Birov yozgan dasturda tushunarsiz funksiyani ko'rsangiz, tegmay qo'yavering 😁

@sariqdev

​​Data Science bo'yicha yana bir suhbat

Mohridev platformasi o'z o'quvchi va kuzatuvchilariga foydali vebinarlar tashkil qilishda davom etadi.

"Data Science hammaga kerak" mavzusida bo'lib o'tadigan suhbatda Data Science Praktikum o'qituvchisi, Sains Islam Malaysia Universiteti yetakchi mutaxassisi Anvar Narzullaev va Maryland Universitetida Ma'lumot Tahlilchisi (Data Analyst) Bekzod Akramovlar qatnashishadi.

Vebinarda Data Science bilan qanday loyihalar qilish mumkinligi, Sun'iy Intellektni qo'llagan holda qaysi sohalarda tez rivojlanishga chiqib olish mumkinligi haqida so'z boradi. Bundan tashqari, Bekzod Akramov hozirda o'zi ishtirok etayotgan loyihalar haqida gapirib beradi.

Bekzod Akramov haqida:

AQSh va Markaziy Osiyo mamlakatlarida axborot texnologiyalari, tadqiqot, taʼlim, suv, turizm, xalqara rivojlanish va sog’liqni saqlash sektorlarida ko’plab loyihalar ustida ishlagan tajribali monitoring, evaluation, va data science mutahassisi.

Ma'lumotlarni tahlil qilish, biznes tahlili, loyihalarni boshqarish, monitoring va baholash, statistik modellashtirish, bozor tadqiqoti va siyosat tahlili bo'yicha oliy malakaga ega (University of Maryland, AQSH; Williams College, AQSH).

Maʼlumotlardan eng qimmatli va mazmunli tushunchalarni aniqlash, haqiqiy ijtimoiy va biznes muammolarga amaliy ko'rsatmalar va dalillarga asoslangan echimlarni taqdim etish uchun, har hil tashkilotlar va kompaniyalar bilan hamkorlik qiladi.

⏰ Vebinar 13-fevral, soat 18:00 da Mohirdev youtube kanalida bo'lib o'tadi.

Data Science sohasiga qiziquvchi barchani suhbatga taklif qilib qolamiz.

@mohirdev bilan o'zingizga qulay vaqtda, istalgan joyda, chegarasiz ta'lim oling!

Vivo kompaniyasidan dron telefon konsepti. Orzuga ayb yoʻq deyilarmidi 😎

Farroshlikdan doktorlikkacha — to'siqlardan imkoniyat topa olgan inson bilan suhbat

Kuni kecha tibbiyot sohasi vakillari orasida Bek Olimjon taxallusi bilan tanilgan hamyurtimiz haqida ma'lumot bergan edik. Bugun esa mehmonimiz bilan bo'lib o'tgan suhbatning to'liq shaklini ko'rish imkoniyatiga egasiz! 🤩

Avvalgilaridan tubdan farq qiladigan ushbu suhbat davomida spikerimiz chet el hayoti, tibbiyotdagi muammolar, ta'lim olish jarayonidagi mashaqqatlar, intizomni shakllantirish, maqsad qo'yish va ishga kirishdagi to'siqlarni yengib o'tish borasida shaxsiy tajribalaridan kelib chiqib tavsiyalarni berib o'tdilar.

😊 Ishonamizki, ushbu inson ham sizning ulkan maqsadlar qo'yishingizda, o'z sohangizda professional bo'lishga intilishingizda va hayotdagi to'siqlarni yengib o'tishingizda o'rnak bo'ladi.

📌 Suhbat premyerasi, bugun, soat 19:30 da bo’lib o’tadi. Videoni ko’ring va uni do'stlaringizga ham tavsiya qiling. Zero, bu suhbat ular uchun ham manfaatli bo’lishi mumkin!

Premyeraga havola: https://youtu.be/aKMRivL09mY

P. S. Havoladan kirib, qo'ng'iroqchani bosib qo'ysangiz, YouTube sizga premyera boshlansa, xabar beradi. 🙂

Bu so'rovnoma Mohirdev jamiyati auditoriyasini o'rganish uchun tashkil qilindi.

Iltimos, kim o'zarga o'ynab, boshqa guruhlarga ovoz berish uchun tarqatmang.

So'rovnoma natijasi biz uchun muhim ahamiyatga ega.

Mohirdev jamoasi

O'zbekistonda axborot texnologiyalari bo'yicha mutaxassis tayyorlashga ixtisoslashgan markazlar ko'payib bormoqda. Bu sohada hozir qanday imkoniyatlar va muammolar bor? Vashington choyxonasi bilan suhbatimiz aynan shu haqida boʻldi.

https://youtu.be/LWIaEWSCkfQ

1988-yilda smartfonni qanday tasavvur qilishgan.

@sariqdev

Assalom alaykum hurmatli obunachilar, sizdan iltimos ushbu so'rovnomani to'ldirib bersangiz. Tez kunlarda yaxshi yangilik ulashish niyatimiz bor, buning uchun shu so'rovnamada so'ralgan ma'lumotlar juda muhim. Rahmat!

