أسوأ أنواع الكرم هُو كرمك في إهداء حَسناتك للآخرين: غيبةً، ونَميمةً، وبُهتانًا، وسَبًّا، وشتمًا.

- ابن تَيمية رَحِمه الله

أنا بعمل حاجة بسيطة لكنها بفضل الله بتردني عن الحرام.

( بكلم نفسي ) 😂

مرة كنت تعبانة جدا وعايزة أنام من غير ما أصلي العشاء
قلت بصوت كأني بكلم حد وعايزاه يسمعني ( مش يمكن تموتي هترضي تقابلي ربنا وأنتِ مش مصلية ؟ )
وقتها قمت اتوضيت جري.

مرة كان خاطري رايح لمزيكا معينة وعايزة اسمعها، وخلاص بفتح يوتيوب
بصوت قلت لنفسي ( هترجعي تاني؟ مش هتتقي ربنا في خلوتك ؟ مش هتعرفي تستحملي النار ).
زي الفوريرة طلعت من الأبلكيشن.

لما بعوز أنزل السوبر ماركت في السكن بالليل، بقول محدش واخد باله مش لسه هلبس الجلافز
بنفس الصوت بقول ( أنتِ كده بتنافقي! لو حد شافك وعمل زيك هتاخدي ذنبه ).

٩٠٪ من المرات اللي كلمت فيها نفسي بصوت معملتش الذنب.

في اللحظات دي بنكون ضعفاء، وصوت الشيطان أعلى بكتير من صوت ضميرنا، فبنحتاج نسمع، نفتكر، مش نفكر!

ساعد نفسك، محدش هيقعدلك ال ٢٤ ساعة يقولك ده صح وده غلط.

نقل.

بسم الله،

إن لم تكن قد صمت تاسـوعاء اليوم، فاحرص على ألا يفوتك صيام عاشـوراء غدًا بإذن الله، فقد كان رسول الله ﷺ حريصًا أشـدّ الحرص على صيامه.
قال عبد الله بن عباس رضي الله عنهما: ما رَأَيْتُ النبيَّ ﷺ يَتَحَرَّى صِيَامَ يَومٍ فَضَّلَهُ علَى غيرِهِ إلَّا هذا اليَومَ؛ يَومَ عَاشُـورَاءَ.

لا تظن أنك لست في حاجة لصيام عاشوراء الذي يكـفر ذنوب سنة سابقة لأنك قد صمت عرفة الذي يكـفر سنة قبله وسنة بعده، فإنك لا تدري أتقبّل الله منك صيام عرفة أم لا، لذلك أنت في حاجة مستمرة للتعرض لرحمات الله في كل فرصة ومناسبة.

ثم أيزيد الله في إكرامه لك ويُعدد فرص المغفرة، فتقابل أنت ذلك بالاستغناء؟ المسلم لا يستغني قط عن أفضال الله المتتالية، فأنت المحتاج دومًا، والله هو الغني أبدًا.

فاحرص على صيام عاشوراء محتسبًا مشـقة الصيام في الحر، فالثواب عظيم متضاعف.
واعمل على اجتناب المعـاصي في هذا اليوم لعلك تكون أهلًا لمغفرة الله.

ميلي.

بسم الله ..
من خلال خبرة بسيطة فى حفظ وتحفيظ القرآن فيه كام نقطة مهمة لازم يلتزم بيهم اللى ناوى يحفظ القرءان حفظ حقيقى متين ..
(ومهم فى البداية نفرّق بين مرتبتين : (الخاتم) اللى مرّ على القرآن كله مرة حفظًا _وده شرف عظيم_ لكنه لا يملك القرآن بين جنبيه ..
و (الحافظ) اللى لو قدمه الناس للإمامة قرأ مستظهرًا من قلبه من أى موضعٍ من الكتاب شاء ، والنقاط الجاية دى لمن يرنو مرتبة الحافظ)
___
(1)
النقطة الأولى الصادمة والأهم فى النقاط كلها إن لا يتأتّى الحفظ المتين للقرءان أبدًا بالاكتفاء بقعدتين نص ساعة أو ساعة فى الأسبوع ، لا أعلم أحدًا _ممن أعلم_ يجرى القرآن على لسانه كالماء حفِظ فعلًا بهذه الطريقة.
وإنما المداومة اليومية ، كل يوم 3 أو 4 ساعات .. أو ساعتين .. أو ساعة على الأقل ، تُصبح على كتاب الله تحفظ جديدك ، وتُمسى على كتاب الله تراجع قديمك ، ويفتح الله لك بفضله.

ممكن يبقى اتفاقك مع المحفظ معاد أو معادين فى الأسبوع عادى ، لكن إنك تكتفى بالحفظ قبل المعادين دول بساعة أو نص ساعة مش هيثبت فى ذاكرتك إلا أقرب جزء أو جزأين _لو ثبتوا_ ، والباقى يتفلت بالتناوب.

