي
ألفظ أسمك
والبرد يندار صيف
والثلج يعرگ خجل
ويذوب حيف
بس هذاك الشاطي بعده
تگلب الموجه وشفت لمعتها سيف
وأنه ذاك انه بعدني
للهوى مفرع جمرتي
والسمه شما بيها تمطر
المطر ما بلل الحاء بحسرتي
عندي سگف الشجره زحمه
تصير بفيايه گعدتي
سبقت سنيني الملامح
والشباب الفات صبحه
أنجومه شيب
ضحكه عاشت يوم كامل
عندي عيب
هذا حالي
ألفظ اسمك
للنهايات ويشوفن
ماكو أوحش من سكتي
بيه مو صفنت عشگ
صفنت سؤال.؟؟؟؟؟
ليش لحظات الفرح تنزل دمعتي
من أذكرك
ألگه بشفافك عطش
وأذبح صفنتي
فضل للي أرضعتني ،، صف لبنها
دمع وآهات روحي ،، صف لبنها
شگله الگلي بلله ،، صف لبنها
شگله شلون حال أبن الزچيه
*****
وأستلذ حيل بصفنتي
وانشغل بالما توصف
البيك شفته
خرسه عن وصفه لهجتي
وأنته تدري
سوالف عيوني دمعها
أو تبقى ممنونك نغمتي
ألفظ أسمك
والبرد يندار صيف
والثلج يعرگ خجل
ويذوب حيف
بس هذاك الشاطي بعده
تگلب الموجه وشفت لمعتها سيف
وأنه ذاك انه بعدني
للهوى مفرع جمرتي
والسمه شما بيها تمطر
المطر ما بلل الحاء بحسرتي
عندي سگف الشجره زحمه
تصير بفيايه گعدتي
سبقت سنيني الملامح
والشباب الفات صبحه
أنجومه شيب
ضحكه عاشت يوم كامل
عندي عيب
هذا حالي
ألفظ اسمك
للنهايات ويشوفن
ماكو أوحش من سكتي
بيه مو صفنت عشگ
صفنت سؤال.؟؟؟؟؟
ليش لحظات الفرح تنزل دمعتي
من أذكرك
ألگه بشفافك عطش
وأذبح صفنتي
فضل للي أرضعتني ،، صف لبنها
دمع وآهات روحي ،، صف لبنها
شگله الگلي بلله ،، صف لبنها
شگله شلون حال أبن الزچيه
*****
حاروا بوصافك كل الي يوصفونك
بس حيدر وأمك بالكلمه يرسمونك
ترفه وهم شرسه يانظرات عيونك
بين وبين ،، هالجفنين
الكون وأسراره
فيض الطاف ،، أحلى اوصاف
جنة رب وناره
عالعدوان ،، بالميدان
مايرحم بتاره
هذا العباس والاسرار بحروفه
رحمه وتعذيب تكوين چفوفه
*
مفتوله أزنودك بأخلاص البدويه
تكوينك هيبه ومعجونه بحنيه
أنته النوماس وما غيرك راعيه
ذيچ أيام ،، چان أحلام
وأمه تراقب خيره
سبع شهور ،، وشع النور
بيك الفرحه چبيره
تفخر بيك ،، وترَويك
درة بيك الغيره
صار العباس يامحلى صياره
باب الحاجات ومراد وشاره
*
يا وارث حيدر أقواله وأفعاله
نسخة أطباعه ومفصل تفصاله
ياخوف الساكن بگلوب الخياله
بيك أندار ،، حامي الجار
بتلاثين سنينك
صوتك سيف،، ماخذ حيف
گبل صواب أيمينك
حشر الناس ،، ياعباس
جدحه بنظرة عينك
تخمين أرقام ماهي معدوده
خيل وخيال يطحن بزنوده
*
يا أجمل فارس ياعنوان الفاتك
ياحد ايحدهن ياعباس اصياتك
ماتجرح تذبح معروفه طعناتك
ترعد ويل ،، تثني الخيل
تطشر جدامك
من الخوف ،، يعمه الشوف
لو نزلت ألثامك
تخطف لون ،، ويرجفون
من خطوات اجدامك
زلزال الگاع صولاتك هايه
بگلب الميدان هزيت الرايه
*
لازمها بأيدك يافرحتها الرايه
يتنومس جودك ما فارغ من مايه
عينت چفوفك حدين اعله الثايه
حيدر بيك ،، ومخليك
چف الساقي وكافل
يا وفاي ،، أمك هاي
بيك ترد العايل
لهاشم جيت ،، گمرة بيت
دخيلك يابو فاضل
چا هذا الجود عِشره ويمتونك
سور وناطور يارمش جفونك
**
بس حيدر وأمك بالكلمه يرسمونك
ترفه وهم شرسه يانظرات عيونك
بين وبين ،، هالجفنين
الكون وأسراره
فيض الطاف ،، أحلى اوصاف
جنة رب وناره
عالعدوان ،، بالميدان
مايرحم بتاره
هذا العباس والاسرار بحروفه
رحمه وتعذيب تكوين چفوفه
*
مفتوله أزنودك بأخلاص البدويه
تكوينك هيبه ومعجونه بحنيه
أنته النوماس وما غيرك راعيه
ذيچ أيام ،، چان أحلام
وأمه تراقب خيره
سبع شهور ،، وشع النور
بيك الفرحه چبيره
تفخر بيك ،، وترَويك
درة بيك الغيره
صار العباس يامحلى صياره
باب الحاجات ومراد وشاره
*
يا وارث حيدر أقواله وأفعاله
نسخة أطباعه ومفصل تفصاله
ياخوف الساكن بگلوب الخياله
بيك أندار ،، حامي الجار
بتلاثين سنينك
صوتك سيف،، ماخذ حيف
گبل صواب أيمينك
حشر الناس ،، ياعباس
جدحه بنظرة عينك
تخمين أرقام ماهي معدوده
خيل وخيال يطحن بزنوده
*
يا أجمل فارس ياعنوان الفاتك
ياحد ايحدهن ياعباس اصياتك
ماتجرح تذبح معروفه طعناتك
ترعد ويل ،، تثني الخيل
تطشر جدامك
من الخوف ،، يعمه الشوف
لو نزلت ألثامك
تخطف لون ،، ويرجفون
من خطوات اجدامك
زلزال الگاع صولاتك هايه
بگلب الميدان هزيت الرايه
*
لازمها بأيدك يافرحتها الرايه
يتنومس جودك ما فارغ من مايه
عينت چفوفك حدين اعله الثايه
حيدر بيك ،، ومخليك
چف الساقي وكافل
يا وفاي ،، أمك هاي
بيك ترد العايل
لهاشم جيت ،، گمرة بيت
دخيلك يابو فاضل
چا هذا الجود عِشره ويمتونك
سور وناطور يارمش جفونك
**
حيره احتار گلبي أبين جرحين
جرح عباس هذا وجرح الحسين
*****
بين جفوني ظلت دمعتي تنود
أهيم واختنگ والحيل مهدود
اظل ألهج دخيل الگطع زنود
ذاك ال عالشريعه غمض العين
*****
يم باب الگمر يا محله لدموع
وللعطشان يحله لطم الظلوع
اي للطفله چنه الصوت مسموع
رقيه تصيح من بين الصواوين
*****
أگصد للغريب وما يظل حيل
تجي بعيني صور لمراكض الخيل
هذا الليل آ ياوحشة الليل
ياهو للضعن وأزلامه ميتين
*****
بين أگبوركم واتخيل الحال
گضيتو وبخيمكم ضجت اطفال
بعدكم ماكو رايه تحامي العيال
بعدكم بس جمر يبره النسواين
*****
احاچي الروح بلله شلون ياروح
جرحهم ما تشبها كل الجروح
نومه وظلت ألهم نايحه تنوح
زينب ناحت وما عدها ليعين
******
ياهو يعينها المتكفله بيتام
غربه بغربه ظلت بعد الخيام
مو كافي بخرايب ظلت ايام
ليش الا بهظمها اطب دواوين
*****
حرمه وياهو ألها ماكو خوان
جفنها للدمع للعيله سهران
ضيعه شلون ضيعه يم الاحزان
بيها من الصحاري يانياشين
*****
وافتها المنيه واخر صواب
دارت عينها ولا شافت أحباب
تالي وتندفن بديار الاجناب
ولهسه بگبرها نوح و ونيين
*****
تاليها وجزات الضيم يم عون
بديار الشماته گبرچ يكون
ضريح وخالي من دمع اليزورون
مو بس نار گلبچ يدوي نارين
*****
أزور وكل طواف بشفتي اعذار
ذكرت الشام بيها شصار ماصار
واگولن عذروا گلبي لسعته النار
مهظوم اعله اختكم ياميامين
*****
جرح عباس هذا وجرح الحسين
*****
بين جفوني ظلت دمعتي تنود
أهيم واختنگ والحيل مهدود
اظل ألهج دخيل الگطع زنود
ذاك ال عالشريعه غمض العين
*****
يم باب الگمر يا محله لدموع
وللعطشان يحله لطم الظلوع
اي للطفله چنه الصوت مسموع
رقيه تصيح من بين الصواوين
*****
أگصد للغريب وما يظل حيل
تجي بعيني صور لمراكض الخيل
هذا الليل آ ياوحشة الليل
ياهو للضعن وأزلامه ميتين
*****
بين أگبوركم واتخيل الحال
گضيتو وبخيمكم ضجت اطفال
بعدكم ماكو رايه تحامي العيال
بعدكم بس جمر يبره النسواين
*****
احاچي الروح بلله شلون ياروح
جرحهم ما تشبها كل الجروح
نومه وظلت ألهم نايحه تنوح
زينب ناحت وما عدها ليعين
******
ياهو يعينها المتكفله بيتام
غربه بغربه ظلت بعد الخيام
مو كافي بخرايب ظلت ايام
ليش الا بهظمها اطب دواوين
*****
حرمه وياهو ألها ماكو خوان
