Sharof Rashidov nomidagi Samarqand davlat universiteti rahbariyatining talabalar va ularning ota-onalari bilan uchrashuvi bo‘lib o‘tdi. Uchrashuvni universitetning o‘quv ishlari bo‘yicha birinchi prorektori Ahmadjon Soliyev ochdi va universitet rektori, O‘zbekiston Respublikasi fan arbobi, Oliy Majlis Senati a’zosi Rustam Xolmuradovning fikr-mulohazalari hamda istaklarini talabalarga va ularning ota-onalariga o‘qib eshittirdi.

Shundan so‘ng universitetning ma’naviy-ma’rifiy ishlar va yoshlar masalalari bo‘yicha birinchi prorektori Subhon Abbasov, Markaziy Osiyo xalqlari tillari va madaniyati instituti direktori Jo‘liboy Eltazarov va boshqalar so‘zga chiqib, universitetda amalga oshirilayotgan ishlar, yaratilayotgan imkoniyatlar, talabalar oldiga qo‘yiladigan talablar xususida so‘z yuritdilar.

Ota-onalar vakillari va talabalar muzokaralarda o‘z mulohazalarini bildirdilar. Universitet rahbarlari barcha savollarga batafsil javob qaytardilar. Ishtirokchilar uchrashuvdan mamnun ekanliklarini ta’kidladilar.

✅ Ijtimoiy tarmoqlardagi sahifalarimiz:

🌐  Samarqandim.uz | ✅ Telegram | 🌐 Instagram | ✅ Facebook | 📹 You tube

Samarqand davlat universiteti, Biokimyo instituti genetika kafedrasining mudiri Farid Ruziyev xalqaro loyiha doirasida Xitoy Xalq Respublikasining Shimoliy Gʻarbiy A&F universiteti olimlarining taklifiga binoan stajirovka safarida bo‘lib turibdi. Xizmat safari davomida ushbu universitetda tahsil olayotgan tayanch doktarantlarimiz (PhD) Muxriddin Annayev, Dilshod Quvondiqov va Jahongir Shamiyevlarning tadqiqot ishlari jarayonlari bilan bevosita tanishib oʻtdi. Bundan tashqari universitet olimlari bilan birgalikda navbatdagi loyihalarni hamkorlikda amalga oshirish va ilmiy tadqiqotlar rejalari boʻyicha kelishib olindi.

✅ Ijtimoiy tarmoqlardagi sahifalarimiz:

🌐  Samarqandim.uz | ✅ Telegram | 🌐 Instagram | ✅ Facebook | 📹 You tube

O‘zbekiston Respublikasi Harbiy xavfsizlik va mudofaa universiteti Serjantlar tayyorlash oliy maktabining Milliy iftixor va harbiy vatanparvarlik kafedrasida Sharof Rashidov nomidagi Samarqand davlat universiteti Amaliy psixologiya kafedrasining filialini tashkil etish bo‘yicha hamkorlik memorandumi imzolandi.

Ushbu hamkorlik shartnomasida ta’lim va tadqiqotlarni birgalikda olib borish, ilmiy loyihalarni hamkorlikda amalga oshirish, ta’lim va ishlab chiqarish jarayonlarini integratsiyalash kabi bir qator masalalar nazarda tutilgan.

✅ Ijtimoiy tarmoqlardagi sahifalarimiz:

🌐  Samarqandim.uz | ✅ Telegram | 🌐 Instagram | ✅ Facebook | 📹 You tube