بنوصل لمرحلة ال"خلص" انتهى كل شيء، ما عندنا روح نعمل علاقات، نطبطب نواسي، نعطي ثقة، نشرح نفسِّر، عادي ياخدوا فكرة سيئة حسنة مش ولا بُد، بنضطرش نجامل ولا نتكلف، بنكون واضحين تماماً، وكله ما بهمنا جد ما بهمنا، خلص اكتفينا بكل حاجة حوالينا وبين إيدينا، يمكن شوية بتفقد شغفك فالحياة، وبتبدأ تتحول الصورة للون رمادي شوية شوية، بس بتحس حالك بمنطقة محظورة ممنوع حدا يلمسها غيرك وغير الأعضاء المالكين حدودك، بتحس إنك متضارب شعورك ومش عارف هل إنت مرتاح بهيك جو ولا لأ 💙!

#شبيهة_لقمر 🍒💋

لما يغيب عن حياتك شخص انت متعود ع وجودو بيومك بكل تفاصيلو رح تحس بنقص كبير ومارح يعوضو لا ناس جدد ولا حدا بديل ولا انك تروح وتقرا محادثتك معو مرات ومرات ولا انك تسمع صوتو او تشوف صورتو
كل هدول الشغلات مارح يعوضو مكانتو ولا ينسوك ياه
وهييييك بتبقا انت ع امل انو هالشخص يرجع وترجع البهجة لحياتك بس مو دايماً الناس الي منحبهن ببقوا معنا او ببادلونا نفس المشاعر والمحبة لهيك لازم نحنا نتجاوز كلشي ومانعطي الناس مكانة كبيرة بقلوبنا لانو صدقوني رح تندمو ع هالشي حتى لو كان الشخص كتيير منيح يمكن يأذينا بدون مايحس بهالشي😄🤷🏻‍♀
نصيحة
تعودو ع كلشي توقعو كلشي من ايا حدا وبلا مايكون عندكن ثقة عمياء بمين ماكان


#شبيهة_لقمر 🎵🍒

في شغلة اسمها ال Time Zone
كان كاتب عنها واحد ويمكن كانت من أكتر الشغلات إلي غيرت نظرتي للأحداث وللقدر والرضا
نحن تقريباً كلنا منمر بنفس فترات النجاح والسعادة وتحقيق الاماني بس بأختلاف ال Time Zone لكل واحد فينا

_واحد صار معو مشاكل واتأخر بدراستو ف اتأخر لحتى اتخرج بس فوراً بعدا لاقى شغل
وواحد تاني اتخرج بوقتا بس نطر 10 سنين لحتى اشتغل

_وحدة اتزوجت بال 37 وفوراً جابت ولد
ووحدة اتزوجت بال27 ونطرت 10سنين لأجاها ولد

حياة كل حدا فينا معتمدة ع مكانو بال Time Zone ..
رفقاتك إلي بنفس عمرك أو الناس الأصغر منك وإلي بتشوفن سابقينك بالدراسة و بالشغل وبالزواج وبالخلفة هنن بس بال Time Zone تبعن إلي أكيد رح يلف ويمر عليك بيوم من الأيام

بشكل تاني لنعتبر كل واحد إلو 100 نقطة بهالحياة ف رح ياخدن ياخدن ..
مع بعضن أو متفرقين ع أوقات مختلفة المهم إنو رح ياخدن
"وما يظلم ربك احدا"

عملت إلي عليك ! .. درست ! اشتغلت ! اخدت بالاسباب !! خلص بقا ما في داعي تسأل ليش!وإيمت!
الدور رح يلف ويجيلك؛الحكاية حكاية وقت وصبر
بجوز التأخير يكون بصالحك؛يمكن هلأ الوقت مو مناسب
المكان مو مناسب أنت نفسك مو جاهز ولا مهيئ لهالشغلة
بس أصرارك هو يلي عاميك عن أضرارها و سلبياتها
سلم أمرك ل الله ؛واصبر ورح تفهم الحكمة بعدين .🌼💙