جفنها للدمع للعيله سهران
ضيعه شلون ضيعه يم الاحزان
بيها من الصحاري يانياشين
*****
وافتها المنيه واخر صواب
دارت عينها ولا شافت أحباب
تالي وتندفن بديار الاجناب
ولهسه بگبرها نوح و ونيين
*****
تاليها وجزات الضيم يم عون
بديار الشماته گبرچ يكون
ضريح وخالي من دمع اليزورون
مو بس نار گلبچ يدوي نارين
*****
أزور وكل طواف بشفتي اعذار
ذكرت الشام بيها شصار ماصار
واگولن عذروا گلبي لسعته النار
مهظوم اعله اختكم ياميامين
*****
دلال الينطر جود توذر عطش
بالخيمه كل نظره تتفسر عطش
لون وصوت اليذبل يتغير عطش
أطفال أشتتحمل ما تگدر عطش
صحره كل طفل لونه
بعد ما ذبحوا أظنونه
مكان الجربه بالخيمه
يصدله بدمعة عيونه
أمل گلبه ،،
يرد أردود عمه عالمتن جوده
أمل گلبه ،،
سباحه انگطع للگطعوا زنوده
جمر تمطر سمه العاشر
ضمايه وچم گلب حاير
*****
يروي چان العباس أبنظره طفل
تبرد ناره وما يكسر عبره طفل
يتصبر چا هسه شيصبره طفل
بلا عمه والهم مو گد عمره طفل
أمانه سوره وفيايه
يشوفه برفة الرايه
صفه لا عين ألتحرسه
ولا يتروه بحچايه
تشب ناره ،،
أول مره شايف للمخيم ظل
تشب ناره ،،
مايسمع رفيف لراية اليكفل
جمر تمطر سمه العاشر
ضمايه وچم گلب حاير
*****
أطفال وبالخيمه لمتهم ألم
جمرات وتتگاطر دمعتهم ألم
من شَدة معصبها عمتهم ألم
متحضره شو چنها لغربتهم ألم
عليها شافوا الحيره
عذاب الناظر أديره
شافوا حالها تغير
بعد فراگ ابو الغيره
أبو فاضل ،،
عمتهم تصيح وصاحوا أوياها
أبو فاضل ،،
دونك يعني راح أنضيع معناها
جمر تمطر سمه العاشر
ضمايه وچم گلب حاير
*****
أطفال بهالوادي ماتسلم ظهر
صيوان وبالتربان أمحزم ظهر
مايرحم سيف الحر يتهجم ظهر
عالشفه بضماهم يترسم ظهر
تغير كل طفل رسمه
صحره وماتهب نسمه
وجه وجهه للشاطي
هلبت ينتهض عمه
ثلم چبده ،،
هبوب الريح سوى شفته جمره
ثلم چبده ،،
يشد الحيل بيمن لنفگد صبره
جمر تمطر سمه العاشر
ضمايه وچم گلب حاير
*****
ألنوماس أصياته وأبجاله. عله
لا صوت الخيل اولا خياله عله
لابيرغ لا كل سيف گباله عله
من بعده ليخاف من خياله عله
جيش وكله گدامه
چان مدنگ الهامه
هسه بطيحته حِسهم
يوصل وسفه لخيامه
الهوا سمومه ،،
ما چانت على الصيوان تتعده
الهوا سمومه ،،
هسه سهام يوصل طاح اليرده
جمر تمطر سمه العاشر
ضمايه وچم گلب حاير
*****
بالخيمه كل نظره تتفسر عطش
لون وصوت اليذبل يتغير عطش
أطفال أشتتحمل ما تگدر عطش
صحره كل طفل لونه
بعد ما ذبحوا أظنونه
مكان الجربه بالخيمه
يصدله بدمعة عيونه
أمل گلبه ،،
يرد أردود عمه عالمتن جوده
أمل گلبه ،،
سباحه انگطع للگطعوا زنوده
جمر تمطر سمه العاشر
ضمايه وچم گلب حاير
*****
يروي چان العباس أبنظره طفل
تبرد ناره وما يكسر عبره طفل
يتصبر چا هسه شيصبره طفل
بلا عمه والهم مو گد عمره طفل
أمانه سوره وفيايه
يشوفه برفة الرايه
صفه لا عين ألتحرسه
ولا يتروه بحچايه
تشب ناره ،،
أول مره شايف للمخيم ظل
تشب ناره ،،
مايسمع رفيف لراية اليكفل
جمر تمطر سمه العاشر
ضمايه وچم گلب حاير
*****
أطفال وبالخيمه لمتهم ألم
جمرات وتتگاطر دمعتهم ألم
من شَدة معصبها عمتهم ألم
متحضره شو چنها لغربتهم ألم
عليها شافوا الحيره
عذاب الناظر أديره
شافوا حالها تغير
بعد فراگ ابو الغيره
أبو فاضل ،،
عمتهم تصيح وصاحوا أوياها
أبو فاضل ،،
دونك يعني راح أنضيع معناها
جمر تمطر سمه العاشر
ضمايه وچم گلب حاير
*****
أطفال بهالوادي ماتسلم ظهر
صيوان وبالتربان أمحزم ظهر
مايرحم سيف الحر يتهجم ظهر
عالشفه بضماهم يترسم ظهر
تغير كل طفل رسمه
صحره وماتهب نسمه
وجه وجهه للشاطي
هلبت ينتهض عمه
ثلم چبده ،،
هبوب الريح سوى شفته جمره
ثلم چبده ،،
يشد الحيل بيمن لنفگد صبره
جمر تمطر سمه العاشر
ضمايه وچم گلب حاير
*****
ألنوماس أصياته وأبجاله. عله
لا صوت الخيل اولا خياله عله
لابيرغ لا كل سيف گباله عله
من بعده ليخاف من خياله عله
جيش وكله گدامه
چان مدنگ الهامه
هسه بطيحته حِسهم
يوصل وسفه لخيامه
الهوا سمومه ،،
ما چانت على الصيوان تتعده
الهوا سمومه ،،
هسه سهام يوصل طاح اليرده
جمر تمطر سمه العاشر
ضمايه وچم گلب حاير
*****
راح اسم ام الخدر ،، ضاع بدروب اليسر
ضعت وانا مدلله
بين شام وكربله
*****
بدنيتي سنين العشتها
شعندي بيهن ذكريات
غير فرگه وسيل دمعي
ماشفت حد الممات
انه لحترگن خيامي
بالخرايب صرت أبات
لهسه من أثار حبلي
چن أديه مگيدات
دمعي يرسم من يهل،، نار وحبال وهزل
تبده عمري بالفله
بين شام وكربله
*****
غير فگد اخواني شذكر
غير دمعي شظل ألي
بذيچ ظهرية محرم
گبالي صرعه كل هلي
كلشي صار بعيني غربه
يوم غمض كافلي
وهاي أول مره أشوفن
بعازة الفي محملي
گلبي چانت دگته ،، وي رفة رايته
مات حسره لكافله
بين شام وكربله
*****
الموت نازل بيه رايد
روح ياخذ من جسد
وانه ظلت روح بيه؟
حتى يقبضها بعد
روح شوف بيا خرابه
بيا قصر وبيا بلد
مدري يم الشاطي ظلت
مدري يم ذاك المهد
لو بعدها اعله الرمح،، تنوح بأسم المنذبح
هناك روحي معلعله
بين شام وكربله
*****
شنسى ظهرية ركضتي
لو شماته بغربتي
لو طلعتي من المخيم
لو وداعي وي اخوتي
لهسه من الليل خوفي
يعيد ليلة وحشتي
ويا سبيه الچلمه هايه
فرهدت كل هيبتي
شب دلالي وي الخيم،، ليل وانه احرس حرم
دموعي جمره سايله
بين شام وكربله
*****
شلون تبره جروحه گلبي
شلون يحصل بلسمه
وانه شفت حسين أخيي
يزيد يضرب بلسمه
الملگه وي ذباح أخوتي
باقي حيلي هدمه
وطبت الديوان كلفه
لهايه ما متعلمه
راح حيلي بوگفتي،، هنا شفت روس أخوتي
ضيم دلالي أنمله
بين شام وكربله
******
ضعت وانا مدلله
بين شام وكربله
*****
بدنيتي سنين العشتها
شعندي بيهن ذكريات
غير فرگه وسيل دمعي
ماشفت حد الممات
انه لحترگن خيامي
بالخرايب صرت أبات
لهسه من أثار حبلي
چن أديه مگيدات
دمعي يرسم من يهل،، نار وحبال وهزل
تبده عمري بالفله
بين شام وكربله
*****
غير فگد اخواني شذكر
غير دمعي شظل ألي
بذيچ ظهرية محرم
گبالي صرعه كل هلي
كلشي صار بعيني غربه
يوم غمض كافلي
وهاي أول مره أشوفن
بعازة الفي محملي
گلبي چانت دگته ،، وي رفة رايته
مات حسره لكافله
بين شام وكربله
*****
الموت نازل بيه رايد
روح ياخذ من جسد
وانه ظلت روح بيه؟
حتى يقبضها بعد
روح شوف بيا خرابه
بيا قصر وبيا بلد
مدري يم الشاطي ظلت
مدري يم ذاك المهد
لو بعدها اعله الرمح،، تنوح بأسم المنذبح
هناك روحي معلعله
بين شام وكربله
*****
شنسى ظهرية ركضتي
لو شماته بغربتي
لو طلعتي من المخيم
لو وداعي وي اخوتي
لهسه من الليل خوفي
يعيد ليلة وحشتي
ويا سبيه الچلمه هايه
فرهدت كل هيبتي
شب دلالي وي الخيم،، ليل وانه احرس حرم
دموعي جمره سايله
بين شام وكربله
*****
شلون تبره جروحه گلبي
شلون يحصل بلسمه
وانه شفت حسين أخيي
يزيد يضرب بلسمه
الملگه وي ذباح أخوتي
باقي حيلي هدمه
وطبت الديوان كلفه
