#ustozdan

Ma'lum bir sohada

daromad topishni boshlash uchun - 1 yil

mutaxassis bo'lish uchun - 3 yil

sohaning egasi(pro) bo'lish uchun - 7 yil

talab qilinadi.

Bu muddatlar sohani o'rganishga vaqtining 50%ini sarfladi deb hisoblaganda.

Siz hozir nechanchi yildasiz?

Sanjar Hamidullayev

TURMA - YUGUR,
TINMA - TIRISH,
BUKILMA - YUKSAL,
HURKMA - KURASH,
QO'RQMA - YOPISH,
YORILMA - QO'ZG'AL...

ABDURAUF Fitrat

O'zimizga foydali hamma narsa - qiyin!

Doimo sog'lom, yosh bo'lib yurish uchun, har kuni erta tongdan issiq to'shakdan turib sport bilan shug'ullanish - qiyin;

Erta turish uchun, kechasi bilan internetda o'tirmasdan erta uxlash - qiyin;

Qomatni saqlash uchun shirinliklardan yoki ko'p ovqatlanishdan o'zni tiyish - qiyin;

Qiziqarli suhbatdosh(ota,ona,turmush o'rtoq,do'st,hamkasb) bo'lish uchun har kuni hech bo'lmaganda 0.5 soat kitob o'qish - qiyin;

O'z sohasida almashtirib bo'lmas xodim bo'lish uchun har kuni izlanish, o'z ustida ishlash - qiyin;

Mijozlar yana qaytib kelishi uchun, ularga ortig'i bilan xizmat ko'rsatish - qiyin;

Bir so'zli inson bo'lish uchun, bergan va'daning ustidan chiqish - qiyin;

............. bu ro'yxatni cheksiz davom ettirsam bo'ladi.

Bizga zararli hamma narsa - oson!

Berilgan vazifani yaxshiroq bajarish mumkin bo'lgan holda chala bajarib dam olib o'tirish - oson;

Kechasi to'yib ovqat yeb bo'lib instagramda lentasini aylantirib o'tirish - oson;

Boshqalar kitobxon ekan deb o'ylashlari uchun kitoblarni xonasiga yig'ib olib birontasini o'qimaslik - oson;

Ijtimoiy tarmoqlarga "iymonli", "aqilli" va hz narsalarni joylashtirib o'zi birontasiga ham amal qilmaslik - oson;

O'zi jamiyatga hech narsa bermasdan undan doimiy nimadirlarni kutib, yomonlash - oson;

Rostini aytib uyalgandan ko'ra yolg'on gapirib o'zini oqlash - oson;

Boshqalarga yordam berishni o'rniga o'zini juda ham band inson qilib ko'rsatish - oson;

............... bu ro'yxat ham cheksiz. (yana boshqa misollarni izohlarda yozishingiz mumkin).

Zotan qiyin ishlar foydali, osonlari esa aksi ekan, yoshligimizda iroda nisbatan kuchliroq bu paytda qiyin bo'lgan ishlar bilan o'zimizni qiynab qolaylik shunda keyinchalik bizga yuqoridagi kabi qiyinlar - oson, osonlari esa qiyin bo'lib qoladi.

Yana bilmadim?!

Sanjar Hamidullayev

Don't choose to be comfortable when you are young. Try to live up to your ideal.

P.S.: Bundan oldingi post akam olib bergan futbolkamdan ilhomlanib yozildi.

Sentabr hayajoni

Ketma-ket 16 yil, har yili sentabr oyi o'zgacha bir hayajon bilan kelar edi. Universitetni tugatganimdan buyon ushbu yoqimli, ajib tuyg'u sekin asta meni tark etayotganday go'yo, yoshlik davri yakunlanayotganidan nishonadir balki bu ham, bilmam?!

