اليوم چي حلمان بيك
الدنيا حِلوة
وناسّها المتعوبة حِلوة
بيضة كُلش
ترفة كُلش
چنها أصابيع العروسة
اليوم حالف ياهو يتلگاني أبوسة
♡

ترهَ تعافيت مِنهن
لايظلَ بآلك
موّ آنه اليچلب بعَد بذيالك
ولا آنه الـ بَعد يسهَر يتانيّ تعود
خَلني وحدي أعيش
ووحَدك أحلالك
ماشَمك بعَد لوّ شيلة أُمي تصيّر
ولا أفطُر بعَد لوّ بين هلالَك
آنه بخير ، وأضحك
وأختلط بالناس
مو ذاك القَديم الـوَحده ينعالك
♡

وديربالك
تنسّى روحك من جديد
وترجع تغني لحزنهم ..
♡

چنت اودهم
چنت اظن سدرة بـ ظهاري الصيف
تچويني الشمس واگعد بـ سدهم !
♡

-

خِوفتي مِن باب گلبي
خاف ينسَد وإلك جَية
وخافِ أفتحَة
وگُلشي بَالدنيا عَداك
يمّر عَلية .
♡

انتي حركتي البحر من بعد سكته
انتي حليتي الســؤال المــا عرفته
انتي خليتي النجم بيعوني يلتم
والنجم مو هينه لمته
♡

اعطش من اشوف عيونج الحلوات
چنت ل شوفتج صايم ❤️‍🩹

-

بَعد ماتسوة نتعاتب
لگيت چفوفة بيها چفوف .
♡

الـ على ايدك مايضل
شلفايده من يعود
يتبعثر وراك وتلتفت يلتم
من حبيتك شگد نبهتني الناس
بس اخجل اگلهم گلبي مايفهم
عشت الخاطرك من انطعن ماگول
وبحره صوابي گبالك اتكتم ..
♡

شكد شايف وعشت وشفت
بس كل حياتي ما شفت
واحد عيونه مگذله
والشامه تتعدى الوصف
وتدلي چنها البوصله


يوسف عبد الحسين

_

الظرف من يوصلك مو كلشي گايل
البچي والرجفة والنومة
هذن شلون احطهن ب الرسايل؟
♡

نوبات الحِزن يحتاج
شبگة أيد ومسامر
وحچي وغنوه
♡