لهايه ما متعلمه
راح حيلي بوگفتي،، هنا شفت روس أخوتي
ضيم دلالي أنمله
بين شام وكربله
******
زينب ،، لاخر نفس ظلت غريبه
زينب ،، ما عدها يوم ابلا مصيبه
أنواع المصاب
وألوان العذاب
أسباب الدموع ،، چان أولها باب
الجفن ما يغمض ليله
الدمع ما گاطع سيله
للزمن دين أتوافيله
******
زينب ،، نحرت گلبها الغاضريه
زينب،، كل محنه وافتها المنيه
گلب الحره لاع
ذابحها الوداع
تالي اعله النياگ ،، شيعها الضياع
ميته من عاشور وضيمه
لا حمه لا ظلت خيمه
والحدي أيام بهيمه
*****
زينب ،، وحشة خرايب لبگبرها
زينب،، ونت يتامه يمر ذكرها
دمعه وصفنه هاي
بيها الحيره راي
منها تعالى صوت ،، زينب ردنه ماي
الجرح يادمعه تروفه
والاسم أهات حروفه
والعطش ليهسه يطوفه
*****
زينب ،، بالطف صفت عمة يتامه
زينب ،، لون الحزن حد القيامه
لا جرح اليطيب
لايهده النحيب
لخت الظل وحيد ،، بالهيمه وغريب
ماطفت خيمتها الحره
ياگلب لاتبرد أقره
ويلي يا بت امها الزهره
*****
زينب ،، حد ما دنت ساعة وفاها
زينب.،، للضامي ما كفت عزاها
يوم الوالي طاح
عذبها النياح
يبن أمي الذبيح ،، گلب الحره صاح
ياحزن أم عون البيها
من غمض عينه واليها
فگده والحبل السابيها
******
زينب ،، ما عدها يوم ابلا مصيبه
أنواع المصاب
وألوان العذاب
أسباب الدموع ،، چان أولها باب
الجفن ما يغمض ليله
الدمع ما گاطع سيله
للزمن دين أتوافيله
******
زينب ،، نحرت گلبها الغاضريه
زينب،، كل محنه وافتها المنيه
گلب الحره لاع
ذابحها الوداع
تالي اعله النياگ ،، شيعها الضياع
ميته من عاشور وضيمه
لا حمه لا ظلت خيمه
والحدي أيام بهيمه
*****
زينب ،، وحشة خرايب لبگبرها
زينب،، ونت يتامه يمر ذكرها
دمعه وصفنه هاي
بيها الحيره راي
منها تعالى صوت ،، زينب ردنه ماي
الجرح يادمعه تروفه
والاسم أهات حروفه
والعطش ليهسه يطوفه
*****
زينب ،، بالطف صفت عمة يتامه
زينب ،، لون الحزن حد القيامه
لا جرح اليطيب
لايهده النحيب
لخت الظل وحيد ،، بالهيمه وغريب
ماطفت خيمتها الحره
ياگلب لاتبرد أقره
ويلي يا بت امها الزهره
*****
زينب ،، حد ما دنت ساعة وفاها
زينب.،، للضامي ما كفت عزاها
يوم الوالي طاح
عذبها النياح
يبن أمي الذبيح ،، گلب الحره صاح
ياحزن أم عون البيها
من غمض عينه واليها
فگده والحبل السابيها
******
زينب ياراعي العلم
بعد مصايب كربله
بعد چفوفك والخيم
زينب صارت كافله
أيام اجروح وألم
هزل تحدي بالفله
تقراك لگلوب الحرم
أيات صبر وبسمله
زينب ،، بأسم أخوها تحزمت
زينب ،، عين تسهر ما غفت
خيمه وتلم الدلال
عين تسهر ماغفت. زينب
للعيله يازينب العقيله ،، صارت كفيله
الضعن ذاك بألم رحيله ،، صارت كفيله
حارس ضعنها
حرمه وجفنها
ليل ونهار الدمع. ماينگطع مسيله
*****
تتنخه يا ابا الفضل
من اسمك تاخذ صبر
ترعاهم حرمه وطفل
تجبر گلب الينكسر
ماتجزع لحظه وتمل
متحمله ويل اليسر
زينب للجاي وگبل
يتستر بيها الستر
زينب ،، يا بوفاضل والنعم
زينب.،، تبره لجروح اليتم
چنها أنته وي العيال
تبره لجروح اليتم. زينب
ليليه صح تنزل بخرابه. ،، فوگ الترابه
تتفگد ياهو اشتكى عذابه.،، فوگ الترابه
من الضعينه
لتسمع أنينه
عمته لجروحه ضمد. وتهون مصابه
*****
تلهج كل ذاك الدرب
يوم الهزل سدرن
عباس ألنه من الغرب
حامينه وسور وطن
بحماك ياخويه الگلب
نبضات گلبي يرددن
لولاك ياعذب العذب
أيام هضمي ماگضن
زينب ،، يوم عافت نينوى
زينب.،، حزامها راعي اللوا
عنها واليسأل سؤال
حزامها راعي اللوا. زينب
من أسمك تاخذ مدد يغالي ،، أبره لعيالي
اتوكل كل ما اشد رحالي ،، أبره لعيالي
تندب وليها
برحلة سبيها
تنعى زينب بالدرب. ،، آ يا فخر دلالي
*****
زينب بالليل اليمر
أطوف ما بين الدمع
ثمانين واكثر بالاسر
واسلمهم لازم ظلع
زينب وبتالي العمر
بالصار هذا تنفجع
ويلاه لطلوع الفجر
من كل طفله تستمع
زينب ،، صار أمانتها الضعن
زينب ،، الحرم بيها أحتمن
حرمه وبذيچ الدروب
الحرم بيها احتمن زينب
لولاها چا ضاعت الضعينه ،، لولا الحزينه
بالعيله ما تنزل السكينه ،، لولا الحزينه
زينب أملهم
لمت شملهم
هيه ظلت للسهر ،، ام الخدر رهينه
*****
بعد مصايب كربله
بعد چفوفك والخيم
زينب صارت كافله
أيام اجروح وألم
هزل تحدي بالفله
تقراك لگلوب الحرم
أيات صبر وبسمله
زينب ،، بأسم أخوها تحزمت
زينب ،، عين تسهر ما غفت
خيمه وتلم الدلال
عين تسهر ماغفت. زينب
للعيله يازينب العقيله ،، صارت كفيله
الضعن ذاك بألم رحيله ،، صارت كفيله
حارس ضعنها
حرمه وجفنها
ليل ونهار الدمع. ماينگطع مسيله
*****
تتنخه يا ابا الفضل
من اسمك تاخذ صبر
ترعاهم حرمه وطفل
تجبر گلب الينكسر
ماتجزع لحظه وتمل
متحمله ويل اليسر
زينب للجاي وگبل
يتستر بيها الستر
زينب ،، يا بوفاضل والنعم
زينب.،، تبره لجروح اليتم
چنها أنته وي العيال
تبره لجروح اليتم. زينب
ليليه صح تنزل بخرابه. ،، فوگ الترابه
تتفگد ياهو اشتكى عذابه.،، فوگ الترابه
من الضعينه
لتسمع أنينه
عمته لجروحه ضمد. وتهون مصابه
*****
تلهج كل ذاك الدرب
يوم الهزل سدرن
عباس ألنه من الغرب
حامينه وسور وطن
بحماك ياخويه الگلب
نبضات گلبي يرددن
لولاك ياعذب العذب
أيام هضمي ماگضن
زينب ،، يوم عافت نينوى
زينب.،، حزامها راعي اللوا
عنها واليسأل سؤال
حزامها راعي اللوا. زينب
من أسمك تاخذ مدد يغالي ،، أبره لعيالي
اتوكل كل ما اشد رحالي ،، أبره لعيالي
تندب وليها
برحلة سبيها
تنعى زينب بالدرب. ،، آ يا فخر دلالي
*****
زينب بالليل اليمر
أطوف ما بين الدمع
ثمانين واكثر بالاسر
واسلمهم لازم ظلع
زينب وبتالي العمر
بالصار هذا تنفجع
ويلاه لطلوع الفجر
من كل طفله تستمع
زينب ،، صار أمانتها الضعن
زينب ،، الحرم بيها أحتمن
حرمه وبذيچ الدروب
الحرم بيها احتمن زينب
لولاها چا ضاعت الضعينه ،، لولا الحزينه
بالعيله ما تنزل السكينه ،، لولا الحزينه
زينب أملهم
لمت شملهم
هيه ظلت للسهر ،، ام الخدر رهينه
*****
عيونه ماشافت نهار
السجن صايرله دار
بليل گضه غربته ،، مات حسره لعمته
*
الضوه مذبوح لونه ،، عاش بس لون الظلام
للسجن نجمات صارت،، تلمع أدموع الامام
بلا نهار سنين حبسه،، عام يدفع ليل عام
يعني كل ايامه وحشه،، وحسرته تطلع خيام
السجن چن خيمه صار
بيها ماتطفاله نار
سجنه ليلة وحشته ،، مات حسره لعمته
*
الكاظم بصفنة غربته،، تمر على عيونه صور
خيمه ومناشغ يتيمه،، وعين أخت صوب النهر
وطفله من ينزل دمعها،، بخدها يتوضح اثر
صواب چف جارح جفنها،، علماها اعله السهر
تسهر الطفله وتون
من ألم جرح الاذن
شاف ضيم أبصفنته ،، مات حسره لعمته
*
راف حسره بحسره طلعت،،صوره وگليبه نلچم
عمته هاي الجاي تنعى،، ويمها ملتمه الحرم
باچر شلون ويباچر ،، يبتدي فجر الالم
ويامن امشي شلون اطلع،، لا كفيل ولا علم
تنعى والمدمع يسيل
عالنهر غافي الكفيل
راح اخوها وفگدته،، مات حسره لعمته
