⚡️Jaholatga qarshi ma’rifat bilan

Insonlar milliy o‘zligini ilmu ma’rifat orqali anglaydi. Yoshlarimiz ilmu ma’rifat bilangina johil aqidaparastlarning axloq-odob tushunchalarini rad etadigan, begona g‘oyalar ta’siriga aldanmaydigan kuchga aylanadi. Shu ma’noda yoshlarni diniy ekstremistik hamda turli yot g‘oyalar, “ommaviy madaniyat” ko‘rinishlari ta’siridan asrash jamiyatimiz, ziyolilar oldida turgan eng muhim vazifalardan biri hisoblanadi.

Viloyat musiqali drama teatrida O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita hamda Davlat xavfsizlik xizmati vakillari, Qarshi davlat universiteti professor-o‘qituvchilari, tyutorlar, talabalar ishtirokida “Jaholatga qarshi ma’rifat” shiori ostida ma’naviy-ma’rifiy targ‘ibot tadbiri bo‘lib o‘tdi. Tadbirni kirish so‘zi bilan rektor maslahatchisi A.Jo‘rayev ochib berdi, mavzu yuzasidan o‘zining fikr-mulohazalarini bildirdi va so‘z navbatini ma’ruzachi J.Meliqo‘ziyevga berdi.

O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita vakili Jahongir Meliqo‘ziyev islom dinining mohiyati, din niqobi ostidagi harakatlar, dunyodagi vaziyat, yurtimizda hukm surayotgan tinchlik-xotirjamlik va buning asosi bo‘lgan diniy bag‘rikenglik va millatlararo totuvlik ta’minlanayotgani haqida so‘z yuritdi.

Shuningdek, uchrashuvda yoshlar ta’lim-tarbiyasi, ularni turli yot mafkuralar ta’siridan asrash, giyohvandlik balosi kabi mavzularda to‘xtaldi. Muloqot davomida mavzuga oid videolavha namoyish etildi. Uchrashuv ochiq muloqot, ya’ni savol-javob tarzida davom etdi. Tadbir yakunida rektor maslahatchisi A.Jo‘rayev tarbiyaviy ahamiyatga ega mazmunli muloqot uchun J.Meliqo‘ziyevga minnatdorchilik bildirdi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram