حاولتُ أن أبتعد ، لكني وجدت نفسي ضعيفاً جداً ، لم أجد شخصا غيرك لأخبره بأني ضعيف ، وأن الحزن يميتني كل ليلة ، فقط أردت أن أحادثك لأخبرك بالغصة الوعرة الساكنة في قلبي ، ولأخبرك أن البعد قاسٍ جداً لا أقدِرُ عليه ، أردت أن أخبرك بأني حاولت مئة مرة أن أتخطاكِ ولكني لا أستطيع ،
أتعلمين.. حين تمر دقيقة لا أفكر بكِ فيها ، أود أن أهرول إليكِ لأخبركِ بالانتصار الذي حققته .

يا عزيزتي أنا ضائِع جدا ، أفتقدكِ وأفتقد نفسي كثيراً ، أنا لا أعرف أحداً سِواكِ ، و لا أمتلك أحداً لأشاركه كل الأسئلة التي تُراود عقلي .

أتساءل كثيراً.. كيف حالُكِ بعد الفراق ، هل يؤلمك ما يؤلمني أم أنني أبالغ ! أتساءل كثيراً كيف حال الوعود ، وأتساءل عن الرسائل والورود ، وعن قهوة الصباح ، والابتسامات المُطَمئِنَة ، ونظرات الأعين ، ماذا أيضاً عن القسوة التي لا أستحقها ، هل يراودك الندم من أجلها ؟💛🍂

#شبيهة_القمر 🎵🖤👍

لما بينتزع شي غرض عند حدا فينا بنكبه !!
متل قطعة تياب مثلاً ب أول فترة بكون طاير عقلنا فيها
وما ع بالنا نشلحا ع قد ما حبيناها وتدريجياً بنصير نمل منها شوي شوي بعدا بتنهمل بتنترك بتنتسى بتنكب ..
غنية نازلة جديد لـ أدهم نابلسي أو ناصيف زيتون يالله شو حلوة " يا الله مابينشبع منها " وبس ينزل غيرها بننساها بالنهاية ح نشبع منها ونجوع لـ غيرها( متل أغلب العلاقات يلي عم نعيشها هلأ ) بتلاقي حالك عم تقدم حالك لـ شخص بكل حبك إخلاصك صدقك و وفاك وكل همك كيف ترضيه ويلي بيحز ب الروح إنك رغم كلشي بتعمله ما بتلاقيه رضيان طيب أنا كتير عم حاول داري زعلك كتير عم حاول وقف معك وأنا بعز حاجتي ليوقف معي حدا تغيرت مشانك لعنت مبادئي ودعست الغصة كرمال ترضى ليش مارضيت
بس نيال قطعة التياب والغنية وكلشي مستهلك لما نمل منه قادرين نتخطاه أما القلب كيف ح ننساه وهو عم يدق جواتنا كيف ح نتخطاه وهو الجزء المسؤل عن الشوق الـ دايبة فيه رواحنا
أوقات بتصفن لتلاقي جواب يقنعك ليش هيك صار وكيف صار ليش هالشخص الله ما بعتله حدا بيشبه ليش إجاني أنا شو ذنبي أنا طيب ما قال : رب العالمين بكتابه الطيبون للطيبات
بتعرف شو أبشع ردة فعل ممكن تصير بحياتك إنو يجيك حدا يقلك : بحبك وهالحدا يكون كتير صادق بس إنت مش قدران تتقبله ولا تعطيه فرصة مو لأنك ما ع بالك تحب لأنك عنجد بيوم حبيت لخلص كلشي عندك حب
لتعطل قِلبك ومتل قطعة التياب صار للكب .. !!✨💛


#شبيهة_القمر 🎵🍒🖤

أمنتَ ب أنو ..
اللي بدو ياني بحياتو رح يهتم لوجودي رح يقرب لو كنت ابعد من سابع سما رح يحاول رح يبادر حتى لو بتفصيل صغيرر ، وللي مابدو رح يبعد حتى لو كنت قريبة منو متل قرب شريان للقلب ، لهيك ماعد عندي طاقة لاتعب وعافر بعلاقات وحافظ وشد ع ايد لي بترخي ، بدي مين يشد ع ايدي ، 💛✨