*
ليل وحشة عمته سجنه،، ظلمته بنوحه تزيد
هنا سمعها تصيح عني،، ياسلف هاشم بعبد
عالخيال بحيله كله،، گام يوصلها يريد
تعثر وطاح اعله وجها،، عثره گيد الحديد
نادى لا لا يازمان
عمتي بلايه أمان
الگيد عثر ركضته،، مات حسره لعمته
*
تالي فتحوا باب سجنه،، لكن بيا حاله چان
الحديد الچان بيده،، من أثر حسراته لان
شافه طر فجر العقيله،، واليسر مصباحه حان
ماحمل تطلع غريبه ،، شلون ظل عمته يبان
مات وي طرت الفجر
بأولى لحظات اليسر
وي أول شهگته ،، مات حسره لعمته
*
السجن صايرله دار
بليل گضه غربته ،، مات حسره لعمته
*
الضوه مذبوح لونه ،، عاش بس لون الظلام
للسجن نجمات صارت،، تلمع أدموع الامام
بلا نهار سنين حبسه،، عام يدفع ليل عام
يعني كل ايامه وحشه،، وحسرته تطلع خيام
السجن چن خيمه صار
بيها ماتطفاله نار
سجنه ليلة وحشته ،، مات حسره لعمته
*
الكاظم بصفنة غربته،، تمر على عيونه صور
خيمه ومناشغ يتيمه،، وعين أخت صوب النهر
وطفله من ينزل دمعها،، بخدها يتوضح اثر
صواب چف جارح جفنها،، علماها اعله السهر
تسهر الطفله وتون
من ألم جرح الاذن
شاف ضيم أبصفنته ،، مات حسره لعمته
*
راف حسره بحسره طلعت،،صوره وگليبه نلچم
عمته هاي الجاي تنعى،، ويمها ملتمه الحرم
باچر شلون ويباچر ،، يبتدي فجر الالم
ويامن امشي شلون اطلع،، لا كفيل ولا علم
تنعى والمدمع يسيل
عالنهر غافي الكفيل
راح اخوها وفگدته،، مات حسره لعمته
*
ليل وحشة عمته سجنه،، ظلمته بنوحه تزيد
هنا سمعها تصيح عني،، ياسلف هاشم بعبد
عالخيال بحيله كله،، گام يوصلها يريد
تعثر وطاح اعله وجها،، عثره گيد الحديد
نادى لا لا يازمان
عمتي بلايه أمان
الگيد عثر ركضته،، مات حسره لعمته
*
تالي فتحوا باب سجنه،، لكن بيا حاله چان
الحديد الچان بيده،، من أثر حسراته لان
شافه طر فجر العقيله،، واليسر مصباحه حان
ماحمل تطلع غريبه ،، شلون ظل عمته يبان
مات وي طرت الفجر
بأولى لحظات اليسر
وي أول شهگته ،، مات حسره لعمته
*
ناشر أفيايه ،، عالضعن رايه
بهيبه ممشانه،، عيونه حدايه
ويه عباس طلعنه من المدينه
وعين الحسين تبارينه بمشينه
*****
ابو فاضل نادى يختي ونور عيناي
ياوديعه من الصميده جيتچ براي
لكربله نضعن نريد وأنتي بحماي
عين الچ أفرشها گاع وعين الفياي
گلي ياام الخدر ،، انا لسماكم بدر
گومي هايه يمنتي،، حچايه منچ انتظر
مد الي چفه ،، برحمته وعطفه
لمعة عيونه ،، فاضت بعطفه
يحچي وبزود غده ينگط جبينه
وعين الحسين تبارينه بمشينه
*****
أنحنى وگلي اصعدي فوگ المتون
صعدي للهودج تحرسچ هاي العيون
لاشمس لانجمه تضوي بدرب الضعون
بشوفة اطراف الهوادج مايحلمون
انا يازينب حماچ ،، لظلمتچ انا ضواچ
والي خلاني كفيل،، روحي يازينب فداچ
سمانه والبيها ،، بخزره اطفيها
حاشه بوجودي،، تضوي اخليها
فدوه ابد ما غمضت عن خدري عينه
وعين الحسين تبارينه بمشينه
*****
عالجبل لو عاين بخزره يهده
فارس بحنيته ما مثله ونعده
هذا سلطان المحنه وياهو گده
لو لمس خد طفله ايده تصير ورده
مثله لا ما مثله عم ،، بشوفته مايبقى هم
جمع ابنيات اخو ،، شما يطلبن رد نعم
حسينه گدامه.،، رافع الهامه
انته عباسي ،، ظهري وحزامه
بالسفر من جوده تتروه الضعينه
وعين الحسين تبارينه بمشينه
*****
امشي ودروبي امان بجال اخوتي
كون گبل افراگهم اتمنى موتي
فراگهم يعني الدمع يصبح سلوتي
وغيرهم ياهو ليصبرني لبلوتي
دونهم ماكو امان ،، ويلي ويجور الزمان
شلون وانه تعلمت ،، اشتم چفوف الحنان
روحي متعلمه ،، تشم ابو اليمه
گلبي بفراگه ،، إيذوبه همه
عالمحنه تعلمنه وربينه
عين الحسين تبارينه بمشينه
*****
شما گرب ضعني لاراضي الغاضريه
گلبي تسرع دگته وترجف اديه
بعيني لاحت صوره للطفله رقيه
اليوم بالعز باچر أتصبح سبيه
عنها لو غاب الدلال ،، يعني ابوها دمه سال
شما اصد چفها احير ،، شلون تتحمل حبال
زغيره عالحيره ،، الناظر اديره
ويانه يسبوها ،، وتمشي چم ديره
راس ابوها عالرمح وي الضعينه
عين الحسين تبارينه بمشينه
*****
بهيبه ممشانه،، عيونه حدايه
ويه عباس طلعنه من المدينه
وعين الحسين تبارينه بمشينه
*****
ابو فاضل نادى يختي ونور عيناي
ياوديعه من الصميده جيتچ براي
لكربله نضعن نريد وأنتي بحماي
عين الچ أفرشها گاع وعين الفياي
گلي ياام الخدر ،، انا لسماكم بدر
گومي هايه يمنتي،، حچايه منچ انتظر
مد الي چفه ،، برحمته وعطفه
لمعة عيونه ،، فاضت بعطفه
يحچي وبزود غده ينگط جبينه
وعين الحسين تبارينه بمشينه
*****
أنحنى وگلي اصعدي فوگ المتون
صعدي للهودج تحرسچ هاي العيون
لاشمس لانجمه تضوي بدرب الضعون
بشوفة اطراف الهوادج مايحلمون
انا يازينب حماچ ،، لظلمتچ انا ضواچ
والي خلاني كفيل،، روحي يازينب فداچ
سمانه والبيها ،، بخزره اطفيها
حاشه بوجودي،، تضوي اخليها
فدوه ابد ما غمضت عن خدري عينه
وعين الحسين تبارينه بمشينه
*****
عالجبل لو عاين بخزره يهده
فارس بحنيته ما مثله ونعده
هذا سلطان المحنه وياهو گده
لو لمس خد طفله ايده تصير ورده
مثله لا ما مثله عم ،، بشوفته مايبقى هم
جمع ابنيات اخو ،، شما يطلبن رد نعم
حسينه گدامه.،، رافع الهامه
انته عباسي ،، ظهري وحزامه
بالسفر من جوده تتروه الضعينه
وعين الحسين تبارينه بمشينه
*****
امشي ودروبي امان بجال اخوتي
كون گبل افراگهم اتمنى موتي
فراگهم يعني الدمع يصبح سلوتي
وغيرهم ياهو ليصبرني لبلوتي
دونهم ماكو امان ،، ويلي ويجور الزمان
شلون وانه تعلمت ،، اشتم چفوف الحنان
روحي متعلمه ،، تشم ابو اليمه
گلبي بفراگه ،، إيذوبه همه
عالمحنه تعلمنه وربينه
عين الحسين تبارينه بمشينه
*****
شما گرب ضعني لاراضي الغاضريه
گلبي تسرع دگته وترجف اديه
بعيني لاحت صوره للطفله رقيه
اليوم بالعز باچر أتصبح سبيه
عنها لو غاب الدلال ،، يعني ابوها دمه سال
شما اصد چفها احير ،، شلون تتحمل حبال
زغيره عالحيره ،، الناظر اديره
ويانه يسبوها ،، وتمشي چم ديره
راس ابوها عالرمح وي الضعينه
عين الحسين تبارينه بمشينه
*****
رفرفت رايتة،، رايتة الكافل
*****
من گالو يزينب ،، يوم الطف تگرب
الهودج ترتب ،، يم الخدر
يابنت الزچيه ،، نضعن هالمسيه
لأرض الغاضريه ،، تحزمي بصبر
عن أرض المدينه،، أنهاجر نوينه
يافخر الضعينه ،، وهيبة ستر
گوم اختاري رايه ،، لدروبچ حمايه
أشري وگولي هايه ،، وأمري أمر
ضعنچ بهيبتچ ،، هيبتچ راحل
رفرفت رايتة ،، رايتة الكافل
*****
بين اخوتها وگفت ،، صف الغيره صفت
شوارب غيره رفة،، ألها انتخت
گالت عندي وصفه ،، الكافل أعرفه
لازم جربه چفه ،، بطيب انملت
عين الوالي عينه ،، رايه تهز يمينه
الغيره بجبينه ،، بحور وجرت
زود ايدگلي صدره ،، اضعن انه بامره
خده يضوي گمره ،، شما ظلمت
بنظرته كل عطف ،، كل عطف سايل
رفرفت رايتة ،، رايته الكافل
*****
نادته يستري.،، عباسي يخدري
بيك العالي گدري ،، ياكافلي
