“Сити” таркибида Англиядаги охирги ўйинларини, айниқса охирги - бир бўлим майдонга тушган ўйинни кўриб чиқаман. Таҳлил қиламиз, балки ўша ўйинлар ҳам бизга ниманидир берар.

Тахминимча, Пеп муаммолар гирдобида қолганида Абдуқодир ёрдамига суянди. Ўша ўйинларда Сити жуда ёмон ўйнаётган давр эди. Пеп ўзи ҳам шахсий муаммолар атрофида эди.

Умид қиламиз, Хусанов вақтинчалик муаммоларни “изолента” (скоч) сингари ёпиш вазифаси учун сотиб олинмаган ёки фойдаланилмаган. Ҳозир ишлар изига тушиб кетганда ва устига-устак бошқа ёшлар ҳам яхши ўйнаб кетгани Абдуқодирга катта муаммолар келтириб чиқармайди деб умид қиламиз.

Шундай бўлса, олдин ҳам айтганмиз, кейинги мавсум учун ёзда ва янги мавсум қаттиқ курашга киришиши керак бўлади. Элдор ўша даврдан яхши ўтди, узоқ даврдан ўтди. Умид қиламан, Абдуқодир ҳам ўта олади. Аммо Англияда вақт кам беришади.

Кузатамиз.

@SamvelKarlenovich

Астон Вилла биринчи бўлимда Манчестер Ситининг гибрид прессингига тез мослашди.

Улар ўйинни шоширмасдан, атайлаб секинлаштиришди, тўпни “вақт ўтказиш” учун ушлаб туришди ва босимни дарвозабонга йўналтиришга ундашди, бу орқали эса прессингни ҳимоячилардан озод қилишди.

Бу Ситининг пресс тизими бузди, майдонда бўш жойлар пайдо қилди ва уларга чизиқлар орасидан эркин ўйинчи орқали чиқиш имконини берди.


@SamvelKarlenovich

Барселона 40 та зарба берибди! 3.41 xG

Ҳисоб эса бор-йўғи 1-0.

@SamvelKarlenovich

❗️ САУДИЯ АРАБИСТОНИДА ЯНА БИР "КАТТА КЛУБ" ПАЙДО БЎЛМОҚДА

Саудия азалдан клублар футболида қитъамиз етакчиларидан бўлган. Бунда албатта миллий чемпионатдаги клубларнинг савияси катта роль ўйнайди. Яқинда каналимиз орқали араб футболида "НЕОМ" номли катта клуб пайдо бўлгани ҳақида ёзгандик. Бугун яна бир, яқин келажакда катта ишлар қилиши мумкин бўлган жамоа ҳақида тўхталамиз.

Танишинг - Ал-Дирия. Ушбу клуб 15 апрель куни Саудия Арабистони иккинчи лигасида чемпионликни нақд қилди ва келгуси мавсум биринчи лигада иштирок этади.

Айни вақтда жамоани португалиялик мутахассис Фабиано Флора бошқармоқда. Жамоа таркибида турли йиллар мобайнида Саудия Арабистони миллий ва турли ёшлардаги жамоаларида ўйнаган Мутаб Шараҳили, Волид Абдулла, Ҳасан Ал-Шамрани, Муҳаммад Ҳамеран, Тоҳир Вади, Бадир Мунши, Ҳасан Ал-Ҳабиб, Абдулазиз Ал-Шаҳрони каби футболчилар тўп суришмоқда.

Шунингдек, таркибда "Ал-Хилол" билан Осиё чемпионлар лигасида зараф қучган Муса Марега, Франция биринчи дивисионда ўйнаган ҳужумчи Жулио Таварèс (Насафга Осиё чемпионлар лигасида гол урган), испаниялик қанот вингери Аги Дамбеллей, бразилиялик ярим ҳимоячи Артур Резенде каби легионер футболчилар мавжуд.

Расмий манбаларда ушбу клуб Ҳолид бин Муҳаммад Саудга тегишли эканлиги ёзилган. Аммо Саудияда ушбу клубнинг ортида ҳам мамлакат шаҳзодаси, Муҳаммад бин Салмон ал-Сауд тургани айтилади.

@SamvelKarlenovich

Эсингизда бўлса, ёзгандик - 2025 йилдан 2029 йилгача U17 Осиё Чемпионати ва Жаҳон Чемпионати ҳар йили бўлиб ўтади.

Кейинги йил бу укамиз, Эммануэлнинг порлашини кутяпман. Тезлиги ёмон эмас, техникаси ҳам жойида. Энг устунлиги Лукаку сингари гавда билан ўйнашга барча имконияти бор ва ўйнаш стили ҳам айнан унга ўхшаб кетади.

У ҳақида маълумот:

Эммануэль Эмонкрейр Жерри Эмонкрейр ўғли, онаси ўзбекистонлик. 2010 йил туғилган. Жерри “Оқ Тепа”га легионер сифатида келиб Ўзбекистонда қолиб кетган.

