لراس من ضرب الهواجيس منجوم
و الحال مااظنه وانا اخوك طايب

اضحك ولو يومي هواجيس و هموم
شامخ ولو راسي من الوقت شايب

دافنين احزاننا تـحـت الوسايد
ما بغينا الناس تعرف من جرحنا

ويوم صرنا نكتب ابيات و قصايد
بان وجه الحزن فينا و انفضحنا

الناس حساسين والوضع حساس
ومـن كـثر هـرجه يـقل احترامه

واصل عباد الله وجنب عــن الـباس
ســلام كيف الحال مـع الــسلامة

اليوم جمعه والعرب تطلب الخير
والعبــد مالـه غير ربــه : و دينـه

يــارب ترزقنــي بجنتـك لا غيـر
وانت الكريم اللي ماتبخل يدينه

مسكين من لـه خِـل غايب ومـا راه
وحالته صعــبه مـن الشــوق ويـلـه

ومنهو تمنئ شخص غالي و ماجاه
يكـسر بـخاطر نـفس والله عـلـيـله

ياجعل من ينسى معاريف الأجواد
ينسى الشهاده عند لحظة وفاته

ومن يرخص الوقفات والملح والزاد
يخزى ويخزى من يسوي سواته

سقنا فعول الطيب لو الزمن شاح
على الوفا بروس المراقيـب نرقى

لا أحـد يقـول إن الوفا بالزمـن راح
دور ومـن دور مـع النـاس يـلقـى

شوفتك قربي تسعد القلب والروح
والوقت قربك ربح ماهو خســـاره

انت الهوى لانفاسي والعشق والبوح
وانت اعذب ابياتي واحـلا عبـــــاره

‏الطيب كذبه والكـذب صـار عـادات
والغدر شيمه والطـمـع من وراهـــم

والـحـب نــادر والخيــانه مهــــارات
ودندن على الحبلين تكسب رضاهم

‏حظك كبير بصفة الريش يا طير
لك خاطر ما بيح الوقت ســـــده

عطني جناحك في حزة " عـــصير "
و لك وجهي إنه لا ظلم الليل أرده

‏معجب بشخص وتعجبنـي كتاباته
وسطوره اللي ذهب لاقـام يكتبها

لاشفت رده علـى حروفي وكلماته
جات القصايد تلاعبني وألاعبهـا🦌

‏يا شوق قلبي فيك مـغـرم ومذبوح
قلبي عناويــن الغــلا لـك وضـــعهـا

ماتدري أنـك ساكـن مهجة الــــروح
روحي وروحك رب الأنفـس جمعها...✒🎼