“22-noyabr — Xalqaro psixologlar kuni”

“22-noyabr — Xalqaro psixologlar kuni” munosabati bilan Samarqand davlat universitetining зsixologiya va ijtimoiy-siyosiy fanlar fakulteti amaliy psixologiya kafedrasi professor-o‘qituvchilari va fakultetning ijtimoiy ish ta’lim yo‘nalishi talabalari ishtirokida “Psixologlar qalb tarjimoni” mavzusida tadbir o‘tkazildi.

Tadbirni psixologiya va ijtimoiy-siyosiy fanlar fakulteti dekani, dotsent Zarifa Muminova kirish so‘zi bilan ochdi. Tadbirda talabalar tomonidan hozirgi kunda yoshlarni qo‘llab-quvvatlash, oila muammolari, psixologik zo‘riqish va toliqishni kamaytirish, ularning oldini olishga qaratilgan ijtimoiy-psixologik sahna ko‘rinishlari namoyish etildi.

Tadbirda Samarqand viloyati Ichki ishlar boshqarmasi xodimlari, boshqarmaning ma’naviy-ma’rifiy ishlari va kadrlar bilan ta’minlash xizmati boshlig‘i o‘rinbosari Asqar Karimov hamda O‘zbekiston Respublikasi Harbiy xavfsizlik va mudofaa universiteti Sеrjantlar tayyorlash oliy maktabining Milliy iftixor va harbiy vatanparvarlik kafedrasi boshlig‘i, professor, podpolkovnik Lochinbek Ravshanov, O‘zbekiston Respublikasi Harbiy xavfsizlik va mudofaa universiteti Markaziy harbiy okrug qo‘shinlarini tayyorlash fakulteti boshlig‘i, dotsent, polkovnik Anvar Jabborov qatnashdilar.

Tadbir yakunida faoliyatida fidoyi, bilimli xodimlar hamda professor-o‘qituvchilar, faol talabalar tashakkurnoma va faxriy yorliqlar bilan taqdirlandilar.

✅ Ijtimoiy tarmoqlardagi sahifalarimiz:

🌐  Samarqandim.uz | ✅ Telegram | 🌐 Instagram | ✅ Facebook | 📹 You tube

DOLZARB MUAMMOLAR MUHOKAMA QILINADI

Yo‘qolib ketish xavfi ostida turgan yovvoyi fauna va flora turlarining xalqaro savdosi to‘g‘risidagi konvensiya — CITES COP-20 ishtirokchilarining XX konferensiyasi 2025 yil 24 noyabrdan 5 dekabrgacha Samarqand shahrida bo‘lib o‘tadi. Ma’lumot uchun aytish kerakki, CITES COP-20 noyob hayvon va o‘simlik turlarini himoya qilish, ularning xalqaro savdosini tartibga solish bo‘yicha qarorlar qabul qiladigan nufuzli yig‘indir. Ushbu faoliyat BMT rahbarligida amalga oshiriladi.

Mazkur xalqaro anjumanda ishtirok etish uchun Bazel, Rotterdam va Stokgolm konvensiyalari (BRS kotibiyati) ijrochi kotibi Rolf Payet boshchiligidagi mutaxassislardan iborat delegatsiya Samarqandga tashrif buyuradi. Tashrif doirasida mehmonlar Samarqand davlat universitetida ham bo‘lishadi.

Rolf Payet — ekologiya, dengiz tadqiqotlari va barqaror taraqqiyot sohalaridagi taniqli olim. U Seyshel orollari Respublikasi prezidentining iqlim siyosati va barqaror taraqqiyot masalalari bo‘yicha maslahatchisi, Seyshel universiteti rektori kabi nufuzli lavozimlarda faoliyat yuritgan. U kimyoviy moddalar va chiqindilar oqimini boshqarish, aylanishga asoslangan “yashil” iqtisodiyotni rivojlantirish kabi dolzarb yo‘nalishlarda tadqiqotlar olib boradi.

Anjumanda kimyoviy moddalar va xavfli chiqindilarning atrof-muhit hamda inson salomatligiga salbiy ta’sirini kamaytirish, qishloq xo‘jaligi va oziq-ovqat xavfsizligi bilan bog‘liq masalalarni hal etish kabi muhim mavzular muhokama qilinishi kutilmoqda.

✅ Ijtimoiy tarmoqlardagi sahifalarimiz:

🌐  Samarqandim.uz | ✅ Telegram | 🌐 Instagram | ✅ Facebook | 📹 You tube