#شبيهة_القمر 🎵🖤🍒

لا تسكرو البواب بوجهنا فجأة وتقولو نحنا مقصرين معكن لا تتركونا مو فاهمين نحنا شو بالنسبة الكن لا تخلونا نضيع و نحنا
نفكر اذا انتو بتحبونا وإلا بطّلتو لا تستقو علينا لانو إلكن معزّة بقلبنا ، لا تزيدوها لأنكن بتعرفو أنو رح تاخدو فرص بكل مرة
لاتحسسونا انو نحنا ضعاف لأنو منحبكن كل القصة انو نحناا ما منحب نعيش دور الضحية ، و لا منحب نشوف شفقة بعيون
حدا نحنا ما منقبل ع حالنا الإهانة و لا منقبل نكون مكسورين هيك طبيعتنا ما بينفع
نكون إلا متماسكين ضروري صورتناا تكون متوازنة بنظر حالنا ، ضروري كتير نكون كبار بعيين حالنا !!💜

#شبيهة_القمر 🎵🍒👌

نحنا قصتنا غير" قولاً وفعلاً "
الوقت بينلي أنو نحنا غير ؛ أنت مثلا مافيك تبعد عني ولا قدرت تنساني ؛ مقدرت تلغيي وجودي بحاضرك وماضيك ويمكن مستقبلك ؛ وجودي بعدو بالمركز لاول ، حتى بعدم وجودي موجودة ؛ وأنا شو بدي قلك عني أنا ؛ أنا حاولت دور ع شبيهك لإلغيك بس كل رجال لأرض فشلو بانهن ينسوني تفصيل واحد من تفاصيلك ؛ كلامك المنطق والثقة اللي بتحكي فيهن ؛ وعيك وفهمك للمواضيع ؛ رجاحة عقلك ؛ وكتير شغلات عنك بدي سنة لخلص عدها ؛ لك نحنا حتى صمت كان يحكي بيناتنا ؛ وكان اللي بميزنا طريقة حوارنا وننقاشنا ؛ نحنا ولا مرة حكينا بشي سخيف او مالو قيمة متل اغلب شات اللي بين المرتبطين بهل وقت ؛ ولا مرة غلطنا بحق بعض لو بكلمة ؛ بنمزح وبنضحك بس الاحترام اساسي ؛ حب بلا احترام هاد مو حب " اما نحكي شوي عنهن ف هني بسبو بعض وبتقلو ياكلب وبقلا ياحمارة وياحبيبي مفكرين حالهن بعلاقة حب هني بعلاقة ضياعة وقت مراهقة ويمكن غبا بس ابداً مو حب " نحنا ياحبيبي مافي متلنا ابداً ؛ لانو انت مافي نسخة تانية منك ؛ ولا أنا في نسخة مني ؛ غير قابلين للنسخ ؛ بعكسهن هني صارو كتير بيشبهوا بعض صارو نسخ غير منتهية عن بعض ؛ لو بس يكونوا هني ومايكونو غيرهن ؛ نحنا حبنا الحب الصادق الطاهر ؛ نحنا ابداً مابنشبهن ولا هني بعمرن رح يشبهونا ؛ وهيك نحنا غير بالفعل غير 💙|🌼!
#شبيهة_القمر 🖤🎵🍒

شو حلو شعور الأريحية الي بيجي مع" الشخص الصح"..
ما تعتل هم شي معو..لا كلمة..ولا حركة..ولا تصرف.. لانو هو بيعرف نيتك وبيعرف قلبك..وحافظك اكتر مو حافظ حالك..
وبيعرف انك رح ترجع لقلبو لو شو ما صار💙
ولو شو ما صار هو مابيترك قلبك..
هاد الشعور الي مملكني الدنيي معك يا غلايي..ومخليني أمنك مو بس ع حبي..ع روحي وقلبي كمان..
وبرتاح معاك..💙 🎶

#شبيهة_القمر 🎵🖤🍒

الشعور الي كتير بشع انك تتامل كتير بناس باشيا بمواقف حتى بتتامل بحالك شغلات غريبة و بالاخر حتى انت بتخيب حالك
بتتذكر كم مرة قلت رح التزم بكورس كذا
وقديش قلت حاتبع نظام غذائي و العب رياضة كل يوم
انت لحالك عم تخذل حالك
ما عم تساعد حالك
كيف بدك العالم ما تخذلك و يوقفو معك؟
وقف مع حالك و دير بالك عليها
انت الاساس و انت اهم من كلشي
دير بالك عحالك لان انت بتستاهل الخير بس و م بتستاهل حدا او شي يكسرك
معاك انا يا قوي💚