#شبيهة_لقمر 🎵🙈

ما تحكي للناس عن شي حلو في حياتك ، ما تحكي للناس عن حب كبير في حياتك ، ما تحكي للناس عن نجاح و طموح بدك تصل الو ، لانه لو حكيت ما رح يكمل و عيون الناس ما بترحم و مش اي حدا بيحب الك الخير ، خبوا الأشياء الحلوة و ما تحكوا عنها 💛

#شبيهة_لقمر 🎵💚

شخصية مزآجية ، فاشل في الحب ، أحب العزلة بعيدا عن بني البشر ، قليل الحظ و قليل الكلآم هادئ كأن لا شأن لي بكل ما يفعله البشر ربما أحد منكم يعرفني من الخارج , لكن لا أحد أبدا يعرفني من الداخل اهلا بكم في عالمي لكم كل الحب

#شبيهة_لقمر 🎵🍒

في ناس في حياتنا موفرين علينا شرح بالساعات ، موفرين كلام كتير ، وحجج كتيرة ، لمجرد انهم حافظين تفاصيلك ، تفكيرك ، حياتك ومواقفك، أقرب الناس الك، دايما بتلاقيهم فاهمين ، لا مضطر تشرح ولا تفسر ،بيكونوا مركزين في كل اشي بخصك
والتركيز أصله اهتمام، والاهتمام أصله حب♥️

#شبيهة_لقمر 🎵🙈

تجاهل شعورك..
هو الشي الوحيد يلي رح يبعدك عن أي شخص مين ما كان يكون.. هو الشي الوحيد يلي رح ينشف دموعك.. تجاهل محاولاتك.. عدم تقديرك.. المحو الكلي لكل حسناتك بغلط واحد..
تجاهل شعورك..
و تجاهلك كشخص.. ليك أنا حدا غنية حزينة وحدة بالوقت المناسب.. بالوقت يلي أنا فيه تعبانة.. ممكن تخرب مزاجي كل اليوم.. فكيف اذا كانت كلمة غلط بوقت أنا فيه مزعوجة!
ليك بتأثر بالموسيقا كتير.. جداً حساسة للموسيقا و للروايح.. ما بعرف ليش..
بتفرحني الروايح الحلوة.. بتجلطني الروايح البشعة..
اما الموسيقا فحكاية تانية..
انا هلأ زعلانة منك.. و مشغلة أحزن غنية ممكن اسمعا.. و حاسة اني ممكن استغني عن حالي و عن العالم و عن كلشي.. بلحظة تهور.. و اني مو بحاجة لشي غير اني اترك من ايدي رباطة هالجأش يلي متمسكة فيا و اعترف أخيراً انو مافي أمل (برغم اني بقولا كتير خاب املي و مافي امل) بس بقرارة نفسي أنا مدركة انو في أمل.. و كلشي حيكون منيح.. هاد الخيار الصعب.. بس الخيار السهل هو الانهيار.. انك تترك الامور تطلع من ايدك.. تبطل متمسك بالتفاصيل يلي بتحبا.. التفاصيل يلي بتحتاجا.. تبطل متمسك زيادة بالضحك.. بالفرح.. بالتفاؤل..
انك تترك كلشي و تغيب.. أسهل من انك تبقى عم تقاتل..
بس ياترى.. هل بدك السهل.. أم الصعب؟
#شبيهة_لقمر 🎵💚

و المساحة البقيانة بحياتك للعلاقاتك هيي المفروض تبقى بس ل اللي ضلّ حدّك
ل اللي قرر إنّو يبقى مع إنّو ساعات كتير الإبتعاد كان أسهل !
ل اللي بقي معك فضل وأنت ب أصعب لحظاتك

اللي مشي هوي اللي اختار
وبعمرها ما كانت مشكلة لإن مافي حدا بموت من غير حدا ، مافي حدا حياتو بتوقف !
منزعل شوي ، منتعب شوي وبتنتهي
حقيقةً بتنتهي

بس اللي مشي ؛ مشي خلص ما بقا الو مكان
واللي ضل مو بس بيبقى ب حياتنا ؛ هاد باقي ب القلب طول ما ب القلب نبض 💙

#شبيهة_لقمر 🎵💙

بتتمنى يكون معك بكل لحظة
يشاركك كتير تفاصيل بنهارك .
تحكيله قصصك و مواقفك و كلشي بدّك ياه
بزحمة نهارك بتشتقله، بيخطر على بالك فجأة
بتحسّ إنك بحاجته هو و بس .
و بثواني بتكون قادر تصير لحالك لتحكّيه
لتاخد روح منّه و يعطيك طاقة إيجابيّة .
يمكن هالمشاعر مافينا نوزّعها على أكتر من حدا
شخص واحد بس ، بيغنيك عن كتار ⁦🖤!

