#Самарқандвилояти
#Тайлоқтумани
#Семинар

✅ Жорий йилнинг 18 ноябр куни Тайлоқ туман ҳокимлиги билан ҳамкорликда Тайлоқ туман 2 сон касб-ҳунар мактабида "Сабзавотчилик ва иссиқхона маҳсулотларини етиштириш" мавзусида кўргазмали семинар бўлиб ўтди.
Семинарни “SYNGENTA” ва “YARA” компаниясининг ходимлари олиб боришди.
▶️ “SYNGENTA” компанияси деҳқонларга ва фермер хўжаликларига турли хилдаги қишлоқ хўжалик маҳсулотлари уруғларини етқазиб бериш билан бирга, техник кўмак кўрсатиш ва маҳсулотларни ҳамкорликда етиштириш билан шуғулланади.
▶️ “YARA” компанияси эса қишлоқ хўжалиги маҳсулотларини ишлаб чиқарувчилари учун зарур бўлган, баланслашган озиқа элементларга бой бўлган минерал ўғитларни етқазиб беради.
Мазкур кўргазмали семинарда ўсимликлар карантини ва ҳимояси бошқармаси ва туман бўлими ходимлари, фермер хўжалик раҳбарлари, тадбиркорлик субъектлари ва бошқа мутасадди ташкилот ҳамда корхона раҳбарлари, ходимлари иштирок этишди.
✅ Семинарда барча қишлоқ хўжалик маҳсулотларининг очиқ ва ёпиқ майдонларда етиштириш технологияси, экилиши ва етилиши муддатлари, бизнинг иқлим шароитимизда экилиб юқори ҳосил бериши мумкин бўлган қишлоқ хўжалик маҳсулотларининг (помидор, бодринг, карам, гулкарам, маккажўхори, редиска, булғор қалампири, бойимжон, брокколи в.ҳ) дурагай навлари, уларнинг касаллик ва ҳашаротлар билан зарарланиш даражалари ҳамда чидамлилиги ҳақида семинар иштирокчиларига тўлиқ маълумот бериб ўтилди.
Савол ва жавоблар билан қизиқарли давом этган ушбу семинарда, иштирокчиларни қизиқтирган барча саволларга тўлақонли маҳлумотлар берилди.

Самарқанд вилоят ўсимликлар карантини ва ҳимояси ахборот хизмати

Каналга қўшилинг 👇👇

https://t.me/Samkarantin

🌐 https://www.instagram.com/samkarantin99?r=nametag

🌐 https://www.facebook.com/profile.php?id=100073345246541

🌐 https://youtube.com/channel/UCeMdD5Tkf193unqC6ShdWbA