القرآن كتاب عزيز تؤتيه كلّك ، يؤتيك بعضه.
____
(2)
بناءً على النقطة الأولى فالمراجعة أهم من الحفظ ، والمحفوظ كله تسرده مرة فى الأسبوع على الأقل ، لو حافظ القرآن كله تراجع خمس أجزاء فى اليوم ، لو حافظ 18 جزء تراجع 3 أجزاء فى اليوم ، لو حافظ البقرة تراجع 3 أرباع فى اليوم ..
ده ورد يومى كده بعيد تمامًا عن الجديد ، الجديد اللى بيتحفظ بيتضاف للقديم ويتقسّم معاه على أيام الأسبوع ..
____
(3)
بناء على النقطتين الأولين ، فالذاتية أهم شئ ، لأن مفيش حد مهما بلغ قربه منك هيفضالك عدد الساعات ده فى اليوم عشان تسمّع له ..
لازم تتعلم تسمّع لنفسك ، المصحف فى إيدك مقفول وتسرد ، ولو شككت أو تلكأت تفتح وتشوف وتعلّم موضع الخطأ لو عايز تعلّم .. وهكذا.

ولو فاتك شئ يستدركه لك المحفّظ فى الحلقة بإذن الله.
____
(4)
بناءً على ما سبق فالقليل الدائم فى الحفظ خير من الكثير المنقطع .. لو صفحة عادى ، لو وجه عادى ، لو نص وجه عادى ، لو آية واحدة عادى.

اختار الكمية اللى تتناسب مع قدرات حفظك ، وتناسب ظروف يومك ، واعمل حسابك إنك عندك ورد مراجعة كل يوم أهم من ورد الحفظ ، وورد المراجعة بيكبر مع الوقت .. النهاردة ربع ، الشهر الجاى حزب ، الشهر اللى بعده جزأ ، فمتضغطش نفسك عشان تعرف تكمّل.
واعمل حسابك برضو إن مع الوقت كمية الحفظ اللى بتبدأ بيها هتزيد لوحدها _لو انتظمت_ زيادة متطردة ، لأن المخ بيوسع وبيستوعب ، واللسان بيلين وبيستجيب ، وربنا بيفتح فتوح عظيمة لما بيرى من عبده خيرًا.
___
(5)
السورة لما تخلص حفظ لازم تُسرَد كلها فى جلسة واحدة ، حتى لو من السبع الطوال ، لو انت بطئ فى السرد البقرة تاخد منك ساعة أو ساعة وربع بالكتير .. ولا حاجة.
مش هتتمكن من السورة وتجرى على لسانك إلا لو سردتها كلها فى جلسة واحدة ، فلا يفوتك هذا الخير.
___
(6)
وقت الحفظ يكون قريب من وقت استيقاظك من النوم ، عشان ذهنك يبقى حاضر .. أبرك ساعة فى اليوم اللى بعد صلاة الفجر ، ساعة بأربع ساعات فى نص اليوم ، فيها السكون والهدوء وحضور الذهن ، وفيها تُقسّم الأرزاق ، لعل الله يقسم لك الحفظ مع قوت يومك.

متحفظش بعد ما ترجع من الشغل أو الجامعة ، أو المدرسة ، ذهنك مش حاضر وبدنك مرهق وجعان ، ولو كلت هتتقل وهتنام .. لكن لو اضطررت نام شوية واصحى احفظ. مهم إن وقت حفظك يقترب من وقت استيقاظك ، هتفرق جدًا.
___
(7)
اثناء حفظك الورد الجديد ..
فيه منطقة وهمية يخيّل ليك الشيطان عندها إنك أتقنت ، ده فخ .. انت لسه ما أتقنتش ، لو قمت شربت مية ورجعت هتلاقى نفسك مش فاكر حاجة ، اقعد على حيلك وسمع الورد 3 أو 4 مرات كمان .. وبعد كده افصل بأى حاجة ، بعد كده ارجع سمّعه على نفسك تانى 3 أو 4 مرات كمان .. يثبت معاك إن شاء الله ..