Maktab payti shu kunlarda o'zimga o'zim:

Bu yil kimlar o'zgaripti-a? Asalni bo'yi mendan o'sib ketmadimikin? Dildoraniki mendan uzunligi aniq. Bu yil kim bilan o'tirsam ekan-a? Bu yil olgan kiyimlarim sinfdoshlarimga yoqarmikin.

Litsey paytlari o'zimga o'zim:

Endi bu yil matematikadan ham qo'shimchaga borishing kerak. Vaqtni behuda ketkazmassan do'stim maktabda shuncha bekor ketgan yillar yetadi. Sen o'qishga Toshkentga kirishing kerak axir.

Universitetda:

Mana universitetga ham grantga kirib olding. Endi mazza qilib yursang bo'ladi, asosiy ishni qilib qo'yding. Yo'q yo'q to'xta endi hayotga jiddiyroq qarash vaqti keldi. Bor diqqatimni o'qishga qarataman.

Yangi o'quv yili bilan o'quvchi, abituriyent, talaba do'stim.

Sanjar Hamidullayev

Havolanib uchgan zarrayu qumlar!

Havolanib uchgan zarrayu qumlar,
Suvga yetib kelgach yeldanda qolar.

Tog'lardan sel bilan oqayotgan toshlar,
Tuzga yetib kelgach seldanda qolar.

Bu dunyo aldoqchi ishonma unga,
Otangdan qolgandur sendanda qolar.

Tushunayapsizmi?

Yo'lga chiqsang o'ng-u so'linga qara,
Qancha shahar, qancha mozor, qancha maqbara.

Bunda barcha tengdur gado-yu to'ra,
Sozanda chalayotgan nayingdan so'ra,

Soz-u, noz-u, raqqosa, eski nog'ora,
Boshqalardan qolgan sendanda qolar.


______________________________
Innaa lillahii va innaa ilayhi rojiun.

Assalomu aleykum, kanalimda meni anchadan beri biladiganlar ko'p, bugun o'qigan maqolamda yaqinlardan quyida so'rovnomada keltirilgan savollarni so'rab ularga ko'ra harakat qilish tavsiya berilgan ekan. Biroz vaqtingizni ayamaysiz degan umiddaman.

Marhamat🫱 https://docs.google.com/forms/d/e/1FAIpQLSdyWHMt3lDkKXkbOef3dA4h8PqDGpinoCvjBjrNn39xs-GEYQ/viewform?usp=sf_link

#repostqilishniyomonkoramanlekinbu

Umring naqadar qisqaligini bilasanmi?

Bilasan, lekin tasavvur qilishing uchun senga raqamlar yetishmaydi. Kel men senga shu raqamlarni berib ko‘ray.

 ·    Hozir necha yosh bo‘lishingdan qatʼiy nazar sen umringni oxirigacha 2 mlrdgacha sanashga ulgurmaysan. (xatto uxlamasang ham) – kalkulyatorni olib hisoblab ko‘r.

·    Agar hozir 20 yosh atrofida bo‘lsang ota-onang bilan birga o‘tkazadigan vaqtingni 80(o‘g‘il bolalar) – 95%(qiz bolalar)ni yashab bo‘lding,  shundan eng ko‘pi - erta bolaligingda edi.

·    Kuniga 10$ dan ishlab topganingda ham (O‘zbekistondagi o‘rtacha oylikdan yuqori) butun umr ishlab topgan puling Toshkent city dan 1ta kvartira olishga yetmaydi(yemay ichmay yig‘sang ham).

·    Oyiga 2ta kitob tugatsang ham (bundaylar juda kam), umring davomida xatto 1000ta kitob o‘qishga ham ulgurmasliging mumkin.

Bilaman hammaga o'xshab sen ham 90-100 yil yashashni orzu qilarsan balki, lekin men O'zbekistonda o'rtacha umr davomiyligini (ya'ni 65 yosh) olib hisob kitob qildim.