Эммануэл Тошкентда таваллуд топган, ҳозирда “Пахтакор” футболчиси.

Ўзбек тилини жуда яхши билади. Ғирт ўзбек ўғлони (кўриб қолсангиз, унга инглизча ёки русча гапириб юрманг).

Таран ҳужумчи бўлиб етишиб, миллий терма жамоада узоқ йиллар асосий ҳужумчи бўлиб ўйнашига тилакдошман.

Видео Bright Morning Star агентлигидан олинди (инстаграм)

@SamvelKarlenovich

“Ланс” бош мураббийи Уиллиам Стилл қандай тактикада ўйнашини тушунтириб берган видео.


“Машғулотда бундай қиламиз. Биз зоналарни ва чизиқларга ўйинчиларни жойлаштирамиз. Ҳаммаси чиройли кўриниши мумкин аммо бу ўйин олдидан уларни тезда ёдга солиш учун муҳим.

Бу ерда ҳар икки қанотда иккита ўйинчи иштирок этади. Масалан, агар чап қанотдан олдинга ўта олмасак, тўпни йўқотмасдан нариги — ўнг қанотга узатамиз. Бу ерда Хусанов қанотни ўзгартиришда иштирок этади.

Ўнг томонда ҳам худди шундай. икки ўйинчи қўйилади. Агар қанот ҳимоячиси олдинга ўта олмаса, вингер тўпни олдинга етказишга ҳаракат қилади.

Марказда ҳам бир эркин ўйинчи қўямиз. Биз рақибни ўзимизга тортиб, қанотдан югурадиган ўйинчи учун бўшлик пайдо қилишга ҳаракат қиламиз. Марказдаги эркин ўйинчи орқали хавфли вазиятлар яратишга интиламиз.

Ҳимояни ушлаш — “rest defence” (СК: олдин пост қўйганмиз) — жуда муҳим. Агар тўпни йўқотсак, қарши прессинг учун тайёр туришимиз керак. Акс ҳолда, рақиб кетма-кет ўтишлар орқали ҳужум қилаверади ва биз кўп югуришга мажбур бўламиз.”

@SamvelKarlenovich

ОФКнинг расмий саҳифасида U17 Осиё чемпионати мусобақасининг плей-офф ўйинларидаги энг чиройли сейвлар ҳақида видео жойланди.

Аҳамиятлиси, терма жамоамиз посбони Неъматулло Рустамжоновнинг финалда амалга оширган 2 та сейви ушбу рўйхатдан ўрин олган

@SamvelKarlenovich

❗️ Мана бизнинг жамоа. Мана шу йигитлар ушбу мусобақада "Пахтакор" жамоаси номидан иштирок этишади

@SamvelKarlenovich

#БОООМ

❗️ ФИФАнинг расмий сайтида "U17 Осиё чемпионатида порлаган 6 та футболчи" номли мақола эълон қилинди.

🔥Аҳамиятлиси, унда Ўзбекистон терма жамоаси аъзоси Асилбек Алиев ҳам қайд этиб ўтилган.

"Бу ёш истеъдод Ўзбекистоннинг чемпионликка эришишида асосий ҳаракатлантирувчи куч бўлди ва ҳужум чизиғини ишонч билан бошқарди. Алиэв бешта гол уриб, гуруҳ босқичидан чорак финалгача бўлган учрашувларда ажойиб сермаҳсуллик кўрсатиб, турнирнинг энг яхшиларидан бири бўлди. Эндигина 15 ёшда бўлишига қарамай, у аллақачон ҳужумчига хос ажойиб инстинкт ва ёши учун ғайриоддий етукликни намоён қилди. Турнирнинг энг яхши тўпурар унвонини қўлга киритгани ҳеч кимни ҳайратлантирмайди. Боиси, кўпчилик уни Марказий Осиёнинг энг истиқболли юлдузларидан бири сифатида кўрмоқда" - деб ёзилмоқда, ФИФА сайтида

@SamvelKarlenovich

Ҳозирги даврда футболнинг илм даражасига чиқишида, математикага асосланган (“Moneyball”) ўйин қуриш ва ҳар битта ўйинга, турнирга тайёргарлик кўришда ҳозирги ишланмаларга асос солган энг катта шахслардан бири совет мураббийи, афсонавий Валерий Лобановский эканлигини билармидингиз?

Хулоса қилиб айтсак, Валерий Лобановский футболда қилган катта ишлари:

• илмий-таҳлилий ёндашувни,
• тизимли ва индивидуаллашган тайёргарлик моделини,
• майдон устидаги тактик назоратни,
• прессинг ва қарши ҳужум уйғунлигини,
• ҳар бир рақибга стратегик тайёргарликни

янги босқичга олиб чиққан шахс сифатида кўринади.

Шу маънода, у замонавий футболнинг асосчиларидан бири ва айни пайтда унчалик қадрланмаган (Европа футболи томонидан) инқилобчи мураббий сифатида тарихда қолган.

@SamvelKarlenovich