انا ادري ان الشاعر المـــــبدع ضــريبة لنـتقاد
لو ما لقئ احدً" ينقـــده ماكان هذب منـــطقه

واللي ماكافح في طموحاته مافاد ولا استفاد
راحت طموحاته من ايدينه لحــبل المـــشنقه

‏
بعض العرب يسعدك في حرف حرفين
من دون منــــطوقه ومــن دون صوته

ياخــذ ويــــعطي بالسوالف معــك لين
تــــفرح بــــــــجيّاته وتــكــره ســكوته

لقائلها

بعد اذنكم يـ.اصحـــابي الغاليين لا حل الظلام
محتاج عزله ليـــن يصفي جوي اللي ما صفئ

بعيد عن بعض الســـوالف والمشـاغل والزحام
البال مبطــــي ما هدا والقلــب جرحه مـا رفئ

ارض الخلا في جــوّها راحه وسجه وانسجام
لـ.احدً" يلحقني عتب ويقول وش فيه اختفئ

لااخذت جــرعه من نســـيم الليل قدام المنـام
قام يتماثل جرحي اللي وســـط قلبي للشـفئ

ماهو بشرط العزله اســـباب القلق والانفـصـام
اكثر مــــشاكلنا من اللــــي شوفهم بذ الخـفـئ

اهم شي تعيش مـــــتصالح وتســـعئ للسـلام
ولا تقدا الا بقـــــول الله وقـــول المصــــطفئ

واللي مـ.اخذ عبره من القيّـه ومن قتل الغلام
ماتنفعه قصة سـباق الارنب معــــئ السلحفئ

اسوا شعور يعـــيشه الواحــــد شعور الانتقام
واطيب شعور يعيشه الواحــد لـــيا منّه عفـئ

واقسئ شعور يمر بالواحد ليا احـتاج اهتـمام
واجمل شعور يــــمر بـ.الواحـد شعور الاكتفـاء

واليا وقــفنا يوقـــف التاريخ حشمه واحـترام
واليا جلسنا ياخــذ الــــتاريخ مجـــراه وكـفئ

انشهد ان لي عزوةً" وقت الشدايد مــا تضـام
ماهمني تعطــــيني الدنيــــاء وجه والا قـفـئ

وان باروا اللي ما مسكهم لا وعـــود ولا كلام
سلم علئ اللي كلمته وحـده واذا وعـــد وفئ

قسم زلحطن☹️

صباح الخير

ما سعيت الا على شان الدّفين الخافي
قدّس الله سر صدرٍ ما نويت افضاحه

ما نفذ مـن قـو صبري غير مطلع قافي
ومـا ثبت غـيـر اليقين بعزّته ووشـاحه

أعرف إن البحر ذا بحري وذا مجدافـي
مثل ما أعرف قصة نيوتن مع التفاحة

الطموح اكبر من إنه ينسفي بالـسـافي
والعزوم تزيد وعـيـون الـعـرب قداحه

يوم بانت .. غيمة الشعر مع عرض الغيوم
اعتذرت من المشاغل  ..  ودرجت قدمي

عن ضجيج الدار .. ودي بمطلاع الرجوم
لين جاشي  ..  يبرد .. شوي  ولا  يحتمي

الحياه .. ظروفها  ما تعرف  الا  الهجوم
كنها .. تبغى تساوي  وجودي  وعدمي !

مير .. انا لا زال راسي .. عن الهزله يشوم
مثل يوم إني فرقت الظلام .. بـ معصمي

شاعرٍ  مثلي  يسده  من  .. ( الايام  يوم )
يذكرونه يوم صمخ .. القصيد الملحمي

كل فرصه .. تبهج  القلب  وتسد  اللزوم
دونها جهزت رمحي  ..  وعرضت سهمي

ما انتظرت اللي تجيني بعد حب الخشوم
ما ازين  من  اللي  تبيّن .. ليا حان  الرمي

الكرامه  ترفع  الرجل .. فـ عيون  العموم
ما حفظها  غير  قرمٍ  .. جسور  وصيرمي

كل ماضاقت به الارض .. واضمته الهموم
يرتوي .. من ( عزة النفس ) لا منه ضمي

الحياء والصدق .. في وجهه الطيب يدوم
ما تقطع  .. مثل وبل السحاب الموسمي

ان فرح وازن شعوره على حسب السلوم
وإن زعل ماهو .. بـ خبلٍ يطيش وينعمي

مثل ماادحم كل ميقاف بالجنب الدحوم
القصيد  ..  اثمنه  قبل  يطلع  من  فمي

جعلني ما اكون ظالم .. ولا اعاون ظلوم
لو بكلمه من لساني  ..  ونقطه بـ قلمي

مامعي مع وحشة الليل لـ الضيقه نديم
مير هــوجاسي ليامن تضايقت اسرجه
..

عمري اشبه شي بدمعة على خد اليتيم
من سوايا الفقد لـ اهله وحزنه واشهجه

انـولـد حظي لكــنُه من الفـــرصه عقيم
والليالي ماعطــتني مع احـــلامي وجه

والدهر كنّه على ســدرة طموحي غريم
ضيّع اهــدافي ولا ادري على وين اتجه

كـل ماحصلت لي فـرصةٍ وازريت اهيم
حظي ازرا في هبـوطي يحصل مدرجه

رب فيـــك الظن وانته بي البرّ الرحــيم
لا انغلق بي بــــاب الايام  بامرك تفرجه

رغم تحطيم الطموحات والحظ السقيم
لي عزوم يناطح الجدي مشـراف ابرجه

الرجــــال اتواجه الوضـع حتى يستقيم
وان تعـــــيّا خــــــبرها للبشر ما تخرجه

والردي لا صـــــكه الوقـت يالله ياكريم
نشرهه من شــان يفهم ولا شي يحرجه

القـــــــناعة كنـــــز والعز في ذاته نعيم
عـزّ من عزته نفــــــــسه بفعله واهرجه
..