@azizrakhimov_blog

Kobra effekti

Hindistonning Britaniyaliklar tomindan bosib olinishi davrida inglizlar mamlakatda "kobra" ilonlari sonini kamaytirishga qaror qilishadi.

Shu maqsadda inglizlar har bitta kobra boshini olib kelganga mukofot e'lon qilishgach, butun aholi ilonlarni o'ldirishni boshlashadi va bir muncha vaqt o'tgach ular(aholi) bir vaqtning o'zida ilonlarni ko'paytirardi ham chunki bu yo'l bilan ular daromadini sezilarli darajada oshirishga muvaffaq bo'lishardi.

Kobra boshlari uchun mukofotlar bekor qilinganda, aholi tomonidan barcha ko'paytirish maqsadida yig'ilgan kobralar qo'yib yuboriladi. Natijada bu mamlakatda kobralar soni oldingidanda sezilarli ko'payib ketishiga olib keladi.

Ushbu voqeadan so'ng "kobra effekti" iborasi paydo bo'ldi, bu mavjud muammoni bartaraf qilganday ko'rinib lekin aslida uni yomonlashtiradigan harakatlarni(qarorlarni) anglatadi.

Sanjar Hamidullayev

Qonun

1. Chala bo'lsa ham qonun borligi, qonun yo'qligidan yaxshi.

2. Qonun chiqarib undan o'zini istisno qilish - o'sha qonunning kuchini keskin pasaytiradi.

Har qanday uyushmada(oila,korxona,tashkilot,jamiyat) huquq, vakolat va cheklovlar aniq belgilangan bo'lishi erkinlikni ta'minlaydi.

Ammo ba'zan qolganlar uchun amal qilish majburiy qonunlar joriy qilib o'zini bundan mustasno qilish, adolatsizlikning muqobil ko'rinishidir.

Sanjar Hamidullayev

Iroda lazzati

Eng yoqimli lahzalar insonning tanasi yoki ongi biron bir og'ir(murakkab) va arzirli ishni bajarish uchun ko'ngilli ravishda o'zni mumkin qadar zo'riqtirganda keladi.

Sanjar Hamidullayev

✅O'quvchining uy vazifasida QR-code mavjud bo'lib, u o'qituvchisining shu mavzudagi misollarni yechish bo'yicha o'rgatgan darsining Youtube videosiga olib o'tadi.

Sanjar Hamidullayev

Statistika gapirsin

67- diagrammada📊, butun O'zbekiston bo'ylab oilasida kitobga oshnolik va o'qish hamda o'rganish rag'batlantiriladigan va buning uchun barcha jismoniy resurslari ta'minlangan (masalan dars stoli, kutubxona va h.z) muhitda yashaydigan bolalar, bunday muhit darajasi pastroq bo'lgan oila farzandlariga qaraganda hamma fan testlaridan ancha yuqori(och ko'k ustunda) natijalarni ko'rsatganini ko'rishingiz mumkin. Muhit darajasi pasaygani sari bolaning natijasini ham keskin tushganini ko'ring.

Sanjar Hamidullayev

Manba

Seni yaxshiroq bilishimga imkon ber yoxud Fikrlaring menga muhimroq

Kanal och, o'z shaxsiy blogingni boshla, unda istalgan narsangni yoz: o'rganayotgan bilimlaring, xatolardan olgan xulosalaringdir, prinsiplaring yoki orzularingdir bilmadim eng muhimi o'zingni cheklama.

O'zingga yoqqan narsalarni u yerda ulash, g'azabingni keltirgan ishlarga o'z munosabatingni bildir, seningcha qanday bo'lishi kerakligi haqida yoz. O'zing to'g'ri deb topgan narsalarni menga ham o'rgat.

Seni ko'zlaringga, tushunarsiz harakatlaring orqali seni bilib olishimni yoki qandaydir qarorlarga kelishimni kutma. O'zing va qat'iy pozitsiyalaring haqida u yerda menga bildir. Bularni barchasini bilish uchun chegaralari(m)ngni buzishga imkon qoldirma.

Bundan unga yoki undan bunga.

Sanjar Hamidullayev

Only the educated are free.

-Epictetus

Faqat o'qimishlilargina erkin. Ha achchiq haqiqat. Ilmsizlik cheklaydi - moliyaviy erkinlikni, qadr-qimmatni, oilaviy xotirjamlikni, adolatni, imkoniyatlarni, talantlarni, huquqlarni,....♾

Xuddiki, qush butun umr faqat oyoqlaridan foydalanganda...

Sanjar Hamidullayev

Ma'no ma'nosiz, ma'nosiz ma'nolimi?

Vaziyatlar mutlaq yomon yoki mutlaq yaxshi bo'lmasligi mumkin, lekin biz ularga shu ikki prizmadan biriga (kerak bo'lsa majburlab) tushirib qaraymiz va shu vaziyatlarga munosabatlarimizni tanlagan prizmaga ko'ra davom ettiramiz, ya'ni yoki mahzun, alamzada bo'lamiz yoki xursand.

Ammo duch kelganimiz vaziyatlar qaysi prizmaga tushishining baholash mezonini ongimizga kim solgan? Ana shu yerda manipulyatsiyaning ta'sirini ko'rsak bo'ladi. Ushbu mezonlar yillar davomida oila a'zolarimiz, do'stlarimiz, atrofimiz, ijtimoiy tarmoqlar, kitoblar, kinolar va boshqa manbalar orqali (beixtiyor, bazan maqsadli) singdirilgan, eng qizig'i bizga bilib-bilmay singdirganlarning ongidagi fikrlar ham shunga o'xshash o'z davriga xos ilgarigi manbalardan urug' otgan. Bu mezonlar qanchalik to'g'ri ekanligi esa savol ostida.

Masalan men qolganlar fikriga tayanib yaxshi deb o'ylagan narsa yomon, yomon deb o'ylaganim yaxshi yakun topgan hollar ko'p bo'lgan. Sizdachi?

Xullas chuqur kirmayman, nima demoqchiman, vaziyatni mutlaq o'zingizning hisobingizga aylantirishingiz mumkin, faqatgina singdirilgan mezonlarni buzib, vaziyatga o'zingiz tanqidiy fikrlab baho bersangiz bas. Manipulyatsiya qurboni bo'lmang.

Sizda hali ham mashinangiz yo'qligi yomon emas(garchi siz instagramda o'tiraverib bundan hijolat bo'layotgan bo'lsangiz ham) balki yaxshi chunki avtohalokatga uchrab o'lib ketishingiz ham mumkin-ku.

Siz oddiy joyda ishlayotganingiz yomon emas balki yaxshi chunki katta joylarning katta risklaridan holisiz axir.

Sen yoqtirgan qiz seni yoqtirmasa sen hech kimga yoqmaysan degani emas balki yaxshirog'iga loyiqdirsan?!

P.s: Misollar mutlaqo shaxsiy hayotimdan olinmagan).

Sanjar Hamidullayev

The world keeps spinning.

Someone out there needs to hear this:

Most mistakes aren’t as big as you think.

In 1999, a study coined the term “Spotlight Effect.”

It’s a psychological concept in which people believe they’re being noticed far more than they are.

We’re the center of our worlds, so we assume we’re the center of others’ as well.

But that’s not true.

People mostly think about themselves.

This is a powerful realization when we make mistakes.

Zoom in — we think the world is ending.

Zoom out — the world is unchanged.

This isn’t to say mistakes don’t matter or don’t have consequences.

It’s just to say:

Take some pressure off.
Learn and move forward.
The world keeps spinning.

Sanjar Hamidullayev

Genetika

1. Intellekt otadan o‘g‘ilga o‘tmaydi. Ya’ni, agar siz daho bo‘lsangiz, unda sizning o‘g‘lingiz 100% genlaringizni meros qilib olmaydi.

