Musaffo osmon haqida gapirmasa ham boʻladi.

Mohirdev — стартап, которые учит IT-профессиям.

Познакомились с основателем образовательного стартапа — @mohirdev Узнали как началась история проекта😻

Подробнее читайте по ссылке👈

Nima uchun yana talaba bo’ldim?

Uch yil avval Mohirdev loyihasini boshlaganimizda, men Malayziyada Universitetda o’qituvchi-professor edim. Tinch, sokin hayot, vaqtim kunda-kunora ma’ruzalar o’qish, ilmiy ish qilib, maqolalar yozish bilan o’tar edi.

Asosiy fokusim Universitetga, undan ortgan bo’sh vaqtimni esa Mohirdevga sarflar edim. Lekin vaqt o’tib, loyihamiz ham ulg’ayib bordi va ko’proq e’tiborni talab qila boshladi.

Bir yarim yil avval hayotimdagi muhim lekin eng to’g’ri qarorlardan birini qabul qildim - 20 yillik muhojirlikdan so’ng vatanga qaytib Mohirdev loyihasi boshqaruvini o’z qo’limga oldim.

Men uchun muhandislikdan rahbarlikka o’tish oson kechmadi, kutilmagan to’siqlar va qiyinchiliklar bo’ldi, lekin jamoamizning yordami bilan kompaniya oyoqqa turib oldi. Bir yarim yil shiddat bilan o’tdi, ko’p ishlar qilindi, loyihamiz kichkinagina startupdan katta kompaniyaga aylandi. Mohirdev O’zbekistonda IT ta’lim sohasida yetakchi o’rinlarga chiqdi.

Mana endi oldimizda undan ham katta marralarni zabt qilish turibdi. Maqsadimiz Mohirdevni nafaqat O’zbekistonda, balki global maydonda ham katta o’yinchilar qatoriga kiritish. Buning uchun esa boshqaruvda chinakam yetkachi bo’lish, raqobatchilardan o’zib ketish uchun to’g’ri strategiya tuzish, mustahkam va ishonchli jamoani shakllantirish, to’g’ri qarorlarni qabul qilish va boshqa muhim ko’nikmalar talab etiladi.

Bu narsalarni endi kitobdan o’qib o’rganishning o’zi kamlik qila boshladi va tahminan yarim yil avval sohadagi eng zo’r oliygohlarni qidirib boshladim va tanlovim Oxford Universitetida to’xtadi.

Sabab esa oddiy - bu oliygoh yetakchi rahbarlarni yetishtirib chiqarishdagi eng ilg’or Universitet hisoblanadi. Oxford Universitetida Buyuk Britaniyaning 28 ta bosh vaziri, 30 dan ortiq dunyo rahbarlari va 55 ta Nobel mukofoti egalari va minglab kompaniya rahbarlari tahsil olgan.

Keyingi postlarda men oʻqiyotgan dastur, dars jarayoni va Oxford muhiti haqida alohida yozaman. Stay tuned.

@sariqdev

Bugungi darsimiz bahs (debat) koʻrinishida boʻldi. Bir kun avval talabalar guruhlarga ajratildi va bahs mavzulari eʼlon qilindi.

Har bir mavzu uchun 2 ra guruh tanlanib, oldindan kim qaysi taraf uchun bahs qilishi ham belgilandi. Ya'ni oʻzimizga tanlash imkoni berilmadi, bu bahsni yanada qiziq qildi.

Masalan, bizga "Kelajakda tarafkashlikning oldini olish uchun aksar yechimlar toʻliq sunʼiy intellektga topshirilishi kerak" degan fikrga qarshi chiqish berildi. Kecha darsdan keyin soat 9 gacha nutqimizni tayyorladik.

Bahs ertalab 9da Oxfordning qadimiy Convocation house deb nomlangan binosida boshlandi. Bu yerda 1665-1681 yillarda Angliya parlamenti a’zolari haqiqiy bahslar o’tkazgan ekan.

Bahsning oʻz qoidalari bor:
- Har bir jamoadan 3 kishi nutq soʻzlaydi.
- Bahsni maxsus chairman (rais) olib boradi, jamoalar esa raisning ortida chap va oʻng tomonlarda joylashadi.
- Bahsni oʻrtaga tashlangan fikr tarafdorlaridan 1 kishi ochib beradi, keyin esa navbatma-navbat qolganlar soʻzga chiqadi.
- Har bir notiqqa 5 daqiqa vaqt beriladi.
- Ikki taraf ham so’zini tugatganidan so’ng auditoriyadan savollar beriladi.

Bahs oxirida auditoriya ovoz berib yutgan tarafni aniqlaydi.

Endi sizlarga 2 ta savol:
1. Ovoz berish qay ko’rinihsda bo’ladi?
2. Nima uchun bahs jarayonini videoga olish mumkin emas? (rasmlar mumkin)

Ikkala savolga birinchi bo’lib to’g’ri javob bergan insonga Oxforddan kichkina esdalik sovg’am bor (Toshkentdagi ofisdan olib ketish sharti bilan).

Javoblarni izhoda qoldiring 👇