#شبيهة_لقمر 🎵🍒

مو كلشي بيخطر على بالي بحكيه
و مو كل شعور بحسّ فيه بشرحه
في إشيا بحبّ تبقى خصوصية بيني و بين حالي
بخاف أحكيها و عبّر عنها، و تفقد قيمتها
بخاف الكلام مايعطيه حقّه
لهالسّبب بحب يبقى سرّ جوّا قلبي حافظ عليه إلي
يضل محافظ عالشي الحلو يلّي بيعطيني ياه لمّا فكّر فيه 🖤!


#شبيهة_لقمر 🎵🙈

لا تفقديني بين السطور أو حتى عبارة عند الغروب او حتى نظرة حنين كانت بين الأعين والقلوب
تذكري ملامح وجهي ولا تفقدي الشعور تجاهي ،تذكري قسوتي وحتى غضبي واحمراري اقرأي كلامي كحكاية أو رواية لا تغفلي عني حتى في احلامي ايقظيني ، 💚🌿
😔

#شبيهة_لقمر 🎵❤️

بذكُر وقتْ كانوا عيوني بعيونو يلتَقوا..
غير اللّهفة و الحب ، و الدّني اللي بثواني بتصغر و بشوفا بعيونو ..🖤
كنت حس بالخوف ، الخوف من خسارة هالإحساس إلو .. ما كانْ بدّي شي بهالدّني يحرمني هالنظرة و دقات قلبي بوقتا .. بَعدا النظرات محفورة ما بتنمحى 💙🌿

#شبيهة_لقمر 🎵🍒

حبي حالك💚
بعمرك ماتحكي عن حالك بالسوء قدام حدا ...
ماتحكي عيوبك وتتذمّري من صفاتك قدامن .
تصالحي مع ذاتك💙
أنت يلي بتحددي الطريقة يلي الناس بيعاملوك فيها ..
لمّا تعرفي قيمتك وتغلّي من نفسك بتصيري غالية عند الكل وماحدا بيسترجي يرخّص فيك أو يستهتر بوجودك .
لا تذلي حالك لحدا ولا تسمحي لحدا يمسكك من الإيد يلي بتوجعك... لاتمشي ورا شوية عواطف ومشاعر وترخّص قلبك .🖤
أنت يلي بتفرضي ع الكل احترامك ... بترسميلن الحدود يلي ممنوع يتخطّوها.🖤
بتحددي الكلام يلي مسموح ينقال إلك والكلام يلي ما بليق فيك 💚 .
المعاملة يلي بتناسبك و المكانة يلي بتلبق لقلبك .
أنت يلي مابتسمحي لحدا مين ماكان يحكي كلام جارح بحقك ، أو يحطّك ع الرف ويهملك ، مابتسمحي لحدا يحسّسك بالنقص🖤
بتفرضي ذاتك على الكل ... بتقولي لا للجرح ، بتحطي حد لـ يلي بيغلط بحقك ، وبتنسحبي من المكان يلي مابتكوني فيه أنت رقم واحد.
لا تسمحي لحدا يقلل من شأنك أو يتهاون بقيمتك❤
تذكري دائماً إنّك بتستاهلي الأفضل ولا تقبلي تبقي بمكان مانو مناسب لروحك حتى لو هالمكان بتحبيه كتير ...
كرامتك فوق الكل ونفسك قبل كل شي.🖤