#شبيهة_القمر 🎵🖤🍒

أنا فخورة بحالي أني عم بكتب آخر نصّ بخصك ، تغيرت كتير وبطلت فتّش ع شب بيحمل تفاصيلك ، أو حكياته وتصرفاته بتشبهك، أو صوته بيشبه صوتك ، ونسيت خبرك أنه نسيت نغمة صوتك كيف هيي، واللحن اللي في لما كان يسأل عليي...

أصلًا بتصدّق أنه آخر فترة فقدت الأمل أنه لاقي نسختك وحبها أكتر منك؟!
لحد ما إجا الأمل لعندي، وقلي أطلعي الدني مليانة ، بس أنا معد شفت الدني، صرت شوفه هوّ بس، هوّ عندي الدني.. خبرك عنّه؟
هوّ شخص كتير بيشبهني، تخيّل أنه منقول ذات التفاصيل سوا؟ ورأيي متل رأيه، مو متلك هو ّ، ما بيقارن رأيي برأي حدا، ولا بعصّب عليي إذا آرائنا مختلفة هوّ متل الملاك ، حبّيت ضحكته ، بسمعها حتى لو كتابة مش صوت. ولو بتشوف عيونه يا ماضيِّ ، صرت أندم كيف كنت قول لعيونك أحلى عيون، نظرته للكاميرا حنونة، يا ترى كيف رح تكون نظرته إلي أنا؟ ولو تشوفني بس أسمعه عم يتغزّل فيي كيف بصير ، بلفّ بلفّ بالغرفة وبتطلّع بحالي عالمراية وبحبني أكتر، خلاني حب حالي والله. الماضي مش مهم، بقصد إنتَ مش مهم، هوّ الأهم، هوّ حاضري، وبتمنّاه مستقبلي 💙🌿
__

#شبيهة_القمر 🎵🖤🍒

متل ما بتزرع بتحصد... لكل فعل رد فعل..
عبارات كتيرة الها المعنى نفسو و نتيجتو مضمونة عطول✨
لما بتتعامل بلطف و محبة مع الكل حينردلك هاللطف و المحبة يمكن مو من الاشخاص نفسن يمكن بشكل تحقيق شي حلم
لما بتكون حدا سلبي و محطم و عم تتعامل بفوقية مع ايا شخص رح يجيك نفس التعامل من هالشخص و من الدنيا و لو كنت بتفوقو بالعلم او بالنسب او حتى اعلى منو بالتسلسل الاسري فلما عم تتعامل بسوء و نفسية سيئة و أنانية ما رح تلاقي تقدير و لو تعبت لتعمل شي كرمال هالحدا
متل ما بتزرع رح تحصد
زرعت حب و تعاون و سلام و صحة نفسية حتاخدن
زرعت توتر و سلبية و انانية و عدم تقدير و تحطيم لاي شي فرح تاخدن و لو كان واجب الاحترام بالعلاقة
الرد الطبيعي لايا فعل استحقار هو استحقار او تجاهل مستفز
انتبه لتصرفاتك و غيرها و حسن من حالك قبل ما تطلب من غيرك يتحسن لان اذا ما غيرت افعالك مارح تتغير النتائج ابداً 💚
كل الحب💚

#شبيهة_القمر 🎵🖤🍒

#اوعك_تبكي ..💙

أنتي كبرتي وصرتي اكبر من أنك تبكي ع اشيا هيه ضيعتك مش انتي الي ضيعتيها
اوعك تلومي حالك ع شي انتي ما الك ذنب فيه لو هو خير الك كان ضل معك ..

