حتى گلبك
ذاك الاسود
هم مدحتة
وگتلك بلون
الكِحل
♡

انا بگد ما چنت اهواك
ندم عضيت اصابيعي
♡

انه الخواف يا دنيا
وحال المبتلي حالي
اعبر ع النهر عطشان
والمي مو على بالي
♡

لابد يردون باچر،
سوي نفسك ما شفتهم
بالك يحسون انته تذكرتهم
اثگل شويه يگلبي..
مره خليهم محطه وانتَ سافر
انتَ والدخان وصبرك والمطر..
ادري بيك تريد تبچي ابچي وحدك انه ساكت
بس احلفك يا گلب يكبير لا ينخطف لونك لو شفتهم سلم بسرعه
ولون نشدوك تعرف واحد يگص التذاكر ؟
گلهم الشباچ گصلكم شهر.

- مظفر النواب

صحت أسمك گبل
ماضوگ طعم الصوت
وأول ماعرفت الصوت سميتك
♡

لا تمشي ابدرب مديوس
هاي ادروب تعبانه عليها اثار
سويلك درب تلكَه عليْه نفسك
سفينه وصاريه وبحّار
♡

أگضي اليوم كله ويآه ، وأرد أشتاگله من ينام .
♡

عريان السيد خلف :
وَأظلن
سَاعه أواسي الروح
ساعه اشتاگ ساعه أعذِل .
♡

حرامــات

حلم عمـيان
ضميت الرسايـل شـوف
من شحت مكاتيبـك

عباس جثير .

طحت اليوم باجر هم تطيح انت
المطر والناس كلمن طيحته بوكته

عمار سالم

ويــا مــرارة لــيشــنة بطــرف اللِــسن

عريان السيد خلف

عسىٰ و بلچَـن
تلوحك من بگايا ايامـنة
صفنة
و تفر دولاب وكتك
وين مادرنة

عريان السيد خلف