#شبيهة_لقمر 🎵🙈

كوني ناجحة ٱغلب نساء مجتمعنا منشغلات بالعين و الحسد ٱكثر من ٱنشغالهم بعمل شيء يستحق ٱن يحسدوا عليه تذكري عزيزتي ٱن الخطبة .. الزواج .. والإنجاب هي من الإمور الروتينية الطبيعية التي لا تعتبر ٱنجازات مذهلة تستحق منكِ ٱشعال البخور
و قراءة المعوذات كلما خرجتِ من المنزل
ٱنها ٱمور تحدث للملايين كل يوم .. لستِ الوحيدة .. تعلمي .. طوري ذاتكِ بعيداً عن الرجعية كوني جديرة بأن يصفق لكِ الجميع وكوني ٱمرأة يسعون ليكونوا مثلها وٱعملي ما يستحق ٱن تحسدي عليه
ضعي بصمتكِ في هذا المجتمع

#شبيهة_لقمر 🎵🙈

‏قرأتُ نصًا جميلاً يقول: أن هناك صديقان كانا قد تباعدا فكتب أحدهما للآخر رسالةً قال فيها: "عافانا الله وإياك، كُن على يقين أنيّ بكَ ضنين، وعلى التمسك فيما بيني وبينك حريص، أريدك ما أردتني، فإني ماتبدّلت". 💛

#شبيهة_لقمر 🎵🙈

لما بنحب حدا من ورا الشاشة بتصير صفحة المحادثة هي بمثابة البيت
بصير بيتنا نحنا والإنسان اللي بنحبو
بصير عالمنا التاني و المكان اللي بنهرب منو من بشاعة العالم لنلاقي فيه الأمان والسلام السمايلات هي عبارة عن تعبيرات وجوهنا رضيانين .. زعلانين .. تعبانين ..معصبين خجلانين .. مشتاقين ..الخ هاد البيت الصغير اللي حدودو شاشة موبايل بإيدينا بنخليه بيت الدفا والحنان بيت الرومنسية والزعل بيت الفرح والحزن بيت العصبية والرضا والأهم يكون بيت سرنا اللي بالرغم من كل شي بصير جوا هاد البيت ماحدا يخبر فيه يمكن أحيان بنضحك ع حالنا وبنقول معقول نحنا مجانين لهي الدرجة ؟؟؟ عم نعطي مشاعر وناخد مشاعر نحب ونكره نلتقي ونفترق من ورا هي الشاشة .. بس بعدين عم نكتشف بإنو من ورا هي الشاشة عم نلتقي أحياناً بـ نصنا التاني اللي عم ندور عليه بالحياة الواقعية وماعم نلاقيه وسبحان الله رب العالمين بيجمعنا فيه على الرغم من إنو كل حدا فينا ساكن بالنص التاني من الكرة الأرضية وفي فرق مسافة شاسع بينا عم تبعدنا الطرق صح بس عم تجمعنا المحبة والتفاهم وطريق التفكير من ورا الشاشات وبالرغم منها يمكن يقدر رب العالمين ونجتمع فيهن ونكون سوا بالواقع بعيداً عن المواقع وهالشاشة لو نطقت رح تحكي قصص كتير عن حب كبير فرقتهن المسافة والظروف أو حب كبير انتهى بمحبس وولد أو عن حب كبير انتهى بسوء ظن وتفاهم أو عن حب مااكتمل بسبب الخيانة أو أو أو .. وبالنهاية الحب من ورا هالشاشة عم يبدأ بالفضول وينتهي بالمجهول ..💛🥀


#شبيهة_لقمر 🎵🙈

صح ما في نهاية رح بتصير متل مو متخيّلينا بحذافيرا . . !
بس نحنا منتمنّى تكون هالنهاية خير لقلوبنا التعبانة من كلّ شي ؛

رغم كل حدآ راح من دائرة اهتماماتنا ؛ وكل موقف زرع جوّانا غصّة وردّة فعل عكسيّة . . !

بس مع هيك نحنا منتمنّى نلاقي شي بسيط وهادي ناطرنا بنهاية هالمشوار . .

شي يناسب سنين التعب يلّي حاملينا بالرّوح قبل الذاكرة ؛ سنين بتخلّينا ننطر الحب والسلام بكلّ لهفتنا . .