بعمرك لاتفكري انو الي بحبك مارح يروح....لا ليكي ح قلك شي كلشي بروح هو وعم بروح الوهم ليجي الحقيقي محلو ....فلا تفكري انت سيئة الحظ رقم واحد لا انت بسيطة بس و قلبك طيب زيادة عن اللزوم... حطي قدامك انك انتي الي رح تبقي .. وانتي الي رح تدومي لنفسك وبس
تأكدي في شي حلو ناطرك ....جني...ضحكي....رقصي ...
لا تحبسي حالك مع وجع ولا غصة ....مافي حدا مستاهل يخليكي مشغولة البال لحظة
وتذكري انو ضحكتك بدها قلبين زرق وك ضحكتك رزق يا بنت💙

#شبيهة_القمر 🎵🖤🍒

كانت رفيقتي صبورة كتير ؛ صبورة ب تعاملاتها ، علاقاتها
كانت بتستحمل عموما ،
"قنبلة فرص" بينقال عنها ! كنت قلّها :
"انتي قنبلة فرص ، شو كل هاد ؟ كيف بتقدري بتعملي هيك؟"
كانت تحب شخص كتير ،
بشكل كتير غريب ،
كانت بتعمل كلشي ممكن مشان يكون هوي مبسوط ،
بتستحمل طبعو اللي مو دايما بِكون لطيف
صبورة على كلامو وطريقتو ،
كنت بقعد أسرح وقول اكيد هي موهبة عظيمة ،
موهبة الصبر على اللي بتتعرضلو بالحياة ،
بس الأهم صبور ع اللي بتحبهن وعلى اخطائهن ب حقك !
بس ما كنت اعرف اذا اللي عم تعملو صح او لاء

بعد فترة شفتها ، وقالتلي تركتو ؛
استغربت كتير ف سألتها لي ؟
قالتلي "اتخانقنا على قصة تافهة "
استغربت اكتر مشان على حسب حكيها هيي
قصة تافهة ؛ لي بعد الصبر هاد كلو تقرري تمشي هلأ ؟
"قالتلي ليكي أنا كنت بصبر لأني بحب ، حب عنجد ،
أنا بصبر وأنا واعية انو اللي قدامي بيغلط ، بس بعطيه فرصة ورا فرصة على أمل انو يفيق ، البني ادم اللي ماعندو القدرة انو يحس انو اللي قدّامو بِحبو وبِحاول بكل ما عندو من قوة وصبر انو يسامح ويمرّق ما بيتساهل الفرصة !
البني ادم اللي بيبدا يشوف هاد وكأنّو أمر عادي ، طبيعي اني استحمل ، طبيعي اني مرّق ؛ يبقى شخص غبي !
لأن مافي شي بيجبرني ، حتى قلبي ولو روحي فيه بعمرو ما رح يجبرني اني ضيّع عمري على شخص ما بيستاهل
شخص ماقدّر .... مشان هيك هيي لحظة
لحظة بتجي وبقرر فيها إني أمشي
بدون رجعة وبدون ندم مشان لو في حدا حقيقي حاول وقدّم فهوي أنا !🌼🌵

#شبيهة_القمر 🎵🖤🍒

لا تسكرو البواب بوجهنا فجأة وتقولو نحنا مقصرين معكن لا تتركونا مو فاهمين نحنا شو بالنسبة الكن لا تخلونا نضيع و نحنا
نفكر اذا انتو بتحبونا وإلا بطّلتو لا تستقو علينا لانو إلكن معزّة بقلبنا ، لا تزيدوها لأنكن بتعرفو أنو رح تاخدو فرص بكل مرة
لاتحسسونا انو نحنا ضعاف لأنو منحبكن كل القصة انو نحناا ما منحب نعيش دور الضحية ، و لا منحب نشوف شفقة بعيون
حدا نحنا ما منقبل ع حالنا الإهانة و لا منقبل نكون مكسورين هيك طبيعتنا ما بينفع
نكون إلا متماسكين ضروري صورتناا تكون متوازنة بنظر حالنا ، ضروري كتير نكون كبار بعيين حالنا !!💜

