📊 Пеп охирги ўйинларда қандай қилиб, инқироздан чиқиб кетганини ҳақида тактик таҳлил

⚠️ Инқироздан чиқишида Орайлининг (ва ўнг қанот ҳимоячиси) ҳам аҳамиятини тушунтирамиз

🔵 Яқингича “Сити” ҳужумда 2-3-5 тизимида ўйнарди, ҳужумда олдинги чизиққа 5 нафар футболчини чиқарарди. (1-расмга қаранг). Аммо буни сўнгги йилларда бошқа мураббийлар яхши ўзлаштириб, унга қарши тез қарши ҳужум тактикасини муваффақиятли амалга ошира бошлашди. Ўйинчилар ўтиш фазасида (транзицияда) ўз позицияларига тезда қайта олмаётгани учун Сити ўтган йил охири ва бу йил бошида кўп очко йўқотганини ҳамма кўрди.

🔄 Сўнг Пеп қилган иш — янги тактика, ҳужум қилганда 2-4-4 шаклига ўтиб ўйнашни бошлади — бу анча мувозанатли ва “хавфсизроқ” тизим ҳисобланади, марказда 4 ярим ҳимоячи орқали ҳимоя ва “rest defence” яхшиланган (2-расмга қаранг).

⚠️ Шуни ҳам айтиб ўтиш керак, Пеп ҳали ҳам 5 та ўйинчи билан ҳужум қилишни яхши кўради ва бу ғоядан бутунлай воз кечмади: имкон бўлганда, марказдаги 4 нафаридан бири олдинга ўтиб, ҳужумчилар сони 5 нафарга айланади (3-расмга қаранг). Лекин бу энди ҳар доим қўлланиладиган шакл эмас, вазиятдан келиб чиққан ҳолда амалга оширилади.

📌 Шунинг учун қанотлардаги ўйинчилар жуда муҳим: Пепга кенглик яратиш учун (рақиб ҳимоясини кенгайтириш учун) қанотларда яхши ўйнай оладиган ҳимоячилар (фуллбэклар) жуда муҳим. Шунинг учун охирги пайтларда Пеп Нунес ва Орайлини фуллбэк сифатида қўллаяпти — аслида улар ярим ҳимоячилар ва шунинг учун ҳам улар ҳам фуллбэк, ҳам ҳужумга яхши қўшила оладиган ўйинчилар ҳисобланишади. Пеп эса айнан шунинг учун Орейли ва нариги қанотда яхши ўйнайдиганларга таяниб, янги тактикага ўтди ва ҳозирча адашмаяпти.

✍️ @SamvelKarlenovich