للساعه ذخرتك.،، اتنومس انه اختك
ياخويه بيمنتك ،، شد محملي
عينك هايه رحمه.،، عطرك احلى نسمه
تلفظ احلى كلمه ،، أدللي
تلزم ايدي بيدك،، تفديني بوريدك
حيدرنه يريدك ،، ضمك الي
بهمتك هالضعن.،، هالضعن راحل
رفرفت رايته،، رايته الكافل
*****
من دورة زماني ،، سور انته واماني
صيت اسمك رعاني،، يا ابالفضل
ياراعي خدرنه ،، بجالك ماسهرنه
يالداير خيمنه ،، عيونك شتل
مامونه حدودك.،، ساترها زنودك
ندري كل وعودك.،، گول وفعل
حارسنه واملنه ،، بجفونك وطنه
عباس المحنه.،، أولمة شمل
والنعم ياابو.،، ياابو فاضل
رفرفت رايته.،، رايته الكافل
*****
تسگيني بحنانك ،، انه اغفى بأمانك
شانك مثله شانك،، ماينوجد
تباريني بصفاتك ،، وادلل خواتك
خيمتنه عباتك ،، أتفوح ورد
النوگ بضعنه.،، كل درب المشنه
صحره وعدنه جنه،، وبي ننسعد
والليل بظلامه ،، شع منك وَسامه
بسماتك علامه ،، لعزمي تشد
خلافك وكل حمل ،، كل حمل مايل
رفرفت رايته،، رايته الكافل
******
*****
من گالو يزينب ،، يوم الطف تگرب
الهودج ترتب ،، يم الخدر
يابنت الزچيه ،، نضعن هالمسيه
لأرض الغاضريه ،، تحزمي بصبر
عن أرض المدينه،، أنهاجر نوينه
يافخر الضعينه ،، وهيبة ستر
گوم اختاري رايه ،، لدروبچ حمايه
أشري وگولي هايه ،، وأمري أمر
ضعنچ بهيبتچ ،، هيبتچ راحل
رفرفت رايتة ،، رايتة الكافل
*****
بين اخوتها وگفت ،، صف الغيره صفت
شوارب غيره رفة،، ألها انتخت
گالت عندي وصفه ،، الكافل أعرفه
لازم جربه چفه ،، بطيب انملت
عين الوالي عينه ،، رايه تهز يمينه
الغيره بجبينه ،، بحور وجرت
زود ايدگلي صدره ،، اضعن انه بامره
خده يضوي گمره ،، شما ظلمت
بنظرته كل عطف ،، كل عطف سايل
رفرفت رايتة ،، رايته الكافل
*****
نادته يستري.،، عباسي يخدري
بيك العالي گدري ،، ياكافلي
للساعه ذخرتك.،، اتنومس انه اختك
ياخويه بيمنتك ،، شد محملي
عينك هايه رحمه.،، عطرك احلى نسمه
تلفظ احلى كلمه ،، أدللي
تلزم ايدي بيدك،، تفديني بوريدك
حيدرنه يريدك ،، ضمك الي
بهمتك هالضعن.،، هالضعن راحل
رفرفت رايته،، رايته الكافل
*****
من دورة زماني ،، سور انته واماني
صيت اسمك رعاني،، يا ابالفضل
ياراعي خدرنه ،، بجالك ماسهرنه
يالداير خيمنه ،، عيونك شتل
مامونه حدودك.،، ساترها زنودك
ندري كل وعودك.،، گول وفعل
حارسنه واملنه ،، بجفونك وطنه
عباس المحنه.،، أولمة شمل
والنعم ياابو.،، ياابو فاضل
رفرفت رايته.،، رايته الكافل
*****
تسگيني بحنانك ،، انه اغفى بأمانك
شانك مثله شانك،، ماينوجد
تباريني بصفاتك ،، وادلل خواتك
خيمتنه عباتك ،، أتفوح ورد
النوگ بضعنه.،، كل درب المشنه
صحره وعدنه جنه،، وبي ننسعد
والليل بظلامه ،، شع منك وَسامه
بسماتك علامه ،، لعزمي تشد
خلافك وكل حمل ،، كل حمل مايل
رفرفت رايته،، رايته الكافل
******
يا گلب فاطم ،، نبضه متناغم
ويَ دمعات الجفن
مهجة الزهره ،، جمره من جمره
ماطفت لأم الحزن
من گبرها تعنت لگبر العقيله
الشام باثار الضعينه تهتديله
غير ونتها ابد ماعدها حيله
بلله نوحه شلون لمصوب دليله
العين معصوبه ومكسر ظلعها
*****
گلب المدلل ،، باقي يتامل
كافل يلحگه بعلم
كل أثر منه ،، تستمع ونه
ونة المسبي خيم
تتبع أدروب السبي روح الزچيه
كل أثر آه ودمع عمة رقيه
كل خرابه بزينب تمر المنيه
السبيه كل فجر تدفن سبيه
تمشي ممشاها وأتون اعله ونها
*****
وصلت لزينب ،، فاطمه وتنحب
ماشي جدمچ يادرب
يمه چا تالي ،، يم خدر غالي
گبرچ ابديرة غرب
وين هيبة ضعنچ وعزه وغلاته
وين شيال العلم كافل خواته
ياهضيمه والسبي هذا جزاته
گبرچ يصير بأرض ديرة شماته
ليش مدفونه بين الغربه زينب
*****
گلبي يتمرمر ،، لنتي يم حيدر
أو لندفنتي بكربله
جيّتي لگبرچ ،، أنسبي بسبيچ
ضيعه اضيعن بالفله
يمه ضيعتني الوسيعه بكل زياره
أبدي من التله واگطعلچ صحاره
خطوه خطوه گلبي يعلن انكساره
وأنذبح كل ما أصد گصر الاماره
طبت الكوفه وشلون الاميره
*****
زينب او انتي ،، شفتي ما شفتي
شفتي ليجزع الصبر
عبرت مصابي ،، وحَرگة أعتابي
طلعتچ وكت الظهر
ما مثلها مصيبتچ يمه مصيبه
بين أخوتچ والخيم صرتي غريبه
كربله عن المدينه مو جريبه
واليتيه الخيل بالگوه تجيبه
دخان المخيم واصل الكوفه
*****
ويَ دمعات الجفن
مهجة الزهره ،، جمره من جمره
ماطفت لأم الحزن
من گبرها تعنت لگبر العقيله
الشام باثار الضعينه تهتديله
غير ونتها ابد ماعدها حيله
بلله نوحه شلون لمصوب دليله
العين معصوبه ومكسر ظلعها
*****
گلب المدلل ،، باقي يتامل
كافل يلحگه بعلم
كل أثر منه ،، تستمع ونه
ونة المسبي خيم
تتبع أدروب السبي روح الزچيه
كل أثر آه ودمع عمة رقيه
كل خرابه بزينب تمر المنيه
السبيه كل فجر تدفن سبيه
تمشي ممشاها وأتون اعله ونها
*****
وصلت لزينب ،، فاطمه وتنحب
ماشي جدمچ يادرب
يمه چا تالي ،، يم خدر غالي
گبرچ ابديرة غرب
وين هيبة ضعنچ وعزه وغلاته
وين شيال العلم كافل خواته
ياهضيمه والسبي هذا جزاته
گبرچ يصير بأرض ديرة شماته
ليش مدفونه بين الغربه زينب
*****
گلبي يتمرمر ،، لنتي يم حيدر
أو لندفنتي بكربله
جيّتي لگبرچ ،، أنسبي بسبيچ
ضيعه اضيعن بالفله
يمه ضيعتني الوسيعه بكل زياره
أبدي من التله واگطعلچ صحاره
خطوه خطوه گلبي يعلن انكساره
وأنذبح كل ما أصد گصر الاماره
طبت الكوفه وشلون الاميره
*****
زينب او انتي ،، شفتي ما شفتي
شفتي ليجزع الصبر
عبرت مصابي ،، وحَرگة أعتابي
طلعتچ وكت الظهر
ما مثلها مصيبتچ يمه مصيبه
بين أخوتچ والخيم صرتي غريبه
كربله عن المدينه مو جريبه
واليتيه الخيل بالگوه تجيبه
دخان المخيم واصل الكوفه
*****
تحزمت ام البنين ياعلي من ودعتك
نادتك يابو الغريب بروحي لفدي عيلتك
ياعلي تصيح الوفيه
بخدمة أولاد الزچيه
*****
أم گمر هاشم دمعها
يهمل ولزمت ظلعها ،، چن تكسر
وصلت وشافت طبرته
تگله لونك ماعرفته ،، شگد تغير
رسومك تغيرت عليه
چنها وصلتها المنيه ،، لونك أصفر
يمك أجتمعت بنينك
تملي منهم شوف عينك ،، آ يحيدر
شلون أفارگها حميتك الگلب ذاب
شفتك توصي بوصيتك الگلب ذاب
عنه لا ترحل نخيتك الگلب ذاب
خيمه أنته ولو رحت بينه شيسوي الدهر
دنيه بيها ننطلب تريد ثارات البشر
كون أوافي بالعليه
بخدمة أولاد الزچيه
*****
نطقت ادموع الوفيه
ياعلي فراگك رزيه ،، هدت الحيل
ياهضيمة هذا جرحك
عشنه بي وفراگ صبحك ،، العمر ليل
دارك الموحش هضيمه
ظلت بدونك يتيمه ،، وأبتده الويل
تدري لو نزلوك لحدك
السهر طاب ألنه بعدك. ،، والدمع سيل
ياعلي مايل علمنه من وداعك
والهظم غير رسمنه من وداعك
احترگت اول خيمه ألنه من وداعك
ياشمس لمن تغيب بعدك الدنيه ظلام
واحنه من بعدك نعيش. دنيه مابيها سلام
شما يمر ضيم او اذيه
بخدمة اولاد الزچيه
*****
من گبل لا أبدي أودعك
عهدي جددته واسمعك ،، كل العهود
ادري من بعدك زمنه
يفتح البوب القهرنه ،، واكثر يزود
أم خدرنه يا وليها