#شبيهة_القمر 🎵🖤🍒

في الأغلب الناس المدمنة للتفاصيل هما أكثر ناس بيثقوا في غيرهم بسرعه ، بيتعلقوا من نظرة او كلمة وممكن يفتكروها سنين طويلة وكأن الموقف حصل معاهم إمبارح ، دايما شعور بانهم مش بخير ملازمهم طول الوقت ، أذكية جدا في امور دنيتهم اغبياء جدا في توزيع مشاعرهم ، ناضجين العقل طفولين القلب ، ممكن يعيطوا من مشهد فلم ويحبوا شخص بطريقة لا توصف ومن اقل موقف يكرهوه عشان أذاهم نفسياً ، بيعرفوا يحكموا ع الشخص من قبل ما يتكلم ملامح وشه كافيه تعرفهم تفاصيل روحه ان كانت نقية والا ملوثة ، جدعين لو شافوك بتعيط هيطبطبوا عليك وهيعملوا كل اللي لا يمكن تتخيله عشان يطيبوا خاطرك ، وعلى قد تفاصيلهم البسيطة على قد ما صعب جدا تفهمها وتحللهم عشان هما اصلا مش فاهمين نفسهم ولا عارفين هما عايزين إيه ، كل اللي يعرفوه إنهم وقت م الظروف تتقل عليهم وتحني ظهرهم يلاقي حد فاتحله حضنه..

#شبيهة_القمر 🎵🖤🍒

كنت عم أحلم فيك الرفيق يلي رح قضي معه باقي هالـ عمر ، بس للأسف كان في حدا عم يستغل محبتك فيه ويقطع الحبل يلي بينا ، أنا ما عم لومك أبداً كنت بعرف بمحبتك العظيمه لهداك الانسان ، بس كان لازم ما تخلي يخترق جسمك ويحاول يوصل لعندي ، ما بعرف شو كنت عم تحس وقت كنت عم تحكي الشي يلي أمنتك فيه ، وما بعرف كمان اذا أنت يلي حكيت ولا بس بسبب حبك لهداك الحدا ما قدرت تضبط حالك وتحفظ سري ، بتعرف شو الفرق بيني وبينك ، أنا خليتك كلشي عندي بس انت ما خليتني كلشي عندك ، في فرق صغير كمان اذا حابب تسمع ، أنا خليتك أقرب من كل يلي بعرفهن قبلك بس أنت لا ، و من هون بدأت قصتنا ، وياريتها ما بدأت 💜🥺

#شبيهة_القمر 🎵🖤🍒

شب بيحكي إنه ضل متقاتل مع صاحبو 4 سنين
ولما اجا اليوم الي قرر فيه يصالحه ، ضل يرتب بكل الكلام وكل العتاب و بعد أذان الفجر سمع اسم صاحبو بينادوا عليه بالمسجد انو ( توفى )..

ولد ضل يحب بنت سنتين دايماً كان يخاف ويتردد إنه يحكيلها وكل تفكيره انها رح ترفض ، ويوم ما قرر يستجمع شجاعته ويروح عشان يتقدملها عرف انها تجوزت وسافرت مع جوزها ، انجن مشان يوصلها وبعتلها رسالة حكالها فيها قديش كان يحبها و نفسه يعترفلها. وكان ردها رد هو ما توقعه. هي كمان بتحبه وكانت مستنيته طول الوقت بس خلص الوقت مضى وهي صارت متجوزة ..

واحد اتقاتل مع امه وتركلها البيت شهر لا بيعرف عنها شي ولا هي بتعرف عنه شي ، ويوم ما قرر يحن عليها ويرجعلها أهل المنطقة حكولو انها ماتت من حسرتها وخوفها عليه ..

#الفكرة 💙
نحنا بنضيع سنين وبنضيع حكي لناس بنحبهم عشان بنخاف من ردة الفعل تبعتهم او كبريائنا بيمنعنا او #عشان_اسباب_ما_الها_طعمة !
اتحركوا واحكوا يلي جواكم قبل ما الوقت يمضى💙

عاتبوا و انسوا و سامحوا ، الزعل بروح بكلمة حلوة ، وبضحكة صافية ، ممكن بلمسة ايد او حتى حضن ...

مو مهم مين الغلطان ، مو مهم مين يبلش ، بلشوا انتو بالصلح 💙
ما تخافوا من رد الفعل ؛ لانو ممكن يكون الي انت بتستناه هو أصلا بستناك
انسوا الغلطة و بلشوا من جديد💙🌻.


#شبيهة_القمر 🎵🖤🍒

في مواقف كتير بستحق أعنف ردود الأفعال بس نحن منوقف ساكتين

مع إنو بكون عنا حكي قاسي كتير ومنقدر نقولو

بس في شغلة وحدة بتعقد لسانا
وبتخلينا نفكر ألف مرة بأي كلمة بدنا نقولا

شغلة بتقلنا بصوت كتير واطي يا دوب مسموع
|اهدى؛فكر منيح؛ما تهد كلشي بنيتو بلحظة وحدة |


الشغلة هي اسمها العِشرة..