وكل ما كررت العملية دى كل ما ثبت حفظك أكتر.
___
(8)
لا أعلم شيئًا أثبت للحفظ وأحكم للمراجعة من الصلاة بالمحفوظ ، ولا أعلم صلاة أرحب من قيام الليل لشئ كهذا.
___
(9)
متبدأش بالمتشابهات ، متقرأش كتب فى المتشابهات ، فى الأغلب هتتلغبط ، احفظ انت وطلع المتشابهات من حفظك هيثبتوا.
___
(10)
القرءان دايمًا غالب ، دايمًا غالب .. يعلو ولا يُعلى
مهما بلغ حفظك يغلبك فى مواضع ، فمتستهنش بأى سورة منه ولو كانت من القصار ..
بابا اختبرنى مرة وأنا صغير فى جزأ عم ، وبدأ بسورة (الفلق) فضحكت ضحكة المستهتر بالسؤال ، فأخطأت فيها.
___
(11)
ثانى أهم نقطة فى جميع النقاط ..
(ما لا يدرك كله ، لا يترك كله)

النصائح دى لا يقوى عليها كل أحد ، ولا تلائم ظروف كل أحد ، فنل منها ما استطعت ..
لو مقدرتش على الحفظ والمراجعة .. راجع بس.
لو مقدرتش كل يوم .. يوم ويوم.
لو مقدرتش .. يومين فى الأسبوع.
لو مقدرتش .. يوم فى الأسبوع.
لو انت بادئ أصلًا بس على مهلك والنصايح دى ثبطتك اعتبر نفسك مقرتش البوست وكمل زى ما انت .. الله يعينك ويقويك ويفتح عليك.

والقرآن خير كله : حفظه خير ، وفهمه خير ، وقراءته خير ، وسماعه خير ، بل والنظر فيه خير .. ما اغترف منه أحد إلا ونهَل ، وما نهَل منه أحد إلا وارتوى.
فلا يفوتك ريّه ، وإن أقللت.

نقل.

أنا عايزك بس تتخيل معايا الفَضْل

صلاة واحدة منك على النبي ﷺ = عشر صلوات من ربك!

صلاة الله -عزَّ وجلَّ- عليك هي الرحمة

يعني كل عشر صلوات منك = بمِئة رحمة من الله عليك!

وإن زِدتَ = زاد ربُّكَ وضاعَف

اللي عنده وقت فاضي وصحة ويضيعوا منه من غير ما يعمل طاعات، دا مغبون !

اللي كل يوم يقضيها في حتة عشان مش عارف الأيام يضيعها فين، اللي الصيف بيعدي عليه زهقان عمال يدور يضيع الصيف فين، دا مغبون!

أنت معاك حاجات غيرك لما خدها وصل الفردوس الأعلى، أنت عملت بيها إيه؟

-د. أحمد عبد المنعم.

‏مَن عصى الله، سلَّطَ اللهُ عليهِ جنديين لا ينفكّان عن قلبِه حتى يتوب، وهما الهمّ والغمّ.

- ابن القيم‏

أوَ تذكُر تلك اللَّيلة الَّتي بكيت فيها ودعوتهُ أن يُنجِّيك وأقسمت أن لا تعُود ثانيةً!

أينَ العهد؟
وكيف عُدت!

ليه الإنسان سيء وطمّاع أوي كدا :')
عاوز دا ودا ودا ودا، وهو مأدّاش أي شيء عليه!
يبقى عاصي وبيعتب على الإبتلاء البسيط جدًا اللي لو قُرِن بِعصيانه ما وافى ربعه!

ليه عاوز كُل حاجة وأنت أصلا معملتش أي حاجة !
بعيدًا عن أن أرزاق ربنا ملهاش علاقة بينا، وأن ربنا بيرزقنا علشان كريم مش علشان احنا كويسين فاهمة!
بس ليه حتى مبنحاولش نتغيّر
مش عارفة أوصل الفكرة
الله المستعان

ياربّ اغفرلنا يارب
الواحد تعب:')

بلاش فصال مع الغلابه ياجماعه

بلاش فصال مع بياع الدره في الجو دا كمان
بلاش مع بياعين البلالين والترمس ولا بياعين المناديل!!

العالم دي بجد غلابه وبيبذلوا مجهود كبييير عشان يحصلوا القرش فعلا انت بنفسك متقدرش تبذله!

ف مش الجنيه ولا الاتنين ولا العشره اللي هتفاصلوا فيهم اللي هيحيوكوا .. ولا دا اثبات لنفسك ان انت شخص مبيتضحكش عليه وبتعرف تجيب الديب من ديله

اللي معاهوش ميلزموش من بابه ..

انما متعتمدش علي انه بيوافق وراضي وتاخد الحاجه بفصال!!
م هوا لازم هيوافق م هوا عايز يشتغل !!هوا من بره موافق ومن جوا بيلعن الدنيا

طب م تتاجروا مع ربنا في القصه دي وادوهم بزياده وشجعوهم ع الشغل .. مش هيبقي الظروف واحنا كمان بناكل في بعض دي حاجه غريبه جدا !!!!
شئ مستفز جدا

نقل

( وَأَنذِرهُم يَومَ الحَسرَةِ إِذ قُضِيَ الأَمرُ وَهُم في غَفلَةٍ )

وأنا وأنت في غفلةٍ!