لا توصيني عليها ،، خيها موجود
صغته لايام الكفاله
باچر يضحي بجماله ،، يگطع زنود
من زغر خادم تعلم للعقيله
ابني وصيته وتحزم للعقيله
لگطعت أزنوده تبسم للعقيله
أمنتها عد گمر ياعلي منك ضوى
ماكو مثله بغيرته لخته بالدنيه سوى
وانه ويا للمنيه
بخدمة اولاد الزچيه
*****
انه من هالليله انعى
وي زينب أجري دمعه ،، ياهضمها
الدهر ماخله بيها
يستلذ حيل لبچيها ،، شگد حِرمها
أتودعك بونه شچيه
من گبل ودعت زچيه ،، فگدت أمها
ألها روحي والله أشبها
ريت بس يبرد گلبها ،، ويهده ونها
اشتعل نار وعليها احرگ الروح
ويلي من اسمع بچيها. احرگ الروح
انعى اظل بس لنعيها احرگ الروح
من بعد ما ودعت أمها مكسورة گلب
طفله چانت ياعلي تنحني من تنتحب
هاي الدموع الجريه
بخدمة اولاد الزچيه
*****
يلي راح اتغيب عنه
تترك الخله بشملنه ،، نجرع الام
وانه كون اتحضرلها
دنيتي اليثگل حملها ،، وسود الايام
ادري بحسينك تعذبه
كربله الماتروي گلبه ،، وتحرگ خيام
يمي راح تظل عليله
وعالهزل تطلع عقيله ،، گوه للشام
عمري ما ابطل ونيني. من سبيها
بالدمع انطر تجيني من سبيها
ترجع بلايه بنيني من سبيها
معصب الفرگه اشد ياعلي بدمعي انتظر
شلون راح استقبله ويلي ضعن ام الخدر
لسكن رمال الوطيه
بخدمة أولاد الزچيه
*****
نادتك يابو الغريب بروحي لفدي عيلتك
ياعلي تصيح الوفيه
بخدمة أولاد الزچيه
*****
أم گمر هاشم دمعها
يهمل ولزمت ظلعها ،، چن تكسر
وصلت وشافت طبرته
تگله لونك ماعرفته ،، شگد تغير
رسومك تغيرت عليه
چنها وصلتها المنيه ،، لونك أصفر
يمك أجتمعت بنينك
تملي منهم شوف عينك ،، آ يحيدر
شلون أفارگها حميتك الگلب ذاب
شفتك توصي بوصيتك الگلب ذاب
عنه لا ترحل نخيتك الگلب ذاب
خيمه أنته ولو رحت بينه شيسوي الدهر
دنيه بيها ننطلب تريد ثارات البشر
كون أوافي بالعليه
بخدمة أولاد الزچيه
*****
نطقت ادموع الوفيه
ياعلي فراگك رزيه ،، هدت الحيل
ياهضيمة هذا جرحك
عشنه بي وفراگ صبحك ،، العمر ليل
دارك الموحش هضيمه
ظلت بدونك يتيمه ،، وأبتده الويل
تدري لو نزلوك لحدك
السهر طاب ألنه بعدك. ،، والدمع سيل
ياعلي مايل علمنه من وداعك
والهظم غير رسمنه من وداعك
احترگت اول خيمه ألنه من وداعك
ياشمس لمن تغيب بعدك الدنيه ظلام
واحنه من بعدك نعيش. دنيه مابيها سلام
شما يمر ضيم او اذيه
بخدمة اولاد الزچيه
*****
من گبل لا أبدي أودعك
عهدي جددته واسمعك ،، كل العهود
ادري من بعدك زمنه
يفتح البوب القهرنه ،، واكثر يزود
أم خدرنه يا وليها
لا توصيني عليها ،، خيها موجود
صغته لايام الكفاله
باچر يضحي بجماله ،، يگطع زنود
من زغر خادم تعلم للعقيله
ابني وصيته وتحزم للعقيله
لگطعت أزنوده تبسم للعقيله
أمنتها عد گمر ياعلي منك ضوى
ماكو مثله بغيرته لخته بالدنيه سوى
وانه ويا للمنيه
بخدمة اولاد الزچيه
*****
انه من هالليله انعى
وي زينب أجري دمعه ،، ياهضمها
الدهر ماخله بيها
يستلذ حيل لبچيها ،، شگد حِرمها
أتودعك بونه شچيه
من گبل ودعت زچيه ،، فگدت أمها
ألها روحي والله أشبها
ريت بس يبرد گلبها ،، ويهده ونها
اشتعل نار وعليها احرگ الروح
ويلي من اسمع بچيها. احرگ الروح
انعى اظل بس لنعيها احرگ الروح
من بعد ما ودعت أمها مكسورة گلب
طفله چانت ياعلي تنحني من تنتحب
هاي الدموع الجريه
بخدمة اولاد الزچيه
*****
يلي راح اتغيب عنه
تترك الخله بشملنه ،، نجرع الام
وانه كون اتحضرلها
دنيتي اليثگل حملها ،، وسود الايام
ادري بحسينك تعذبه
كربله الماتروي گلبه ،، وتحرگ خيام
يمي راح تظل عليله
وعالهزل تطلع عقيله ،، گوه للشام
عمري ما ابطل ونيني. من سبيها
بالدمع انطر تجيني من سبيها
ترجع بلايه بنيني من سبيها
معصب الفرگه اشد ياعلي بدمعي انتظر
شلون راح استقبله ويلي ضعن ام الخدر
لسكن رمال الوطيه
بخدمة أولاد الزچيه
*****
صوت أذآنك سمعته
توحي بموادع نبرته
فزز أبجفني دمعته
عمره ماچان..
ظلام او ويالفجر لونه سوه
ريح الاحزان..
أجت من مسجدك طفت ضوه
هذا نيشان..
أحس من نبرتك گلبي أنچوه
روح ،، روح زينب بأنتظار أخبارك
روح ،، حسره متوزعه يبويه بدارك
روح ،، ماهدت الا بامان اكتارك
*****
أنتظر جيت علينه
گلبي ظل ينبض حنينه
وكته مر البي يجينه
صار ماصار..
ما دريت الوالي شمعطله يرد
بالگلب نار..
شبت مناطر أذا هل تنخمد
ألمن أندار..
أكلفه ويرجع الگلبي بنشد
هاذ ،، هو لو مو هوه ليتچوله
هاذ ،، والدي البان انكسار أبطوله
هاذ ،، هاي صارت حالته معقوله
*****
بويه ياحامي الحميه
بويه أول تالي هيه
مشيتك ألا بتچيه
لونه محياك..
تغيّر صاير أبلون الجرح
يگطر أدماك..
على أثار الجدم دم يتضح
گوه ممشاك..
عجب وأنته الچنت هيبة وصرح
آه ،، أنته ذاك الكون كله يهابه
آه ،، يالچنت حلال كل أطلابه
آه ،، آه شيبك من دماك خضابه
*****
بويه راسك من نظرته
بمعصبي جرحك عصبته
ظني يشفى من طبرته
وعيك إيغيب..
واندعيلك بيه يندار الالم
أندعي يخيب..
حكيمك گايل بتشخيصه سم
جرحك يطيب..
أناشد بويه والسكته سهم
طال ،، ونك وخوفي تخيب ظنوني
سال ،، دمك ودم گلبي من عيوني
حال ،، اليتامه شحالك اينشدوني
*****
تصوبت ثالث شهاده
خله صارت بالعباده
كل محب اعلن حداده
ياعطر فاح..
من مأذن مسجدك ذاك الفجر
بالسمه صاح..
صوت يازينب تحزمي بالصبر
حيدره طاح..
توسّد هامته سيف الغدر
جيت ،، يا فجرنه وجيتك ميشومه
ريت ،، عمري رايح گبل جيت علومه
بيت ،، گبل أبونه أم مشت مظلومه
*****
توحي بموادع نبرته
فزز أبجفني دمعته
عمره ماچان..
ظلام او ويالفجر لونه سوه
ريح الاحزان..
أجت من مسجدك طفت ضوه
هذا نيشان..
أحس من نبرتك گلبي أنچوه
روح ،، روح زينب بأنتظار أخبارك
روح ،، حسره متوزعه يبويه بدارك
روح ،، ماهدت الا بامان اكتارك
*****
أنتظر جيت علينه
گلبي ظل ينبض حنينه
وكته مر البي يجينه
صار ماصار..
ما دريت الوالي شمعطله يرد
بالگلب نار..
شبت مناطر أذا هل تنخمد
ألمن أندار..
أكلفه ويرجع الگلبي بنشد
هاذ ،، هو لو مو هوه ليتچوله
هاذ ،، والدي البان انكسار أبطوله
هاذ ،، هاي صارت حالته معقوله
*****
بويه ياحامي الحميه
بويه أول تالي هيه
مشيتك ألا بتچيه
لونه محياك..
تغيّر صاير أبلون الجرح
يگطر أدماك..
على أثار الجدم دم يتضح
گوه ممشاك..
عجب وأنته الچنت هيبة وصرح
آه ،، أنته ذاك الكون كله يهابه
آه ،، يالچنت حلال كل أطلابه
آه ،، آه شيبك من دماك خضابه
*****
بويه راسك من نظرته
بمعصبي جرحك عصبته
ظني يشفى من طبرته
وعيك إيغيب..
واندعيلك بيه يندار الالم
أندعي يخيب..
حكيمك گايل بتشخيصه سم
جرحك يطيب..
أناشد بويه والسكته سهم
طال ،، ونك وخوفي تخيب ظنوني
سال ،، دمك ودم گلبي من عيوني
حال ،، اليتامه شحالك اينشدوني
*****
تصوبت ثالث شهاده
خله صارت بالعباده
كل محب اعلن حداده
ياعطر فاح..
من مأذن مسجدك ذاك الفجر
بالسمه صاح..
صوت يازينب تحزمي بالصبر
حيدره طاح..