2. Idiotizm otadan o‘g‘ilga o‘tmaydi. Agar siz mutlaqo qobiliyatsiz bo‘lsangiz, unda o‘g‘lingiz siz bilan bir xil ahmoq bo‘lmaydi(bu bilan sizni tabriklaymiz).

3. Intellekt otadan faqat qizga o‘tishi mumkin. Va faqatgina yarim qismigina o‘tadi xolos (sizning intellektingiz 88 bo‘lsa shuning 50% i o‘tadi).

4. Intellektni erkak faqat o‘z onasidan meros qilib olishi mumkin, ona esa o‘z navbatida otasidan meros qilib olgan bo‘ladi.

5. Dohiyning qizi otasi kabi yarim-aqlli bo‘ladi, ammo qizning o‘g‘li daho bo‘ladi. Agar uning otasi ahmoq bo‘lsa, unda qizi otasiga qaraganda yarim ahmoq bo‘ladi.

Erkaklar uchun xulosalar:

1. O‘g‘lingizning aqliy qobiliyatlarini taxmin qilishingiz uchun, xotiningizning otasiga qarang (agar u akademik bo‘lsa, o‘g‘lingiz ham aqlli bo‘ladi).

2. Sizning qizingiz aqlingizning yarmini oladi. Ammo sizning ahmoqligingizni ham yarmini oladi. Intellekt tarafdan u sizga yaqinroq bo‘ladi. Uning o‘g‘li sizning barcha aqliy qobiliyatingizni oladi. Aqlli avlod istasangiz - qiz farzand orzu qiling.

3. Sizning aqliy qobiliyatlaringiz onangizdan, aniqrog‘i bobongizdan o‘tgan.

Ayollar uchun xulosalar:

1. O‘g‘lingiz aql tarafdan - otangizning nusxasidir va uni "sen otang kabi ahmoqsan" deb haqorat qilishingiz umuman to‘g‘ri emas.

2. Qizingizning tarbiyasi sizniki kabi bo‘ladi, lekin aqli bo‘yicha otasiga tortadi. Uning o‘g‘illari esa sizning eringizning aqliy nusxalari bo‘ladi.

Manba

Sanjar Hamidullayev

Insonlarga ularda siz ko'rgan kuchli jihatlarini, qobiliyatlarini tez tez aytib turing, bunga ular hamma narsadan ham ko'proq muhtoj, garchi o'zlari buni unchalik bilmasalar ham.

Do'stimga kamchiligini aytgandan uning kuchi nimada ekanligini ko'rsatsam, unga ko'proq foyda keltiraman, zero kamchilklar o'zini kuchli jihatlarini foydalanmaganidan yuzaga keladi.

Yana bilmadim?!

Sanjar Hamidullayev

"Секрет успеха"

Просто подумайте об этом: не может быть (просто в природе не может быть!) книги, которая рассказывает о том, как стать миллионерам. Её бы не написали и уж точно не напечатали бы. Её бы украли на полдороге!

Такими знаниями с кем угодно не делятся. Родственникам - может быть, друзьям - теоретически возможно, но и то вряд ли. А всем? За каких-нибудь триста-пятьсот рублей? Да никогда!

Ну правда, если бы и существовал какой-то волшебный рецепт миллионерства (что, конечно, полный абсурд и бред сумасшедшего), то в мире давно бы случилась тотальная инфляция, а все деньги превратились бы в черепки. И всё бы, понятное дело, вернулось на круги своя: или в мир, где есть богатые и бедные, или - как вариант - в мир с относительно равной бедностью для всех.

И это касается любое обещание лёгкой добычи - чистой воды надувательство.

Книга: Красная таблетка. Посмотри правде в глаза!

- Андрей Курпатов

Санжар Хамидуллаев