So'rovnoma 👉 https://forms.gle/DBJKMz2EtPYTzeEK8

Universitetda semestr tugadi. Talabalarga meni dars berish usulim juda yoqibdi. Endi rahbariyat boshqa domlalarga masterklass o'tib berishimni so'rayapti.

Shunday lahzalarda to'g'ri kasbni tanlaganim uchun hursand bo'laman.

Bugun Universitetimiz bitiruvchilari va ish topib beruvchi kompaniya o'rtasida suhbat bo'layapti. Shu suhbatdan bir qiziq ma'lumotni sizlarga ham ilindim.

2022 yilda ish beruvchilar izlayotgan Top 10 ...

Ko'nikmalar:
- Chiroyli xulq
- Chiroyli muomala
- Ilm olishga ishtiyoq
- Tanqidiy fikrlash
- Tahliliy fikrlash
- Muloqot qilish
- Tez moslashuvchanlik
- Hissiy yetuklik
- Jamoada ishlay bilish
- Muammolarga tez yechim taklif qila olish

Bilimlar:
- Dasturlash (web, mobile)
- Biznes (faoliyatni) raqamli tahlil qilish
- Dizayn va vizualizasiya (grafiklar, chizmalar)
- Digital Project Management
- Digital Product Management
- Digital Marketing
- Ijtimoiy tarmoqlar
- Data Science va Analitika
- Qaror qabul qilish (yuqori lavozimlar uchun)
- Avval ko'rmagan narsalarni ham ishlata olish

@sariqdev

Mohirdev.uz saytimiz DDOS hujum ostida. Qiziq. Bugunni o'zida 1mlndan ortiq zapros kelgan. Server bosimni ko'tara olmay, yiqilayapti. Kuni bilan server ko'tardik. Hammadan uzr so'raymiz.

Hurmat bilan, Anvar Narzullaev

Menku qotib uxladim, Oʻzbekistonda jamoamiz esa ertalabgacha serverlarni ko'chirib, xavfsizlik tizimlarini o'rnatib chiqishdi. Sayt ishga tushdi, 1-2 kun ba'zi muammolar boʻlishi mumkin.

Kamchiliklar haqida @mohirdev_bot ga xabar bersangiz bo'ladi. Rahmat.

O'sadigan tadbirkorlar.

Bir yilcha avval universitetimiz oldida muzqaymoq sotuvchi paydo bo'ldi. Bitta muzqaymoq apparat bilan ish boshladi. Biroz vaqt oʻtib yoniga kofe mashina qoʻydi. Keyin muzqaymoq turlari ko'paydi, apparat ikkita boʻldi.

Kichkina budkadan boshlangan biznes hozir binonig 1-qavatini toʻliq olib, kafe ham qilib qoʻydi.

Shunaqa tadbirkorlarni yaxshi ko'raman. Doim 2-3 qadam oldinni o'ylaydi, doim oʻsib boradi, rivojlanadi, to'xtamaydi.

Malayziyaga ilk kelganimizda qizimni yangi bog'chaga berdik. Bogʻcha endi ochilgan. Er-xotin binoning 1-qavatini ijaraga olishgan. Ayoli bolalarga qaraydi, eri eski marshrutkani olib, bolalarni uyga tashlab qoʻyadi (qoʻshimcha haq evaziga albatta). 3 yilda bogʻcha kengayib, 4 qavatli binoni toʻliq ijaraga olishdi. Marshrutkalar ham 4 taga yetdi. Bogʻchada kamida 10 ta tarbiyachi, 4 ta haydovchi. Havasim keldi.

Negadur bizda ko'pchilik tadbirkorlar qotib qolgan. Bitta marraga chiqadida, keyin uy-joy, uchastka, malibu qilib yuraveradi. O'sish yoʻq. Bobosi novvoy bo'lgan, otasi novvoy boʻlgan, o'zi ham shu eski tandirda non yopadi. Buvasi ochgan ustaxonada, nevarasi ishlab yuradi.

Ota-onalar ham aytmaydiki, "shu oʻgʻlim o'qisin, kasbimni olib, mendan ham yuqori martabaga chiqsin". Yoʻq. Mo'ylabi chiqqandan qora mehnatga o'rgatadi, shu bilan bir amallab kun koʻrib yuraveradi.

Ahamiyat bering, bizda ham ko'zga koʻringan tadbirkorlar doim oʻsib boradi. Hecham to'xtamaydi. Do'kon ortidan, do'kon. Restoran ortidan, restoran. Loyiha ortidan, loyiha.

Afsuski, aksar unday emas. 15 yil avval ippodromda savdo qilib yurgan odam, xali ham shu ippodromda "nochga" chiqib yuradi. Rivojlanmaydi, rivojlanishni bilmaydi. O'qimaydi. O'z ustida ishlamaydi. Kamiga farzandlarini ham eplab o'qitmaydi. Meni kunim o'tayapti, seniki ham o'tadi qabilida ish tutadi. Afsus.

@sariqdev