توسّد هامته سيف الغدر
جيت ،، يا فجرنه وجيتك ميشومه
ريت ،، عمري رايح گبل جيت علومه
بيت ،، گبل أبونه أم مشت مظلومه
*****
گبال عيون زينب نعشك أنشال
رگضت والدمع يتگاطر خيام
صاحت ياهلي دفنوني ويا
خبر ماريده يسمع طبتي للشام
أذا شاع الخبر چتفوني بحبال
ترد براس حيدر طبرة الهام
أريدن أندفن عن لا يگولون
زينب بالغرب تتكفل أيتام
أموت ولا أظل للغاضريات
لو بين الخرايب عيلتي تنام
*****
تظل طبرت أبوي تسيل الدموم
بكثر مادمعي ينزل فوگ الخدود
شگله ومن يجيني بظلمت الليل
وأيشوف الجمر متحدد احدود
تغيرني الشمس ومراكض الخيل
بعد اخواني كل أفياي مفگود
مثل هالليله ليلة وحشتي هناك
واكثر لا كفاله ولا عذب جود
آه ومن يجي ويشوف هالحال
يلگاها الفواطم تنعى الزنود
*****
ياريت اندفن هالليله ياريت
ويا بالگبر كون اندفن كون
ابوي وصدره لحدي أبقى ويا
على چفوفه اغمض جفن العيون
أودعه وراح اظل للضيم نيشان
چم سهم بسهم ليه يصوبون
أموت الليله روح ابغيره ماريد
من بعد العمر بي هيبتي تهون
ادخل كربله ومنها اطلع او وين
للشامات غربه بضعني يحدون
*****
رگضت والدمع يتگاطر خيام
صاحت ياهلي دفنوني ويا
خبر ماريده يسمع طبتي للشام
أذا شاع الخبر چتفوني بحبال
ترد براس حيدر طبرة الهام
أريدن أندفن عن لا يگولون
زينب بالغرب تتكفل أيتام
أموت ولا أظل للغاضريات
لو بين الخرايب عيلتي تنام
*****
تظل طبرت أبوي تسيل الدموم
بكثر مادمعي ينزل فوگ الخدود
شگله ومن يجيني بظلمت الليل
وأيشوف الجمر متحدد احدود
تغيرني الشمس ومراكض الخيل
بعد اخواني كل أفياي مفگود
مثل هالليله ليلة وحشتي هناك
واكثر لا كفاله ولا عذب جود
آه ومن يجي ويشوف هالحال
يلگاها الفواطم تنعى الزنود
*****
ياريت اندفن هالليله ياريت
ويا بالگبر كون اندفن كون
ابوي وصدره لحدي أبقى ويا
على چفوفه اغمض جفن العيون
أودعه وراح اظل للضيم نيشان
چم سهم بسهم ليه يصوبون
أموت الليله روح ابغيره ماريد
من بعد العمر بي هيبتي تهون
ادخل كربله ومنها اطلع او وين
للشامات غربه بضعني يحدون
*****
متى ،، تنبني گبه و مناره
ولعلي صوره و فقاره
نشوفها اباب الحسن
متى ،، بالبقيع انشوف رايه
نسمع اذان الولايه
والورد يملي الصحن
*
احلم ويرسم خيالي ،،واگعد اتأمل حلم
البقيع وكله حضره ،، عطره عطر الجنه اشم
چني اشوفن باب عالي ،، ولعلي مخطوط اسم
ماافتح عيني خايف ،، ل احلمت بي ينهدم
خيال ،، عايش وچني ازوره
تاج گلبي يصير نوره
والگه عتبه وانحني
خيال ،، ما يبارح ادعي ريته
فتحت بس شلگيته
صحره يمته ينبني
*
مناشد ويمته الاماني ،، عيونها تشوف الفجر
والحسن ينعاد صرحه ،، وتثمر سنين الصبر
بصحنه هاي ورود حسنه ،، بسمه تتفتح شكر
بالضريح جفوف تعگد ،، مراد وعلوگة نذر
كريم ،، الحسن كل اليگصده
مختلي حاشه يرده
الحسن باب الكرم
كريم ،، وانا هلليله طلبته
تنبني وبجاهه كبته
وفوگها يرفرف علم
*
نحت للفقار الگه ،، ولا فتى الا علي
وصوت اقرار الشهاده ،، بالمأذن يعتلي
والنجم يلتم ثريه ،، وأسمه مطرز حلي
بعد واحلم بالزياره ،، بكل نفس سجده الي
اطوف ،، وانعى يمه الغاضريه
وابتدي بقصة رقيه
اي شبيهة فاطمه
اطوف ،، ياعلي اصرخ هضيمه
بالخيم صاحو غنيمه
واليتامه بلا حمه
**
شيدت گبرك ولكن ،، بالحلم آ يالحسن
يمته اگول احلامي تصدگ ،، والبقيع الگا وطن
انا عين وراح اغمض ،، عيون غيري الماغفن
عيون لترابك تعاين ،، من چنت يتذكرن
خوات ،، سهرن الليل اعله ذكرك
تخضبن بتراب گبرك
واشتكلك كربله
خوات ،،، ردن وخالي وطنهن
منك ومن الكفلهن
ديارهن مثل الفله
*
ولعلي صوره و فقاره
نشوفها اباب الحسن
متى ،، بالبقيع انشوف رايه
نسمع اذان الولايه
والورد يملي الصحن
*
احلم ويرسم خيالي ،،واگعد اتأمل حلم
البقيع وكله حضره ،، عطره عطر الجنه اشم
چني اشوفن باب عالي ،، ولعلي مخطوط اسم
ماافتح عيني خايف ،، ل احلمت بي ينهدم
خيال ،، عايش وچني ازوره
تاج گلبي يصير نوره
والگه عتبه وانحني
خيال ،، ما يبارح ادعي ريته
فتحت بس شلگيته
صحره يمته ينبني
*
مناشد ويمته الاماني ،، عيونها تشوف الفجر
والحسن ينعاد صرحه ،، وتثمر سنين الصبر
بصحنه هاي ورود حسنه ،، بسمه تتفتح شكر
بالضريح جفوف تعگد ،، مراد وعلوگة نذر
كريم ،، الحسن كل اليگصده
مختلي حاشه يرده
الحسن باب الكرم
كريم ،، وانا هلليله طلبته
تنبني وبجاهه كبته
وفوگها يرفرف علم
*
نحت للفقار الگه ،، ولا فتى الا علي
وصوت اقرار الشهاده ،، بالمأذن يعتلي
والنجم يلتم ثريه ،، وأسمه مطرز حلي
بعد واحلم بالزياره ،، بكل نفس سجده الي
اطوف ،، وانعى يمه الغاضريه
وابتدي بقصة رقيه
اي شبيهة فاطمه
اطوف ،، ياعلي اصرخ هضيمه
بالخيم صاحو غنيمه
واليتامه بلا حمه
**
شيدت گبرك ولكن ،، بالحلم آ يالحسن
يمته اگول احلامي تصدگ ،، والبقيع الگا وطن
انا عين وراح اغمض ،، عيون غيري الماغفن
عيون لترابك تعاين ،، من چنت يتذكرن
خوات ،، سهرن الليل اعله ذكرك
تخضبن بتراب گبرك
واشتكلك كربله
خوات ،،، ردن وخالي وطنهن
منك ومن الكفلهن
ديارهن مثل الفله
*
شمس الدمع ،،
ما يغرب أضواها
شمس الدمع ،،
أُم كافل أقراها
شمس الدمع
للواهبه أدموعي
وين أعلگ أشموعي ،، حيره هاي
لا گبه أصدلها
لا عتبه أقبلها ،، حيره هاي
ماظل أثر للحضره
شاهد گبر هالصخره
يهظم گلب لينظره ،، البقيع
*****
وحشه وغرب ،،
گبرچ يطوفونه
وحشه وغرب ،،
حزنچ يرسمونه
وحشه وغرب
بهالحاله وأنشوفه
ما واحد يطوفه ،، هالسنين
لليسأل أجوابه
بس ذاري لترابه ،، هالسنين
چنه ظهر للعاشر
هيمه وعذاب الداير
وين الوفي ليناصر ،، بقيع
*****
بقعة حزن ،،
ليش الهجر معلم
بقعة حزن ،،
تاليها تتهدم
بقعة حزن
من يقبل گبوره
مهدومه مهجوره ،، مو حرام؟؟؟
مانذكر شبينا
بس بأمانينا ،، مو حرام ؟؟؟
دنيه وأسف نستنه
صار المهم حاجتنه
وأنهد صرح رحمتنه ،، البقيع
*****
ريش الجنح ،،
أتصور فيايه
ريش الجنح ،،
چن رفت الرايه
ريش الجنح
يلتمن أبهيمه
والونه ترنيمه ،، للعزاء
ايرفرف بنوحه
وأتكبر أجروحه ،، للعزاء
تغزل خيم جنحانه
چنها رماد ألوانه
لام الگمر أحزانه ،، البقيع
*****
اجمل حلم ،،
يتحقق وتالي
اجمل حلم ،،
گبرچ صرح عالي
اجمل حلم
للمرقد أنذوره
نگصدله ونزوره ،، من الغريب
من كربله الرايه
نتعنه مشايه ،، من الغريب
بأسم الگمر وأخوانه
ننوي ألچ ممشانه
حزنچ حزن غذانه ،، البقيع
*****
ما يغرب أضواها
شمس الدمع ،،
أُم كافل أقراها
شمس الدمع
للواهبه أدموعي
وين أعلگ أشموعي ،، حيره هاي
لا گبه أصدلها
لا عتبه أقبلها ،، حيره هاي
ماظل أثر للحضره
شاهد گبر هالصخره
يهظم گلب لينظره ،، البقيع
*****
وحشه وغرب ،،
گبرچ يطوفونه
وحشه وغرب ،،
حزنچ يرسمونه
وحشه وغرب
بهالحاله وأنشوفه
ما واحد يطوفه ،، هالسنين
لليسأل أجوابه
بس ذاري لترابه ،، هالسنين
چنه ظهر للعاشر
هيمه وعذاب الداير
وين الوفي ليناصر ،، بقيع
*****
بقعة حزن ،،
ليش الهجر معلم
بقعة حزن ،،
تاليها تتهدم
بقعة حزن
من يقبل گبوره
مهدومه مهجوره ،، مو حرام؟؟؟
مانذكر شبينا
بس بأمانينا ،، مو حرام ؟؟؟
دنيه وأسف نستنه
صار المهم حاجتنه
وأنهد صرح رحمتنه ،، البقيع
*****
ريش الجنح ،،
أتصور فيايه
ريش الجنح ،،
چن رفت الرايه
ريش الجنح
يلتمن أبهيمه
والونه ترنيمه ،، للعزاء
ايرفرف بنوحه
وأتكبر أجروحه ،، للعزاء
تغزل خيم جنحانه
چنها رماد ألوانه
لام الگمر أحزانه ،، البقيع
*****
اجمل حلم ،،
يتحقق وتالي
اجمل حلم ،،
گبرچ صرح عالي
اجمل حلم
للمرقد أنذوره
نگصدله ونزوره ،، من الغريب
من كربله الرايه
نتعنه مشايه ،، من الغريب
بأسم الگمر وأخوانه
ننوي ألچ ممشانه
حزنچ حزن غذانه ،، البقيع
*****
صورة شبابك ...
دمعة وآلد بسم الاكبر ذابت محنه
صورة شبابك....