حُرِم قيامَه من الليل، حُرِم وردَه من القرآن، فتُر لسانُه عن الذكر، حظه من النوافل أصبح قليلا -إن لم يكن معدوما-..
يظن أنه بخير؛ لمجرد تأديته الفرائض -التي لربما قصر وتكاسل عن بعضها-، ولا يعلم المسكين أنه يُعاقَب: يُعاقَب بذنوبِه!

ألق السلام - ردد مع الآذان - حافظ على الصلاة -
حصن نفسك - ابتسم للناس - احفظ شيئاً مِن القرآن - تصدق - سبّح - استغفر - كبّر - صُم - صلِّ على النبي.
ذكّر من حولك بالله حتى لو كنت من المقصرين فزاحم السيئات بالحسنات.

إن الحسنات يذهبن السيئات:"

من شوية النور قطع عليَّا وانا لوحدي و كنت قاعدة براجع وِرد تسميع مفروض هاسمّعُه الساعة ١٠

قفلت فلاش الموبايل وقولت هاقعد اسمّع لنفسي بصوت مَسموع اجرّب يعني كأني بسمّع للمُعلّمة، وفردّت ضَهري

ماتعرفش منين تخيّلتني وانا فـ قبري، ضَلمة ماشوفش منها صوابع إيديّا ومن غير موبايلي ولا أي بني آدم وبراجع حِفظي من القرآن اللي مُفترض يكون وَنيسي في القبر
وابتديت اسمّع الصفحة الأولى من غير ولا غلطة
والتانية
وجيت في الصفحة التالتة وللأسف في نصّها كده نسيت بداية آية! .. خوفت واللّٰه
أومال أنا هقعد في قبري لوحدي سنين طويلة أعمل إيه وهكون مُنعَّمة ولا ..؟
ما انا مش هايكون معايا موبايلي، ولا حد يفكرني ببداية الآيات

ولما الملايكة تطلب مني أرتّل زي ما كنت برتّل في الدنيا، وقتها هعمل إيه لما اقف ناسية بداية آية؟

ماعرفش بحكيلكم ليه! بس انا بتمنىٰ ربنا يثبّت القرآن في صَدورنا وينوّر بيه قبورنا ويجعلها رَوضة من رياض الجنة..

- تسنيم بكري

فيه محاضرة من محاضرات التزكية للشيخ محمد خيري كان بيتكلم عن الحياء.

وهو بيتكلم ذكر حتة معينة كده وعلَّق عليها شوية..

قال: فيه بنت لما سُئِلت عن تليفونها اللي في إيدها ردت وقالت:

أنا مخلية الفون لله..
مهما حصل واتشاف اللي عليه أنا جاهزة!

فهل احنا كمان جاهزين إذا متنا إن تليفوناتنا تتكشف على أي حد؟

وقتها كمان الشيخ قال:
أول حاجة هتتسحب منك لما تموت الموبايل!

أول حاجة هتتسحب منك هي أكتر حاجة انت مشغول بيها.

هل كل اللي عليه يرضي الله عز وجل؟

هل عندنا نية فعلاً إنه لله عز وجل؟

هل نيتنا واحنا ماسكينه إننا بنتعلم من خلاله عن الله عز وجل؟

هل نيتنا واحنا ماسكينه إننا ندعو لله عز وجل ولو بكلمة!

أحيانًا فيه حاجات بنخاف لو مشينا حد يشوفها، ومش شرط تكون محرمة ممكن تكون مُباحة ولكن نستحي منها..

لازم نكون جاهزين
جاهزين في أي وقت؛ لأن في لحظة كده هنمشي وكل شيء يخصنا هيكون لغيرنا عادي جدًا

محتاجين يوميًا نذكر أنفسنا:
مـاذا لو متنا اليوم؟

الله يرزقنا حسن الختام آمين آمين:)

- نبتة

كل عمل، علشان يتحوَّل لعبادَة نؤجر عليها..

واجب له «نيَّة»

النيَّة هي الفارِق بين عمل أديتُه وتعبت فيه وأخذت أجرُه في الدنيا..

وبين عمل أديتُه وتعبت فيه، وأخذت أجره في الدنيا والآخرة.

( اللهُ لطيفٌ بعباده )
-"هو الذي يَرحم من لا يرحم نَفْسه! "
-تفسير القرطبي.

الإباحية سِجن والله
مُدمن الإباحية بيعيش في عذاب

بيوصل إنه شاكك في نفسه وفي دينه
الإباحية بتَهدِم الإيمان والله!

فمن أصابه شيءٌ من هذه القاذورات فليَتُب لله منها..

إن مسمعتش قرآن هتسمع أغانى

فمتسكبش فيديوهات القرآن و تقول أسمع غيرها او لما يجيلى مزاج، قلبك هيمرض أستغل حاجة تروى روحك بس الحاجة تكون بتروى بجد مش وهم زى الغناء