شي يجي بعد هالوقت ويستقرّ ب قلوبنا ؛ لينسّينا همّ العمر ؛ ينسّينا كل شي بشع . . 🌸💙

#شبيهة_لقمر
⚜ 💚🍃

ببساطة!!
الحياة عم نعيشا لمرة وحدة لهيك؛
لا تحط كل ثقتك بشخص واحد ولا تخلي الناس تخسر ثقتن فيك ..
أهلك شو ما كانوا هني أهم شي بهالحياة ..لا تعتبر وجود شخص بحياتك هوي الحياة واذا اختفى انت بتنتهي ..اسند حالك بحالك ..تعلم انو شو ما صار معك لازم تكمل طريقك لتحقق أحلامك ..أعط لكل شي بحياتك فرصتين ..لا تخلي حدا يكسرك ويخليلك تضعف ..
تصالح مع قلبك بس امشي ورا عقلك ..اختار الأشخاص الصح بحياتك ..اللي أحلامك بتهمو أكتر من أحلامو ..اللي بيتمنالك كل الخير ..اللي اذا زعلت لقيتو أول واحد حدك ..
وأخيراً تذكر انو الضربة اللي ما بقتلتك بتقويك💙!
#صباحكن_حب_وسعادة




#شبيهة_لقمر 🎵🖤

_ يعتقد البعض أن الحزن يختفي رويداً رويداً مع الوقت حتى يختفي تماماً ، الذين يؤمنون بهذه العبارات ما هم إلا مخادعين حاولوا التأقلم على الحزن لا أكثر ..
الحزن لا يختفي ، آثار الحزن لا يداويها حب جديد ، لا يداويها أي شيء ، الحقيقة أننا نكبر فننضج فنتعلم كيف نخفي أحزاننا ، كيف نتمالك أمام المواقف الصعبة ، نتعلم كيف نواصل الحياة و جزء منا مفقود ، جزء منا لا وجود له ..
النضوج وحده يعلمنا كيف نخفي هشاشة قلوبنا ، كيف نظهر أقوياء حتى في أشد اللحظات التي ينبغي علينا السقوط و الإعتراف بالهزيمة ، النضوج يعلمنا كيف نخفي احتياجنا و هشاشتنا حتى و نحن في أشد احتياجنا لمن يخبرنا أن كل شيء سيكون على ما يرام ، كيف نسمع عن أوجاع الآخرين ولا ندع فرصةً لأحد ليسمع أوجاعنا رغم احتياجنا لشخصٍ ولو مُختل يسمعنا و يسخر من كلماتنا ..
إنها لمهارة أن نُطمئن الناس و نحن نرتجف ، نشد بأزرهم و نحن نسقط في الوحل ..
النضوج وحده يعلمنا التعامل مع الحزن ، نحن نعتاد عليه حتى لحظة نسقط من جديد في أعماقه ، نسقط كما لو أن أسباب الحزن حدثت منذ ثوانٍ ، نسقط لأننا لم نتعافى منه بشكلٍ جيد ، بل لأننا لم نتعافى منه من الأساس 🖤 !


#شبيهة_لقمر 🎵🍒

الإلتفاتُ إلى الوراء، المعارك الجانبية، التفكير في ما قدْ يقال في ظهرك، الحنينُ الى ما مضى، إعطاءُ الاشياء أكبر من قيمتها.. كُلها تُعرقل خُطاك.. تؤثر في سرعةِ سيرك، تستنزفُ قلبك وروحك.. وتستهلك جُهدك وعمرك..!
لا تلتفتْ لأنّك في المقدمة..
لاتلتفتْ لأنّ أمامك أهداف عُظمى لا يسعُها الإنتظار..💛

#شبيهة_لقمر 🎵🖤

تذكّر دايما أنّو الشخص اللي حبيتو وتعلّقت
فيه ما كان مختلف عن غيرو ؛
بس شعورك هوي اللي كان استثنائي ، الأشخاص اللي حبيناهن قابلين للتكرار ؛ كلّن من دون أي استثناء ؛
الشي الوحيد اللي ما ممكن يتكرر بنفس الدهشة هوي شعورك ..
شعورك بالحب مو بسبب شخصياتن ؛ بس شعورك وحدو هوي اللي بيصنعن جواتك بشكل مثالي ليخليهن بالنسبة إلك ضد التكرار ! 💙
-

#شبيهة_لقمر 🎵❤️