كلمة غربه وليش وآه النار بخيمنه
ظلت للمنيه ،، بيك الغاضريه
*****
مرسومه الملامح
بدموع النوايح
لوحة أٓه
وكل ويلاه ،، برسمك من تبتسم
ياورد الامامه
بسنينك علامه
شاب وعمرك
ينثر جمرك ،، عايش بس منلچم
بسنينك ،،
اي نتذكر عمر الاكبر
لمن بالطف گضه
بعمرك يبن الرضا
هيه أبتسامه....
اجمل نسمه تمر بگلبه ليصد رسمها
هيه أبتسامه.....
لكن بيها الاه اتضحت مايخفه ونها
والمعروفه هيه ،، بيك الغاضريه
*****
وارث للنهايه
سلطان البرايه
جودك حسنك
مصدر حزنك ،، شمس شموس الرضا
كل البي أخذته
تربيته ورحمته
بيك أوصافه
وأنته ألطافه ،، الما يوسعها الفضا
أحزانك ،،
غيرت لونك يال من دونك
ضايع معنى الالم
من نتلفظ خيم
جود الأئمه.....
تاه البابك مامد أيده وما دگ جبينه
جود الأئمه.....
من طوفان الدنيه تنجي أنته السفينه
ألطافك جريه ،، بيك الغاضريه
*****
العيون الحزينه
لحسين وبنينه
ضحى الوالي
بأول غالي ،، من هاشم للحرب
من فزة دمعتك
تتبين محنتك
الله يساعد
گلب الوالد ،، شاف ابنه اعله الترب
مجروحه،،
دمعه التنزل ياهم تحمل
ما يلزمها الجفن
نزلت نشرت حزن
عينك تسولف.....
عن حسين الهدم حيله الاكبر حبيبه
عينك تسولف.....
عن الهيبه بذيچ الهيمه صارت غريبه
نظراتك شجيه ،، بيك الغاضريه
*****
صفناتك سكوتك
ماتخفي بلوتك
صعبه تكابر
يوم العاشر ،، گصر بيك العمر
حالك هذا حالك
يتكرر سؤالك
ليش الخيمه
بذيچ الهيمه ،، ماتحمي من الظهر
ظهريه ،،
ديرة غربة شلون وصعبه
عيله تظل بالفله
ياعملة كربله
أوضح علامه .....
كل غروب بلونك تظهر حسرة يتيمه
أوضح علامه.......
لمن تسمع صوت الناعي يوصفله خيمه
تتذكر رقيه ،، بيك الغاضريه
*****
بالماي الرفضته
دلالك حرگته
صاير سَمك
نار بدمك ،، وحدك غابو هلك
أتأمل مصابك
وأتيقن عذابك
وأنته لوحدك
تذكر جدك ،، محد فازع الك
للضامي ،،
ناذر ونك حسره ومنك
شتسوي بمهجتك
يالصيتك غربتك
ناذر حياتك .....
تواسي المحد غسل جسمه ظل عالترابه
ناذر حياتك .....
للمذبوح بذاك الوادي آ يا مصابه
عايش يارزيه ،، بيك الغاضريه
*****
دمعة وآلد بسم الاكبر ذابت محنه
صورة شبابك....
كلمة غربه وليش وآه النار بخيمنه
ظلت للمنيه ،، بيك الغاضريه
*****
مرسومه الملامح
بدموع النوايح
لوحة أٓه
وكل ويلاه ،، برسمك من تبتسم
ياورد الامامه
بسنينك علامه
شاب وعمرك
ينثر جمرك ،، عايش بس منلچم
بسنينك ،،
اي نتذكر عمر الاكبر
لمن بالطف گضه
بعمرك يبن الرضا
هيه أبتسامه....
اجمل نسمه تمر بگلبه ليصد رسمها
هيه أبتسامه.....
لكن بيها الاه اتضحت مايخفه ونها
والمعروفه هيه ،، بيك الغاضريه
*****
وارث للنهايه
سلطان البرايه
جودك حسنك
مصدر حزنك ،، شمس شموس الرضا
كل البي أخذته
تربيته ورحمته
بيك أوصافه
وأنته ألطافه ،، الما يوسعها الفضا
أحزانك ،،
غيرت لونك يال من دونك
ضايع معنى الالم
من نتلفظ خيم
جود الأئمه.....
تاه البابك مامد أيده وما دگ جبينه
جود الأئمه.....
من طوفان الدنيه تنجي أنته السفينه
ألطافك جريه ،، بيك الغاضريه
*****
العيون الحزينه
لحسين وبنينه
ضحى الوالي
بأول غالي ،، من هاشم للحرب
من فزة دمعتك
تتبين محنتك
الله يساعد
گلب الوالد ،، شاف ابنه اعله الترب
مجروحه،،
دمعه التنزل ياهم تحمل
ما يلزمها الجفن
نزلت نشرت حزن
عينك تسولف.....
عن حسين الهدم حيله الاكبر حبيبه
عينك تسولف.....
عن الهيبه بذيچ الهيمه صارت غريبه
نظراتك شجيه ،، بيك الغاضريه
*****
صفناتك سكوتك
ماتخفي بلوتك
صعبه تكابر
يوم العاشر ،، گصر بيك العمر
حالك هذا حالك
يتكرر سؤالك
ليش الخيمه
بذيچ الهيمه ،، ماتحمي من الظهر
ظهريه ،،
ديرة غربة شلون وصعبه
عيله تظل بالفله
ياعملة كربله
أوضح علامه .....
كل غروب بلونك تظهر حسرة يتيمه
أوضح علامه.......
لمن تسمع صوت الناعي يوصفله خيمه
تتذكر رقيه ،، بيك الغاضريه
*****
بالماي الرفضته
دلالك حرگته
صاير سَمك
نار بدمك ،، وحدك غابو هلك
أتأمل مصابك
وأتيقن عذابك
وأنته لوحدك
تذكر جدك ،، محد فازع الك
للضامي ،،
ناذر ونك حسره ومنك
شتسوي بمهجتك
يالصيتك غربتك
ناذر حياتك .....
تواسي المحد غسل جسمه ظل عالترابه
ناذر حياتك .....
للمذبوح بذاك الوادي آ يا مصابه
عايش يارزيه ،، بيك الغاضريه
*****
الدمعه للمؤمن علامه
الخدمه بالمجلس شهامه
صلى الله عالباكي هنيئاً
ما مسه تعذيب القيامه
عبدك ياحسين ....
معالم دينه قصة كربلاء
عبدك ياحسين ....
نشيد أيامه ألحان العزاء
عبدك ياحسين .....
يعين الزهره غايات البكاء
ترتيله لجروح
الطف كتابه ذكرك صلاته
شايلهن أبروح
حبه لحروفك فوزه ونجاته
*****
الخدمه مو سُمعه ديانه
والگدها يحفظها بأمانه
الخدمه تنزيل الزچيه
حارسها العباس بحنانه
الگلبه أمين .....
ينال الرحمه والخدمه نصيب
الگلبه أمين .....
جمرته بروحه لمصاب الغريب
الگلبه أمين ......
تضعضع حيله لو صاحوا سليب
للخدمه عباس
وافه اليوفي رافعله شانه
ويميزه عالناس
بكل العوالم يضمن أمانه
*****
كل رايه تبليغ المحرم
احكامك من عدها تعلم
رفتها ترجمها بعقيده
باللطمه الماتبرد توسم
بسم ام البنين......
تنخى اتحزم وأستقبل مصاب
بسم أم البنين
تذكر بالطف ما ظلت شباب
بسم ام البنين......
دمعتك غايه مو غايه الثواب
فقه العزاءات
نيتك لطمتك حسرة دليلك
أرفع شعارات
أنشر سوادك فاطم تجيلك
*****
تعزيتك بالفطره السليمه
والزهره بگليبك عليمه
واسيها بالضامي بعياله
الماي الجارحهم هظيمه
ياماي الفرات.....
رضيع او مرضع أحزان الخيام
ياماي الفرات.....
رقيه أنصابت بوداع العمام
ياماي الفرات .......
عقيله وكافل تتفارگ حرام
ياصرخة الجود
ساقي العطاشا گطعوا يمينه
للخيمه شيعود
مو دم جروحه تنزف حنينه
*****
الخدمه بالمجلس شهامه
صلى الله عالباكي هنيئاً
ما مسه تعذيب القيامه
عبدك ياحسين ....
معالم دينه قصة كربلاء
عبدك ياحسين ....
نشيد أيامه ألحان العزاء
عبدك ياحسين .....
يعين الزهره غايات البكاء
ترتيله لجروح
الطف كتابه ذكرك صلاته
شايلهن أبروح
حبه لحروفك فوزه ونجاته
*****
الخدمه مو سُمعه ديانه
والگدها يحفظها بأمانه
الخدمه تنزيل الزچيه
حارسها العباس بحنانه
الگلبه أمين .....
ينال الرحمه والخدمه نصيب
الگلبه أمين .....
جمرته بروحه لمصاب الغريب
الگلبه أمين ......
تضعضع حيله لو صاحوا سليب
للخدمه عباس
وافه اليوفي رافعله شانه
ويميزه عالناس
بكل العوالم يضمن أمانه
*****
كل رايه تبليغ المحرم
احكامك من عدها تعلم
رفتها ترجمها بعقيده
باللطمه الماتبرد توسم
بسم ام البنين......
تنخى اتحزم وأستقبل مصاب
بسم أم البنين
تذكر بالطف ما ظلت شباب
بسم ام البنين......
دمعتك غايه مو غايه الثواب
فقه العزاءات
نيتك لطمتك حسرة دليلك
أرفع شعارات
أنشر سوادك فاطم تجيلك
*****
تعزيتك بالفطره السليمه
والزهره بگليبك عليمه
واسيها بالضامي بعياله
الماي الجارحهم هظيمه
ياماي الفرات.....
رضيع او مرضع أحزان الخيام
ياماي الفرات.....
رقيه أنصابت بوداع العمام
ياماي الفرات .......
عقيله وكافل تتفارگ حرام
ياصرخة الجود
ساقي العطاشا گطعوا يمينه
للخيمه شيعود
مو دم جروحه تنزف حنينه
*****