الانتقام ما في أسهل منو

والصرح إلي بياخد شهور وسنين لنبنيه .. مجرد دقايق كافية لتهدمو وتدمرو

ف لهيك ياريت تكونوا فهمانين

وياريت مايكون رصيد الأيام والمواقف الحلو إلي منعمللكن حساب فيه
هو نفسو إلي بتسغلوه لتلغونا من حساباتكن

خلاصة كل هالحكي

إنو أحياناً بيكون الاستسلام ب حرب انفرضت علينا ضد إلي منحبن انتصار..
مو هزيمة 🤷🏻‍♀♥️


#شبيهة_القمر 🎵 🌸

هناك مرض صامت اسمه "التعود على النعم" ك انك تألف نعم الله عليك وكأنها ليست نعم ان تدخل على اهلك وتراهم بخير فلا تشكر الله على ذلك ان تمتلك المال الذي يجعلك تشتري كل ما تريد دون ان تحمد الله على ذلك ان تستيقظ من النوم وانت بخير وعافيه دون ان تحمد المولى عز وجل .. اللهم اني احمدك واشكرك على نعمك واني احمدك في الضراء قبل السراء.

#شبيهة_القمر 🎵🖤🍒

لما تعمل شغلات حلوة مع الناس الغلط بعدها بمشوا من حياتك ، ف إنت ربنا رح يعوضك ب ناس أحسن بعوضوك بشغلات حلوة أكثر ما انت عملت ، والناس الغلط يلي مرقوا بحياتنا زمان رح يرجعوا يحسوا بقيمتك أكثر وحيتمنوك تسامحهم ، ف ما في شغلة بتعملها خسارة ، كُله رح يرجعلك💕

#شبيهة_القمر 🎵🖤🙈

قررت ما أعطي وعد لأي شخص - مهما كان قريب - انه راح اضل معه على طول، وما
أسمح لحالي أصدق انه في حدا دايملي وما بقدر يستغني عني..

مش تشاؤم، بس صار عندي قناعة وإيمان داخلي بأنه كل شيء مؤقت ومهدد بالإنتهاء، كل اشي ممكن يكون أو ما يكون.. وطالما في وقت وفي حياة وفي عقل عند البشر، ما في وعِد مضمون..
صار في شي جواتي متأهب ومستعد لغياب أي شخص، صرت أستعد للخسارة قبل الربح، وأحضر نفسيتي للخيبة قبل الفرح..

صارت علاقاتي ضمن حدود، وقربي ضمن حدود.. قررت ما بدي اقرب من شخص يخليني عاجز اتخلى عنه .

تعالوا نتذكر أشخاص ياما قلنا مستحيل نفترق عنهم ومستحيل نقدر نعيش بدونهم.. وهيهم عاشوا بدوننا وعشنا بدونهم!
هينا صرنا نسمع أخبارهم من الغريب، بعد ما كنا احنا كل أخبارهم، بعد ما كانوا يتمنونا ويحلموا فينا، ويحلفوا بغلاوتنا عندهم .. بطلنا نعرف اذا بنخطر على بالهم أصلاً، ولا نسيونا..
كإنهم بعمرهم ما عرفونا. .... وهيك يعني


#شبيهة_القمر 🎵🖤🍒👌

بقولو ما حدا بيتمنى الخير لحدا
ضيّعت وقت كتير لعرفت هالشي ، كنت بكل مرّة دافع عن حدا أو استثني حدا ، قول لا هاد مستحيل يكون متل الباقي ، أو لا هاد الشخص بحبني ، أو هاد الشخص رفيقي و بعزّني كتير ، بس لأ .. بكلّ مرة كان يخيب ظنّي .. و ارجع عيد غلطي و أوثَق
•• اذا صار و تمنّولك الخير رح يكون بشرط "هالخير ما يخليك أحسن منُّن" و بس
اعتمدوا على حالكن ، أنتو بس سند نفسكُن
•"الجميع جُدران مائِلة"• 👏🖤

#شبيهة_القمر 🎵🍒